|
|
 Re: الاخ بكري هل نطمع ان ينضم الى المنبر الاستاذ محمد حامد تبيدي (Re: الصادق اسماعيل)
|
هذا البوست انتهى
لان بكري ما حيدي تبدي باسورد
كما هو واضح...
وذي ما قلت ليكم
لمصلحة الحقيقة والعدالة
كان يجب ان يعطي باسورد..
وشكرا على كل من كتب هنا
مؤيدا او رافضا..
وشكرا للسع برضو بيفتكرو لو اتكلمو عن شهاداتي بيهدو
مقدراتي..او يضعفو حججي او يكممو فمي (ودي محيراني جدا الكتابة في البورد دخلها شنو بالشهادات..)
واود ان اخصص انسان راقي جدا
هو الاستاذ السنوسي
قد كان رده مثاليا,,
والى تمرين آخر لقبول الاخر..
رمضان كريم
مع طلب التأمين على
دعاء اللهم احفظ بلادنا من الفتن ما ظهر منها وما بطن...وولي من يصلح..وينشر العدل
والامان..
آمييييييييييييييين
واستتغفر الله لكم ولي..
| |
 
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: الصادق اسماعيل)
|
مخطئ من كان يظن ان تبيدي لايوجد بالمنبر العام بيننا يتحسس انفاسنا ويلتقط كلامنا ويشلركنا فيه!!
مخطئ من كان يظن ان خفافيش الليل تخرج في ضوء النهار بعباراتها وحروفها لتسمم أفكارنا ،
الدعوة لانضمام تبيدي خدعة كبري كانقلاب الانقاذ في ليلة الجمعة عندما نامت عيون المخابرات/
هذه الحملة اعزائي الهدف منها صرف النظر عن حديث عبدالمنعم سليمان وهو يحاول ان يكشف تبيدي متلبسا في ثياب انثي بطرقات المنبر العام
لا أملك الدليل المادي علي مأأقول ولكن استنبط من اخفاء تبيدي لنفسه في كتابته لصحيفة الوطن ما يجعلني اذهب لهذا الاتجاه...
تبيدي لايحتاج الي (باسويرد) ليدخل معنا، فهو بالتعليمات يمتلكها ، وابحثوا عن غضب الهندي عزالدين اليوم في عموده الصحفي ، وستعلمون الاجابة!!!
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: shammashi)
|
شوف يا شماشي نجي لحنة موضوع الجامعة وشنو
قصة الدكتوراه حقتي دي بقت مملة شديد
انساها خالص ما عندي دكتوراه خالص ولا شهادة سودانية ذاتو..
دي حتغير مني شنو..
هل طلبت العمل في البورد بشهادة الدكتوراه؟
"..
بعدين نديك معلومة لو كنت عايزة احضر في اي جامعة
في السودان لفعلت.. مجتازة كل الشروط.
واخترت الجامعة دي
ولو عايزة احضر هنا في اي جامعة
برضو كان ممكن..
يعني كل شهاداتي موثقة ومثبتة ما مشيت الجنوب ولا اضربت بطلقة.ز
بعدين انت زول اكاديمي موش؟
خليك موضوعي
..
دا آخر كلام معاك لي..
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: bayan)
|
Quote: أنا زول باشتغل في المجال الأكاديمي وعارف كيف تقوم الجامعات وكيف تتطور لمرحلة منح درجات عليا.
فمتى أنشأت جامعة القرآن الكريم. وماهي الميزانية المخصصة للبحث العلمي والدراسات العليا فيها. وهل تم تقييمها كمؤسسة علمية ومن قبل مقيمين خارجيين يتسمون باالنزاهة العلمية؟؟؟ |
الاخ شماسي
انا عملت في المجال الأكاديمي والقطاع الخاص وتنقلت ما بين افريقيا واروبا واسيا. والان أعمل مرة اخرى في المجال الأكاديمي. قصة البحث العلمي والميزيانيات المخصصة للبحث العلمي والدراسات العليا هذه قصص شائكة وطويلة ,خاصة حينما نتحدث عن افريقيا والدول العربية من جهة والدول الغربية وبعض من الدول الأسوية من جهة أخرى. هنالك شيئ مهم هوالمجالات النظرية كلأداب والأقتصاد في الغالب لا تحتاج الي الدعم المالي الكبير في البحث العلمي كما تحتاجهاالمجالات التطبيقية كالهندسة والطب التي قد تحتاج الي اجهزة غالية مكلفة لأبعد الحدود. من قبل كنت في جامعة البورغ الدنماركية لفترة ثلاثة سنوات, في هذه الجامعة, الطالب لكي يمنح منحة للدكتوارة لابد من توفير مبلغ يعادل ما يقارب المائتين الف دولار امريكي وهذه هي تكلفة المنحة والبحث العلمي لمدة ثلاثة سنوات. وهذا المبلغ قد يبدو خرافي في دول كثيرة لطالب دكتوراة لكن هو امر واقع
بالنسبة للجامعات في أفريقيا والدول العربية بصورة عامة فهي تفتقر الي البحث العلمي والدعم المالي بالصورة المطلوبة وحكوماتنا تفتقر الي مفهوم البحث العلمي ,ورغما عن هذا القصور الكبير لا يمكن لنا ان نقلل من شأن كل الدرجات العلمية الممنوحة من هذه الجامعات ومن ناحية ثانية لا يمكن لنا ان نعتبر كل شهادة ممنوحة من الدول الغربية لها قيمتها. هنالك جامعات كثيرة في الدول الغربية تخرج اعداد كبيرة من حملة الدكتوراة الغير مؤهلين
عزيزي شماسي
من قبل كنت في زيارة الي بروفيسور يشتغل في جامعة سويدية بمدينة قوتنبورق السويدية, هذا البروفيسور ذكر لي بأنه حينما يرغب في أختيار طلاب دكتوراة, اصبح غير مقتنع شخصيا بالجهة التي تمنح الشهادة ولا نسبة الشهادة لانه على حسب قوله فوجئ بأشخاص كتار يحملون شهادة بدرجات عالية لكن في الأرض الواقع غير مؤهلين, ذكر لي بأن تركيزه في التقييم يرتكز على المقالات التي ينشرها المتقدم في المجلات العلمية ونتيجة المعاينة التي يعتبرها المحك الأساسي في أختيار الطلاب
انا شخصيا اؤيد هذا البروفيسور, فليس مهم عندي البتة من أين تخرج هذا الشخص وما هي الدرجة العلمية التي يحملها,فأهم شيئ عندي هو مستوى معرفة الشخص ومدى أهتمامه بالعلم في مجال تخصصه ومشاركاته ومساهماته العلمية
ما هو فائدة الشخص اذا حمل درجة دكتوراة من ارقى جامعة في العالم وليست لديه اي مساهمات في المجال العلمي والمعرفي؟ بل ظل يمدح نفسه باني تخرجت من الجامعة الفلانية واحمل الدرجة الفلانية , وهلمجرا
واذا نظرت أنت شخصيا الي الجامعات من ناحية البحث العلمي فهل يمكن لك ان تذكر لي جامعة واحدة في السودان تتوفر فيها مفهوم البحث العلمي؟ ويمكن ان نمتد اكثر من ذلك الي أفريقيا عدى جنوب افريقيا والوطن العربي, هل يمكن ان تذكر لي جامعة واحدة توفر المناخ الملائم للبحث العلمي يمكن ان نقارنها بلدول الغربية؟
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: aosman)
|
يا بيان
| Quote: ولكن على ان تثبت ادانته في محاكمة عادلة] |
ورينا درب المحاكمة العادلة دي وين وتكوني مشكورة.
Quote: الى الان اقولها واكررها الى ان اموت
يجب عدم حشر الشعب بين ساسة وحكومة عنيفة وقاتلة..
الان في السجون مازال هناك عدد من من المتظاهرين
لا يستطيعون دفع الضمان
] |
طيب جيبي لينا حاجة إن شاء الله حطب عشان نحشرا بين الشعب والحكومة "العنيفة وقاتلة" دي
ناس طلعت من تلقاء نفسها عشان تعبر عن سخطها وضيقها بالحاصل. حتى دا عايزة تحرميهم منو؟
هل حزب الأمة وبقية التنظيمات الدعت للمسيرة جات جرت ليها زول من يدو وقالت ليهو تعال شارك.
Quote: الان في السجون مازال هناك عدد من من المتظاهرين
لا يستطيعون دفع الضمان] |
ليه اساسا يكونوا في ناس في الاعتقال؟؟؟
ولماذا يدفعون الضمان؟؟؟؟
Quote: سيختلف الناس
عما اذا كان
مات برصاص الغدر ام ببنبان
ام انه شقاه عرقي
] |
Quote: انا ما قلت كدا ويستحيل اقول كدا..الا اكون مجنونة
انا قلت بعد عشرة سنوات يجو الناس يختلفو عن هل مات بمبان او شقاه عرقي
] |
طيب أها بعد عشرة ساعات الناس عرفوا إنو الزول دا مات بالبمبان
رقبتو معلقة في منو؟؟؟
Quote: اما بخصوص ولدنا عمر النجيب بالمناسبة هو في الحسبة ابن اختي
لم يثبت ان جهاز الامن عذبه وقد ادنت وسجلت صوت
ادانة ولن نتهاون في ادانة اي شخص يثبت عليه
] |
يعني العذبو منو يا بيان
يكون عذبوهو الشيوعيين ودرعوها في ناس الحكومة
شفتي زي كلامك دا ياهو البجييب الضغط ويهيج المصران.
| Quote: ولن نتهاون في ادانة اي شخص يثبت عليه] |
وتتمي جميلك بإنك ما تدافعي عن الظلم البين وتبقي ملك أكتر من الملك ذاتو.
Quote: شوف يا شماشي نجي لحنة موضوع الجامعة وشنو
قصة الدكتوراه حقتي دي بقت مملة شديد
انساها خالص ما عندي دكتوراه خالص ولا شهادة سودانية ذاتو..
دي حتغير مني شنو..
هل طلبت العمل في البورد بشهادة الدكتوراه؟
"..
بعدين نديك معلومة لو كنت عايزة احضر في اي جامعة
في السودان لفعلت.. مجتازة كل الشروط.
واخترت الجامعة دي
ولو عايزة احضر هنا في اي جامعة
برضو كان ممكن..
يعني كل شهاداتي موثقة ومثبتة ما مشيت الجنوب ولا اضربت بطلقة.ز
بعدين انت زول اكاديمي موش؟
خليك موضوعي
..
دا آخر كلام معاك لي..
] |
شوفي يا بيان أنا درجتك العلمية لا تهمني في شيء وما ممكن أبخس ليك جهدك الذي قد تكوني بذلتيهو لكن لمن ذكرت الموضوع دا كان القصد منو إنو زول عندو درجة علمية زي دي ما ممكن يدافع عن باطل بين وكل خطوط دفاهه منهارة وهو ذاتو ما مقتنع بدفوعاتو ما لم يكن حاصل على شيء مقابل هذا الدفاع المستميت. يعني زي زولنا الانضرب في الجنوب.
والقصد التاني عشان أوريك إنو ناسك ديل حتى التعليم الذي كنا نفاخر به بين شعوب المنطقة دمروهو وانتهوا منو. يعي جامعة يدخلا زول ما مكمل ابتدائي دي تجي كيف. وخاصة ان اسم الجامعة يحتم أن يكون على رأسها من هو أمين ولا يخشى في الحق لومة لائم. فكيف زول ما كمل الابتدائي يجي توووووووش يخش جامعة
دي جامعة دي وللا سوق أم دفسو؟؟؟
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: shammashi)
|
الأخ Osman
اتفق معاك في معظم ما قلته وخاصة الجزئية بتاعة
Quote: ما هو فائدة الشخص اذا حمل درجة دكتوراة من ارقى جامعة في العالم وليست لديه اي مساهمات في المجال العلمي والمعرفي؟ بل ظل يمدح نفسه باني تخرجت من الجامعة الفلانية واحمل الدرجة الفلانية , وهلمجرا
] |
لكن كمان أنا ما ممكن أقرأ في جامعة ولا أخلي ولدي يقرأ في جامعة بتعطي الشهادات بالولاء الحزبي.
يعني تكون عندك حنجرة ماكنة للتهليل ةالتكبير ودقنك للصرة وبتلحس اي حاجة وتبيع سكر التعاونيات طوالي تخش الجامعة دي حتى بدون ما يكون عندك شهادة الابتدائي. بس يكون ولاءك للطيش.
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: bayan)
|
Sussex Univeristy
Applicants aged over 21: mature students
If you will be aged over 21 on 1 October 2006, you will be regarded as a ‘mature student’ and will not necessarily be expected to fulfil the general entrance requirement. In certain circumstances we accept mature students without any formal qualifications at all, though clearly you must demonstrate your capacity for degree-level work before we offer you a place and we strongly advise students to consider undertaking some form of academic qualification before they apply. Undertaking study prior to admission will not only strengthen any application you make, but will also help you in preparing for the move into higher education.
If you want to take a degree that requires previous knowledge of particular subjects (see each entry for details), then you will have to satisfy those requirements by offering GCSE, O level, AS or A level or their equivalents as appropriate.
Further information about being a mature student at Sussex can be found in the Mature students at Sussex section, but if you would like to discuss any matters of concern, such as your preparedness for a degree programme, combining study with family life, fees, and so on, please contact the Undergraduate Office (Admissions). The University is also holding open days for would-be students on Saturday 18 June and Saturday 15 October 2005, at which there will be special talks for mature applicants.
The University runs regular drop in sessions for mature students. To book a place on one of these please visit our Schools and Colleges Liaison Service ‘Booking your visit’ web page, or call +44 (0)1273 678417.
There are many ways in which you can prepare for study at degree level and the earlier section on Other UK qualifications lists some recognised qualifications. For example, you could take one or two AS or A level subjects before entry, to practise critical and analytical reading, writing and debate. Alternatively, you might feel that an Access Course or a part-time course from our own Centre for Continuing Education would suit your needs better (see below).
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: aosman)
|
الأخ عثمان
Quote: ولذلك لا أري هنالك اي داعي ان يعاب على شخص بأنه تخرج من جامعة تمنح مثل هذه البرامج, يجب التركيز على الشخص نفسه ومعرفته بتخصصه,
|
هذه النقطة لست مؤهلا للرد عليها لاني ما متخصص في النقد فأتركها لأهل الاختصاص.
أما برنامج الناضجين أم الدراسة بالانتساب فليس لدي اعتراض عليها. لكن كمان جامعة تقبل زول ما عندو ابتدائي عشان يتخرج ببكالوريوس فوالله دي ما بتتبلع لي بي جك بتاع موية. وسأظل متشككا في أنها جامعة بالمعنى المفهوم للجامعات.
وزل ما يعمل بحوث علمية رصينة بعد حصوله على الدرجة العلمية وتكون منشورة في درويات علمية محكمة من ذوي الاختصاص ما ممكن أديهو لقب بروف.
يا عثمان
شوف عدد البروفسيرات اللي في السودان اليوم عددهم كم وتوجهاتهم السياسية شنو؟؟؟ شنو تعرف قصدي.
سمعت بنكتة الشيخ مصطفي الأمين لمن جاهو حفيدو يبكي . فسالو قال ليهو مالك بتبكي قال ليهو الطلبة ضحكوا فوقي عشان جيت الطيش.
قام الجد قال ليهو علي الطلاق أسوي ليك مدرسة تقرأ فيها براك عشان تجي الأول.
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: bayan)
|
Quote: زول بقول كلام زي دا وبعمل الحاجات دي يجو يقولوا ليهو انت ماماشي الصلاه
يقوم يطلع .
الا تدري يااخي ان الصلاه تنهي عن الفحشاء والمنكر.
|
الأخ أبو الزير ... أنا مثلك مندهش كيف أن الصلاة لم تنه حاج نور إمام مسجد الجامعة عن .....
" وددتُ لو كان حياً لأحكى عن .... ، نسأل الله أن يتجاوز عن سيئاته ".
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: Deng)
|
Quote: لماذا تدافع الدكتورة بيان على الامنجية وتخلق لهم مبرارات؟
لقد أنكشفتي أيها الظلامية. وأنكشفت أرنبياتك. |
شوف يا الساشيه جنوبي والمكنة جنا عرب عواليق..
عشان تلاتة حاجات
يرقوني ويعملوني لواء ذي صديقي جمعة..
اوعشان يمسكوني الاقليم الشمالي ابيع الدواء حقو والسكر في الخرطوم
واشتري بيت في حي راقي..عشان اولادي يتعلمو في "بلادي برة
باضورار"..ويغيروا من جامعة لجامعة ومن تخصص لتخصص ليوم الدين
ولو دا كلو ما حصل يدوني عامود اكتب فيه في صحف الانقاذ..
موش الاخيرة دي تبريراتك المتواضعة لي...
دينق كول ات ا دي واخطاني..
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: bayan)
|
Quote: زول بقول كلام زي دا وبعمل الحاجات دي يجو يقولوا ليهو انت ماماشي الصلاه
يقوم يطلع .
الا تدري يااخي ان الصلاه تنهي عن الفحشاء والمنكر |
بالجد بعرف واحد من المبتلين ، كان كديانة كبير
وفي نفس الوقت كان شيخ وملتحي وبيقيف إمام في الصلاة
وكمان نال الشهادة
وبعرف واحدين قتلوا 28 ضابط في رمضان
وأهالوا التراب عليهم وبعضهم كانت الروح لم تفارق جسده الطاهر بعد
ثم توضأوا وصلوا
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: أبو ساندرا)
|
الاستاذ ابو ساندرا اعجبتنى كثيرا صراحتك وشجاعتك ولغه" شفوت الديم" التى تستخدمها احيانا فتضفى نكهه جميله على مداخلتك المهم الشخص الذى ذكرت انه كان"..." ويؤم المصلين اثناء دراستنا بالجامعه والسكن بالبركس لسوء حظه ركب معه بسيارته autostop" طالب جبهه ديمقراطيه حباه الله ببنيه جيده وعند الوصول الى نفق برى اراد الطالب النزول والذهاب للداخليه فقال له هذا الشخص بدل تمشى الداخليات " يلاك نتسامر "!!!! فنهره الطالب فصارت تلك الجمله حديث شلتنا بالبركس لاكثر من 3 سنوات ودار حولها الكثير من المرح..
عوده الى تبيدى مره اخرى بعيدا عن شقيقى صلاح حريه الراى والتعبير التى اتاحها الاخ بكرى للسودانين امرا راقى لا يستحقه الا انسان راقى وشفاف ويحترم الاخرين ومعلوم للجميع كل الحكومات السودانيه منذ الاستقلال تحتكر الاعلام و لاتسمح للراى الاخر عليه ان اراد تبيدى التعبير عن ارائه فامامه تلفزيون الحكومه وصحف احمد البلال الطيب وتيتاوى وحسين خوجلى والاذاعه السودانيه.
عوده مره اخرى لرجل الذى تحدث عنه ابوساندرا اعلم جيدا حسب دينى الحميد ان النبى صلى الله عليه و وسلم نهانا عن الحديث عن الموتى لكن ماذ فعل الله بقرى سدوم وقوم لوط هل ترحم الله عليهم وفيهم امراءه لوط الى ضرب الله بها مثلا للذين كفروا عليه لا ارى غضاضه فى فضح من فضحه الله وابتلاه
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: نادر)
|
تحيه ومعذره للجميع بلغنى ان تبيدى ارسل رساله الكترونيه خاصه لصديق مشترك بينه وشقيقى صلاح الامين الذى ذكره بصوره غامضه فى اول هذا البوست فتصديت له بحده عموما فحوى رساله تبيدى لصديقهما وصلاح انه لا يضمر شر لصلاح وانه ذكره بصدق عليه اعتذر بشده لتبيدى عن تلك الحده التى واجهته بها على المستوى الشخصى اما على المستوى العام فلا ازال على قولى ان حريه الراى امرا لايستحقه من يحرم منه الاخرين وللجميع اعتذارى واكرر اعتذارى الشخصى لتبيدى.
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: نادر)
|
| Quote: بوست الخسارة للأمنجي (محمد حامد تبيدي) ... بيان جات تقدمو للمجتمع، وتلمعو عشان يحاور، لمعتو كما ينبغي أن يكون التلميع، في أكثر منتديات السودانيين الأسفيرية مقروئية ... وعاش نضال الشعب السوداني |
والله يا الطفل الخديج الليلة ضحكتني وذكرتني
نكتة المسطول والطيرة
الدخلت بالباب وطلعت بالشباك قاليها
اها يعني عملتي شنو؟؟..
انت بقيت مدمني شديد القصة دي عايزة ليها فكي كبير يطلعني من راسك
لازم تخش بوستاتي تقول اي حاجة ما مهم شنو..
الله يستر علي منك..
اها كلامك دا اسع عملت شنو؟
ذي ما وصيتك اوعى تشرب قهوة عند اي ناس تزورهم اكثر من تلاتة ساعات
لانه ممكن من بريتك الا طعم لا نغم
يسمموك بالصبغة..
يالله احمدك واشكرك كثيرا على ان هذا النادر
لايمت الي بصلة..غير هذا البورد..
والا كان الحسرة كتلتني..
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: bayan)
|
Quote: مخطئ من كان يظن ان تبيدي لايوجد بالمنبر العام بيننا يتحسس انفاسنا ويلتقط كلامنا ويشلركنا فيه!!
مخطئ من كان يظن ان خفافيش الليل تخرج في ضوء النهار بعباراتها وحروفها لتسمم أفكارنا ،
الدعوة لانضمام تبيدي خدعة كبري كانقلاب الانقاذ في ليلة الجمعة عندما نامت عيون المخابرات/
هذه الحملة اعزائي الهدف منها صرف النظر عن حديث عبدالمنعم سليمان وهو يحاول ان يكشف تبيدي متلبسا في ثياب انثي بطرقات المنبر العام |
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: bayan)
|
| Quote: اعتذارى واكرر اعتذارى الشخصى لتبيدى. |
الأخ / أحمد الأمين أحمد
أول حاجة حمدآ لله على سلامة رفيقنا دكتور صلاح الأمين
تاني هام ، أحيي شجاعتك على مجابهة الإعتذار
وأحييك على حرصك على الإنصاف
وأهم حاجة كونك بتفرز بين الشخصي والعام
كل مرة بنقول لخصومنا في العام أن ذواتكم محل إحترامنا
ولا نصبو إلى نحو مواقفكم وآرائكم وفعائلكم في التنكر على فضل الشعب على بنيه
يعني بالعربي كده ما شغلتنا بكدينة من فات ومن بقى بقدر ماعايزين نثبت
إنو ما أي صلاة بتنهي عن الفحشاء والمنكر
والكديانة والفاسد واللص والكضاب وسارق السلطة وقوت الشعب
والغدار والقاتل حتى رفاقه في التنظيم ديل كلهم صلاتهم حركات ساكت
مابتتحرك من أرض الله هذه قيد أنملة
لذلك لم تنههم عن الفحشاء والمنكر
نعرف الصلاة ، ونعرف صلاة القائمين وصلاة الأوابين
التي يؤديها البسطاء في بلادي فحفظوا بها البلاد قبل أن يصينوا أنفسهم
من الفحشاء والمنكر
بعدين العلامات وحك الجباه ماحاتخدعنا بأن سيمائهم على وجوههم
ديل سيمائهم على كروشهم المتدلية وراء وقدام من السحت وأكل اموال الناس
ومقدرات البلاد بالباطل
ديل معظمهم بيحكوا جباههم
وبيتحكوا
فليحفظنا الرب من شرورهم وموبقاتهم
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: فتحي الصديق)
|
سلام الاخ احمد والف حمدالله على سلامة صلاح....وسعدت بفهمك الراقي للاختلاف
ابو ساندرا.. نعرف مقولة الصلاة لا تنه عن الفحشاء والمنكر..
وقبولها من اختصاصات من صليت لاجله..
الاخ الشافعي
ليت لي معرفة بالس في الخاصة بتبيدي لبسطناها لكم..
فقط هذا البوست لتجربة فكرة الحرية لنا ولسوانا..
عشان الناس تعرف نقطة ان هذا الشعار مستحيل في السودان...
وشكرا لك..
العزيز فتحي
عامل كيف؟
يازول البورد دا فيها جنس هتاويل ومحن,,
خلها ساكت.. ليتك جلبت السياق حتى نفهمها..
ولكم جميعا مودتي
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: عصام دهب)
|
الاخوة الاعزاء
هذا بوست غريب
بدأ بطلب من الاخت بيان للاخ بكري بتزكية ضابط الامن تبيدي لمنحه العضوية في المنبر لسماع وجهة نظره حول القضايا العامة سواء كان رأيه الشخصي او رأي الجهة التي يمثلها.
وانبرى الناس بين مؤيد لانضمامه وبين معارض .. وكل دفع بحجته .. وهذا كله ليس محلا للغرابة ..
لكنني استغربت كثيرا للنتائج التي قد تستخلص من هذا البوست.
ففي تقديري الشخصي ان البوست شهد سقوطا مريعا في جانبين:
الاول : سقوط لغة الحوار والاخلاق السودانية وانحدارها الى مستوى لم يسبق له مثيل .. وسقط مع ذلك كثير من اصحاب الاسماء اللامعة في "البورد" ممن لم يتورعوا في استخدام عبارات لا تليق بمنبر يهدف اساسا للحوار .. ويقيني ان محاسبة منسوبي الامن على التجاوزات التي اقترفوها مكانها معلوم ووقتها كذلك .. والنضال ينبغي ان يوجه الى تحقيق التحول الديمقراطي الذي يتيح للمتضررين حقهم في العدالة.
الثاني : سقوط كثيرون في امتحان الحريات .. ولا اعتقد ان عقلية الاقصاء والفكر الشمولي التي كانت نهجا لمنسوبي الانقاذ واجهزته ،هي المثال الذي ينبغي ان نحتذى به عند التعامل مع اي مع اي طلب للعضوية في المنبر.
دمتم جميعا
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: احمد الامين احمد)
|
| Quote: لاحظ اللغه التى قلت انت انها سقطت فى هذا ابوست لم تسقط الا عند ذكر شخص ابتلاه الله بعمل قوم لوط ولك التحيه |
الأخ أحمد الأمين
شفت الناس دي لذيذة كيف؟؟؟ يدينوا لغة الحوار التي تصف سلوكاً مشينا تم ارتكابه بواسطة سوداني تجاه سوداني آخر (خليك من قصة إنو بيتمسح بتعاليم الإسلام) ولا يدينوا السلوك نفسو.
سيدنا لوط لمن جوا قومه عشان يمارسوا الفاحشة مع ضيوفو (وهم ملائكة أرسلهم الله سبحانه وتعالى له ليسلط عليهم غضبه) بعد أن أخبرتهم زوجته بهم. قال ليهم ياهم ديل بناتي سووا الدايرنو فيهم لكن لا تقربوا الفاحشة فأصروا وحاولوا المضي في غيهم لمن ربنا نزل عليهم غضبو وعذابو.
يعني سيدنا لوط حاول يفدي ضيوفو ببناتو عشان الفعل القبيح دا. وجماعة التوجه الحضاري يمارسونه كشيء طبيعي ويعترضون على إدانته.
يعني أنا عايز أدين زول شاذ جنسياً أدينو باي لغة؟؟؟
أقول لا يأتي النساء إنما ياتي الرجال ويدعوعم لياتونه.
وللا أقول صقر
وللا أقول عجلاتي
وللا أقول روحه طاهرة لكن جسده خبيث كمال قالها عرابهم.
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: shammashi)
|
الاخ شماسى تحيه طيبه واشكرك فقط ارجو تبيان امر سيدنا لوط حين عرض بناته فداءا لضيوفه المكرمين فالتفسيبر لهذه الايه فىاكثر من مصدر يقول ان سيدنا لوط عليه السلام عنى "ببناتى" جميع نساء سدوم غير المتزوجات وانه دعى قومه للزواج منهن وليس الزنا كما قد يتبادر لمن لم يطلع على تلك التفاسير ولاحظ مفرده" بناتى" فى صيغه الجمع ولسيدنا لوط " بنتين" هما اللتان خرجتا معه من العذاب ولك ولى وللجميع التحيه والاحترام.
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: احمد الامين احمد)
|
الأخ أحمد
ما اختلفنا .
لو كان يقصد بناتو الاتنين أو يقصد جميع نساء سدوم. المقصد من وراء ذكر القصة هو فظاعة هذا الفعل الذي يمارسه من يتمسحون بالاسلام ولا يشجبونه ويستنكرون شجبه من قبل أي طرف آخر.
ابتداءً من حاج نور
والقصص البتشيب الراس التي رويت عن ما كان يحدث في معسكرات من شاركوا في حرب الجنوب
وحادثة د. المشرف في "الملايات" الأمريكية المتحدة.
وما حدث لدكتور النجيب
وحادثة تبيدي
والكثير الكثير المثير الخطر.
وحاجات نانية حامياني
بعد كل العفن دا يجوا يقولوا ليك اللغة منحطة ويتركون الجرم الذي وصفته تلك اللغة.
تحياتي وشكرا على التوضيح بالرغم من اختلاف الروايات والتفاسير.
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: bayan)
|
Quote: شوف يا الساشيه جنوبي والمكنة جنا عرب عواليق..
عشان تلاتة حاجات
يرقوني ويعملوني لواء ذي صديقي جمعة..
اوعشان يمسكوني الاقليم الشمالي ابيع الدواء حقو والسكر في الخرطوم
واشتري بيت في حي راقي..عشان اولادي يتعلمو في "بلادي برة
باضورار"..ويغيروا من جامعة لجامعة ومن تخصص لتخصص ليوم الدين
ولو دا كلو ما حصل يدوني عامود اكتب فيه في صحف الانقاذ..
موش الاخيرة دي تبريراتك المتواضعة لي...
دينق كول ات ا دي واخطاني.. |
الظلامية الكذابة بيان.
أنتي ما دايرة تتوبي من نقل الاكاذيب حول الناس؟
لقد فعلتي ذلك معي من قبل وفضحتك أشد فضحة.
شايفك ناقلة ليك كلام مطاعنة فارغ, ابقي شجاعة وقولي العاوزة تقوليهوا,
وبعدين بجي أطلعك كذابة كلعادة. أحسن ليك تبطلي حركات ناس الامن دي .
ذي ما أنا قلت ليك من قبل, أحسن ترجعي السودان وتشوفي ليك فكي يكتب ليك محاية ولا يتف ليك فوق رأسك المليان هوس وجنون ده.
دينق.
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: Deng)
|
Quote: الاخوة الاعزاء
هذا بوست غريب
بدأ بطلب من الاخت بيان للاخ بكري بتزكية ضابط الامن تبيدي لمنحه العضوية في المنبر لسماع وجهة نظره حول القضايا العامة سواء كان رأيه الشخصي او رأي الجهة التي يمثلها.
وانبرى الناس بين مؤيد لانضمامه وبين معارض .. وكل دفع بحجته .. وهذا كله ليس محلا للغرابة ..
لكنني استغربت كثيرا للنتائج التي قد تستخلص من هذا البوست.
ففي تقديري الشخصي ان البوست شهد سقوطا مريعا في جانبين:
الاول : سقوط لغة الحوار والاخلاق السودانية وانحدارها الى مستوى لم يسبق له مثيل .. وسقط مع ذلك كثير من اصحاب الاسماء اللامعة في "البورد" ممن لم يتورعوا في استخدام عبارات لا تليق بمنبر يهدف اساسا للحوار .. ويقيني ان محاسبة منسوبي الامن على التجاوزات التي اقترفوها مكانها معلوم ووقتها كذلك .. والنضال ينبغي ان يوجه الى تحقيق التحول الديمقراطي الذي يتيح للمتضررين حقهم في العدالة.
الثاني : سقوط كثيرون في امتحان الحريات .. ولا اعتقد ان عقلية الاقصاء والفكر الشمولي التي كانت نهجا لمنسوبي الانقاذ واجهزته ،هي المثال الذي ينبغي ان نحتذى به عند التعامل مع اي مع اي طلب للعضوية في المنبر.
دمتم جميعا |
سلام يا استاذ البشاري..
تعرف وربما لا تعرف ان غالبية من اتي هنا لم يات لاجل تبيدي
بل لاجلي وتشويه ما قلت. اذ ان شتمي والاساءة
الى صارت نبطشية منظمةو راتبة من قبل عدد من الجهات هنا..
حديثك حديث جميل اسعدني جدا انك عرفت السبب
الذي لاجله كتب هذا البوست
وهو اختبار لقيم الديمقراطية .
وليعرف الناس ان هؤلاء هم وجه العملة الاخرى..
يقولون بيان تدافع عن الانقاذ ومستفيدة من الانقاذ
يردد هذا القدامي والجدد( لاحظ من يرحب بمقدمهم
ويقدمهم للقراء تعرف كمية غسيل المخ)
ودائما بيان تطالبهم بان ياتوا بحديث لها او من يعرفني منهم
ان يقول بنينا بيتنا او اعطونا اموال او
عينونا في وظائف.. لقد حاول البعض اشاعة
اننا في بعثة هنا..
حتى ياكدوا الاستفادة.. هل في حياتك سمعت
بابتعاث استاذ جامعي يحمل ماحستيرين ودكتوراه من امريكا للتحضير؟
كل هذه الكذبات البائسة. التى تنم على ذكاء يثير الرثاء. تروج بعد ذلك
بكلمات ولي نعمتكم النظام. دون تحديد لهذه النعمة. او مستفيدين دون تحديد
لهذه الاستفادة...
اذا كان رفض القوات الاممية يضعني في خانة
الكيزان فأنا اتشرف بذلك. واذا كان
الدفاع عن وطني يضعني مع الشيطان فأنا
اتشرف بذلك واذا كان دفاعي عن الحق
والعدل يضعني مع الشيطان فأنا اتشرف بذلك..
واذا كان دفاعي عن شعار الحرية لنا ولسوانا يضعني مع الشيطان فانا اتشرف بذلك
وسعيدة جدا لانك انت وخدر وقلة تفهموا معنى هذا البوست..
والبعض الذي رفضه باحترام ممارسا حقه في ابداء رايه
ايضا لهم الاحترام والتقدير. في النهاية هذا تمرين..
يسقط من يشاء وينجح من يشاء
ومن تابع الزفة واحضر كلام شهاداتي العجيبة و قال انني ادافع عن الانقاذ
دون ان يحضر معه دليل او كوت ادافع فيه عن الانقاذ لهم كامل رثائي وحزني
على نفوس لا ترقى الى مستوى حوار محترم وموضوعي
اما لغة الحوار المتدنية هي ديدن كل الحورات المبنية على الكراهية
المحضة للاخر..
وفي النهاية كل اناء بما فيه ينضح..
ولك ولاسرتك رمضان كريم وتصومو وتفطرو على خير..
| |
|
|
|
|
|
|
|
|
|
Re: الاخ بكري هل نطمع ان ينضم الى المنبر الاستاذ محمد حامد تبيدي (Re: عاصم ابوبكر حامد)
|
الاخت الكريمة بيان
السلام عليك ، ورمضان كريم
تبيدي لايحتاج لان يكتب لانه يملك التعليمات في ان يوقف كل الصحف من الصدور بكلمة واحدة يستطيع ان يفعل ذلك ، كما انه لايحتاج الي ان يدافع عن نفسه، لان من يملك القوة والسلطان في بلادي يمكن له عبر وسائل للترغيب والترهيب لبعض ملاك الصحف وللأسف ان يكتب ما يريد، وتبيدي يمكنه أن ينشي قناة فضائية كاملة بامكانيات الامن التي يتمتع بها ويقول ما يريد ان يقوله ، القضية ليست انعدام للديمقراطية من خلال رفض البعض الصارخ لانضمام تبيدي ، القضية في الطلب الذي تقدمتي به، الاتشعرين بالندم والاحباط وانت تدافعي عن باطل، لا اقصد الشخص ولكن اعني الفعل
لك تحياتى وسلامي
| |
|
|
|
|
|
|
| |
bayan
طلال اسماعيل حسب الرسول
aosman
أبوبكر حامد الأمين
)
Deng
أبو ساندرا
احمد الامين احمد
عمر ادريس محمد
عبدالكريم الامين احمد
فتحي الصديق
عصام دهب
حسن البشاري
عاصم ابوبكر حامد
Elhadi
فيس بوك
تويتر
انستقرام
يوتيوب
بنتيريست