|
Re: بين عاصم البنـــا .. ومحمد المرتضى حـــامد (Re: ثابت محمد)
|
ثابت تاني شكلو كده رمضان دخل في العضــم.. . ( تاءك ) دي يا الدخري الايامات دي بتجهجه أخوك ساكــت افتح لي ( الضلفه ) الشمال فوق .. الحاجات الصعبة دي بنقدر عليها.. .. .
Quote: والله تسمع الرمية دي عند أبوداؤد .. عييييك |
تتخيل كلموني بيها اتحرك معانــا .. لحقه المولد دهـ والا أنت عايز ( حمـــد) يجي يلقاك ناشف ؟؟
نحن عندنــا ( زواغاتنا ) لكن بالطريقة دي بنفقدك يا ثابت
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: الطيب شيقوق)
|
شيقــوق حبيبنــا صدقني .. الحريقة دي مولعة بي هنــا برضو ليها قريب شهــر .. كل ( البتمسكـــو ) نيرانو قايده النار ( موقده ) في كل الفريق .. وده حالتو ( البرد ) لسه ما جــاء
Quote: واعلم ان المرتضى بسببك ربما يكون في غرفة العناية المركزة |
دي ( هشاشـــة ) العظــام يا الطيب قالوها ليهو بي هناك وما صدق .. الارباب ده سيد ( وجعة ) .. ومدروك وكان تابع ود البنــا .. تاني إلا الله الكريم..
الشباب ديل في سيرتك على الدوام .. الله يجمع بس
الف تحية يا ابو الطيب
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: tmbis)
|
اشـــــكر اخــونـــا.. وحبيبنــا المستشار ود المرتضى على يدو الطويلة اللحقتنــا هنــا ده .. وكرمو الحاتمي .. في زيادة ( البلبلـــه ).. وعلى الـ CD المحترم دهـ .. ويا ( CD ) نردهــا ليها قدام خالص
والشكر لي الاستاذ عاصم البنـــا .. سمح لي عبر ود المرتضى بإنزال المادة هنــا رغم خصوصيته أو عدم انتشارهــا
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: tmbis)
|
Quote: افتح لي ( الضلفه ) الشمال فوق .. الحاجات الصعبة دي بنقدر عليها.. |
تمبس إنت من زمن الضلفة الفوق ؟؟ ياخ صاحبك ( طويل ) حولوهو رأس الدولاب مع ( الإسكانر ) وبعد مغادرتكم أصبح الدار أمان ( أنا ما مني خوف ) وحياتك صندوق المالبورو الأحمر بقى يعتر لي في نص الغرفـة
إنت عارف الرميات دي يوم بترميك يا تمبس كدي شوف دي
طيبـة فيــديني تُهْتَ في ديني روحي في إيديكي ولا في إيديني الإيدين فِطرة من حرير أطرأ والضمير قبضـة مابزيد قِطـرة جلّ أنشاكي رقّـق أحشاكي من تُـقل رِدفـك الضمير شاكي طيبة رِصيدة سهمي ما بصيده رُق ضمير طيبة عارتو الصيدة
ياتمبس ياااخ الليلة الخميس مالك يااااخ ؟؟ يعني أقوم أشوف لي ببسي دايت أتجوغر بيهو ؟؟
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: ثابت محمد)
|
ثابت ..؟ قلت لي ( طويل ) بقى اسكانر ريزلوشنو عااالي ؟؟ يحنن والله بعدين زي الحاجات دي قبل كده كتلت ليها زول في ( مدني ) هو عارف كده !! ..
Quote: إنت عارف الرميات دي يوم بترميك يا تمبس |
والله يا ثابت الوقعه أو الرمية حاصلــة.. بعدين كلما اقوم اسمع لي ( وقعة ) زي دي بقوم ( بسرح ) ليك .. واقول يا الله تهون الأمور.
Quote: طيبـة فيــديني تُهْتَ في ديني روحي في إيديكي ولا في إيديني الإيدين فِطرة من حرير أطرأ والضمير قبضـة مابزيد قِطـرة جلّ أنشاكي رقّـق أحشاكي من تُـقل رِدفـك الضمير شاكي طيبة رِصيدة سهمي ما بصيده رُق ضمير طيبة عارتو الصيدة |
تعرف حكاية الصيد دي يا ثابت تقوم من دربك ده تدخل موقع الحلاوين .. في ملفات بتاعت ( بادي محمد الطيب ) .. ( العشوق ) قال كلام خطير جدا .. في الصيد ده .. انا ما بقدر اقولو ليك هنــا.. لاني ما ضامن ( قلبك ) عامل كيف الايامات دي لكن الشي البعرفو أنو ( بادي ) ده قعد يكورك كواريك شديدة جدا
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: حمد فتح الرحمن)
|
Quote: اسمع كلام عمك و قوم تعال قبل ما رمضان يخش في العضم اكتر |
يا دكتور حمد .. عروض الأسعار الصيفية بتاعتكم دي ما بتأكل عيش .. وأقوله ليك أنت ( والشرامة ) الاتنين ديل .. انــا بي حالتي دي والله حدي ( التفتيش ) الأولاني .. الكلام ده قبل رمضان طبعا.. أما بالنسبة لي اي ( عروض شتوية ) .. تانية ما عندي مانع .. وتعال شيل حاجاتك دي واسمع ليك غنوة غنوتين كده من ود البنا ده . . بتريحك ( بالليل خالص ) على ضمانتي
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: tmbis)
|
الاغنيه جميله والاداء زاتو روعه....تمبس ذوقك يوزعو منه من قبييييييييييل انا بسمع فيها بجد روعة ..تسلم انشالله وبما انه البوست دا يجمع عمالقتنا تمبس معتصم عمك تنقو حانتهز الفرصه دي واطلب ..مايطلبه المشاهدونياخوانا عايزه اغنية علي السقيد رجعتي القلب يدق تاني من بعد الصمت الـــ.... المهم دا البتزكرو
تخريمه... عمك تنقو ..اخوي انا.. عاش من شاف ليك مداخله
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: elham ahmed)
|
لمن يهمه (الأمر) وبشهادة تمبس أنا مش ياتمبس لما رسلت ليك المصيبة دي قلت ليك ال (بوست) ده يكون عنوانو (هوى الخلخال) على اسم الأغنيه المدمره دي بتاعت شاعرنا ود الرضي؟ بعدين انت ياتمبس أصحابك ديل كلهم (قاعده)؟ الحمدلله المدام (البنت...اغون) ماقاعده تخش هنا ولا هسه كان أكون في غوانتا ..نامو لكم جميعا الحب
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: عنيده)
|
Quote: عايزه اغنية علي السقيد رجعتي القلب يدق تاني من بعد الصمت الـــ.... |
يا عنود الحاصل شنو ؟ دا الكلام البوجع القلب زاتو .. ونحن بصراحة كده ما بنستحمل وجع القلوب دا .. تخيلي يوم الأربعاء بالليل جبت شريط لعلي السقيد عشان أسمعه .. فتحت البوست دا لقيتك طالبه الأغنية توارد خواطر عجيب .. ولا يهمك الأغنية ح تكون جاهزة عندك إن شاء الله ..
محبتي وأشواقي ..
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: عنيده)
|
يا عنود .. عمك تنقو دا اليومين ديل أنا عازرو .. دي خطرفات آخر العمر الله يعينه بس ..
بعدين الوجع في الجوف شدييييييييد .. نعمل شنو ننتظر القادم لعلو يكون أحلى .. صدق اللقال ..
والأغنية ح تكون في بوست حسب طلبك .. شوقي الكتير ..
ويا ليلى هووووووووووووي يا ليل .. لي نااااااااااااس تمبس ..
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: بدرالدين شنا)
|
تسلم يا تمبس يا ذوق .. مع انى ما سمعت اى شىء لكن اى اختيار للاخ عاصم رائع بدون شك محمد المرتضى لووووووووووووول وكمان تانى معاها لوووووووووووول صاح المدام ما بتدخل ..لكن نسيت انصارها؟؟؟ .. بوصل ليه انا بالتلفون اها شن قولك؟ لكن ضحكتنى لامن قالوا لى تسكتى ولا نقفل الكمبيوتر لووول الاخ محمد المرتضى .. السلام امانه .. التقيت الاخ عاصم اول حاجه سالنى منك بشدة وسلام بالكوم والله.. محاصراه الذكريات الجميلة القضاها بينا فى مسقط هاتفنى مره وكان كل كلامه عن الزياره القادمه .. ابشرك انه ناوى يجى فى رمضان قلت ليه العيد كيف ما بتستناه معانا؟ .. قال لى العيد فى السودان لكن وعد رمضان معاكم على الاقل عشره يوم يلا جهزوا البرنامج التحايا ليك اخى تمبس والمعنى بالبوست اخوما محمد المرضى ولفنانا الرائع عاصم البنا
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: soma)
|
مرحب بالاستاذة اسماء الجنيد بنت بلدى .
بت بلدى
يا نوارة الشدرة الطارحه البكره ... يا مرسومه بقندول عيش ... ورزازة مطره ... يا شموخ النخله وطعم الثمره ... يا بت بلدى ...
روعة بسمة ولون السمره ... جمال تاجوج يا اصل الفكره ... لوزة قطنة وريحة زهرة ... نيلك طرحه وضلك سدره ... قوامك بانا وشك قمره ... عيونك ضفه .. سر النظره ... قليب اطفال بساطه وفطرة ... شايله دلالك من الخضره ... يقالد ديسك نخيل التمره ... يا بت بلدى ...
رنة صوتك سحر النبره ... خصالك سمحه وسيرتك عطره .. كريمه فى دارك .. بشوشه وديعه .. وخاتيه البطره ... سبحان الخالق رب القدره ..... ودعتك الله وابقى عشره
اسماء الجنيد مسقط
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: الطيب شيقوق)
|
الحبيب تمبس سلامات يا فنان لله درك يا رجل ... يا صاحب العطاء المميز دمت للبورداب واحةً وارفة الفنون والجمال . ياخي ود الرضي دا أين ما وقعت كلماته على حنجرة إلا وزينتهاوجعلتها ذات أجمل الأنغام وتغذيها بكل أسرار الشجى والشجن ... رحمه الله بقدر رحمتهالتي وسعت كل شئ . عاصم البنا يا تمبس من الأصوات الطروبه والتي لا تمل سماعها ( كلما أسمعه بلقى فيه الفرجوني ) هذا الذي ضن الزمان به أم ضن بنفسه على أبناء شعبه الذين يحبونه حتى الثمالةلا أدري . التحية عبرك لعمنا الفرجوني وأميمة الفرجوني ... وعاصم والأمين والشاعر يوسف البناو( نصرالدين البنا ) لأنه فنان تمرد على الفن . التحية للفنان المرحوم الشاعر ود الرضي. التحية للشعب الذي انجب هؤلاء وتحية خاصة لك يا تمبس لأنك تجيد فن الإختيار.
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: الطيب شيقوق)
|
ود شيقوق .. حباب المهل عشا الاهل يعلم الله انجميت انا بى نضميك المن الجوف يرد الروح ويبرد الواطه خريف..
ما قصر الباشمهندس بكرى وعمل لى المكتبه الظريفه دى كتر الف خيره .. وكتر الف خيرك انت البعجبك السمح لى اهلك ومنى ليك ضل نيمه ان صح التعبير .. موقعى المتواضع سومات اتمنى ان ترتاح فيه تتونس وتونسنا.. وما تنسا تمشى سجل الضيفان لول لك التحايا أردب محنة شكرا قطوف www.soomat.com
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: soma)
|
Quote: ومنى ليك ضل نيمه ان صح التعبير .. موقعى المتواضع سومات اتمنى ان ترتاح فيه تتونس وتونسنا.. وما تنسا تمشى سجل الضيفان لول لك التحايا أردب محنة |
شكرا ليك يا عشاى
حاولت اتصفح الموقع ولكن للاسف تعذر فتحه . هل لخطأ في الوصلة ام لنحسي ؟
لك التحايا النواضر
شيقوق
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: tmbis)
|
اصلو هالكاني..
تامبا الناس دي موش قات ليك لنك الحفظ؟؟؟ انتا الايام دي بالك وين؟؟
عندي ليك مسابقة شطة..انتا ولي محمد الشيخ من قائل هذه المقولات الماثورة: الاولى:
معليش انا عندي ضيوف في البيت ولازم اتخارج هسي..
المقولة التالتة:
زي زول دخل البقالة وطلع..
المقولة التانية:
عشان عين تكرم الف عين وعشان الف عين تكرم عين..الحرج حاصل والرسالة وصلت..
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: مجاهد عبد الرحمن)
|
هوىىىىىىىىىىى (ليلى ) يا اخوانا تحياتى لكم واصدق الامنيات لكم بدوام الصحة والعافية يا بكايين . ولو انا كنت عارفكم كان غنيت ليكم الحان الربيع . لكن ربنا لطيف بى عباده والظاهر مناديلكم اصلو مابتنشف . هاك التاء المربوطة دى
كل احترامى وتقديرى لكم وشكرى وامتنانى على الاطراء مع اصدق الامانى بالحب للجميع
اخوكم عاصم البنا مسقط 26:9:2006م
| |
|
|
|
|
|
|
Re: بين عاصم البنـــا .. ومحمد المرتضى حـــامد (Re: الطيب شيقوق)
|
فـــاح لي كبريتـــــــــا وكبدي كالبنزين ... قادحـــه ( كبريته ) اصلـــــو ( هالكــــاني ) عني ما نجيتا .. ويـــا ( جــــــــــــرح ) غــــــــّور إن شاء الله ... مـــــــــــــــــــا بريتـــــا
يا الله هــــووووووي
هنا قمة الإبداع إيقاع وكلمات وأداء تمبس إنت فنان قدير..............................
منصور
| |
|
|
|
|
|
|
|