|
|
 عندما قال حميد(####)
|
سلامات
الاعزاء في الوطن
لنا الله في مثقفي السودان الحاليين والسابقين
ازمة السودان ظلت دائما تراوح مكانها
وظل دائما ذلك الوطن الذي يغتال مبدعيه
ويغتاله مثقفوه ونخبته
على جميع المستويات وظللنا دائما تاني الطيش
لم تواتنا جراة ان نكون الطيش حتى
فنحن لافي العير ولا في النفير
ان تسقط الاقنعة
عن وجوه اقتنعنا دوما بقوميتها
ليبرز من خلفها
ذلك التعصب الاعمي
ان يقنعنا الرجل الذي كتب الجوابات
بين ست الداربت احمد والزين ودحامد
انه كان يخفي خلف القناعات التي كان يرتديها
كل هذه الجهويه
ان يقنعنا ان الانقاذ استطاعت شراءه بعد ان كان يتحدث
عن دين الدقن الشيطانية
ان يبصق على وجوهنا وهو يقول
طظ طظ #### في الوحدة
#### في العامل
#### في النفاجات
#### في الفهم
واخيرا #### في ثلاثة ارباع السودان
والرسالةالتي ارسلها للشماليين هي الشاهد
وان يتبنى تنظيم مجتمع مدني على اساس جهوي
هو السقوط في الفتنه بعينه
الفتنه في السودان صاحية
والكلام لغير الشماليين
افتحو عيونكم
والجاية من السما لابد تحملها الواطه
والا شنو يا حميد
الموية جاز والجاز ودك
|
|
 
|
|
|
|
|
|
|
 Re: عندما قال حميد(####) (Re: محمد علي يوسف)
|
سلامات
التقيته في احتفال محجوب شريف
اخذت منه شهادة بحق محجوب
احترمته كثيرا
كم قرات اشعاره الوطنية
في الجامعة
وفي المنتديات الادبية
لم اكن اتوقع ابدا ان يكون
خائنالوحدة هذا الوطن
ومع كل ذلك الحنين الذي يحمله
للشمالية لم
لم استطع ان ابتلع بيانه ولم استطع ان
اهضم فكرة انه
متعصب جهوي
| |
|
|
|
|
|
|
|
|
|
Re: عندما قال حميد(####) (Re: محمد علي يوسف)
|
سلامات
لغاية هسع الاستاذ حميد ما نزل اعتذار عن بيانه ده
يا اخواننا الكلام ده كده ما اعوج؟
الخرطوم دي اصلها ما عندها سيد؟
يعني مافي زول بيقول ياخي انا عشت حياتي دي في الخرطوم الوطن
الثاني
الغريبة ان
الشمالي والجنوبي والغرباوي وناس الشرق
كلهم حلمهم الاكبر انه الواحد يسكن الخرطوم
وبعد يجي ويستقر ويربي اولاده فيها
يكون مصر على مسقط راسه
يعني يا ناس اتحدي اي واحد فيكم يرجع
من الخرطوم الشينة دي الملانه ناس
والعيشة زفت دي
ويرجع يستقرفي بلده السمحة المسقط رأسه وكده
والا ما تقعدو تتاجرو لينا بي قضايا انا شمالي وداك هندي
البتسو فيها دي
المهم في انتظار اعتذار حميد للشعب السوداني
| |
|
|
|
|
|
|
|
|
|
Re: عندما قال حميد(####) (Re: محمد علي يوسف)
|
Quote: لم اكن اتوقع ابدا ان يكون
خائنا لوحدة هذا الوطن |
سبحان الله ...
حميد بقي خائنا للوطن
وانت منو يا مناضل زمانك عشان تحدد دا خائن ودا وطني
فقرتونا بي تصنيفاتكم الغبية دي
| |
|
|
|
|
|
|
|
|
 Re: عندما قال حميد(####) (Re: محمد علي يوسف)
|
سلامات
استاذ سيف مساعد
التحية لي اللعوج القرية ولي مدن وقرى السودان متر متر
ولي كل الاعمام والخيلان
وتحية خاصة لي جدك عوج الدرب
لكن مش كلام حميد ده برضو غريب
والغريبة
قبل شوية قريت رده
لكن ما بتتفق معاي انه ما مقنع برضو
يعني لو حميد قال كده
ناس الطيب مصطفى يقولو شنو
----------------
يا احمد
انا اصلا ما قلت اني مناضل ولا بطيخ ده اولا
عشان ما تقولني حاجة ما قلتها
بعدين
مرات التصنيفات الغبية حسب وصفك دي بتكون هي الحل الوحيد
كده قول لي انت
وصنف لي بيان كيان الشمال بتاع حميد ده
اولا دعوة جاده من زولمرجع في البلد والوطنية زيه لي انه الناس
تتقسم على اساس عرقي
ثانيا دعوة من جزء لمحاربة وتخويف باقي الاجازاء في الوطن الحيرتونا فيه
والما عرفنا مناضلينه من الخونة فيه
ثالثاكلام واضح بيقول فيه حميد انه كفر بالوحدة
والتعدد
والهوية السودانية كلها
بعد ما كنا
بنضرب مثل للوحدة من اشعار حميد
نكتشف فجأة اننا كنا غلطانين
وحميد ده زول عنصري وجهوي وعادي جدا
والكلام ده والبلد في الحالة دي
استقطاب حاد من كل الاتجاهات
ودموع غزيرة من الجميع
يا احمد اخوي
البيان ده
ما نعي لي محمد طه
ده نعي لي السودان كله
يعني ما داير ليه نضال ولا اي شي
داير بس شويييييييييييييية وطنيه
وفكر في الكلام ده تاني واقراه بي عقلك
| |
|
|
|
|
|
|
|
|
|
Re: عندما قال حميد(####) (Re: محمد علي يوسف)
|
سلامات
الاعزاء في الوطن
قبل قليل قابلت الاستاذ عمار محمد ادم
سألته (استاذ عمار صحي انت في كيان الشمال )
كانت اجابته (ايوة)
طيب يا استاذ عمار انت كيان الشمال ده شنو وفكرته شنو
حقيقة استاذ عمار جاوب بكل اريحية(اهلنا زمان قالو الزول ما بيفضل ليه الا لحمه. بعد ما فقدنا ايماننا بالاحزاب والمجتمع والحكومة لم نجد حلا الا بتكوين هذا الجسم والذي استهدفته الحكومة في بدايته واستطعنا بعد نضال مرير ان نخرج اذيال النظام والامنجية من داخله)
وكانت اجابة كافية جدا
بس
المشكلة
انه كل المبررات الي ساقها استاذ عمار واللي كتبتهاعلى لسانه
دي ما زادتني الا قناعة
بأن الجبهة الاسلامية والانقاذ استطاعت بنجاح كبير جدا
انها تخترق الشعب السوداني
قلب الشعب
عقل الشعب
روح الشعب
لتصبح الوطنية
شيء نهرب منه وليصبح الولاء
للعرق
للون
للجنس
للمنطقة
للحلة
للقبيلة
اكبر من الولاء للوطن
تماما
نهرب من دولة الكل لدولة الفرد
تماما نهرب من الاكبر للاصغر
لتضيع جميع الاحلام في خبر ياتي مخنوقا بنا
حلم نستيقظ منه كل يوم ونحن اكثر خوفا
نضيع في الصراعات الصغيرة
لتأكلنا الحكومة
المؤتمر الوطني
الجبهة الاسلامية
قطعا
| |
|
|
|
|
|
|
|
|
|
Re: عندما قال حميد(####) (Re: محمد علي يوسف)
|
سلامات
اها اسي كيف مع ابو حفص ده
القاعده دي ما فيها شماليين
والا كيان الشمال ده تنظيم
للشماليين اليساريين
والا الفهم شنو
وما تيب
القاعدة خليها
اتهام المؤتمر الشعبي ده
فهم الكيان ليهو شنو
ولو ثبت اشتراك شماليين من اصول غير شايقية
حتخشو الغابة واالا كيف
ولو طلع واحد من المنفذين شايقي
الفهم حيكون شنو
يا اخواننا ما قلنا ليكم
استاذ حميد ده
دخل راسه في جحر دبيب
يعني البيان الطلعو ده كارثة على كل المستويات
وما يجي زول يبرر
انو ده بقى حال السودان
والناس كلها رجعت لي اصولها وكدة
لأن الوضح ان الحكومة ساقتهم وهم مشو
يعني بلا فهم وده براهو فهم
عجيب يعني الحكومة كان عندها اجندة
وانت عارف ومعارض
الانبراش ليك ورا الناس شنو
| |
|
|
|
|
|
|
|
|
|
Re: عندما قال حميد(####) (Re: محمد علي يوسف)
|
سلامات
عن حميد يا اخواننا انا لسه ما فهمت حاجة
والخيط ده كل يوم برفعه
لما يجي زول ويفهمني
العنصرية دي كيف
وداير زول غير دكتور عبد الرحيم بلال
اليجي يقول انا من الخرطوم
عشان نفهم
انت الواحد فيكم يكاكي لينا هنا في الخرطوم ويمشي
يبيض في
حلته
قبيلته
بيتهم
وينسى تماما فكرة القومية ومنقو
ويبقى ما شايف قدامه الا طه القرشي
والا الفكرة شنو
خلونا كان كده النقعد ونفرتقها
ما يا اما انا فهمي للوطنية غلط
أو فهم كيان الشمال غلط
والا تاريخ السودا (حديث وقديم )البنعرفو ده كلو كضب
زمان كنت دايما قبرا قصيدة
ابكر ادم اسماعيل
صوت الرتر السادس في قيثارة الوطن المشوه
بس كنت بقراها بي فهم
انوالتاريخ القريناهو ده فيهو اشكال محتاجين
نقعد سوى كسودانيين ونحله
لكن فيما يبدو لي انه الغلط
ما في التاريخ
الغلط في الجغرافيا
اللامه مثقفين غاطسين في الجهويه لي عن اضنيهم..
فيا ناس زول يفهمني
امكن اقتنع
وامشي اشيل سلاح مع ناس اهلنا
أو حتى اعمل لي حركة مصلحة
للدفاع عن حقوقنا الاسرية
ونقعد نطلع في البيانات
فلانه طلقوها
بيان رقم واحد
لو ثبت اشتراك اي زول من اي مكان
في الطلاق ده
انحنا بنوريكم
ولا تلومن الا انفسكم
ويا رجال ناس اهلنا
عليم بالحرص والحذر
وافتحو عيونم
(ما انتم مستهدفين وكده)
انتظروني في بيان رقم 2
| |
|
|
|
|
|
|
|
|
|
Re: عندما قال حميد(####) (Re: محمد علي يوسف)
|
سلامات
بيان رقم2
..........................
..........................
..........................
..........................
..........................
اها انتظرو البيان نمرة 3
يا اخواننا
ما
غليني وكده
يعني كده النحلهاسلمي
عشان ما يبقى
الكلام
بالدس وتقولو لينا اتفاجأنا بالانفصال
الكلام ده ما عن الجنوب
لالالالالالالالالالالالالالالالالا
الكلام
لي كل الاطراف والوسط
ووكت اصلها كده
من بكرة الزول يفتش عن لحمه وين
بلا سودان موحد بلا بطيخ معاكم
وبي كده اعلن كيان الشمال عن موت فكرة
الوحدة
فالتحيا القبلية
ولتحيا الجهوية
نبراسا نهتدي به
كلما ادلهم
الخطب
كمية من الشوش البئسة
كمية من الدموع
وجردل طحنية
ولي الشمال در
| |
|
|
|
|
|
|
| |
محمد علي يوسف
saif massad ali
Ahmed Mohammed Osman
فيس بوك
تويتر
انستقرام
يوتيوب
بنتيريست