|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
الاخ محمد احمد سنهورى استاذنك فى رفع البوست حتى تعود, فقد اعجبنى هذا النموذج للزلنطحية الذين يمسكون بتلابيب البلد.
Quote: وتدرج المجاهد فضل الله فى تلك الساحات الاستشهادية والجهادية،وبقدرة قادر "عُين" طالباً فى معهد الموسيقى مع اثنين من رفاق برنامج فى "ساحات الفداء"، |
كما تدرج غيره " وعينوا" دكاترة للنقد الادبى. شكرا لك وبانتظار المزيد عن الزلنطحى المدير
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
رحم الله الدوش سنهورى سلام
نعم قسم النقد اغلب طلابة وخريجية لم يذهبوا اليه بدافع الرغبة ولكن لفشلهم فى
مادة التمثيل وهذة هى المصيبة لذلك نجدهم غير فعالين فى مجالهم ما عدا القلة القليلة اعرف ان الزميل مصعب الصاوى والزميل اليسع وايضا رجب جاوا للمعهد لدراسة النقد
واعرف ايضا هناك من صعب عليهم التمثيل والاخراج والالتزام المفروض فى قسم التمثيل والاخراج بالاضافة لمشاكلهم الاجتماعية وللأسف من اسباب ضعف نقاد المعهد سوء الاختيار وتوقفهم بعد التخرج وايضا نجدهم يداهمون خريجى الاخراج فى الاذاعة والتلفذيون ويعملون فى مجالات الاخراج وينسون تماما النقد والدراسات.
للأسف مدخل طلاب المواهب واصحاب القدرات تم استغلالة من قبل هذة الحكومة .
رغم انه مفيد ومهم جدا وكثير من الفنانين دخلو المعهد من هذا الباب .
تخريمة :
العزيزة ايمان ابراهيم كانت لها رغبة اكيدة فى دراسة النقد والدراسات وفعلا هى الوحيدة التى دخلت القسم برغبة اكيدة ولكن بعد تلاثة ايام فتحت علينا باب القاعة فى قسم التمثيل والاخراج ودخلت وكان حاج ابا امام الطلاب وجلست وكانها وصلت الان من رحلة متعبة او قل رمت نفسها فى كرسى وضحكنا كلنا وعرفنا ان ايمان قررت ترك القسم والتفتت الينا وقالت(( مالكم رجعتة شنو هو يعنى انتحر انا اتبلى بى حاجات عجيبة وطلبة ما عارفين هم جايين ليه هنا واساتذة اجاركم الله الجاى من جامعة القران والجاى من وين ما بعرف والصارى الوش انا غير قور والطاهر حسين ما عرفتة زول ومن شفتة الطاهر حسين قدامى تاورنى قسم الاخراج))
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: Hadia Mohamed)
|
الاخ /السنهوري الاخت/ام مصطفي
سلام تربيعي وتكعبي ... كمان
وكنت في زياره للسودان قبل اسبوع ... وينما نحن وقوفاً اما بوابه(آثار البجراويه( اقصد المسرح القومي) وإذا بسياره مظلله تقف بجوار سيارتي المظلطه يجي اوخنا لابس نضاره برضو مظلله بالكحلي وبدله واحد من الجماعه شايل شنطه المعلم سلم علينا وللامانه بادب وحترام شديدتين ( طبعا بامانه دي مازي بتاعه احمد البراي الطيب)... في الحقيقه انا بقيت اودي واجيب ياربي الزول دا كان معانا في نيالا الزول دا القابلتو في الباخره الجيت بيها المهم الراجل سال الزول المعاي قاليهو انت جيت متين يازول بسال من اخبارك طبعا تحت ... تحت اخونا برضو كان في الصين بس عوض رحلتو جاب معاهو MP3 لولدو لانو الرحله كانت بدون مصروف يعني إصرف دبر نفس ... المهم دا ما موضوعنا اصلو زولنا اصلو مجهجه ...بعد ما انصرف المدير الموقر قام اخزنا احد الاعضاء المنتسين للمسرح سالتو بالله كيف احوال البلد والشغل ... قال لي المسرح بقي في ساحات الفداء...يعني شهيد عديييييييييييييييل (الفاتحه لروح الشهيد)
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
ود شندى حمد الله على السلامة
كيف حالك وناس بيتك والبيت الكبير والفنان الشماسى
فعلا لا فرق الان بين الصرح العريق شيخ المسارح المسرح القومى وبين مبانى الدفاع الشعبى البداية دبابة امام المسرح وعساكر شادين حلة وشارين كاكى فى حبل
واخيرا زول ساحات الفداء زاتو بس الخوف ما يقوم يوعد الممثلين بى بنات الحور كمان طبعا فى راسى الان بدروم المسرح وصباح النعمة سراج النور والنجاشى صلاح الدين والاستاذ بريش واتخيل تقبلهم لفكرة مدير خريج مدارس جهادية واخاف من فكرة ان يبدل ستارة المسرح بكاكى مبرقع ثم يضع دبابات رخامية لتزيين الصالة .
ود شندى بلغ التحيات لعبد الله الشماسى ونادية وكل الاهل بالعزبة.
سنهورى فى انتظارك
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
عجبتني عبارة "المسرح بقى شهيد عدييييل"..
-------------
سنهوري إزيك ..وسلامات ..
Quote: وهو القسم الذى يذهب اليه الطالب الذى لم يجد فرصة فى اقسام الاخراج والتمثيل،فيجد طريقه الى اقسام النقد والفنيات(الديكور والازياء).
|
Quote: وتدرج "المدير الجديد للمسرح القومى" فى الكلية وتخرج فى قسم النقد والدراسات المسرحية،وكما قلت فان هذه الشعبة او القسم لايذهب اليه الطالب برضاه، الا اذا كان انتسب الى المعهد فى الاصل لرغبة منه فى هذا التخصص.
|
الكلام دا انا ماااا وقـع لي ..!!!!!
لا بي شكلو دا ..ولا بي موقعو في موضوع مدير المسرح القومي الجديد..
مع تحياتي
------------------- مُمـــازحة: هوي يا "ناس معهد الموسيقى" لو الديكور والأزياء بتسموها "فنيات" ما عندنا مانع ..لاكين تقولوا "وكمان يمشي ليها الطالب عندما لايجد فرصة في أقسام الإخراج والتمثيل" ..عندنا مانع.. واحسن تجيبوها لي ناس كلية الفنون ..بيقبلوها تب وبيشيلوها في راسهم ..إنتو اصلا كدة كدة قاعدين تجونا للديكور..والله شنو؟؟
خالص التحية لاصدقائي من أهل الدراما اينما كانوا ..
عزيز
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
والله يا قيسان الفنيات دى كانت صعبة وبنخاف منها وخاصة محاضرة الديكور واستاذ كمال ديكور ولو لقينا اى تملص من الامتحان بنعملو وكثير من الناس كان عندها رغبة تدرس فنيات مسرح وخاصة الاضائة والمكياج لكن الظاهر كل شئى اتلخبط والجماعة بعد عملو المعهد كلية تبع اصبح قسم الفنيات فية مشاكل واحنا زاتنا كان جمعونا مع كلية الفنون من ذمان وختونا فى الخلاء سواء كان احسن لينا اقلو ناس عبد الله حمد الله وسلفيين الجبهة ما كان عرفو درب المعهد وجابو ناس ساحات الفداء .
هسى بتاع ساحات الفداء دة اشتغل ياتو مشهد فى سنة تانية ؟
لقو ليهم مشهد اسلامى فى عصر النهضة؟
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: Hadia Mohamed)
|
Quote: واحنا زاتنا كان جمعونا مع كلية الفنون من ذمان وختونا فى الخلاء سواء كان احسن لينا اقلو ناس عبد الله حمد الله وسلفيين الجبهة ما كان عرفو درب المعهد وجابو ناس ساحات الفداء .
|
الغريبة انو اغلب طلاب شعبة الفنيات، وتحديداً قسم الديكور والمناظر المسرحية كانوا بيجوا كلية الفنون الجميلة والتطبيقية بالجناح الغربى من جامعة السودان عشان يتعلموا اساسيات العمل الفنى والرسم وتطبيقاته.. الله يرحمك يا استاذ كمال
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
هادية وقسيان والجميع أجمل مافى دراسة الدراما والمسرح الفنيات هذه( الديكور والازياء والاضاءة والمكياج)،فروح المسرح الحديث عند الشاعر الالمانى والمسرحى برتولد برخت والانجليزى بيتر بروك،وحتى جيرزى برتوفسكى، صاحب نظرية المسرح الفقير، كلهم اجمعوا على جمالية وتأثير مسرح المؤثرات وحاولة خلق الايهام، والابداع فى فنيات المسرح العظيمة،فالمسرح الفرنسى الحديث (نموذجاً)اصبح يقدم اعمالاً فنية فى غاية الروعة والتأثر والجمال وكل ذلك بفضل الفنيات تلك، وهى صعبة جدا ياقيسان زى ماقالت ليك هادية. لكن هنا فى معهد الموسيقى ،تفضل الاقسام التالية وبالتتالى: الاخراج المسرحى/التمثيل/راديو وتلفزيون/نقد مسرحى/فنيات شوفتى ياهادية الفنيات اخر حاجة مفضلة عندنا كيف؟ لكن يا قيسان الطالب منذ السنة الاولى تتضح ميوله ورغباته،ويشارك ويساعد فى سنته الاولى طلاب السنة الرابعة والثالثة فى مشاريع تخرجهم سواء بالتمثيل او غيره - ان شاء الله (كومبارس) - اها دى المجاهد فضل الله ما كان بيعملها،لذلك حين يجئى توزيع الطلاب الى اقسامهم فى السنة الثانية او الثالثة يوضع فى الحسبان تلك المشاركات اولا ثم الرغبة ثم الدرجات المتحصلة. وبذلك يكون الطالب الضعيف فى الاخراج والتمثيل والصوت وغيره قد حصر نفسه فى دخول قسمين هما (الفنيات)، والنقد المسرحى. فاختار فضل الله النقد المسرحى،فى الوقت الذى يفترض ان يكون فيه فى قسم التلفزيون لانو اصلا جاء لصقل مواهبه فى التلفزيون(ساحات الفداء).. بعدين التمثيل دة ياناس صعب والله جنس صعوبة صعااااااااااااااااااااااااااااااااااااااااااب !! والفنيات دى كمان صعباااااااااااااااااااااااااااااااااااااااااااااااااااااااااااة !! لكن النقد المسرحى والادبى دة تلفح ليك كلمة من كتاب فلان وجملة من كتاب فلان ، بجاى و بجاى انت ناقد عظيم، وتلفى ليك جريدة فيها واحد صاحبك ولادفعتك من زمن الجامعة ينشر ليك مقال ولا يكلم ليه اثنين من صحفى الانقاذ يعملو معاك حوار ويقولو حوار مع الباحث فى الثقافة السودانية فلان لان لان لان لان !! والمتفرغ للبحث العلمى ، وشوية تلقى ليك وهمية كدة تديك دكتوراة وبعد شوية يجيبوك وزير ثقافة ولا مدير مسرح قومى !!!
*** وزى ماقلت ليكم يا"جماعة الله" ويا قيسان انو الطالب، بيكون اصلا ماداير القسم بتاع النقد دة ، الا اذا كان اصلا يهوى النقد والدراسات وتحليل الاعمال الدرامية(زى هاشم صديق كدة وبرنامجه الموقوف دراما 2000). وبرضو زى اليسع حسن احمد ومصعب الصاوى زى ما قلتى انتى ياهادية مع انهم برضو بتاعين دفاع شعبى وحكومة لكن بيعرفوا يتكلموا كويس وبيكملوها وجاهة !!! عرفت انا قاصد شنو يا قيسان ؟ وعبدالعزيز رجب برضوا زول نقاد والله ياهادية( رجبلة) بقى ضعييييييييييييييييييييييييف بعد سمنتو ديك .
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
الفاتحة على روح الشهيد الغريبة انو المدير الجديد ياهادية جاب الكاست بتاعو معاهو واغلبو من الجهاديين،الرشيد احمد عيسى ذاتو شغال معاهو !!! غريبة يا رشيد!! الفاتحة قبل يومين قدمت مجموعة بقيادة عمر الخضر وعدد من موظفى المسرح والمسرحيين ورقة الى وزير الثقافة تطعن فى قرار الوزير بالتعيين !! ومنتظرين رد الوزير
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
عزيزي سنهوري سلام ومحبة وتحياتي لعيدروس ومحمد المهدي بشرى ومحمد مصطفى الامين، وغيرهم من الاصدقاء العزيزين والصديقات قالت هادية،صديقتنا:
Quote: نعم قسم النقد اغلب طلابة وخريجية لم يذهبوا اليه بدافع الرغبة ولكن لفشلهم فى
مادة التمثيل وهذة هى المصيبة لذلك نجدهم غير فعالين فى مجالهم ما عدا القلة القليلة اعرف ان الزميل مصعب الصاوى والزميل اليسع وايضا رجب جاوا للمعهد لدراسة النقد
واعرف ايضا هناك من صعب عليهم التمثيل والاخراج والالتزام المفروض فى قسم التمثيل والاخراج بالاضافة لمشاكلهم الاجتماعية وللأسف من اسباب ضعف نقاد المعهد سوء الاختيار وتوقفهم بعد التخرج وايضا نجدهم يداهمون خريجى الاخراج فى الاذاعة والتلفذيون ويعملون فى مجالات الاخراج وينسون تماما النقد والدراسات.
للأسف مدخل طلاب المواهب واصحاب القدرات تم استغلالة من قبل هذة الحكومة .
رغم انه مفيد ومهم جدا وكثير من الفنانين دخلو المعهد من هذا الباب |
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
قلبي على وطني وكلو ما زيفو بطلا قلت قلبي على وطني مصيبتي وفجيعتي انو فضل الله احمد عبد الله دفعتي كان ابيت وكان رضيت تخرجنا سويتا هو من قسم النقد بالدرجة الثالثة وذلك لانه قد رسب في مادة اللغة الانجليزية في كل السنوات وفي كل الملاحق وفي كل امتحانات المجاهدين وتخرجت انا في قسم الاخراج بدرجة التفوق ولكني كنت اعرف جيدا ان لا مكان لي في اي موقع يعني كنت الاول على شعبة الاخراج وخرجت قانعا الى السعودية اعمل مندوب مبيعات احيانا ومحاسبا مرة اخرى واجلس عاطلا احيانا وتخرجت ايضا فاقد تربويا لاني لا املك شهادة تثبت اني تخرجت من الكلية لاني لم اقم باداء الخدمة الالزامية يعني انا ممكن بعد زمن يغالتوني يقولوا لي انت ما قريت هنا ... اجمل ما في الامر قدمنا نحن في جماعة الجمام قبل دخولنا المعهد عرض مسرحية (كلات عرق ) على خشبة المسرح القومي في بداية العام 1995 واظن في ذلك الوقت فضل الله لا يعرف سوى لغة البندقية والاحتراب والحور العين واسفاي والله ممكن نموت بالحسرة نحنا تخيلو ما شرحته لكم يجعلني فاقدا تربويا وفضل الله سيحمل الدكتوراة في القريب العاجل لست حاقدا عليه ولكني احقد على سلطة تميز هكذا بين ابناء الوطن الواحد يحضر هو الى قاعة الدرس بسيارة مكيفة وانا جائعا متشردا او ربما عائدا من عمارة الامن الطلابي ممزق الملابس بعد اعتقالي من بيتي في العام 1998 تعرضت للضرب والمهانة والاستهزاء مني ومن دراستي التي يدرسها فضل الله وبقدرت الانقاذ جعلته دكتورا ومديرا للمسرح وانا لن اجد سوى الهجرة لاكل لقمة العيش لست حاقدا عليك يا فضل الله انت زميل درسي ولكن انا اشعر بان ميزوك علينا جميعا من انت لتكون مديرا للمسرح القومي من انت بحق السماء من انت يا سنهوري لتجرح جرحي بالله عليك من اي الابواب دلفت لكي تمد لنا لسانك ما يحصل يدل على اذدراء السلطة للثقافة والمسرح وللفن تخيلوا ان فضل الله هذا تخرج في العام 2000 اين جيل رواد المسرح منذ الستينات حيث لم نولد نحن بعد
في الختام تململ ايها الدوش في قبرك تململ
معتصم سيد احمد
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
الخرطوم عاصمة "الثقافة العربية" مقبلة على ملتقى المسرحيين العرب والذى يقام خلال هذا الشهر " سبتمبر"، فماذا نحن قائلون "لزمرة" المسرحيين فى هذا الملتقى !! غايتو الا ما يلاقوا السيد مدير المسرح دة لانو ما حيعرف يقول ليهم حاجة ، حيكونوا هم فى وادى ، وهو فى وادى،المصيبة يقوم يعلن فيهم الجهاد ويقول ليهم انتو قوات دولية !!
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
سنهورى
سلامات دلفت الى هنا ظنا منى بأنك ستحدثنا عن المسرح القومى وعن النشاط المسرحى فيه وظننت انك ستقول ان هناك تراجع فى الحركه المسرحيه والعروض التى تقدم على خشبة المسرح القومى وذلك لان العنوان فقط رجع لينا ذكريات جميله عن ايام جميله قضيناها ونحن نشاهد العروض المسرحيه على خشبة المسرح القومى وعن ليالى جميله قضيناها بين جدرانه
واما وان حديثك وحديث ضيوفك ينصب عن المدير الجديد للمسرح فارجو ان تحدثونا عن المسرح القومى بعد تعيين المدير الجديد .. هل انتعشت الحركه المسرحه بعده وهل هناك تتطور فى المسرح القومى او هناك امل بالارتقاء بالمسرح حتى يعود قبله للناس ليرتادوه كما الايام الخوالى ؟
| |
|
|
|
|
|
|
Re: "عن المسارح نحكى" ... ادارة المسرح القومى وظيفة سياسية (Re: عبدالأله زمراوي)
|
والله لم يفزعنى فى ذلك الوقت من السودان شىء بقدر ما افزعنى هذا البرنامج
وكم من قلوب ارتجفت لما شاهدت ..وكم قلوب تكلست ولم يعد لها مقدرة على تمييز العنف أو رداءته من كثرة ماشاهدت هذا البرنامج
فقد حرض الشباب باسم الدين على اقليم كامل بأناسه ومراحه وقياديه ومفكريه ..وراحت بسيب هذا التحريض مليونين ونصف روح
ومازالت الارواح تروح سدى ..فى الاقاليم المجاورة بسبب هذا "الغسيل مخ" الردىء
ماذا تتوقع منه غير ان يقلب ساحة المسرح ساحة اخرى ""للفداء" بمعناه العنيف القاسى الذى صوره هذا البرنامج ؟
مأساة اعلامية لا تغتفر
| |
|
|
|
|
|
|
Re: "عن المسارح نحكى" ... كارثة المسرح القومى بام درمان (Re: محمد احمد سنهورى)
|
الاستاذة تماضر شكرا للمداخلة كنا نود ان لا تتدخل الانقاذ فى (تالت التلاتة)،(المسرح). فما شاهدناه فى التلفزيون(القومى) والاذاعة كان كفيلاً بان يهرب كل المبدعين فى هذين المؤسستين الى خارج البلاد. ومع ان المسرح،وقطاع الدراما عموما تأثر بهذه الحكومة السطوية، الا ان المسرح القومى ظل بعيداً بعض الشئ عن ايدى العابثين، لانو صعب جدا على غير المسرحيين الولوج الى هذا الفن- رغم ان الكيزان استقطبوا الفاشلين والكمبارس من المسرحيين فى العمل المسرحى-ولكن هذا حدث فى التلفزيون كما اسلفت ،وبرنامج الارهاب(ساحات الفداء) بذرة لن تخلع من افئدة اطفالنا الى اليوم،اصاب الاسرة السودانية كبيرها وصغيرها. والآن اوقف البرنامج بعد التوقيع على اتفاق السلام . ولكن عقلية الكيزان تخيلت انه من الممكن ان يكون فضل الله ذراعها القوى فى اوساط المسرحيين. ماذا سيفعل هذا المجاهد بالتحديد؟ افيدونا !!؟
| |
|
|
|
|
|
|
|