|
|
|
 Re: وفى ليلة وكنا حشود بتصارع عهد الظلم ا لشبا ..التحية لجماهير شعبنا (Re: ahmed haneen)
|
إنه الفينيق ..
يعبقر قيامته ..
إنه الفينيق من رماد جثواته .. يهب
و من الضيم و الإرتهان القهري للطاغوت يرتقي الأمجاد ثانية ..
( خطا إلى الصباح ..
مدوزنُ الهوية ..
ألقى ليِ التحية ..
و النشيد الوطني .. و القضية ..
ثم .. غاب في نبضِ الحناجرِ و الأناشيدَ البخورْ ..
يا صارم القسماتِ .. يا حيَّ الشعورْ ) ..
المجد للشعب المعلم ..
قائما في وجه سلطة العسكر .. و الذلة و الجبروت الإنقاذي ..
مصادما و رافعا راياته حتى النصر .
طالبا حقه و ثأره ..
المجد للآلاف تهدر في الشوارع كالسيول ..
يا طائر الفينيق ..
يا وطني .
| |
 
|
|
|
|
|
|
|
|
Re: وفى ليلة وكنا حشود بتصارع عهد الظلم ا لشبا ..التحية لجماهير شعبنا (Re: Emad Abdulla)
|
قصيدة: أُغنية للشوارع (هاشم صديق)
إتعلمت منك يامُدَرِسَّة
يا شوارع
كيفن أجمع وعي وفكرة
وتبقى مبدأ
وكيفن أدرس
كيفن أحسب
قبل أبدا
وكيفن أطرح
كلُ خاين فى بلدنا
من عددنا
وكيفن أسمع
وكيفن أقرا.
***
إتعلمت منك يا مُدَرِسَّة
يا شوارع
كيفن أسأل لما تغلبني المعاني
وياتو مرجع من دروسك
بلقى فيهو المعنى تاني
وكيفن أصمُد
لما تجتاحنا العواصف
وكيفن أحمل راية إسمك
بيها صابر وديمة واقف.
***
إتعلمت منك يا يا مُدَرِسَّة
يا شوارع
كيفن أضحك للبنادق
لما تعدل طلقة طلقة
وكيفن أبصُق فى المشانق
لما تَختَا
وكيفن إختار البعجبك
وكيفن أرفض
وكيفن أبقى.
والليلة مالك
يا مُدَرِسَّة يا شوارع؟!
ساكتة مالك؟!
هيجي .. موجي
إتحركي .. إتكلمي
عيدي عرسك يا شوارع
وبي دمانا إتحنني
وما تحزني
ما تحزني
ما تحزني
الدم حريرتِك
والهتاف إيقاع رقيصك
والغضب كُل الغضب
تاجك ضريرتك
***
ساكتة مالك
يا شوارع يا مُدَرِسَّة
والكلام حقك كتابنا
وسيفنا ده البعرف خلاصنا
ساكتة مالك؟!
والكلام أصبح رخيص
جوه الدفاتر
للبزيفوا والمنافقين
والعساكر
وللزمان كان فى صفوفنا
وباع قسمنا وفاتنا ناكر
***
يا شوارع يا مُدَرِسَّة
زيدي درسك وعلمينا
وأبقي ديمة المعنى فينا
خير يدفق
ونور بيشرق
فى البوادي وفى المدينة
وقولي لي تاريخنا سجل:
ولو غلطنا
تاني صححنا وصحينا
ولو زمان سوونا مُتنا
حِصة من درسك حيينا
بس يا شوارع فتحي
وإتكلمي وإتفجري
وهُزي المدينة.
***
يا شوارع يا مُدَرِسَّة
ياما إتعلمنا منك
التجارب هي الإجابة
والمباديء معنى حاسم
وماها ترنيمة كتابة
والخزاين فى قصُور السادة
خيرك
وإنتي خيرك للغلابة
والشرف حقك إسمنا
وليهو بنخوض الحرابة
ولسة قولي وعلمينا
الدروس الليلة واجبة
وإنتي فى دروسك أمينة
إتحركي وما تخذلينا
إتكلمي وماتخذلينا
هزي سيفك وخلصينا
من لصوص آخر الزمان
الهاصو فى جامع
المدينة
وريحينا
يا شوارع
يا مُدَرِسَّة
يا أمينة
| |
|
|
|
|
|
|
|
|
|
Re: وفى ليلة وكنا حشود بتصارع عهد الظلم ا لشبا ..التحية لجماهير شعبنا (Re: معاوية كرفس)
|
غنى ياخرطوم غنى
شدى أوتار المغنى
ضوى من جبهة شهيدك
أمسياتك واطمئنى
نحنا منك ريح وهبت
نار وشبت
فى وجوه الخانو اسمك ياجميلة
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك... يحتوينا
لما فارسك فينا هبّّ
وعبّّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
يوما فرهد فى عيونك غصن أخضر
وفرحة أكبر من شجونك
والسلاسل يا جميلة
يوما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلّّ قيدك
فى غضبنا الح و لافح
وياما باكر وفى زنازين العساكر
نبني مجدك ومهرجانك
وكل قطرة دم عشانك
ولى جديدك يا جميلة
| |
|
|
|
|
|
|
|
|
|
Re: وفى ليلة وكنا حشود بتصارع عهد الظلم ا لشبا ..التحية لجماهير شعبنا (Re: Aymen Tabir)
|
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك... يحتوينا
لما فارسك فينا هبّّ
وعبّّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
يوما فرهد فى عيونك غصن أخضر
وفرحة أكبر من شجونك
والسلاسل يا جميلة
يوما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلّّ قيدك
فى غضبنا الح و لافح
وياما باكر وفى زنازين العساكر
نبني مجدك ومهرجانك
وكل قطرة دم عشانك
ولى جديدك يا جميلة
شكرا لكم جميعا لتشريفكم البوست ..
ولخضر حسين وهو فى زنازين الفجرة مليون تحية ...
ويامعاوية كرفس افيدنا بالحاصل ..ولو امكن ارسل
تلفونك على الماسنجر ..
ان شعبا تثور نساؤه حتما سينتصر ...الف تحية لشموسنا
التى اضاءت ليلة الاربعاء ...
آمال عباس
سارة نقدالله
هالة بابكر
مريم الصادق
نهى النقر
| |
|
|
|
|
|
|
|
|
|
Re: وفى ليلة وكنا حشود بتصارع عهد الظلم ا لشبا ..التحية لجماهير شعبنا (Re: فتحي البحيري)
|
أسماءَ أصدقائي..
يا حضرةَ السلطانْ
لأنني اقتربتُ من أسواركَ الصمَّاءِ
لأنني..
حاولتُ أن أكشفَ عن حزني.. وعن بلائي
ضُربتُ بالحذاءِ..
أرغمني جندُكَ أن آكُلَ من حذائي
يا سيّدي..
يا سيّدي السلطانْ
لقد خسرتَ الحربَ مرتينْ
لأنَّ نصفَ شعبنا.. ليسَ لهُ لسانْ
ما قيمةُ الشعبِ الذي ليسَ لهُ لسانْ؟
لأنَّ نصفَ شعبنا..
محاصرٌ كالنملِ والجرذانْ..
في داخلِ الجدرانْ..
لو أحدٌ يمنحُني الأمانْ
من عسكرِ السلطانْ..
قُلتُ لهُ: لقد خسرتَ الحربَ مرتينْ..
لأنكَ انفصلتَ عن قضيةِ الإنسانْ
| |
|
|
|
|
|
|
|
|
|
Re: وفى ليلة وكنا حشود بتصارع عهد الظلم ا لشبا ..التحية لجماهير شعبنا (Re: Elmuez)
|
لحظة من وسني/محمد الفيتوري
لو لحظة من وسني
تغسل عني حزني
تحملني
ترجعني
الى عيون وطني
يا وطني ..
يا وطني يا وطن الأحرار والصراع
الشمس في السماء كالشراع
تعانق الحقول والمراعي
واوجه العمال والزراع
يا وطني ..
أصبح الصبح كأن الزمن الماضي على الماء نقوش
فارفعي راية اكتوبر فالثورة مازالت تعيش
وانا مازلت في البعد انادي
يا بلادي
يا مغاني وطني ..
أجمل من فراشة مجنحة على ضفاف المقرن الجميل
أجمل من نوّارة مفتحة ترقد تحت ذهب الأصيل
أجمل من رائحة النضال لم أشم رائحة في صبحك الجليل
يا فخر هذا الجيل
يا وطني ..
| |
|
|
|
|
|
|
|
|
|
Re: وفى ليلة وكنا حشود بتصارع عهد الظلم ا لشبا ..التحية لجماهير شعبنا (Re: عبد المنعم سليمان)
|
اهتف ...اصرخ...
اكتب كل هتاف هتفت بة ففى مظاهرة خرجت قدتها،خرجت فيها...
من قلبك ...
من قلب يابلادى...
تذكروا اين كنتم فى {اكتوبر} في {ابريل}...
اتذكرون يوم المتاريس؟
اتذكرون تلك الايام الخاالدات؟...
ابدا ماهنت باسوداننا يوماً....
هبى هبي رياح اكتوبر ......
الرصاص لن يفنينا ......
ثورة ثورة حتى النصر...
20-10-2006, 06:13 م
Mustafa Mahmoud
.
ما الليل الظالم طوّل
وفجر النور من عينّا اتحول
قلنا نعيد الماضى الأول
ماضى جدودنا الهَزَمُوا الباغى
وهدّوا قلاع الظلم الطاغى.
وفي ليله وكنا حُشود بِتصارع
عهد الظلم الشبَّ حواجز
شبَّ موانع
جانا هتاف من عِند الشارع
قسماً...قسماً
لن ننهار
طريق الثورة
هُدى الاحرار.
والشارع ثار
وغضب الامه اتمدد نار
والكل يا وطنى حشود ثوار
وهزمنا الليل
هزمنا الليل.
والنور فى الآخر طل الدار
والعزة اتهادت للأحرار.
وطنى أنحنا سيوف امجادك
ونحنا مواكب تفدى تُرابك
ولِسّه الشارع بِشهَد لينا
فى يوم الغضبه حصاد ماضينا
مشينا نَعَطّر حقل الثوره
بِدَم نَفْدِيها بلادنا الحره
وكان اكتوبر فجر الغضبه
كسرنا قيود الماضى الصَعَبه
لما مشينا مواكب صَامده
تهدر- وتغلى ... وتهتف راعده:
الرصاص لن يفنينا.
الرصاص لن يفنينا
وسال الدم فى أرض الوادى
فَدينا النور بالروح يا بلادى
وكانت صفحة حكاها العالم
وفجر اكتوبر طَلّ وسَالَم
كان فى الجامعه موكب هادر
صمَّم يجلى الليل السّادر
وكان الليل السادر غادر
فجّر غدرو سموم دخان
ورُصاص من صوته صِحَا السودان
والشعب الثائر
صمّم هادر
يصرع ليلنا الداجى الطَّوَّل
وكان القرشى شهيدنا الاول
وما اتراجَعنا
حلفنا نقاوم ليلنا وسِرنَا
نذرنا الروح ومَسَكْنَا دَرِبنَا
للشمس النايرة قطعنا بحور
حلفنا نموت أو نلقى النور
وكان فى الخطوه بنلقى شهيد
بى دمه بِيِرسُم فجر العيد.
يا اكتوبر
أنِحْنا العِشنا ليالى زمان
فى قيود ومظالم وويل وهوان
كان فى صدورنا غضب بركان
وكنا بنقسم بالاوطان
نَسَطَّر اسمك يا سودان
بدمانا السّالت راويه الساحه.
وحلفنا نسير ما نْضوق الراحه
شهرنا سيوف عِصيانّا المدنى
وكانت وحدة صف يا وطني
إيد فى ايد حلفنا نقاوم
ما بنِترْاَجع وما بِنسَاوم
بينّا وبينك تار يا ظالم
خُطانا تسير فى درب النصر
هتافنا يدَوّى يهز القصر
كسرنا حواجز ..أزِلنا موانع
صفنا واحد
عامل.وطالب..زارع وصانع
وهزمنا الليل
هزمنا الليل
والنور فى الآخر طل الدار
والعِّزه اتهادت للأحرار
يا ساحة القصر..يا حقل النور
ويا واحهَ بتَحَضِن روح نَصّار
روينا ورودك دم ثوار
وشتَلنا فضاك هتاف أحرار
خَطّينا ترابك احرف نايره
بتحكى سطور ايامنا الثايره.
وشلنا الشهدا مشينا ونهتف
وجرح النار فى قلوبنا بينزف
سَجّينا الشُهدا وجينا نقاوم
ما بنِتراجع وما بِنساوم
وفجأه ونحنا صفوف بتصمم
زغرد فجر الثوره الحالم
والنور فى الآخر طل الدار
والعزه اتهادت للأحرار
قسماً..قسماً يا اكتوبر
نحمى شعارك
ونجنى ثمارك
ونرفع راية الثوره الغاليه
عاليه ترفرف فوق الساريه
عليها شعار الثوره الأكبر
رسُمه النادر زاهى واخضر
ولِسّه بنقسم يا اكتوبر
لما يطل فى فجرنا ظالم
نحمى شعار الثوره نقاوم
نبقى صفوف تمتدّ وتهتف
لما يعود الفجر الحالم يا اكتوبر
&&&&&&
| |
|
|
|
|
|
|
| |
محمد عبدالرحمن
ahmed haneen
Emad Abdulla
Mustafa Mahmoud
معاوية كرفس
عمر ادريس محمد
wesamm
Aymen Tabir
lana mahdi
فتحي البحيري
عبد المنعم سيد احمد
أبو ساندرا
فيصل محمد خليل
Kamel mohamad
عبدالكريم الامين احمد
عبد المنعم سليمان
فيس بوك
تويتر
انستقرام
يوتيوب
بنتيريست