|
|
 .. اقتـــــراح عــاجل جدا..
|
اعجبني بوست الأخت الزميلة تراجي مصطفى
من يحتفل معي بعيد ميلاد ابنائي؟؟؟؟؟
..
وأعجبني كل الأخوة الحضور .. من قوى السودان القديم
هبشت تراجي في وتــر الإنسانية الحساس .. واكاد اجزم أن كل من دخل هنــاك في باله .. الملائكة حازم وسنــد .. كابنائه أو أخوانه الصغار أو ابناء اخواته أو ابناء اخوانه فنحن في السودان .. نهوى اوطانا ونقدس صلاتنا الطيبة وان اختلفت معائير الاختلافات عندنــا ..
اقترح :
أن يكون هناك بوست كشف حساب ومودة شهري أو نصف شهري على أن يكون كلو في محلــو لا اقول ارضا ســـلاح .. ولا جنبا ثوابت وتهاون في الاطروحات والمبادي
هي مساحة نؤسس بها ادب الاختلاف بيننا .. كلنا نحتاج إلى الآخـــر .. وكلنــا انسان ناقص يحتاج أن يكمل بعض منه بالبعض منكم..
كثيرون نفتقدهم هنــا نتاج المغالاة في الخصومة ، الشتم من دون اسباب ..
هل تعود لهذا المكان سيرته الأولى
أقول :
انا عارف في ناس هنــا قاعدين يشوفوني عشرة .. عشرة  وده شئ طبيعي لانو في ناس هنـا قاعد اشوفهم مية .. مية لكن مافكرت لحظة ان اتجاوز حدودي الانسانية معهم والله على ما اقول شهيـــد .. بمعنى ان احتفظ لنفسي باقصى درجات الحدة في الطرح والنقاش ومرات لمن اكون ( مفلس ) كنت زمان بكسر حاجات البيت وبجدع ( الكيزان ) بدون سبب في راس البيت .. ودي عادة قديمة اتبلورت مع العولمة يعني مرات لما اجي داخل ومسيطرة على الحالة دي .. بفتش وافكر .. افكهــا وين ؟؟ ولما اللقي مثلا تراجي يا الأمير الكوشي بشــاشا .. يا دينق .. بتمسكني ( كاروشة ) كان ما رديت عليهم ومرات ( بكــوفر )
ممكن تعتبرو ده اعتراف ضمني على ان لا يتمسك على في مقبل الأيام .. خصوصا وأنو حالات ( الفلس ) دي حالة عامة بتظل مصاحبانا ..
عليه :
إذا في امكانية لي البوست القلتو ده .. تكون المسالة دورية بعد تحديد التاريخ واتمنى أنو يتزامن مع ( الرواتب الشهرية ) علشان الواحد نفسياتو تكون في السماء..
تكون في مسالة تزامن دورية للبوست يعني مرة يكون عند قوى الظلام ، ومرة عند المستنيرين شديد ، ومرة عند ناس قريعتي راحت الزينا ديل ، ومافي مانع لو طعمناها بي بوست من بوستات بكري ابوبكر القاطعه من راسو نكسر بيها الحظ
طبعا خــالد كودي ما ح يهببو لي في البوست دهـ ، ودينق عادي جدا ممكن يجي يعمل زلزال هنــا ـ مع غياب بشــاشا الأمير الكوشي التعسفي .. أقترح ان تسند مهام البوست لكل من يجد في نفسه المسؤولية وتحمل هذا الأمر ..
واتمنى ان كان هناك قبول لهذا الأمر .. أن ارى مقترحاتكم ...
وكان ما عاجبكم الكلام دهـ .. فلسه باقي على الرواتب كم يوم
|
|
 
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
تمبس اقتراح جميل وعملي ... ولنعطي الانسانية فرصة حقيقة لمد جسور التواصل ... علها تاتي بنتيجة افضل من الدواس والموت علي صدور الشاشات البلورية ..
شكرا يا تمبس ياخي... مع التزام الجميع بخطوط النار
| |
|
|
|
|
|
|
|
|
 Re: .. اقتـــــراح عــاجل جدا.. (Re: محمد الأمين موسى)
|
تولولس
بخــاف
محمد الأمين ..
شكرا يا صحــاب .. وكنت متأكد أنو الاقتراح ح يلقى الدعم الكافي من الحلوين الزيكم .. مع انو لسه قلبي ( مووغوشني ) لانو ناس وردية الليل لسه ما ظهرو
على كل حال المتاريس جاهزة .. وكذلك الحــال ( القلوبيات ) لانو اي واحد بيجي يخلق جسم مضاد فهو جدير جدا بي انو أول واحد يمسك الكشف بتاع الحساب الشهري ده .. وبي قــوة القانون .. وسماحتكم ..
يلالا دفعه لي قدام
| |
|
|
|
|
|
|
|
|
 Re: .. اقتـــــراح عــاجل جدا.. (Re: أحمد الشايقي)
|
مولانـــا الشايقي
شان كده المعنويات في اسماء والأمن مستتب
..
ومعاك يا مولانــا في النواحي القانونية في تفعيل المقترح دهـ
بس بلاي على طريقة محاكم العمد القديمة القلبهم دائما بيكون على اولاد الحلة
| |
|
|
|
|
|
|
|
|
|
Re: .. اقتـــــراح عــاجل جدا.. (Re: Nasser Mousa)
|
معتصــم..
اعتبر ده امتداد طبيعي لي بوستك السابق عن ادب الاختلاف
وكان بوست جميل اجمع عليهو كل الناس
وأهو زي ما شايف نفس المضمون بس اختلفت الفكرة .. بس يارب تنجح وما يكتلوها لينا هنــا ..
..
العزيز ناصر موسى
شكرا للتأييد وده من طبعك ياراقي
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
اثني و اعترض ....
اثني اعجابا للقيم الانسانية في طبعكـ ...
اعترض .. لانه بصراحة كدة حفاظا على الحالة الكاروشية
لانه بتخليكـ تطلع درر مكبوتة .....
عوافي .. سلامات
| |
|
|
|
|
|
|
|
|
|
Re: .. اقتـــــراح عــاجل جدا.. (Re: Ahmed Abdallah)
|
يا بوحميد
غايتو كان ما تلجك الكسرتو هنــا ده .. كنت عايز اقول ليك أنت ممنوع من التصويت خاصة بعد العرض الشحتفت بيهو روحنــا قبل اسبوع ده ..
لكن كلو في محلو .. ونشد من ازركم
بالمناسبة بتصل الدمام متين؟
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
تـمـبـســ
وينك يا ولدنا يا رائع..
والله ليك وحشه.
طبعاً قرأت مداخلتك في البوست المشار إليه أعلاه والخاص بالمذكورة أعلاه...!
فعلاً كل الكلام القلته صاحححححححححححح 100%.
ومعاك في الإقتراح وزي ما قلت نحنا ناس السودان القديم سودان أيام كنا نحضر مناسبات جيرانا الأقباط في الكنيسة ويجونا في البكيات يشيلوا الفاتحه وما عارفينهم بيقروا في شنو المهم أنها مقبولة، زمن لامن نلاقي القسيس في الشارع وبنعرفه بأسمه ويعرفنا كان بأسمائنا أو شبهنا ولا نخاطبه بأسمه المجرد إحتراماً ونناديه كما يناديه رعاياه "أبونــا".
زمن فطور رمضان في الشارع والقعدة لي صلاة العشاء مع الشاي والقهوة وونسة الناس الكبار ونحنا نسمع ونتعلم.
معاك ميه في الميه وأكثر.
بس ديوك العدة ناس الفلسفة الفنون الثقيلة ديل نسوي معاهم شنو يا تمبس يا وليدي؟؟؟
غايتو الله يهدي.
والتحية من خلالك ومن خلال كل الناس الحلوين لتراجي التي فتحت هذا الباب من حيث لا تدري.
| Quote: سمعت صوتاً هاتفاً في السحر |
الشايقي
_____________
فاوضني بلا زعل
| |
|
|
|
|
|
|
|
|
|
Re: .. اقتـــــراح عــاجل جدا.. (Re: Al-Shaygi)
|
الشايقي ..
نقول حمد الله على السلامة والا لسه بي هنــاك ؟؟
| Quote: والتحية من خلالك ومن خلال كل الناس الحلوين لتراجي التي فتحت هذا الباب من حيث لا تدري |
والله يا الشايقي لما شفت البوست بدون ما اشعر نسيت تراجي ومناقراته وكان قدامي حازم وسند وانامتأكد أنو كل الردو بعدي من المختلفين مع تراجي ايدلوجيا وفكريا انتابتهم نفس الحالة وبي نفس تفاصيل البوست لقيت كل المداخلات مختلفة تماما عن كل الشئ الحاصل .. والبوست كان بيشرح نفسو ..
فقلت ياخي دي حاجة جميلة جدا انو يكون في نزع سلاح وبوستات ( محررة ) بشكل دوري علي اساس انها تكون مسالة ريفريش وفرش متاع للناس ومنها الناس تتصافي وتعمل هدنة مؤقتة وبعداك الدواس يكون تاني اشد من الأول . اصلو البورد ده إذا ما كان فيهو دواس ما ببقى جاذب وبفقد معناهو وطعمو ..
لكن مسالة اننا يا الشايقي نستدعي فهم قديم زي الكلام الجميل القلتو ده انا اخشى انها تكون مسالة في عداد المستحيل .. لكن كمان كان ما قدرنا نضع طوبة في طوبة .. نحاول نحفر اساس
التحية ليك ولكل الناس المعانا هنا وهناك ..
وبينا وعـد
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
تحايا وارفة بحجم موية النيل المتعنكب هذه الايام
اثني اقتراحك بشدة
بس يا تمبس يا اخوي برضو حتلقى ليك ستين منظراتي في المسالة دي وليه وما ليه
تقول ايه بقا شعب سوداني ينظر حتى في التنظير ذاتو
| |
|
|
|
|
|
|
|
|
|
Re: .. اقتـــــراح عــاجل جدا.. (Re: maia)
|
العزيزة مــايا ..
كيفك ؟
وهنيالكم بالنيل المكشـــر عن امواجو..
| Quote: بقا شعب سوداني ينظر حتى في التنظير ذاتو |
طيعا انت جبتيها من الآخر خالص عارفه البوست ده انا متخيلو بعد فترة يلقى حظو من التحليل الدقيق جدا من المحلللاتية ويفهم بي شكل تاني غير المعنى المراد منو ..
وما تستغربي أنو تكون في فكرة وصلت لي البعض انو محاولة تطبيع بين القوى المتناحرة
لكن في كل الأحوال يا مايا احي فيك روح المثابرة دائما في محاولة البحث عن الحلقة المفقودة هنــا .. والشكلها كده ما ح تتلقي خالص
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
تمبس يا اخوي
تعرف كلامك دا جميل
زي كلام الجميع هنا عن الديمقراطية فى السودان.
الاتنين بعتمدو على الية الممارسة المتواصلة
فى اي زمان وفي اي مكان وفى اي مناسبة عشان يتحققو
فعشان كدا طرح زي دا خطأ يكون مناسبة
وتتكرر كل فترة زمنية محددة.
تحياتي
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
نحنا يا علاء يونس
عوضاب الامارات وناس قريعتي راحت
نؤيد وبشدة هذا المقترح
وخصوصانحنا كانت اختنا انسانه بتحتفل بعيد ميلاد اعضاء المنبر
خلوها تعيد برنامجها ده ونبداء
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
| Quote: انا عارف في ناس هنــا قاعدين يشوفوني عشرة .. عشرة وده شئ طبيعي لانو في ناس هنـا قاعد اشوفهم مية .. مية لكن مافكرت لحظة ان اتجاوز حدودي الانسانية معهم والله على ما اقول شهيـــد .. بمعنى ان احتفظ لنفسي باقصى درجات الحدة في الطرح والنقاش |
يا راجل يا جميل
هشام كمال
| |
|
|
|
|
|
|
|
|
|
Re: .. اقتـــــراح عــاجل جدا.. (Re: هشام كمال)
|
Quote: اقترح :
أن يكون هناك بوست كشف حساب ومودة شهري أو نصف شهري على أن يكون كلو في محلــو لا اقول ارضا ســـلاح .. ولا جنبا ثوابت وتهاون في الاطروحات والمبادي
هي مساحة نؤسس بها ادب الاختلاف بيننا .. كلنا نحتاج إلى الآخـــر .. وكلنــا انسان ناقص يحتاج أن يكمل بعض منه بالبعض منكم..
كثيرون نفتقدهم هنــا نتاج المغالاة في الخصومة ، الشتم من دون اسباب .. |
هل تعود لهذا المكان سيرته الأولى
هل تعود لهذا المكان سيرته الأولى
هل تعود لهذا المكان سيرته الأولى
هل تعود لهذا المكان سيرته الأولى
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
Quote: اقترح :
أن يكون هناك بوست كشف حساب ومودة شهري أو نصف شهري على أن يكون كلو في محلــو لا اقول ارضا ســـلاح .. ولا جنبا ثوابت وتهاون في الاطروحات والمبادي
هي مساحة نؤسس بها ادب الاختلاف بيننا .. كلنا نحتاج إلى الآخـــر .. وكلنــا انسان ناقص يحتاج أن يكمل بعض منه بالبعض منكم..
كثيرون نفتقدهم هنــا نتاج المغالاة في الخصومة ، الشتم من دون اسباب .. |
حلوة فكرة الصيد في ماء الورد دي يا تمبس, يؤسفني أن أختلف معاك هنا, زي ما ممكن نكون إختلفنا كتير دون أن نكون قد مررنا بي خطوط التقاطعات, أختلف معاك لأنها فكرة- رغم أنها مفعمة بالشعور الطيب- إلا و أنها قد تكون فكرة غير علمية و بالتالي غير واقعية" خيال رومانسي/مثالي " و من جرب المجرب حاقت به الندامة ! .. ليه ?:
- أولا و المؤسف شديد أنه للإحباط قرنين أو بعدين, الأول إنساني عام و التاني إجتماعي محلي و الإتنين بيخضعوا لي معايير تحليلية متنوعة , إجتماعي , إرثي , إقتصادي , طبقي , تعليم[ ما داك المابزيل بلم] علي قيمته النسبية , ده بجانب إفتراضات " الفكري " الكتيرة الدوخت العالمين !
- أهم حاجة تعلمتها شخصيا من وجود منابر "حوار" ,يقع ضمنها سودانيزأونلاين, هي أنها عرفتنا بي مجتمعنا بي صورة أكبر كتير من ما كنا" نتحيل " يعني ربربتنا الكتيرة زمان حول معاني التعدد في المجتمع السوداني لم تكن أكثر من أخيلة نظرية إلي أن جاءت فرصة العملي في " المعامل الأتموسفيرية " عيييييييك ! .. لاحظ لمن تنظر للكلام ده علي خلفية الإنساني العام بي منظور الطبيعة الإنسانية The human nature , عينك ما تشوفش إلا النور , المسألة يا تمبس أعقد كتير من مسألة الأمنية الطيبة العابرة, مع احتفاظي ليك بكامل حقك " الإنساني " في التمني و التعشم و " التنمل - بكسر التاء و النون -" خاصة ساعة الفلس و نوبات تراجي و دينق و بشاشا,
الكيزان ما جو من عدم , و التنوع الإثني ما جاء من عدم و كذلك التهميش و عبد الله بن أبي سرح و الشيخ حمد النحلان و محمد وردي و فاروق كدودة و مني أركوي و موسي هلال و نافع و سلفاكير وو.. المشوار طويل و الحاصل في المنبر ده هي " المناظر " يعني لازلنا في عنق الزجاجة و مرحلة الإنبهال الإجتماعي جاية .. ياخي ماشفت الروس و غيرهم بيتضاربوا في البرلمان و ما شاهدت ليك جلسة واااحدة للبرلمان الإنقليزي ? .. علي اليمين بس دايرين ليهم مسطول يوصفهم !
لو كنت بتعني " ضبط السلوك و اللغة و النفس بفتح النون و الفاء " و بتدعو لي شئ من "الإنسانية و الود " فدي كلها ثبت أنها أصبحت عموميات تم إخضاعها و إيقافها في صف "التحاليل " الإجتماعية و الطبية يعني تم محاصرتها بي تحديات مبتكرة يبدو لي أنه إجتياح المال و العولمة و ما يسمي بالليبرالية الجديدة في موازاة حظ السودانيين أن تكون علي السلطة" جبهة" لحظتها مما أطلق خيول المسرح المشاهد من ليلتها و أعاق فرص ضبط الوطن و الأنفس .. في زميلة هنا هبشت موضوع مهم لكنه وقع من البص هنا في " شارع مدني الإسفيري " و هو موضوع " العام و الخاص " موضوع كان من الطبيعي يهمل و يمر علي طريقة " كيس نايلو و الهوا شايلو" طبعا تصعب جدا محاوشة المواضيع القيمة هنا وسط بحر التابلويد اللجي ده, جانب من أهمية موضوع الزميلة أنه كان من الممكن بعد مناقشته محاصرة شيطان ظاهرة تحويل "العام" بي قدرة قادر إلي "خاص " و دونك الشجار المجنون هنا!
مسألة تانية أكثر حساسية إستشفيناها هنا و المجال غير صحي لي تناولها و هي أنه " أتاري " منطق المفاهيم القيمية ذاااته في خلاف حوله! .. تقول لي ( أوزون ) ..
يا زول أسمع وين أغنية الموصلي و آمال النور , خليني من المتاهة دي.
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
أشكر ذوقك الرفيع ..
تجدع الكيزان فوق رأس البيت .. لكن بعدما تهدأ شوية تلقاك تقوم تتشعبط بي فرق الطوب وتنزل الكيزان .. وتكشف بقية أسطح البيون وتكورك لصاحبك: يا حمادة كورتك الرايحة فوق رأس البيت ..
تحياتي،،،
جاد
| |
|
|
|
|
|
|
|
|
|
Re: .. اقتـــــراح عــاجل جدا.. (Re: JAD)
|
تمبس
الرائع حنى إشعار أخر
فكرة جميلة
والله ياتمبس وصلنا مرحلة ناكل كسرة بي موية ما لانو فقرانيين لكن لانو اي اكل بقى بغلط علينا
كمان الوقت بقى ضيقوما عندنا اخلاق لي الشكل ولاقوة سعة صدر رياضية ..
والبوستات من عينة (( دق الحلة عشان ابو القنفد اخاف )) والثعلب الفيكم الإطالع مرفعيني الخلا)) وهلم بوسه بنخلي ليها الدرب ..
فكرة رائعة وخلي احمرو ليك لحد ما ابقوا فشفاش !!
الفكرة رائعة وبلدنا عايز ناس قلبهم واحد برغم ألوانهم وعقايدهم وجهاتم؟؟
الدنيا كلها قاعدين اتوحدوا ونحن عايشين الاختلاف ولابسنوا شال
لازم من الدخول لي مدرسة ادب اللإختلاف
عنقالة ومثقفاتية وبي فن وجمال .....ومحبة وســـــــــلام....
| |
|
|
|
|
|
|
|
|
|
Re: .. اقتـــــراح عــاجل جدا.. (Re: محمد سنى دفع الله)
|
الاخ العزيز تمبس......
والله انا مبسوطة انوا الحبوب الاديتك ليها نفعت وجابت فايدة.....هههههههههه
كلامك جميل ومنسق بس ياريت توريني بتفاصيل اكتر طريقة التنفيذ لاني والله ما فهمت
احتمال عشان كمية الغازات المخدرة الشميتها الليلة في الشغل
لكن الصورة ما واضحة لي .....عاين لي عشرة عشرة وعيد لي الكلام ده تاني
(نحنا طبعا ما دخلنا لسه في كشوفات الحساب دي لكن عشان المصلحة العامة وكده)
| |
|
|
|
|
|
|
|
|
 Re: .. اقتـــــراح عــاجل جدا.. (Re: tmbis)
|
تمبس إقتراحك ممتاز
الطيبة الهبطت عليك دي أكيد بسبب طلة وش رشا الملائكي في البورد
Quote: أيقونة : يا كوز
أيقونة : يا علماني
أيقونة : يا متخلف/ة
أيقونة : يا عميل
أيقونة : يا مناضل الكيبورد
أيقونة : يا ظلامي/ة
أيقونة : يا جلابي
و هلم أيقونات |
يا حبيب أبو جهينة نسيت أهم أيقونة (من إندينا):أيقونة (يا طائفي)
| |
|
|
|
|
|
|
|
|
|
Re: .. اقتـــــراح عــاجل جدا.. (Re: Kostawi)
|
الأخ النبيل تمبس تحياتي،
لاحظت مداخلاتك فى بوستات تراجي ودينق من قبل، وكنت شايفك عشرين عشرين وشاميييك شم السنين (لأنو تراجي ودينق ديل مابنرضى فيهم، والله ناس تختهم على الجرح يطيب، ولا ناس بتاعين مشاكل زاتو برة البورد، وإستغرب كثيراًً لهذا الكم الهائل من الهجوم الغير مبرر لهما داخل هذا البورد)، وأيضاً عند مطالعتي لمداخلتك فى موضوع عيد ميلاد أبنائها، بصراحة أكبرتها فيك، ماعيب إننا نختلف مع بعض أو نشاكل بعض أو نشم بعض فهذه كلها أشياء طبيعية، لكن العيب فى الفجور فى الخصومة والتى أنت منها بريء براءة الذئب من دم إبن يعقوب. ونشكرك على طرحك الإنساني النبيل هذا وتسلم البطن الجابتك ولا فض فوك.
ولك الحب كله
| |
|
|
|
|
|
|
|
|
|
Re: .. اقتـــــراح عــاجل جدا.. (Re: Elmosley)
|
والله انه كلكم ناس ظراف وطيبين
عارف يا تمبس
قبل يومين بالظبط كان في تأبين لدكتور جون قرنق في تورنتو
والتقينا عدد من البورداب وغيرهم من القرأء
وكانت المفأجأه خالد كودي وندى علي والريح كودي انا كلمتهم
وهم كانوا في زياره لكندا.
التقينا بشمس الدين السنونسي و الفاضل الهاشمي وكان معانا اتحادي
وختمي كبير جدا اسمه دكتور ابوبكر
غايتو يا تمبس ما بتخيل ضحكنا قدر شنو على البور د وقصصنا فيه
وكل ما يقف متحدث نلقاه لك بس بشاشا.. وبعدين الفيلم كان وين؟؟؟؟
كان في انه كل المتحدثين تحدثوا عن مملكة كوش ومتنا بالضحك نحناالبورداب
واتمنينا نصورها فيديو لكم.
بعدين حاصرنا لك شمس الدين السنونسي انا وندى واتصورنا معاه
وقلنا ليه دي حنمسكها ابتزاز لك لو اتضامنت مع قوى السودان القديم ثاني في البورد
وما خلينا حاجه غايتو.
الخلاصه انه نحن شعب طيب بس في صواميل فاكه اعتقد.
وعارف المفاجأه كانت وين؟؟؟؟؟؟؟
كانت في رسمة خالد كودي الجايه!!!!!!!
قال رسمنا نحنا انا وبشاشا وابوبكر ادروب واحتمال خالد بحر لست متأكده
قال رسمنا كيف ما عارفه نخليها مفاجأه!!!!!!
عليك الله شفته جزاء سمنار هذا!!!!!
اه وحاتك انا من حسه بقيت ضد حرية التعبير وشوفوا لي اي خانه في سودانكم القديم ده
لانه ناس الجديد ديل دى طرفي منهم .
نرجع لبوستك
انا شخصيا مواقفه
ولن اقول هو طبعي وطبع الكثيرين هنا وانا واثقه وزي ما قلت الموضوع فيه فلس وفيه زهج
وفيه ضغوط وقصص كثيره والبتقع من السماء تتحملها مواقع الانترنت.
ربنا يهدي النفوس وزي ما قال الموصلي:
Quote:
متفق معاك ياتمبس بس قبل ماتبدوا
ادوني فرصه لي شوية دلاديم وشلاليت وجضيمات
ممكن
|
كدي خلونا نتم كترابة (التمباكه) وغيرها وبعدين نوقع
خلونا نوقع كلنا يوم 17/9 ده يوم مهم على فكره في تاريخ السودان ربنا يجيب عواقبه سليمه.
تراجي.
| |
|
|
|
|
|
|
|
|
 Re: .. اقتـــــراح عــاجل جدا.. (Re: Tragie Mustafa)
|
Quote: قال رسمنا نحنا انا وبشاشا وابوبكر ادروب واحتمال خالد بحر لست متأكده
قال رسمنا كيف ما عارفه نخليها مفاجأه!!!!!! |
الله ...
دي ما مشكلة كبيرة يا خاله تراجي أوعك يقوم يسويها فيكم ويرسمكم زي ما رسم المهدي..
وتبقى مصيبه كمان لو مشى تاجر في اللوحه وعرضها في معرض الهولوكوست وقال ديل من مغتصبي دارفور.!!!!
الشايقي
______________
فاوضني بلا زعـل
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
يا ابو الشباب
لو خليت حركتك بتاعة الافكار العظيمة دى تكون ريحتنا جدا
خليك فى كوفارك و فلسك
انت ما قادر تحل مشكلة فلسك جاى تحل مشاكل العالم - والعالم فى عقل كثر من البورداب يعنى البورد - وكمان باير ...
ياخى خدر عرس ....
كدى خلى الربربة دى ما دام المشروع اياهو طرشق شوف طريقة رسل لينا البتاع داك معاهو رطلين تمباك و موية زمزم
هسه خلاص انت و تراجى يقيتو اصحاب و لا شنو؟
عقبال.........
| |
|
|
|
|
|
|
|
|
 Re: .. اقتـــــراح عــاجل جدا.. (Re: esam gabralla)
|
يا ديني وايماني ..
يا عصام الدنيا ليل .. ومفترض تمشي تشوف ليك طريقة بتاعت نوم من بدري
ياخ انتو الواحد كان عايز يبقى زول عاقل وود ناس ما تدوهو مساحة ..
امشي نوم ياخ الله يهديك .. بلا تمباك بلا بتاع معاك
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
اييييييه دا الشغل دا الشغل ياتمبس
كده ابدا لينا عشان نمشي لقدام, اصلوا مشاكل البورد الوهمية جمدت النواحي الانسانية في القلوب .
حكمة اليوم
احيانآ نحتاج لمن يذكرنا بانسانيتنا
| |
|
|
|
|
|
|
|
|
|
Re: .. اقتـــــراح عــاجل جدا.. (Re: PLAYER)
|
صديقي
تمبس يارائع..
سلامات مره تانيه..
اقتراح راقي واكيد البرفضو بورط نفسه..
عارف مره سرحته زي مابيحصل انو اقرا لي حاجه ترفع غطي وافكر كده انو اكتب لحدي ما اتفشه..
لكن براحه براجع ليك روحي واقول كدي النصبر نشوف اخرته ..عشان ما تتكرر الحاله دي وافقد حبة الصبر الما حايقه في اي شي قلته اغش روحي ..وهنا النكته
يوم من الايام ديك قلته انعل ... هو شكل السلوك ده زاتو شكل هو لو راجل ما يمشي ليهو بالباب!!
ضحكته على روحي وعليهم ..ونمته مبسوط وبطلته الزعل .
لو كل واحد قعد براحه ومده راسه بره المونتر بروق وبهدا ومابكون في زعل..
بالمناسبه البري ده شوق لي ونسه معاك
لك الود
| |
|
|
|
|
|
|
|
|
|
Re: .. اقتـــــراح عــاجل جدا.. (Re: Aymen Tabir)
|
علاء ود منصور
ياخ انت رائع وبسسسسسسسسسس
تعرف يا علاء الاسبوع الفات مشيت مدينة هاملتون لى كورة، وإلتقيت لأول مرة بى الاخت تراجى...ياخ حازم وسند ما شاء الله عليهم ربنا يحفظهم أطفال حلوين؛
وتراجى زاتها لو ختت ناس بشاشا وكودى، زولة رائعة
| |
|
|
|
|
|
|
|
|
 Re: .. اقتـــــراح عــاجل جدا.. (Re: tmbis)
|
تمبس.. ود خالتي
اقتراح جميل..
لاحظت في بوست تراجي انو عدد المتداخلين (من قوى السودان القديم) كان أكبر من عدد المتداخلين من (قوى السودان الجديد)!!
فدارت في ذهني بعض المقارنات ..
ليس بوست المحبة هذا مكانها..!
هنا مكان فقط..لدعم هذا الإقتراح...
و أنا أدعم و أؤيد..
| |
|
|
|
|
|
|
|
|
|
Re: .. اقتـــــراح عــاجل جدا.. (Re: Sana Khalid)
|
Quote: وكانت المفأجأه خالد كودي وندى علي والريح كودي انا كلمتهم
وهم كانوا في زياره لكندا. |
يا تراجى
رودا مردا ما جات معاهم؟؟؟
انا لو عارف كودى جاي، كان خليت ضيوفى براهم وجيت حصلت كودى (بالحبوب)
______
بس ما تقولى لى (حبوب) شنو يا تراجى
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
يا تمبس
أنا أساساً بتكيف ليك قبل ما اصير عضر بهذا
البورد - الآن اقتراحك دا خلاني احبك عديل
واصل وقم بوضع التصور النهائي لإقتراحك والناس دي جاهزة
لأي عمل خير لأنها دي طبيعتهم وسجيتهم التي ولدوا وتربوا عليها
يا اخي الحبيب.
أبوفتحية
| |
|
|
|
|
|
|
|
|
|
Re: .. اقتـــــراح عــاجل جدا.. (Re: tmbis)
|
يا جميل يا حلو يا تامبا
اها انا مشيت على معتصم وماشين نكوس قريعاتنا الراحن وبالتأكيد بنلقاهن جوة الأريحية والوئام ده .. بعدين يا تمبس نحن ما ناس طيبين وناس (باركوها يا جماعة) (والجاتك في مالك سامحتك) (وبليلة مباشر) (وحبابكم عشرة) (وادخل لا جوة آآآ زول) (وحرّم ما تدفع) (ويا زول الحديد طاير الحمد لله على سلامتنا نحن) .. والفليع الشايفنو في المنبر ده لا يتعدى سطوره بأي حال من الأحوال .. وتجمع بورداب الرياض خير دليل .. وتلاقي اهلنا الطيبين باختلاف الوانهم واطيافهم في تأبين دكتور قرنق زي ما قالت تراجي أبلغ برهان ..
وكلنا آباء لكل الأبناء واخوان ليهن الجندريات وهن امهات ابنائنا وعماتهم وخالاتهم
والجمييييييييع ( عجوه معطونة في عسل )
نؤيد ونثني هذا الاقتراح الرائع من الانسان الأروع
| |
|
|
|
|
|
|
| |
tmbis
تولوس
Bakhaf
محمد الأمين موسى
أحمد الشايقي
Ahmed Abdallah
معتصم دفع الله
Al-Shaygi
انعام عبد الحفيظ
alsngaq
bayan
abas
هشام كمال
صلاح الدين عبدالله محمد
الصادق صديق سلمان
JAD
محمد سنى دفع الله
رشا سالم
غادة عبدالعزيز خالد
صديق الموج
ابو جهينة
lana mahdi
عمران حسن صالح
Elmosley
Kostawi
النذير حجازي
Tragie Mustafa
PLAYER
Aymen Tabir
Yassir Tayfour
mohamed elshiekh
على محمد على بشير
امير عوض الجمري
فيس بوك
تويتر
انستقرام
يوتيوب
بنتيريست