السودان يتبرع ب11 عربة اسعاف مجهزه للبنان !!!!!والا الكلام على اللون!!!

Quote: المذيعة السودانية داليا أحمد تعرضت قبل فترة لحملة شعواء بسبب رائها الواضح والصريح في الحروب الدائرة في لبنان حيث وصل الأمر في التحقيق معها بدائرة الأمن ومن ثم الترحيل لخارج لبنان لأنها لا تملك جواز سفر لبناني وسافرت لأمريكا حيث عملت بقناة الحرة ومن ثم عادت مرة أخرى للبنان داليا أحمد لم تزر وطنها الأصلي السودان حتى الآن!!! دعوة لها للعودة للوطن والجذور والمساهمة ولو بالقليل مما تملكه من ذخيرة معرفية وخبرات تراكمية في مجالها وهذا ما نفتقده في الشاشة السودانية الجراء الحضور الدائم حسن المظهر واللباقة (أفكّر دائماً أنني لبنانية إنما بعد الحادثة التي تعرّضت لها بدأت أستوعب أنني لست من لبنان. كنت أقول أنا لبنانية ـ سودانية ـ مصرية، وبعد الحادثة كانت المرّة الأولى التي أقول فيها أنني سودانية. صرت أتمسّك بما كتب على الورق كإثبات وحيد لي، ولم أعد أهتمّ بما أحسّه من الداخل. حصل كثيرون على الجنسية اللبنانية... منهم من يستحق ومنهم من لا يستحق؛ ولا أعرف ما هو السبب الحقيقي، قد يكونون أجدر بلبنان منّي.) فندعوها جميعاً للعودة للوطن والمساهمة ولو بالقليل في تطويره والرقي به . سوف أوفيكم لاحقاً بالرابط أعلاه .

Quote: المشكلة ما في لبنان, ولا في الحكومة, المشكلة فينا احنا زاتنا شايلين شعاراتنا وحايمين,, نلعن ونسب في الحكومة , وفي الدمار الفي البلد وكلنا "ناس المنبر" مرتاحين ومنعمين,, مافي زول يقول غير كدة لانو بابسط دليل الكمبيوتر والنت من الكماليات. الاطفال الصورهم مالية المنبر ديل عملنا ليهم شنو؟؟؟ كم واحد فينا فكر يرسل لزول بيثق فيهو يقول ليهو امشي اتبنى كم انسان مشرد ضائع ما لاقي ياكل واطعمه؟؟؟ كم واحد فينا فكر يجمع الملابس الاصغر من اطفاله او الما محتاجين ليها وشحنها لاطفال المايقوما؟؟ عارفين ميتم المايقوما فيهو كم لقيط؟؟؟ اطفال تدمع عيونك لرؤيتهم. مهملين ترعاهم المنظمات الاجنبية, وعندما تستلمهم حكومتنا, ترسلهم الاصلاحية من سن الرابعة!!!!!!!!! ممكن بمساهمة بسيطة من كل واحد فينا, ومن غير ما نستنى حكومة والا مؤتمر ينهب القروش ويختها في جيوب اعضاؤه. ما اظن ح نخسر حاجة, حتى الالعاب المكسرة البنرميها,, ممكن تدخل فرحة في قلوب اطفال ما اظنهم عرفوا معنى الطفولة.