بيروت رِباةْ بارُودْ

Quote: ديل علَّمُوني أشيلْ حِمْلي المخيف وتقيل وحداني فوق كتفيْ دامْ كتْفَ أخيِّي شلِيل !!

Quote: شكراً .. لكلِّ عميل ! مِنَّ الفرات للنيل ؟؟! .. ديل علَّمُوني أشيلْ حِمْلي المخيف وتقيل وحداني فوق كتفيْ دامْ كتْفَ أخيِّي شلِيل

Quote: دحين يا حميد لو عملتها نزلها لينا هنا ولو ماعملتها يكون عيب الشوم ماممكن بيروت تحرك احاسيسك وشيطان الشعر بتاعك اكتر من دارفور

Quote: لا أشْتُمْ العربان والواقِفِين بِينْ ..بِينْ !!؟ ..

Quote: قصَبَةْ مدالقَ السيل قطعاً .. خدارَه تقيل

(عدل بواسطة Ibrahim Adlan on 08-10-2006, 11:43 AM)
(عدل بواسطة Ibrahim Adlan on 08-10-2006, 11:44 AM)
(عدل بواسطة Ibrahim Adlan on 08-10-2006, 11:45 AM)
(عدل بواسطة Ibrahim Adlan on 08-10-2006, 11:46 AM)

(عدل بواسطة munswor almophtah on 08-10-2006, 01:04 PM)
(عدل بواسطة munswor almophtah on 08-10-2006, 01:06 PM)

Quote: مثل هذاالكلام هوالذي جعل المثابرون والشعراء ينتعلون خشاشة الارض ويرتحلون عنكم وعن هذا المكان.. وأنتم تمكثون ليل نهار..! مالكم كيف تحكمون...؟ كيف تفرضون على الشاعر مجال شعره وفكره.. وتقولون لماذا لم يفعل هو كذا وكذا..؟؟ ياخي هذا شأن يخصه لو كتب عن لبنان ولا جزر القمر..! هو حر في فكره..!! هذه أشياء لا تكتتب بل تكتب نفسها..

(عدل بواسطة Bashasha on 08-11-2006, 11:33 AM)

Quote: السايقى واصلي كنا أحسن حالا وإن كان ما إتلقي الحكم اليصلِّح الزمانات كانت أمهل المعايش كانت أسهل كانت الملحات تملح كان قشيش الأرض أخضر والخدار للعين يفرّح كنا من طرف التقاند نملا ماعونا ونروّح كانت المويات حبطرش وما مرق بترول بلدنا بي ضي النجمة الحميرا أو القميرا نسوق نبوق والمتر بي فوق مفرّش بالسواعد شيل نفسنا وختوا واحد وفينا قولة الله يساعد كانت أصدق و اليتم للتاني يلحق كنا نتونس نفاقد و الرقاب تالا التراب عرقن يسابق و العيون بالحر يقطرن والعريريق تلقا لاصق في جسمنا وفينا كدّب بالترابه السودا دابغ بس تبرّد لي بطنا قولة الدارعنو فوقنا ده من قطنا تمرق الإبر المكيني يجيك وطنا ثم تلقي الباقي كلو بصاره ايدينا والله ينصر دين بلدنا وينصر إخلاص الشغيلة علي العفاريت الدخيلة تنكسر ريح العوارض وتبقي كل الدنيا هيلا وما يصح تملاها عافي وتحيا في أحوال عليلا هي البتستاهل رحيق مرقاتا روقاتا وعديلا وفي الحقيقة هي أولي بالخير من فقر شيخ القبيلة و الجلاليب الرهيفة ولمعة الكاب العميلة بتنا لمن نقول لا نستغفر كأنو كفرنا بالله بعدنا عنو مع أنو عارفين الله عادل ومافي ظلماً جاي منو والرسالات السمويات جميعن عادن الجوع حرمنو كنا ننضم زي فياقة في ضليل منقاي نفطر والقراريص حار فراقها قمحة سمحة ومو إغاثه من زارعتا للعواسة جمبنا الجدول شرابنا جاي من نيلنا اليطمن ونيلنا مدعوم من سحابنا صن و الشاي بي رواقا وحيو دارفور يارفاقا سنتطا ونبقا الدقاقا الجنوب الارضو عاقا الله يديها اليخارج زولا من مطموسا ضاقا وكب نعكم في الطواري ونلقي نفسنا في هجير بلا المراكبية التمقدف والبحر فاير دميري بتنا في حالة طواري وحظر هاري وطن تجاري ونيلنا جاري من الزفاري الفي الكباري كرم جروفو عقاب صحاري قرف يمين ووجع يساري بتنا نقضم و الوخم شال فوقنا يردم الا حالنا وبالنا بنضم سبع حيكومات ومالن كلهن سفهن رجالنا سبع حيكومات ومالن كلهن طلعن خوازيق كلهن جحدن نضالنا سبع حيكومات ومالن كلهن قلبن علينا كلهن حرنن قِبالنا وقولة العمال سواعد الثورة و الزراع ضراعا وقولة حماية الديش لشعبوا نفاق اشاعة الثورة وينا خزي الجلاليب الرهيفة الإنقلابات المباعة انقرعوا يا حكام جرايد فالصوا تلفزيون إذاعة نحن ناس الوجعة عارفين ياتو جيها قلوبنا فيها معانا بالحق و الامانة قبل نزيها وياتو جيها تكت وشيها علينا بالزيف والخيانة كفانا قطت وكانت المرحات تملح وكنا أحسن حالا وان كان ما انلقي الحكم البصلح إلا ما دام فينا حرقة وفينا فورة دم غبينا نعز نبينا ومن نبينا نعز وطنا ومن وطنا نعزو عالم من محبة سلام سكينة غيمة غيمة ونبتا نبتا وطينا طينا ما بيصد السيف جفيروا إلا ترتاح المدينة و البلاد تفرد جناحا مع الزمانات الحنينة و العصافير و الشجر وجملة اطفال الفقاري تغني للمطر البجينا في الصباحات الطراوه والندي البغسل جبينا فيا وطن تصبح خير بيكا اصبحنا ومسينا فيا وطن تصبح خير و الميامين مينا مينا فروا ضرعاتم بوارق لي ملاقة السفينة ويا بحرنا السايقي واصلي وما نضب ذات يوم معينا والله كانت ديك عترا وياما كم عدلت مشينا فيا وطن تصبح خير بيك اصبحنا ومسينا فيا وطن تصبح خير و الميامين مينا مينا فروا ضرعاتم بوارق لي ملاقة السفينة ويا بحرنا السايقي واصلي وما نضب ذات يوم معينا

Quote: خبِّر جمال الشيل من خطْوَة .. يبدَا الميل

Quote: الانسان المستلب ثقافيا، مستعبد ذهنيا ابدا مايتكلم عن الانسانية، الحب، الكراهية، لانو كمستلب لايملك من امرو شئ، وبهذا يظل مسير علي نحو جبري، بحكم العلاقة الغير سوية مابين السيد العربي، وعبده الحبشي.

Quote: لاحظ عزيزي القارئ وكنتاج لي اسلوب الصعق الكهربي المتواصل من جانبنا، هذا البعثي ابتدا يتكلم عن هوية "مزدوجة" بدلا عن كلامم القديم عن هوية عربية لي ديار الســـــــــــودان!

Quote: الاستاذة تراجي / ابوساندرا .. السياسي في وادي والشاعر بي غادي ، تطابق رغبة الشاعر لأحلام السياسي تخلق افظع مصنع انتهازية . حميد وكما قال خالد عويس يتفاعل مع قضايا الأنسان ولا تحتاج شاعريته من يدق بابها ، فهي مفتوحة لقضايا الأنسان المنهوك

Quote: بالمناسبة دي، قريت من فترة انو اليابانين في واحدة من الجزر، لقو ناس عايشين في الاحراش، اعتقادا منهم انو الحرب الاهلية الاوربية الثانية، المعروفة بالحرب العالمية، لسة مدورة! طبعا اقنعوهم انو الحرب دي وقفت منذ اكثر من نصف قرن، اوعلي كده الجماعة جو مارقين! الكلام، ناس حميد ديل البقنعم انو الاتحاد السوفيتي "العظيم" اتلحس من زمن، والحرب الباردة وقفت من زمن، والاوربيين عادو كما كانو اسرة بيضاء، واحدة منو؟

بشاشا الفارش اخو البنات
قلت
ان حميد في غيبوبة...نعم حميد والشيوعيين في السودان في غيبوبة ولكنها لها اربع عقود فقط وانت يابشاشا غيبوبتك ليها 7 الف سنة يا امير كوش العظمى..تحولت الى الفوصل عينة في هذا المنبر(حديقة الديناصورات)

يا بشاشا
انت وحميد اختلاف مقدار
ويقول القانون الثاني لدنميكيا الحرارية(مبدا كارنوا(نلخص من ذلك أن الزمان حركة وأن مجرى الزمن مرتبط بتغير المواد الغروية لخلايا أجسامنا وعلى الخصوص خلايا الدماغ ، فإن أي نوع من الإختلاف يطرأ على شعورنا بالزمن المعاش "الحادث" ، في بعض الحالات بسبب النوم أو الحالات المرضية (الحمى ، التسمم) ، يقابلها تغيرات في توازن الغرويات للجهاز العصبي ويخضع تغير هذه الغرويات للمبدأ الثاني من مبادئ الدنميكا الحرارية "مبدأ اللارجعة"(2) ، فمحور الزمن له اتجاه واحد هو الإتجاه الأمامي ولا يرجع إلى الوراء أبداً ، ومبدأ اللارجعة هذا يسيطر على حركة التطور في الكائنات جميعاً ، تسود فيه فكرة الاحتمالات ، فالحالة الأكثر احتمالاً تعقب حالة أقل احتمالاً من غير أن ترجع إلى وراء ، هذا السبب الذي يحول دون نكوص المجاميع المعقدة بما فيها الإنسان وتقهقرها عبر الزمن . إن مجرى حياتنا وزمننا المعاش الذي لا يقهر هي حالة خاصة من حالات مبدأ من مبادئ فيزياء المجاميع المعقدة ))).

وانت ومن تناكفهم هنا مخموررين بخمر الايدولجية المغشوشة..وهي حالة مرضية سياسية غير مصنفةاعلاه.. لان القانون قديم شوية...وده تعديل سوداني ليه(براءة اختراع)

وبعدين نحن يا اخوى كنا في كريمة 1987-1989 وقبل كده كمان وكمان وهذه المدينة حاضرة من حواضر الشمال ..وفي هذه المدينة يوجد جنوبيين ونوبة ومدرس من دارفور اسمو حامد يدرس انجليزي في مدرسة البنات وسعيد جدا وفي اثنين من اولاد النوير اعتنقا الاسلام ويعملان في تقفيس التمر بالاجرة ويقيمان مع احد اهلنا الختمية في بيتو وحمامتا مسجد كريمة يجلسان فيه من الساعة العاشرة يتلوان القران وهما ختمية ولم اعرف ان احد وضع السيف على عنقهما اما يسلما او يدفعا الجزية عن يد وهم صاغرون اي زليلون حقيرون..ويوجد فى مدرسة كريمة الصناعية التي كنت اعمل بها اكثر من 18 طالب جنوبي في الداخلية يدرسون ويعزفون على الة الطمبور.. وعملو مع طلاب المدرسة على بناء رصيف نوري لدرء الفيضان...وليس سخرة...
اخبرنا بصورة ادق عن حالة الانتهاك لصابحك محمد ادووم ده وين وعايز تجي كمان مع وفد من دارفور لزيارة سعاد اية الجمال البقت بين كرمة وكريمة...وبعدين ملفات الشرطة موجودة منذ الاستقلال ..فتش لينا اذا كانت هناك جرائم ضد الانسانية او تطهير عرقي تم في الشمال في حقبة ما قبل الانقاذ الكالحة ضد ابناء الغرب او الجنوب المتواجدين هناك ...لان غير مسؤل عن هذه الحقبة(1989-2006) واعرف ان ايدولجية الاخوان المسلمين والتطبيق المباشر لها في السودان وضيع وبكل المقاييس....وهو العدو المباشر الذى احاربه هنا..
وبالله ده وعي زول قاعد في امريكا البتفك الصواريخ لزحل وترجعا بدقة..خلي كلامك دقيق مش يهيج العواطف ساكت نحن في زمن الفمتو ثانية...

اسمع يا اخوى اقرا القانون الفوق ده كويس
الماضي لن يتغير
فقط راهن عل المستقبل وخليك من سوات الحكامات دي... وحكامة لناس مازومين ومختلين الوعي والشعور ...والدليل اللو ...وشوف بوستام في ارشيف المنبر مقرفة كيف ..
واذا عايز تغيير الماضي ننصحك نصيحة ميتافيزيقية شفناها في فلم سوبر مان الجزء الاول..لف الكورة الارضية بالعكس...عشان ترجعنا للعهد الكوشي الميمون
وتاكد ان اليساري المحلوج لا يقل ضرارا من الكوز المصقر وكلاهما وجهين لعلمة واحدة لا تصلح في السودان الجديد والدولة المدنية ويشكل عبء ثقيل على ثقافة المجتمع المدني .. وادي ازمة المثقف السوداني الطاووس
ونحن يا اخوي مرتكزين على افكار المربع الذهبي(الاستاذ محمود- دكتور قرنق- منصور خالد- محمد سليمان)..ومن الاربع شموع وكتبهم القيمة هذه نضيء الطريق لابناء السودان في الجهات الاربعة...وانت كان شايف نفسك الفارش اخو البنات لاقيني في بوست سباق المسافات الطويلة....اوعك تشرد كالمعتاد قبل ما ينخفض اللون البرتقالي الي اللون الاصفر..
مش انت بس
كمان معاك
الازبيرات المالية البورد ده...ازبيرات السودان القديم تحديدا والصواميل كمان...
سامعني
ولى اقول كمان

(عدل بواسطة adil amin on 08-13-2006, 02:28 AM)

(عدل بواسطة Adil Osman on 08-12-2006, 04:18 AM)
(عدل بواسطة Adil Osman on 08-12-2006, 08:38 AM)