اضحك فرفرش مع هنــشروقــــــــــــــــــادي

Quote: محمد حسن افهم البوست دة ليس جزءا من مسابقة ملكة جمال الاحزاب و العوارة الأنت قلتها هنا دي من النوع الطلع دين السياسة السودانية و بقاها بغيضة و منفرّة للرأي العام، حتى ما داير اولغ معاك فيها، و الفلاحة الجد، تتفقد اهل محمد عبد السلام وكت انت مجاورم، بدل التكسب السياسي دة، كان تقول الجبهة الديمقراطية اتلومت في اسرة الراحل، كنا دنقرنا في الـــواطة دي، حسرةً و خجلا و مشاكلك النفسية مع الشيوعيين تحل في مراكز الطب النفسي البديل، و خلافاتك الفكرية تحل بالكتابة الجادة و التفكير مش بي نوع كلامك بتاع الشيوعيين شينين ما تضطرانا نركب ليك آلة الزمن و نرجع لي ممارسات القطامة و قلة الشغلة، و الله نوع كلام الشناة دة يبقى ليك وقَع فيها (هسة شطبت كلامي الهنا) افصح من منو؟ بعدين وكت جيت زول بيع و شراء، اها زولك ياسر فتحي دة، بتاع المخابة الجماهيرية التي الهبت المشاعر ديك، مش هو المشى منكم مع مبارك الفاضل؟ و هو نفسه في انتخابات اتحاد جامعة الخرطوم 2003 كان نازل في لستة واحدة مع المؤتمر الوطني؟ و هو بالذات اشتغل مخابة مشتركة مع عمار باشري بالذات، القاتل بتاع محمد عبد السلام؟ شوف كلامي دة كلو، جبت سيرة تنظيم معارض بي شر؟ ما لأنو عاجبنني، بما في ذلك حزبي، بس ما بنتشاكل هنا في الضريح دة، بابك الفتحتو دة بودي التوثيق دة لي مناقرة السياسيين السودانيين التي استبقت الجبهة الاسلامية و فرقت شملهم، لا التوثيق لاغتيال محمد عبد السلام مع حرصي أنو ما ينجرف البوست الى مشاغلك الصغيرة دي، بس لأنك طلبت السماح، بقول ليك عندك اوثورايزيشن مكتوب اهو دة، اي اسامي او معلومات تتعلق بالجبهة الديمقراطية بحوزتك، ممكن تعتبر نفسك في حل من حفظها، ليست الجبهة الديمقراطية من يساوم أو يخضع للابتزاز يا زول هوي، دة اذن نهائي و لا تحتاج للمراجعة، و لو في المستقبل، و حقك علي، و انت ذاتك ياخ، ما تستأذن في ما ينفع ذاكرة هذا الشعب، و يتسق مع ضميرك، و مصالحك الحيوية