|
|
|
 Re: دينق يعتذر لأحمد الريّح ، في الطيف أم في الصحيان؟ (Re: Ahmed Alrayah)
|
كنتً أودّ تسمية هذا الPost ب ( Post الزرزرة ) لولا شغفي بحقيبة الفن التي أدين بالفضلِ في حبّها الذي ملك شغاف القلبِ لوالدي العزيز الذي أدين له بفضلٍ آخر هو حب الهلال، ولولا الهلال وحقيبة الفن لكنت عدواً للجمالِ والفن كما وُصفت غير مرة !
____________________________
ولوالدي العزيز في حبِ الهلال طرائف كان آخرها يومَ التقى الهلال بالوداد المغربي في لقاء الإياب بالمغرب ضمن مباريات كأس العرب، هاتفته قلِقاً لأعرف نتيجة المباراة بعد أن انقضى شوطها الأول، لكنه أجابني بأنه (ما شغال بالكورة) و(داير ينوم)، ولم تمضِ نصفُ ساعةٍ حتى هاتفني هو مبشراً من السودان (مبروك مبروك الهلال غلب) !
| |
 
|
|
|
|
|
|
|
|
Re: دينق يعتذر لأحمد الريّح ، في الطيف أم في الصحيان؟ (Re: Ahmed Alrayah)
|
الزرزرة مفردة عامية أظنها أقرب معنىً ل ( تضييق الخناق )، ولعلّ من الطريفِ أنّ الزرزرة مصدر مشتق من فعلٍِ له معنىً مختلف هو ( زرّ ) ، يُقال أنّ فلاناً ( زرّ ) فلاناً إذا ضبطه متلبساً بأمرٍ ما،
بيدَ أنّ القصدَ من هذا المقال هو ( ضبط ) دينق متلبساً بأمرٍ ما و( تضييق ) الخناق عليه حتى يستغيث بمن هم في حوجة لإغاثة عاجلة ، وربما، أقول ربما، تم قطع إجازة عظيم النوبة بشاشا واستدعاؤه لأداء الخدمة الوطنية!
| |
|
|
|
|
|
|
|
|
|
Re: دينق يعتذر لأحمد الريّح ، في الطيف أم في الصحيان؟ (Re: Hussein Mallasi)
|
ظهور ملاسي باسماً في هذا المقال سيمنح عظيم النوبة بشاشا فرصة ذهبية –عند استدعاءه لأداء الخدمة الوطنية- لكتابة تعليقه الذي أكل عليه دهرُ المنبر وشرب ثم مدد رجليه فاسترخى ونام!| Quote: كالعادة ، مجموعة من جرذان الإسلام السياسي وزنوجة الشمال... |
أما الفرصة ( الفضية ) فستكون من نصيب الذين يعتقدون –جازمين- أنّي تتلمذت على يدي الأستاذ حسين ملاسي !
| |
|
|
|
|
|
|
|
|
|
Re: دينق يعتذر لأحمد الريّح ، في الطيف أم في الصحيان؟ (Re: Ahmed Alrayah)
|
تصبّب العرقُ من دينق وأنهكه التعب بعد يومين متواصلين من البحث في الأرشيف عن دعائم اتهاماته الواهية، كاد يلقي كلّ شيء خلف ظهره ويعود لولا أن تذكر أن الكثيرين في انتظار عودته فملأه الحَـنَـق وهمهم بكلمات غاضبة رددت جدران دهاليز الأرشيف صداها فارتعد، تمالك نفسه وخطا خطوتين إلى الأمام وهو يتلفت يميناً ويسارا، وفجأة اصطدم بجسمٍ بشريّ فانتفض مذعوراً وبدرت من صاحب الجسم البشري صرخة وجِلة،
أضاء صاحبنا شمعة كان يحملها فاتسعت عيناه دهشة وهو يرى كوستاوي !!
  
- كوستاوي؟
- دينق؟
- إنتَ بتعمل شنو هنا؟
- نفس البتعملو إنتَ !
- برضو بتفتش كلام الكوز أحمد الريّح ده؟
- من قريب شهرين كده !!
- شهرين؟
- أيوه، وهسي أنا راجع قنعان
- لا حول ولا قوة إلا بالله! يعني تعبي وتعبك ديل راحو ساكت؟
- يازول ولا يهمك، نرجع ليهو وننزل ليك فيهو شتايم عشان يآمن!
- طيّـب لو سألني مالك ما جبت الدليل؟
- دي صعبة دي يا دينق؟ قول ليهو ( كوزنتك دي ما بينتاطحو فيها عنزان) !!
| |
|
|
|
|
|
|
|
|
|
Re: دينق يعتذر لأحمد الريّح ، في الطيف أم في الصحيان؟ (Re: Ahmed Alrayah)
|
| Quote: بعديين أنتو نوعكم ده بتكرهو الغرب ده كره شديد جداً ولكن في نفس الوقت بتحبوا دولارتو ويسيل لعابكم لها |
استدعاني Christopher White مدير شركة (...) التي أعمل بها بمدينة (...) الأمريكية لمكتبه صباح الاثنين الماضي، Christopher بالمناسبة من المداومين على قراءة Sudaneseonline ومعجب بشجاعة فنان الهامش خالد كودي،
طرقت بابه بحذرٍ وتوجُس، رفع رأسه ببطء –كعادته- وأشار لي بالدخول والجلوس، جلستُ سائلاً نفسي عن سبب هذا الاستدعاء الباكر (الساعة السابعة والربع صباحا)، ظلّ Christopher عاكفاً على أوراقه لبضعِ دقائق مرّت متثاقلة ثم صوّب نظراته نحوي وقال :
- صحيح الكلام القالو دينق ده؟
تملّكتني الدهشة فأجبته بسؤال:
- دينق منو؟
فقال بصوتٍ جاف:
- دينق الواحد ده، بتاع Sudaneseonline
- كلام شنو؟
- صحيح إنتَ بتكره الغرب؟
- في الحقيقة يا...
- أنا موش عاوز لف ودوران، بتكره الغرب؟
- بصراحة يا سيادتك، أنا بكره الجنوب غرب
- الجنوب غرب؟
- أيوه
- ما فاهمك
- دينق يا سيادتك بيقصد الغرب الأمريكي ، لكن أنا في الحقيقة بكره (الجنوب غرب الأمريكي) لأنّو الحرّ فيه مبالغة عديل كده، ده كلّ الموضوع سيادتك.
- يعني الموضوع ما عندو علاقة بالقاعدة وحزب الله والحاجات دي؟
- أبداً يا سيادتك، نحنا ناس في حالنا ، عليك الله شفت ليك سوداني إرهابي؟
- أيوه، Sudaneseonline دي فيها إرهابيين كتار.
- سيادتك إنتَ مستنير ولا شنو؟
- نعم؟
- لا لا ما قلتَ حاجة، Sudaneseonline دي فيها المسميات ما بتحمل معانيها الحقيقية يا سيادتك،
- كيف يعني؟
- يعني مثلاً: كوز ما معناها جبهة إسلامية، معناها زول عامل ليك جنّ وغلبك تتخارج منّو!
- كوز؟
- أيوه كوز يا سيادتك ، Mug يعني،
- الظاهر أنا في حاجات في المنبر بتاعكم ده ما بغهمها!
- ما في مشكلة، أنا ممكن أساعدك، أسبوع واحد بس من المساعدة المكثفة وبتفهم كل حاجة
_____________________________________
بعد إسبوع جاني Christopher White وقال لي: دارفور دي لا فيها تطهير عرقيّ ولا يحزنون!
- يا دابك بقيت تفهم يا سيادتك!
- يا ود احترم نفسك!
- آسف سيادتك ، ما قصدتَ.
| |
|
|
|
|
|
|
|
|
|
Re: دينق يعتذر لأحمد الريّح ، في الطيف أم في الصحيان؟ (Re: Ahmed Alrayah)
|
تم حذف المقال التالي الذي كتبه متواضع الفكرة والأسلوب دينق والذي حاول عبره بث بغضه غير معروف السبب لدكتورة بيان:
المقال ربما يكون حذفه الأخ أمين الموقع لمخالفته ضوابط المنبر الحاكمة أو طالب دينق نفسه بحذفه بعد أن صار وبالاً عليه، وفي الحالتين دينق هو الخاسر بعد أن بان سوء غرضه وعجزه عن الدفاع عن كلماته التي يكتبها.
| |
|
|
|
|
|
|
| |
Hussein Mallasi
Deng
فيس بوك
تويتر
انستقرام
يوتيوب
بنتيريست