|
|
 يا بورداب الدوحة معتز القريش متشرد
|
بصراحة كدي وبدون لف ودوران أنا متشرد ـ أولادي سافروا السودان عشان صاحب الشقة طردنا قال ايه قال عاوز يأجرها مكتب ـ
أنا حاليا متشرد لا أملك سكن
أحد الأصدقاء البورداب الأعزاء وزوجته وعدوني بسكن بس بعد شهرين .
عشان كدي ساعدوني عاوز لي غرفة وحمام ومطبخ بس ـ دي كتيرة .ولو ملحق يكون أحلا .
وكان ما ساعدتوني ، تاني شوفوا ليكم زول يجيب ليكم لحمة الشية .
ومن فرج كربة عن مسلم فرج الله عنه كربة من كرب يوم القيامة .
ظلامي لكن فنان
|
|
 
|
|
|
|
|
|
|
 Re: يا بورداب الدوحة معتز القريش متشرد (Re: معتز القريش)
|
الله والله ما رضيتها ليك يا معتز
لكن ما اتصلت بى رئيستك ليه.. حاول يمكن تشوف ليك حل هى والمقرره الاعلاميه ولا اقول ليك
اعملو لجنه للموضوع وتنبثق منها لجنه اعلاميه وتتفرع منها لجنه ماليه..
وشوف ود الامير لاجتماع هام وعاجل لكن لو اتصلت بى الاخ ودرمليه ممكن تلقى عندو بيت شعر لانو شاعر
بى عظمه وكده من يوم الرحله وراسو بقى كبير وبقى ما يرد على التلفونات لزوم الاهميات وكده
-----------------------------------------------------------------------------------------
اتصل عندى ليك حل 5890823
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ضحيه ابراهيم)
|
انت يا العميل المندس ... اصلك كان ما جبت سيرة ود النمير الكلام ما بسير
الرئيسة هسى خليها فى حالها ... النشوف حلك انت شنو
بس اهم شى اوع تمشى تستخدمو فى حملتك الانتخابية الجاية ... نظام اعلام وترويج واصطياد فى الماء العكر ....
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
| Quote: الرئيسة هسى خليها فى حالها ... النشوف حلك انت شنو |
يا رئيسة شوية شوية على أخونا الغالي ضحية الراجل ما عارف الحاصل شنو وما قصر معانا.
همسة في اضانك ما تكلميهو (عندو لي استديو لمدة شهرين خلينا نداديهو لغاية ما نمسك الاستديو وانتي مقامك محفوظ).
بعد الشهرين بنصوت ليك وطلاقا أخدر غيرك ما بنرشح .
ويثني ذلك عبد الرحمن ابو شيبة .
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ضحيه ابراهيم)
|
شكرا يا ضحية باشا يا ايها الرئيس المضمور فقد تم الاتصال بصاحب السكن وتم الاتفاق بس الاستلام لسه لما نستلم تأكد انو صوتي ليك وخلي يولي راندوك ـ هو زاتو كان ما الدنيا انقلبت تبقى رئيستنا حرمة؟
بس خلي بالك من السعر .
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: معتز القريش)
|
شعب كل حكومة ... قلت لى خلى ولى ...
| Quote: هو زاتو كان ما الدنيا انقلبت تبقى رئيستنا حرمة؟ |
اها كمان انا ونانا وماهى ناوين نترشح للجنة الرحلة الجاية ... وح نعمل حملة انتخابية كمان ... ولما نفوز ... اوع تجى تقول انا معاكم فى اللجنة!!!!!!!
عالم مالهاش امان ...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: يوسف الولى)
|
معتز القريش.....
الجاتك في بيتك سامحتك....
في اطار تحالفي التاريخي مع الريس الشرعي (ضحية)...
اومن علي ان الحل بتاعك عند الريسة لانو دي مهامها لازم تشوف حال الاعضاء
وتطمئن علي مستقبلك الاستقراري...
حليلك يا ضحية لو كنت (اكتنغ) كان معتز قريش ساكن في اوضة زي الورد في (الشيرتون)...
عموما تاكد لينا صوتك في الانتخابات نضمن ليك اوضة في (سوفاتيل)...لحدي الانتخابات
..وبعد داك تمشي الشيرتون عديل كده يافنان يا ضلامي...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: خضر الطيب)
|
الاخ..معتز
ساني ووجع قلبي وقل نومي ان سيظل معتز حبيبي لازال متشرد وهائما علي ارض الدوحة
بين (الدوارت) والاخوة البورداب لا هم لهم وكان معتز يوذن في مالطا..
اول المدانيين هي الرئيسة التي تفرغت الي المعارك الجانبية مع المعارضة و ناسية
قضيتها الاساسية كرئيسة يفترض ان يجافي النوم عيونها..؟؟؟؟
لا للتشرد..
فلتقف الادارة موقف حاسم وصارم تجاه هذا التشرد حتي لانسمع بمتشرد اخر..
لا للتسويف
نعم للريس الشرعي (ضحية)..
معتز كنا قد وعدنا بغرفة في (سوفاتيل)..لكن بعد حركاتك دي (ام غويلنة )
بس..والغرفة فيها 4 هنود كمان..
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
معتز ..
يا صديقي .ز
والله ما عجبنا ليك ..
لكن معقولة بس يا معتز ؟؟ هسي في زمن الايجارات ام ستة الف وسبعة الف دي تلقى ليك سكن وين ؟؟
غايتو نحن ممكن ندعمكم ( معنوياً) ..
بعدين تعال هنا .. انت ما تبيع عربيتك الصالون دي واشتري ليك (فان) ودلّع نفسك ..
تصدق ممكن تعزمنا فيهو، وبرضو ممكن نستفيد منه في الرحلات !!
رايك شنو ؟؟؟
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Salah Abdulla)
|
سلامات
وعوافي
ياقريش والله ماتستاهل بس عزانا انو الفنان لما يخوض في معاناة بتكون في صالحنا نحن كمتلقين لهذا الفن .. يعني اكيد دا مؤشر جيد لي انو تظهر علينا واحدة من ابداعاتك من وحي هذا التشرد .. وصدقني كونك (هوومليس) دي بتديك دفعة فنية كبيرة جدا جدا ..
..
ثم لاحظت انا المغرضين ضحية وكيكي قد تكالبو علي الريس المجيد الاستاذة رندا حاتم والتي كان لها قدحين وزيادة في نجاح الرحلة .. واظنوا ضحية سيساهم في حل مشكلتك فقط ليكسب صوتك في الحملة الانتخابية القادمة ..
وياكيكي القريش مقامو الثريا موش ام غويلينا ..
بعد النضمي الكتير دا ..
اها لسة ما اتحليت يامعتز ..
الله يستر الحال يا يابا...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ودرملية)
|
Quote: اها لسة ما اتحليت يامعتز ..
الله يستر الحال يا يابا... |
ود رمليه العسل ـ شكرا على السؤال فقد افرحتني بمداخلتك ودفاعك المستميت عن الرئيسة الشرعية واضم صوتي لصوتك وأقول (لو مشونا ع النار غير راندوك ما بنختار) قال ضحية قال ـ تعرف بعد الرحلة دي ضحية ذاتو ح يصوت لراندوك ـ وداعا عهد الظلام ولا للتشرد ـ ويا متشردين العالم اتحدوا ـ تأبى الرماح اذا اجتمعن تكسرا واذا افترقن تكسرت آحادها .
يؤسفني أن ابلغك وجميع الأخوان أنني مازلت متشردا وملحق ضحية طلع غلوتية .
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ودرملية)
|
يا ود رمليه ...
صدقت والله ... لقد تكالبو على تكالب الاسود على الفريسة ... لكن ما تقلق ... انا لها
ديل جماعة الاصطياد فى الماء العكر ... ما صدقو ود قريش اتزنق وقعدو يخلفو ويشتمو ... وبكرة لما يجى معاد الانتخابات للجنة الجديدة تلقى المناشير والهتافات تتطاقش
1 - انتخبو ضحية نصير المشردين
2- ضحية زيو مافيش ... السكن ود قريش
3 - ضحية المابتهز ... فى يوم سكن معتز
وما الى ذلك من الهتافات ...
لكن المفاجاه الكبرى يا ود رملية سيعلن عنها فى حينها والتى ستنزل على رؤوسهم كما الصاعقة ... وحينها سيعلموا الى اى منقلب سينقلبون ...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Salah Abdulla)
|
| Quote: غايتو نحن ممكن ندعمكم ( معنوياً) .. |
الغالي الفنان المرهف / صلاح عبد الله ـ شكرا على المناصرة المعنوية وفيك الخير ـ وبرضو أنت أخير من غيرك بعض الناس لم يواسوني ولو بكلمة ـ واقتراحك تحت الدراسة وبصراحة الاقتراح جيد وجدير بالنظر فيه .
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
Quote: اول المدانيين هي الرئيسة التي تفرغت الي المعارك الجانبية مع المعارضة و ناسية
قضيتها الاساسية كرئيسة يفترض ان يجافي النوم عيونها..؟؟؟؟
|
يا كيكي الرئيسة دي تصلح لرئاسة العالم كله أيها المغرضون ـ بعدين ملحق رئيسك الذي تتدعي أنه الرئيس الشرعى طلع كضبة أبريل ـ يومين أنا جاري ورا الراجل عشان استلم البيت في الآخر قال سيد البيت غير القفل ولم ليهو عفشه وأجر الملحق ـ شفت ازاي ؟ بالله مش لينا حق لو صوتنا ضده ـ من هذا الرئيس الذي لا يستطيع أن يوفر للناخبين مجرد غرفة ـ كيف يصلح هذا أن يكون رئيسا ـ ان رئيستنا الحالية قد وفرت لي سكن بعد شهرين ـ وبرضو القحة ولا صمة الخشم ـ فالتذهب أنت ورئيسك الشرعي المزعوم الى الجحيم
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
بيان رقم واحد :
لقد تبين لنا بما يدع مجال للشك ان المدعو ضحية ابراهيم قد بدا حملة اعلامية مضاده ومناهضة للجنة الرحلة وكما تاكد لدينا ان المدعو عبدالكريم الامين والملقب ب "كيكى" قد انضم الى هذا الجناح المنشق ... ومازالت التحريات مستمرة للكشف عن اى عناصر اخرى وسنملككم الحقائق تباعا ايمانا منا فى حقكم المكفول لكم دستوريا بمتابعة الاحداث وابداء الراى ... عليه ومن اجل المحافظة على وحدة الصف فاننا ندعو جميع البورداب بالدوحة لتوخى الحذر من هذا الجناح المنشق وعدم السماح لهم بنشر اشاعاتهم المغرضة ماكدين لكم ان لجنة الرحلة ستظل تمارس المهام التى اوكلت لها بتفان واخلاص الى حين الانتخابات المقبلة ... والله اكبر ... ولا نامت اعين الجبناء
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
| Quote: ... والله اكبر ... ولا نامت اعين الجبناء |
الله أكبر الله أكبر الله أكبر ـ عاشت الزعيمة الكبيرة راندوك ولا نامت أعين الجبناء وأعوانهم ـ بيان رقم (2) من عضو مجلس قيادة الرحلة ـ الحاقا للبيان رقم (1) والصادر من صاحبة السمو الأميرة / رندا حاتم وتصديقا لما جاء فيه من حقائق وبعد التحري والتقصي الدقيق فقد تبين لنا أن موضوع ملحق (السكن) المنشق ضحية ابراهيم ومتابعه الوحيد المدعو كيكي كان عبارة عن مناورة سياسية فاشلة لإظهار خيبة الرئيسة الشرعية في الحصول على المسكن المناسب للعضو معتز القريش وهم يرمون من وراء ذلك الى كسب أصواتكم بالغش والخداع .
عليه فاننا نكرر التحذير من التعامل مع هؤلاء المنشقين والمندسين من خلفهم كما ننبه الى وزن الأمور بالعقل قبل اتخاذ قراركم بالتصويت وسستوالى البيانات لإظهار المؤامرة الدنيئة التي يقوم بها ضحية وأعوانه . والله أكبر لا نامت أعين الجبناء
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: خضر الطيب)
|
خضر الطيب مالك يا أخوي بترميني باتهام انت سيدو عليك الله وعليك العروس الجديدة الشرد التاني منو ـ كدي يا أخوانا اقروا البوست بتاع الدويم (3) دا واحكمو يا خضر أنا كان ما انت والشبهك ديل كان هسة بقيت استشاري جراحة مخ وأعصاب ـ ولا تظهر الشماتة لأخيك فيعافيه الله ويبتليك ـ وأنا لا أتمنى لك التشرد يوما خصوصا انك بقيت صاحب أسرة
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
بسم الله الرحمن الرحيم
"قل جاء الحق وزهق الباطل ان الباطل كان زهوقا"
بيان رقم (3) من قيادة لجنة رحلة بورداب الدوحة
ايها البورداب الاحرار ... لقد تمكنت قيادة لجنة رحلة بورداب الدوحة من احباط مؤامرة دنيئة الهدف منها اقحام اسماء عدد من الشرفاء الاحرار والمناضلين الاوفياء فى تلك الكتلة الفاشية المنشقة ... وقد تمكن جهاز المخابرات التابع للجنة الرحلة من اعتراض مكالمة هاتفية ورد فيها ما يلى من مخططات:
اولا : اقحام كل من السيد/ابوساندرا، السيد/عمادعبدالله، السيد/صلاح عبد الله ، والعضو الجديد فى لجنة بورداب الدوحة زهور اقحامهم فى عمل تخريبى ماسونى لشق الصف وبلبلة الامن
ثانيا : صرح احد المتحدثين والذى لن نكشف عن هويته لاسباب امنية بانه سيسعى لعقد صلح وهدنة مع احد الد اعدائة وذلك فى محاولة منه لاستمالته حتى يتمكن من ضمه الى تلك الفئة المنشقة
ثالثا : توعد المتحدث باجراء عمليات تمشيط واسعة النطاق لمعرفة من يمكن استمالتهم كما وتوعد بصريح العبارة بشق الصف وزرع الجواسيس داخل كياننا الموحد.. فى محاوله مستميتة لسحب البساط من لجنة الرحلة او افشال الرحلة القادمة ان لم يحالفهم الحظ فى كسب تاييد واصوات الاعضاء.
علية فاننا نحذر من التعامل مع كل من المدعو ضحية ابراهيم والمدعو عبد الكريم الامين الملقب ب "كيكي" وكل من يشتبه بهم كما نرجو ابلاغ الجهاز الامنى التابع للجنة الرحلة فى حال اشتباهكم بتورط اى طرف اخر
ويمكرون ويمكر الله والله خير الماكرين
كيكي كوكو او كوك كوك ... ما بتهزم ابدا راندوك
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
خطابنا الانتخابي مبني علي قضية اساسية وجوهرية
فجرها الاخ الصديق الحبيب (معتز) قريش..
الذي جعل فصيلنا يساهر الليل ويساكك في مكاتب العقارات ويكابس اي بيت
مافيه(مكيف هواء).استنادا علي خبرتنا في جغرافية الدوحة ..
وقمنا باستنفار اصدقائنا الكثر في الريان بشقيه الجديد والقديم
والسلطة بشقيها..وحتي الشحانية ارسلنا لها وفدا للبحث..وطرقنا
الخور والوكرة....
واستبعدنا (معيذر) وام سعيد لوجود خلايا نائمة وكثافة التحرك الامني
لصالح (تجمع رندوك)...
معتز قريش اسكانك حق مشروع اخذنا علي عاتقنا رده لك ..وهي معركتنا
الاساسية في هذه الفترة..(رغم انك ما بتساهل) لكن نسوي شنو هذا قدرنا
نحن(انا واخوي الكاشف)...واخريين لن نعلن عنهم الان لضرورة المرحلة...
رندوك...
اصبح ما بيننا مثل ما في داحس والغبراء...
ولن يلتفت فصيلنا بقيادة ريسنا الشرعي (ضحية) لحملات افراد امنك
والان نعلنها واضحة...
اوجدوا سكنا لقريش...والا ؟؟؟؟؟؟
ستكون هي الحرب...
سكن ود قريش دونه القتاد.
لا ...لا للتشريد
تسقط تسقط حكومة رندوك...
سير ...سير ..يا ضحية...
(المتحدث الرسمي باسم الفصيل المتحد دوما)...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
خطاب مباشر موجه من الرئيس الشرعى للجنة الرحلة الى ممثل الفصيل المنشق "كوكو"
فلتعلم ايها المنشق على الجماعه ان معتز قريش لا يمكن استمالته بكلمات كتلك التى استخدمتها انت
| Quote: الاخ الصديق الحبيب (معتز) قريش |
فقد ثبت له بالبينة وبما لا يدع مجالا للشك كذبكم ومراوغتكم واستغلالكم لمحنته فى حملتكم الانتخابية المزعومة... واننى اخبرك اصالة عن نفسى ونيابة عن كل من امثلهم ان تلك المحنة التى يمر بها الاخ معتز انما تجد لدينا كل اهتمام وتقدير وقد وقعت فى نفوسنا موقعا ما تمكنا بعده من الراحة او الهدوء والينا على انفسنا ان نجد لها حلا ولو كان ذلك على حساب كل غال ونفيس .. ولكن .. وهنا يكمن الفرق بين العمل الاصيل وبين الطبول الرنانه فنحن نعمل فى صمت وجد لا نريد من عملنا هذا سوى مصلحة الجماعة وتيسير امور من هم يلتجؤون الينا فى الملمات ... اما انتم يا صياد الفرائس فقد جعلتم منها حدثا وبوقا تطبلون وتنفخون فيه لقضية نعلم لعمرى انها خاسره
فدع عنك مؤازرة هذا المسمى ضحية وعد الى رشدك اثابك الله
اقول قولى هذا واستغفر الله لى ولكم واعلمو ان العاقبة للمتقين ...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
حدثنى كيكى
قال حثه ضحية
بسند من عمادعبدالله
أن شطة الرحلة كانت حارة جدا والشية باردة جدا وحلة ودرملة مسيخة جدا
لذا ادعوكم اخوتى فى الرحلة والرحلات القادمية لجمع توقيعاتكم
لتفنيش رئيس اللجنة العميلة مع الحفاظ على باقى الاعضاء وتوجيه انزار آخير
لنانا لانها شكرت ودرميلة مدعى الابداع
ولو فشلنافى جمع التوقيعات الانقلاب هو الانقلاب
التوقيع / زعيمكم القادم بقوة ضحية
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: بدر الدين الأمير)
|
والان جاء البدر بالقول الفصل...
مرحب بك يا فارس الحوبة يا مغوار(الكلام ده عارفو بطفش مني ناس كده)
لكن برضو مرحب وانت قائدنا الحقيقي والاب الروحي...اذا فلنتضامن
..من اجل المعركة...
اسكان معتز قريش...
واسقاط حيكومة..رندوك..(مع انو منك خوف في حتت رئاسة المرة دي وحسي حتكب
الذوقة وتقول لي (هميمة)..واحنا سنينة سنة حميدة..ولازم الريسة تكون مرة)
المهم...
قررنا احتلال هذا المنبر هذا البوست حتي ينجلي الوضع..
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Salah Abdulla)
|
هلا وغلا
قايلننا حريم هوينات ساكت يا صلاح ... لكن براهم دخلو جحر الدبابير...
ان دايرين الكلام بنكفى .. وان دايرين الفعل بنوفى .. وان دايرين السلامه من الاذى ..اليبقو فى صفى ...
ابشرررررر .....
وغير كدى ما عندنا ليهم قول ...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
| Quote: مرحب بك يا فارس الحوبة يا مغوار |
ليس غريبا ان تقول مثل هذا القول فود الامير معروف عنه تحيزة الظاهر لصفكم ... وهل ما فعلة بودرملية ببعيد...
| Quote: مرحب وانت قائدنا الحقيقي والاب الروحي...اذا فلنتضامن |
كذبوا وان صدقوا ..
| Quote: واسقاط حيكومة..رندوك |
ليس بالامانى وحدها تدرك الامال
ما بتصمد يا بدر الدين .... ضد تحالف العوين
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: بدر الدين الأمير)
|
ود الامير ...
انا والله قد تعلمنا من راس الذئب الطائر "ودرملية"
ان تلك الشطة الحارة جدا والشية الباردة جدا وحلة ود رملية المسيخة جدا كل تلك الاشياء لعمرى قد جعلتك تتمايل طربا وترقص فرحا وتهتز نشوة ... اما وانك قد انكرت الحقائق وقلت ما قلت ... فدونك الصور وشريط الفيديو ... فان تمكنت من محو تلك القرائن والدلائل التى تثبت وبما لا يدع مجالا للشك فرحك وطربك وهيمانك فى اجواء تلك الرحلة ان تمكنت من محو تلك الدلائل فعد وقل مثل الذى قلتة الان ... اما وان لم تستطع ولن تستطيع .. فاذن بحرب من الله ..
وعلى نفسها جنت براقش .....
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
الرئيس الذى سوف يصبح الرئيس السابق قريبا
نحى تمجيدك لنفسك
لكن ولا بد من لكن موضوع الصور ده حايودى ودرملية فى ستين داهية
المهم لو دايرين حرب صور نحن على اتم الاتستعداد
ذبدة كلام : ياودرملية موضوع الصور جانا من جانب رئيسكم وببقى بعد كده عدانا العيب
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: بدر الدين الأمير)
|
فلتدع ود رملية وشانه ....
ذبدة الكلام : قف فى صف الحق ولن تكون سوى الرابح
اما وانك قد نعتنى بالرئيس السابق ... فان الادارة انجازات وامجاد ... وقد كان لى منها فى تلك الرحلة نصيبا طيبا ....
وان كانت الجولة القادمة لكم ... فانا والله لادائكم لمرتقبون ....
عبد الكريم كان صال ... بيصول تلات صولات
وضحية وكتين جال ... تماهن تلات جولات
وود الامير فى الساحه ... ما كتر الجكات
ورندا لمن قامت ... اعداءها صبحو شتات
هلا هلا
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
صلاح عبدالله...اجل انها الحرب والحرب (كروفر) او كما قال احمد الميرغني..
واما مافي امر ريئسنا السابق..نوكد سابق لمستندات قانونية..افتت بان الرئاسة
انتهت بانتهاء مراسم الرحلة...
واكد السند القانوني ان الرئيس الحقيقي هو ضحية ..با مر من المحكمة الدستورية..
لذا الكل مدعو لاحتفال كبير يقيمه (فصيلنا) في موعد سيحدد لاحقا......
الاخت الريس السابق..جف ريقها ولم اري موازرا او هتافا يساندها..حتي صديقي
وحبيبي الاول ود الرملية ازر التفرج..ومشاهدة الريئسة في معركة الدفاع عن عرشها
الذي تاكل ....
عموما لازلنا كقيادة شرعية نذكر بالموضوع الاساسي...الا وهو..(موضوع اسكان)
معتز قريش...وسوف لن نجر للمعارك الجانبية التي تريد زرع الاشواك والدراب في طريقنا...
عاش ضحية قائدا شرعيا..وريسا لا يهتز له عرش..
عاش الفصيل المتحد من اجل الرفاهية والابداع...والاسكان...
وعاش الاب الروحي ورجل (المديا) الكبير (البدر)
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
اما وقد رايتمونى اقارعكم الحجة بالحجة... وانازلكم فى ساحاتكم
وقد دحضت ادعاءاتكم وافتراءاتكم
فانى اثرت ان اتصدى لكم اولا وبنفسى ... ليس اقلالا من دور زملائى وزميلاتى
ولكن تحجيما لحجمكم ... فحتى هذه اللحظه انا لكم ... وان زدتم زدنا
وان سالتم من انا فاقول:
انا رعد الخريف الما بتسمع زيو
وانا براق مطرة القبلى المابتقابل ضيو
وانا الدود النتر ما بتقدر تمر بى حيو
وانا تمساح ابكريك الجب ببلع الزيك وما بزيد فى غيو
تقول لى جنى !!!!!!!
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
الى كل الشرفاء
الى المصادم الشرس كيكى
والى دعاة الجمال وصوت الحق احييكم لولا ظروفى المرضيه الطارئه وغيابى فى اليومين الماضيين
لابنت الكثير المثير واسكت كل هؤلاء الاراجيز القصيره..
كيكى شكرا لك اخى المصادم..
بجيكم بس اشم العافيه شويه ...
___________________________________________________________________________________________
بعدين بالله شوفت لك مره بتقوم ليها عجاج قوليها انتى وزولك صاحب المحنه القصير زيك ده دستيين
منكم ما بسووا شى لو الكلام ده كان فى (دينقا) كان ستفناكم ودفعنا ديتكم (جدادهوهو) يا ام حلة
محروقه ..رحله غداها الساعه خمسه والحله محروقه وتحليه مافى وسلطه مافى ..
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ضحيه ابراهيم)
|
اى جمال تتحدث عنه واى حق تتدعية ايها المنشق
وبعدين ظروف مرض شنو البتقول عليها والله بس غلبك التقولو
وبعدين جايى تنكش فى الرحله ... الشيه لقطها لحمه لحمه بى اعترافك وبلعتها ما فضلت فيها شى يا كافى البلا هى فى منقدها ما رحمتها ....
وحلة الجداد المحروقة شوف عينى غسلناها قبلها فى ناديها .. و طلبات الزياده ما تديك الدرب
وقال سلطه مافى نعلها سلطة الاسود دى مامحسوبة فى قائمة السلطات ... يا الله يكون فى التصنيف الجديد سمعونا نقول سلطة اسود قامو ختوها بلاك لست وحظروها من قائمة السلطات ...
ونرجع للمفيد ... المره ما بتقوم ليها عجاج !!!! كلامك ده ابقى قدرو لما نالب عليك كل جمعيات مناصرة المراه ومنع اضطهادها
شنكل سغيرونى :يا ود الامير رئيسك فى اللجنة ضرب رئيسك فى الحزب ضربه قاضية ماضية فلاى الرئيسين سوف تنحاز
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
بيان هام
لقد تلقينا للتو مكالمة هاتفية من الاخ والصديق الفنان المبدع صاحب الحس المرهف والذوق الجميل المبدع ود رمليه ... وقد اكد لنا انحيازة التام لجانب الحق مؤكدا ان الاشاعات والدعاوى المغرضه لن تجد اليه سبيلا .. ومن هذا المنطلق فاننا نتوجه للفنان المبدع ودرمليه ونقول له ان مثل هذا الموقف ليس بغريب على امثاله فهو مناصر الحق وهو دائما يصدح بالحقيقة وان كانت تالب عليه امثال اولئك المنشقين ضحية وكيكي وحزبهما ...
ونقول لى كيكي
ود رملية النضيف الطبعو ديمة نبيل
حمال الاسية وحملو البشيلو تقيل
مرهف شعور فنان فى فنو اصيل
يا كيكي ابعد غادى ودرملية متلو قليل
الى الامام دوما ايها الشرفاء وغضوا الطرف عن سفاسف الامور ولا تقيموا وزنا لغثاء السيل ......
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
| Quote: يا كيكي ابعد غادى ودرملية متلو قليل |
الريس السابق الكنت قايلوا زميل.
قوم الجوطة وباري ودرملية العميل..
ضحية الكلس الديمة طبعو نبيل
حلال شبك وبكان مايميل نميل
البدر الامير الراجل النبيل
حينزل صور ويضرب ضرب تقيل
حبابك رندوك الاشعلتها للحرب فتيل
كيكي الشفت حيولع القنديل..
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Randa Hatim)
|
نعترف بالحق ونعتزر عن الغلط
لذا نحن نعتزر للطرف لاخر عن اللوثة المرضية والهضربة
التى المت بالزعيم ضحية وخلتو يهترش ويقول كلام غير حضارى
المرأة مابتقوم عجاج
ذبدة كلام : ياضحية بلاش هترشات البشير خليك مع الزمن ياريس
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ضحيه ابراهيم)
|
Quote: بجيكم بس اشم العافيه شويه ...
|
عافية شنو البتشمها ـ أمبارح لما سقتي أشوف الملحق المضروب في مدينة خليفة ما كنت نصيح زي الكروزر الراكبو دا ـ يا أخو غلبك الرد ساي .
بعدين ما تفتكر انه الحركة العملتها أمس دي ح تأثر على موقفي بل زادت قناعتي بطرقكم الملتوية في كسب الناخبين ـ توديني لي غرفتين في بيت بابه واحد لا فيهم مطبخ ولا حمام يا كافي البلا انت قايلني فولوكس واجن .
الرئيس المخلوع ضحية وبتخطيط فاشل من نائبه ومستشاره قاموا بخداعي يوم أمس كما خدعوني من قبل وذلك ليبينو لكم انهم مهتمون بقضايا التشرد والتشردين .
خذوا حذركم وشوفوا قدامكم قبل ما تخطو ؟ هذه الشلة المارقة تتخذ جميع أنواع المراوغة للوصول الى قلوبكم وأصواتكم .
راندوك الحكر ـ راندوك النقر
راندوك الباعوضة القدت الأسمنت
راندوك ما بتنقدر
الله اكبر والعزة لبورداب الدوحة الأذكياء والشرفاء
ولا نامت أعين الجبناء
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: معتز القريش)
|
ياجماعة في منو وفي شنو ،، ومنو قال شنو؟؟؟
انا افتش في السكن لأخونا معتز لا خليت ملاحق ،، ولا خليت شقق بقيت زي الضهبان سكن يا ناس سكن يا
ناس ،،، اجي القى العجاجة قايمة والمظاهرات والهتافات والانقلابات
رغم اني ما زولة هتافات ولا مظاهرات لكن بقولها بأعلى صوتي ومشمرة السواعد كمان
لا رئاسة لغير رندا
عاشت الرئيسة
وداون داون لكل المعارضين
تخريمة :
ابونا قال بيتنا بيتك في اي لحظة ،ولو ما شالك البيت تشيلك عيونا
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Nana)
|
عافية منك يا بت حواء
قالو عصابه بى رئاسة ضحية .. هو من يوم الرحله كان طابور خامس
هسى لما حوالينو شرذمة من اعداء النجاحات وقال كون ليهو حزب
مجرد فلول من الخوارج والمنشقين .. وانا لهم
رحلتنا كانت رحلة ما خمجانه
الكل انبسط والناس مشت فرحانة
والشية كملت والطرب عمانا
بعد ده ضحية قال الجمعه ديك خسرانا
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Nana)
|
Quote: تخريمة :
ابونا قال بيتنا بيتك في اي لحظة ،ولو ما شالك البيت تشيلك عيونا |
أبوكم أنا عارفو محسي ضكر وأخو أخوان وشيال حارة والله بس التقول جعلي ود عمنا
الا انتي قولك شنو ، ما انتي ست البيت ؟
وهل هنالك غرفة خارجية أم سيكون السكن في الصالون؟
أفيدونا أفادكم الله
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: معتصم الطاهر)
|
الاخوان الاعزاء
نعتذر لكم للخطاب الذي اورده رائدنا وشيخنا ضحية
ونود ان نبين بكل شجاعة ان موقفنا من المراة وقضايا المراة موقف مبدئي
وسوف نقيم ورشة عن قضايا المراة البوردابية..السلطة والثروة
وسوف نكرم ثلة من البوردبيات..
معتصم الطاهر...لا عليك اخي ومهندسي الكبير.تم استبعاد جزء من الشارع التجاري
من المناطق المحظورة..فنحن لا نفرط في تاييد شخص في قامتكم..
زلة ضحية لا نستبعد ان الباص ويرد بتاعو مسروق لان الكلام بشرط العين يا ضحية...
نانا اراكي انزلتي بعض الراجمات...فصبرا..اختاه..
مرة اخي نذكر بقضية معتز قريش حتي لاتضيع وسط (عويل) الرئيسة رندوك
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
هاانتم بداتم تتخبطون وتولولون ...
باسويرد مسروقه .. ما هذا القول الذى لا وزن له ام هى محاوله يائسة لتلميع وتبرئة ساحة رئيسكم الرجعى العنصرى ضحية
اعتذارك ما بفيدك
العملتو كان بى ايدك
اطالب باقالة الرئيس المزعوم ضحية وتنحيتة من المعركه الانتخابية حيث انه يفتقر لابسط مقومات الرئاسة والتى يجب ان تتوفر فى الرئيس المنتخب الا وهى المساواه والعدل
اما وانه قد جار وظلم واجحف فى حقنا فاننى ومن هذا المنبر اطالب باقالته من العمل العام ..
وعلى الباغى تدور الدوائر
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: خضر الطيب)
|
هااااااااع
ضحية أب غوفة ..
أسد الخلا البيتضرّع ..
جيداً جيتَ خيِّ ..
ولدَ أَمَّي الكلس ..
( الأسد النتر صحا المرافعين خوف ) ..
هلا هلا .. هااااااااع
أبْ زَرَدْ ..
أخو الأخوان .. تور شين .
مُقْنَعْ الحوبة ..
قالت إعرابية في سياق مدحها للفارس الملثم ضحية , و هي ترقبه ( يطيح ) بالخصوم ذات اليمين و اليسار , و يكر كر الصقر الصياد فوق غبار الفرائس مرتعدة الفرائص , أنشدت قائلة :
( أأمممممممممممممم ... – دي نمه -
إنت برمتنا الزرقا ..
ككيف بَدورا بَلقَا ..
إنت دابي كُرو كُرو ..
فوكَّا الرجال بَدُفرو ..
إنت الحسكنيت ..
دود الرجال كبريت ..
إنت أبو اللصيق ..
شوفك بَفِك الضيق ..
أأمممممممممممممممم ..
إنت سلمنق دلمنق ..
صقر الخلا البطمن ..
الباحش إنت ..
أب رنات إنت ..
سيد الحوبات إنت ..
كبيرون أنت
كبيرون .. كبيرون .. كبيرون ..
جتتتتتته .
هلا هلا ..
أبْ دفس ..
قطَّاع النّفَس .
بيان من تحالف الكويسين :
( أقطع قطع نضيف .. يا ضحية يا حريف ..
و باكر بجي الخريف ..
و الهتافات بتقيف ..
و يكترو علينا الملاقيف ..
قول يا لطيف .
قف ..
فوق فوق ضحية أب ذوق ) .. بس
ــــــــــــــــ
يا قريش .. المكنات الما شغالة ما تشيل فيك يا تفتيحة ..
تشيلك عيوننا و راسنا و كيف كيف ما عارف ..
دي كلها جلكسات إسفيرية ..
البيت بيتك .. تعال لأخوك يا فردة ..
حرّم أوضتك براااااااااااااك ..
تقدل فيها كراع كراع ..
أفووو .. جابت ليها كمان فنجرية حريم و نحنا قاعدين ؟؟
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: خضر الطيب)
|
سلامات
وعوافي
Quote: ود رملية النضيف الطبعو ديمة نبيل
حمال الاسية وحملو البشيلو تقيل
مرهف شعور فنان فى فنو اصيل
يا كيكي ابعد غادى ودرملية متلو قليل |
...
الريس الحريف الطبعو ديمة جميل
شيال التقيلة في الرئاسة فكرو اصيل
طيب روح وذوقو رفيع في الدنيا مافي ليهو مثيل
ياكيكي ابعد زح رندوك لو زعل الا يتكلوك تكيل
الي الريس رندوك ولاني واحد من رعاياك الميامين اعلن وبكامل ارادتي انضمامي الي كتيبتكم الميدانية للمساعدة في رد العدوان الجائر الذي يشنه الانقلابيون الفارغون كما علب سيجار العذابة .. ولنعلن للبورداب في مشارق الارض ومضاربها نعلن لهم ميلاد العهد الديمقراطي المجيد واستماتتنا في وجه القبح السافر والمرجفين ..
نحن عندما اخترنا هذا الطريق كان هدفنا هو كسر النواميس البالية التي امتطاها الانقلابيون طيلة الفترات الماضية ...وجئنا لنعلن للعالم الاسفيري ان عهد الخضوع للظلم بكافة الياته المتشكلة في هذه الثلة المكبة علي انوفها والتي شرخت ملامحنا الانسانية ببرامج كيدية مبتذلة ونهج منافسة غير شريف ان الخضوع لن يكون هو الدواء الناجع لمثل هكذا سرطان ونحن ولايماننا التام بقضيتنا الفعلية سوف نبذل الغالي والنفيس لرد القبح الي جحوره المظلمة وسنوقد فيها نيران جهنم ونكشح فوق ليها علبتين شطة من شطة الرحلة حتي يعي المارقين اي طريق وعر قد سلكوا واننا لن نخاف في قول الحق وفعله واننا ماضون في الطريق وسنتقبل كل نتائج هذه الثورة العارمة التي ارتضاه رئيس حزب الجمال راندوك وبقية شعبه المجيد وعلي ضحية وكيكي ومشايعيهما الرجوع الي الحق او الخضوع لويلنا وعذابنا الطويل .....
نحن لن نقف موقف المتفرجين بقدر ما سنكون في ساحات الوغي نلغمكم الحجر تلو الحجر ..
وياريسنا يافارسنا
ماتشيلي هم المرجفين وافتحي ابواب مدارسنا
علمينا الصمود وكيف بالانس تطيب مجالسنا
الشية كانت سمحة شديد... شفتي كيف ابتهجت مراقصنا!!
والشطة زي النار ماشفتي الريس بنيتو قامت ترافسنا
........................
الي الفصيل المنشق ضحية ونائبه كيكي ..
ارعوا بي قيدكم ...هذا امر وليس تحذير فقط ..
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ودرملية)
|
يا معشر الدوحاب البررة ..
ضحية و الأسود العشرة ..
ما عليكم ..
ده .. | Quote: اعلن وبكامل ارادتي انضمامي الي كتيبتكم الميدانية |
.. ( سقط سهوا ) ..
إلى الأمام ..
يا ضحية يا إمام الكويسين .
ــــــــــــــــــــــــ
أمانة ما اتلومت يا ودرملية .. يا متخرط
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Emad Abdulla)
|
عماد يا اخويا كت قايلاكا زول فهيم
ابو بنيات وما بترضالن الزعل والضيم
دحين مو ضحية قال العجاج ما بكتحنو حريم
بعد ده تقيف فى صفو ترفع رايتو فوق الغيم
قالو قيادة العوين دى قيادة ما مدروسا
والببارى الحريم سيرتو فى الفشل مغموسا
يا ناس "حق" مثالنا كتير وامثالنا ما بنكوسا
قيادة الحريم نهج الحياه وناموسا
عماد عبد الله ما اتوفقت فى التنشين
حزب كيكي حزب خسران ومالو ضمين
احسب الحسبة من الاول وارجع عاود التمرين
حزب راندوك حزب راسخ قرارو مكين
واما فيما يخص مسالة الاخ العزيز معتز قريش فوالله ثم تالله انا لها ...
.....................................لغاية خط النهاية
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ودرملية)
|
سلامات
وعوافي
الي صوت الحق الذي لايخبو .. باشمهندس معتصم الطاهر .. اظن ان الغمز واللمز قد بلغ الزبي ..وهاهو كيكي يتعرض لشخصك العالي بسافر الطعون والمطاعنة .. ونحن لايماننا بموقفك حيال هذه الاساليب نتمني ان يكون ردك شافي علي كيكي .. وان تطعنه في بكان بيوجعو وماعليك الا ان تفتح ملف صور من ملفاتك الماليها حد خصوصا وكمرتك كانت زي حرس الجامعة لافة كل الازقة والحواري والشوارع العريضة .. اذا نحن ناظرون ..ومنتظرون...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ودرملية)
|
سلامات وعوافى ..
ياودرمليه المابجافى
يا الاصيل طبعك ومتلك فى حزب كيكي مافى...
معتصم ده الراجمه الح تلجم السنتهم وتخرسها الى الابد
هسى هو ساكت ليهم لكن عليك الله شوف جملتو " الوجع ............. رجع"
كفيت ووفيت يا معتصم .. خير الكلام ما قل ودل
امانه هسى الجقلبة ما حصلت ...
ارجع ليهم يا ود الطاهر بالتقيل ما هين
خليهم يجقلبو وكل واحد يبل راس التانى ليهو يزين
وضحية يشرد وما بتلقالو حسا يبين
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: خضر الطيب)
|
Quote: اما وقد رايتمونى اقارعكم الحجة بالحجة... وانازلكم فى ساحاتكم
وقد دحضت ادعاءاتكم وافتراءاتكم
فانى اثرت ان اتصدى لكم اولا وبنفسى ... ليس اقلالا من دور زملائى وزميلاتى
ولكن تحجيما لحجمكم ... فحتى هذه اللحظه انا لكم ... وان زدتم زدنا
وان سالتم من انا فاقول:
انا رعد الخريف الما بتسمع زيو
وانا براق مطرة القبلى المابتقابل ضيو
وانا الدود النتر ما بتقدر تمر بى حيو
وانا تمساح ابكريك الجب ببلع الزيك وما بزيد فى غيو
|
والنعم والله
تقول لي شنو وتقول لي منو
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: Nana)
|
المريض السودانى ودى على وزن الفلم الشهير المريض الانجليزى
لا تأخذك اللوثة بحديث دهاء دناقلة البندر وعميدهم عماد ياريس بتعرف
يعنو شنو بندر وله حا تدخلنا فى كستبانة تانى شاور كيكى
هو كيكى زاتو بعرف شىء غير الكنابى طيب شاور بيان وله بيان سافرت
طيب شاور الظلامى معتز وله معتز مشرد حاتشاورنى انا سافرت قبل اسبوع
شاور ابو المحن رندابود خصمك ونديدك
قال ايه المراة مابتقوم 0000000
ياخى احترم مشاعر جنودك يا خليفة اقصد يامتخلف ضحيت بينا وانت ضحية
ذبدة كلام : حين يكون القائد مظلم يجب ان تكون الحاشية مستنيرة
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: بدر الدين الأمير)
|
سلامات
ياعمدة انت بتكتب متين يازول انا قاعد من قبيل هنا جيت يادوب لقيت مداخلاتك التي تشبه يوم الاثنين الاسود..
علي كل حال انحيازك لي صف ضحية وكيكي هو خسرانك العظيم ..
يعني هسي معقولة تفوت حزبنا الجمالي الرهيب دا عشان تمشي حزب المطاردين من قبلنا ..
اوكي بختها ليك ياعمدة بس شيل رشفة صبر وبجيك صادي ..
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ودرملية)
|
الى ام قيردون راندوك
الى المتسلق ودرمليه ونانا وما شابههم..
نحن لن تخيفنا تهديداتكم وجلكساتكم هذه وفقط احسبها لمة حريم فى دقة جبنه او دقة ريحة
وجعى انك يا ود رمليه بقيت تالتن الفى الدلكه مخالطن ..عجبى..
أسالو معتزالقريش عن محاولاتى لحل مشكلته حتى الامس كانت ميدانيه الحجل بالرجل نحن نفعل ولانتكلم
الحبايب :
الى رفيق الدرب والنضال
كيكى اسد البرارى لاتلتفت لمثل هذه الهطرقات من هذه الثله التى يهتف لها تالتن ودرمليه
الى صاحب الحق ودايما مع الحق ابو تسنيم حرم دايما ما بتخيب الظن ..تسلم البطن الجابتك
الى العراب بدر الدين الامير
حدد ملامحك ياحراز ريح العواصف غربت وافرد جناحك للرزاز جية العصافير قربت
نحن لن نتراجع عن فعل او قول لاننا لانفعل او لانقول الا عندما نريد ذلك ونحن نصراء المرأه
عندما تدعو للحق ومع الحق والحق ابلج ولك كل الحقوق يا حقانى..
لكن لكن البون شاسع بين المراه البتمشى بين النميمه والمرأه الهميمه..
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ضحيه ابراهيم)
|
Quote:
Quote: بجيكم بس اشم العافيه شويه ...
عافية شنو البتشمها ـ أمبارح لما سقتي أشوف الملحق المضروب في مدينة خليفة ما كنت نصيح زي الكروزر الراكبو دا ـ يا أخو غلبك الرد ساي .
بعدين ما تفتكر انه الحركة العملتها أمس دي ح تأثر على موقفي بل زادت قناعتي بطرقكم الملتوية في كسب الناخبين ـ توديني لي غرفتين في بيت بابه واحد لا فيهم مطبخ ولا حمام يا كافي البلا انت قايلني فولوكس واجن .
الرئيس المخلوع ضحية وبتخطيط فاشل من نائبه ومستشاره قاموا بخداعي يوم أمس كما خدعوني من قبل وذلك ليبينو لكم انهم مهتمون بقضايا التشرد والتشردين .
خذوا حذركم وشوفوا قدامكم قبل ما تخطو ؟ هذه الشلة المارقة تتخذ جميع أنواع المراوغة للوصول الى قلوبكم وأصواتكم .
راندوك الحكر ـ راندوك النقر
راندوك الباعوضة القدت الأسمنت
راندوك ما بتنقدر
الله اكبر والعزة لبورداب الدوحة الأذكياء والشرفاء
ولا نامت أعين الجبناء
|
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: ودرملية)
|
من اسرار مفاوضات آخر الليل
تم عزل بينوشيه المريض ( ضحية) عن الراسة ووضعه فى الحجر الصحى لان الحالة متأخرة
ثانيا سوف يعلن لا حقا عن تسليم الراسة للبوردابية الجديدة الكومدية الجميلة فى مؤتمر
صحفى يعقده سبدارات النظام عفوا اقصد كيكى المنظم بحضور الزعيمة الجديدة لنج فى
الدوحة والبورد0
ذبدة كلام : نعلن نحن للجميع اننا غير مسؤلين عن أى مداخلة للمدعو ضحية وهو ليس مننا
كيكى وصحبه0 ونحن فى رجاء عودة الصديقة المعالجة النفسية الدكتور موزة
المالكى من لندن لكى توضح لنا الى اى مدى حالة بينوشيه ميؤس منها وذلك من
اجل القتل الرحيم 0
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: معتز القريش)
|
بيان هام....
(لن اكون عبدالرحيم محمد حسين اخر)....
بعد متابعة مكثفة للخطاب السياسي للريس ضحية تبين لنا انه ملي بالدراب و ادخل لجنتتنا السياسية قي (حيص بيص) وجعلنا نمارس النفاق السياسي دفاعا..عنه وهو يرسل الدراب احرجنا
امام القنوات..فررنا الاتي...
1_ الانفصال والانشقاق التام عن تنظيم الفصيل المتحد
2_ تكوين الفصيل المتحد جناح (كيكي)
3_مواصلة المعركة في كل الجبهات والجهات...ضد (رندوك)...وتعرية ضحية حتي يعود لرشده
ويصلح خطابه الانتخابي....
4_ليس لنا هم سوي اسكان(معتز قريش)...وسكن فاخر كمان...
ضحية انا ما داير معاك اي (حسكنيته)..واوع تقول لي نمشي هناك..تاكل نارك بس ..داير تجيب لينا
الهواء مع قضايا المراءة...
5_ باب العضوية مفتوح علي مصرعيه للعاوز ينضم لقصيل زي الورد..(انضم وقارن)...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: بدر الدين الأمير)
|
بيان هام من القياده العليا للجنة الرحله
الله اكبر الله اكبر
جاء الحق وزهق الباطل ان الباطل كان زهوقا
لقد تبين للجميع هشاشة هذا التكوين المنشق وترهل دعائمة واركانه فهاهو ينشق على نفسه ويدعو لاحالة قائدهم المزعوم الى العلاج النفسى او الحجر .. فبالله عليكم اى تنظيم هذا الذى ينشق على نفسه فى غضون بضعة ايام منذ بدء الصراع وكيف نتوقع لهم الصمود والحياة كر وفر وحرب سجال .. فان كانو قد تراجعو فى ايام قلائل فانهم حتما الى زوال..
ليست العبرة بالاحصائيات التى اجريتها ايها الكوكو ... انما العبرة بمن يصمد حتى خط النهاية ... واغلب هؤلاء الذين احصيت اسماءهم احسب انك فعلت ذلك لكى تملى لهم الى اى الصفين يكون الانحياز .. ولكنك اخطات مرماك .. فليسو ممن يملى عليهم ولكل منهم بصر وبصيره ... فدع عنك هذا التطبيل الاجوف واصبر الى ان ياتى يوم الاقتراع ....
البوردابيه الجديده زهور .. اولا مرحب بيها وحبابا عشرة بلا كشرة ولكن .. نتمنى ان تقدم نفسها لا ان تستند على تطبيل المغرضين الذى لا صدى له ... فان كان طرحها جديرا بالثقة فاهلا وسهلا بها وان كانت المساله تلميع وتزييف اعلامى فما اسرع اختفاء زبد السيل ....
اما فيما يختص وكون عمران الناطق الرسمى باسمها فدونه وما اختار ... فانا انطق عن نفسى وعن من اولونى ثقتهم ولست ممن ياخذون الخطب مكتوبة ثم يقرؤونها ..
اما فيما يختص ومشكلة ود قريش ... فانا والله قول وفعل بل ... فعل فقط فلا مكان "للقوالات" بيننا ....
وحيث انه قد تمت الاطاحه بضحية من داخل حزبكم واحسب مما فهمته من كلامكم ان رئيسكم القادم هو البوردابيه الجديدة زهور فاننى ساحجم عن مخاطبة رئيسكم الى ان نتعرف عليها ولنعلم من نخاطب وما هو مقام من نخاطبه ... اما عازفى الدفوف وقارعى الطبول ... فانا لهم الكلمة بالكلمه والحجة بالحجة حتى نعيدهم الى جحورهم صاغرين...
التحية لكل البورداب الشرفاء الذين لم يسمحو لمن يبذرون الفتن ويروجون الاشاعات النيل منهم.
يا بورداب الدوحة انتو تمام
خاتين القول ومافى اى كلام
لكن المعارضة قالت رئيس الرحله ماهو همام
والرحله كانت فاشله اقيلوهو يا الحكام
بالدليل والحجه احبطنا قول المرجف النمام
وراندوك تدك جحارن زى المدفع الرزام
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: معتز القريش)
|
بدرالدين الامير ايها العراب ياعوير الفليم صاحب (البرموده الشهيره فى الرحله) على فكره نحن
بحوزتنا كل الصور المسموحه والغير مسموحه واذا حاولت تثيرنا بننزلها كما هى بدون رتوش كمان.
القريش ايها الظلامى المتسلق هل هذا جزاؤنا ؟ شكرا جزيلا لكن اتمنى ان تكون حوستك ولوصتك حول
رئيستك المزعومه دى تطلع ليك منها بى سكن انشاءالله بيت شعر..عالم ماتستحق يخدموها..
والان جاء دورك ايها الصحاف عبدالكريم الامين احمد. لست اسفا او منزعجا لذهابك الى المعسكرالاخر
ياهم شبهك لانو قالو ( البيبارى ... بوديهو ...) خلاص خدعوك وسجلو مكالمتك واجبروك على الانسحاب
انت العاصرك على القرايه ام دق شنو ما كنت كويس براك تتشالق .. عجبنى ليك والان هم بحاولوا
ينزلو فى مكالمتك للبوست ..انا كلمتك بالحرف الواحد انو القريش ده وصولى وهمه يسكن والرئيسه
وعدته بى ملحق لكن متين؟ بعد شهرين من الان وهو ما داير يدفق مويته على السراب..
على فكرة نحن لا نبيع مواقفنا..
لقد علمت انه بعد الرحله تم تصليح وترقيع (الحله)الفاشله والمسماه (صهريج المويه) خاصة ودرمليه
وتم توزيعها نظام (دلفرى هوم) وبعربة الرئيسه الخاصه الkia لبعض البورداب لزوم كسب الاصوات
ونال منها كيكى نصيبه وكذلك بدرالدين وابو شيبه والباقى شوهد صباح السبت فى طريقه الى ام سعيد
نحن مازلنا نحتفظ بالكثير...
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: معتز القريش)
|
رية وسكينة أو رندوك والظلامى الفنان
لقد قامو باعمال تؤذى الضمير الرحلاتى
حيث تم اعتقال الفتى الوديع المتحدث الجديد باسم زهورنا القائدة والفايدة
وبل وصلت بهم البشاعة لحد التهديد بالتصفية البوردية وحين تدخل اسد سلامنا
الاهوج كيكى لنجدة عمرانا تمت مساومته بشتم بدرالدين المتآمر الاممى ونانا التى
فى الطريق للقيد بكشوفاتنا بل طلب منه شتم حتى ضحية المريض بل وتم تسجل ذلك الشتم
عبر وسائلهم الرخيصة كرخص لحمة شية الرحلتهم المندثرة 0
ذبدة كلام: انا تطير عيشتى اعالج عوارة ضحية وله هبل كيكى البمش للشرك وعارفو شرك
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: بدر الدين الأمير)
|
كلام يفتقر الى الصحه والى الدلائل المنطقيه
اما والله قد بهتنا بهتانا عظيما .. وتقولت علينا .. والصقت بنا تهما نحن منها براء .. فاعلم انا لك بالمرصاد
لكل عميل لكل دخيل بالمرصاد
اما العزيز عمران فهو ادرى باختياراته واقدر على انتقائهاوحتما سينضم الينا
مرحب بالعزيز مرحب بود البدرى
فارس الحوبة ضى العتمة وكتين السواد يستشرى
دراج العاطله لى ميسها فرتاق ام عجاجا يهرى
قالولو الدواس برصاصو .. قال حرم اتلقاهو بى سدرى
ده الكلام .......
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: معتز القريش)
|
نحن الشعب:
نعلن عن شجبنا لإنصراف قياداتنا عن مهام المرحلة ومابعد الرحلة
وإنهماكها في الصراع الدامي من أجل الكراسي
وإنقساماتها المتعددة لأجنحة معزولة ومتصارعة
فتارة نرى رئيس التيار المنشق يعلن عن إستعلائه الذكوري وإضهاده للمرأة
ونسى أن يد الأميرة طويلة ولاحقة وممكن تلحقو امات طه بيد الفندك
كما لاتخفى علينا محاولات الككو كيكي مناوي في شق وحدة فصيله دعمآ لأجندته الخاصة
وسعي أميرته { برضو} لمنصب سيدتنا الأولى
ولايفوتنا أن ننوه ان الزعيم الحقيقي لتيار المنشقين وجدهم الروحي البدر
قد صار محاقآ وإنمحق وإسحق
وهو فاقد للأهلية منذ حادثة { الشلح } المشهود في الرحلة وعدم مراعاته لإحساسنا
إحساس الشعب ومصالحه
ورصدنا التحولات المستمرة للمتشرد الظلامي فيومآ مع التيار المنشق
وبعد ساعة مع تيار الرئيسة
علمى بان أجهزة الرصد الشعبي ضبطته يتحاوم داخل القصر الرئاسي للقائدة راندوك
ومركز القيادة البديل
كل هذه الخزعبلات تتم بأسم الشعب
والشعب يتبرأ منها
إنتفاضتنا في الطريق
الشعب الفضل
| |
|
|
|
|
|
|
|
|
 Re: يا بورداب الدوحة معتز القريش متشرد (Re: معتز القريش)
|
الفنان عماد عبد اللة
نتمنى سماع ادانتك لتيار الطيور المنهزم قريبا لنحتفى بك
بمكانك الطبيعى الداعم للتيار الديمقراطى الحر ،،،،
كيكى
Quote: انا تطير عيشتى اعالج عوارة ضحية وله هبل كيكى البمش للشرك
وعارفو شرك |
اها كدا كويس !!!!!!!
نمهلك بفرصة اخيرة للاستتابة والرجوع للحق الشرعى
ملحوظة :-
سنحاول ان نحتتفظ لك بلقبك الطيورى بعد الكشف الصحى
عمران
لا تكترث ،،،،،
فنحن لا نصدق الاعلام الطيورى المصاب بانفولنزا دائمة
واحذر الزهور الملقمة والسامة ،،،،
ضحيةالضحية
| Quote: وتعرية ضحية حتي يعود لرشده |
| Quote: للخطاب السياسي للريس ضحية تبين لنا انه ملي بالدراب |
| Quote: تم عزل بينوشيه المريض ( ضحية) عن الراسة ووضعه فى الحجر الصحى |
الضرب فى الميت حرام ،،،،،
ندعوك لاعلان الهذيمة لعلك تحتفظ ببعض ماء الوجة
ولا اضمن لك قبولك بالتيار الشرعى ،،،،،
ولكن احاول ان اساعد فى ذلك من باب ( احترموا رئيس قوم ذل )
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: معاوية الطيب)
|
معاويه ... ايها العقار المضاد لانفلونزا الطيور
انت لها والله ...
فلتكن ابادتهم جماعية حتى لا يستشرى المرض اللعين ... ولتبدا الاباده ببدر الدين
لنمنحهم مهله استثنائية فهم كانو وما زالو بوردابا اعزاء وبيننا "ملح وملاح" "الشية الباردة والشطه الحارة والحله المسيخه"
فان تابوا وانابو عدنا اليهم وكانو بيننا كما كانو من قبل
وان تزمروا وظلوا على تمردهم ... فلياذنو بحرب من الله
ابيد سرب الطيور القايدو زول حريش
وبدر الدين الامير القال هو قايد الجيش
ابيدو وابيد جماعتو حرم عليهو العيش
خليهم فروخ جرباناعدمان جناحها الريش
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: معتز القريش)
|
نحن الشعب :
نلحظ تورط تيار القصر ورئيسته { الترويكا }
في خطاب إسلاموي يشي عن تخلي عن علمانية البورداب
تابعوا الخطاب المعني وتوقعوا قوانين سبتمبر أخرى تقطع طاري الدوحاب
مازلنا نأمل خيرآ في الرئيسة ونلفت إنتبهاها لضرورة تغيير خطابها
وكذلك نلحظ ان الرئيسة تدافع منفردة في غياب تام للترويكا
فالمقررة مصابة بهاء السكت
والنائبة نانا ياريتها لو سكتت
ومصيبة رئيس التيار المنشق ، جماعة الضواحي ، كبيرة
فهو يعاني من خطاب ذكوري إستعلائي نخشى أن يكون مقدمة لمصادرة
التقدم والنجاح المتحقق تحت قيادة عوين تيار القصر
اما الأب الروحي الشالح فقد فقد الإتجاه
وأصبحت مواقفه غير مفهومة وكتاباته طائحة
بين الترويكا والضواحي
نحن الآن نجمع صفوفنا ونكرب العمل السري للإطاحة بالمتصارعين
الشعب الصابر المكلوم
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: أبو ساندرا)
|
الرفيق,,,ابوساندرا..
مرحب بك مدافعا عن حقوق الشعب..وهذا خطابا وجد في نفسنا هوا ..
ونمد اليك الايادي بيضاء من اجل (جبهة) عريضة لاسقاط موسسة رندوك وخطابها المتطرف
ومساندها الاول (الفنان الظلامي)...
سنقدم اطروحتنا لضرورة العمل المشترك ومتتطلبات المرحلة..
قف..
سيتم التنسيق معكم عبر احد كوادرنا السرية...
ومعا من اجل اسقاط (موسسة رندوك الظلامية)...
وتعرية الخطاب الذكوري لتيار ضحية
ابوساندرا...الايادي امتدت بيضاء..اي (كركبة عضلات تبش)..
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
بيان منتصف الليل ... هام
من البديهي أن تثير هذه البادرة معارضة شديدة لدي رجال التطرف والعزوف عن المرأة أمثال ضحية
نعم في وسط هذه التيارات العاتية الحارقة سطع نجم السيدة/ الرئيس كشخصية عملية فذة في هذا العالم البوردابي , كيف لا وهي برفقة مرشدها الشاب ود البدري الذي شق لذاته طريقا خاصا في التغريب بين وجهات النظر الفلسفي , وأنار ظلمات أعداء المرأة و النجاح الناهده عن فلسفة عقلانية صحية تنسجم مع روح المشاركة بين الطرفين
يسقط يسقط ضحية
وبما أن السيدة/ الرئيس يملك كل تلك المهارات من أراء وأفكار مهدت للناس كافة ودفعتهم للعب من ينابيعها الفياضة, كان من الطبيعي أن تتهاوي كل الحكومات السابقة ( سنية دفعية وضحيات شتاتية) وهذا أمر طيب
ولكن وجدنا أن التيارين الأول والثاني قد أفل نجمهم وقد جرف التيار الرندي في طريقة كل معني للديمقراطية الحقة, ولا يخفي على احد محاولة التفرد بالحكم وهضم آل 119 ريال ونص لمعتز قريش وحرمان باقي الوزراء من ممارسة أدوارهم في هضم بعض اللحوم الطازجة بمنزل أبو ساندرا قبل عرضها على الشعب علي سبيل التجربة حتى يتبين لهم صلاحيتها. وكان الرفض القاطع من الرئيس والوزيرة الأولي نانا ووزير الأعلام ماهي تاب ( تكتل حريم ) والغريب في الأمر ظهرت الكوارع في الثاني بأحد المنازل الفاخرة بشارع معيزر شمالا ؟؟؟!!!
و علية
وبما انه لابد من خلق فرصة للشباب لتواكب متطلبات الجماهير
صدر بيان تصحيحي رقم واحد ..
من شباب بورداب الدوحة
الشاب ود الأمير
الشاب كيكي
الشاب معاوية بعد محادثات مطوله
الشابة زهور الزهور ( يس اللهم صلي على النبي عين الحسود فيها عود)
الشاب ود رملية
الشاب ود العباسية
الشاب الرفيق ابوساندرا
وزينة الشباب الوجيه الفرع ( المشير عمران ود ناس بدري)
تسقط رندوك وحكومة التكتل ويسقط ضحية و ....... ؟؟؟؟؟ ؟؟؟؟؟؟؟؟؟؟
نقول لهم انه زمن الشباب
ولنا عودة
في بيان التشكيل
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عمران بابكر بدري)
|
رويتر
شمار اخضر
ذكرت التقارير الواردة ومن مصدر موثوق ان الحرب في اوج اوزارها ولم تنجح جميع الوساطات لحل النزاع بالطرق السلمية
الضحايا ... )ضحية( واحده وغلطان المرحوم ... لعدم تقديره لامبراطورية النساء ... وكيدهن ... ان كيدهن
لم يفرق بين الكرسي الحزبي والكرسي البوردابي ... العجاج يا رندوك
هو اصلا ضحية المؤامرات التي تحاك خلف الكواليس ... دعيه يرقد بسلام
نحن والامبراطورية ... نشد من ازرك وده ما وقت زهور
انا لسه ما قريت ولا بوست
لكن الشمار حرقني
توت توت ... ضحيه يفوت
توت توت ... ضحيه يفوت
توت توت ... ضحيه يفوت
انا طابور براي
كركول شرف
رندكه وشوية كندكه
عجاجك غطا الشوف
والشطه البقولوها
حلاوة الليد يمدوها
لاننا في البحر قاعدين
وراها الزول يتوه توها
تتا تتررا ررا تتررا تتررا تتررا تتتررا
الجيه البقولوها
زهور ناشفه وبدون ريحه
عجاجك
وادينا عجاجك يا ضحيه
يا رتبه ممحيه
وكرسي طار
الزول ده طلع بدري قال جاييك يا معتز
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: محمد أبوعاقلة الطريفي)
|
بيان هام..
قبل الترحيب بالاخ التصحيحي الزول الكلس عمران,,
وقبل فتح النيران في ابوعاقلة الذي يبدو انه قد فقد رشده...
نعلن لكم الاتي...
فصيل رندوك المتاكل يرسل نائبه للتفاوض..
الان في احد مقراتنا السرية تجري مفاوضات شاقة وصعبة بين المفوض تماما
(بدرالدين الامير)...ومندوب السيدة رندوك(معتز قريش) الملقب ب(عبد المامور)..
ما استطيع ان اصرح به الان...ان مندوب رندوك (واقع في الوطة) وكابي الجرسة
وفصيلنا يملي عليهم شروطنا الصعبة...
التي الخصها في الاتي...
1- تقدم رندوك نقد ذاتي للرحلة وتبين الاخفاقات التي كانت واضحة تماما..
2_الاعتذار عن (الكوك...كاك)..في بوست منفصل..
3_تسليمنا الملفات السرية للجهاز القمعي لامن رندوك.
4_تسليم الصور..كل الصور التي بحوزة رندوك..
5_ ايقاف تسجيل المكالمات الهاتفية
6_ايقاف ارهاب الشرفاء من البورداب...
7_تسليمنا ملف اسكان (معتز قرش)...عشان(نسكنوا سكن لحدي ما يامن)..
مفاوضنا بما يتمتع به من حنكة وخبرة عالية قادر علي تحقيق اختراق مهم في جبهة
رندوك...
رندوك...خلاص قالوا دايرة سلام..
ماقلتوا نوبة وحسي بقيتو حمام
البدر المفاوض..ما بكتر في الكلام
تادوا الطاعة ..وكلوا يبقي تمام
| |
|
|
|
|
|
|
|
|
|
Re: يا بورداب الدوحة معتز القريش متشرد (Re: عبدالكريم الامين احمد)
|
عمران معانا رندوك ماتغشانا
عمران معانا رندوك ماتغشانا
يالك من فارس كلمة وتكلم
وعليه نحن نطالب بحماية دولية للسيد/ عمران
لاننا لانامن تصرفات رية وسكينة أى رندوك والظلامى الفنان
من وضع اى متفجرات فى طريق العامر عمراننا
همسة : سيدعمران ارجو ارسال رقم جوالك أو خذ رقم جوالى من السيد/ كيكى
التوقيع : القايدة والفردة زهور على فكرة زهور بلا اشواك
| |
|
|
|
|
|
|
| |
معتز القريش
ضحيه ابراهيم
Haytham Abdulaziz
يوسف الولى
عبدالكريم الامين احمد
بدر الدين الأمير
خضر الطيب
ودرملية
معتصم الطاهر
Emad Abdulla
-1.jpg)
معاوية الطيب
أبو ساندرا
عمران بابكر بدري
محمد أبوعاقلة الطريفي
فيس بوك
تويتر
انستقرام
يوتيوب
بنتيريست