الرقيقة المسكونة بحب الوطن والاديبة الفنانة بنت جبريل , لها خالص التحايا وموصول الوداد. الحكاية جابت كتاحة أم درمان !!. والناس الشبابيكها مكسورة تقفل بالشوالات!!؟. أبعدوها عن المشاكل فهى مسكونة بحمى الوطن بحسب تعبير ايمن هارون. وهشام بتاع جدة دا إلا ما يجى بورتسودان تانى ( محظور)!!؟؟.
مع السلام.
07-26-2006, 06:14 AM
يازولyazoalيازول
يازولyazoalيازول
تاريخ التسجيل: 02-05-2002
مجموع المشاركات: 10210
يا حقار ، والله أنا حكايتى زاتها عجيبة ، لحدت مستغرب من روحى زاتا
يعنى عاملت المدن بدونية شديدة ، كما عاملت العضو الولد الصغير بكبرياء اكثر من اللزوم
فوقعت فى بورتسودان نبز شديد ، عشان لاقتنى عقرب فى الأدبخانة وحظرت محمد عادل عشان فورانو وشكلو مع النسوان ، قلت أديه على راسو
والبيقع معاى فى مشكلة (الله قال بى قولو) والبتافقنى الراى (بهمشو) ، والبيخالفنى (بكرهو) والمحايد ، زول الله ساى فى نظرى والبحبو (بحبو جد جد)
هل أنا (نرجسى) ؟ هل أنا (ديكتاتور) ؟ هل أنا فقرى؟
نفسى إحتارت من نفسى ، أظنى فى حاجة لطبيب (نفسى) ، وطبيب نفسى أراه فى الجمال وفى الحلاوة وفى الرشاقة وفى الظرافة وفى خفة الدم وفى المحبوبة وفى ضفائر شعرها ، وفى دلالها ، وفى دلعها ، وفى شبابها ، وفى نضارتها ، وفى خشيمة ، وفى جضوما ، وفى نخرتا ، وفى ضحكتا ، وفى زعلا ، وفى فرحا ، وفى بكاها وفى ضحكتها ، وفى عوارتا ، وفى لتاختا ، وفى نوما ، وفى صحيانا ، وفى رقيصا ، وفى مذاكرتا ، وفى مدرستا ، وفى شارع بيتا ، وفى حلتنا ، وفى كواريكا ، وفى نشفان ريقا ، وفى حنتا ، وفى دلكتا ، وفى أصبع كراعا السغير ، وفى خصرها ، وفى أردافا ، وفى أكتافا ، وفى برتكان يافا ، وفى وسخا ، وفى حماما ، وفى فرشة أسنانا ، وفى هدوما ، وفى ريحتا ، وفى بلادتا ، وفى نوناتا ، وفى بت أم لعاب ، وفى اللعاب الجوة خشيمة ، وفى المنقة لما تبقى صفراااااا ، وفى الحنة لما تشيل ، وفى البوخة لما تمسك فى هدوما ، وفى خطها الشين ، وفى مخها التخين ، وفى الحب البيجى بلا سبب ولا مواعيد ، وفى قعادها وسط صاحباتا ، وفى غسيلها للعدة ، وفى نشيف هدوم أخوانا السغار وعليقهم فى الحبل ، وفى الهواء لما يرفع الفستان شوية ، وفى رقادا لما يجيها مغس ، وفى قعدتا فى حفلة العرس ، وفى مكياجا الأشتر ، وفى أكلها اللبان ، وفى وحما ، وفى عدم فهما ، وفى عنادها وفى صرة وشيها البتزيدوا الصرة حلا ، وفى حواجبها لما ترد عليك بى مزاج ، وفى حركاتا ، وفى سكناتا ، وفى قرايتها للجريدة ، ولما تتفرج فى سبيس تون ، ولما تغنى مع نانسى عجرم ، ولما تدق الدلوكة ، ولما تشغل ليك شريط مخستك ، ولما ترسل ليك جواب نصو ما مفهوم بسبب رداءة الخط ، ولما تغمض عيونا ، ولما تفتحهم تانى ، وفى رقبيتها الزى قزازة العصير ، ولما تقول ليك أدينى معاك نفس حق شيشة ، ولما تعوم فى البحر ، ولما تسك الجداد عشان تجيب واحدة للغداء ، ولما تتفنقل من العنقريب وهى نائمة من شدة البراءة ، ولما تشاكلك وتزعل منك وتحرد كلامك ، وتقبل على الحيطة ، ولما تركب معاك العربية ، وتقول ليك شغل لى ندى القلعة ، ولما تحاكى واحدة سغيلة مزهجاها ، ولما تغيب عن الميعاد ، ولما تكضب عليك ، ولما تقول ليك فسحنى أنا زهجانة ، ولما تديك شاكوش ، ولما أمها فجأة تجى داخلة وتقوم من جمبك زى الجاتا مصيبة ، ولما تعمل ليك كباية شاى ، ولاّ قهوة ، ولا تجيب ليك موية باردة وتلمس إيدا قبل الكوز ، ولما تقول دى شنو الهبلة دى وتلقى روحك مشيت ليهم تانى ، ولما تكتب ليك شعر ما موزون كلو كلو ، ولما تحكى ليك قصة حياتا المافيها شى مثير ، ولما تقول ليك ماشين السوق مع ناس حياة ، ولما تجى من السوق عرقانة وجيعانه ، ولما هدوما تكون وسخانة ، وفى باقى ملاح خدرة فى الإسكيرت ، ولما تأكل ملاح ويكة بى صوابعين سغاااااااار ، ولما تقول ليك ما باكل فسيخ ، ولما تضوق الشطة بالغلط وتقوم تتوحوح وتجرى على الموية جرى ويعتر ليها سلك التلفون ، ولما تقابل صاحباتا ولما تفتح ليك الباب ، ولما تمرق منهم
يازول حكايتى عجيبة خلاص ، عليكم الله يا ناس بورتسودان ما تزعلو منى ، عشان الوصفتها دى من (بورتسودان) وما بيتلقى زيها فى أى حتة فى الدنيا
07-26-2006, 07:00 AM
رأفت ميلاد
رأفت ميلاد
تاريخ التسجيل: 04-03-2006
مجموع المشاركات: 7655
انت ظريف وبت شيخ الدين اظرف...وولدهم(هشام يازول اظرف من الظرف زاتو)
طبعا ده من زمان
مع انك فاتح لي مليون كبري (ولا كبري البطانه) يا ود القضارف
Quote: والبيقع معاى فى مشكلة (الله قال بى قولو)
والبتافقنى الراى (بهمشو) ، والبيخالفنى (بكرهو) والمحايد ، زول الله ساى فى نظرى والبحبو (بحبو جد جد)
هل أنا (نرجسى) ؟
هل أنا (ديكتاتور) ؟
هل أنا فقرى؟
في اسالتك الفوق لا اراك الا سوداني اصيل فهذه صفاتنا جميعا
نرجسيه
دكتاتوريه
نخالف الحياد
ونكره المابتفق معانا
ونحب بعواره جدجد
اما مداخلتك هذه:
Quote: نفسى إحتارت من نفسى ، أظنى فى حاجة لطبيب (نفسى) ، وطبيب نفسى أراه فى الجمال وفى الحلاوة وفى الرشاقة وفى الظرافة وفى خفة الدم وفى المحبوبة وفى ضفائر شعرها ، وفى دلالها ، وفى دلعها ، وفى شبابها ، وفى نضارتها ، وفى خشيمة ، وفى جضوما ، وفى نخرتا ، وفى ضحكتا ، وفى زعلا ، وفى فرحا ، وفى بكاها وفى ضحكتها ، وفى عوارتا ، وفى لتاختا ، وفى نوما ، وفى صحيانا ، وفى رقيصا ، وفى مذاكرتا ، وفى مدرستا ، وفى شارع بيتا ، وفى حلتنا ، وفى كواريكا ، وفى نشفان ريقا ، وفى حنتا ، وفى دلكتا ، وفى أصبع كراعا السغير ، وفى خصرها ، وفى أردافا ، وفى أكتافا ، وفى برتكان يافا ، وفى وسخا ، وفى حماما ، وفى فرشة أسنانا ، وفى هدوما ، وفى ريحتا ، وفى بلادتا ، وفى نوناتا ، وفى بت أم لعاب ، وفى اللعاب الجوة خشيمة ، وفى المنقة لما تبقى صفراااااا ، وفى الحنة لما تشيل ، وفى البوخة لما تمسك فى هدوما ، وفى خطها الشين ، وفى مخها التخين ، وفى الحب البيجى بلا سبب ولا مواعيد ، وفى قعادها وسط صاحباتا ، وفى غسيلها للعدة ، وفى نشيف هدوم أخوانا السغار وعليقهم فى الحبل ، وفى الهواء لما يرفع الفستان شوية ، وفى رقادا لما يجيها مغس ، وفى قعدتا فى حفلة العرس ، وفى مكياجا الأشتر ، وفى أكلها اللبان ، وفى وحما ، وفى عدم فهما ، وفى عنادها وفى صرة وشيها البتزيدوا الصرة حلا ، وفى حواجبها لما ترد عليك بى مزاج ، وفى حركاتا ، وفى سكناتا ، وفى قرايتها للجريدة ، ولما تتفرج فى سبيس تون ، ولما تغنى مع نانسى عجرم ، ولما تدق الدلوكة ، ولما تشغل ليك شريط مخستك ، ولما ترسل ليك جواب نصو ما مفهوم بسبب رداءة الخط ، ولما تغمض عيونا ، ولما تفتحهم تانى ، وفى رقبيتها الزى قزازة العصير ، ولما تقول ليك أدينى معاك نفس حق شيشة ، ولما تعوم فى البحر ، ولما تسك الجداد عشان تجيب واحدة للغداء ، ولما تتفنقل من العنقريب وهى نائمة من شدة البراءة ، ولما تشاكلك وتزعل منك وتحرد كلامك ، وتقبل على الحيطة ، ولما تركب معاك العربية ، وتقول ليك شغل لى ندى القلعة ، ولما تحاكى واحدة سغيلة مزهجاها ، ولما تغيب عن الميعاد ، ولما تكضب عليك ، ولما تقول ليك فسحنى أنا زهجانة ، ولما تديك شاكوش ، ولما أمها فجأة تجى داخلة وتقوم من جمبك زى الجاتا مصيبة ، ولما تعمل ليك كباية شاى ، ولاّ قهوة ، ولا تجيب ليك موية باردة وتلمس إيدا قبل الكوز ، ولما تقول دى شنو الهبلة دى وتلقى روحك مشيت ليهم تانى ، ولما تكتب ليك شعر ما موزون كلو كلو ، ولما تحكى ليك قصة حياتا المافيها شى مثير ، ولما تقول ليك ماشين السوق مع ناس حياة ، ولما تجى من السوق عرقانة وجيعانه ، ولما هدوما تكون وسخانة ، وفى باقى ملاح خدرة فى الإسكيرت ، ولما تأكل ملاح ويكة بى صوابعين سغاااااااار ، ولما تقول ليك ما باكل فسيخ ، ولما تضوق الشطة بالغلط وتقوم تتوحوح وتجرى على الموية جرى ويعتر ليها سلك التلفون ، ولما تقابل صاحباتا ولما تفتح ليك الباب ، ولما تمرق منهم
يازول حكايتى عجيبة خلاص ، عليكم الله يا ناس بورتسودان ما تزعلو منى ، عشان الوصفتها دى من (بورتسودان) وما بيتلقى زيها فى أى حتة فى الدنيا
فابقول لك والله انصار آخر زمن
كان الله في عون محمد عادل القطعتوه النفس.
تراجي.
07-26-2006, 09:28 PM
ابوعسل السيد احمد
ابوعسل السيد احمد
تاريخ التسجيل: 12-12-2005
مجموع المشاركات: 3416
هشام أخوي إنت الله بيحبك، عشان كدا إمتحنك و الإمتحان دا قديم و مع سبق الإصرار بالجد.... .. شخصي الضعيف ضد كل الدكتاتوريات لكن عندما أفكر في أنه تماضر ( الوصفها الأخ محمد عادل بالحبة) أختك و قبليها إنت ذاتك كنت مسؤول في البورد دا ذات يوم ( عطاء و عطاء) زيادة على إنه أخونا محمد عادل نال العضوية بفضل الله و معونتك.... لكل ما سبق بلقى ليك ألف عذر للحصل منك .... .. و البحبه الله إحنا بنحبه
07-27-2006, 10:14 AM
saif massad ali
saif massad ali
تاريخ التسجيل: 08-10-2004
مجموع المشاركات: 19127
الاخ سيف سلامات قريت هنا او فى مكان تانى انه تماضر تطلب اغنية وردى المشهورة ( توعدنا وتبخل بالصورة) وقد بحثت عن هذه الاغنية فى الانترنيت فوجدت كلماتها. ويا ريت لو فى زول نزلها اغنية وموسيقى كلمات الاغنية التى نقلتها هنا قد لا تكون كلها صحيحة. نرجو تصحيح ما تيسر. ___________
توعدنا وتبخل بالصورة يا غنوتنا يا بهجتنا ويا مرتع عيونا المبهورة ما نحن بطبعنا ناس طيبين وغلطاتك عندنا مغفورة
يا نسمه .. فى عز الصيف هبت يا روح الروح .. يا امالها ان جيت تطلبنا بضئ العين ما بنقدر نحن نقول .. لا .. لا العين ما بتعلى على الحاجب وعزيز الروح ما بتعالى لو نحن بكينا على الصورة سامح دمعتنا المعذورة ما نحن بطبعنا ناس طيبين وغلطاتك عندنا مغفورة
الكلمه الحلوة الفى قلبك وحياتك ما تعاند .. قولها خلينا نصابح بيها العيد نرحل فى عوالم مجهوله لو نحن مقامك ما قدرو اعذارك عندنا مغفورة
ياروعة سحر الاسطورة يا سمحتنا الما بنطولها
بنحبك نحن وما قادرين ابدا عن حبك نتخلى نتخلى عن الوجه البشبه ضئ القمرة الناعس كل الامال الله يخليك ويحرسك من عين الناس الله يا روعة سحر الاسطورة يا سمحتنا .... الما بنطولها
07-26-2006, 08:25 PM
nour tawir
nour tawir
تاريخ التسجيل: 08-16-2004
مجموع المشاركات: 17638
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة