كتب الكاتب الفاتح جبرا المتوفرة بمعرض الدوحة
|
لا أنا ما أختها
|
من دعاباتنا القديمة أن تقدم نفسك على أختك أو أخوك إذا ما قال أحد معارفهم "بالله إنت أخت فلانه أو فلان؟" ويكون الرد لا لا أنا ما أختها هى أختى أو أخوى."
أما الآن فقدحق لى أن أزهو وأفخر بأنى أخت أخواتى واخوانى وكلهم أصغر منى. فصار السؤال: "بالله إننى أخت هالة محمد عبد الحليم ينتزع منى اكثر من ابتسامة وتكون الإجابة "آى أنا أخت هالة." أنا خايفة بعد شوية أقدم نفسى بعبارة "أنا أسماء عبد الحليم" وعندما يسفهنى القوم ألحقها بعبارة "أخت هالة وبتعرف فلان داك؟ برضه أخوى إلخ ....
التهانى وجبت يا هالة واستعدى للخلافات السياسية.
|
|
|
|
|
|
|
|
Re: لا أنا ما أختها (Re: أحمد الشايقي)
|
أستاذتنا أسماء .. بالله ؟ .. أختها عديييييل كده ؟؟؟
أنا بترصد كتاباتك من يوم بقت عندك العضوية .. ( طبعا باعتبار إنك أخت هالة .. لأنه هالة رئيستي .. و بريدا شديد و أفتخر بيها ) عارفك كتّابة ( مش أخت هالة ؟؟ ) و بتعجبني لغتك العالية .. و كم السخرية الراقية الفيها . المهم .. كان عندي عمي ( الله يرحمو ) .. أخو أبوي طوالي .. و كبير في السن , ما بعرف حاجة كتيرة عننا , رجل بسيط و طيب و دنقلاوي أصلي , مرة جانا البيت بعد وفاة الوالد بفترة طويلة .. كلنا جينا نسلم عليهو و الوالدة يديها العافية واقفة تعرفو علينا , جا دوري , وهو ماسك يدي و بيتكلم معاي و يسأل : إزيك يا إبني .. إنت مين ؟؟ أمي قالت ليهو : ده عماد قال ليها : ده الظابط ؟؟ قالت ليهو : لأ .. جدع يدي و قال ليها : أمال فين الظابط .. ( و يقصد وحيد عبدالله .. أخوي الأصغر ) ..
من يومها و أنا بقول : أنا أخو وحيد الظابط ..
دحين بالله إنتي أخت هالة ؟؟ .. الظابط ؟؟
| |
|
|
|
|
|
|
Re: لا أنا ما أختها (Re: Kostawi)
|
Quote: بالجد أول مرة أعرف أن "هميمة" هي أختك |
and that is the first time for me to know that Hamema is Halla it is my pleasure to know both of you
NOON
| |
|
|
|
|
|
|
Re: لا أنا ما أختها (Re: Asma Abdel Halim)
|
اسماء عبد الحليم !!!!!!!! اتشرف بهذه الخوة تماما تملانى فخرا وعزة .............
منك تشربنا( كلنا) معانى التفكر والتدبر وعدم الانقياد ضربت
لنا المثل والنموذج عندما تفوقت فى امتحان الشهادة السودانيه
وطلعت الاولى على السودان .... واستمر تفوقك وعطائك،، وبعد انقطاع
درست القانون ... وتفوقت كعادتك ... كل القانونيين يذكرون انحياذك للجندر
من زمان وقبل ما تصبح هذه القضايا وسيلة للمتاجرة والمزايدة من البعض ،،
يذكرون وقوفك فى المحاكم يوميا مع نساء الهامش تترافعين بلا مقابل دون ان
يكون عندك جمعية او منظمة .. من مكتبك بتاع المحاماة ... اختى اسماء فى غيابك
اتسع ذلك الهامش حتى كاد ان يبتلع المدينة !!! ما عدنا نستطيع مد يد العون لهم
فقد اصبحت مشاكلهن اكبر منا ... اعرف انك لم تنقطعى عنهن ... ولكن حان موعد
البحث عن الحلول الجزرية .......... ايديكم معنا ........
اطمئنى اسماء فانا ما زلت اعرف (بضم الالف ) فى الخرطوم بانى اخت اسماء ؟؟ بالامس القريب نظمت جق منتدى ،، بروف النعيم واسماء طه ود. بيتر ومحجوب ابراهيم
ووووووالخ كل ما اسلم على واحد يقول للتانى بالمناسبة هالة دى اخت اسماء حليم !!
هذه العبارة التى لازمتنى منذ ان سلكت مهنة المحاماة ذادها الشبه الواضح (عرفاك ح
تجى تقولى لى انا اسمح منك ؟؟) ماشى ....... وانا ما عندى رغبة اتخلص منها واضع
سلاحى عن اي حرب معك واعلن من هنا استسلامى الكامل ..... اللهم هل بلغت !!!!
ام المفاجات كانت بالنسبة لى فى هذا البوست انو عماد عبد الله طلع اخو وحيد
عبد الله ..........!!!!! ياه دى مفاجاة حقيقية وبالتالى ود خالت ناس هندية !!
| |
|
|
|
|
|
|
Re: لا أنا ما أختها (Re: هميمة)
|
اسماء ...ربما لاننا كنا نكتب من الشمال الي اليمين ولاعوام قاربت العشرة وكان المتواجدون النشطون من الشتات خارج منظومة الكتابة باللغة العربية حينئذ حيث لم تتيسر كما الحال اليوم فعرفناك منذ ذاك الزمان انت وباسمك واليوم تعرفنا بعد ان تعربنا " نوبي تعرب " وصرنا نقرأ ونكتب يمنيا الي شمال ( رغم انني لم انتبه الي ان الجندر هي عربية Gender الا بعد ان اشرتي الي بذلك في موقع غير هذا) تعرفنا علي بقية عقد داركم من كنداكات ال عبد الحليم
| |
|
|
|
|
|
|
Re: لا أنا ما أختها (Re: abubakr)
|
مرحبـا بهميمـة أخت أسمـا عبدالحليـم
باشمهندس أبوبكـر، كيفك وكويس ذكريـات لستـة ســودانيـز.. يا ترى هل الأستـاذة أسمـاء (اخت هميمـة) مازالت تعتقـد ان المحامين ما مفروض يعلنـوا فى التلفزيون والجـرايـد.. أنا شخصيـا ما زلت عنـد رأيى.. من أجل توعيـة المواطن بحقوقـه، وتخويف المسـؤولين عشـان يعملوا حسـابهـم، وليس من أجل المادة.. براكى شـايفـة الإعلانات هنا فى أمريكـا مدخلة كل زول فى علبـو.. الطبيب يعمل ستميـة حسـاب قبل العمليـة أو وصف الدواء.. الناس تنظف الجليـد قوام قوام قبل ما واحـد يتزحلق يقع قدام بيتهـم (كان بحق واللا باطل) وهلمجـرا.. والبلـد ماشــة صـح كدا.. سمعتى بالدكتور السـودانى الطلع الكليـة السليمـة بدل البايظة؟ عملوا ليـه شنـو؟ حتى لو حاسبـوا دا.. الما حاسبوهـم كام.. والمظاليـم الخلو حقوقهـم لعدم معرفتهـم بهـا كم؟!!
| |
|
|
|
|
|
|
Re: لا أنا ما أختها (Re: Abureesh)
|
Quote: يا ترى هل الأستـاذة أسمـاء (اخت هميمـة) مازالت تعتقـد ان المحامين ما مفروض يعلنـوا فى التلفزيون والجـرايـد..
|
استاذ محمد .. بعض المهن كما تعلم تضمن فيما يسمي باللغة الانجليزية Code of Ethics بندا عن " الاعلان .. الكيفية .. حجم لوحة الاعلان ..حجم الحروف ... اين وكيف " والغرض هو اتاحة فرص متساوية للجميع حيث لا تضيع الحرفية والمهنية بسبب الامكانات المادية .... وفي مهنتي " المعمار" وحتي سبعينات القرن الماضي التزمنا بمثل ذلك البند ولكن في هوجة نهاية فترة العولمة الثانية ( كما يطلق السيد فريدمان علي الفترة 1800 الي 2000 ) والتي تميزت بزخم وكثافة في الانشاءات والشركات متعددة الجنسيات تقلص دور هذا البند او تجاهلته قوافل هذه الشركات اثناء ترحالها من بلد الي اخر .. الاستاذة اسماء حقوقية -وفق معلوماتتي التي استقراتها مما كانت تكتب و تدافع عنه- ومهتمة بالجزئية الانسانية في هذا الشان اكثر من التجارية او هكذا يترائ لي وتدافع عن مساواة في الفرص بين الذي يملك والذي لايملك او يملك اقل في مهنتكم ...وربما كان هذا هو سبب تمسكها بمعارضة الاعلان التلفزيوني والاذاعي للمحاميين والحقوقيين واسماء والله اعلم
| |
|
|
|
|
|
|
Re: لا أنا ما أختها (Re: wedzayneb)
|
عييك يا ود زينب.. أسمـاء دى فى متديات الحوار من التسعينـات.. قبل المواقع الجديـدة دى.. وحتى قبل تأسيس هـذا المنبـر.. ومال أبوبكـر سيـد أحمـد فوق قال شنـو.. الظاهـر ما قريت.. أقرأ كلامى الفوق برضـو وتعرف. لكن بالرغـم من دا أنا ما عارف هميمـة بدت النقاش السايبرى متين، وكلامى دا بس بنيتو على ذكرك لموقع د. معز والبورد دا، وكلهم ديل حديثين بالنسبـة لأسمـاء.
| |
|
|
|
|
|
|
Re: لا أنا ما أختها (Re: wedzayneb)
|
الأخت أسماء ..
تحياتي
إهلاً ومرحب بيك ، سواء كنت ( أختها ) أوكما قلتي: لأنه في الآخر السؤال ده ح يظل قائم ،، وأعاني منه مع أخي عماد قليلاً ، وهو كذلك .. بالله انت إخو صلاح .. ياخ إنت أخو عماد ،، ويستمر التساؤل الى ما لانهاية .. فما عليك سواء كنت اختها او هي اختك ، فأنتما فعلا جديرتان بالاحترام .. ويا ريت لو أختك أختي وأخت أختك أختي ، لفاخرت بكما العالم أجمع ..
ومرحبتين حبابك ..اليوم السعيد الليلة جابك يا (أخت هالة) !!!
تحياتي ..
صلاح عبدالله أخو عماد عبدالله ( أو العكس ) عشان ما في زول يسأل تاني . أخو وحيد عبدالله ( جنابو ) ود خالة هند ( يا هالة )!!
| |
|
|
|
|
|
|
Re: لا أنا ما أختها (Re: Asma Abdel Halim)
|
Quote: اتشرف بهذه الخوة تماما تملانى فخرا وعزة .............
منك تشربنا( كلنا) معانى التفكر والتدبر وعدم الانقياد ضربت
لنا المثل والنموذج عندما تفوقت فى امتحان الشهادة السودانيه
وطلعت الاولى على السودان .... واستمر تفوقك وعطائك،، |
الغالية هالة قالت في أسماء كدة.... ......... سبحان الله أتاريهو معنا فطاحلة هنا في البورد ونحن ما عارفين..كنا قايلين نفسنا شي.. ..........
| |
|
|
|
|
|
|
Re: لا أنا ما أختها (Re: منصوري)
|
ما عايزه أدخل بين التفاحة وقشرتا.. لكن لازم أقول في المناسبة دي إنه بنات مريم "صغار... وكبار..." على رأي النكته.. نساء في هامات النخل مصادمات وفاهمات وجدعات عليهن تخت حملك.. وما تشيل هم.. . . . كل الحب والإحترام
سلمى
| |
|
|
|
|
|
|
Re: لا أنا ما أختها (Re: Asma Abdel Halim)
|
فى قمة وذروة فخره يقول السوداني ( أنا أخو فلانة) أو ( أنا أبوك يا فاطنة) ولا يقول انا أخو فلان ..
وللحقيقة يسعدنى أننى من المهتمين والمستمتعين بكتابة أسماء و بموقع هالة القيادى ..
| |
|
|
|
|
|
|
Re: لا أنا ما أختها (Re: معتصم الطاهر)
|
Quote: سبحان الله أتاريهو معنا فطاحلة هنا في البورد ونحن ما عارفين..كنا قايلين نفسنا شي.. |
صـديق، ســلام..
كلنـا ما كنا قايلين انو أسمـاء هى اخت هالـة..
| |
|
|
|
|
|
|
Re: لا أنا ما أختها (Re: Abureesh)
|
أستاذة أسما .. يمسيك بالخير ..
Quote: ياه دى مفاجاة حقيقية وبالتالى ود خالت ناس هندية !! |
.. بعد كلام هالة ده , يا داب عرفت شعورك .. بالله يا أسما .. مش ياها زاااتا : بالله إنت ود خالة هندية ؟؟؟ يا ها زاتا : بالله إنتي أخت هالة .. ؟؟
يا زولة من الليلة دي يا أسماء أنا معاك .. مش كفاية حقرة عمي ياخ
.. أستاذة هالة : بالله إنتي صاحبة هندية ؟؟؟؟
لصديقتي و أختي هند و زوجها و عيالها التحية .. ومن قبل و بعد التحية لبنات عم عبدالحليم الرايعات ..
| |
|
|
|
|
|
|
Re: لا أنا ما أختها (Re: Emad Abdulla)
|
خلاص بقت فينى أحمد الشايقى ده تهديد؟ تصحيح يا هالة زمان فى سالف العصر والاوان كانت الشهادة بالدرجات يعنى الكانت الأولى الشهادة ما انا.
Quote: (ح تجى تقولى لى انا اسمح منك عرفاك |
برى ما قلت ده ابو ساندرا القال
ود زينب كيف ما بعرف بت مشعال! دى شندى يا ...... أمال وأنا من شندى إلا هالة دى غريبة مى مننا وناس فزارى زاتهم بعرفهم كلمة جندر من المصطلحات المستحدثة وترجمت فى شكل جمل طويلة وفى النهاية استخدمت الكلمة الأنجليزية كما فعلنا مع كلمات ومصطلحات عديدة. وكلامك صح اصبحت تستخدم فى غير محلها بالرغم من الشرح الوافى القدمته لينا الجندرية. رأيتها مستخدمة لتعنى النشاط فى مجال حقوق المرأة وزى ما قلت إنت ده غلط. ساوافيك بما أوردت الجندرية.
اولاد عبد الله أذكر أول ما جيت الخرطوم كان أخونا الصغير صابر ابن ثلات سنوات واجتماعى جدا اتعرف على اطفال الحلة وكبارها وكان يصحب الوالد للدكان القريب ويصحب الوالدة للتعاون. وفى يوم ذهبت للتعاون وطلبت من صاحبه وكان شاب شهم أن يرسل المشتروات للحاجة لانى فى حالة استعجال فسألنى العامل معه لكن بيتكم وين؟ فما كان من صاحب المحل إلا أن قال " دى أخت صابر يا خى." وكان أبى عليه رحمة الله يسر سرورا عظيما عندما يشار إلينا فى الحى ب "ناس صابر". اليومين دى انا أخت هالة الظابط. سلموا على هندية
يا اخوانا سلمى داؤود دى من عندينا لكن ما حنقول ليكم كيف ونحن ما نوبة.
ابو بكر إزيك أنا وانت مع بعض من زمن الشكل كان بالانجليزى.
آمنة مختار اخوات وبنتشابه
أهلا يا نون
Quote: it is my pleasure to know both of you |
The pleasure is ours dear.
Quote: أتارنك يا هميمة أنت أخت أسماء عبدالحليم? |
ده الكلام يا كوستاوى ياسر الشريف شهادتك ما بدور تعضيد تسلم يا عظيم
Quote: الغبيانين ديل ماكانوا عارفنك أختهاالأحلى منها |
حباب أبو ساندرا الواعى ما بوصوا
أبو الريش
Quote: باللاى يا أسمـا انتى أخت هميمـة برضـو؟ أوع كمان تكونى أخت د. عمــر |
لكن يا محمد ما بسالك
| |
|
|
|
|
|
|
Re: لا أنا ما أختها (Re: Asma Abdel Halim)
|
Quote: ابو بكر إزيك أنا وانت مع بعض من زمن الشكل كان بالانجليزى. |
ماهو خلاص تعلمنا الشكل العربي لكن بعد عذاب الكلام ساهل لكن الكتابة صعبة واصلو نحن من بدري تمترسنا بالانجليزي لا حبا في الساكسون لكن هلوسة من حكاية المبتدا والخبر والاعراب والبلاغة وكلام تابط شرا والحطيئة الهجا نفسه وامه وحماره .. نحن مالنا ومال ده كلو .. من رطانة الي انجليزي مقدور عليه اما من رطانة الي عربي اخدت مني العمر كلو ....
Quote: وكان أبى عليه رحمة الله يسر سرورا عظيما عندما يشار إلينا فى الحى ب "ناس صابر".
|
انا برضو مع بتاع الدكان .. قبل كاااام سنه انتي قلتي لي اقابل صابر عند اول زيارة له لدبي وبس لا جبتي سيرة هالة ..انا ماليش دعوة ..حقوقيات واخوات تحلوها بطريقتكن
| |
|
|
|
|
|
|
Re: لا أنا ما أختها (Re: Asma Abdel Halim)
|
الدكتورة اسماء عبدالحليم سلام اسماء عبدالحليم اخت هالة عبدالحليم اللى هى اخت اسماء عبدالحليم اللى هى اخت هالة عبدالحليم الى ان تتقطع انفاسكم يا حساد.. وما تعرفوا منو اخت منو !! اسماء واللا هالة..اقروها بالقلبة والعدلة وستجدون انهن اخوات بعض.. خد وهات... مرة اسماء اخت هالة ومرة هالة اخت اسماء .. حسب المزاج .. واقترح عنوان جديد للبوست: نحن اخوات (بالمصرى).. والما عاجبو يطق طق او يلحق حق.. بوست ظريف.. وسلام للحقانية هالة... منان
| |
|
|
|
|
|
|
Re: لا أنا ما أختها (Re: Adil Osman)
|
أبوبكر ونور الدين انا دخلتنى المدرسة ست جنيهة محمد حسن فى أرقين ومن الوقت داك علاقتى مستمرة مع النوبة. الكتابة بالعربى دى اسكت خليها ساكت. الطباعة كلها باى لغة كانت ما واردة عندنا لما اتعلمناها كانت الانجليزى.
| |
|
|
|
|
|
|
Re: لا أنا ما أختها (Re: Asma Abdel Halim)
|
Quote: انا دخلتنى المدرسة ست جنيهة محمد حسن فى أرقين ومن الوقت داك علاقتى مستمرة مع النوبة. |
لاننا النوبيين شوية فاول ما عرفتك في تسعينات القرن الماضي ولتشابه في الاسماء وعلشان نكبر كومنا حسبتاك من عندنا وبعدين اتذكر انك صلحتي المعلومة
Quote: الكتابة بالعربى دى اسكت خليها ساكت. الطباعة كلها باى لغة كانت ما واردة عندنا لما اتعلمناها كانت الانجليزى. |
المشكلة اننا هنا بنعيش شيزوفرينيا لغات .. الشغل قولا وفعلا وكتابة بالانجليزي والحياة كذلك الا ما في ندر رغم اننا في بلد عربي وبعدين ومنذ ظهور منتديات بالعربي وانا في وكسة مع الدال والذين والزال اما الحاء والخاء فديل خليهم ساكت -يعني حتي لو غلطت فيهم معذور ...ما بربري ....
| |
|
|
|
|
|
|
Re: لا أنا ما أختها (Re: Asma Abdel Halim)
|
مرحب بأسماء بالمنبر......وأهلا هالة مرة أخري .......شجرتان نبتتا في ذات التربة وتشربتا نفس الماء وعانقتا ذات الشمس.....المنبع واحد والاصل واحد.....وتنوع الافكاروالرؤي وارد ....وهو ما يثري ويضيف...... كمال
| |
|
|
|
|
|
|
Re: لا أنا ما أختها (Re: kamalabas)
|
تحياتي اسماء
لفت نظري تشابه الاسماء في بوست الختان وفي الحقيقة لخبطت بينهم في البداية تاني قلت لا دي ما هميمة ... مرحب بيك استاذة اسماء اضافة حقيقية للمنبر ... وأعذري جهلنا
| |
|
|
|
|
|
|
Re: لا أنا ما أختها (Re: Asma Abdel Halim)
|
د. اسماء عبد الحليم هى صورك فى الانترنيت. مشاركاتك فى مؤتمرات وسمنارات فى جامعة اوهايو وكنساس وغيرها من الجامعات. ادخلت اسمك فى قووقل الصور google images
د. اسماء عبد الحليم تخاطب مؤتمر عن الاطفال والاسلام
| |
|
|
|
|
|
|
Re: لا أنا ما أختها (Re: Asma Abdel Halim)
|
د. اسماء يعرفها الغرب واروقة الفكر ومنتديات حقوق الانسان ومراكز الطفولة والامومة وهالة يعرفها السودانيون.. ثنائى فريد من جيل ننتمى اليه ونفخر به.. الى الامام انجازا فى ساحات الفكر والإبداع .. كنداكاتنا الى العالم.. تطول قاماتنا بكن فى وقت تتقاصر فيه قامات الرجال.. دكتورة اسماء .. اول مرة التقيتك فيها ربما قبل اكثر من خمسة عشر عاما تخيلت انك حلفاوية والآن عرفت السبب ففيك شيئ من ارقين.. ارجو ان يتواصل.. ولهالة الهميمة نفسح الطريق لعودة الكنداكات.. عملت فى شبه القارة الهندية عندما كانت انديرا غاندى تسطع فى سماء الهند وبندرانايكا فى سماء سيلان ولاحقا.. بينازير بوتو فى باكستان وخالدة ضياء وحسينة واجد فى بنغلاديش وسوكارنوبوترى فى اندونيسيا... الآن جاء دور الكنداكات.. فى السودان وافريقيا.. سيراليون ..الخ المعزوفة الجميلة..
نورالدين منان
| |
|
|
|
|
|
|
Re: لا أنا ما أختها (Re: Mannan)
|
معتصم الطاهر سلامات يا زميلى فى سودانيات إتخيل شفت ردك الآن بس مع انه ترتيبه فوق. قبيل ما كان ظاهر لى. أشرقت الأنوار بحضورك يا أديب
| |
|
|
|
|
|
|
Re: لا أنا ما أختها (Re: Asma Abdel Halim)
|
الاستاذة اسماء ......... سلامات اذكر في احدي اجازاتي طلب مني الراحل الاستاذ الخاتم عدلان التعرف علي الاستاذة هالة , فقلت له ( دي اخت اسماء عبدالحليم ) , المهم قبلها كان الاستاذ الصديق محجوب ابراهيم حسن حدثني عن الاستاذة اسماء وعن قدراتها القانونية وشخصيتها الفريدة , ولمن يعرف استاذنا محجوب يجب عليه ان ياخذ كلامه بعين الاعتبار , المهم انا من وقتها تمنيت ان التقي اسماء , وعندما تعرفت علي هالة قلت لها هذا الكلام , وقلت لها مامعناه بختك اسماء اختك . اها يااسماء انا قصتي معك مقلوبة , لكن للاسف ده كان قبل ماتكون هالة الريس بتاعنا و وبعصبية حزبية انت اخت هالة .
| |
|
|
|
|
|
|
Re: لا أنا ما أختها (Re: بهاء بكري)
|
جعفر بشير أهلا انا من رواد بوستاتك الشيقة
بهاء بكرى كنت زولى المفضل فى البوست ده لحدى ماوصلت هنا Quote: لكن للاسف ده كان قبل ماتكون هالة الريس بتاعنا و وبعصبية حزبية انت اخت هالة . |
أنا المحاماة ما بتوحشنى إلا عندما ياتى ّّّّذكر الافذاذ ناس محجوب إبراهيم وصحبه.
| |
|
|
|
|
|
|
|