الختـــان الفرعوني : أو جيوبولتيك الجسد بين سقافة الغرباهليين و موسوعة بشاشا الكوشية

Quote: الصديق جعفر بشير، لاياعزيزي ليس هناك خلاف حول اصل الختان الكوشي. قبل اكثر من 2400 سنة شهود العيان من مؤرخي ذاك الزمان اجمعو علي اعتباره من خصائص الكوشيين، وهذه الممارسة اقدم من عصر الاهرامات بالاف السنين. متي ماوصلنا الحتة دي فحنمشي في اتجاه في تاريخ البشرية كان الله وكان الكوشيون ولااحد غيرهم كبشر خلق بعد! عشان كده، اسماء ادم او حوا اسماء كوشية صرفة، متداولة في معظم ثقافات العالم ولغاته كماهي! حقيقة مهولة كهذه احنا عمرنا ماوقفنا عندها، بدليل انو ذي كلامي ده حول ادم اوحوا ربما كان للمرة الاولي في تاريخ الدراسات السودانية، بقلم سوداني. من جانبي لم افعل اكثر من نقل كلام موجود في المكتبات العامة. فالاساطير التوراتية اصلا اساطير كوشية، وابراهيم عندما ولد، شمس الحضارة الكوشية بدا مشوار التدحرج نحو المغيب ياعزيزي. ابراهيم كان اغلف لمان هاجر الي مصر بحثا عن حياة افضل كما نفعل نحن اليوم هربا من المجاعة، وقد تم ختنه في ارزل العمر، كاشهار لاسلامه كمانقول بلغة اليوم، ليصبح من تاريخه موحدا. برضو يلاحظ انك بتميز بين الافارقة وقدماء المصريين وهذا خطأ منهجي كبير لازلنا في السودان وبحكم سيادة مدرسة المركزية الاوربية في مجال تاريخنا نردد كلام كهذا اوده عيب معرفي كبير! الاختلاف الاشرت ليهو حول اصل الختان، هو by design اوماصدفة، بحكم الصراع العنيف حول تاريخ كوش مابينا، اوبين الغربيين وبالذات اليهود، الكوشو عليهو. فده بعض المتاريس في الحرب دي ياعزيزي. من الجانب الاخر العداء لهذه الممارسة بل الحرب عليها من قبل المؤسسات الغربية مرفوضة تماما. ماعندي مانع كافارقة ان نناقش اونحرم عادة من عاداتنا، ولكن علي الغربيين ان يطلعوا منها. شخصيا البهمني في الموضوع ده، هو تاريخ هذه الممارسة ومدلولها الروحي الذي تاه نهائيا. ماعاد للختان الكوشي اي معني ولهذا لست من دعاته، ولن امارسه داخل اسرتي شخصيا. بس ده ماالموضوع بالنسبة لي. الاخت العزيزة هالة الاحمدي تحياي، انا عارف انك قافلة مني، حتي السلام مابتديني ليهو، بي سبب راي المصادم تماما للطرح الغربي الجندري، اوده والله وحات الخوة، عيب ياهالة! لوعندك الرغبة في بوست منفصل نفضفض فيهو مرحب بيكي، ماخالص الود!