|
بورداب الرياض العزومة عندي الخميس المقبل ...
|
الاخوة والاخوات بورداب الرياض ..
نتشرف بحضوركم البهي مساء الخميس 13-7-2006 لتناول طعام العشاء معنا ياستراحة ال هادي بمجمع استراحات مخرج 18 .
المناسبة طبعا ( سماية ) الامورة علا ..
بورداب الشرقية الدعوة ايضا موجهة لكم وبحضوركم يزداد فرحنا .
وعلى الاخوة البورداب بمحافظات الرياض المختلفة مرعاة الحرص على الحضور . دامت ايامكم افراحا..
الحبيب اسماعيل وراق ساعدنا بانزال كروكي الاستراحة وجزاك الله عناكل خير ..
ود الباوقة
جوال : 0504132372
|
|
|
|
|
|
|
|
Re: بورداب الرياض العزومة عندي الخميس المقبل ... (Re: tmbis)
|
Quote: يا ود البـــــاوقة.. وصلتو لي شنــو..؟ مظبي والا قرصــان ..؟ |
اخي تامبا ..
حتى الان لم نتوصل الى صنف نهائي وفي انتظار ما تسفر عنه المبارة الاخيرة لكاس العالم..
Quote: بعدين صور لي معاك أكبر عدد من الاستمـــارات .. المسالة ماشه كويس |
وبكدا حفل العشاء يكون قد حقق كل اغراضه المنشودة ..
ود الباوقة
| |
|
|
|
|
|
|
Re: بورداب الرياض العزومة عندي الخميس المقبل ... (Re: معتصم دفع الله)
|
Quote: ما نزلت لينا لجنة العزومة .. أنا غايتو بطالب بالرئاسة ..
حاضرين .. |
صديقي معتصم ..
اقترح الاتي :
يكون السيد تامبا رئيسا لقسم المشويات ودكين نائبا له
السيد عبد الرازق الطالب رئيسا لقسم الكمونية وعزاز شامي نائبة له
منطقة ام رقيقة وتوابعها للسيد/ صديق الموج
وهناك منطقة تم استحداثها وهي منطقة خير اللحم ما جاور العظم وهي تحت مسئؤلية المكاتل حنين
ارجو يا معتصم تثنية الاقتراح ...
ود الباوقة
| |
|
|
|
|
|
|
Re: البنية مبروكة ... (Re: لؤى)
|
البنية مبروكة.. مازي ما بقولوا الجماعة من المستورات. تربى في عزكم وإن شاء الله من العالمات والصالحات. ألف قبلة للصغيرة.
| |
|
|
|
|
|
|
Re: بورداب الرياض العزومة عندي الخميس المقبل ... (Re: لؤى)
|
Quote: يعني بس منتظرني أغادر الرّياض وتعمل سماية عُلا دي ؟؟ |
اخي لؤي .. حرام عليك ياخي تغادر كدا لا خبر ولا نظر . كنا نطمح بلقائك يشهد الله .
Quote: لكن بطريقتك دي يوم بتعيق ليك زول |
ما تخاف الجماعة بتخارجوا كويس
Quote: وإن شاء الله الباسطة ما تنفع معتصم وتمبس |
والكمونية كمان ..
ود الباوقة
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
ود الباوقة
اولا ولادة اخر العمر دي مجوبكة
زي مشي البقرة في الطين
بعدين كمان اخر عمرك جايب ليك بت
وقادينا بيها ..
تخريمة
صلاح غريبة كالعادة شايل كلمتك دي ولافي بيها من بوست لأخر
Quote: سنكون حضور باذن الله |
والي الأن لم تصدق ولا مرة واحدة ..
عفوا ممكن تكون صدقت في موضوع السفارة وبث
| |
|
|
|
|
|
|
Re: بورداب الرياض العزومة عندي الخميس المقبل ... (Re: ahmed haneen)
|
Quote: سماية ود الباوقة شعيرية وبث
بختكم يا ناس القلقالة معتصم الشفيف وشتات الرهيف |
يا ريس .. إنت ما شايف الإرهاب دا ؟ غايتو أنا ح أرفع دعوة للأمم المتحدة لحقوق الشعيرية .. ونطالب بمحكمة في لاهاي أقصد أبو الهول .. والشهود تمبس وودالموج ..
لا للإرهاب .. لا للإرهاب ..
| |
|
|
|
|
|
|
Re: بورداب الرياض العزومة عندي الخميس المقبل ... (Re: يازولyazoalيازول)
|
الخال حمزاوي .. انت بقيت خال ومهمتك اصبحت صعبة شوية عليه ارجو ان تبكر بالحضور..
اخي وصديقي ود المايقوما .. لك جزيل الشكر وعقبال ليك ان شاء الله بس يكون ولد ..
الاستاذ الكريم هشام يا اخوي الشغلانة دي طلعت يوم الخميس ودي فرصة والله تختف رجلك وتجينا هنا ونكون بذلك حققنا احلامنا في رؤيتك الغالية .. حاول اعملها.. حاول..
لك فائق احترامنا وتقديرنا ..
ود الباوقة
| |
|
|
|
|
|
|
Re: بورداب الرياض العزومة عندي الخميس المقبل ... (Re: عبد الله عقيد)
|
Quote: أنا عايز انضم للجنة المكاتل لجنة (أطيب اللحم ما جاور العظم). ما مشكلة عينوني مساعد المكاتل لشئون العصاية والشال واللذي منو.. |
ود عمي ود عقيد .. والله المكاتل اللقاها في سماية بنتي دي عمره ما لاقاها ولا حيلقاها . شوف مسكناهو اخطر منطقة .. عشان يكاتل كويس ..
ود عمي ساعدنا بالبدار ...
ود الباوقة
| |
|
|
|
|
|
|
Re: بورداب الرياض العزومة عندي الخميس المقبل ... (Re: غادة عبدالعزيز خالد)
|
Quote: ود الباوقة و معتصم
شيتى
و صندوق منقتى
مابخليهم
بيصلوا متين
مش حاتنازل عنهم ابدا |
الاخت الكريمة غادة ..
بخصوص الشية لدينا مندوبنا في سوق ليبيا يمكنك مراجعته لاخذ نصيبك من هناك . اما صندوق المنقة فيتم احالة طلبك للاخ شتات نائب رئيس قسم المرطبات للبت فيه ..
لو نفسك في كمونية يمكن مراجعة مطعم ود بركات الثورة الحارة الاولى هو برضو وكيل معتمد للسماية اها يا غادة قصرنا معاكم .
مش حاتنازل عنهم ابدا
|
تتنازلي كيف ودا حق كفلو ليك الدستور من قانون السمايات لسنة 1916
معتصم دفع الله دا الاكل ما عندو شغلة معاه دا مسئول من الفن والفنانين فقط ..
ود الباوقة
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
اخونا العزيز ودالباوقه
الف مبروووووووووووووووووووووووك علا
وانشاء الله يزداد البيت بها نورا والف
حمدا على السلامه0
لازلت عند وعدى بالحضور للمنزل مع انو
اخوك لى شوشته مشغول بالسفر يوم الخميس
وحقنا انشاء الله بعد ما نرجع وام العيال
تكون قامت بالسلامه0
المهم دا حضور بكل الحواس والف مبروك
تحياتــــــــــــــــــــــــــــى
ســــــــــــــــــــــــــــــيد
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
Quote: بورداب الشرقية الدعوة ايضا موجهة لكم وبحضوركم يزداد فرحنا . |
هوي يا بورداب الرياض ياها دي دعوتنا الرسمية اوعو واحد بعدين يجي يقول لينها الجابكم شنو و شايلين كروشكم و حايمين خلاص يا ريس اعتبرها وصلت ، نحنا برضو و الله بقربكم بزاد فرحنا .
Quote: يكون السيد تامبا رئيسا لقسم المشويات ودكين نائبا له السيد عبد الرازق الطالب رئيسا لقسم الكمونية وعزاز شامي نائبة له |
معقول يا ريس نزل دكين و تمبس ديل من فوق خليهم يجو ينضفو الكمونية دي ، عليك الله عبد الرازق دا اسه شبه كمونية و لّا حياتو شاف ليه كمونية ؟
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
Quote: هوي يا بورداب الرياض ياها دي دعوتنا الرسمية اوعو واحد بعدين يجي يقول لينها الجابكم شنو و شايلين كروشكم و حايمين |
اخي حمد معقولة بس .. مش ممكن الواحد يقطع 800 ك روحة ورجعة لو ما كان انسان اصيل وود بلد التحية لك ولكل بورداب الشرقية واكرر لكم الدعوة مرة اخرى وحضوركم ضروري ..
ود الباوقة
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
الأخ الفاضل ود الباوقة
تحياتي واجلالي .. ومبروووك (علا) وانشاء الله يزدان بها البيت كما اخوتها ووالديها ويجعلها ربها من بنات وطننا الصالحات الناجحات الفائزات ..
اخي الكريم طبعا انا بوردابي رياضابي جديد بس (ما لنج) لكن لم يسعدني الحظ بشرف لقياكم وكم منيت نفسي بتلك اللقيا يوم وداع الاخ ودقاسم لكن شاءت الظروف ان اكون خارج الرياض حينها .. رغم اتصالاتي والأخ الحبيب معتصم دفع الله والذي اسعدني قبل قليل بمكالمة هاتفية ولفت انتباهي لوليمة الخميس المقبل .. فهي وليمة ذات نكهتين الأولى وليمة بالنسبة لي للتلذذ باجمل رفقة وصحبة في رحاب ضيافتكم (الشرف) .. وثانيها وانا راعي قاوت (نقرس) اعاني منه كثيراً لكن فيني من (الطفاسة) الكثير ..
اخي العزيز ود الباوقة يسعدني ويشرفني الانضمام لهذه الكوكبة الطيبة عبركم وبكم ..
ولك المودة والاعتزاز
امير الجمري الرياض والخرطوم الامتداد والاصول شندي يعني من عنكم آآآآ جنة .
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
نقلا عن الراوي صديق الموج
تم الأمس وفي تمام الساعة التاسعة مساء تجمع جماهيري من ابناء القلقالة بالرياض وقد خاطب التجمع القائد الشعيري معتصم قلقالة .. ومن ثم خرجت تظاهرة حاشدة حتي وصلت الي منزل عضو المؤتمر الوطني ود الباوقة ( بعثي سابق) وقد كانت التظاهرة تطالب بحقوقها التاريخية في الشعيرية رافعة شعار ( الشعيرية .. من الغذاء )
وما زالت الحشود في انتظار الخطاب الشعيري الذي سوف يلقيه ود الباوقة ..
مراسلكم من الشفا
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
الريس ود الباوقة : يا اخوي انت الكمونية بتاعتك دي كمونية عصفور ولا شنو الجايب عزاز شامي تسويها ليك دي ؟ اتوقع ان يستمتع الحضور بي البانكيك وورق العنب والمتبلة والمسبحة مع البطاطس المحمرة يكسوها الكاتشب والماينويز المغلف... قال كمونية قال .. هييييييييييييييييييييييييييييييه دنيا ..
تخريمة : طبعاً لن اكون ضمن الحضور فكما هو معروف عني فانا زول غير إجتماعي او كما يقول بورداب الرياض .. عمر الفاروق شيخ الدين (ثقافي - رياضي - إقتصادي)
| |
|
|
|
|
|
|
Re: بورداب الرياض العزومة عندي الخميس المقبل ... (Re: عمر الفاروق)
|
Quote: الاصفياء والتحية عبركم للخال حمزاوي |
الاستاذ عثمان سيداحمد احبك موت بعيد من صديق الموج واحمد حنين يا بتاعين الشعيريه انتو Quote: يا اخوي انت الكمونية بتاعتك دي كمونية عصفور ولا شنو الجايب عزاز شامي تسويها ليك دي ؟ |
اخي عمر الفاروق أيه دخل الاخت عزاز شامي في كمونية العصفور
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
اخي حمزاوي:
Quote: اخي عمر الفاروق أيه دخل الاخت عزاز شامي في كمونية العصفور |
وإيه دخلك انت في الموضوع ...
لكن يا حمزاوي بس لأنك بحترمك حا اديك الكوت ده كما كتب الريس سيد السماية في إحدى مداخلاته:
Quote: السيد عبد الرازق الطالب رئيسا لقسم الكمونية وعزاز شامي نائبة له |
طبعاً كلامي الفوق ده لو كان كتبتو عن عبد الرازق الطالب كان كلكم جيتو وضحكتو ومشيتو الموضوع عادي وإمكن جبتو تعاليق اكثر سخرية وكلو في سبيل الدعابة لكن وبما انو المخاطبة هنا عزاز رضي الله عنها لازم تقعدوا تسكوا الموضوع ولييي كده وده شنو ده واسة ده لي شنو وده لزومو شنو و و و و و و ...
بالمناسبة يا حمزاوي لي ما كتبت لمن قالوا :
Quote: سماية ود الباوقة شعيرية وبث
بختكم يا ناس القلقالة معتصم الشفيف وشتات الرهيف |
يا اخي احمد حنين وما دخل شتات ومعتصم بي الشعيرية ؟؟؟
وليه ما قلت وما دخل ساطور بي الموية لمن إتكتب :
وليه ما قلت لي ود العقيد لمن كتب:
Quote: ما مشكلة عينوني مساعد المكاتل لشئون العصاية والشال واللذي منو.. |
وما علاقة المكاتل بي العصاية والشال يا اخي عبد الله العقيد ؟؟
بي صراحة كده يا حمزاوي كلامك الفوق ده ما جميل ولو عايزين تقعدوا تباروني في كل مداخلة مع عزاز شامي كلموني عشان تاني اتصل عليكم قبل كل مداخلة واوريكم عايز اكتب شنو وتختموا لي عليها بعد ما يتم تصديقها من الغرفة التجارية ودفع دمغة السلام إضافة لي 50 ريال رسوم حبر ودفع 15% ضريبة القيمة المضافة و30 ريال بدل جلود الأضاحي و 10 ريال للبلدية ..
| |
|
|
|
|
|
|
Re: بورداب الرياض العزومة عندي الخميس المقبل ... (Re: عمر الفاروق)
|
الاخ عمر الفاروق السلام عليكم Quote: وإيه دخلك انت في الموضوع ... |
لان عزاز شامي بنت عمي ممكن أجيب ليك شهادة من اتنين عدول لو ما مقتنع Quote: بي صراحة كده يا حمزاوي كلامك الفوق ده ما جميل ولو عايزين تقعدوا تباروني في كل مداخلة مع عزاز شامي كلموني عشان تاني اتصل عليكم قبل كل مداخلة واوريكم عايز اكتب شنو وتختموا لي عليها بعد ما يتم تصديقها من الغرفة التجارية ودفع دمغة السلام إضافة لي 50 ريال رسوم حبر ودفع 15% ضريبة القيمة المضافة و30 ريال بدل جلود الأضاحي و 10 ريال للبلدية .. |
دا شنو الهرجلة دي انا مالي ومال الغرفة التجارية والدمغة وجلود الاضاحي والبلدية والماجميل في كلامي شنو ، ونحن ما مبارنك في كل مداخلة بس انا شايف انه في سوء تفاهم بينكم وشوية نفس حار ومن الافضل انه كل واحد فيكم يترك التاني في حالو بس دا كلو ما في أمر .
| |
|
|
|
|
|
|
Re: بورداب الرياض العزومة عندي الخميس المقبل ... (Re: DKEEN)
|
دكين إزيك ...مؤخراً عفى صندوق النقد الدولى ديون باهظة كانت تقثل كاهل عدد من الدول وكان المبرر ان (القروش بتجى وتروح)
ألا وعجلو بالرد
أى حاجة ..أى حاجة (وتقال هنابكل تأدب و بدون رفع الأيادى)
هذا وتقبلو السلام أشوفك فى المخرج المشار إليه
أرقد
| |
|
|
|
|
|
|
Re: بورداب الرياض العزومة عندي الخميس المقبل ... (Re: خالد عبد الله محمود)
|
فهي وليمة ذات نكهتين الأولى وليمة بالنسبة لي للتلذذ باجمل رفقة وصحبة في رحاب ضيافتكم (الشرف) .. وثانيها وانا راعي قاوت (نقرس) اعاني منه كثيراً لكن فيني من (الطفاسة) الكثير ..
اخي العزيز ود الباوقة يسعدني ويشرفني الانضمام لهذه الكوكبة الطيبة عبركم وبكم ..
اخي الكريم امير .. مرحب حبابك وتشرف كتير والله .. اما موضوع القاوت عليك بالمشويات ...
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
الأخ الكريم ود الباوقة السلام عليكم ورحمة الله وبركاته مبروك عليكم "منقة الباوقة" علا . "علا" إسم جميل ومعنى كبير . جمّل الله أيامكم "بعلا" وإنشاء الله للمعالي دائماً "علا" سايرة.
اخي الكريم اسحق شكرا جزيلا على التهاني الصادقة وجعل الله ايامك كلها افراح ..
ودالباوقة
| |
|
|
|
|
|
|
Re: بورداب الرياض العزومة عندي الخميس المقبل ... (Re: ود الباوقة)
|
Quote: الأخ ود الباوقة .. والأمر كذلك .. فأقترح تعميد حمزاوي خالا (إنتقاليا)ً ريثما يتم إختيار خال جديد. |
اوعك من دي اختيار خال جديد مافي وحيث تم اختيارنا في جمعية عمومية وبالتصويت الحر المباشر وليس بالاجماع السكوتي فأنا الخال ولكن في حالة التوالي ممكن تكون قريب الخال يا محمد عبدالجليل وجعلناك معنا مساعداً للشؤون الخاصة
| |
|
|
|
|
|
|
Re: بورداب الرياض العزومة عندي الخميس المقبل ... (Re: ايهاب نميري)
|
يا ود الباوقة : مبروك البنية و ربنا يجعلها من المستورات و أن تحمل العلا كإسمها، إذ أن لكل شخص صفة من إسمه. و قبلنا الدعوة بالرغم من حداثة عهدنا مع أسرة بورداب الرياض و نحفظ للاقدمين أسبقيتهم الوقتية في التسجيل و فضلهم في إثراء الحركة الثقافية و الإجتماعية بالرياض ، من دون تنقيص دور اللاحقين و ما يستحقونة من ترحيب و رعاية . حيث تم تسجيلنا مع بورداب الرياض من غير ضجة كمن دخل القش بدون كش، فإننا إن شاء الله تعالي سوف نأتي لسماية علا لنبارك و نتعرف عليكم و علي من تيسر حضورهم من بورداب الرياض . و سبب حرصنا على الحضور هو أحساسنا بأن دعوتكم لم و لن تكن عزومة مراكبية و الدليل على ذلك ثراء البوست و كونه مزدحما بالمداخلات و التبريكات، فألف مبروك و تغلب أم علا بالمال و تغلبك بالعيال.
| |
|
|
|
|
|
|