الدكتور علي الكوباني ورتابة الأشعار..

مرحبا Guest
اخر زيارك لك: 03-28-2024, 11:16 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الثاني للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-27-2006, 12:26 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الدكتور علي الكوباني ورتابة الأشعار..

    حاولت مراراً وتكراراً ان اربط بين الشعر والطب فلم اجد العلاقة وربما عند الدكتور معز الخبر اليقين ولكن لا ادري لماذا يحاول معظم الاطباء ان يكون الشعر ملاذهم !!؟؟
    نعم بعض الاطباء يكتب شعراً وهنا صراحة اتكلم عن الدكتور عمر محمود خالد والدكتور معز عمر بخيت وهذا ليس من باب المجاملة رغماً عن مريخيتهم الصارخة ..
    ولكن وبكل صراحة اجدني متأرجح الرأي عندما اتحدث عن التجربة الشعرية للدكتور علي الكوباني ..
    نعم علي الكوباني ربما يحاول ان يتنصل من كلمة شاعر فيصبغ على نفسه الشاعر الغنائي اكثر ..
    ونعم ربما كتب الكوباني بعض الأغاني الجميلة والتي ربما رسخت في اذهان الناس إما للحنها او لكلماتها ..
    ولكن ..!!!!
    الدكتور الكوباني في الفترة الاخيرة اصبح يكتب الشعر الغنائي بصورة اراها مكررة بي صورة واضحة بل ويكتب بمعدل القصيدتين ربما في كل يوم ..
    فما من شاب انتج البوم غنائي إلا وكان للكوباني بصمة فيه وتوقيع لحني وكلمات ..
    حقيقة انا اشعر ان الكوباني يكتب بي إستايل غنائي واااااحد وصار محفوظاً للجميع ..
    فما ان استع لأغنية حتى وانني استطيع تميزها من بين الف اغنية ان كاتبها هو الكوباني ..
    فالكوباني ينتهج في جميع او معظم قصائده طريقة شعرية تبدأ بقافية ثم بيتين او ثلاثة بقافية مختلفة ليعود في البيت الاخير من كل كوبلي ليوازن قافية البيت الاول مع الاخير ( ما تسألوني دي إسمها شنو يا ناس الشعر انا ما عارفا .. )
    مثلاً :
    كلك كلك كلك حلو ..انت الجمال في كل معنى تكملو
    يقوم يجي يقول ليك :
    لأنك ملاك ..خلقوك براك..
    يا راقي يا اب طبعاً حلو ..
    كلك كلك كلك حلو ..

    ومثال اخر اغنية علي كيفك ..

    مثال ثالث اغنية بساط الريح ..

    إذن معظم اغاني الكوباني على هذه الشاكلة وصراحة بعض هذه الأغاني تكون جميلة ولكن معظمها صار رتيباً ومكرراً بل ويمكن لأاي شخص ان يجاريه أو يكتب مثله ..

    المشكلة الثانية التي يثيرها الكوباني هو محاولته لتبني بعض الشباب فيكثر من اعطاء هذا الشاب مجموعة من الاغاني متدثراً بثوب نصرة الأغنية التي يسميها شبابية فهاهو شخص لا ادري من ايت اتانا فيقول إنه احمد بورتسودان فيطل عبر الفضائية السودانية فيقدم لنا ثلاثة اعمال ركيكة وقبله ظهر طه سليمان في التلفزيون بصحبة الكوباني في سهرة تلفزيونية وتغنى بأعمال خاصة كلها للكوباني ..
    حقيقة الكوباني قدم تجربة ناجحة مع جمال فرفور وربما ساعد في ذلك الصوت الجميل لفرفور والقبول الجماهري منقطع النظير لهذا الفنان ولكن الكوباني ولظروف غامضة اختلف مع الكوباني وتضاربت الاقوال فمنهم من يقول كانت بسبب صلاح ادريس ومنهم من يقول انها كانت بسب ... و سبب.. وسبب...
    الكوباني صار حالياً كثير الظهور إعلامياً وكثير الكلام حول تطويره للأغنية السودانية مستخدماً نهجاً جديداً لتسريع اللحن والايقاع ليصير راقصاً إضافة لألحانه المتكررة التي تكون في الغالب على إيقاع السيرة ..
    الكوباني في الماضي كان قليل الإنتاج ولكنه يجود هذا الانتاج ولكنه صراحة الان يكثر من الانتاج ولكن وبكل اسف صار مكرراً ..
    فهل يتريث الكوباني قليلاً ام تاخذه الهاشمية فيواصل إصدار هذا النمط من المدرسة الغنائية ؟؟

    (عدل بواسطة عمر الفاروق on 05-27-2006, 12:41 PM)

                  

05-27-2006, 02:57 PM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)
                  

05-28-2006, 00:15 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    دكتور تروتة :
    ياخ والله اسفين للإزعاج البوستي
    وبعدين القلوب شواهد وكده ..
    عموماً البركة في إنك إتفقت معاي في الموضوع ودي براها كفاية ..
    ولا شنو يا طير؟
                  

05-28-2006, 01:04 AM

banadieha
<abanadieha
تاريخ التسجيل: 02-04-2002
مجموع المشاركات: 2235

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)



    دقيقتان بس والجرس حيدق وأول ما قريت عنوان البوست وقبل ما أدخله قلت عمر الفاروق ود العباسية حيأكل ليهو دقة جامدة من علي الكوباني ود الخرطوم غرب..تاني لما دخلت انشغلت بمعتز نظارة في ونظارة ما في وشنطة في مطبوقة وشنطة مافي وتي شيرت في الحالتين ودامة في حالة واحدة وما مطبوقة..والجرس دق.
                  

05-28-2006, 02:33 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: banadieha)

    Quote: عموماً البركة في إنك إتفقت معاي في الموضوع ودي براها كفاية ..

    عمورى العثل.. انساك كيف اقدر انا والشوق معاى عدى السنه..
    Quote: ولا شنو يا طير؟

    فرحان بتغنى وحبيبك معاك..
    معناها منو الطير
    --------------------
    عزيزنا الاستاذ
    banadieha
    يطريشنى ويعمى الجيران كان فهمت شى ؛ده طب جنائى ولا حاجه . .
    عمر شكلو كتر الجنزبيل فى الشاى ..
    والله ايامك ياعمر ..خلاث لمن اطلع ديوانى الجديد برسل ليك منو نسخه . .

    بدل اشواق ومحنه....
                  

05-28-2006, 04:10 AM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: معتز تروتسكى)

    الحبيب عمر الفاروق


    كدي النبدا بالتخريمة

    أولاً أنا وانت ومحمد ولدي بنلتقي في مانشستر يونايتد

    وبالرغم من انك هلالابي لكن تشجيعك للشياطين الحمر مبرر بسبب انو تيم عظيم

    الغريبة عمر ولدي والإسمو زي اسمك وعلى اسم الوالد بشجع أرسينال وبقول انو تيمنا ربش

    أها نجي للمريخ..

    صاح أنا مريخابي لكنني والله أعشق الهلال بسبب الأسرة وبسبب جدي لأمي هو من مؤسسي نادي الهلال وأول رئيس ليهو

    ده غير معظم أصدقائي من اللعيبة من الهلال أيام الهلال هلال

    وطبعاً تشجيعي للمريخ وعشقي للهلال بعادلوا تشجيعك لمانشستر فريق الشياطين الحمر وفي نفس الوقت تشجيعك للهلال من الفروض يقابلو تشيلسي صاحب اللون الأزرق

    لكن أهو جنكم لخبطة..

    أها نرجع لعلي الكوباني

    طبعاً د. كوباني صديق عزيز منذ الزمن الجميل وأيام الدراسة في الكلية وحتى الآن

    كوباني لم يكتب الشعر ونحن طلاب لكنني أحد الذين تفاجأوا بأغنياته الجميلة

    وحقيقة كوباني لا زال يقول بأنه ليس شاعراً إنما كاتب أغنيات

    فكل الأغنيات هذه الأيام منجورة وليس بها لمسة شاعرية إلا فيما ندر

    ويمكن لكل انسان ليه زمن موسيقي أن يرص بعض الكلمات ويضيف إليها لحن راقص فتصبح أغنية زي ما بيعملوا كل المطربين والمطربات العربيات هذه الأيام

    قاعد تشوف نانسي عجرم في دعاية الكوكاكولا وهي بتغني غنيتها المكسرة الدنيا؟؟؟

    مغرم معجب
    أنا مش عاوزة إلا هو
    مشيتو همستو بتحرك قلبي جوة
    حد يقولو
    حد يحنن قلبو عليا
    أنا مكسوفة اروحلو واقلوا


    عليك الله ده كلام؟؟


    حتى أغنية كلك حلو بتاعة فرفور هي في الأصل أغنية لبنانية لا أدري هل اقتبسها كوباني أم توارد خواطر

    وكثير من الأغنيات كذلك..


    غايتو ربك يلطف بس


    مع كل الحب

    والتقدير


    وتحية خاصة للدكتور الحبيب تروتسكي

    وتحيات واصلة لحبيبنا الرائع عمر محمود خالد

    ولكوباني الجميل
                  

05-28-2006, 05:07 AM

HAMZA SULIMAN
<aHAMZA SULIMAN
تاريخ التسجيل: 04-20-2002
مجموع المشاركات: 3278

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: Dr. Moiz Bakhiet)

    تحياتى

    متى يتحول الشعر الى اغنية ؟

    لى عوده

    مشغول شويه الان
                  

05-28-2006, 05:46 AM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26230

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: HAMZA SULIMAN)

    لامات يا عمر
    أعكف هذه الأيام على الخطوات العملية لتسجيل البورد في
    دار فلاح لتطوير الغناء الشعبي؛ و استخراج بطاقة العضوية له!
    ____
                  

05-28-2006, 06:10 AM

shammashi
<ashammashi
تاريخ التسجيل: 03-10-2002
مجموع المشاركات: 2278

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: Hussein Mallasi)

    Quote: فيطل عبر الفضائية السودانية فيقدم لنا ثلاثة اعمال ركيكة



    ولد دا.................................................

    غايتو أنا ما باعرفو قدم شنو. لكن أصلها الثلاثة أعمال دي ما بتكون أكثر ركاكة من

    حي حي سلوا مني ...

    وباقي ساقط القول القاعد تطرشو لينا هناكل يوم

    يا فتك إنت.....

    متين بين يوم وليلة بقيت تعرف الركيك من الغير ركيك.

    والله لكن الإعلام السوداني كسب ليهو ناقد جديد في منتهى الروعة.

    أسل أسل أسل أديل كدا..............يا ولد خليك مع غنا الخيران الحافظو داك.
                  

05-28-2006, 08:50 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: shammashi)

    استاذنا الجميل
    Dr. Moiz Bakhiet
    ازيك ياخ وزمن من التواصل كيفينك والوليدات عزيزنا ارجو ان تكونوا بخير..
    كما قلت ..
    Quote: وتحيات واصلة لحبيبنا الرائع عمر محمود خالد

    ولكوباني الجميل

    عمر انا جابتنى التحيه على استاذنا المعز..
    لكن لولا كده ماكنت جيت رغم انو كانت عندى النيه لكن خلاص بطنى طمت من بوستك ده شيلو وديهو الكوشه بس طلعينى منو والناس البرسلهم ليك الباقى وديهو اقرب قمامة..
    انت قياتو لو عايز تمشى الكوشه بطريقتك ماعندى شغله بيك بهمونى ناسى..
                  

05-28-2006, 09:07 AM

banadieha
<abanadieha
تاريخ التسجيل: 02-04-2002
مجموع المشاركات: 2235

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: معتز تروتسكى)



    تروتسكي

    عندي إلتهاب حلق ومصمم ما أبلع ليهو شيء غير البنادول والحمى بتاعته انت عارفه ودخلت في الموضوع لأن الدكتور علي الكوباني غير شاعريته الغنائية قريت ليهو قبل فترة رد على محجوب حسين، محجوب حسين في مقابلة صحفية رمي بكل أدواء السياسة السودانية ومشاكل السودان على جامعة الخرطوم كمؤسسة صنعت الساسة وأفسدت السياسة ولذلك لم يسعى محجوب حسين لدخولها بل تخرج من جامعات المغرب..وهسع ما بتذكر رد الكوباني. ولكن أولاد أقصد قصائد الكوباني ما بلعب فيهم وما بعرف ليهو قصائد غير ما يغنيه ترباس وقصائد قرأت أنه سحبها من فنان شاب وعشان كدا خفت على عمر الفاروق من الكوباني ذو الجثة العيدي أمينية.

    أما أنت يامعتز صورتك المدبلة خلتني أظن أن الحمى طلعت في رأسي فمرة أشوفها صورة واحدة ولابس فيها نظارة ومرة أشوفها صورة واحدة برضو ولكن بدون نظارة ومرة بشنطة ومرة بدون شنطة ومرة جنبك بنت ومرة براك وأخيرا ظهرن لي الصورتين ولكن التي شيرت مختلف كله واحد مكتوب عليهو كلمة ولما العرق تصبب مني نسيت كل شيء وجاتني بردة وانشغلت بشيء واحد منو الإلتقط الصورة أو الصورتين.

    هل اكتفي بالبنادول أم أديها سوبراكس يامعتز ياخوي؟
                  

05-28-2006, 10:09 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: banadieha)

    غايتو استاذنا العزيز
    banadieha

    كدى نبدا بتشخيص كلامك الموجه لعمر رغم انو الشى لمن يمرق من نفسى تانى ببقى زى اعراض الملاريا عدم الرغبه فى الاكل رغم انك لازم تاكل حتى لو استفرقته. .
    المهم حاالخص ليك
    بانو اتوقع ان اسمع عمر الفاروق ده بعد كلامو ده محمول فى تابوت..
    اليوم داك دكتور كوبانى ماحيخلى عمر الضحك يشرطو ده اذا قدر يضحك ولا يعمل ضحكو الهنا ده... .

    بخصوص كلام محجوب حسين من وجة نظرى ممكن نحللو ...
    1- اذا كان محجوب فُصل من الجامعه رغم تفوقوا..
    2- اذا فُصل من الجامعة بسبب تاخرو لاى الاسباب اهمال بالرغم من ذكاءه او اهمال ناتج عن (قلة نسبة ذكاء)
    3- او اساسا لم يدخلها لاسباب عدم ايفاء الشروط او قد تم قبوله فيها لكن لظروف ماديه منعت من دخوله..
    يلا بعد ده كل رد فعل ليهو تقيم براهو على حسب الحاله one or two or 3


    كذكلك موضوع سحب الاغانى وغيره انا عندى عليها اعتراض كبير قد لاارمى اللوم على الشاعر فى الاول
    مثلا:
    لانو لايعقل ان يقوم الشاعر دكتور معز باعطائك قصيده انت غنيتها وصارت مثل اولادك -عادة المغنين والشعراء باطلاق هذا المصطلح ..
    اتى انا كمطرب حديث ؛اراد الشاعر ان يقوم بترويج القصيده من جديد من خلال اقبال الشباب من خلالى فيقوم بقلعها منك واعطائها لى ..
    صراحه
    اللوم هنا يقع على شخصى واراها عملية بعيده اخلاقيات فى ان اقوم بقبول هذا القصيده
    ثم ياتى ثانيا الشاعر الذى قام ببيع مبادئه من اجل الماده حيث تكون النسبه فى اعتقادى..
    تروتسكى مطرب حديث 55%
    دكتور معز شاعر القصيده 45%
    وفى الحالتين انت الضايع استاذنا. .

    حتى هنا انت برضو فى الحالتين ضايع..( عندي إلتهاب حلق- حمى طالعه فى الراس ده غير موضوع الغنا والشعر الاتقمصناهو.. )..
    اوقول ليك
    بخصوص الصوره؛
    الفوق صورة سنيرى واخى وحبيبى الدكتور والى الدين الذى له معزه لايعلمها احد..

    الحمى دى فى اغلب الاحيان معناها انك ماشى على احسن ؛. .
    ولو قمت افتيت ليك اكتر من كده بقولو كلام تانى ولا بلحقك لى كوبانى. .
    فافضل اسال مولانا المعز..

    وتبرى انت من الالم استاذنا..

    ولى قدام انتو الا انا خلاص دربى مرق من البوست ده نتلاقى فى مكان تانى لو مادعت الضروره الحضور او اصبحت الاجواء خاليه من الغيوم. .

    كاضافة ايضابخصوص متى يتحول الشعر الى اغنية اعتقدى اكثر من يستطيتع ان يتكلم فى هذه هو الاستاذ حمزه لانه من اكثر المغنين فى الوقت الراهن له المقدرة على تطويع القصيده القويه ان صح التعبير ..
    بخلاف التجارب التى يٌقاس عليها سابقا للبعض الفنانين امثال ابو السيد..




    التحايا النواضر..

    (عدل بواسطة معتز تروتسكى on 05-28-2006, 10:57 PM)

                  

05-28-2006, 09:14 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    دكتورنا :
    ياخ اول شي ولدك ابو عمير ده شوف ليهو حل ..خوفو بي اي شي وقول ليهو البيشجع ارسنال بيودوهو النار
    ونجي للمهم :
    Quote: كوباني لم يكتب الشعر ونحن طلاب لكنني أحد الذين تفاجأوا بأغنياته الجميلة

    وحقيقة كوباني لا زال يقول بأنه ليس شاعراً إنما كاتب أغنيات

    اهاااااااااااا ده الكلام البجنن بوبي
    طيب نحن في السودان عندنا كاتب الأغنية ده طوالي بنلصق ليهو اسم الشاعر وحتى في الشرايط بتلقاهم في كتير من الاحيان بيكتبو كلمات الشاعر فلان ..
    طيب لو عايزين نفرق بين الشاعر وكاتب الاغنية حا نفرق بينهم كيف وفي كتير من الاحيان انت بتلقا الشاعر مرات عندو اشعار قد تلحن !!!!
    وخصوصاً بعد تجربة الراحل مصطفى سيد احمد واللي خلت الناس تقول لو جبت ليهو جريدة حا يلحنها ..
    يبقا معناها ممكن اي شعر تكتبو يتلحن ويتغنى وده معناها ممكن تتحول إلى شاعر غنائي ..
    والدليل على كده يا دكتور اغنية شروق الإنت اديتا ليها فهي في رأيي قبل ان تكون قصيدة غنائية هي في الاول قصيدة شعرية ويمكن ان تتصدر قائمة ديوان شعر مثلاً ..

    Quote: قاعد تشوف نانسي عجرم في دعاية الكوكاكولا وهي بتغني غنيتها المكسرة الدنيا؟؟؟

    مغرم معجب
    أنا مش عاوزة إلا هو
    مشيتو همستو بتحرك قلبي جوة
    حد يقولو
    حد يحنن قلبو عليا
    أنا مكسوفة اروحلو واقلوا

    بالله يا دكتور اسة الغنية دي مالا ؟؟؟ عيبا لي نحن نانسي دي ما بنرضا فيها وإيه رايك كمان دي النحن بنراهن بيها تقلب خارطة الغناء العربي
    بالجد يا دكتور كلمات تعبانة شديد ولصقوا ليها اللحن اها شفت نفس الكلام ده مرات الدكتور الكوباني قاعد يخرمج زيو ..يكتب ليهو خمسة اغنيات تقوم تلقا إتنين منهم زي مغرمة معجبة دي !!!!!!!!!!!

    Quote: حتى أغنية كلك حلو بتاعة فرفور هي في الأصل أغنية لبنانية لا أدري هل اقتبسها كوباني أم توارد خواطر

    يا ريت هنا توضح لينا اكتر يا دكتور أو تورينا إسم الأغنية والفنان لأنو اول مرة نسمع بي معلومة زي دي..
    Quote: وتحيات واصلة لحبيبنا الرائع عمر محمود خالد

    ولكوباني الجميل

    ومعاك تحي الدكتور عمر خالد والدكتور كوباني ويا ريت الكوباني ينتهج نهج الدكتور عمر خالد الذي يغيب عن الساحة الغنائية فترة ثم يأتي بالروائع ..
                  

05-28-2006, 09:17 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    الاستاذ حمزة :
    Quote: تحياتى

    متى يتحول الشعر الى اغنية ؟

    لى عوده

    في الإنتظار ....
    على قناة ابوظبي
                  

05-28-2006, 10:25 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    شيخ شباب المنابر:
    Quote: هل اكتفي بالبنادول أم أديها سوبراكس يامعتز ياخوي؟

    اخخخخخخخخخختا كريستال البلح :
    ولا اقول ليك ؟؟ اقع التومة اقع التومة :
    سلامتك والام بيزول وكفارة ليك يا زول ..
                  

05-28-2006, 08:01 PM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    الأخ عمر الفاروق وجميع المتداخلين

    تحياتى

    وجدت نفسى يا عمر متسمرا أمام بوستك هذا طويلا بعد أن أكملت آخر مداخلة فيه.
    فمن تتحدث عنه هو إبن دفعتى على كوبانى.

    على حقيقة من الذين يمكن أن تطلق عليهم فنان وشاعر حتى وإن لم يكتب الشعر. هذا إن كان الشعر إحساس ومشاعر رقيقة دفاقة تنساب الى من حولك كما ينساب العطر الجميل من زهرة يانعة.

    على كوبانى( قبل أن تضاف له الألف واللام) كان يحب الفن ويعزف العود لدرجة لاأتخيل على وإلا فى يده العود.

    أعرف أنه يحب الشعر ويكاد يحفظ معظم شعر نزار قبانى.

    مسألة أنه لم يكن يكتب الشعر فى الكلية لا أحد يجزم بها ولكن يمكن أن نقول بأنه لم يكن معروفا كشاعر للعامة فى الجامعة.

    وهذه النقطة لاتعنى بأنه لايكتب الشعر لأن الشاعر محمد بادى لم يشتهر كشاعر إلا فى السنة الرابعة طب فى الفترة التى كان فيها صديقا للشاعر نزار غانم وكانت لكليهما علاقة قوية بسفير السعودية ودالقرشى والمرحوم إسماعيل حسن. بل إنتاجه قل بعد مرثيته لاسماعيل حسن وبعض الناس ربطوا بين شاعريته بل حتى إلقاءه للشعر والشاعر إسماعيل حسن. وهذا نفسه فى تقديرى لايقلل من شاعرية ودبادى.

    حتى الأبنودى بجلالة قدره قد سمعت شاعرنا الكبير محى الدين فارس يقرر أنه ليس بشاعر ولكنه يجمع شعر الفلاحين وينشره بإسمه.

    وفى سهرة كان فيها ترباس مع كوبانى قال ترباس فى شكل دعابة : (كوبانى بلاقى القصايد فى جيوب الموتى) طبعا باعتباره أخصائى طب شرعى.

    القصد أن أقول أن مولد شاعرية الشاعر لاتحدد بعمر معين هذا مع إثبات أن من يقرض الشعر يافعا يكون مجودا أكثر من من يقرضه بعد الثلاثينات.

    أتفق معك فى أن الإكثار فى أى شئ يقلل الجودة وكوبانى فعلا يحتاج أن يقلل من العدد ليزيد من الجودة فى الشعر. أما شعر الغناء اليوم أصبح مجاراة للذوق العام وكيف تستطيع أن تحرك أرجل الشباب قبل أن تحرك مشاعرهم وهذا حقيقة لايحتاج لكبير عناء. ولكن أتمنى لصديقنا كوبانى أن يخرج لنا بأشعار تعيدنا الى عهد الأغنية الذهبى .

    أما علاقة الأطباء بالشعر فهى ممتدة بامتداد الناطقين باللغة العربية.
    فهل تدرى ياعمر أن القدال كان أحد طلاب الطب حتى السنة الثالثة؟

    ومن شعر الأطباء صدحت أم كلثوم بالأطلال للدكتور إبراهيم ناجى.

    الحقيقة على زماننا كنت أعتقد أن أغلبية من فى الطب ضلوا طريقهم وكان أولى بهم كلية الآداب ولكن رغبة الأهل غلابة فى كثير من الأحيان.
                  

05-28-2006, 08:10 PM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: Balla Musa)

    عمر الفاروق
    Quote: يا ريت هنا توضح لينا اكتر يا دكتور أو تورينا إسم الأغنية والفنان لأنو اول مرة نسمع بي معلومة زي دي..

    كلك على بعضك حلو

    أغنية قديمة لوائل كفوري
                  

05-28-2006, 09:58 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: Dr. Moiz Bakhiet)

    Quote: بل ويمكن لأاي شخص ان يجاريه أو يكتب مثله ..


    عمورى

    قلت لى اى شخص يمكن ان يجارى الكوبانى ويكتب مثله ؟!!

    اى شخص .. اى شخص ؟!!


    حتى عوضية عذاب مثلا ؟!!

    ياعمر ياخ راجع الجملة دى عليك الله سمح ؟!!
                  

05-29-2006, 01:22 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    الدكتور بلة موسى :
    تحياتي وشكراً على إثراء النقاش ..
    لكن كدي خلينا نكون واضحين شوية في نقطة محددة ومعليش إذا حا تلف البوست حبتين ولكن في النهاية حا ترجعنا ليهو ..
    صراحة يا دكتور بلة حسيت بيك وجعتك شوية مداخلة الدكتور معز لمن كتب :
    Quote: كوباني لم يكتب الشعر ونحن طلاب لكنني أحد الذين تفاجأوا بأغنياته الجميلة

    فزي حسيت بيك خليت الموضوع الاساسي وجيت عشان توضح النقطة دي وإن لم يكن حديثك مباشر للدكتور معز ..
    وانا هنا صراحة حا اكون في صف الدكتور معز لأنو قال هو ما قرا ليهو او سمع بيهو بيكتب الشعر خلال فترة الدراسة وعشان نكون واضحين يا دكتور لو الكوباني كان من النوع الذي لا يحب ان يخرج شعره للعامة لما رأيناه الان يبهل لنا هذه الكمية المهولة من الشعر الغنائي ..
    ما حا اكذب عليك يا دكتور وحا اقول ليك لي كل زول محاولات شعرية منها الخجولة ومنها الجميلة ومننا الزول البيكون عندو دفترو الخاص لكن صدقني طالما انك ما بتكون عايز زول يعرفو فطيلة حياتك ما بتخلي زول يعرفو لكن مش فجأة كده تطلع وتنقلب 180 درجة ..
    اتفقنا يا دكتور إنو الكوباني (اضافة الالف واللام هي الشائعة للعامة ) اصبح يكثر من الاشعار ودي هي نقطة خلافي مع الدكتور لأنو الكوباني بقا يكتب كتير دون الجودة لكن ده ما بيمنع إنو في خضم الشعر الغنائي الكتير ده بيكون عندو الشي الجميل ويكفي إنو من اجمل ما سمعت له هو بساط الريح على ما اظن وهي اغنية جميلة جدا كلمات ولحن ..

    Quote: أتفق معك فى أن الإكثار فى أى شئ يقلل الجودة وكوبانى فعلا يحتاج أن يقلل من العدد ليزيد من الجودة فى الشعر.

    تعرف يا دكتور دي اهم نقطة في الموضوع ودي الكنت عايز الناس تصل ليها او على الاقل تتناقش فيها وتذكر المحاسن والمساوئ من هكذا ظاهرة ..

    Quote: الحقيقة على زماننا كنت أعتقد أن أغلبية من فى الطب ضلوا طريقهم وكان أولى بهم كلية الآداب ولكن رغبة الأهل غلابة فى كثير من الأحيان.

    والخوف يكون العكس كمان حاصل ونلقا ناس الاداب كلهم مفروض يكونوا اطباء ضلوا طريقهم للاداب
                  

05-29-2006, 03:02 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    نادية بت عثمان :
    Quote: قلت لى اى شخص يمكن ان يجارى الكوبانى ويكتب مثله ؟!!

    اى شخص .. اى شخص ؟!!

    ايوة اي شخص اي شخص..
    انقري لي قلت ليك كده ؟

    لأنو انا مثلاً اي شخص وزول ساااااااااااااي معاك كويس؟
    يلا وما طالباني حليفة انا اسة حا انجر ليك قصيدة غنائية اسسسسسسسسسسسة دي بي نفس اسلوب الكوباني

    حبيب الناس عني ما تسأل ..
    وتحرمني الشوفة يوم تزعل..
    تعال وريني قول لي كيف الحل ..

    ****
    غيابك طال فات كتير حدو ..
    عشان عينيك صبرنا بنمدو ..
    ونجم الليل بقينا بنعدو ..
    وما هاميك علينا تدلل ..
    وريني قول لي كيف الحل ..

    ****
    يوم تشرفنا الدنيا تضحك لي..
    وتتمسح احزان والدمعة في عيني ..
    ولو تعرف الحال لو تعرف البي ..
    حال ظاهر ليك لو بتتأمل ..
    وريني قول لي كيف الحل ..

    ****
    ليه بتتعمد ديمة تنسانا ..
    ديمة طارنك مرة اطرانا ..
    قلبك المرتاح وقلوبنا تعبانة ..
    يا جميل ما تحن ليك بنتوسل..
    وريني قول لي كيف الحل..

    ****
    كل يوم بيمر ريدتي ليك بتزيد..
    خالي قلبك ليه وحبي ليك شديد..
    يا حبيب ارجوك تعال نتم الريد ..
    او تخليني في المحبة شهيد ..
    موتي في حبك يا جميل اجمل ..
    وريني قول لي كيف الحل..

    تخريمة :
    هوووووي يا شباب ما تجوا تضحكوا فيني والله الكلام ده انا ناجرو اسسسسسسسة دي في كتابتي للمداخلة دي يعني ما تجوا تحللوهو لي وتقولوا لي عامل فيها شاعر و و و و ..
    وكمان لو فيكم زول بيلحن انا ما عندي مشكلة الأغنية دي تدوها لي محمد الامين أو وردي وبي المييت كده عثمان حسين
                  

05-29-2006, 08:50 AM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    عمووووووووووورى


    Quote: حبيب الناس عني ما تسأل ..
    وتحرمني الشوفة يوم تزعل..
    تعال وريني قول لي كيف الحل ..

    ****
    غيابك طال فات كتير حدو ..
    عشان عينيك صبرنا بنمدو ..
    ونجم الليل بقينا بنعدو ..
    وما هاميك علينا تدلل ..
    وريني قول لي كيف الحل ..

    ****
    يوم تشرفنا الدنيا تضحك لي..
    وتتمسح احزان والدمعة في عيني ..
    ولو تعرف الحال لو تعرف البي ..
    حال ظاهر ليك لو بتتأمل ..
    وريني قول لي كيف الحل ..

    ****
    ليه بتتعمد ديمة تنسانا ..
    ديمة طارنك مرة اطرانا ..
    قلبك المرتاح وقلوبنا تعبانة ..
    يا جميل ما تحن ليك بنتوسل..
    وريني قول لي كيف الحل..

    ****
    كل يوم بيمر ريدتي ليك بتزيد..
    خالي قلبك ليه وحبي ليك شديد..
    يا حبيب ارجوك تعال نتم الريد ..
    او تخليني في المحبة شهيد ..
    موتي في حبك يا جميل اجمل ..
    وريني قول لي كيف الحل..


    وحاة الرسول كلام زى العجب وسممممممممممممممممح !!

    وتقول لى انك زول ساى ياوهم ؟!!

    ياخ انت لو فكرت تبقى شاعر بتضايقنا فى اكل عيشنا خليك ناقد بس سمح ؟!!

    اسمع الاغنية دى انا بهديها لجمال فرفور برضوووووووو رايك شنو ؟
                  

05-29-2006, 10:57 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    عمر
    واصل على كده وحتصل أكيد
    Quote: ونجم الليل بقينا بنعدو ..









    ولما تصل أعمل رنة
                  

05-29-2006, 11:05 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: Rakoba)

    عمر
    هاك حاجة من جديد الدكتور علي الكوباني " إنت لي كل شي" أداء: أحمد بورتسودان
    إضغط للتشغيل


                  

05-29-2006, 10:47 AM

ALGARADABI
<aALGARADABI
تاريخ التسجيل: 12-30-2004
مجموع المشاركات: 5236

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    ترم ترم ترم
    لا لا
    تررم نررم تررم
    لا لا
    تاره ترارا تارا
    (محاولات لتلخين قصيدة عمر الفاروق)
                  

05-29-2006, 11:29 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    ملاسي :
    يا سحس المشكلة حا تمشي ياتو موقع ؟؟ القديم ولا الودوهو جمب زريبة الخدمة الالزامية ؟؟ بس وانت ماشي اعمل حسابك تشييك علي بطاقة الخدمة

    تخريمة :
    يا راكوبة حاولت اتصل وجاتني الرسالة دي:
    Quote: الرقم موقف من الخدمة مؤقتاً لعدم سداد الفاتورة

    عشان كده قررت اعمل ليك لمّة إنسانية
                  

05-29-2006, 11:34 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    عمر
    Quote: الرقم موقف من الخدمة مؤقتاً لعدم سداد الفاتورة

    دي حركات عاملينها لما تجي مكالمات من أرقام عادية
                  

05-29-2006, 12:01 PM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: Rakoba)

    معتز تروتسكي
    Quote: استاذنا الجميل
    Dr. Moiz Bakhiet
    ازيك ياخ وزمن من التواصل كيفينك والوليدات عزيزنا ارجو ان تكونوا بخير..
    كما قلت ..

    Quote: وتحيات واصلة لحبيبنا الرائع عمر محمود خالد

    ولكوباني الجميل


    عمر انا جابتنى التحيه على استاذنا المعز..
    ..


    سلام حار للحبيب الغالي العزيز معتز

    واحشنا والله وواحشانا كلمات تواصلك الرائع

    تسلم انت يا جميل على أحرفك الندية واحساسك الراقي دايماً

    وألف ألف معذرة فلم أنتبه لمداخلتك هذه من قبل

    وده كلو من الشاعر الغنائي عمر الفاروق ده..


    ولك العتبى حتى ترضى

    كل الحب والإعزاز
                  

05-29-2006, 11:52 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    القرضابي:
    Quote: ترم ترم ترم
    لا لا
    تررم نررم تررم
    لا لا
    تاره ترارا تارا


    عندك جملة موسيثية ناقصة في اللحن ده ..
    لأنو دائماً بعد ترم ترم ترم مفروض تجي تنقش تنقش تنقش ..
    لكن انت جبت لا لا .. وده بيتعب بتاع البيز جداً

    تخريمة :
    شنو يااااااااااااااااااا قوم عاد ..
    قال حركة قال ..
    الخوف يا راكوبة اعاود الإتصال يجيني الرد الالي ويقول لي:
    Quote: شوف يا زول تراك زودتها صراحة كده الرجّال ما يملك جوال
                  

05-30-2006, 12:06 PM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    ياعمر

    بطل الغتاتة ياولدنا

    أنا جبتا تلاتة أمثلة ومن ضمنهن كلام الشاعر الكبير محى الدين فارس.

    وبعدين معز كشاعر كلامو بكون خطير فى كوبانى وكذلك الأستاذ محى الدين فارس فى الأبنودى.

    ومعز مرة ذكر أن كوبانى سألو عن كيف يكتب الشعر ولمح له ضمنا بمحاولته كتابةالشعر.

    بعدين ياابوعمير شوف كلامك دا:

    Quote: فزي حسيت بيك خليت الموضوع الاساسي وجيت عشان توضح النقطة دي وإن لم يكن حديثك مباشر للدكتور معز ..
    وانا هنا صراحة حا اكون في صف الدكتور معز لأنو قال هو ما قرا ليهو او سمع بيهو بيكتب الشعر خلال فترة الدراسة.


    وشوف كلام معز هنا:

    Quote: كوباني لم يكتب الشعر ونحن طلاب لكنني أحد الذين تفاجأوا بأغنياته الجميلة


    يعنى إنت زدت ماقرا ليهو وماسمع بيهو من عندك.

    تعرف ياعمر كلامك دا:
    Quote: فزي حسيت بيك خليت الموضوع الاساسي وجيت عشان توضح النقطة دي



    ماصحيح لأنو أنا وضحت سبب مداخلتى هو زمالتى بكوبانى والتى لاتخلو من المناكفات الجميلة لمدة ستة سنوات يعنى بعد تخرج دكتور معز وقلت أنه فنان وشاعر وإن لم يكتب الشعر.

    القصد من مداخلتى ياعمر هو:
    إن كان بوستك القصد منه نقد تجربة كوبانى فيمكن طرح إنتاجه وتشريحه حتة حتة لتبين مواضع الجمال ومواضع الإخفاق وبهذا نبتعد عن كون كوبانى شاعر أم لا ولكن من عرض أشعاره سيقرر كل قارئ -حسب فهمه لنقدك وحسب قوتك فى تبيان مواضع القوة والضعف- إذا كان كوبانى شاعر أم لا.

    أما مثالك الذى طرحته للأخت نادية فأعتقد سيجعلك كذلك شاعر غنائى لو لقيت ليك دريب للإذاعة والتلفزيون .

    إضافة خارج النص
    أما عن الشاعر والمشاعر فالطيب سيخة شاعر ممتاز ولكن لايمتلك مشاعر تجعله يحس بعذاب إنسان فى دارفور أو أنة مسجون فى بيوت الأشباح.
    بل مشاعره لم تمنعه من صفع أساتذته فى الكلية لأنه أصبح فى السلطة وهم فى المعارضة.
    أضف للحساب محمد محمد خير الصحفى الذى يكتب أجمل الأشعار وعند الطلب.


                  

05-30-2006, 12:38 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: Balla Musa)

    دكتور بلة :
    شكراً للتوضيح والقصة والله ما غتاتا ولا يحزنون هو مجرد إحساس فبس توووشك قمت جيت كتبتو ليك ..
    ومعاك الحق في حكاية الورشة دي بس الكلام ده كبييير وكتييييير ..
    من الصعوبة دراسة الكوباني (الف ولام ) كظاهرة شعرية سواء كانت غنائية او للشعر وذلك ان الكوباني ليس كل ما يكتبه جميل كما ان ليس ما يكتبه قبيح ..
    كوباني يحاول ان يكتب الأغاني الخفيفة في العادة في حين ان القصيدة الغنائية ليست بالضرورة خفيفة !!!
    زاد الشجون قصيدة غنائية ..المرسال قصيدة غنائية .. بخاف قصيدة غنائية ..مع السلامة قصيدة غنائية .. المصير قصيدة غنائية .. ليه كل العذاب قصيدة غنائية ..والامثلة كثيرة .
    لكن الكوباني حتى القصائد التي يكتبها يكتبها بأسلوب واحد وربما يضاري الكوباني بعض القصائد باللحن فيخفي الكلمات بها ..
    عوض جبريل عليه الرحمة كان شاعراً غنائياً لكنه كتب اشعار يمكن ان يتم إلقائها في محافل ثقافية فهل نستطيع ان نلقي كلمات الكوباني في الإحتفائيات في صورة قصيدة ؟؟
    كوباني ربما الطب غفر له كثيراً إضافة لمكانته الإجتماعية وعلاقاته الواسعة والتي حصنته من النقد اللازع أو الشديد اللهجة فنفس إستايل الكوباني ونفس مدرسته يقوم بها شاب يدعى هيثم عباس يكتب بنفس إستايل الكوباني ويلحن ولكن هجوم عنيف شنته وسائل الاعلام على هيثم عباس على انه واحد من الذين يدهرون الفن السوداني لأنه يكتب بكثرة دون الاهتمام بالجودة وفعلاً كان هيثم هذا من الاسباب الرئيسية في تدهور الفنان محمود عبد العزيز ..
    فلماذا يواجه هذا الهيثم ولا يتم مواجهة الكوباني بنفس هذه الشراسة .؟؟
                  

05-30-2006, 01:39 PM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    ياعمر

    بوستك دا جذاب شديد

    وأتمنى أن ينضم للمتداخلين موصلى وتماضر وبدرالدين شنا وكل الفنانيين والشعراء بالمنبر.

    طيب خلينى أكون صريح معاك.
    فمداخلاتى هنا غير محايدة فى حديثى عن على كوبانى.
    وطبعا دا شئ طبيعى لى كإنسان جاء من مجتمع قبلى فتجدنى أمجد كل الشعراء من قبيلة الأطباء.
    فاحمد فرح شادول وعمر محمود خالد ومعز وودبادى ونزار غانم وغيرهم وغيرهن موضع فخرى وتقديرى.

    وأتذكر عندما كان معز يقدم برنامج فى التلفزيون إسمه أولاد دفعة على ما أظن كانت حلقة الأطباء أجمل حلقة لما كان فيها من أدباء وشعراء وفنانين من هذه القبيلة.

    دعنا ياعمر نعود لبطل البوست كوبانى وأحاول الحيادية فستجدنى لاأتمنى لعلى كوبانى أن يتابع خطوات الأغنية العربية التى تابعت الذوق العام فى تدنيه ونزلت إليه حتى هبطت.

    فليت كوبانى طور الأغنية كلمة ولحنا وأداءا بصورة ترقى بذوق المتلقى ولاتنزل له لاسيما وأغلب الشعب السودانى لازال يطرب للحقيبة وهى تشكل (الأصانصير) الذى يصعد به كل مبتدئ.
    ولكن هذا المبتدئ فور تغنيه بمايسمى بالجديد تجد حبال أصانصيره تقطعت وهوى فى بئر السلم.

    ياعمر لو عايز تصل فى السودان صادق أهل الإعلام المقروء والمسموع والمرئى وكتر من الإبتسامات والهدايا (للنقاد) وستجد قصيدتك أعلاه إشتهرت وقعدت مع عتيق فى سرج واحد وبعدها أنفخ ولو حملك ريش .
    تحياتى
                  

05-31-2006, 01:37 AM

banadieha
<abanadieha
تاريخ التسجيل: 02-04-2002
مجموع المشاركات: 2235

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: Balla Musa)



    تحياتي يادكتور بله.

    وياعمر الفاروق عشان ما بقدر أحانكك في رأيك في الشاعر على كوباني قلت أخوفك منه ولكن الظاهر أنا لخبطت في حق علي كوباني كمان ولذلك أعتذر عما ورد في مداخلاتي الإثنتين واللوم على وجع الحلق الإتعافيت منه أخيراً..والإعتذار للأخ المحترم الذي لفت نظري لذلك وللدكتور على كوباني وزملائه ومعجبيه ومواقفه المشهودة.
                  

05-31-2006, 03:44 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    شيخ الشباب بناديها :
    Quote: واللوم على وجع الحلق الإتعافيت منه أخيراً..

    سحروووووووك وللللللللللللا ادوووووووووك عين ...
    وييييييييين .. يااااااااا ..سمير .. ورورووووووووووووووك
    حمد لله على السلامة يا زوج يا جميل ..
    وعليك بي زيت عافية فهو للصحة والعافية
                  

10-03-2006, 10:47 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    عمر وين يا اخوانا !!!
                  

10-03-2006, 05:25 PM

ALGARADABI
<aALGARADABI
تاريخ التسجيل: 12-30-2004
مجموع المشاركات: 5236

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: عمر الفاروق)

    الأخ عمر الفاروق
    أحمل لك رسالة من الأخ الصديق عتى الكوبانى ( وما على الرسول الا البلاغ)
    قال ليك انو عرف بأمر البوست و دخل عشان يرد عليهو عن طريق أحد الأعضاء لأنو يرحب يالنقد
    الهادف و لكن وجد البوست لايستحق الرد علبه بكل أسف ( وبكل أسف دي من عندى)
    تعرف ليه؟؟؟؟؟؟؟؟؟؟؟؟؟؟؟
    لأنو وجد انو 2 من ال 3 أغنيات التي استشهدت بها ليست من كلماته
    تتخيل؟؟؟؟
    بالتحديد بساط الريح و عى كيفك ليس له علاقه بهما الا السماع
    و يرجو منك تحري الدقة حين تتصدى للنقد حتى يكون النقد موضوعى,,,,



    و يحمل عتابا رقيقا للأخ د. معز

    (عدل بواسطة ALGARADABI on 10-04-2006, 01:26 AM)

                  

10-05-2006, 06:08 AM

abuguta
<aabuguta
تاريخ التسجيل: 04-20-2003
مجموع المشاركات: 8276

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الدكتور علي الكوباني ورتابة الأشعار.. (Re: ALGARADABI)

    دكراك ياحبيب داهمنى
    وينك ياحبيبى انا عطشان
    عز النهار والريق كمل
    فى رمضان
    حبك فطرنى...

    حبيبى تعال كمل جميلك
    واطرق بابى وفتش حبيبك
    تعال زورنى..

    والايام دى داخل لى دورة موسيقى
    عشان اقدر الحن كمان
    مالو الابداع دا حكر على زول
    بالمناسبة ياعمر امثلتك لنادية
    عثمان فيها جرس وموسيقى
    وقافتهها جميلة واحساسك فيها يخرج القرف من النفوس الهابطة
    وبروى الظمئان قبل الغيبة

    يروى الظمئان قبل الغيبة
    وعشان روحى تلقى حبيبة
    اكتب وسطر
    انا بقرا ليك
    اكتب ولحن انا بسمك ليك
    لان حروفك تسعدنى بعد الفطرة
    ياحبيبى تانى بلقاك فى السهلة
    خلاص سوف اصير لك ملحن
    رايك شنو...بس شوف وليد طه دا زمان كان صوتو كويس
    او نا>ر الخليفة كان له دندنة جميلة
    ولقدام
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de