|
Re: يا عـازه الفـراق بـي طــال .. (Re: الواثق تاج السر عبدالله)
|
الحبيب الواثق تاج السر .. تحيات الحب والمودة .. حزنت جداً لعدم تمكني من مقابلتك .. ولم يكن التليفون كافياً لايصال شوقنا لك .. وزي ما بيقولوا ما لينا في الطيب نصيب .. لكن الجايات أكتر من الرايحات ..
Quote: ياليتك تدرك ماتفعله هذه الالحان بنا |
انه شدو الروح للروح .. انه التلاقي .. والحنين .. جمل الله أيامك وأعادك إلى الوطن سالماً ..
كن بألف خير ..
| |
|
|
|
|
|
|
Re: يا عـازه الفـراق بـي طــال .. (Re: فتحي الصديق)
|
الحزن لايتخير الدمع ثياباً كي يسمى بالقواميس بكاءً هو شيئ يتعرى في فتات الروح يَعبُر من نوافير الدم الكبرى ويهرب من حدود المادة السوداء شيئ ليس يفنى في محيط اللون أو يبدو هلاماً في مساحات العدم الحزن فينا كائن يمشى على ساقين دائرة تطوف فى فراغ الكون تمحو من شعاع الصمت ذاكرة السكون المطمئنة
من قصيدة غناء العزلة ضد العزلة .. الصادق الرضي
الحبيب فتحي الصديق .. يا تراحيب المطر .. إنه دمع الحنين .. ورقصة الأشواق .. على النغم الحزين ..
لك أمنياتي الطيبة ..
| |
|
|
|
|
|
|
Re: يا عـازه الفـراق بـي طــال .. (Re: Salwa)
|
تعال نشوف.. حروف البكا الجواها مافي حروف تعال نشوف.. تعال نطوف على المدن البقت أشباح على الجوع القعد مرتاح على الكلمة البقت في الجوف تفتش سكة الأفراح منو البقدر؟؟؟ يخاصم طفلة بحت هازلة فوق مد الأسى الحـًراق يا غنوتنا ما تفوتي ويا كلمتنا ما تموتي وفتشي فوق ضهير الكلمة عن وترا رحل فراق وعن بلدا رحل فراق وعن ولدا رحل فراق وعن علما رحل فراق غنانا الفينا ما يشفع حريقنا الجوة ما بنفع تعال نشوف.. تعال نطوف.. تعال نعلم الشفع
تعال نعلم الشفع .. يحيى فضل الله
العزيزة سلوى .. تحيات المحبة .. فلندع الجرح ينام على وسادة الوطن .. إنها الأشواق .. وبعض حنين .. فلنمضي إليه بكل هذا الحب ..
شكراً جميلاً ..
| |
|
|
|
|
|
|
Re: يا عـازه الفـراق بـي طــال .. (Re: bob)
|
الزول الجميل بوب .. كيفك يا حبيب .. شكراً لهذا الكرت الروعة .. والقصيدة الأروع .. والتحية عبرك للشاعر أحمد فرح شادول .. والموسيقار الماحي سليمان .. وشكراً لهذا الحضور الجميل .. ربنا يرد غربة الجميع ..
محبتي وتقديري ..
| |
|
|
|
|
|
|
Re: يا عـازه الفـراق بـي طــال .. (Re: bob)
|
يا سلاااااااااام عليك يا بوب .. والله ما عارف أشكرك كيف يا صديق .. هدية جميلة زيك .. ومن زول فنان كله أحاسيس ومشاعر جميلة .. وبقول ليك .. زي ما قال أزهري محمد علي .. سلامات يازول يا رائع سلامات .. عوّافى سلامات يا خلاصة الخير الفى الناس وترياق الزمن المتعافى سلامات يازول يارائع سلامات عوّافى
محبتي وتقديري ..
| |
|
|
|
|
|
|
Re: يا عـازه الفـراق بـي طــال .. (Re: Alsa7afa_30)
|
Quote: ولــعت جمرنا الحـي يا معتصــم!! |
وما بتطفيه آه وأحي ..
الصحافة .. تحياتي وسلامي .. إنه الحنين .. وبعض أشجان .. وحاجات جميلة هناك .. وناس رائعون .. رد الله غربة الجميع .. وشكراً لهذا الحضور الأنيق ..
الست الله يرحمها صورتها رائعة بالتوب السوداني .. أعشق أغانيها جداً ..
لك خالص محبتي ..
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
Quote: ياخ بكيتنى بكاء شديد خلاص والحالة انا من بحرى !!!!!!!! |
العزيزة والزولة الجميلة نادية .. والله مشتاقين عديل كده .. وينك ياخ .. شكراً لهذه الطلة .. يا ريت عازة توحدنا جميعاً .. وتمسح عننا الهموم وتزيل مننا المواجع ..
تسلمي يا رائعة .. محبتي بلا حدود ..
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
الحبايب معتصم دفع الله ومحسن خالد. اعتذر اولا عن تأخرى فى الحضور ووالله لم ار هذا البريد الا الآن. حين يتعلق الامر بالعبادى فالحذر واجب!! الرجل لايرص الكلام رصا. ولايطلقه بدون معانى جوانية!
Quote: ويجوز أن تكتب كذلك .. وكيف أنساها وأتناسا ومفتون بي ظبيك ناسا |
اختلف معك يامعتصم بل واجزم بانه لايجوز!!
البيت كتب بشكل صحيح
وكيف أنساها وأتناسا ومفتون بي ظِبَي كُنَاسَا
اى بظباء كنائسها
تعرف يامحسن بنات النصارى اولائك (جَنَّنَّ) نصف شعراء امدرمان. وهذا باب فى ( قلة الادب) الفنية اتمنى ان يتوفر له من يوفيه حقه.
لعن الله الوقت والوقاتين. مضطر الى الجرى للحاق لقمة عيشى البائسة. وارجو ان اعود الى الموضوع مرة اخرى. يامعتصم شكرا، وارجو ان تبحث عن الباقر موسى الفنان (الأَشْكَالى ) كما قال حسن موسى يوما، لعله يرمى لنا بعضا من معرفته الجوانية بقلة ادب غناء الحقيبة.
التحيات لله
منعم الجزولى
| |
|
|
|
|
|
|
Re: يا عـازه الفـراق بـي طــال .. (Re: Gazaloat)
|
الحبيب منعم الجزولي .. لك التحية وأنت تتحفنا بهذه الطلة الجميلة .. وإضافتك للبوست بالمعلومات عن العبادي .. معظم شعر الحقيبة سمعناه شفاهة وبروايات مختلفة .. وبنحاول بقدر الإمكان الإبحار في بحرها العميق علنا نصل لجزء منه .. وعن صحة الأبيات التي ذكرتها أوافقك الرأي بدقة العبادي في كتابة شعره .. وحرصه الشديد وقدرته اللغوية وبلاغته في كتابة الشعر .. وزي ما ورد في كلمة الكناس وهو مكان تجمع الظبي لذلك جاء التعريف كما هو .. وفي إشارة أخرى بأن الناس برضو بيكونوا مفتونين بالظباء حسب ما ورد في البيت أيضاً ..
Quote: وفي البيت .. وكيف أنساها وأتناسا ومفتون بي ظبي كناسا
ويجوز أن تكتب كذلك .. وكيف أنساها وأتناسا ومفتون بي ظبيك ناسا
وفي الحالتين صحيح .. والكناس هو مكان تجمع الظبي وهو المكان العالي الذي يتجمع فيه الظبي لمراقبة الخطر المحدق بهن . كما يقول ود الرضي كذلك .. |
ومعك ننتظر الفنان الباقر موسى ليتحفنا بالمزيد عن شعر الحقيبة .. وحبذا لو حضر معه صديق الموج فهو أيضاً ملم كثيراً بشعر الحقيبة كذلك ..
شكراً جميلاً .. مع خالص محبتي ..
| |
|
|
|
|
|
|
Re: يا عـازه الفـراق بـي طــال .. (Re: معتصم دفع الله)
|
...
.....دي عازة الكل................يا مني.............دي..
.......عزّتنـــــــــــــــــــــــــــــــــــــــــــا..........................و كرامتنــــــــــــــــــا.............
.......و قامتنــــــــــــــــــــــــــــــــــــــــا..........................و قيامتنــــــــــــــــــــا.............
...........................شكرا..............كتير...كتير....كتير.....كتييييييييييييييييير.
.....صديقي معتصم.....و حديقه .....ورد لأصدقاءك.. المتداخلين....
....خارج النص...
..... هل هناك امكانيه..... لأنزال....بوتن..(ايقونة)..الحفظ...
| |
|
|
|
|
|
|
|