سابا SAPAA إلى مدينة DALLAS TX السبت الأول من نوفمبر

قراءات فى سيرة ونضال العامل الجزولى سعيد عثمان

امنعوا ببع مدرسة القومية كوستي

جبال النوبة... أيد السودان البتوجع..

والي جنوب كردفان يهدد عضو بسودانيز اونلاين بالتصفية الجسدية

المنبر العام ابحث

اغانى مختارة

English Forum

تحديث المنتدى

الحضور

تحميل الصور تحميل الفيديو والأغاني أغاني مختارة الصور المختارة التبرع للموقع
كيبورد عربي دليل الأصدقاء أغاني سودانية

دليل الخريجين

اجتماعيات

آخر الأخبار

دراسات ومقالات الأرشيف والمكتبات أرشيف النصف الثاني للعام6 مواضيع توثيقية قوانين ولوائح المنبر
مرحبا Guest [دخول]
أخر زيارة لك: 01-11-2014, 00:18 AM الرئيسية

مدخل أرشيف النصف الثاني للعام 2006مبسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظمة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
أقرا احدث/اخر مداخلة فى هذا الموضوع »
14-05-2006, 03:58 PM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظمة

    من وحي الحفل الذي أقيم تكريما للفنان عبد الرحمن عبدا لله، بالمسرح الوطني بمدينة أبو ظبي..عن لي أن اكتب شيئا عن كردفان..التي تنادي بنوها في عاصمة الإمارات مؤازرة لبلوم الغرب..وعرفانا منهم لما قدم الرجل ..في إبراز الفن الكردفاني ..والخروج به إلي ساحات رحيبة..أم الحفل مائزون من بني كردفان..سعادة السفير حاج الفكي هاشم ..فهو كردفاني أصيل ..تحركه إيقاعات المردوم والجراري..وكذا يفعل الملحق الثقافي للسفارة الكردفاني(القح)..محمد ضي..حب الرجلين لكردفان وانفعالاتهما ..دفعت يهما مرارا إلي خشبة المسرح..ففي حضرة كردفان ..تسقط أقنعة الوقار الوظيفي المصطنع...وكذا فعلنا نحن..الأستاذ علي إسماعيل ،الأستاذ يحي عبد الكريم والأستاذ فضيلي جماع..وكان هنالك الخليفة عبد الوهاب الخليفة مكي عربي..الذي ما فتئت عصاه تدوزن الأرضية..تناغما مع ما علي المسرح..
    كانت أمسية ..تحكي أصالة أبناء كردفان..كل معاني الإخاء، الوفاء.. كانت هنالك..جاء عبد القادر سالم من جوهانسبرج ..ليشارك رفيق دربه هذا العرس..وجاء فضيلي من عاصمة الضباب لذات الغرض..وكم كان مؤثرا أن حكي فضيلي لحظة لقائهما..لقاء السحاب.. بلبل كردفان يحتضن بلوم كردفان ..وتسح الأعين بالدمع ثخينا..اهو الفرح أم الشوق..لا ندري!.. فلأهل الفن مشاعر غير التي لنا..
    في هذا الحفل..تغني عبد القادر سالم..أشوف غزال فوق القويز..طبيق الريحة، الريدة ليك صحيحة..بسامة..ليمون بارا..فرحلت أرواحنا إلي القويز..والي ليالي غرب كردفان المقمرة..والي جنوب كردفان في حلبة المردوم..وهناك في بارا ..في عصاريها وسواقيها..
    وحدثنا فضيلي عن الشعراء في كردفان..قائمة شرف..زادها شرفا أن تلاها فضيلي..وحدثنا فضيلي عن علاقة إنسان كردفان الذي برع رغم التهميش والمسغبة..في صياغة أحاسيسه، مهما كانت، غضبا، فرحا، حزنا..برع في صياغتها لحنا أو شعرا..
    ثم جاء دور المحتفي به..فغني كما لم يغني من قبل..صوت حمل كل الصفات..نداوة، عمقا،..ومديدا فسيحا أيضا..رويحة الهاوي ،شقيش،ضابط السجن،جدي الريل أبو كزيمة،الليموني..
    ومن الذين أضفوا القا علي الحفل الأستاذ محسن خالد..والذي قدم الأستاذ فضيلي جماع ..فأرصن وأحسن تقديما..

    هذا الجمال جعلني ..افترش خارطة كردفان..الاثنية،المناخية،التضاريسية..فوجدت سودانا مصغرا ..سودانا يزخر بكل تعقيداته الاثنية ،الثقافية،التضاريسية والمناخية..افترشت تلك الخارطة ..علي أجد تسبيبا لهذا الجمال ،الإبداع،الكرم،النخوة ،الشهامة،الشجاعة..كل هذه القيم التي تجسدت في إنسان كردفان..
    أهل كردفان..أهل كرم وأريحية..لا يضاهيهم فيها أحد..تبدؤك من سلام جزل ..تحتضنك كلماته في وداد وتحنان ..وأثرة..حبابك عشرة وقنب طولة..حباب ولي قدام..حرم إن ما اكلتو الكرامة ما بتقومو..اقعد للحول وما تقوم بخاطر زول..حثي الفقراء والمساكين..يتمثلون ما سار من قولهم..بليلة مباشر ولا ضبيحة مكاشر..بشرهم يقع عوضا عن ضيق ذات يدهم...
    أهل كردفان..لو كنت عجلا حملوك من كرائم انعامهم..كرامتك وواجبك..امحمد(بضم الحاء)..يا ولدي(بفتح اللام وقبلها تسكين الواو)..امشي علي البهائم تلقي الخروف الاربد ،ارفعو للضيوف..
    أهل كردفان..نساؤهم برزات..يستقبلن الضيف(لو غاب أبو فلان)،ويضبحن الضبيحة للسارب..وللنازل هجعة..
    أهل كردفان اثنيا..قد تمددوا من عروبة تكاد أن تكون مبرأة مما يطعن فيها..إلي ما هو خليط ما بين العروبة وغيرها..انتهاء بالزنج..وهنا تتجلي صورة مصغرة ..للسودان ..غير أن هذه الصورة أبهي وأجمل ..لما فيها من تناغم وتجانس..ففي كردفان تقطن قبائل بدوية..تتجلي فيها مظاهر الثقافة العربية..وتقرأ في ملامحها وما تبرزه المكونات الجينية لها..دماء عربية طاغية..تتضاءل أمامها ..وتتزحزح العروبة المدعاة عند غير قليل من قبائل السودان ..وخاصة الشمالية..هذه القبائل..هي الكبابيش،الهواوير،المجانين،دار حامد،جيوب من الكواهلة،الشنابلة،بني جرار..
    وهناك قبائل الجوامعة،الحمر،المسيرية ،الحوازمة،البديرية،الشويحات،الجلابة هوارة،المسبعات والغديات..
    ومع هؤلاء نجد وجودا مكثفا ..للشايقية،البديرية الدهمشية،الركابية،الجعليين،الجموعية،الدناقلة،الجابرية ،الجباراب..وجيوب صغيرة من معظم قبائل السودان..ونلحظ أن وجود قبائل الشمالية بكردفان..ليس بوجود(جلابة)..فهؤلاء ..أصبحوا اصلاء في المنطقة..فقد كانت هجرات بعضهم..قبل التركية..ومعها..ومع المهدية..فتناسلت منهم ..أجيال اكتسبت النسب الكردفاني..ولا يكون غريبا ..أن تجد عمودية للبديرية الدهمشية في بارا(آل شداد)..وعمودية للجابرية..وعمودية للدواليب(وهم ركابية،ينسبون إلي جدهم دوليب)..بل لا غرابة ..أن قلنا لك أن الاسرة الحاكمة في الكبابيش تعود أصولها إلي الشايقية(نوراب)..وكذلك ود الكرسني في النهود(شرتاي حمري)..وهنالك مشيخات للجعليين وغيرهم من القبائل الوافدة..ويلحظ ايضا أن هذه القبائل ،قد تصاهرت مع القبائل الأصلية في المنطقة..ربما للتقارب الثقافي والعرقي بينهم وبين معظم قبائل كردفان..هذه الوضعية الفريدة..جعلت من

    (عدل بواسطة saif khalil on 14-05-2006, 04:16 PM)

                   Subscribe on YouTube |Articles |News |مقالات |اخبار

14-05-2006, 04:00 PM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    كردفان ..بوتقة انصهار ..لاثنيات السودان المختلفة..فكان صوت العنصرية خفيضا في ديار كردفان..هذا ما كان من شأن أهل كردفان الذين ينتظمون في المنظومة العروبية ومن وفد إليهم من الشمال ومن نواحي السودان الاخري..
    أما القبائل الزنجية..أو الأفريقية..فهنالك قبائل أو مجموعات منها..وفدت إلي كردفان من دارفور ومن غرب إفريقيا..كالداجو،كاجا،الفلاتة،الهوسا..وهنالك نوبة الجبال بأقليمهم ذو التسع وتسعين جبلا..فضلا عن دينكا ياي..
    ولكردفان نصيب مقدر..من بقايا الأتراك، المصريين،الغجر..ومن وفد في الحملات الغازية..
    هذا النسيج..جعل من إنسان كردفان..شخصا متفردا مائزا..لذا استحقت أن تكون أم الرجال..السير علي التوم،الهرديمي،اب قدم،جمعة سهل،السير محمد تمساح،أب ظمبتو،المر،الناظر زاكي الدين،الطاهر واسحق شداد،منعم منصور،بابو نمر،دينق مجوك...
    وهي أم الدكتور مبارك الفاضل شداد،الشاذلي الشيخ الريح ،مشاور جمعة سهل،محمد الحسن عبد الله يسن،الفريق محمد بشير سليمان،الفريق عبد الماجد حامد خليل،الفريق مهدي بابو نمر،فضل الله برمة،إبراهيم نايل ايدام،حسن حسين،شامبي..هي أم الطاهر محمد عثمان..الدكتور سيد علي زكي..منعم منصور.. الدكتور بشير عمر..حافظ الشيخ الزاكي،محمد علي المرضي،محمد عثمان يسن،جبر الله خمسين..محمد إبراهيم الطاهر..هي أم الدكتور التاج فضل الله،الدكتور إسماعيل الحاج موسي،الدكتور مختار الأصم..الدكتور جلال يوسف الدقير..الدكتور كمال شداد..اللواء الطيب عبد الرحمن مختار..اللواء ماهل أبو جنة..الفاتح التيجاني..صديق الزيلعي،إبراهيم الشيخ،أب كلابيش،يوسف كوة..وفي المهدية كان..الشيخ منا أبو البتول،وأم بدة أبو كندي،وود نوباوي..
    وللفريق سوار الذهب..والزعيم إسماعيل الأزهري آصرة قربي بكردفان...فكان عليهما منها وسما ورسما....
    ولم يكن هنالك عظيما انعقد له لواء العظمة..الا وقد كان لكردفان أن توسمه بميسم العظمة والفخار..عظماء سلاطين الفور ..مروا بها أو أقاموا فيها..السلطان محمد الفضل والسلطان تيراب..وفي الأثر أن عثمان دانفوديو قد حط رحله بمدينة الأبيض..وكذلك محمد عثمان الختم صاحب الطريقة الختمية..فضلا عن ذلك أن السيد الحسن..جد المراغنة هو ..كردفاني النسب والمنشأ..والمهدي جاء كردفان..يكتم امره..جاءها منتظرا و بعد أن وسمته بميسم الفخار عاد منها منتصرا..
    كردفان..حفظت القرآن..اوقدت له النار تقابة..في خرسي،الحاج اللين،الزريبة،بارا،الكرمتة،الشوال،أب عزة،والمنارة..المزروب،أم سعدون الشريف،القليت،رهيد الدبيب،تقلي،رشاد،الحرازة،اب حراز،أم لحم،ود الزاكي،كرتان،دليل،جبل دار كرن،الفضوة،الدومة وشقيلة ود الفكي..فتفنن طلاب العلم..بالبوص والعمار(الدواية)..كتابة علي اللوح والشرافة..فكان منها الأولياء الكمل..أصحاب الكرامات..وقد أتحفنا صاحب الطبقات..ود ضيف الله بسلسلة منهم..نذكر منهم..الشيخ مختار ود أب عناية ..غانم أبو شمال الجامعي،الشيخ جودة الله بن الشيخ مختار،غانم الأحمدي في جبل دار كرن ويظن انه من الجوامعة أو البزعة،الشيخ جودة والشيخ الدومة من بني عمران،الشيخ دفع الله بن مقبل من بير سرار نواحي بارا،الشيخ عبدا لله بن العجوز من بني محمد من بطون المسيرية،مكي الدقلاشي من قبيلة الجوامعة من نواحي ود الزاكي وكرتان،إسماعيل صاحب الربابة بن مكي الدقلاشي من بلاد تقلي،الشيخ محمد ود منوفلي،الشيخ جار النبي في دليل،الشيخ الحاج الجعلي النواهي..وغير هؤلاء..السيد الحسن في بارا..ود دوليب وذريته الشيخ الدرديري،جعفر،الدسوقي،الدرديري،محمد ود الدرديري..وهؤلاء عدهم سبعة..أهل السجادة التيجانية وموضعهم خرسي نواحي بارا..الشريف عبد المنعم بأم سعدون الشريف ..نواحي بارا..وذرية الشريف عبد المنعم..الشريف احمد ،الشريف إبراهيم..والشريف عبد المنعم ابن الشريف إبراهيم في القليت..الشيخ محمد ود وقيع الله وأبناؤه ..الخليفة عبد الرحيم البرعي،الشيخ النور،الخضر،يوسف بالزريبة نواحي أم روابة..الحاج اللين بالحاج اللين..مضوي بالأبيض..الشيخ إسماعيل الولي ،السيد المكي،السيد إسماعيل،البكري ،تاج الأصفياء بالأبيض..اخرش أخ الشيخ مختار ود أب عناية بنواحي أم روابة ..وقد ذكرا في قصيدة شهيرة من مدائح البرعي..الشيخ نصرالله في الفضوة..الشيخ الشريف الهادي بالكرمتة..النور أب علي،ود جاهور ،ود مغيرة،مكي أب دبارة،أبا عيسي الغرقان هؤلاء الأشياخ في بارا ونواحي الخيران..عيال فريحة نواحي الطينة وجريجخ..ود جبر الدار وسالم ود سبلي،عبد الله ود أب شليخ في شقيلة ود الفكي نواحي أم روابة،الشيخ النور الزاكي بأم دم،الشيخ الشريف عثمان بالدومة،الشيخ الزاكي بالمزروب..
    وغير هؤلاء كثير..ولو كانت ثقافة القباب ..منتشرة في كردفان لما بقي من أرضها شبرا إلا وأقيمت علية قبة أو بنية..
    كردفان..تنوع المناخ..والتضاريس..كردفان ..صحراء،شبه صحراء،سافنا،مدار وجبل..
    كردفان غزارة الأمطار وكثافة الأشجار في بلاد النوبة..وهي كثافة الحشائش وغزارة المرعي فيما يلي النوبة..وهي الهشاب والسنط،التبلدي والحراز والبلدات ..وهي السلم والشجيرات والأجم..وبعيدا صحراء لا حياة فيها..
                   Subscribe on YouTube |Articles |News |مقالات |اخبار

14-05-2006, 04:03 PM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    كردفان..الخور،الوادي،الفولة،التردة،التمدة،الرهد،الرهيد والوديان..نيل أم روابة..خور أب حبل..تردة الرهد..ود البقة..الخور الأبيض..خور بقرة..رهد الدبيب. أم بالجي..واحات البشيري،الحمرة،الطويل،أب قايدة..وهي قيزان أبو ضلوع،الاحيمرات،الطويل،الحمرة..
    كردفان..تجود علي غيرها ..بحمر النعم من بوادي الكبابيش،دار حامد،المجانين،حمر،الكواهلة ،الهواوير..
    وبأبقارها..البقر البلدي من ديار الحوازمة والمسيرية..ومجوك(أب قرن)..من بلاد الدينكا..وضأنها من دار الريح والصعيد ..ويشتهر الضأن الحمري..والأغنام من دار الريح والتقر من الصعيد.. هذا فضلا عن جلدها،وبرها،ألبانها،والسمن البلدي..ولا ننسي نجوعا اتخذت مرتعا لهواة الصيد والقنص..وتجود أيضا بخير الهشاب ..صمغا عربيا ..كانت الأبيض اكبر سوق له في العالم ..من ديار الجوامعة ودار حامد واطراف من الصعيد..وللكرتالة هنا مقاما محمودا..وبالسنايا أو السنامكة..وانقارا أو الكركدي.. البطيخ وحبه..الابديب والهالوك..الذرة فتريتة،أنواع تختلف من الذرة والدخن..السمسم..الفول ولغبيش هنا.. ذكر لا يخبو..هذا من خير كردفان(البرة)..أما (الجوة) فهو البترول وما هو آت..
    كردفان..تجود علي أهلها ومن جاورهم..بالخضر والفاكهة..من سواقي بارا،الحقينة،الله كريم،أم بالجي،البان جديد،الرهد،عرديبة،العين،جبال النوبة،رشاد،أبو جبيهة،البشيري،الحمرة،أب قايدة والطويل..
    كردفان..الدعاش،الرشاش..بريق القبلي الشال،بريق العينة،مربط العجيل..خضار الشربك..ونسمة الصيف العليلة..

    كل هذا التنوع العرقي،لثقافي،التضاريسي،المناخي والاقتصادي..تنوع معه الجمال الكردفاني..سحنة، فنا،شعرا وغناء..من النعيم يولد الفنان ومن المعاناة أيضا..أهل الحضر احتفوا بالحقيبة والغناء الحديث..بانفتاح علي ما هو تراثي..وأهل الريف لهم ما يخصهم من فن مع انفتاح علي الحقيبة وما هو حديث..التراث الكرفاني تقاسمه البقارة والابالة..الجراري الذي يحاكي في إيقاعه مسير الإبل..والمردوم ،الكرنق،النقارة التي تحاكي ركض الثيران..وهنالك التويا،الهسيس..في الشمال من كردفان..
    ولع أهل كردفان بالحقيبة..لارتباطهم المباشر بأم درمان..ولان كردفان قد احتضنت سيد عبد العزيز..حدباي..محمد علي الامي..ولان أهل كردفان تشرئب أعناقهم إلي كل جديد ولعوا بالغناء الحديث..بل أسهموا فيه مثلما أسهموا في الحقيبة من خلال حدباي،سيد،الأمي..فكان ود القرشي الذي اثري ساحة الغناء الحديث بقصائده العديدة ..التي تغني بها عثمان الشفيع..وتبع ذلك ولوج خليل إسماعيل،محمد ميرغني ،صالح الضي مجال الغناء الحديث..ثنائي النغم..أم بلينا السنوسي.. إبراهيم موسي أبا،صديق عباس،عبد القادر سالم وعبد الرحمن عبدالله..وتبعهم من بعد العميري،نميري،محمود عبد العزيز..ولا يسقط النسيان من قائمتنا هذه المخضرمة حواء الطقطاقة فهي من نواحي الغبشة وود عشانا..
    صاحب هؤلاء ..في حراكهم الفني العديد من الموسيقيين..اميقو،حافظ عبد الرحمن مختار،الأمين احمد سيد،خالد الفحيل،جمعة جابر،إسماعيل (أب راس)..وغيرهم من أهل الوتر والإيقاعات..
    ولم تتخلف جحافل الشعراء عن هذه المسيرة..فكان كما أسلفنا..سيد،الأمي،حدباي..ود القرشي،عثمان خالد(إلي مسافرة)،محمد المكي إبراهيم،فضيلي جماع،العميري،محمد عبدالله مريخة،عبد الله الكاظم.. محمد عثمان الحلاج ومن الشعراء الذين وسمتهم كردفان بميسم فخارها وعظمتها..محمد سعيد العباسي والناصر قريب الله..
    وانسان كردفان..كله احساس ومشاعر..يترجمها أغان وشعرا..فهم للحصاد يغنون،وللزراعة أيضا..وحين تضع أنعامهم أحمالها..في أعراسهم وحفلات ختان أنجالهم..في حلقات ذكرهم ينشدون..عند هطول المطر..وحين يهل القمر..يكرون وتعانق أصواتهم السموات العلي.. بلادهم كلها مسارح فرح ومحاريب عشق فضاح..هم في نواحي بلاد حمر..
    يغنون ..طبيق الريحة الريدة ليك صحيحة..

    و..
    الزول أب سنا فضة
    مالو السلام مابردا
    داك براقا قبلي
    فوق عربي
    وفوق ابلي
    يا بخيت احلبلي
    لبن أم زور طايبلي

    (عدل بواسطة saif khalil on 14-05-2006, 04:08 PM)

                   Subscribe on YouTube |Articles |News |مقالات |اخبار

14-05-2006, 04:10 PM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    جقلة الطن حوارك
    عقدو الشورة رجالك
    كان الغرب ما شالك
    ختي السافل دارك

    وفي شمال كردفان..في ديار حامد..يغنون لليموني..
    زارعنا في الحيضان،ساقنا بالتيران
    اسمك تقيل يا فلان،زي حنضل القيزان
    زارعنا في البورة ،ووطاتا ممطورة
    زولا سمح صورة بالفاتحة بندورا
    زارعنا في بارا وساقنا الجمالا
    زولا ستر حالا في الغربة البطالة
    زولا سرب سربة وخت الجبال غربا
    أدوني لي شربة خلي النقص دربا
    الغالي تمر السوق كان قسمو ما بحوق
    زولا سنونا بروق في محكمة زانوق
    يا والدة سيبيني الجراري راجيني
    الشاهي في الصيني قريافا راميني

    وفي بادية الكبابيش لا يقنع المغني من رؤية المحبوبة فيزمع عودة يتمكث فيها عندها..هناك في جبرة الشيخ..يتغني احدهم..
    اني لي دمر تاني
    في جبرة أم ثواني

    وفي الصعيد..
    طارت أم بشار
    بريق القبلي الشال
    الحلة من صباح
    شايف البريق اللاح
    بنهم الصلاح
    اشوفو بس وارتاح

    وعند النوبة ..كدكدو أي منداي
    النقارة..الكرنق
    وللبقارة..حكاماتهم..شكاراتهم..والهداي..والعشاق
    الجنزير التقيل بقلا ياتو
    من جزالة هذه الاصوات..وتنوع الفنون..جاء عبدالقادر سالم وعبد الرحمن عبد الله...رسلا مبشرين بالفن الكردفاني ..ولعلي اقف عند عبد الرحمن عبدالله..جابري من والده،بديري دهمشي من والدته..ولد في العام 1947 ببارا..بها نشا..ونال تعليمه ما بينها ومدينة الأبيض..نشأ وترعرع فيها..علي انغام سواقيها..ومن بعد علي ازيز طلمبات اللستر..التي تئز بالرواء..إيقاعا مدوزنا في مخيلة الذي يسكنه فنان..وكان عبدا لله ممن سكن الفن والفنان بداخله..علاوة علي ما حباه الله به من صوت..فرجع الأصوات كالكروان..وغوغا كقماري سواقينا..أحسن التعزاف وعرف من الغناء المراقد..بدأ مقلدا مجودا..للفنان وردي ..وما بين صوتيهما ما يخلق من الشبه أربعين..إلا انه كان عصاميا..أراد أن يشق له طريقا..ويفترع له مدرسة..وينهد لحمل رسالة..فآثر أن يغني تراث كردفان..وشكل ثنائيات مائزة..مع احمد عبدا لله مريخة..وعبد الله الكاظم..ليصدح..ببلومي الطائر بفوقي،ضابط السجن،بت بارا،المعلمة،شقيش قول لي مروح،رويحة الهاوي..
                   Subscribe on YouTube |Articles |News |مقالات |اخبار

14-05-2006, 04:12 PM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    ليت الأيام تعود بنا إلي مركز شباب بارا..بعد أصيل ماطر..فيحمل الأثير صوت عبد الرحمن..

    يا بلومي الطائر بفوقي
    القماري القعدت تقوقي
    ودي حبي الصادق وشوقي
    بلطافة واسرع تعال

    وسار عبد الرحمن..بما يحمل من جينات فنية..فاهل بارا يمتازون بنداوة أصواتهم وجمالها..وهم أهل مغني وتعزاف..يستبطئون الشمس في سيرها نحو مستقرها غربا..يسابقون طلائع الظلام..إلي ادبار المدينة ..والقيزان المحيطة..وسواقيهم وجناتهم..ليسمعون السماء أصواتهم..بابكر عبدا لله(ود نوبة)..ارن..مهدي السيد..ووو
    بهذا الإرث..سار عبدالرحمن في طريق لم يكن ممهدا..ولكنه كان جلدا رساليا..فأبدع ..وأبدع..وتميز..فكانت أغنيات المردوم ،الجراري..سافر إلي ليبيا ..ثم عاد إلي السودان..ثم إلي السعودية..إلي أن داهمه مرض ..أقعده عن ممارسة فنه والتواصل مع محبيه..ولكنه نبع للمشاعر..لا يصيبه الأخير..تعافي وعاد ..كمن ولد من جديد..
    من فرائد ما غني عبد الرحمن..أن أحسنت الحفظ..
    خليني احلم مرة يوم
    انا عشت في الدنيا وحلاتا
    وشفت من تحت الزمان
    اجمل فصول الرقة ذاتا
    شوفوها وكتين انبرت
    حورية في ذوقا وصفاتا
    شالت الباب العقول
    وكتين بقت وسط السباتة
    والليلة يا بخت السباتة
    الاينعت من طول سباتا
    الليلة يا بخت السباتة
    الحققت كل امنياتا
    راقصت نهد الحرير
    شالو الضجر لسنين تلاتة
    لامست حافي القديم
    واتفرجت في القمرا ذاتا

    وخير ما اختم به.. صدق مشاعرنا ككردفانين عامة..وكباراويين بصفة خاصة..بعودة عبد الرحمن عبد الله معافي..وآخر دعواي..يطول عمرك مع العافي..يطول عمرك مع العافي...
                   Subscribe on YouTube |Articles |News |مقالات |اخبار

15-05-2006, 02:26 AM

gamal elsadig

تاريخ التسجيل: 07-07-2005
مجموع المشاركات: 3075
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    الاخ / سيف


    لك التحية والسلام ولكل ابناء كردفان اين ما حلوا

    ونحمد الله كثيرا على شفاء بلوم الغرب الفنان عبد الرحمن عبد الله

    وتحايا وتقدير لكل من شارك في تكريم هذا المبدع


    وما اجملها من سياحة التي اخذتنا فيها في كل شبر من ربوع كردفان


    حقيقة اعدت ماكتبته اكثر من مرة ولم اكتفي .....

    انه الحنين و الشوق الى هذه البقعة من التاريخ إنها كردفان

    انهم الاهل والارحام .....

    واصل هذا الامتاع سيف علنا نجد فيه العزاء


    جمال حسين
                   Subscribe on YouTube |Articles |News |مقالات |اخبار

15-05-2006, 08:28 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: gamal elsadig)

    العزيز جمال

    تحياتي

    مروركم هنا اسعدنا..ولا يسعنا الا ان نرحب بك ترحيبا كردفانيا جزلا..ونقول لك..يزيدك زايدا من الله..الم يقل عبد الرحمن عبد الله في احدي رمياته..كردفان ذكراك ديما معايا..اخي ان لها سحرا..انها تجري منا مجري الدم..وما كتبته هنا..قليل من كثير..وقد كنت عجلا..ولم اكن مهيأ له..فقد جاء اندلاقا..عفو الخاطر..دون ترتيب ..آمل ان اجد من الوقت متسعا..لاكتب تفصيلا عن كردفان..عن كل شئ فيها..عن تاريخها ،قبائلها،اقتصادها ..فنها،رجالها ونسائها..وآمل ان يسهم معي آخرون..ارجو من الاخوة علي اسماعيل،يحيي عبد الكريم،عبد المنعم عجب الفيا..عبد اللطيف بكري ان يدلو بدلوهم هنا..

    لك جمال كل ودي
                   Subscribe on YouTube |Articles |News |مقالات |اخبار

15-05-2006, 02:54 AM

Ridhaa

تاريخ التسجيل: 05-02-2002
مجموع المشاركات: 9926
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    hidden=true><mcg /><mcl /><BGSOUND src="http://www.sudaneseonline.com/SudaneseMusic/music/abdelrahmanabdlla/Kabashi.wma"><mcg /><mcl />
                   Subscribe on YouTube |Articles |News |مقالات |اخبار

15-05-2006, 09:48 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: Ridhaa)

    العزيز رضا

    تحياتي

    اشكرك علي المرور..وعظيم امتناني علي ما اتحفتنا به..هذا الرابط(منعش للروح ويجلو صدي القلوب)..وهي مناسبة طيبة للحديث عن اغنية الجراري الكردفانية..وهو ايقاع يتطاول ما بين السرعة والبطء..محاكيا سير الابل..حينا تجده وئيدا تتسع خطاه كمسيرة البعير..ويسرع تارة كوخيد الابل ايضا..ويتسارع اكثر كما يجري البعير في مضمار سباق..واهلنا في كردفان يصنفونه بالتقيل والخفيف..التحتاني والفوقاني..وهو منتشر في نجوع الابالة في شمال وغرب كردفان وله وجود في شرق كردفان..دور الصبيان الصفقة والكرير..والفتيات يرقصن..بصدورهن بامالة او قل انثناءة(يتبارين فيها) الي الوراء..مع ابراز الجيد..وتحريك الرأس علي طريقة البعران..ويلحظ ان يدا تحرس صدرا طامحا..واليد الاخري الي الوراء..تكملة للانثناءة(وتمام الفدعة)..والراقصة بكاملها وهي تهتز مع ايقاع ارجل الصبيان وصفقتهم..متماهية مع اللحن..تشبه(الوزين البي صديرو عام)..او كسير،وخيد،ركض الجمل..ليت الاخوة ..الموسيقيين يمرون من هنا(لاكدمة) الامر..
    والاغنية في الغالب ..يبدؤها مغن اومغنية..ويضيف اليها آخرون..فهي ككرة الجليد..احيانا تضاف ابيات الي اغنية في مناسبة بعينها..فتصبح جزءا منها..غير ان لكثير من اغاني الجراري قصص..وتجارب غرامية حري..ولعلي اقف عند الليموني ..لاني مدرك لقصتها..وهي بوح ..فضح غرامي..لم تحتمله صاحبة الليموني..ولا شك ان جيوشا من العشاق قد اضافوا الي اغنية الليموني علي ذات نهجها..من واقع تجاربهم هم التي اختلفت زمانا ،مكاناوكيفا عن تجربة ..صاحبة الليموني(الاساسية)..
    من هو الليموني؟ من هو كباشي؟

    فيما يروي الرواة..والعهدة عليهم..نشأت هذه الاغنية..في ام سيالا..بدار حامد ..نواحي بارا..في الطريق البري المودي الي ام درمان..وفي ام سيالا كانت هناك محكمة للشيخ او(السير محمد تمساح)..ناظر عموم دار حامد(وهو من فخيذة الهبابين)..وقد لقب الشيخ محمد تمساح (بزانوق)..اشارة الي حزمه ومحاصرته للذين يمثلون للتقاضي أمامه..وكان كاتب هذه المحكمة..العم امين سيد احمد قريش..اخ رجل الاعمال المعروف(صاحب التبلدي الهندسية..البردجستون)المغفور له جعفر قريش..وهو من مدينة بارا..وقد كان رجلا جميلا..ذو وسامة لا تخطئها عين.. وامتاز بجمال الاسنان التي نصع بياضها..وهو عف يرزن القول والفعل..لذا كتب الشقاء لمن شغفن به..فهو ممن احسن الله اليهم وعصمهم عما هو حرام او مشتبه..وفي الاغنية ،تدفق،احتجاج علي الصد والهجران..ملاحقة ،ثم قرار بالفرار والهجرة..حيث يرد اسم كباشي..وكباشي هذا يقال في رواية انه كباشي حسن الفقير من بارا..وكان يسكن ام قرفة وهو صاحب لواري تعمل في ذاك الخط..فالعاشقة تستنجد به وتطلب اليه القبول ..بنقلها الي دار هجرتها في ود بندة نواحي النهود في غرب كردفان..ورواية اخري تقول انه سائق من اهالي ود بندة..قررت الشاعرة ان تختارها دارا لهجرتها(مستعينة بالذي ينتمي اليها) بعد ان لاقت صدودا وجفاء ممن اندلقت في حبه..وربما رجحت الرواية الثانية عندي ..في شأن كباشي..ويعود هذا الي انني قد سألت العم كباشي (رحمه الله) عن الرواية التي هو بطلها فنفاها..لا ادري وقارا..ام حقيقة انه لم يكن معنيا بالامر..ربما لان ابطال هذه القصة من بارا..فقد افتتن اهل بارا بهذه الاغنية..حفظوها وتغنوا بها..
    هذه التي تغنت له..غالبها الشغف فباحت..اغنية صارت تتناقلها الاجيال جيلا بعد جيل..ولعلي اقف علي مطلعها..ثم اعاود منجما لبقية ابياتها..وتجدر الاشارة الي ان اجزاء من هذه القصيدة لم يوردها عبد الرحمن عبد الله فيما تغني به..
    زولا سنونا بروق
    في محكمة زانوق

    اي..انسان برقت اسنانه من بياض وجمال(وهي محاكاة لظهور اسنان الرجل ببروق الخريف في كردفان ويالها من بروق)..والشطرة الثانية..اشارة تشبه التصريح..اشارة الي المكان الذي يتواجد فيه او يعمل به ..وهو محكمة الشيخ محمد تمساح (زانوق) بام سيالا..
    *نلاحظ ان حمد الريح الذي ..غني هذا المقطع فيما غني من اغنية الليموني..لا يحسن نطق كلمة(زانوق)..فيخرجها (زنووك)..وهذا مما يعاب علي فنان في قامة حمد..

    نواصل....

    لك مودتي رضا

    (عدل بواسطة saif khalil on 15-05-2006, 09:54 AM)

                   Subscribe on YouTube |Articles |News |مقالات |اخبار

15-05-2006, 10:07 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    آمل ان يتحفنا الاخ علي اسماعيل والذين صوروا حفل ابو ظبي..بما سجلته كاميراتهم هنا في هذا


    البوست الاحتفالي....
                   Subscribe on YouTube |Articles |News |مقالات |اخبار

15-05-2006, 10:39 AM

محمد حامد جمعه

تاريخ التسجيل: 26-11-2004
مجموع المشاركات: 6807
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    صبرك لحظة واحدة ... اتزود بغنية وارجع انسجن فى بوستك دا يا ابو السيوف
                   Subscribe on YouTube |Articles |News |مقالات |اخبار

15-05-2006, 10:54 AM

معتز تروتسكى

تاريخ التسجيل: 14-01-2004
مجموع المشاركات: 9829
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: محمد حامد جمعه)

    ازيك ياخال
    اقصد اخوى الكبير. .
    صدقينى مشتاق ليك كتير ؛بالرغم القرف الحاصل..
    اخبارك وصحتك ؛والاهل والوليدات نعلكم بخير...
    جيت مارى على عجل لكن صدقنى ماوقفنى بوست غير بوستيك ده؛ حتى الموجود عن كردفان ..
    مع العجلة دي ماعندى غير اقول ليك كما قال العميد حمادة. .
    Quote: صبرك لحظة واحدة ... اتزود بغنية وارجع انسجن فى بوستك دا يا ابو السيوف

    لانى الان متزود باغانيهو ..

    وكل ماسمح الوقت بديهو دفره الكلام السمح ده..
    ولى قدام..

    سلام يغشاك وقيل بعافية..

    التحايا النواضر..
                   Subscribe on YouTube |Articles |News |مقالات |اخبار

15-05-2006, 11:31 AM

على اسماعيل

تاريخ التسجيل: 25-03-2004
مجموع المشاركات: 1777
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)

    وانت كمان يطول عمرك مع العافى استاذ سيف خليل...

    شكرا ياابو السيوف سارجع ليك بالرواقة (انت عالم بحالى ) .. تشكر كثير على هذه الاضاءة القيمة وربنا يديك قدر نيتك ...
                   Subscribe on YouTube |Articles |News |مقالات |اخبار

15-05-2006, 11:45 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: على اسماعيل)

    حبابك علي


    الله لا جاب يوم شكرك..لقد اتحت لنا من الجمال متسعا..

    حالك معلوم..ربنا يشدك ويقويك..

    ماني لايمك ..قضي غرضك وتعال..ولو زودتني بتلفون الاستاذ عبد الرحمن اكون شاكرا لك..ولو كانت

    هنالك امكانيه ..صور له هذا البوست..فله فيه حق..اذ انه الهمنا به..ولو كانت لديه اضاءات

    واضافات ..نحن علي استعداد..

    لك ولضيوفك التجلة..


    لك مودتي
                   Subscribe on YouTube |Articles |News |مقالات |اخبار

15-05-2006, 11:40 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)

    اخوي معتز

    تحياتي

    اخبارك والاهل

    طلتك تفرح..وخطوتك عزيزة بلحيل

    انتو ناس شريمات بتحبو العتان..ليك عتوتا ربيب

    تعال بسراع..لا تتأخر

    البوست دا ..طلع اهلك كلهم اولياء..

    مساهمتك..غير مقبولة..المتاوقة دي ما بتنفع..نحنا ناس قنبو طولة

    راجي قلمك الرشيق ..لاضاءات عدة


    لك المودة
                   Subscribe on YouTube |Articles |News |مقالات |اخبار

15-05-2006, 11:32 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: محمد حامد جمعه)

    ود حامد


    حبابك عشرة ..بلا كشرة

    قنب طولة..

    سير وتعال بسراع..


    اني ساير العد..


    ليك الضبيحة يا ود حامد..الخروف الاريبد راجيك..


    لك الود
                   Subscribe on YouTube |Articles |News |مقالات |اخبار

15-05-2006, 04:16 PM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    زولا سنونا بروق
    في محكمة زانوق

    هذا ما اقدمنا علي محاولة شرحه ..في مداخلة سابقة..ويليه

    الغالي تمر السوق
    كان قسمو ما بحوق



    هذا وصف لمن تعشقته هذه الاعرابية..تصفه بعلو المكانة والقدر..(والغالي تمر السوق)..تعبير يعني علو المكانة والقيمة الاجتماعية..والندرة..(كان قسمو ما بحوق)..اي لو قسم بين الناس لما كفاهم..هذا مما له من حلاوة تجعل الناس يستزيدون منه..فيستهلكه البعض دون الآخر..

    اسمك تقيل يا فلان
    زي حنضل القيزان


    رغم البوح..الا ان المراة السودانية..او قل الكردفانية..لا تتجاوز دائرة التلميح الي التصريح..لذا يصعب عليها التصريح باسم المحبوب..وهو في ثقله..كطعم الحنظل..العلقم ..الذي ينمو في بلدات كردفان..مستخدما في صناعة القطران..وكعلاج عشبي لبعض الامراض ..وحينا كعلف للبهائم..
                   Subscribe on YouTube |Articles |News |مقالات |اخبار

15-05-2006, 06:23 PM

Imad Khalifa

تاريخ التسجيل: 26-11-2004
مجموع المشاركات: 4318
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    ناس كردفان الغرة
    سلام جاكم وحمدا لله علي شفاء البلبل عبد الرحمن عبدالله.

    تحياتي

    عماد خليفة
                   Subscribe on YouTube |Articles |News |مقالات |اخبار

16-05-2006, 05:22 AM

معتز تروتسكى

تاريخ التسجيل: 14-01-2004
مجموع المشاركات: 9829
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: Imad Khalifa)

    أجاشـة الى الحبيبة كردفان...
    تحضرنى بعضا من خيول الرقص الكردفانى الحميم وتتطاير امام عينى حبات من ودع شبال يلامس خد الانيقة وبهرجة ... واقف مشدوها كالغريب !! ..
    ولكن مايقف حائلا استاذنا سيف عندما نفيق على صوت يردد:
    وهاهى فضاءات الواقع تصبح ذكريات يضاجعها السراب من كل الاتجاهات يلفها الضباب ؛
    ياتيها النسيان من كل الابواب وهى تقرر لنا بكل الجفوه التى فى تفاصيلها ان (نودع) كما لو انننا لم نكن معا ثم نذهب ؛كما لو اننا لم نحفر قافية فى خاصرة اللغه ونجلس.
    حبيتي كـــردفان...
    لكنه وداع على غير المالوف وذهاب لا كالذى يدين للبقاء بعض التراجيديا من ازدهاره يوما ما فى شكله ما..
    وعندما تفشل تلك الوسائط فى ان تستجيب..ويبدا التكلف فى صنع العواطف تجاه تلك الديار الكردفانية!!!
    انها لحظات الغياب (استاذ سيف) فى لا عاطفية السراب ازدهاره
    يوما ما بوهلة الوداع
    ولايتوحد مع ملابسات الذهاب
    فللذكرى هناك كلمة ،
    وللذكرى بينهم موسم يجسد امسنا المتعب وماضينا المسقى بما الماقى المحمى بشفاعة العتمه ربما...
    وايضا لست عازفا عن الالتقاء بالصدق فى حقل قافية استمرات بالشوق والحنين واللهفه واستعذبت تجديد مطارقها بمجرى دموع (خور ابوحبل)..
    وان يحزن الرجل برفق تلكم الجروف وتتمرد فيه بقوة المنافى ووحشتها ليس بهو الشى الذى يصبح ملاذ يستعيذ به عن وطن النجوم (كــردفان) ومن ضياع الصحاب لكن انها تبدو اقرب من الليلة الاخيره فى غرام امراءة لم تهد تشكل ضاحية ساخنه لرجل يشتعل..
    وعندما تبدو على وجهى غريزة الفضول والمستحب والاتجداء الغارق فى تجاوزات الكبرياء ؛ لم اجد من يتكرم بتجريد روحه من حيادها النوعى كموقف الزامى للاشتهاءات التى تبحث عن الممارسة؛
    سابدا حينها فى تاسيس وطن لى وحدى هو كل الحب هو (كردفان)واغلقه على نفسى بكل انانية ويبقى حبى لذاتى نوعا من ذاك الطرف الواحد حتى لا يحصل ماحصل طوال سنوات فصولى التى سلسلت فى جراحى مباضع الكلمة لحيثيات الشفاء من وجع المكان الذى نشتاق اليه ؛
    وعندما يختلس منها الماضى النظر ؛الى جسارة اى مننا فى مراءة دواخلة ومايقدمه تجاه لحظة استلاب ان كان حاضر يختلس منه الماضى ..
    كنت اريد ان اقول(حبيبتي) دون ان يكون هناك مناسبة اى ايقاع مترف للجرارى او سلمنا الموسيقى السباعي؛ ان الانسان منا عندما يكون مولود بطعم معاناة فريدة وان حزنه هو حزن الاخرين الذين ولدنا وفى افواهنا ملاعق من فقر الحياة وفى ايامنا مجهول يسوق فن الضؤ والوضوح الى قاع الرتابة يصبح مالنا ان ننتهى الى صفر الحياة وبين يدينا كلمة قيل لها فحملت انفعالها الاخضر ونشفت من فرض الافعال (سمهوها ما تسموها)!! ..
    هذا المداد (الكردفاني) ليس وطن ما...
    بل لوطننا الداخلى الذى يقول واسمعه يغنى لنا ومنا وبنا ...
    ويسلسل فى جراحكم مباضع الكلمة لحيثيات الشفاء من وجع وطنكم الداخل ويتسال على اي قدر هو من النقاء والخديعه ايها (الكردافة)؟؟؟!!



    *وليلي الشايلو من عمرى..
    كيف ريدك صبح قدرى..
    ودمعه حبيسة فى خاطرى ..
    الملم للفرح وكتى ..
    واقول بختي..
    ولما الريد ..(ياكردفان)..


                   Subscribe on YouTube |Articles |News |مقالات |اخبار

16-05-2006, 05:27 AM

معتز تروتسكى

تاريخ التسجيل: 14-01-2004
مجموع المشاركات: 9829
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)





    بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظمة
                   Subscribe on YouTube |Articles |News |مقالات |اخبار

16-05-2006, 09:46 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)

    معتز

    كمان جايب ليك صور ..ات عايز ترجعنا ولا شنو..برانا قلبنا خفيف ..مالك علينا

    وجبال الابيض دي(كان ما بقت جبالا تانية) .. انا من زمان مجنناني..خاصة لمن تكون في الخريف ....


    شكري اللامحدود..وتام ودادي
                   Subscribe on YouTube |Articles |News |مقالات |اخبار

16-05-2006, 09:40 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)

    العزيز معتز


    تحياتي


    يا وليد فت الكبار والقدرك..كلامك بنقط عسل..وكردفان حقيقة بهذا الاندلاق والانسكاب..هذا يندرج

    تحت باب البوح المستحق..فأيه يا مولاي ايه

    لك مودتي

    (عدل بواسطة saif khalil on 16-05-2006, 09:49 AM)

                   Subscribe on YouTube |Articles |News |مقالات |اخبار

16-05-2006, 09:36 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: Imad Khalifa)

    الماجد عماد خليفة

    تحياتي


    نشكر هذا المرور الانيق..يسمع منك الله ويتمم شفاءه لبلوم الغرب




    لك صادق مودتي
                   Subscribe on YouTube |Articles |News |مقالات |اخبار

16-05-2006, 10:25 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    نواصل في تسليط الضوء علي اغنية الليموني

    اسمك تقيل يا فلان
    زي حنضل القيزان


    زارعنا في الحيضان
    ساقنا بالتيران


    شبهت الشاعرة من تغني له..بالليموني..نسبة لليمون..والذي عرف بانه يزرع في بارا..وبارا هي من المناطق القليلة في كردفان..التي تزرع الليمون..ويزرع اهلها ما يزرعون في احواض(الحيضان في الاغنية)..هذا ما يقضي به نمط الزراعة المروية..والزراعة المروية هي نمط زراعة اهل بارا في سواقيهم ..التي كانت تجر حلقاتها الثيران(التيران في الاغنية).. علي غير ما جرت عادة اهل كردفان في الزراعة..التي عادة ما تكون مطرية(زراعة البلدات)..ولعل هذا يدعم الرواية التي تشير الي ان الليموني هو عمنا المرحوم امين قريش..

    زارعنا في البورة
    ووطاتا ممطورة
    زولا سمح صورة
    وبالفاتحة بندورا


    البورة..كما هو معلوم..الارض التي تترك من غير ان تفلح..وذلك من اجل ان تكتسب الخصوبة..ويزيدون علي تركها..بان تطلق فيها البهائم..فتضيف اليها مما تخلفه خصبا وسمادا طبيعيا..والارض(البورة)..في كردفان ..تعتبر ارضا طيبة لجودة ما تنتجه..وفي ذلك اشارة..الي كريم اصل المحبوب..وجماله كشأن ما تنتجه الارض البور من زرع يسر النظارة..وامعانا في مدح هذه الارض..وصفت بأنها (ممطورة)..اي انه اصابها وابل وطل..حتي الرواء..اذن اصل الممدوح طيب(كالارض البور)..ومظهره ومخبره طيب جميل..كالزرع الذي تطرحه الارض البور (الممطورة)..
    ويؤكد ما ذهبنا اليه..الابيات اللاحقة..زولا سمح صورة(كزرع استغلظ سوقه ..يعجب الزراع)..جمال صورته وكريم اصله جعل ..الشاعرة ..تحرق المراحل..متمنية الزواج منه..دون ان تكلفه شططا..لا شبكة ولا مهر..فقط(بفاتحة الكتاب)(بالفاتحة بندورا)..تيسيرا للامر واختصارا لما يستطيل من خطوات..فضلا عما في ذلك من بركة..حقيق بها المحبوب..

    (عدل بواسطة saif khalil on 16-05-2006, 12:34 PM)

                   Subscribe on YouTube |Articles |News |مقالات |اخبار

16-05-2006, 10:55 AM

Alshafea Ibrahim

تاريخ التسجيل: 12-12-2004
مجموع المشاركات: 6673
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    أخي سيف والجميع

    هنئا لكم هذا الإبداع والجمال
    للأمام
    ومنتظرين المزيد
    أخوكم
    الشفيع
                   Subscribe on YouTube |Articles |News |مقالات |اخبار

16-05-2006, 12:38 PM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: Alshafea Ibrahim)

    الاخ الشفيع

    تحياتي

    زارنا الغيث

    طلتكم افرحتنا

    تعال بفرشاتك..ودعنا نرسم لوحة ..لجزء عزيز من وطنا


    حبابك عشرة..ولك الود
                   Subscribe on YouTube |Articles |News |مقالات |اخبار

16-05-2006, 08:07 PM

Ridhaa

تاريخ التسجيل: 05-02-2002
مجموع المشاركات: 9926
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)


    الاخ الأستاذ سيف خليل
    سلام ...

    سياحة جميلة وتنوير عن ربوع كردفان الخير ...

    حفظكم الله

    نرجو المواصلة
                   Subscribe on YouTube |Articles |News |مقالات |اخبار

17-05-2006, 10:53 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: Ridhaa)

    الاخ رضا

    تحياتي

    نسعد باطلالتكم..دوم


    Quote: نرجو المواصلة



    اكيد..بس ايدكم معانا..ايد لايد تجدع بعيد..والايد الواحدة ما بتصفق..


    لك المودة
                   Subscribe on YouTube |Articles |News |مقالات |اخبار

17-05-2006, 11:40 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    نواصل في استعراض ابيات قصيدة الليموني


    زارعنا في بارا
    وساقنا الجمالا
    زولا ستر حالا
    في الغربة البطالة



    نلحظ هنا ..ان الشاعرة..قد غالبها العشق..فاصبح شعرها الي التصريح ادخل..بقدر ما حاولت ان تتجنب الامر..(الحيضان) (البورة)..في الابيات السابقة..هاهي تسقط في شواطئ بحر التصريح..(زارعنا في بارا)..ماذا بقي..الزول سنونا بروق..ويعمل في محكمة زانوق..وزارعنا في بارا..انه هو ..عمنا المرحوم امين ..

    (ساقنا الجمالا)..الجمالا هم اصحاب الجمال..والسقاية بالجمل..عند اهل كردفان ..تشير الي معاناة بالغة..اذ ان الجمال تستخدم لجلب الماء من الاماكن البعيدة..او لانتشال الدلي من الابار العميقة..(بير ام لواي)..فهي تشير الي انه(الليموني او الحبيب)..قد عاني الناس في سقايته..ولو دعت المعاناة هذه لاستخدام الجمال والجمالا..لان ينشأ الليموني..ينمو ..يخضر..امر من الاهمية بمكان..

    ولا ..تنسي الشاعرة..ان تشير الي نتاج..هذه المعاناة في تنشئة (الليموني)..فقد نما ..كاملا..فهو الاديب المهذب..(مستور الحال)..وسترة الحال عند اهل كردفان..تعني دماثة الخلق..اذن المحبوب من ..الموطئون اكنافا..الاحسنون اخلاقا..بدرجة جعلته..مستور الحال في بلد هو غريب عنها..ولم يتمثل قول الخبثاء المنفلتين(بلدا ما بلدك امشي فيها عريان)..هذه المعاني ..صاغتها الشاعرة ..ببراعة في البيتين..

    زولا ستر حالا
    في الغربة البطالة


    نكتفي بهذا القدر..لنعاود لاحقا استعراض ما تبقي من ابيات في القصيدة...الي ذلك الحين...

    لكم مودتي..
                   Subscribe on YouTube |Articles |News |مقالات |اخبار

17-05-2006, 12:35 PM

أحمد طه

تاريخ التسجيل: 31-03-2004
مجموع المشاركات: 580
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    up.....حتى أعود بالروقه للتعقيب على هذه السياحه الكردفانيه الرائعه.
                   Subscribe on YouTube |Articles |News |مقالات |اخبار

18-05-2006, 05:23 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: أحمد طه)

    الاستاذ احمد طه


    تحياتي


    زارنا الغيث..خطوتك عزيزة

    عودتك مرجوة..فلك من المعرفة بالشعر والموسيقي..ما يقوم (العوج..الكتير)..الذي جاء في خواطري

    المرسلة ..هنا

    يستنضجني جمر الانتظار ..لعودتك ومشاركتك..

    واتمني ايضا..ان يزورنا اهل الموسيقي..الموصلي ،حمزة سليمان،وخاصة عمر بانقا

    لك المودة
                   Subscribe on YouTube |Articles |News |مقالات |اخبار

18-05-2006, 08:13 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    ونواصل استعراض ابيات اغنية الليموني ..بعد ان انتهيناالي..

    زارعنا في بارا
    ساقنا الجمالا
    زولا ستر حالا
    في الغربة البطالة

    نجئ الي


    زولا سرب سربة
    وخت الجبال غربا
    شوفو لي شربة
    خلي ال..نقص دربا




    (زولا)..هي اشارة للحبيب..(سرب)..تعني سافر ليلا..ولها في كردفان استخدامات تختلف باختلاف المنطقة..السفر عند الظهيرة(الضحا او الضحوية) عند بعضهم(سربة)..عند العصر..عند بعضهم (سربة)..هذا غير سفر الليل..وايضا يقولون ..ان فلانا قد سرب بالبهائم ..اي سار بها لترعي ليلا..
    وسافر عند اهل كردفان لها مرادف آخر..هو(ختر)..يقولون ان فلانا ختر..خاتر..

    يعني..ان الحبيب قد سافر..ربما ضحي ..عصرا او ليلا..والراجح انه ..ما بين العصر والمغرب..بناء علي استخدام اهل منطقة الشاعرة ..
    خت الجبال غربا..(خت)..اي ترك الجبال ناحية الغرب من اتجاه سفره..

    ازاء هذا السفر المفاجئ للحبيب..ويرجح انه مفاجئ..او علي اقل تقدير..لدي الشاعرة..ونرجح فجائية السفر ..لان اهل تلك المنطقة لا يحبذون السفر ليلا..الا لطارئ.. ذهاب الى عزاء ..معاودة مريض..الخ..الا انهم في الغالب يحبذون ..سفر الفجرية او الدغش..فضلا عن انها لم تستطع مرافقته في الحين..بل قررت لاحقا.. اللحاق به ..كما تشير الابيات التي تلت..(خلوني النقص دربا)

    ازاء هذا السفر ..ايا كان..مفاجئا او مرتبا له..ماذا تفعل العاشقة؟؟..قررت العاشقة بحزم..ان تلحق بمحبوبها..وعلي رؤوس الاشهاد تعلن..وتستنجد..(ادوني لي شربة) وفي رواية(شوفو لي شربة)..
    (الشربة)..هي الماء زادا.. لطريق طويل وسفر شاق في ارض شبه صحراء..وربما كان الي مجهول..والتزود بالماء للمسافرين..راجلين(اقروب في لهجة كردفان)..او علي ظهر (زاملة)..الزاملة هي الركوبة ايا كانت حمارا ،جملا..
    كاني بهذه الاعرابية..تستنجد وفي مخيلتها ..(سعن)او(ركوة)..ماء..يجود بها محسن من المحسنين..الذين يقدرون ما هي عليه..
    ماذا تفعل بعد ان جاد عليها من استجدت به ..بركوة او سعن ماء؟..انها لن تالوا جهدا في ملاحقة الذي شغفها حبا..(خلي..خلو..خلوني)..هذه روايات مختلفة وهي كلها مستخدمة كلهجة محلية..تعني اتركوني،دعوني..(النقص..انقص)..ال،ا..عند اهل كردفان تستخدم بمعني(حتي)(حتي اذهب الي السوق)..او (لام)تسبيبية(لنذهب الي السوق)..ويمكن للفرد الكردفاني ان يتحدث بلغة الجمع،جاعلا من نفسه مؤسسة بحالها..كما هو الحال في (نقص)..التي تعادل (اقص) في لهجات أخري..تدخل النون عند الكردفانين..مثلا(انا داير نمشي السوق)بدلا عن... (انا داير امشي السوق).. و(دربا) هي طريقه الذي سار عليه او به ،أو بمعني آخر (أثره)..بناء عليه نقرأ البيت(خلوني النقص(انقص)(بتشديد النون)دربا)..هكذا.. دعوني أواتركوني اتقفي اثر حبيبي..

    لكم مودتي ووعد مني بمواصلة ما بدأ

    (عدل بواسطة saif khalil on 18-05-2006, 08:18 AM)

                   Subscribe on YouTube |Articles |News |مقالات |اخبار

18-05-2006, 06:16 AM

معتز تروتسكى

تاريخ التسجيل: 14-01-2004
مجموع المشاركات: 9829
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: أحمد طه)

    استاذنا سيف
    سلام جاك..

    شقيق قولي مروح..
    قبال صباحنا يبوح..
    ولا مابقدر اسيبك.
    قلبى يشيلا يروح..
    ماتحنى قليبى اليود مستنى
    وراكِ الريد شاغلنى..
    هي بدرِوك تسالنى عنى..

    انها من الحالات التى تدع الجفن طويلا لايغمض..
    حيث الذهاب القسري الى احلام اليقظه المتواضعة بانحناء...


    كـــردفــان ...
    حيث الحرف ؛حيش العيش (الدريش والفتريته)..
    حيث الفراسة..والفزع
    حيث كل حيث وتموت الاهه..
    لكن دائما تُـحيها تلك الغيمة ..
    التى تظللنا وتكب فى ذاك الرهيد..
    كيف وهى...
    ما غيمة ريد تكب في رهيد....


    لكن اراحها من اعصار القلب حين الاغنية التى لاتليق الا بالقبيلة؛..
    كـــردفــان..
    هــا انها تمارسة باحساس مفتوح على مصرعية عندما يستبيح الصوت مشاعرها الاقليمية وتسمع:-
    يابــلومى شـيل السـلام....


    كـــردفــان..
    وكم كانت تخشى ان يفترسها وحش الاعتماد على الكلام الفارغ فملأت حقائبها من موسيقى الرجل (عبد الرحمن عبد الله) وكانت هي ماتخاف منه وكذلك لانه لم يبقى غيره!!!
    ويلا ياقميريه..
    ياحلوه يا اغنية..
    ودي الشوق لديارهم..
    وغني بي حنية..

    ....
                   Subscribe on YouTube |Articles |News |مقالات |اخبار

18-05-2006, 06:34 AM

معتز تروتسكى

تاريخ التسجيل: 14-01-2004
مجموع المشاركات: 9829
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)


    مدرسة شريم الكرامشة الابتدائيه المختلطه..
    تأسست عام1949م...




    جبال النوبة.
                   Subscribe on YouTube |Articles |News |مقالات |اخبار

18-05-2006, 07:55 AM

Yahia Abd El Kareem

تاريخ التسجيل: 26-02-2005
مجموع المشاركات: 821
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)

    الاخ سيف الدولة...

    الاخ تروتسكى....

    تلك الامسية الكردفانية اعادت الى الخاطر والقلب اياما حميمة فى اب قبة فحل الديوم ...

    المدرسة الشرقية الاولية ثم الابيض الاميرية و حقبة تمثل عندى كتاب تفتح عنده عقلى على

    وانا الاتى وقتها صبيا يافعا قضيت ايام الطفولة الباكرة فى قرية المغاوير " غرب شندى "

    حيث المولد وايام دراسة انقطعت حتى سنة رابعة اولية...ولك ان تخيل يا سيف " جعلى كردفانى"

    وهكذا السودان مصغرا فى كردفان ...والابيض وقتها كانت ناضرة مخضرة تحيطها الغابات بالجهات

    الاربع وهى غابات محمية بالسلك الشائك ولك ان تذهب الى الصيد حتى عام 68 بالتقريب وبعد عام

    70 بدا التدهور وقطع الغابات لتحل محلها اطنان الطوب واظن غابات كردفان عموما بدات فى

    الزوال بعد سبعبينات القرن الماضى...كانت المدينة لاتزال برئية وملامحها مميزة والناس متحابين

    لا تكاد تفرز ولاتميز بين بحارى او جلابى وبين اهل المنطقة من بديرية وجوامعة وو وو ...والابيض

    احتفظت بهذه الميزة الى اليوم والصورة واضحة فى افراح واتراح اهل الابيض....

    وسأعود ببعض ما احتفظت به الذاكرة الخربة عن كردفان واسفارى فى اصقاعها بعد ان ضاعت عنى

    الصور الزاهية الجميلة عن ايام الصبا بالابيض...
                   Subscribe on YouTube |Articles |News |مقالات |اخبار

18-05-2006, 08:58 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: Yahia Abd El Kareem)

    الاستاذ يحيي عبد الكريم

    تحياتي

    لك شكري جزيله علي مرورك..وامتناني اعظمه لوعدك بعودة ..لا شك انها مرجوة..فلقلمك اضاءات احتاجها..لتنقشع عتمات في بعض زوايا ما كتبت..

    الجعلي الكردفاني..او الكردفاني الجعلي..لا اظن ان اهل كردفان ..يعرفون غير يحيي الكردفاني..ولو رقدت في مؤخرة ذاكرتهم ..انك من المغاوير..ومثلك لا حصر لهم..هذا حالهم معك انت..وحالك انت معهم..رغم هجرتك المتأخرة..فما بالك بالسابقين ..الذين اقتطعت لهم الحواكير..واقاموا العموديات والمشيخات..الم يسعوا حثيثا ..لان تجري فيهم او في ذرياتهم ..دماء كردفانية..فتزاوجوا،تصاهروا وانتسبوا..

    ربما جاء يوم ..لنسمع لك نسبة..تختارها انت او يسبغها عليك احدهم..يحيي البديري ،الكباشي،الجامعي او المجنوني..لي ان استشهد بما كتبت استاذي الباهر..

    Quote: لا تكاد تفرز ولاتميز بين بحارى او جلابى وبين اهل المنطقة من بديرية وجوامعة وو وو ...والابيض

    احتفظت بهذه الميزة الى اليوم والصورة واضحة فى افراح واتراح اهل الابيض....




    لك مودتي ..

    (عدل بواسطة saif khalil on 18-05-2006, 09:02 AM)

                   Subscribe on YouTube |Articles |News |مقالات |اخبار

18-05-2006, 08:43 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)

    يا وليد

    كمان شريم الكرامشة

    اكيد الليلة انا متعشي مع العمدة اللمين محمد طاهر..

    وكمان جبال النوبة..اي جبل هذا ..دلنج،كدوقلي،شات،تلو ،مورتا

    عدت بي الي ايام طفولة ..عشت جزءا منها في تلك الديار

    ما اروع توتو كورو عاريا من زيف هذه الدنيا..

    او ذاك الذي افتتن ..ببنية نوبة

    انت من تلو
    ولا من مورتا

    ولا قمرا
    ضل طريقو
    علينا جا


    ..بكري محمد مدني،بابكر خليل،عباس خليل،المرحوم عروة عبد الحفيظ،ذا النون وانس عبد الحفيظ..المرحوم عبدلا محمد مدني..الفاتح عبد القادر،حمد ادريس،امام بشري..ما اروع تلك الايام..

    نقارة البفارة
    وكرنك النوبة
    وما بينهما من اغاني وايقاعات الدرملي
                   Subscribe on YouTube |Articles |News |مقالات |اخبار

18-05-2006, 08:33 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)

    معتز


    تحياتي


    تبتدرني..شقيق قول لي مروح؟

    وقبل ان أجيب..تضع أمامي صورة خورطقت..وطريق الابيض..واصيل كردفان؟؟


    بماذا..اجيب؟..حتما قد (طار القليب) الي هناك..

    خوفي ان احزم حقيبتي(مستفا فيها الغربة بمآسيها،تجاربها ودراهمها ايضا)..والي هناك

    لامشي بارا
    وديك ام روابة

    والابيض غرد حبابا


    لك المودة
                   Subscribe on YouTube |Articles |News |مقالات |اخبار

18-05-2006, 09:03 AM

إسماعيل التاج

تاريخ التسجيل: 26-11-2004
مجموع المشاركات: 2514
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    ود خليل

    يا أخي أنا القربت أسافر. بس لي وين في كردفان؟ ما عارف. بس المهم أسافر لأي حته هناك.

    تحياتي ليك ولكل أهل كردفان جمال الطبيعة والدواخل.

    استمتع بالقراءة التي أروع ما فيها أنك تكتب للجميع وليس للكردفانيين فقط.

    وهذا تكتيك يمنح شعوراً مجانياً للقاريء بأنه يعرف كلما تحكي عنه وأنه جزء من تلك الأماكن وذاك الإرث الرائع.

    أتمنى أنْ يحدثنا أحد الكرادفة عن سحر جناين (البان جديد) وحلاوة (موية أم روابة) وفي انتظار المزيد من (ليمون بارا).

    تشكراتي وأشواقي
                   Subscribe on YouTube |Articles |News |مقالات |اخبار

18-05-2006, 02:13 PM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: إسماعيل التاج)

    العزيز جدا

    مولانا..رغم ان مولانا هذه ..لست معتادا عليها..فأنت سماعين

    طبعا مولانا دي ..بقت عندي معاها عقدة الوالد مولانا..محمد الفاتح مولانا..خليل مولانا..لذلك ..انت سماعين..وهذا حبيب الي نفسي..وبه عود لايام خضر..

    Quote: يا أخي أنا القربت أسافر. بس لي وين في كردفان؟ ما عارف. بس المهم أسافر لأي حته هناك.


    احزم ..حقيبتك..الزاملي مستني..لي دار ام بادر بوديك..وللخيران بوديك(في الحمرة،البشيري،اب قايدة)..تشرب مشيش..تاكل ام حليبين وام دفانة..وتقضي عصيرا فوق القويز..تهبهب نسيماتو..لافحة هيف السواقي..ريحة الخضار..والعجب لمان تشوف..غزال عبد القادر سالم..لتأكد لك انك مكتول الهوي في كردفان..
    سماعين..تعال..ان ماك زول زوامل.. تعال نركبك القطر..ليكون لسان حال سماعين ود التاج.. الله البي شقاي حكم..ابكن يا عيوني الدم..لان ناس الابيض..في المحطة اتلمو يقدمو..وحتما ستغني ..يا نبي الله العليك بنزور في العين يخسر البابور..وعشان جدي الحور ..ستغني يا الرهد صباحك نور..
    وبعد الرهد..ام روابة جذابة..

    تعال سماعين..الي غرب كردفان..ستتغني لك الحسناوات..طبيق الريحة الريدة ليك صحيحة..ولو عملت فيها (ود تقيل..حركات مولانات)..سيغنين..الزول اب سنا فضة ،،،مالو السلام ما بردا..لن يعتقك احد

    او دعك عن هذا..يلاك الي ..جبال النوبة..لتطوف جبالا عدها تسعة وتسعون جبلا.. لنعشق من ظباها ناس زنوبة...او الي ياي لتغني مع حسانها..ناس مريم

    انايوك انا مالو
    انا مالو مالو وينق

    وينق وينق وينق
    انا جيبكن
    سماعين..ادخرت لك مكانا انا ضنين به الا لمن هو في معزتك..تعال الي بارا

    جنة سواقي الريد
    مرتع الغزلان
    ووادي النخيل

    Quote: استمتع بالقراءة التي أروع ما فيها أنك تكتب للجميع وليس للكردفانيين فقط.


    ببساطة ..لان كردفان هي الجميع..هي السودان بكل تناقضاته..اثنياته وثقافاته..

    Quote: وهذا تكتيك يمنح شعوراً مجانياً للقاريء بأنه يعرف كلما تحكي عنه وأنه جزء من تلك الأماكن وذاك الإرث الرائع.



    لاني اكتب عنهم ..سماعين

    Quote: أتمنى أنْ يحدثنا أحد الكرادفة عن سحر جناين (البان جديد) وحلاوة (موية أم روابة) وفي
    انتظار المزيد من (ليمون بارا).

    ليتهم يفعلون..اناشد الاخ علي اسماعيل..عجب الفيا..بشير محمد اسماعيل عبد اللطيف بكري وبقية العقد الفريد..ان يسهموا معنا..(اليد الواحدة ما بتصفق)

    سماعين..خطوتك عزيزة..لقد زارنا الغيث..لك تشكراتي وصادق مودتي
    [/QUOT

    (عدل بواسطة saif khalil on 18-05-2006, 02:18 PM)

                       Subscribe on YouTube |Articles |News |مقالات |اخبار

19-05-2006, 06:12 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)

    ونواصل في استعراض ابيات اغنية الليموني


    بسمعلي حس كوراك ..بسعلي صوت كوراك ..كما يغنيها عبد الرحمن عبد الله.
    غرب الجبال ديلاك

    يا وليد فزيت وراك ...يا وليد فزيت مالك..كما يغنيها عبد الرحمن عبد الله
    خليت شريك لباك
    ...خليت شريك ليبك ..كما يغنيها عبد الرحمن عبد الله


    هذه من اعظم واروع ابيات الاغنية..رغم ان التحريف قد امتد اليهما..ربما للضرورات الغنائية..فهنالك كلمات تبدلت ربما لايغالها في عامية دار حامد(البدوية)..مثل (حس،وليد،فزيت،وراك،لباك)

    بسمعلي حس كوراك

    اي انه قد تساقط الي آذانها حس كوراك..وحس هي كلمة مستخدمة في عامية كردفان بشكل مكثف ..لتعني صوت..يقولون فلانا حسو سمح بلحيل..اي صوته جميل جدا..وحس البهايم جن صادات..سامع لي حس بكا في الحلة الصبحانية..اي صوت بكا في الحي الشرقي..او الريح..سافل(شمال)..الصعيد(جنوب)..والكوراك ..هو كل جلبة..كوراك الناس..بكاؤهم او حين يتحدثون بصوت عال..كوراك البهائم في العد(البئر)..اي صوتها..وكوراك العربات..جلبتها وضوضاؤها
    فيكون معني البيت انه..قد تنامي الي مسامعها صوت جلبة وضوضاء....

    غرب الجبال ديلاك

    غرب..هو الاتجاه الوحيد ..الذي لا يملك له اهل كردفان صرفا ولا عدلا..فهم لا يقولون شمال وانما ريح وسافل..ولا يقولون جنوب وانما صعيد..ولا يكادون ينطقون شرق وانما صباح وقبلي..
    والجبال هي الجبال المعروفة..وهي جبال تجاور المنطقة..
    ديلاك..هي كلمة عامية..تعني تلك..ومفردها دا..للجمع ديل..ديلاك ..(اك)..الالف والكاف لازمة الاشارة الي بعد هذه الجبال..

    معني البيت ..ان مصدر الصوت غرب تلك الجبال التي تقع بعيدا من موضع الشاعرة

    ونجمل المعني..في انها..قد تنامي الي سمعها صوت جلبة(ربما كان صوت العربة التي اقلت الحبيب)..وكان مصدر هذه الجلبة ..غرب تلك الجبال التي تقع بعيدا عن موضع الشاعرة العاشقة..

    يا وليد فزيت وراك
    يا وليد(وليد تصغير ولد وهو تصغير تمليح)..واهل كردفان يستخدمونها في عاميتهم..اظهارا للمودة والتحنان..خاصة عند العجائز..الامهات،الجدات،الخالات ،العمات..وبدرجة اقل عند من يقابلهن من الرجال..يطلقونها علي من بلغ الثمانون..ولا يرون في ذلك حرج ولا يري هو انتقاصا من قدره.. ويتحدثون عن الغائب بقولهم الليد..بجعل الواو لاما...والشاعرة هنا..تخاطب بها الحبيب..ومن هو اقرب من الحبيب..او من يستحق الوداد والتحنان اكثر منه...
    فزيت..هي ايضا كلمة عامية..تعني هربت..يقولون ان فلانا (فز او عرد بتشديد الدال)..فز ،يفز،فزيزا..ويرادفها عرد ،يعرد ،عريدا..
    وراك..وراك هي كلمة موغلة في العامية ..وتعني حسب صياغاتها المختلفة..(مالك بعامية البندر)..او ماذا دهاك..لماذا..
    نجمل معني البيت..لماذا هربت (سافرت فجاءة) ايها الحبيب
    خليت شريك لباك..خليت ايضا هي عامية تعني تركت..شريك..هو ذلك الذي يشارك الانسان في امر ما..لباك..او كما عند الفنان عبد الرحمن عبد الله..ليبك..هي اشارة الي (اللبا)..واللبا هو اللبن الذي يحلب من البهيمة بعد ولادتها..وهو لا يشبه اللبن المعلوم..يبدو عليه التخثر والتجبن..وهو حبيب الي نفس الاطفال..يحتفون به..ولا يدعو طفل طفلا آخر لمشاركته اكل اللبا المسكر ..الا اذا كان حبيبا الي النفس..لذا يقولون(فلان دا شريك لباي..اي نديدي ،صفي ،اخي وحبيبي)...وفي الغداء الذي اقامه السفير حاج الفكي هاشم..علي شرف عبد الرحمن عبد الله ..كان لي حوارا مع بلوم الغرب ..بحضور الاخ علي اسماعيل..حول ليبك ..وقد دلني الي معني آخر وهو..ان الكلمة ايضا تستخدم بمعني لبن الام ..اي ان شريك ليبك ..هو من ارتضع معك من ثدي واحد..وفي المعنيين قربي ما بعدها من قربي..وقد اجادت الشاعرة واحسنت استخدام هذه المعني..لتوضح الي اي مدي كان قرب الحبيب الي نفسها..فهو كمن ارتضع معها من ثدي واحد او كمن شاركها اكل اللبا..وفي ذلك اخوية ..تعطي حبها للرجل بعدا رومانسيا..تجاوز الحس والمحسوس مما يجعله شعورا نبيلا..وهوي عذريا..تدفقت به كيفما اتفق..
    نجمل المعني ..في انه عتاب للحبيب ..كيف تركت من وضعك موضع شريك اللبا وسافرت..

    نجمل المعني للابيات مجتمعة ..ان الشاعرة..قد سمعت صوت جلبة بعيدة غرب الجبال..رجح عندها انه صوت العربة التي تقل حبيبها..فطفقت تلومه وتعاتبه علي هروبه..الذي تستوضحه فيه(وراك)..اي ما سببه..ثم تستنكر عليه فيما يشبه اللوم ..كيف له ان يترك من هو في قربي شريك اللبا..

    نكتفي بهذا القدر علي امل عودة لتكملة ما تبقي من ابيات..
                   Subscribe on YouTube |Articles |News |مقالات |اخبار

19-05-2006, 05:46 PM

Ridhaa

تاريخ التسجيل: 05-02-2002
مجموع المشاركات: 9926
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: saif khalil)


    الاخ سيف
    سلام

    ابداع صوت - صورة - وشرح وافي

    واصل ونحن معاك للنهاية
                   Subscribe on YouTube |Articles |News |مقالات |اخبار

20-05-2006, 01:06 AM

معتز تروتسكى

تاريخ التسجيل: 14-01-2004
مجموع المشاركات: 9829
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: Ridhaa)

    Yahia Abd El Kareem
    استاذنا اخبارك وصحتك ياخ..
    شنو بعدين موضوع شندى ده خلاص رميناهو من حسابتنا
    خلينا كده احسن واجمل..
    Quote: جعلى كردفانى

    فاي شى مقرون بكردفان بندورو..
    وبقية الحديث عن كردفان ده يطول ياهو نجلس معاكم الى جانب الاستاذ سيف واحيانا نشارك ..
    ثم انو مطلوب مساهمتك استاذنا..

    اهداء خاص اليك..
    وبعض الذكرى..

    قبيل الغروب بين الدلنج و الابيض

                   Subscribe on YouTube |Articles |News |مقالات |اخبار

20-05-2006, 08:45 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: معتز تروتسكى)

    العزيز معتز

    تحياتي


    قالو الزول بتحزم بالقش ..خليك من الرجال

    ياني المتحزم بيك..ما قصرت

    لكن اخوك طماع دايرين منك المساهمة..

    كدي شوف لينا شقيق ..بتقول شنو وقالوها في منو؟

    بعدين قصة الصور دي ..ما بتتحمل..برانا النوستالجا كاتلانا

    دي صورة من اب قبة..والتانية من الدلنج..آآآآآآآآآآآآآآه يا دلنج وبرضي صابر يا الم..

    في انتظارك معتز

    ولك المودة
                   Subscribe on YouTube |Articles |News |مقالات |اخبار

20-05-2006, 08:31 AM

saif khalil

تاريخ التسجيل: 30-01-2005
مجموع المشاركات: 1457
للتواصل معنا
FaceBook
تويتر Twitter
YouTube



Re: بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظ (Re: Ridhaa)

    الاخ رضا


    تحياتي وحبل من الود ..يزيد متانة كلما اشرقت هنا

    شكري اللامحدود لمؤازرتك..يقابلها افتقاد لاخواني الكردفانيين..الذي كنت آمل ان يرفدوني بما لديهم ..من معلومات واشعار..حتي نكون قد ادينا بعض دين علينا من الحبيبة كردفان..فأنا لا اريد ان استأثر بهذا الفضل..والبوست للجميع ..هو بوست كردفان..او قل السودان..

    في انتظار مساهماتك ..واطلالالتك المحببة..


    لك كل ودي
                   Subscribe on YouTube |Articles |News |مقالات |اخبار

[رد على الموضوع] صفحة 1 من 4:   <<  1 2 3 4  >>

تعليقات قراء سودانيزاونلاين دوت كم على هذا الموضوع:

بسمعلي حس كوراك،،،،غرب الجبال ديلاك..و تكريم عبد الرحمن عبد الله..كردفان وميسم الفخار والعظمة فى FaceBook

· دخول · أبحث · ملفك ·




الصفحة الاولى
  المنبر العام
مدخل أرشيف الربع الرابع للعام 2013م
مدخل أرشيف الربع الثالث للعام 2013م
 مدخل أرشيف الربع الثانى للعام 2013م
 مدخل أرشيف الربع الاول للعام 2013م
مدخل أرشيف الربع الرابع للعام 2012م
مدخل أرشيف الربع الثالث للعام 2012م
 مدخل أرشيف الربع الثاني للعام 2012
مدخل أرشيف الربع الاول للعام 2012م
مدخل أرشيف الربع الرابع للعام 2011م
مدخل أرشيف الربع الثالث للعام 2011م
مدخل أرشيف الربع الثاني للعام 2011
 مدخل أرشيف الربع الاول للعام 2011م
 نمدخل أرشيف الربع الرابع للعام 2010م
 مدخل أرشيف الربع الثالث للعام 2010م
أمدخل أرشيف الربع الثاني للعام 2010م
 مدخل أرشيف الربع الاول للعام 2010م
مدخل أرشيف الربع الرابع للعام 2009م
 مدخل أرشيف الربع الثالث للعام 2009م
 مدخل أرشيف الربع الثاني للعام 2009م
 مدخل أرشيف الربع الاول للعام 2009م
مدخل أرشيف الربع الرابع للعام 2008م
مدخل أرشيف الربع الثالث للعام 2008م
مدخل أرشيف العام (2003م
 مدخل أرشيف العام (2002م
مدخل أرشيف العام (2001م
مكتبة البروفسير على المك
 مكتبة د.جون قرنق
مكتبة الفساد
 مكتبة ضحايا التعذيب
 مكتبة الراحل الاستاذ الخاتم عدلان
مكتبة دارفور
مكتبة الدراسات الجندرية
مكتبة العالم البروفسيراسامة عبد الرحمن النور
مواضيع توثيقية متميِّزة
 مكتبة قضية سد كجبار
 مكتبة حادثة يوم الاثنين الدامي
 مكتبة مجزرة اللاجئين السودانيين في القاهرة بتاريخ 30 ديسمبر 2005م
مكتبة الموسيقار هاشم مرغنى(Hashim Merghani)
مكتبة عبد الخالق محجوب
 مكتبة الشهيد محمد طه محمد احمد
مكتبة مركز الخاتم عدلان للأستنارة والتنمية البشرية
مكتبة الراحل الاستاذ الخاتم عدلان
 مكتبة سودانيز أون لاين دوت كم
مكتبة تنادينا,الامل العام,نفيرنا
مكتبة الفنان الراحل مجدى النور محمد
مكتبة العلامة عبد الله الطيب
مكتبة احداث امدرمان 10 مايو 2008
 مكتبة الشهيدة سهام عبد الرحمن
منبر اليوم الحار لخريجى كلية الهندسة و المعمار بجامعة الخرطوم
مكتبة الراحل المقيم الطيب صالح
مكتبة انتهاكات شرطة النظام العام السودانية
مكتبة من اقوالهم
مكتبة الاستاذ أبوذر على الأمين ياسين
 منبر الشعبية
منبر ناس الزقازيق
مكتبة تهراقا الفن الدكتور محمد عثمان حسن صالح وردى
اخر الاخبار من السودان2004
جرائد سودانية
اجتماعيات سودانية
دليل الاصدقاء السودانى
مكتبة الراحل المقيم الاستاذ الخاتم عدلان
الارشيف والمكتبات
اراء حرة و مقالات سودانية
 مواقع سودانية
 اغاني سودانية 
 مكتبة الراحل مصطفى سيد احمد
دليل الخريجيين السودانيين
 الاخبار اليومية عن السودان بالعربى













|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |

للكتابة بالعربي في المنتدى

للرجوع للصفحة الرئيسية اراء حرة و مقالات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
اضغط هنا لكي تجعل المنتدى السودانى للحوار صفحتك الرئيسية لمتصفحك
يمكنك نقل أو اقتباس اى مواد أعلامية من هذا الموقع بشرط وضع "نقلا عن سودانيز اون لاين"و الاشارة الى عنواننا WWW.SUDANESEONLINE.COM
الاخبار اليومية مواقع سودانية تحميل الصور أجتماعيات

© Copyright 2001-02
Sudan IT Inc.
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de