|
|
 Re: ليل الشجن والشوق فى الغنا السودانى (Re: عامر تيتاوى)
|
مريـــــــــــــــــــــــــــــــــــــــا
ليت لي يا مريا
ازميل فيدياس وروحاً عبقرية
وأمامي تل مرمر
لنحت الفتنة الهوجاء تمثال مكبر
وجعلتي الشعر كالشلال
بعض يلزم الكف وبعض يتبعثر
وعلى الأهداب ليلاً يتعثر
وعلى الأجفان لغز لا يفسر
وعلى الخدين نور يتكسر
وعلى الأسنان سكر
وفماً كالأسد الجوعان زمجر
يرسل الهمس به لحنا معطر
ينادي شفة عطشى وآخرى تتحسر
وعلى الصدر نوافير جحيم تتفجر
وحزام في مضيق .... كل ما قلت صغير كان الخصر أصغر
يا مريا
ليت لي يا مريا أزميل فدياس وروحا عبقرية
كنت ابدعتك يا ربة حسني بيديا
ليتني في قمة الأولمب جالس
وحوالي العرائس
أحتسي خمرة باخوس النقية
وإذما سرت النشوة فيّ
أتداعى وآنادي ... يا بناتي
نقروا القيثارة فيّ
وهاتو الأغنيات لمريا
ما لعشرين باتت في سعد تتقلب
ترتد عزوفاً وهي في الخفية ترغب
فبجسي ألف نار وبجسمي ألف عقرب
وأنت يا هيليــــــــــــــــن
يا من عبرت تلقاءها ألف مركب
يا عيون كالينابيع صفاء ونداوه
وشفاه كالعناقيدإمتلاء وحلاوه
وخدود مثل أخلامي ضياءً وجماله
وقوام يتثنى كبرياءً وأختياله
ودماًضخت به الشراين اشتهاء يا حبيبة
يا مريـــــــــــــــــــــــــا
انا من أفريقيا وصحرائها الكبرى وخط الأستواء
شحنتني بالحرارات الشموس
وشدتني كالقرابين على نار المجوس
لفحتني فأنا منها كعود الأبنوس
وأنا عود كبريت سريع الأشتعال
يتلظى كلما أشتم على البعد تعال
يا مريــــــــــــــــــــــا
أنا من أفريقيا جوعان كطفل صغير
أنا أهفو لتفاحة حمراء من يقربها يصبح مذنب
فهلمي ودعي الحمقاء تغضب
وأنبئيها أننا نحترم رغبة نفس بشرية
يا مريـــــــــــــــــــــــــــا
اي فردوس بغير الحب مجدب
وغداً تتفتح في أشرعتي أنفاس فرقة
وأنا أذداد نئياً مثل يوليس في الأعماق حرقة
ربما لا نلتقي ثانية
فتعالي وقصي اسمك بالنار هنا في شفتيا
ووداعاً يا مريـــــــــــــــــــا
| |
 
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
خاف[/B
خاف من الله على قلبي
قلبي من غرامك خاف
زرعت الشوك على دربو
وياما في هواكم شاف قلبي
سنين وايام قضيت عمري
قضيت عمري في لوعة
انادي الليل واقول ياليل
انا المظلوم عزاي دمعة
دموعي تسيل وليلي طويل
وعايش في مهب الريح براي شمعة
انادي الليل واقول ياليل
ياما في هواكم شاف قلبي
خسارة قلبي في حبك وا خسارة
علمتو يحبك ولما سار في دربك
رحت وسبت حبيبك ليه
يا خسارة املي واملك وا خسارة
كنا بنبني الجنة ولما خلاص قربنا
رحت هدمت سعادتك ليه
يا خسارة دمعي ودمعك وا خسارة
ياما سهرنا ليالي ياحليلك يا غالي
وياما في هواكم شاف قلبي
كفى يا قلبي انسى الفات
وعيش من تاني وحداني
ولو حنيت لعهد الشوق
اجيب من وين عمر تاني
كفى يا قلبي شفت الويل
وليل السهد بكاني
بعد ما تبت من النار
حرام تتجدد احزاني
يضمك ليل ويطويك ليل
ونار الويل مهادك
يا مظلوم وما ظالم
حليلك والعمر فاني
وياما في هواكم شاف قلبي
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
مهداة للعزيزين عبد الكريم وخليل واللذين طالت غيبتهما عن البوست
خطاباتي البوديها
تقول لا بتمشي لا حاجة
وديت ليهو زول مرسال
والمرسال مشى وما جا
بقيت انا والنجوم بالليل
سوا نساهر ونتناجى
والناس اللي كانو سبب
رموني ووقفوا فراجة
مسكين مسكين
مسكين البدأ يأمل
أملو يغلبو تحقيقو
والعاشق جفا المعشوق
الليلة وا سهرو ونشاف ريقو
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
جيتك يا عامر تيتاوي وما تقول نسينا الماضي وصرنا ناسينك
أنا في التمني
أنا أنا في التمني ديمه هديلي ساجع
ما لقيت لي مغيث ولا لقيت لي مراجع
دائر أشوف حبيبي حبيبي
اليوم داك شفتو رائق ودمو ناقع
أسود وشعرو حالك أما صفارو فاقع
وتتلاطف خدودو لا حجاب لا براقع
يفر خت بسمو يشبه برق الليلو هاجع
ويرفّع لي رشارشو ويسبل نظرو واقع
أشوف لحظو ونواعسو جل الباري صانع
بشوف في خدو شخصي وفي صدرو المَصَارع
دائر أشوفو غافل دائر أشوفو جازع
محنن بالقونلة وحده وتوبو واقع
يتغطى بسواعده ويحنو كأنو راجع
يردد لي نغيما تشتاقلو المسامع
تتلب فوق شفاه لؤلؤة المدامع
أعاين ليهو وأضحك وأمشي وأجيهو راجع
متلاعب ليس إلا ما موضوع مطامع
أقيس الفم بودعة وألقى الودع واسع
أقيس بالليل شعرو وألقى الفرق شاسع
دي ما بلقاها زولا زي إنا صيدو ناجع
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
دائر أشوفو غافل دائر أشوفو جازع
محنن بالقونلة وحده وتوبو واقع
يتغطى بسواعده ويحنو كأنو راجع
الفاضل صديق حمدتو ,,, القندف اللبيس ,,, كلما يقع طرفي على اسمك أول ما يخطر ببالي ذاك الشاب المهذب الوديع لابس احلى بنطلون وقميص ومسرّح وقيافة تحلف تقول يوم عرسو عينه باردة وبنسمي بأسم الله ونقول ما شاء الله وربنا يحفظك ويغطيك من كل شر وبلية,,,, لك السلام اخي الفاضل والتحيات واحده وراء الاخرى
تعرف اخي هذه الابيات رغم انها شعر فاضح لكن تحمل معاني ورغبة مدسوسة لكل العشاق,,, وامنيات ان يرى المحبوبة في ذاك المنظر .
في البيت الأول يتمنى الشاعر يرى المحبوبة غافلة بمعنى غافلة عن حال وضعها وأكيد يكون منكشف شئ من محاسنها وفي نفس الوقت يتخيل عندما تراه المحبوبة وتعلم انه رأى شئ من محاسنها تجزع وتتلملم,,, المنى في البيت الاول ان يراها غافلة,,,, وكذلك يتمتع بجزوعها عندما تراه
في البيت الثاني اسهب ووصف أنه يمتمنى عندما يهبه الله تلك الخلسة تكون المحبوبة جالسة في عنقريب حبل محننة ولابسة ( قنلة ) وهي طبعاً ملابس داخلية وغالبا ما تكون خفيفة تشف عن ما تحتها
وذهب أكثر وأوجب ان يكون التوب واقع حتى لا يخفي شئ
يشرح في البيت الاخير حال المحبوبة عندما رأته يختلس النظر ,,, تغطت بسواعد يديها وانحنت كأنها راكعة
شفت جمال الكلام لا يترك لك فرصة حتى تفكر انه شعر فاضح
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Yassir7anna)
|
مــــــــــــــــــن عيون أغنيات الحقيــــــــــــــــــــــبة
أنا من صفاك مسحــــــور
بالله أنت مــــــــــــلاك
ولا من حسان الحـــــــور
يا ناعس الأجفـــــــــان
تزرف دموعي بحــــــــور
وأقضي الليالي قيـــــام
مابين شوق وهيــــــــام
أرعى النجم في سحـــــور
يا ناعس الاجفـــــــــان
وفؤادي آه منحــــــــور
مقتول بغير ســـــــــلاح
وأقول بكل صـــــــــراح
سببي العيون الحــــــور
يا ناعس الأجفـــــــــان
فيك الكمال محصـــــــور
أكظمت كل حســــــــــود
حسنك مقامو يســــــــود
على كل جيل في عصـــــور
يا ناعس الأجفـــــــــان
طرفك لاحاظو تصــــــــرع
أسداً شجاع وهصــــــــور
فيك نفرة الغــــــــزلان
مع جبرة الفرســــــــان
في هيبة المنصــــــــور
يا ناعس الجفـــــــــان
أهيف رقيق مدبــــــــور
يتهادى تيــــــــه ودلال
ما بين غرف وجمـــــــال
نعمة وترف وحبــــــــور
يا ناعس الأجفـــــــــان
سهمك علي محمـــــــــول
ايه ذنبي غيــــــر هواك
وأنا يا جميـــــل بهواك
من قلبي ما مجبـــــــور
يا ناعس الأجفـــــــــان
أنا لي زمن مأســـــــور
وهجراني ما همــــــــاك
يا ليا قاسي لمـــــــاك
من طول جفاك محصــــــور
يا ناعس الأجفـــــــــان
وحيات خديدك وجيــــــدك
وطريفك المكســـــــــور
أنا أصلي مقتول فيـــــك
مهما ابالــــــــــغ في
منظومي والمقــــــــصور
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
الحبيب خالد على محجوب .. مزاجك رايق وتحليلك جميل وانتا وصديق متعوتنا بالكلام والخيال
الحر وهو ينطلق فى الافق البعيد الى ماضى الذكريات فى صور مختزنة فى قاع الذاكرة
| Quote: تكون المحبوبة جالسة في عنقريب حبل محننة ولابسة ( قنلة ) |
كيف ( الكراب ) يابو الخلد
| |
|
|
|
|
|
|
|
|
 Re: ليل الشجن والشوق فى الغنا السودانى (Re: عامر تيتاوى)
|
الجميل عامر تيتاوي شكراً لهذا البوست الرائع ..
يا ليل أبقالي شاهد .. كلمات صالح عبدالسيد أبوصلاح ..
يا ليل أبقالي شاهد على نار شوقي وجنوني
يالليل صار ليك معاهد طرفي اللي ومنامي زاهد
دنالي سهري وأشاهد فوق لي نجمك ظنوني
يا جميل لي سهري واجد وأراك نائم وهاجد
مين لي عيني ناجد بي دموعي الغرقوني
لا تكون بالنظره جاحد حلمك في المية واحد
منك لي قلبي شاحد بين ايديك يا حنوني
خده البي مطارقه فاصد جامع كل المقاصد
طرفه الكحول وراصد بي سهامه الألموني
براق سنك يساعد القيم المزنه راعب
ساكن قلبي ومباعد تشتاق شوفتك عيوني
حبك في الجوف يطارد ما بين صادر ووارد
يا حبيبي اللي فارد نظراتك يأسروني
بعدك لي عقلي فاقد وقربك جوه جوفي واقد
حبك على طلمس عاقد أشوقك ضيعوني
على نار شوقي وجنوني
عوجة ما بتجيك يا عباس ..
إنتظر ودالموج جاييك بالتقيل خليك جاهز ..
خد دي أتصبر بيها ..
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
قبال ميعادنا بى ساعتين
ابيتو انا وابانى البيت
اغالط نفسى فى اصرار
واقول يمكن انا الما جيت
وطالت وقفة الاشواق
معاى جمب المكان زاتو
انا ورعشة ظلال الليل
وقلبى حزينة دقاتو
وفات ميعادنا فات روح
وشال الليل حكايتو
انا المستنى فى الميعاد
وليك حبل الصبر مديت
اغالط نفسى فى اصرار
واقول يمكن ان الما جيت
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
تسلم كتير يا عامر ..
لا تكون بالنظره جاحد حلمك في المية واحد
دا البيت القالوا إنو الشيخ قريب الله طرب ليهو وأخد معاهو غفوة كده ..
وقال قولته الشهيرة يغني المغني وكل على هواه ..
والكلام دا كان موجه لكرومة بعد أن استدعاه وكان قد سمعه يغني هذه الأغنية في احدى الليالي ..
وطلب منه يغني ليهو الأغنية دي بعد تردد وخوف من كرومة ..
والعهدة على الرواي ..
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
خالد علي محجوب
سلامات يا زول يا رائع
| Quote: في البيت الثاني اسهب ووصف أنه يمتمنى عندما يهبه الله تلك الخلسة تكون المحبوبة جالسة في عنقريب حبل محننة ولابسة ( قنلة) وهي طبعاً ملابس داخلية وغالبا ما تكون خفيفة تشف عن ما تحتها وذهب أكثر وأوجب ان يكون التوب واقع حتى لا يخفي شئ |
لكن تعرف خلعتني عديل كده يا خالد – معقول أنا نزلت الكلام ده كلو !!!!– الله يستر ما يجوني ناس النظام العام والعجب كمان لو قروا معاها (لا حجاب لا براقع) كان قالوا دي دعوة للسفور عديل كده. لكن التحليل ممتع ورااااااائع وزي ما قلت قبل كدة لعامر تيتاوي التحية لكم وإنتم ترتبون وتصوغون ذاكرتنا التي تقذف حتى الجمال عشوائيا.
بعدين الكلام القلت في الأول داك راح زمااااااااااان "ما شايفنا زايغين من قصة تنزيل الصور دي"
فلك التحية يا خالد ولك الود
أعيشها معاك لو تعرف
دموع البهجة والأفراح
أعيشها معاك واتأسف
على الماضي اللي ولّى وراح
على الفرقة الزمان طويل
على الصبر اللي عشناهو
مع طول الألم والليل
زمان كنا بنشيل الود
وندّى الود
وفى عينينا كان يكبر
حنانا زاد وفات الحد
زمان ما عشنا في غربة
ولا قاسينا نتوحد
وهسه رحنا نتوجع
نعيش بالحسره نتأسف
على الماضي اللي ما برجع
أحبك
لا الزمن حولني عن حبك
ولا الحسرة
وخوفى عليك يمنعني
وطول الإلفه والعشرة
وشوقي الليك طوّل
لسّه معاي ولى بكرهْ
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
Quote: (ويرفّع لي رشارشو ويسبل نظرو واقع)
ياصديق الكلام دا عجيب .. نور طويل |
يا سلاااااااام يا عامر ذكرتني البوست بتاع يوميات عبده حنفية فتاح الكج ونحن ما زلنا نأمل إنك تواصل الحكاية عشان ماتكون دى حسادة منك ومن عبده حنفية ساكت، فتاح الكج خلاص كان حا يقع ليهو اللوتري عديل كده!!!
مهداة لفتاح الكج في محنته الراهنة
من عيونك يا غزالي
من عيونك يا غزالي
وحي الهامي وخيالي
يا وديع في الروض تخًيل
جلسة هادية وليلنا أليل
النسيم بالزهر ميل
وأنت نشوان في شمالي
من رحيق شفتيك دوايا
ونظرة من عينيك منايا
يا جميل خلقوك آية
وتفتن الناس يا غزالي
في خدودك زهرة نادية
ويا رشيق في رقة بادية
البلابل ليك شادية
من عيونك يا غزالي
وحي الهامي وخيالي
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: انعام عبد الحفيظ)
|
العزيز الطيب صديق حمدتو لك السلام, الذهب يظل ذهب وانت ذهب نقي عزيزي الفاضل,, والله ممكن جدا اجوك ناس النظام العام,, لانو كشفت كل شئ حتى المدسوس منها ما شايف انو المحبوبة تغطي بسواعدها ليه في رأيك ؟؟ ايضاً انها تغطت بالسواعد فقط وبل كان وضع اليدين وكأنها راكعة غطت مكانين احدهم في الجزء العلوي والاخر في الجزء السفلي ,,, تخيل معي هذا المنظر بتصل إلى ما نشده الشاعر.
كما ذكرت سابقاً لك عزيزي كلما جابو سيرتك أول ما يقفذ إلى ذهني ذاك الشاب المهذب المهندم الوجيه,,, لذا اهديك قصيدة تعجبني كثير ووجه الشبه الذي جمع أن تكون لك إهداء مني أن هذه القصيدة تغنى بها الفنان اللبيس والمهندم حسن عطية ( ابو علي )
حرمــــــــــــــــــــــــــــــــــــــــــان
يا حرموني منـــــــــــك
أنا يا حبيب قلبي سائل دوام عنك
يا حرموني شوفتك
ليك في قلبي صورتك
كلما ذكروا سيرتك
يذداد بي شجوني
يجفو النوم عيوني
يرحم قلبي حبك
يا المنعوك زيارتي
وهم شاعرين بحالتي
وما جاهلين مكانتي
لكن التقاليد حجبت عني شخصك
منعونا التلاقي
لكن رغم ذلك ظل هوانا باقي
أسأل طيف خيالك
عن فرط إشتياقي
وأسأل نور جمالك
عن نار أحتراقي
طبعاً يا ملاكي
لو يرضيك هلاكي
أنا لا اعصى أمرك
حجبوك حيروني
أبو ليك يذكروني
ليه يا حبيب أراهم
زايدين في جفاهم
من شدة قساهم
مانعين التفاهم
برضو اقول عساهم
أسمحوا لي بوصلك
شفته الجمال دا يا صديق رغم أن المحبوبه عندما شعر اهلها ومنعت من الخروج اكيد,, الشاعر لم يرمي اللوم عليها ولا على أهلها لكن عزى ذلك للتقاليد.
والكسر يا صديق ما احلاها ( قطعوا رأس الراجل بقى لافي في الحلة زي كلب الحر )
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: انعام عبد الحفيظ)
|
العزيز الطيب صديق حمدتو لك السلام, الذهب يظل ذهب وانت ذهب نقي عزيزي الفاضل,, والله ممكن جدا اجوك ناس النظام العام,, لانو كشفت كل شئ حتى المدسوس منها ما شايف انو المحبوبة تغطي بسواعدها ليه في رأيك ؟؟ ايضاً انها تغطت بالسواعد فقط وبل كان وضع اليدين وكأنها راكعة غطت مكانين احدهم في الجزء العلوي والاخر في الجزء السفلي ,,, تخيل معي هذا المنظر بتصل إلى ما نشده الشاعر.
كما ذكرت سابقاً لك عزيزي كلما جابو سيرتك أول ما يقفذ إلى ذهني ذاك الشاب المهذب المهندم الوجيه,,, لذا اهديك قصيدة تعجبني كثير ووجه الشبه الذي جمع أن تكون لك إهداء مني أن هذه القصيدة تغنى بها الفنان اللبيس والمهندم حسن عطية ( ابو علي )
حرمــــــــــــــــــــــــــــــــــــــــــان
يا حرموني منـــــــــــك
أنا يا حبيب قلبي سائل دوام عنك
يا حرموني شوفتك
ليك في قلبي صورتك
كلما ذكروا سيرتك
يذداد بي شجوني
يجفو النوم عيوني
يرحم قلبي حبك
يا المنعوك زيارتي
وهم شاعرين بحالتي
وما جاهلين مكانتي
لكن التقاليد حجبت عني شخصك
منعونا التلاقي
لكن رغم ذلك ظل هوانا باقي
أسأل طيف خيالك
عن فرط إشتياقي
وأسأل نور جمالك
عن نار أحتراقي
طبعاً يا ملاكي
لو يرضيك هلاكي
أنا لا اعصى أمرك
حجبوك حيروني
أبو ليك يذكروني
ليه يا حبيب أراهم
زايدين في جفاهم
من شدة قساهم
مانعين التفاهم
برضو اقول عساهم
أسمحوا لي بوصلك
شفته الجمال دا يا صديق رغم أن المحبوبه عندما شعر اهلها ومنعت من الخروج اكيد,, الشاعر لم يرمي اللوم عليها ولا على أهلها لكن عزى ذلك للتقاليد.
والكسر يا صديق ما احلاها ( قطعوا رأس الراجل بقى لافي في الحلة زي كلب الحر )
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
الحبيب الفاضل عامر تيتاوي ,,
السلام من عين شمش لحد فلسطين
السلام يغريك انت يا الزين
السلام للفي الغربة معاك قاعدين
والله صدقت يا عامر مزاجي رائق لانو يا عزيز انت السبب ضربت على الوتر الحساس فينا ونقرته فلازم تتطلع نغمة حتى ولو مره,,, لك الشكر على هذه النافذة المشعة وأيقن انها حا تكون بديعه ما زوارها حلوين زي ما شايف
العنقريب كراب و كرابو مقطع ونازل ,,,,,,,,,,,,,,,
أمير الجمري الايام نائم وحارمنّا من روائعك الحلوة ,,, اظهر يا أمير وبالصوت الجهور الأنسنا,,, وأبدأ بالغزل ونعشنا ,,,, وأختم بالحماس وبالفينا قول لي نحــــــــــــــن
عشان نفور فورة الجعليين.
خالد
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
الأخ تيتاوي بالمناسبة شاعر أغنية قبال ميعادنا بساعتين لشاعر من أبناء الامتداد ابن عم الصيني حسن خليل وهو الشاعر عزمي احمد خليل,,,,, عندهم ابن عمهم فيصل محمد خليل معانا في المجر مجنني بقصيدة ابن عمه هذه,,, لكن بالجد هي عميقة وحلوة رغم بساطة كلاماتها
انا واشواقي والساعة ميعادك جينى من قبلو
دا كلام خطير يا عامر وعميق حتى الساعة كانت تسرع في حركتها تأهب للميعاد
وبعد الشره دي بغالط امكن هو الما جاء ويخلق لها العذر
ايضاً هو شاعر رائعة هاشم مريغني (( حان الزفاف ))
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
العزيز خالد .. انتا زول رائع والله يديم عليك المزاج الرايق ياحنين وشارع الليل والشجن
والشوق جاهو زول صاح وسمار الليالى فرحانين بيك ياخالد
طبعا انتا جبت لينا كلمات جميلة ومعبرة فى قصيدة حرمان لامير العود الراحل حسن عطية وعلى ذات
النسق تذكرت الاغنية الشهيرة حجبوه من عينى للشاعر عبيد عبد الرحمن وغناء العملاق الكاشف
كما تغنى بها صديق الكحلاوى وناس زمان ديل ياخالد ناس خطرين عديل كده وبكايين شديد وكلامهم
زى السهام وزى ماقال صديق بودى النظام العام
حجبوه من عينى
حجبوه من عينى الا من قلبى لا
ماقدرو حجبوه
حجبوه من عينى وضاروه حاسدنى
بقو بينه مابينى
لا ادرى ماذنبى المنعوه من حبى
وبعدوه من قربى وابو لا يبارحوه
هو منطقى وزوقى سموه معشوقى
الليهو زاد شوقى مع انو فى قلبى
هو الوحيد حبى
ياعوازلى وصحبى بس ماتشوفوه
هوما بتشوفو عيون وما حامو حوله ظنون
وديع رقيق وحنون
هو القطعة الشيقة
والشمس المشرقة
والنار المحرقة
اهو رمزى حلوه
**
شفت كيف ياخالد ( القطعة الشيقة ) دى كيف ؟
**
عودة سريعة لليل الشجن والشوق
انتا ليه دايما حزين
تحيا عينيك الحزينة
ياحبيبى الشمس تشرق
حتى لو طول مغيبا
خليتنى ابكى على ليالى
راحو من عينيك سهو
شفتك انتا ودربى نور
يوم على عينيك رضو
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
صديقوف يافنان .. زمان كنا بنشيل الود ولى هسه وبكرة ياودود
من عيونك ياغزالى ..
Quote: مهداة لفتاح الكج في محنته الراهنة
|
الكج المكسر ده حكايتو حكاية .. نتواصل قريبا مع الجزء الثانى
بس ان شاء الله بطاريتو ماتكون نزلت مع الكهارب البوزعة يمين وشمال
الاستاذة انعام عبد الحفيظ ..
مودتى وتقديرى ..
امير الجمرى .. عبد الكريم .. خليل ..
نحنا ما ناسك
متولى مالك
الزمان زمانك واصل حضورك الباهى وجميل
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
الفاضل العزيز الحبيب صديق حمدتو
( القندف المهندم الهذوب مع اني متأكد الهذوب دي انا مخطئ فيها لغوياً بس ما مشكلة نبتكر شئ جديد في اللغة, هم ناس سبويه ديل كانت حملتهم أمهاتهم 12 شهر ما زينا. تعرف معنى هذوب في قاموسي الجديد شنو ؟؟ معناها يا صديق المهذب خلقة اي لم يتعب والديه في التهذيب بل جاءهم مهذب خلقة, والله يا صديق فعلا حصل لي خلط بين القصدتين وهل تصدق بعد تصحيحك كنت أقراء هذه وتلك واحس انهم قصيدة واحد والله دا شئ عجيب
فعلا كنت مبدع أقراء دائما ما تجود به في دار اللطيف عامر تيتاوي بالله زيد وزيد حفظك الله,,, فيصل محمد خليل كان دائما يعلق لي على مقطع ( انا واشواقي والساعة معيادك جينا من قبلو )وهو مستغرب كيف طلع مثل هذا الكلام الجميل من ابن عمه الذي يعرفه...
اسمح لي فقط (وانا احب ذلك ) ان اعقب على ما تكتب عندما ارى الحاجة لذلك وتعقيبي بكون شاهد حتى اسلمك لشرطة النظام العام
لك الشوق والتحيا
خالد
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
اللطيف عامر تيتاوي وليد وجده,,,
اطريت علي كثير بشئ انا ما أهل له والله يا عمار في دارك دي ( يحلو لي ان اسميها دارك ), كلما أقراء للزوار الاحباب ألقى ما يدفعني للكتابة مما أحفظ لشعراء بلدنا الحبيبة,,,
حلوة ورائعة حجبوه من عيني وهي من درر الاغاني السودانية وابدع في لحنها المرحوم الكاشف وزاد حلاوتها أداء الفنان الراحل المقيم فينا الكحلاوي...
بس نسيت يا عامر انو بين كل مقطع الآخر أن تضيف كلمات الكحلاوي التي تزيد أدائه روعة وحلاوة وتطريب للحضور ( اه أنا ,,,, أنا يا ريتني بالبابور الأقد صدري ),, وزي ما قلت الكلام السمح سمح وبعجب ,,, لي شنو نحن ما قادرين نقول كلام زي دا هل كان سبب ذلك الاختلاط الاكتر من الازم جمد قلوب شعراء جيلنا شوية,, لكن مرات بطلع من الجدد برضو كلام حلو جداً والله وهذا حق يقال بس ما كلهم.
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
من روائع أغاني الحقيبة
هواك وهواي بيارو
سبن أفكاري نظراتك
أحب تعطف يزيد وجدي
أحب كل البحب ذاتك
أحب لونك أحب لينك
أحب يا حبيبي نفحاتك
أحب فيك خدك الزهري
وأخاف ترميني لمحاتك
أحب قربك أخاف بعدك
أشوفك بين دوحاتك
أخاف صدك أخاف جورك
أحب تتهنى بحياتك
أحبك حبي للعافية
كمان يا سيدي وحياتك
أحب فيك الحياء الفطري
وأذوب من حالي في حياتك
إذا في حبكم ضعته
إذا أقتل في ساحاتك
أكون للحظ دوام شاكر
واقبل أنت رحاتك
يا منعم يا فريد عصرك
سعيد وسعيدة ساعاتك
منزه يا رقيق صافي
عفافك ملي ما فاتك
بديع ووديع مثال رقة
حشيم وريني وصفاتك
أسرت فؤادي ياظالم
ودمي خضب بكفاتك
كب يا دمعي في سيلان
وزيد يا صدري خفقاتك
حبيبك ودعك راحل
وزيد يا طرفي عبراتك
حمام الأيك حين مره
تعال أسمعني نغماتك
طريت أم در مقر أهلي
زماني وكفاي عبراتك
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
العزيز تيتاوي هذه الكلمات احدي روائع ادريس جماع ، وهي مدخل لاحدى اغنيات الاستاذ كابلي
ماله ايقظ الشجون فقاست وحشة الليل واستثار الخيالا
ماله فى مواكب الليل يمشى ويناجى اشباحه والظلالا
هين تستخفه بسمة طفل قوى يصارع الأجيالا
حاسر الرأس عند كل جمال مستشف من كل شىءٍ جمالا
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
اللطيف عامر تيتاوي استميحك برهة ارسل فيها الشوق ممدد بطول من كوسوفا للامارات لحبيب غالي ومعشعش في الروح يجري فيها مجرى الدم والانفاس ,,, الأخ وابن العم الغالي عماد محمد الحسن ( ابو الروس ) تعرف يا عامر عماد كان زمان متيم بثنائي العاصمة يحفظ كل ما تغنو به في نهاية السبعنيات قدم لهم اغنية في الاذاعة عبر برنامج المبدع صلاح طه ( من خارج الاستديو ), العمده راجل فنان ويعشق الكلمات الحلوة ويطرب لهاويترنم بها كان دائم الشدو بأغنية
جننّي نغمات القمري
وخلني محتار في امري
هالكني وما جايب خبري
اصبح جسمي زي خصرك مبري
انا ليه ما احبك
يا جميل بالجبري
وما دام من لونك
صفى لون التبري
العميد كلما أذكره أتخيل انو اما مبتسم او يناقش في كرة لهلال مريخ سنة 1969 أو كأس الذهب ,, ولا يترنم بالعذب من الكلمات, في اجازات المدارس ايام الابتدائية في شندي ما زلت اذكر عندما نتمشى في شوارع شندي المظلمة كنا دوما نتغنى مع بعض حلو الكلام نطرب لها وتشد من ازرنا من الخوف الذي ينتابنا في تلك الظلمة الحالكة فنضرب عصفورين بحجر كانت ايامها اصواتنا عذبة طرية اذكر اننا كنا مدمنين على اغنية
شالوا الكلام
زادوهو حبة حبة جابوهو ليك
ظاهر عليك صدقتهم
الجوه قلبك في عينيك
كل الحصل سألونا مرة
عشان أعرفوا ظروفنا كيف
جات سير للريدة الزمان
أسم الوليف جاب الوليف
غايتو الكلام جاب الكلام
وغلبنا من سيرتك نقيف
ورمينا حبة لوم عليك
شالوا الكلام جابوهو ليك
كان قصدهم يحصل فراق
بينا وقلوبهم يسعدوا
جوك بالكلام صدقتهم
سبته الضلوع اتنهدو
خليتنا في غمرة شقى
ما بتبقى ألا علي العدو
لو كنا غالين في عينيك
ما صدق الجابوهو ليك
يا سلام هاجت بي الاشجان في خضم ذكرى هذا الحبيب لك مني يا عمدة اجمل التحيايا الود ولك الشكر يا عامر للبرهة مع اني دخلت قبل ردك لاني على يقين من موافقتك يا لطيف
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
اللطيف الشفيف خالد على محجوب
اشعت جو من البهجة فى البوست التى لا اعتبرها دارى وانما هى بيت كل زول يتذوق جمال
وعذوبة كلمات غنانا السودانى عشان كده انتا سيد البيت وكمان شوف صديقوف ده زول رائع
بشكل غير عادى كفر ووتر وعلم يعنى ملتى سيستم الله يديكم العافية وكل الحلوين المتداخلين
فى شارع الليل والشوق والشجن بل استثناء
بعدين ياخالد هواك وهواى بى جارو دى غنيتى المفضلة فيها شجن عجيب ولحنها خطير ( احب اقتل
فى ساحاتك )
اشواقى الكتيرة ليك وللحبيب الغالى عماد ابو الروس واهديكما نسايم ليل ثنائى العاصمة
| Quote: ( اه أنا ,,,, أنا يا ريتني بالبابور الأقد صدري ),, |
دى ياخالد مش بتوديك النظام العام وبس دى بتوديك لاهاى عديل كدة
تعرف الكحلاوى كان عندو حاجات عجيبة لمن يقول ليك قالوا على شقى ومجنون صحيح مجنون
وانتو سبب جنونى ياحلوين ... احححححح
البابور بولع عديل كده
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
| Quote: ماله ايقظ الشجون فقاست وحشة الليل واستثار الخيالا |
داجيل الجميل .. ده كلام صعب وادريس جماع ده سبق عصرو بملايين السنوات الضوئية لانه من
وجهة نظرى صاحب اجمل وابلغ بيت شعر فى العصر .. انظر الى الجمال والبلاغة ودقة الوصف :
انت السماء بدت لنا
واستعصمت بالبعد عنا
رسائل
حبيبى اكتب لى
وانا اكتب ليك
بالحاصل بى
والحاصل بيك
الحاصل بى انا شوق وحنين
واقيم الليل اهات وانين
اتقلب ما بين الجنبين
فارقنى حبيب الفنى سنين
استحكم بينى وبينو البين
ماليك امان ياذا الزمان
ياليالى زمان
ياليالى زمان
الله عليك
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
قصيدة ودالرضي (التمني) يطيب سماعي لهامن الرائع احمد عوض واعتقد ان عامر وصديق يوافقاني الراي فهو يؤديها بالصوت فقط وبخيال فيديو كليب يعني انت بتكون بتسمع فيهو وهو بغني وانت شايف كل البتقال ده قدامك غايتو الله يجازي احمد فقد حرمنا من جمال صوته وروعة ادائه ولكني انعم بلقائه وطيب معشره كثيراً .. وتعديل بسيط في الاغنية كما جاءت في نظم صديق حمدتو وشرح الرائع خالد علي
التعديل في مقطع يتغطى بسواعو ويحنو كأنو (واجع) أي متألم يعني بالدارجي عندو وجع بطن.
وراجع ليكم يا حلوين مع سمر وسهر (يمحن الفاضل سابل ذاتو)
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: امير عوض الجمري)
|
الاخ الاستاذ صلاح الباشا
تحية بحجم انسانيتك وطيبة قلبك ايها العزيز
لم احظ برؤية مداخلتك الجميلة فى ليل الشجن والشوق بتاريخ 7-5 الا هذه اللحظة فقط لانك
ادرجتها فى الصفحة الاولى ولم تنزل فى الصفحة الثانية للبوست بحكم التسلسل التاريخى
فلك العتبى حتى ترضى وانت تجمل شارع الشوق والشجن بلمساتك الفنية المشهودة من خلال اهتماماتك
المعروفة فى مجال الاغنية السودانية ومازلنا نؤمل الكثير من حضورك الجميل الى جانب سمار
الليالى
الاخ العزيز عمران بابكر بدرى
تحياتى لك وانت تعبر بخيال الامانى فى شارعنا المليان بالشوق والشجن والحنين
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
ازاك ياعيونى
ازاك ياعيونى .. جزاك
درت السهر لى روحك براك
ورينى كيف زدتى انهمال
ورينى ليه شفتى الجمال
ياعيونى
مسحورة بى سحر الدلال
مفتونة بى عيون الغزال
الله لا يهدى الكان هداك
الليلة ليك كم ليل ويوم
ولهانة سهرانة النجوم
ياعيونى
فى سيل دموعك عايم عوم
لاشايفة الزول لا لاقية نوم
ياعيونى ايه الكان هداك
بتشابى لى شوفة الملاك
سببتى لى ياعيونى نوح
وهديتى لى قلبى الجروح
هزيتى جسمى ازيتى روح
وبعدتى بى عن النصوح
وقعت فى شرك الشباك
واحترت كيف اعمل معاك
ازاك ياعيونى درتى السهر
لى روحك براك جزاك ياعيونى
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
برضو من روائع غنى زمـــــــــــــــــان
الأهيـــــــــــــــــــــــــــف
اه الاهيف
وآبا ما يلين
ومن بعــــدو
صار قلبي حنين بنار الفرقة
لمتين يا كريم الحظ يخدمني
وحبيبي يلين بنار الفرقة
وأراهو الناعس نور خاطرو كريم
يألفني ويترك لطباع الريم
بنار الفرقة
هو جسمو سليم وأنا جسمي معذب
وقليبي كليم بنار الفرقة
نور محيو البدري والليل هضليم
ليهو راحة الدنياليّ التأليم
بنار الفرقة
لو مره نسيم يتمايل غصنو
منو مقيسيم بنار الفرقة
قبال ألحاظك.. ما رأيت يا وسيم
الأعين تفعل فعل الماكسيم
بنار الفرقة
براق الغيم زي بسمك وزيك
الشادي نغيم بنار الفرقة
كيف عاشقك يثبت وفي وطنو يقيم
وانت نافر وعارفو بهوك سقيم
بنار الفرقة
ما ليّ نديم غير نجم الليل
ومنامي عديم بنار الفرقة
لو كان يا مدلل لهجري تديم
أتعذب وتمنع حظي التقديم
بنار الفرقة
لي جود بالين في بعدك حبي
صار وجدي أليم بنار الفرقة
متى تعطف وترحم علي تبقى حليم
يا صفي القلبي وروح التعليم
بنار الفرقة
بقى شغلي رميم وفراشي قتاد
وغطاي حنين بنار الفرقة
لو كان لوصلك اوجد تثنين
لسرك بحفظ في قليبي صميم
بنار الفرقة
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
الأحباب الاعزاء نعرج شوية من جو الغناء والكلام الحلو لكن ما بنبعد بعيد برضو في جو عامر تيتاوي اللطيف, ننقر شوية على أوتاره الحساسة ونألب لا أقول المواجع بل التحنان والمحنة الفوق ورويشات القليب....
لغة العيـــــــــــــــــــــــــــــــــــــــــــون
* سبحانك يا ربي الكريم ,,, كم من أسرارك الباهرة أودعتها في العين, وهي محض شحمة مرهفة حساسة محصنة برموش وحواجب.
* وعينك يا ربي ... ساهرة لا تنام ترعى العيون تواسي الدامعة لفراق أو حنين وتحنو على البريئة وترشد الضالة وتشد وتعين البصيرة وتهدهد الساهرة.
* قال شاعر لزوجته :عيناك من العمق بحيث أميل لأشرب
* وقال أبن حازم : العين رائد النفس الصادق ودليلها الهادي ومرآتها المجلوة بها يقف الإنسان على الحقائق ويميز الصفات ويفهم المحسوسات.
* فالعين تتكلم وتعرب عما بنفس صاحبها بالومضة والغمزة والإيماء
فالإشارة بؤخرة العين تعني أمر
وغمضها إعلان بالقبول
وإدامة النظر دليل على التوجع والآسف
وكسر النظر دليل على الفرح والحياء
وقلب النظر إلى جهة ما ومن ثم صرمها بسرعة تنبيه
ورفة العين تعني عودة بعيد غائب
* للعين سهام .... قال أبن الروم
ويلاه أن نظرت وأن عرضت ... وقع السهام ونزعهنّ أليم
* ومن العيون القاتل.... قال الشاعر
أن العيون التي في طرفها حور ... قتللنا ثم لم يحيّنا قتلانا
تصرع ذا اللب حتى لا حراك له ... وهنّ أضعف خلق الله إنسان
* ومنها ما يروي ويسقي
عيونك زي سحابة صيف تجافي بلاد وتسقي بلاد
* ومنها المسهرة
العيون النور كان بجهره
وغير دلالكن مين السهره
يا بدور القلعة وجوهرة
* ومنها الهادية
مسو نوركم وشوفو عيونها صباح
الصباح إن لاح لا فايدة في المصباح
* ومنها الما بنقدر نديم النظر فيها
كف عيونك عني لغة العيون شغلاني
حب الجمال جنني شوق الوصال أضناني
ما قيل في العيون جم وقل أن تجد أغنية سودانية تخلو من عيون
* قت لها عايني تسلم عينك ألا حقيقة مو ساهل كتاله
* عيونهن هارجه تنبح في الفجر والليل قريب واقف يعاين
* يا عيون المها يا عيون
* ما بصح ليك يا فلان طرفك دوام ناعس وأنا طرفي ما غفلان
* طرفك لحاظو تصرع أسداً شجاع وهصور
* يا عيني تعاينن وجننتنو قلبي
* مساهر وطرفي جاف النوم أريت لو مره طيفو يزور
* أجمل عيون عندك يا أجمل الحلوين
نجدة غريق ومنار برجع التائهين
* وحات الله ورسول مكة عيونك سمحة يا ملكة
عيون الصيد النعسات عيوني ( بمعنى أمرضوني )
* لها مقلة لو أنها نظرت بها
إلى راهب قد صام لله وأبتهل
لأصبح مفتون معنى بحبها
كأنه لم يصم لله يوماً ولم يصل
* وتعطلت لغة الكلام وخاطبت عيناي في لغة الهوى يعناك
* الأعين تفعل فعل الماكسيم بنار الفرقة ( الماكسيم نوع من المدافع )
* يا عيونا كالينابيع صفاء ونداوة
* والكثير في العيون قيل ,,,,,,
* ومن العيون الكحلاء .. العسلية .. والخمرية .. الزرقاء .. الشهلاء .. والخضراء .. ومنها الجامدة الساكنة والمتحركة النشطة ومنها العاتبة اللائمة والحنونة والغريرة والراضية
(عدل بواسطة خالد علي محجوب المنسي on 05-18-2006, 04:40 PM)
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
عزيزي خالد تحياتي وأشواقي
| Quote: اسمح لي فقط (وانا احب ذلك ) ان اعقب على ما تكتب عندما ارى الحاجة لذلك وتعقيبي بكون شاهد حتى اسلمك لشرطة النظام العام |
تعليقاتك تجمِّل البوست وتزيده ألقاً وتعيد لنا ذكرى جميلة لأيام خالدات وأنا شخصيا أعتبرك الممتحن الخارجي ( External Examiner) لهذا البوست (طبعا عامر تيتاوي هو الممتحن الداخلي). بس عليك الله بلاش قصة النظام العام دي نحن هنا القصة عندنا بايظة خالص وناسنا الهنا ديل بيقولوا لناس النظام العام في السودان إنتو بتلعبوا عديل كده !!! هههها
أحلى البنات "تستاهلي"
والله يا احلى البنات
لو كان لقيت سر الغنا
كان طرت عانقت الخيال
حلقت عبر الأزمنة
وقلت الخيال يصبح حقيقة
ونهدي ليك خاتم المنى
شان تسرحي وتتخيلي
وتتوهي في بحور الخيال
تتمني فيها وتسألي
ويتم ليك كل المنى
تستاهلي
العرش البشيل حسنك
يطوف بيك العصور
تستاهلي
ويمر بيك عبر الزمان
شان تسرحي وتتخيلي
كيفن تجيك ليلى بتغير
يبين عليها وينجلي
وكيفن تجيك بلقيس ترش
دربك ورود لو تقبلي
ويطل جميل وكثير يقولوا
بيوت شعر مرهف طلي
وتمري بي عهد الرشيد
ويغني ليك الموصلي
تستاهلي تستاهلي
لو درتي من قلب القمر
باقات أساور أو حلي
أو حتى من كل النجوم
عنقود مبهرج ومنطلي
كان خف لي لقاك القمر
منساق وقال ليك أسألي
وكان حفو دنياك النجوم
إتباكوا ليك شان تعزلي
وأنا في هواك يا ست هواي
لليلة دايب في الغنا
شفتيني كيف حاضن هواك
غيران عليك من كم سنة
شفتيني كيف ساعة الوداع
أنا كنت دمعة محننة
والليلة يا نعمة حياتي
بذوب حنان وبذوب منى
والليلة عايش أمنيات
يا حليلها لو كان ممكنة
أحكيك حروف أشواقي ليك
وأسمع حروفك وأحضنا
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
* الأخ القندف المهندم صديق حمدتو اولا الشكر موصول لك يا فاضل على الاطراء,,, شنو يا ود حمدتو نسيت انو نحن جعلين وكمان من شندي هسع نقوم نتنفخ لما نطرشق البورد بي عامره شوية علينا كل ما نقوله نجاري به اسلوبكم المميز يا صديق يعني بنرهق نفسنا زيادة عن اللزوم.
بعدين انت مستقر وين ؟؟؟ خوفتني ما تقول لي في السعودية ؟
* الأخ عامر اللطيف ما انت دائما حلو معشر خيف ظل ( تذكر يوم رحلنا عفشكم بعد بناء البيت )
من جور زماني ما بين النواء
سهران ليلي طائل وحارس نجم غائب
اه من جور زماني
,,,,,
,,,,,
,,,,,
شفتك مرة غارب نورك جاني ضارب
اصفر احمر زي شفق المغارب
* زي ما قالوا قام اتعزز الليمون عشان بالغنا في ريدو
امير عوض حامدالجمري,,, جذبناوانعشنا بما جاد به من كلام حلو لكن تعزز علينا بعدها لعل المانع خير ما تعتذر يا امير لانو شايفك في المنبر العام وكمان في بورد الامتداد بس بخلت بكلام الليل والشجون في ديوان ود تيتاوي الحبيب
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
خالد ياحبيب والله انتا تستاهل اكتر من كده
تلك كانت ايام جميلة ياخالد ايام مضت عليه سنوات وسنوات لكنها لازالت تعيش فى الدواخل
وكانها كانت بالامس
امير الجمرى نهديه الغنية دى عشان يرجع للشوق والشجن :
فى بعدك ياغالى
اضنانى الالم
وعشت مع الليالى
لا حب لا نغم
من لمسات حنانك
خلاص تمينا دور
ايام مرة خالية
من طعم السرور
كل ماغنى شادن
يرجعنى الزمن
لا تسل مشاعرك ليه
عينى بكن
يوم ودعنى حسنك
ولازمنى الشجن
باكر ياحبيبى
يعلمك الزمن ليه دنيا
المحبة للاحباب وطن
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
كلام جعليين وكمان من شندي عديل يا عامر
صفر خطر,,,,,,
ولا ارفع الراية,,,,,
ولا اطردني عديل,,,,,
انت سوي الداير تسوي يا عامر لكن انا عاوز اقول كلامي دا
اللاموني ما شافو المتنه صبيطو
لا فطربو بدري ولا عليهو ايبيتو
السبب الخرب قلبي بعد تثبيتو
قدلاتو من الجيران وراجع بيتو
الحال العلي حال العدو المسكين
وحال الكتفوهو وسالين علي السكين
وحال الفي البحر يحايشنو تمساحين
وحال الفي السجن ما قدرولو سنين
بتجيك بمهل والفلجة لما تشوفه
عمرا باهي مغروسة ومضمر جوفه
زي مهر السبق متحضر ومخلوفه
قلبي الكان ثبيت دخلتو خلعه وخوفه
كمان بتجيك بمهل وبي حنان تتقدل
الصندل مرشرش وبي القرنفل عتل
يا حلاة توبو توبو الشفون ومشكل
وبحشمة وادب اقدل غزال البركل
اه يا ريت السعادة أن بقت آديه
كنت اهش هني في الدنيا بالذندية
علي حكمو ناس بالسيئة وطلبو الدية
أموت بالعطش والموية بين آيديه
ريا عليا قاسيه وجاير في التفنين
اه يا ربي ارحم صبر امسى ضنين
إمحق دي السنة ربي الحليم وحنين
وإخصم من حياتي رضيت بعشرة سنين
كيف أنا اعيش وصبري ولى مودع
وسببي الرخرخ القام من ضغير متفدع
جنيت وجني جنه وحالي اصلو مبدع
اهج شقيش افج فاضل لي تاني اجدع
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
مرحب ومليون مراحب اهل دار جعل العزاز وانجم
Quote: اللاموني ما شافو المتنه صبيطو
لا فطربو بدري ولا عليهو ايبيتو
السبب الخرب قلبي بعد تثبيتو
قدلاتو من الجيران وراجع بيتو |
زى العسل ياخالد اه من جنس الكلام ده
جدى الريل ابو قزيمة تعال نتمشى فى الغيمة
ماغيمة ريد تكب فى رهيد شواطيهو الخدر ديمة
**
كان مشيتها من بيت جارتها .. مر السحابة لاريث ولاعجل
شوف الصور الشعرية دى كيف جميلة
الله ياخى
تمشى الهوينا كمايمشى الوجى الوحل
شفتا الخريف ده كيف
وينك ياصديقوف
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
الاجلاء سمار الليالي
انا معكم قلبا وقالبا واعيش في تجلي كلما احلق في سماء هذا البوست السامر والمنير ببدوره
احمد المصطفى وليالي الريد
وين ليالي الريد والحنان يا رزينة
بعدك الايام والليالي حزينة
كان زمان والزمان طبعو هادي
ما بعرف اللوم ما بعادي
تابع الحساد والاعادي
خلا حبي وفات فاتنا ما جانا تاني
في الزمان الفات كان دليلي
كان انيسي وكان خليلي
بعدو شفت الهم شفت ويلي
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
وتبقى لحقيبة الفن مساحة شاسعة في الوجدان تتسع كلما توسعت المدارك ..
يا ناعس الاجفان
انا من صفاك مسحور
بالله انت ملاك وللا من حسان الحور
يا ناعس الاجفان
تزرف عيوني بحور
واقضي الليالي قيام ما بين شوق وهيام
ارعى النجم في سحور
وفؤادي اه منحور
و مقتول بغير سلاح واقول بكل صراح
سببي العيون الحور
يا ناعس الاجفان
فيك الكمال محصور
اكظمت كل حسود وحسنك مقامو يسود
على كل جيل في عصور
وطرفك لحاظو تريع اسداً شجاع وهصور
ليك نفرة الغزلان مع جبرة الفرسان
في هيبة المنصور
اهيف رشيق متبور
تتهادى تيه ودلال ما بين غرف وظلال
نعمة وترف وحبور
سهمك علي مهبور
ايه ذنبي غير هواك انا يا جميل بهواك
من قلبي ما مجبور
يا البي العفاف مشهور
ريدك عبير فياح وقوامك المياح اينع ثمر وزهور
وبحبي دمعي جهور
انا في دجاك يا ليل نجمك بقى لي خليل
فارقت نومي دهور يا ناعس الاجفان
انا لي زمان مهجور
هجراني ما هماك يا اللي قاسي جفاك
من طول جفاك محصور
وبحق ريدك وجيدك وطريفك المكسور
انا وصفي ما بيوفيك مهما ابالغ فيك منظومي والمنثور
يا ناعس الاجفان
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
الاحبة سمار الليالى
ظلمونى الحبايب وقالوا لى انسى
من بعد المحنة العشتها همسة همسة
بعد ماقلبى حبا وعشت مع الاحبة
يكفى عيونى نظرة ويكفى قليبى همسة
قالوا لى انسى وماعرفوا العليا
لو عرفوا الحبايب كانوا يعودوا ليا
نعيد الخوالى ونسهر فى الليالى
قالوا ليا انسى وكيف انسى الليالى
والعين الخجولة والخد البلالى
كانت امسياتم حلوات زى حلاتم
فيها الشوق بيظهر والحب المثالى
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
والقمر طالع وانت منجدع في حوشا كبير حدادي مدادي في عنقريب هباب ماهل ملايتو نضيفة وتهبهب مع النسايم, مخدتو تنجيد البصيلي ود فقرة ( يعني ما بتصبحك رقبتك معسمة ) والنجيمات يالالن في السماء في ليلة صافية.... تجبد كراع وتمد كراع وتسهم في فكرا بعيد بالحيل وتشد الحيل تساهر الليل مع السمار وتجيك نقرة من بعيد تحملها نسايم الليل من البريد روحو ونومك اتقسم تقيف علي حيلك وتمشي تملا الكوز من الزير الوسطاني لانو مويتو باردة, ما زالت تداعب آذنك نغيمات الغناي يسوي القوق وصوتو يغيب مرة ويقلع تاني, تبل الريق بالموية وبرضو في شئ ناقص.... غائب وما معروف تقلب جاي تقلب جاي وتحاول تجلب النوم بالشهيق وما تقدر.
بنيه... بنية لسالم وليد عتمان
وصلاة الزين
وسموها الرتينة
أمها بت علي الخمجان
خريف الرازة عزينة
كبار الحلة أباته
وبكار الحلة اماته
تمرق زينه
تبرق زينه
تمشي تهاتي وزينه
بالا الربعة تحجل
شاكية للوديان كتافه
وفوق الجيد علي ضهر البوادي
تغني ما خاتيه الزرافه
سلامها ضنين
بسيمه الودعة ألا تزيد لاطفه
ملامها رصين
مقدم زوكها قبال الحصافه
كلامها حنين
يطمئن الهمباتي
والمجلوبة متعارض كتافه
وقاريه وكاتبه تحمد سيدها
ماخده علي البنيات الشرافه
كذا البريبة تبرد عيني
لا تغشاها لا احضر نشافه
وكان في الحلة يوم...
حنة علي الشاشوق
آها مشينا نقدم البنوت
علي ضو الرتاين
عيونهن هارجه تنبح في الفجر
والليل قريب واقف يعاين
خدودهن جاهره
زي جهر الكهارب في المدينه
وكان الليل....
ومافي الحلة
من الحفله ألا صداها
كان زغرودة كان غناي
رقيص الشامة بت حمدين
وعرضة حامد العولاق
وخت الحنة ليات من حضور ضفرين
ونمات العديل والزين
وشنق ود سعد طاقيتو
شان في الحلة ساو كنتين
وشكلة عامر المسكين
وعيط ود مجمر زين
عشان الزينه رقصت زين
وفي الشعقيبة
كان بازمالو شبّالين
وسكرة وين
وسهرة وين
وبهرة وين
وجهرة وين
أقول آبنية ليش ما تهمي
فوق زولا مشلهت فوق دريبك
لا النفس مجبود
ولا لحق الغزاله
وقفت ...
ونبهر رماشه
جدعت بالبسم رشاشه
قالت...
والعيون ضحاكه
في ضو الرتين بشاشه
أ المهجوم...
اهجمك الله كان داير تسيلي الخلعه
عاد من حيني جاتني الحاله
قتلها لا لا
وحات النعمه آ بنيه
البريد في الريده ما بخبر فساله
حدرت باسمه
قتلها....
عايني تسلم عينك
إلا حقيقة... موساهل كتاله
ندهت ناضره
حالفابو الصباح الباش
ينور في المشارق
وتلين الجايه من تالانا تاله
وحات أمي
البعزها زي تراب حلتنا
أبقى حداك آ المريود
وأقول لاهلنا ناس قدام
وفي ها الحالة مي شينه القواله
وسائل القمره في شأنك
وأقولها هيله يا القمره
وتاني وهيله يا القمره
دحين ساكن رويشات القليب
في الحلة ما رشه القواله
وحات الفرحة في ها الليل
بشوف فيك عز أبواتي
وضرعاتك خدر يا الباهي
وما دايرالي من غيرك كفاله
وجاتني النهمه
قتلها اقيفي آ المريوده
بدور ارمي لي مربعاين
وتبقى حمالتي عند سيد الحماله
قالت والفجر في خديدها
آ الممسوخ.....
حدانا العين
بعد ما تسدر الضحوية
خت الفأس علي كتفك
وبوح غادي نم فوق البعجبك
زين....
قتلها زين....
وداك الحين
بشوفك أ الرتينه
مع الشمش بتلالي
مناك للسحاب الكابي فوق حلتنا
كان سابل ضلاله
بشوفك فوق عوينات الصبيّن
العشق لطف ضياهم
والنهار وصف خطاهم
الصبر زارعنو فوق ضهر البوادي
فوق كتافين السقاله
بريد ريدك كفاح أهلي
وأريد ريدك سماح أهلي
أريد مهواك
أريد انسانك الجواك
وأريدك تاني زي آخر الحتاله
وادوبي لك
واشيلك غنوة للسمحات
وانمك في تراتيلي
وكل ما العتمه تنزل سابله
انسى عناي
واتاوق لقناديلك
وأشد حيلي وأدوبي لك
وإذا مغناي يبرد في الحشا صدرك
ويرجع لي تهاليلي
بدوبي لك
ولو الشوق عرف بكاك
اطري غناي
عليك رب العزه
آ المريوده دوبيلي
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
رحل عن دنيانا اليوم الثلاثاء صاحب الصوت الرخيم والاداء المتالق ابراهيم عوض
تقبله الله قبولا حسنا واسكنه فسيح جناته مع الصديقين والشهداء وحسن اولئك رفيقا
ليه بتسال عنى تانى
بعدما شلت الامانى
رحت خليتنى لزمانى
وانت عارفو على جانى
لوبتفتكر الليالى
تداوى غلبى
ولا تانى ترجع الافراح
لقلبى
انت واهم ياحبيبى
دى الليالى امر لى
من دموعى الفى عينى
افضل اشكى فى كل ليلة
واطفى شمعاتى القليلة
وافضل ابكى واقول حليلة
كانت دارى وكنت دوحى
وانطفيت يانور زمانى
**
ولن تنطفىء ذكراك يا ابراهيم
عوض لانك اوقدت فى دواخلنا شموع
الامل فالحب مازال موجودا فى الدنيا
وسيبقى
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
سمار الليل البهيم ,الساطع انجمه ,الممطر سماه , والبارد , والحرو سموم يمرق فيها الزول من جلدو اهديكم هذه الكلمات حلوة وعجتني علها تنال اعجاب حتى لو بعض منكم.
من يوم حبي فارقني
منامي وطرفي ما أتلاقو
ملاك في ظلالو متأني
رشيق القامة متثني
إذا أقبلت محياهو
جذب أفكاري بحياهو
سحر أنظارنا بضياهو
أنا بالحبو شاغلني
وكيف لا أعشقو وأغني
وأذوب في لطفو واخلاقو
تركني وما سأل عني
أحبو وهو يجهلني
بنيت أفكاري في فني
وشبته مع صغر سني
مهما يكون صارف عني
أحبو وقلبي يشتاقلو
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Mutwali Malik)
|
سمار الليالى خالد ومتولى وصديق حمدتووامير وكريمو وخلو وكل محبى الكلمة الجميلة
تشهد الايام
يشهد الليل والنحيب
عمرى عشتو كلو
وحدى كالغريب
ليلى دون الناس
كلو اهات وويل
من يوم ما شفتك
قلبى للدنيا ابتسم
اشرقت دنياى
فارق قلبى هم
رحت ارعاك فى خيالى
وبيك احلم
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: امير عوض الجمري)
|
اين عشاقك سمار الليالي
تيتا - صديق حمدتو- خلي - كريم- خالد المنسي والبقية
بعادك طال كفاية تعال شغلت البال بالف سؤال
عمرنا بمر وانت بعيد نضوق المر ومر المر
ونحي وراك علي الامال كفاية كفاية تعال
يافرحة ليل وصابح العيد ياروح روحي البريدو وحيد
مهداة الي الفردة خليل
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Mutwali Malik)
|
يا سمار الليل ومحبي الكلمة الحلوة وعاشقي الطرب لكم اهدي كلمات المبدع الشاعر المرهف الحنين الحسين الحسن,,, جمال الكلمات حمل الاستاذ عبد الكريم الكابلي على صياغة لحن يسري لروح السامع كسريان الدم منا
حبيبتي عمري تفشى الخبر وذاع وعمى القرى والحضر
وكنت أقمت عليه الحصون وخبأته من فضول البشر
صنعت له من فؤادي المهاد ووسدته كبدي المنفطر
ومن نور عيني نسجت الدثار ووشيته بنفيس الدرر
وقد كنت أعلم أن العيون تقول الكثير المثير الخطر
فعلمتها كيف تخفي الحنين تواريه خلف ستار ستر
فما حمسته لآذن النسيم ولا وشوشته لضوء القمر
ولكن برغم تفشى الخبر وذاع وعمى القرى والحضر
حبيبتي قلبي وهل كان ذنبي إذا كنت يوما نسيت الحذر؟
ففي ذات يوم رقيق النسيم كثير الغيوم قصير العمر
ذكرت مكان عزيز عليا وأنت به وانا والاخر
ذكرت حدثيك ذاك الخجول وصوتك ينساب منه الخطر
تقولين ماذا تقولين؟ ويحي وهل كنت افهم حرف يمر
وصوتك كان يهدهد روحي ويحملني بجناح اغر
يحلق بي حيث لا آمنات تخيب ولا كائنات تمر
وهومت حتى تبدأ امامي ظلام رهيب كثيف البصر
وقفت عليه الدق الجدار فما لان هون ولم ينشطر
وعدت تذكرت أن هواك حرام على قلبي المنكسر
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
لو بكايا همّاك - إسماعيل حسن
ياما دربك كنت بفرشو ورد وحنية واماني
ياما عهدك صنتو وما خنتو وكان ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
إن نأيت برجاك وان نسيت بطراك
وان قسيت بهواك
جيت اعاتبك واشتكيلك واشرح الحب من بدايتو
قلب خاضع مابرافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها اوعوا لا تخونوها
دا حرام تنسوها
تبقى جنبي وننسى كل الدنيا نغرق في الأماني
واشتكيلك يا حبيبي منك انت ومن زماني
في غيابك ياما ليل الغربة بالآلام رماني
ابكى عيني وابكي روحي وابكي قلبي يا حناني
لو تعود وتجيني القى فيك حنيني
وانسى بيك انيني
ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها
الإله يرعانا ده الغرام ضمانا
ونحن ما أحلانا
لو بكاي هماك لو شقاي أشقاك
ما كنت يوم فارقتني خاصمتني
عذبتني
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
اين عشاقك سمار الليالي
خالد المنسي انها مشغوليات الحياة تلك التي تمنعنا من المواصلة
اغنية تراثية
لوتعرف معني الاشواق لو تعرف كم ليك مشتاق
شوق الغربة ياحبيبي قاسي علي العشاق حراق
لو قضيت الليل سهران عارف معني الاشواق
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Mutwali Malik)
|
يا ضنين الوعد أهديتك حبـــــــــــي
من فؤاد يبعث الحب نديا
أن يكون حسنك مجهول المدى
فخيال الشعر يرتاد الثريا
كلما أخفيته في القلب
تندي عنه عيناك ولا يخفى عليا
أنا إن شئت فمن أعماق قلبي
أرسل الألحان شلالاً رويا
وأبث الليل اسراب الهوى
وأفوق الصبح زوقاً بابليا
لا تقل اني بعيد في الثرى
فخيال الشعر يرتاد الثريا
كان بالأمس لقانا عابراً
كان وهماً كان رمزاً عبقريا
كان لولا أنني ابصرته
وتبينت أرتعاشاً في يديا
بعض أحلامي التي انسجها
في خيالي وأناجيها مليا
ومضة عشت على إشراقها
فنقضت عجلى وما أصغت إليى
شيمةً خبئتها في خافقيا
من دمي غذيتها حتى غدت
ذات جرس يؤثر الآذن شجيا
وأفترقنا وبعيني المنى
قادها الفع فما أبصرت شئى
إن تكن أنت جميلاً
فأنا شاعر يستنطق الصخر العصيا
إن تكن أنت بعيداً
عن يدي فخيالي يدرك النائي القصيا
لا تقل إني بعيداً في الثرى
فخيال الشعر يرتاد الثريا
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Mutwali Malik)
|
تيتا..متولي ..حمدتو.وبله الغائب (خليل)
سمار ليل الغربة وليل العاشقين..
نودعكم ولو قليلا الي ليل الوطن..
ليالي العودة تاني..
الليل الملي بالفرح والطرب والدهشة...
تيتاوي..
ماعندك اي جواب ولا وصية لفتاح الكج..والود حنفية..(كلمهم لي عليك الله.ما يقولو المغترب
الفاره ده ندقسوا)..
لكم تحياتي الحارة يا اصدقائي..
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: انعام عبد الحفيظ)
|
اين عشاقك سمار الليالي
خلي - صديق - تيتا- خالد المنسي - امير الجمري والبقية
نغني مع العاقب محمد حسن
ياحبيبي انحنا اتلاقينا مرة
في خيالي وفي شعوري الف مرة
الف مرة عاش سلامك والبعاد يشعل غرامك
وبالمحبة عيوني ساهرة عايز اشوفها تاني مرة
من بعيد بتعيش معاي في خيالي
وفي شعوري وفي دمائي
الليالي تغني لو القاك معاي
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
لو أحبك - زيدان إبراهيم
أذكر أن هذه الأغنية قد فازت في منتصف ثمانينات القرن الماضي بلقب أغنية الموسم، ايام كان معرض الخرطوم الدولي في أوج إزدهاره وتألقه وجذبه للجمهور وللزوار
لو أحبك أنا العمر كلو
برضو شاعر ما كفاني
انت فاكر للعواطف
ظاهرة في روحي وكياني
والمحبة البين ضلوعي
خالدة برويها بحناني
إن مساهر بالي فيها
وان نسيت كانت أماني
مشتريها بي شبابي
والشباب ما بجيني تاني
بين شفايفك ابتسامة
زي قمر ضوا في حياتي
وكل بسمة بتزيد شجوني
وما في زول يرحم شكاتي
لما تحكي الشوق عينيا
أو تعاتبك اغنياتي
بكلمة حلوة من لساني
فيها أجمل ذكرياتي
بس بنظرة بترد عليا
ومن بعيد تلهم سكاتي
كن مجامل يا حبيبي
ويكفي انك تصطفيني
عشّي خاوي في الليالي
والنهار بشهد انيني
الضلام بكتب عليهو
بي حروف النور حنيني
والنجوم تشهد ضنايا
وتقرا في صفحة جبيني
متين تعود أيام هنايا
وتاني ترجع تصطفيني
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
يا سلام على كل كلمة حلوة بتطرب وتعذب وتشجي,,, سألوا الشاعر ابن الروم ما أصدق ما قلت من في الشعر,, أجاب الرثاء لاننا نظمه وقلوبنا مفجعة,,, لكن احبابي مرات نجد هناك كلمات صادقة مؤثرة تقطع الاحشاء وتفطر القلب وتفتت الكبد خاصة إذا كان من نظمها جرح في قلبه وأحساسه.
كلمات هزتني كثير لا اعرف شاعرها, لكن على ما أظن أمرأة وهذا يستشف من صياغ الكلام والشاعرة من داير الشايقية,,, الكلمات بسيطة مؤثرة تفعل في الاحساس فعل النار في الهشيم.
حبي أنا ليك كان زادي
وكان جوه الحنايا دفين
وكنت بضاري من الناس
وخايفة عليهو من العين
عليهو أنا كت بصوم وأفطر
عليهو بكابد النارين
وكت برجاك فوق النار
لمن وكت لقانا يحين
نتونس في براءة أطفال
في الحب نروى ننهل زين
وكل يوم يزيد البينا
لما بقينا غاب قوسين
تاري أنا كنت فيك مخدوعة
كتار الزي مخدوعين
وما قايلاك تلعب بي
تعيش اللحظة بس والحين
وما قايلاك حبيب ألآف
قلبك قبلة للضالين
وما قايلاك تنسى حبيب
صبر راجيك ستة سنين
كيفن هان عليك تنساهو
زولاً كان عليك حنين
وتشغل بالك الأشواق
لمن تزبل الياسمين
وكت دايراك بسمة عريضة
في وش الزمان الشين
وكت دايراك ساعة الحارة
تبقى لي دخري خزين
وكت دايراك مقنع حوبة
وكتين المضارة يبين
وكت دايراك فارس أحلام
تشاركني ونتم الدين
وكت دايراك شريك الروح
أخدمك حافية القدمين
وكت بحلم بك انت معاي
مجرتق بالعديل والزين
وجنبك في شمالك قاعدة
نسمع في دقر يا عين
تبشر زين مع الأصحاب
وتشبل من الوزين
وأنا الأبحرتة راكبة الموجة
أكيد مراسي بين موجتين
وداعاً يا سراب خداع
محال ما بروي عطشانين
وداعاً يا حلم عابر
يسعد ويفرح النايمين
وداعاً يا كلام معسول
حدو ومكمنو الشفتين
وداعاً يا سحابة صيف
شايلي مطرتو لينا رهين
تبشر بخريف جاينا
ياما الناس رجوهو سنين
وكل زول يفكر فيها
وما معروفة تنزل وين
وألف سلام عليك يا قلبي
المسالم وديمة طبعو حنين
يتاورو الشوق ويلعب بيهو
وتنحر في حشا السكين
تعاودو الذكرة تنتر جوه
وحالو يحنن المسكين
وأخيراً ليك ألف سلام
قبل ما تجف دموع العين
وقبال مني ماتعدي
قبال الفراق مايحين
بخيت وسعيد عليك ان شاء الله
يبقالك عمار وبنين
وقلبي خلي في آناتو
وبعدك ياما راجي آنين
ولو تاني يا قلب حبيت
ان شا الله ما ينتمه ليك مراد
لا ضوق حلو لا زين
وعمرك ما تجيك سعادة
وما تتهنى قول آمين
وتاني الحب عليك حرمان
وعد الحر أمانة ودين
(عدل بواسطة خالد علي محجوب المنسي on 06-03-2006, 05:16 PM)
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
سمار الليالي أين أنتم؟ هل يجوز أن تنطبق عليكم هذه الأغنية؟!!!!
لو مشتاق حقيقة - إبراهيم عوض
لو مشتاق يا غالي ما بتفوت ليالي
إتفرد في هجرك ما ترتأ لحالي
يا ساكن قليبي يا بايع وصالي
قلبي أسير غرامك مما قام وتبّّ
من ينبوع حنانك ينهل حبه حبه
بين عطفك ولطفك اترعرع وشبّ
كيف يرضيك تسيبو يا سلطان زماني
لي نار الصبابة يتعذب ويعاني
لو مشتاق حقيقة ما بتغيب دقيقة
ما بتبخل علينا بالكلمة الرقيقة
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
طابق البوخة
قام من نداهو مفرهد
نام من الدوخة
آيدو عاقباهو
الجدلة مملوخة
لي معالق الجوف
موسو مجلوخة
دا كلام تقيل يا عامر وبولع في الجوف نيران بالذات لناس زينا اتوكرو وتزوجو خوجيات
الشاعر يصف حال المحبوبة وحلاوة الوصف تكمن أنه وصفها بعد أن قامت من حفرة الدخان وطبعا الدخان بتم في دورين البوخة الأولي وبعدها المسوح والريحة بالخمرة وبعد داك البوخة الثانية.
قامت وجسمها نديان ومندي ونامت من الدوخة
(آيدو عاباهو والجدلة مملوخة ) .... وصف لمشيتها من حفرة الدخان لداخل البيت
( لمعالق الجوف موسو مجلوخة) حال المحبوبة وهي قائمة من ما كانت عليه صورها كأنها تقطع احشاء الجوف بسكين حادة
عليك الله يا عامر دا ما حديث بوجع الزينا
طبعا صديق حمدتو حا يقوم يسلمني لشرطة الآداب
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: خالد علي محجوب المنسي)
|
عزيزى خالد على محجوب
كلام جميل وحق زولا موجوع بالحيل
لكنو نضم تمام وكلام ليل ترعان وندى
وحقو نسميهو ليل الشحم والزيت .. ههههه
Quote: عليك الله يا عامر دا ما حديث بوجع الزينا
طبعا صديق حمدتو حا يقوم يسلمني لشرطة الآداب |
بالطريقة دى حتمشى لاهاى .. منسى-فيتش عديل كدة
بما انك فى كوسوفا وناسبت الخواجات
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
الأخوة الاعزاء متولي وعامر وصديق والبقية لكم الود والاحترام شنو بقيتو تنومو بدري وخليتو سهد الليل لي منو صديق القندف طبعا زاغ مننا لانو بقى مهيت ومبيت في بورت امير الجمري لكن هو ود الجمري جبان فتح ليهم غزل عيون وعارف ناس صديق رهاف القلب فنجرو
العذاب الفي قلوبنا
والشقى الزاد المسافة
لو قدر يتحدى صبري
قادر اتحدى المسافة
يا مواني الريعة انت
السنين الطال مخافة
ولسع جابر راجي صبحك
الدنيا غيرك قلبي عافة
لذة الريد لما تشقى
من شقاي تسعد عيونك
وروعة الهم لما تطلع
بعدو فرحة تضوي كونك
| |
|
|
|
|
|
|
| |
خالد علي محجوب المنسي
لؤى
صديق حمدتو
Yassir7anna
عامر تيتاوى
معتصم دفع الله
Mutwali Malik
انعام عبد الحفيظ
امير عوض الجمري
طارق جبريل
عبدالكريم الامين احمد
فيس بوك
تويتر
انستقرام
يوتيوب
بنتيريست