صور لصلاة العيد للسودانيين حول العالم.....و عيد سعيد
جالية NYC تدعوكم لحفل عيد الفطر والفنانة سامية العسل وعروض خاصة بالاطفال-الثلاثاء 7/29
دورة الاتحاد السوداني الأمريكي لكرة القدم ساسف الكبرى بفرجينيا، عطلة عيد العمل، 30-31 أغسطس
مكتبة الكونغرس تنظم برنامج لتكريم الراحل الطيب صالح في يوم 4 أغسطس

المنبر العام ابحث

اغانى مختارة

English Forum

تحديث المنتدى

الحضور

تحميل الصور تحميل الفيديو والأغاني أغاني مختارة الصور المختارة التبرع للموقع
كيبورد عربي دليل الأصدقاء أغاني سودانية

دليل الخريجين

اجتماعيات

آخر الأخبار

دراسات ومقالات الأرشيف والمكتبات أرشيف النصف الثاني للعام6 مواضيع توثيقية قوانين ولوائح المنبر
مرحبا Guest [دخول]
أخر زيارة لك: 26-07-2014, 06:12 PM الرئيسية

مدخل أرشيف النصف الثاني للعام 2006مما بين زول ساكت وصـديق المـوج تــيه وإتـاكا ..
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « الموضوع السابق | الموضوع التالى »
أقرا احدث/اخر مداخلة فى هذا الموضوع »
03-07-2005, 04:35 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

ما بين زول ساكت وصـديق المـوج تــيه وإتـاكا ..

    تيه وإتاكا
    كلمات الشاعر محمد ودالرضي ..


    تيه واتاكا مراض وصحاح مقله الفتاكا ظبى الرام
    _________________________________

    خريف وشتاك ميس يابان المصرى اتاك النسام
    البى افتاكا جاب لى روايحك لى هتاكا عود يا منام
    _____________________________

    ما بيغباك شغفى عليك ومتى متى اصباك تذيدنى هيام
    وترينى صباك وتزيدنى عتاب وحنان نتباكا على الايام
    _________________________________---
    لعلى اراك ضحا تتجلى بطيب واراك ولو فى منام
    ويكون سمراك جوارى تيلاد وبعض امراك وبعده تنام
    ________________________
    كفى كفاك بعاد حلماتك من كتفاك در ومدام
    والراح فى فاك شعرك عاتم وبدر صفاك وحسنا دام
    ____________________________---
    غريزة حياك عيونا تخشى جمال محياك تاخد السام
    ويفوح رياك ينعشنى يجيب خمرا جالياك النسام
    ____________________________
    زور مرضاك وخدك ناعم يذودبو فضاك جيدا جام
    على بعضاك وبعضا يميس يعانق اعضاك فوق اردام
    _______________________________
    التجى طالباك اولى بيها انا وبغضاك الالام
    تيه واقضى قضاك الاقى رضاك ورضاى فى رضاك وهذا تمام



    الناس ديل طالبني حاجات كتيرة ..
    وأنا طالبهم يجو يحدثونا عن الحقيبة وشعرائها ..
                   |Articles |News |مقالات |اخبار

03-07-2005, 06:08 AM

Khaalaleyaal

تاريخ التسجيل: 13-01-2003
مجموع المشاركات: 389
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    ســـيد عبد العزيز

    بإسم الحب أقدم ليك حياتى

    حياتى - ومعاها العطف الجزيل
    بإسم الحب أقدم ليك حياتى

    عليك يا حب تحياتى عليك أوقفت غاياتى
    لحبى أضحى بحياتى أحب الحب وأيامه
    وذكرياته وأحلامه وما يوحيه إلهامه

    حياة الحب أسميها السعادة بكل معانيها
    أقيم ليلاى أغنيها روح يا لليل تعال يا ليل
    أحب فى كل أوقاتى ألاقى حبيبى يوماتى
    أقول ليه ويقول لى العهود بيناتنا مرعية
    أقول ليه تعال لى نجلس جلسة غزلية

    أمتع فيك عيني أشوفك وأنسى ألامي
    وأقول حققت أحلامي على تميل وعليك أميل
    فيك أمعنت نظراتى وجدتك كل مسراتى
    وأفراحي وملذاتي أحبك وأنسى فيك ذاتي
    حبيبي أراعى تقديسك ويرتاح قلبي لحديثك
    حديثك يشفى العليل والله يا السامي الجليل
    الحب الصادق قليل البشبه حبي النبيل
    فبدون جميل أهوى الجميل
                   |Articles |News |مقالات |اخبار

04-07-2005, 04:19 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: Khaalaleyaal)

    ويقول سيد عبدالعزيز

    لي نيه في قمر السماء

    لي نيه في قمر السما مقاصدي آه ما أجسما

    أبني الفكر وأهدما والعين تسيل دمعة الدما
    والدمعة مرات أعدما لحبيب روحي أقدما
    يا ... ليته يرضى .. يخدما

    حواسي ماله كلما هبت نسمة تألما
    روح يا نسيم لها كلما لو جاهلة كنت أعلما
    حن .. المعذب لي ... اللما

    عجباً ملاك ساكن حما في حماية الحيا أحتما
    منعه الدلال يظهر حما هلك النفوس وأبى يرحما
    من ... هجره يا حامي ... الحما

    بديها روحي تقسما بدل الزهور في مواسمها
    معها النفوس قدرن سما تفدي العيون الباسما
    الفي ... القلوب ممضي ... اسما


    كم من محاسن أعظما فيك خايله خلقه منظما
    زي معنى شاعر نظما صفا بهجتك ما أعظما
    شوفتك ... ظما وتروي ..... الظما

    حي المسالمة ومسلمه الذكراها انسى وقلما
    الذكرى دائماً مؤلمه لله أموري أسلما
    القمره ... مـــا لقيت .... سما


    شكراً جميلاً خال العيال ..
    خليك معانا لغاية الرحلة ..
    ودي قصيدة لي نية في قمر السماء لسيد عبدالعزيز ..
    غناها ميرغني المأمون وأحمد حسن جمعة ..
                   |Articles |News |مقالات |اخبار

03-07-2005, 07:28 AM

زول ساكت

تاريخ التسجيل: 26-11-2004
مجموع المشاركات: 2907
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    المعتصم
    يازول ماوكرتني تب تختني مع الموج في فد مركب
    وانا الما بعرف مسكة المجداف


    كان شفت راسي بقى كبير خلاص
    وقربت اقول ليك انا عوض بابكر زاتو

    حقيبة الفن او حقيقةالفن
    خليل فرح
    سيد عبالزيز
    العبادي
    ابوصلاح
    الامي
    علي المساح
    ودالرضي
    الجاغريو
    عيبد عبدالرحمن
    عبدالرحمن الريح
    عمر البنا
    محمد بشير عتيق
    وغيرهم
    كرومه
    سرور
    الامين برهان
    عبدالله الماحي
    زنقار
    عبيدالطيب
    ميرغني المامون واحمد حسن جمعه
    اولاد شمبات
    ثنائي المورده
    بادي محمد الطيب
    خلف الله حمد
    احمد الطيب
    مبارك حسن بركات
    عوض الجاك
    وغيرهم

    بجيك بي رواقه يامعتصم واكلمك عن جداً لي له اغاني حقيبه لايعرفها الا قليل من الناس
    واحدثكم عن علاقته الوثيقه بصديق عمره الشيخ محمد ود الرضى كما كان ينادى

    بس انت شوف لي ود الموج وين اراضيهو

    (عدل بواسطة زول ساكت on 03-07-2005, 07:42 AM)

                   |Articles |News |مقالات |اخبار

04-07-2005, 02:15 AM

زول ساكت

تاريخ التسجيل: 26-11-2004
مجموع المشاركات: 2907
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: زول ساكت)

    كتب ود الرضي مفتخراً

    من العقبه قري لي عتمور حمد نحنا الطردنا سباعا

    اسود الخلا بتعرفنا وبقينا رباعا

    بكرتنا ام عرف مافيش ودمقنعه باعا

    الازرق دا من ابروف لي ود العجب لي يوسف جميل لي الخرطوم هنا هيلنا نحنا رفاعه

    هنا يفتخر ود الرضي بقبيلته(رفاعه)
    البيت الاول يعني انهم سكنو هذه المنطقه وقد كانت مليئه بالسباع والوحوش
    البيت الثاني ان شجاعتهم اصبحت معروفه حتى للاسود التي اصبحت كالند لهم
    البيت الثالث يفتخر بانهم يملكون افضل المواشي التي لاتوجد عند غيرهم
    البيت الرابع يفتخر فيه بانهم كقبيله يسيطرون على ضفاف النيل الازق من الحدود وحتى الخرطوم
    وكما هو معلوم ان جميع النظارات هي من قبيلة رفاعه كما ذكر

    اموت في الرفاعه
    قال عنصريه قال
                   |Articles |News |مقالات |اخبار

04-07-2005, 04:26 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: زول ساكت)

    يا ليل أبقالي شاهد

    يا ليل أبقالي شاهد على نار شوقي وجنوني

    يالليل صار ليك معاهد طرفي اللي ومنامي زاهد
    دنالي سهري وأشاهد فوق لي نجمك ظنوني

    يا جميل لي سهري واجد وأراك نائم وهاجد
    مين لي عيني ناجد بي دموعي الغرقوني

    لا تكون بالنظره جاحد حلمك في المية واحد
    منك لي قلبي شاحد بين ايديك يا حنوني
    خده البي مطارقه فاصد جامع كل المقاصد
    طرفه الكحول وراصد بي سهامه الألموني

    براق سنك يساعد القيم المزنه راعب
    ساكن قلبي ومباعد تشتاق شوفتك عيوني
    حبك في الجوف يطارد ما بين صادر ووارد
    يا حبيبي اللي فارد نظراتك يأسروني

    بعدك لي عقلي فاقد وقربك جوه جوفي واقد
    حبك على طلمس عاقد أشوقك ضيعوني
    على نار شوقي وجنوني

    عوجة ما بتجيك يا عباس ..
    إنتظر ودالموج جاييك بالتقيل خليك جاهز ..
    خد دي أتصبر بيها ..

    يا ليل أبقالي شاهد .. كلمات صالح عبدالسيد أبوصلاح ..
    وغناها أولاد شمات عوض وإبراهيم ..
                   |Articles |News |مقالات |اخبار

04-07-2005, 04:40 AM

عمر محمد عبد القادر

تاريخ التسجيل: 26-11-2004
مجموع المشاركات: 0
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    واصل يا معتصم مع رفاقك الميامين.. لا تتوقفوا في نشر هذا الطرب الاصيل الذي ما زال يتغلغل في دواخلنا بهجة ومسرة .. كنت من المتابعبن المهووسين لبرنامج حقيبة الفن صباح كل جمعة .. رحم الله الفن رحمة واسعة . وحمانا الله واياكم من ( البانسلين .. الشمار ... حمادة تش ... سمح انت وعسل انت .. البابور جاز .. وغيرها..



    ود الباوقة
                   |Articles |News |مقالات |اخبار

05-07-2005, 04:51 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: عمر محمد عبد القادر)

    Quote: رحم الله الفن رحمة واسعة . وحمانا الله واياكم من ( البانسلين .. الشمار ... حمادة تش ... سمح انت وعسل انت .. البابور جاز .. وغيرها..

    دي العولمة يا ودالباوقة ..
    والله هسي تمشي حفلة ما تسمع الحاجات دي تجي زعلان وتقول والله الحفلة دي بائخة ياااااااخ ..
    وفي مقولة دي أغنيات "الجبجبة" البتخلي الشباب من الجنسين يطرب ويتلولح ويفك الزهجة والخرمة بتاعتو كمان ..
    أها رأيك شنو بالله ؟
    الغناء الجميل دا أصلو ما بتجيهو عوجة ..
    لسه الناس باقية عليهو ومحافطة عليهو شديد ..
    هاك دي شوف ناس زمان ديل كانوا بكايين كيف ..


    ولهان دمعي هامي
    عبيد عبدالرحمن

    ولهان دمعي هامي وسهران ساهي بالي
    بعدك ليه ميسر وقربك ليه أبالي

    أخشى يكون حبيبي صرم البين حبالي
    ما ضراه طيفك لو في النوم صبالي
    يوم ودعت حسنك يوم ودعت بالي
    امتى أشوف جمالك وامتى تكون قبالي

    بي ذكراك معذب كل ما الليل مسالي
    قلبي يزيد حنانه وقلبك ليه قسالي
    جرت وجار زماني وخاطرك طاب نسالي
    مهما جدّ بينك صابر وماني سالي

    أبكي حبيبي بعدك أيامي الخوالي
    أنشد فيك صفاهن وأنشد فيك موالي
    لولا مسيل دموعي بلاني ورواني
    خرقت جسمي نارك وحرق الكان حوالي

    صده سبب نحولي وبعده سبب ملالي
    حبه ملك فؤادي واتمازج خلالي
    أما سبب شقاي ودائي وغتلالي
    نور محيه الهلالي ونور خده البلالي
                   |Articles |News |مقالات |اخبار

04-07-2005, 05:32 AM

خدر

تاريخ التسجيل: 07-02-2005
مجموع المشاركات: 13183
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    تيه وإتاكا
    كلمات الشاعر محمد ودالرضي ..


    تيه واتاكا مراض وصحاح مقله الفتاكا ظبى الرام

    خريف وشتاك ميل يابان المصرى اتاك النسام
    اللى افتاكا جاب لى روايحا لى هتاكا وذادني هيام

    ما بيغباك شغفى عليك ومتى اصباك تذيدنى هيام
    وترينى صباك ونجري عتاب وحنان نتباكا على الايام

    لعلى اراك ضحا تتجلى بطيب واراك و نجري كلام
    ويكون سمراك جوارى حسان وبعض امراك وبعده تنام

    كفى قفاك بعاد حلماتك من كتفاك درر ومدام
    والراح فى فاك شعرك عتمة وبدر صفاك وحسنك تام

    غريزة حياك عجيب تستحي من نور محياك داخل السام
    ويفوح رياك ينعشنى يجيب خمرا جالياك ولو في منام

    الشادي شداكـ موجو ترتل تل نهداكـ و قود اللجام
    وتلا يداكـ وري الفن فرج ننداكـ و عوم يا حمام

    ما اسماكـ سماء المجد علوت سماكـ عبير الشام
    وفاح نسماكـ من تنا جيدكـ و حامي حماكـ حمي الاسلام


    ده النص الصحيح معتصم
    و اظن ان مولانا مباركـ حسن بركات حفظو شفاهه
    لكن هذا ما حفظناه منذ صغرنا عن ديوان ودالرضي
    تحياتي
    و واصل توثيقكـ .. شغلكـ نضيف
                   |Articles |News |مقالات |اخبار

05-07-2005, 04:02 PM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: خدر)

    الحبيب خدر
    وأهل مكة أدرى بشعابها ..
    وأنت ترعرعت على حب هذا الفن الجميل ..
    شكراً للتصحيح وهذه الإشادة ..
    أتمنى أن تمدنا بكل ما تعرفه عن الحقيقة لمزيد من التوثيق ..
    أهديك رائعةالشاعر عمر البنا ..

    زهرة الروض الظليل
    عمـر البـــنا

    زهرة الروض الظليل جاني طيبك
    مع النسيم العليل زاد وجدي
    نوم عيني أصبح قليل

    يا زهرة طيبك جاني ليل
    أقلق راحتي وحار بي الدليل
    كنت أراك مع الخليل
    وأسجد أمامك خاضع ذليل

    دائماً أنوح وأقول حليل
    صفي القلب القدره جليل
    كلما يجي ليل أكون عليل
    أنا في الثرى وهو في الإكليل
    يالليلك عفافك دائماً زميل
    يالمن طيبك زهر الخميل

    لو مرّ نسيمك على ألف ميل
    يخلي العالم طرباً تميل
    يا أهيف يا ذو الطرف الكحيل
    يا الصدرك عالي وخصرك نحيل
    مناي في الدنيا قبل الرحيل
    أرى شخصك لكن. مستحيل

    امتى تعود أيامي القبيل
    يا حبيبي أوجد للقاك سبيل
    ومعاك يتخاذل في قبابل
    شفاء دا قلبي الوبيل

    قال لي صحيح جسمك هزيل
    أحمر الغرام في أعضاك نزيل
    لو ما بخاف عقلي الهزيل
    كنت أوصلك ولي عياك أزيل
                   |Articles |News |مقالات |اخبار

04-07-2005, 06:52 AM

Khaalaleyaal

تاريخ التسجيل: 13-01-2003
مجموع المشاركات: 389
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    سيد عبد العزيز - من حور الجنان

    من حور الجنان أم أنت إنسان الكمال
    هل أنت الملاك جيت تورى الناس الجمال

    سبحان من نشاك حسنه وفى غاية الكمال
    يهواك الجنوب وإليك ينقاد الشمال
    وما أظن يحصوا حسنك لو يحصوا عدد الرمال
    بى إيه يقدروك يا ملك ملوك عصر الجمال

    سلطان بهجتك محروس بجيوش الجلال
    ويغار من صفا حسنك صفا ماء الزلال
    فى مراية خدودك أشوف تأكيد سحر الحلال
    وأشوف فى سما حسنك كل يوم يسطع هلال

    صفا ماء الجمال فى مجال جمالك راق وجال
    زى ماء الحياء فى عيون ربات الحجال
    ما فعل السلاح تفعل عيناك النجال
    مكسور الطريف كسر قلوب الرجال

    يا خلاصة المعانى الصار معناك موضع مثال
    فوق المحسنات حايز لطف وكرم خصال
    آلهة الجمال اعترفوا ليك ما ليك مثال
    وتتمنى البدور تقبيل يداك بى امتثال

    يا طايل الوريد يا أهيف يا اللى خصمه زال
    فيك منظر يحنن وفيك منظر فارس النزال
    ليك من الغزالة جبين وقاد وعيون غزال
    الحور من مناصبها لى قدرك تكتب نزال

    يا الغصن الرطيب عاجبنى فيك الإنهدال
    اللادن قوامك من ملبن وذو اعتدال
    جوهر حسنك الصافى وسيرك طاهرات عدال
    آيات بينات ما فيهن للكافر جدال

    شاركت الغمام والموج مناظر وارتحال
    شاركت الظباء فى نفرتن والإكتحال
    شاركت القلوب فى موضعن وعلى كل حال
    نفداك بالنفوس وفداء النفوس كان المحال
                   |Articles |News |مقالات |اخبار

04-07-2005, 07:00 AM

معتز تروتسكى

تاريخ التسجيل: 14-01-2004
مجموع المشاركات: 9829
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: Khaalaleyaal)

    خالص التحايا
    شقيقى معتصم
    التحيه ليك ولى
    ساكت وصـديق المـوج ..

    وكل الحضور
    *بوست نفيس

    واصل
                   |Articles |News |مقالات |اخبار

04-07-2005, 07:14 AM

زول ساكت

تاريخ التسجيل: 26-11-2004
مجموع المشاركات: 2907
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتز تروتسكى)

    احدى اغاني الشاعر الشيخ عباس عبدالملك
    رفيق وصديق ود الرضي

    وللاسف لااحفظها كامله
    (غزال البانه)

    Quote: غزال البانه اريدا ام قامةً عاجبانا فرعاً

    ياكريم انجانا قادت الروبه مي خمجانه
    وارداف الردف عرجانه جسم اللؤلؤه ومرجانه
    صنعاً
    ربي اتولانا من شان نظرتك فالانا
    كالسقد النام خلانا مجنون ليلى اخير ملانا
    نوعاً
    من الردف غلبانه تتخنتل كغصن البانه
    حاكمه العصر ياحبانه بي كبارنا وصغار جالبانا
    طوعاً
    بي اقداما التبر سارجانا جات والحفله زاد هرجانه
    شوف ديك صاره ديك حرجانه من شان عينا زي فنجانه راعن

    قطره من اوزانا رخروخه ومطيريق زانه
    فقله ووحلةً عجزانه في نار نشأتك لازانه
    طبعاً
                   |Articles |News |مقالات |اخبار

04-07-2005, 11:09 PM

زول ساكت

تاريخ التسجيل: 26-11-2004
مجموع المشاركات: 2907
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: زول ساكت)

    إنت حكمه

    محمد علي عبدالله الأمي

    إنت حكمة
    إنت آية
    ولا إنسان
    إنت صاحى
    ولا نائم
    ولا طرفك من طبعه نعسان

    إنت راحى
    إنت روحى
    إنت إنسان عينى يا صاحى
    إنت إحسان

    ولا طرفك من طبعه نعسان

    إنت نادى
    إنت هادى
    إنت ميسان
    إنت ظافر
    إنت ضافر اسود وفرسان

    ولا طرفك من طبعه نعسان

    إنت شادن
    إنت لادن
    إنت فتان
    إنت ضامر
    إنت تآمر
    إنت هتّان

    ولا طرفك من طبعه نعسان

    إنت نادر
    إنت ناضر
    إنت بستان
    إنت صافى
    إنت نافى
    زور وبهتان

    ولا طرفك من طبعه نعسان

    يا حياتى
    يا مماتى
    هاك سكران الصبابه
    مر عذابى
    قلبى إقران

    ولا طرفك من طبعه نعسان

    إنت ساهى
    إنت لاهى
    إنت بطران فى دلالك
    فى حلالك يا سيدى مكران

    ولا طرفك من طبعه نعسان

    يا هنايا
    يا وفايا
    هاك برهان عن غرامى
    كل هيامى
    سابنى ولهان

    ولا طرفك من طبعه نعسان

    عز قربك
    أما بعدك
    ماله لى هان
    قلبى خافق
    هل توافق
    قدرى ينهان

    ولا طرفك من طبعه نعسان

    يا حبيبى
    كون طبيبى
    أمرى حيران
    طول نهارى
    أما ليلى
    ساهى سهران

    ولا طرفك من طبعه نعسان

    طال عذابى
    صاح غرابى
    جوى عكران
    دمعى هامى
    شوقى نامى
    وفرشى نيران

    ولا طرفك من طبعه نعسان

    إنت حالى
    إنت عالى
    إنت سلطان
    وأنا ساجع
    بى غناك طان

    طال أنينى
    فاق حنينى
    الحان لأوطان
    واليلومنى
    فى هواك
    يا سيدى غلطان


    تحيه مع التقدير للاخ ابوذر المطر
                   |Articles |News |مقالات |اخبار

10-07-2005, 04:00 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتز تروتسكى)

    شكراً شقيقي معتز

    معك كل شئ يكون أحلى وأجمل ..
    خد دي من روائع ودالرضي ..

    أنا في التمني

    محمد ود الرضي


    أنا في التمني ديمه هديلي ساجع
    ما لقيت لي مغيث ولا لقيت لي مراجع

    داير أشوف حبيبي اليوم داك شفته رايق ودمعه ناقع
    أسود شعره حالك أما صفاره فاقع
    تتلاصف خدوده لا حجاب ولا براقع
    أشوف لعسو ونواعسو جل الباري صانع
    أشوف في خده شخصي وفي صدري المضارع

    يفرخيت بسمه برقاً ليله هاجع
    يرفع لي رشاشه يسبل نظره واقع
    داير أشوف غافل وداير أشوف جاذع
    يتغطى بي سوعده ومحنو كان واجع
    يردد لي نغيماً تشتاق لي المسامع

    أعاين فيه وأضحك وأجري وأجيه راجع
    متلاعب ليس إلا ما موضوع مطامع
    أقيس بالليل شعره ألقى الفرق شاسع
    دي ما بيلقاها زول زي صيده ناجع
                   |Articles |News |مقالات |اخبار

06-07-2005, 06:17 AM

صديق الموج

تاريخ التسجيل: 17-03-2004
مجموع المشاركات: 18599
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    معتصم وزول ساكت طلبتكم بالمصطفى ما تقيفوا لما اجيكم صاد

    مع وعد يا معتصم باعطائك شريط خالك عبد الرحيم سليمان عشان

    تنزل منه شوية،،
                   |Articles |News |مقالات |اخبار

10-07-2005, 04:11 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: صديق الموج)

    والله يا ودالموج شحتفت روحنا ياخ ..

    أظهر وبان عليك الأمـــان ..


    إنتظارنا ما يطول بالله عليك ..
                   |Articles |News |مقالات |اخبار

06-07-2005, 06:17 AM

صديق الموج

تاريخ التسجيل: 17-03-2004
مجموع المشاركات: 18599
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    معتصم وزول ساكت طلبتكم بالمصطفى ما تقيفوا لما اجيكم صاد

    مع وعد يا معتصم باعطائك شريط خالك عبد الرحيم سليمان عشان

    تنزل منه شوية،،
                   |Articles |News |مقالات |اخبار

06-07-2005, 07:38 AM

Khaalaleyaal

تاريخ التسجيل: 13-01-2003
مجموع المشاركات: 389
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    فريع البانة المن نسمة
    يتمايل حاكى المنقسمة

    نار قلبي بتوقد من وسمة
    تلمع في خديدها وتفِر بسمة
    الفم الزي خاتم نص قسمة
    يا الماك داريابي والغي قسمة

    نص وسطك خاتم بي زنده
    وصديرك قائد والديس جنده
    كفيلك قلع من عنده
    و أكتافك فوقو يا روحي بسنده

    حبوب الفاطر درية
    وجهك يتلألأ من دون ريه
    الجبهة تلاصف بدرية
    والحالة البي ماها مدرية

    الجيد الوافر كالجامة
    فاقت أعرابها وأعجامها
    المهرة العاصية في لجامها
    لقلوبنا لحاظك يا روحي رجامة

    زبرجد لونك ما ضرّّ
    ولع نار قلبي وأخضر
    أنا قلبي فدايتك ما ضرّّ
    لو كان يدقدق يا روحي ويضرّ

    يا ريلة بزازك ما نوعها
    من خز أو عسجد مصنوعة
    قادت لي أعطافها المرنوعة
    دي ثماري ولكن يا روحي ممنوعة


    والشكر لي بدرالدين شنا
                   |Articles |News |مقالات |اخبار

10-07-2005, 03:13 AM

زول ساكت

تاريخ التسجيل: 26-11-2004
مجموع المشاركات: 2907
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: Khaalaleyaal)

    جزء من اغنية
    ترام ابروف
    للشاعر الشيخ عباس عبدالملك

    غناء علي الشايقي


    ترام ابروف امس شال السمح معروف صبقني
    ياحارق الحشا والجوف ويانور البصر والشوف سبيتني
    حاكمه الدنيا لاالمسكوف قليب عاشقك عليك معكوف عاذلي دعني
    هي ملكه ولابسه الملكوف مناي من ايدا عشره كفوف التزيدني
    حباب يوم زعلتو المعروف غضب قال ليا هاك مصروف كفتني
    ضحك وانحظ زوق وظروف قلبنا الشكله بالمعروف بصطني
    جسيمك ناعماً كالغوف كخذ او نرجساً ملفوف يريعني
    بريد شخصك جلوس ووقوف اكون بي عفوكم محفوف يسعني
                   |Articles |News |مقالات |اخبار

10-07-2005, 04:16 AM

Khaalaleyaal

تاريخ التسجيل: 13-01-2003
مجموع المشاركات: 389
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    أسمعنى نشيدك .... ورينى كمان فى الفن تجديدك

    يا حمام الدوح

    أسالنى أفيدك ... عن حالى البى وأحسبنى شهيدك

    ولهى ما بفيدك ....أبقالى رسول أو خذنى فى أيدك

    أترك تهديدك ....أسمعنى درر وواظب ترديدك

    وين القى نديدك ...يا جالى الهم زيد شجوى وأزيدك

    عقب تغريدك ...يا ساجع الدوح خلينى أريدك

    وأًل ليه بريدك ....وألأبس روحى يا حمام فى وريدك

    لا تخش هجيرك ...سافر يا حمام مولاك يجيرك

    سارع فى سيرك ...لو لى جناح أنا كنت وزيرك

    رحماك فى صعيدك ....أندب حظى وأدنى لى بعيدك

    يوم عيدى وعيدك ...يوم الأيام لديارى تعيدك


    -----------------------------------------


    ولف وتعال تلقاني ازيدك - الخال
                   |Articles |News |مقالات |اخبار

10-07-2005, 04:58 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: Khaalaleyaal)

    شكراً يا خال ..
    وإليك رائعة سيد عبدالعزيز ..

    يا أنة المجروح

    يا أنة المجروح يا روح حياتك روح
    الحب فيك يا جميل معني الجمال مشروح

    الحب زناد في الجوف زي الزناد مقدوح
    منه الجبارة تلين زي صوت بلابل الدوح
    وتصاحبه النسمات تفضل معاها تدوح

    من نعمة الأشواق ومحاسن الممدوح
    مصرية في السودان بي حبي ليه أبوح
    يا عنب جنائن النيل أتمنى حسنه صبوح

    وأنشد فؤاد الدار بين الرياض مذبوح
    وأرى الهلال في ظلال تلك الخميلة يلوح
    الناس تحب رؤياك بي الخاطر المطروح

    يا ملفت الأنظار يا بسمة المفروح
    وأنا أهدي ليك الحب حب من فؤاد مجروح
    حب الشحيح للمال وحب الجبان للروح

    أنا لو ضمنت رضاك أكون سعيد ممنوح
    يا من تسر رؤياك تفرح تنسي النوح
    تكسي النهار بجمال خديك جمال ووضوح

    منه الغزاله تقيف في موقف المفضوح
    من الوله لي لقاك دمعي الغزير مقروح
    ناقم على الأيام مع اني طبعي صفوح

    أنا والخيال في جدال وانت بنداك بتفوح
    كل ما النسيم يغشاك زي الحديقة تفوح
    ناير كحيل نعسان إنسان رقيق وجموح

    ساحر العيون بجمال في سواك ما ملجوح
    ان تميس بنميس وان كان تموح بنموح
    عدل الطبيعة جعل جور الحبيب مسموح
                   |Articles |News |مقالات |اخبار

10-07-2005, 06:55 AM

Khaalaleyaal

تاريخ التسجيل: 13-01-2003
مجموع المشاركات: 389
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    الأوصفوك
    بالبدر أم بالزهر هم ما أنصفوك
    ياجميل الأوصفوك

    كيف يجهلوك وكيف يجهلوك

    وعلى الجمال العادي راحيو يمثلون
    ولو بادلوك عين الحقيقة أو بالبصيرة تأملوك

    بالنور أم بالنار أم بي قدر ما صاغ الخيال ما عادلوك

    ياحليوه الأوصفوك


    محمد بشير عتيق
                   |Articles |News |مقالات |اخبار

12-07-2005, 07:23 AM

Khaalaleyaal

تاريخ التسجيل: 13-01-2003
مجموع المشاركات: 389
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    بالبدر او بالزهر هم ما انصفوك يازول الاوصفوك
    كوكب منزه فى علوك يبرق سناك فى غيهب الليل الحلوك
    واغرب شمائل زاملوك وهم اكملوك
    ادبك هبه وفيك موهبه حسن الظباء وطبع الملوك

    up
                   |Articles |News |مقالات |اخبار

13-07-2005, 04:51 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: Khaalaleyaal)

    عقلي إنشغل بهواك

    مصطفى بطران

    عقلي إنشغل بهواك والحكمة عيني
    لاجه ومجافيه النوم يا أربعيني

    هاك بعض حالي البي روقي اسمعيني
    شاكي الغرام ما لقيت لي من معيني
    لو كان كلام في الطيف مره أسمعيني
    وخليني أصلى النار في هواك دعيني

    فوق اللي جاري على لا تجرديني
    ثوب الغرام ودوام عنه اشدني
    طائع مريد لقساك باهل بديني
    ما اخترت غايته سواك وحتى ديني

    مهما يلاقي عذاب قلبي السجيني
    مهما يريد ويفيض همي البجيني
    لو كان يزورني الطيف مره ويجيني
    تلبس الســـود ثوباً لجيني

    من يوم رماني لحظه السنيني
    محّق على نومي ومحّق سنيني
    أصبحت كل صباح يزداد أنيني
    كالبلبل المغرود ياما حنيني
                   |Articles |News |مقالات |اخبار

13-07-2005, 07:37 AM

Khaalaleyaal

تاريخ التسجيل: 13-01-2003
مجموع المشاركات: 389
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    ما بخاف من شىء برضى خابر
    المقدر لابد يكون
    ان أتانى الهم جيشة دافر
    يلقى يا خلاى صبرى وافر
    يلقى عزمى التام ليه خافر
    ويلقى قلبي شجاع ماجبون
    بالعداء معروف ما ببادر
    وما بخون الجار مانى غادر
    وما بقول للناس مثلى نادر
    بل بقول للخالق شئون
    ما عصيت مولاى مانى فاجر
    لا ولا بالعالم بتاجر
    نفسى يا أحباب ليها زاجر
    لم أكن كل يوم لى لون
    الثبات معروف لى معاصر
    لو بقيت فى داخل معاصر
    والإله غير شك لى ناصر
    رغم أنف الواشى الخؤون
    قول لشاهد الزور فيم ساير
    هدى روعك قبل الخسائر
    يا ما قبلك عميت بصاير
    من لسانى وقولى الهتون
    قول لأهل الجور والمساخر
    مافى أول ماليه آخر
    ما بدوم الظل والحصون
    عن سبيل الحق مانى نافر
    وما ضمرت السوء مانى حافر
    للصديق هاويات السجون

    ما بخاف
                   |Articles |News |مقالات |اخبار

13-07-2005, 12:08 PM

waleedi399

تاريخ التسجيل: 20-08-2003
مجموع المشاركات: 2762
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    Quote: معتصم وزول ساكت طلبتكم بالمصطفى ما تقيفوا لما اجيكم صاد

    مع وعد يا معتصم باعطائك شريط خالك عبد الرحيم سليمان عشان

    تنزل منه شوية،،

    صديق الموج ..

    لا جيتنا ولا جبت لينا الشريط،،

    مساحة








    محجوزة




    لتوثيق



    أغنية




    أ.هـ
                   |Articles |News |مقالات |اخبار

18-07-2005, 05:37 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: waleedi399)

    يا ولي مكانك محجوز ..
    أنا منتظرك لي فترة ..
    جيب معاك العدة وتعال ..

    المشوار طويل وأنا وخال العيال حيلنا إنهدّ ..
                   |Articles |News |مقالات |اخبار

18-07-2005, 06:24 AM

زول ساكت

تاريخ التسجيل: 26-11-2004
مجموع المشاركات: 2907
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    تأملوها

    تيهي فوق العز
    الشاعر محمد ود الرضي

    ليلى ليلى ليلك سدل ليك عليل الصبا إعتدل
    النجم بي بهاك ليلى دل والفهيم بالآيه استدل

    فيك كل الخير انبهل والعفاف المزجو الجهل
    بس السرور كل وجه استهل والجميع لله ابتهل

    ليلى قدرك ماانجهل ليلى سعدك هدا شهرو هل
    بالطرب كل عقل انذهل المهل ياليلى المهل

    المبطر مال واعتدل والمرجرج فاضل بدل
    جوري تيهاً جورك عدل انا لا اروم عن جورك بدل

    المدلل مهما فعل والجبين النافي الزعل
    الخدود النورن شعل ياسعادة الام والبعل

    ماح رتل فوق هيبه ونفل خر بدرو وطمح الكفل
    بي المنير التام ماافل استقل ورفد الحفل

    هل اتانا قول والوحل والوطيب الحبسو الكحل
    الركيب الغيم الرحل الخريف الخصب المحل

    خدر للمراجعه
                   |Articles |News |مقالات |اخبار

18-07-2005, 10:49 PM

زول ساكت

تاريخ التسجيل: 26-11-2004
مجموع المشاركات: 2907
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: زول ساكت)

    up
                   |Articles |News |مقالات |اخبار

18-07-2005, 11:26 PM

خالد عويس

تاريخ التسجيل: 14-03-2002
مجموع المشاركات: 6332
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    صديقي الجميل معتصم
    تعرف، هذه أجمل "هدية صباحية" أتلقاها منذ زمن بعيد. شكرا جميلا يا صديقي الرائع
                   |Articles |News |مقالات |اخبار

19-07-2005, 02:21 AM

زول ساكت

تاريخ التسجيل: 26-11-2004
مجموع المشاركات: 2907
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: خالد عويس)

    ما بنسي ليلة كنا تايهين في سمر
    محمد البشير عتيق
    ما بنسي ليلة كنا تايهين في سمر بين الزهور
    انا وانت والنيل والقمر

    وين يا جميل يوم كنا تايهين في سمر
    من انسنا اتمتعنا بي جني الثمر
    كم قلبي بالانفاس لانفاسك غمر
    الجو سكر من ريك اتعطر خمر


    ما بنسي ليلة كنا في شاطي النهر
    نتعاطي خمر الحب بكاسات الزهر
    والبدر مزق ظلمته و سفر ازدهر
    في النيل سطع بي نوره واتقطع بهر


    الليل هدا والجو صفا وغاب الاتر
    النسيم بجيب من توتي اصوات المتر
    اتا يا جميل بي صوت ضميرك المستتر
    من شعري كم اسمعتك الحان عن وتر


    شفت النجوم تنظرنا بي نظرة شذر
    لما القمر في افقه بغيابه اعتذر
    صافين عفاف ياحبيبي خالين من غذر
    في هوانا لا واشي ولا مراقب حذر


    انا بي غرامك ياحبيب دمعي انفجر
    وانا بي غناك ايقظت سكان الشجر
    قبال اراك انا كنت في حيرة و ضجر
    اليوم حظيت بلقاك يا ظبي الحجر

    (عدل بواسطة زول ساكت on 19-07-2005, 03:05 AM)

                   |Articles |News |مقالات |اخبار

19-07-2005, 04:33 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: خالد عويس)

    يا سلااااااام صديقي الحبوب خالد عويس ..

    ودي منك أجمل هدية برضو على الصباح هذا الحضور الأنيق هنا ..
    خليك معانا المشوار طويل ..

    دم أخي وصديقي ..
                   |Articles |News |مقالات |اخبار

19-07-2005, 02:57 AM

ala elfaki

تاريخ التسجيل: 05-07-2005
مجموع المشاركات: 128
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    الاخ معتصم دفع الله ..

    احيك على البوست الرائع ده ..


    Quote: تيه واتاكا مراض وصحاح مقله الفتاكا ظبى الرام


    من اكثر الاغانى البستمتع بيهم شديد

    ياخى الف شكر ليك وللرائعين فى هذا البوست

    واصلوا عليكم الله



    علاء الدين
                   |Articles |News |مقالات |اخبار

23-07-2005, 03:58 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: ala elfaki)

    العزيز علاء الفكي

    والتحية لك أيضاً وأنت تبحر معنا في هذه السياحة ..
    عبر الكلم الجميل وحقيبة الفن وشعرائها ..

    يقول ودالرضي عن هذه القصيدة الرائعة والحديث لصديق الموج ..

    Quote: كفا كفاك بعاد حلماتك من كتفاك

    سئل ود الرضى هل يقصد بعاد حلمات الاذن من الكتف بمعنى ان جيدها طويل

    وكما قالت العرب بعيدة مهوى القرط قال لا الاثنين

    اى ان حلمات الصدر بعيدات من الكتف بمعنى ناهد...

    شكراً لك هذا الحضور الجميل ..
    خليك معانا لنهاية الرحلة ..

    محبتي وودي ..
                   |Articles |News |مقالات |اخبار

19-07-2005, 04:16 AM

بدرالدين شنا

تاريخ التسجيل: 30-07-2002
مجموع المشاركات: 3514
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    Quote: بس انت شوف لي ود الموج وين اراضيهو
    وإنتو زعلانين لا سمح الله

    Quote: والشكر لي بدرالدين شنا
    أها وأنا أعيِّد بي شنو؟؟؟ ياها فرمالتي الوحيدة يا خال العيال لكن ما مشكلة بحاول البس دي

    خمرة هواك يامي صافية وجلية
    هي اللاَّعبة بالألباب ما البابلية

    كم ليل أنوح سهران والناس خلية
    عيني سهاد ودموع أمست ملية
    شهدي إضطراب ونحول ظاهر عليَّا
    راضي وبشفوف هجرك أكبر بلية

    أنا لم أزل لهفان وإنت الأسية
    سبتيني أم تحي ودائما خليَّة
    لو في النساء رسلاً كنتي النبية
    ما بسلى ريدك لا وحيات أبيَّا

    هاك مني بي الإخلاص وبحسن نيَّة
    درراً تنافس الدر وازهار نديَّة
    هلمي روحي ليك يامي هدية
    كان النبي المعصوم قبل الهدية

    ليك مني الف سلام والفي تحيَّة
    تغشاك مع النسام وبروح شجيَّة
    ما قال محب وعلى محبوبو حيَّا
    وتغر عيونك يا نور المحيَّا
                   |Articles |News |مقالات |اخبار

20-07-2005, 04:26 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: بدرالدين شنا)

    كثيراً ما حدثني عنك هذا الموج ..
    وبيقول عليك بدرالدين حلا ..
    ووالله أنت كذلك وأكثر حلاوة كمان ..
    سلمت وأنت تطل علينا هنا في دارك وعبر هذه السياحة حول الحقيبة وما خطه شعرائها الكبار ..
    يلا أدينا من عندك وأنا عارفك حافظ كتير كتير ..

    تسلم يا حبيب ..
    وهاك دي من كلمات خليل فرح ..
    وغناء عبدالعزيز محمد داؤد ..

    يا ليل صباحك مالو أحبابك جفوني ومالو
    لا يفرز يمين من شمالــــو
    ما دام الحبايب مالـــــو
    بدرك ما بشيقني كمالــــو

    يا ليل طول وسيبو في حالو
    ما بزحزح إنتحالــــــــو
    باليل والنهار بوصالــــو

    يا حاسد سعي ونمالــــــو
    لكن قلبي ما اهتمالـــــو
    ما يحقد وديع في جمالـــو
    ضاحك كالزهر في رمالــــو

    زاد تيه ودلاله وحالـــــو
    بلفي قلبي مين او حالـــو
    سيب الواقع ارضى محالـــو
    لابد العيون تصحالـــــــو
                   |Articles |News |مقالات |اخبار

19-07-2005, 04:54 AM

Khaalaleyaal

تاريخ التسجيل: 13-01-2003
مجموع المشاركات: 389
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)


    بدر الدين فرمالتي ياه دي :-



    في رونق الصبح البديع
    قوم يا حمام اسمعني الحان الربيع

    قوم يا حمام حي الغمام
    انا لي فيك شوق واهتمام
    اسمعني من شدوك صدى
    اهو ده الربيع ناظر بدا
    ومن الرياض اوكت يدا
    وشاها بي قطر الندى

    في رونق الصبح البديع
    صحت الورود في كل روض
    وتبسم الزهر البديع الوديع


    اهي الطبيعة الكون تحلى بناظره
    للعالمين سفرك باحلى مظاهره
    من روضه تغري لناظره أطياره عاشقة زائرة

    هي والنسيم في مناظرة ترسل حقائق وجوهره
    هي حكمة بل هي اية من صنع البديع

    انا يا حمام
    حي الغمام
    اسمعني
    اسمعني

    اسمعني عن تصويرو كيف
    هو غاية في جنس اللطيف

    وبالاختصار هوحسنو صار فوق الجميع




    يامعتصم - زولك ده ما بين مالوا الفرقة ده جاعت وما اتعشت وبعدين ده بره العداد وريني اذا في اوفر نايت الساعة11 قربت
                   |Articles |News |مقالات |اخبار

23-07-2005, 04:06 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: Khaalaleyaal)

    ديل بتعشوا مرتين يا خال ..
    فيها كمان رق وصفقة ومعاها متاوقة وسرقة لعب ..

    وفي النهاية يقولوا ليك عايزين شعرية ..
    ودي فيها قصة طويلة خلي ودالموج يجي يحكيها ليك ..

    أرقد عافية ..
                   |Articles |News |مقالات |اخبار

19-07-2005, 09:02 AM

صديق الموج

تاريخ التسجيل: 17-03-2004
مجموع المشاركات: 18599
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    معتصم وبقية الاعزاء ولننال اجر المقل ونرفع البوست

    ريثما نعود
                   |Articles |News |مقالات |اخبار

20-07-2005, 02:23 AM

زول ساكت

تاريخ التسجيل: 26-11-2004
مجموع المشاركات: 2907
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: صديق الموج)

    ريثما ريثما


    هادي قعده
    في رجاك
                   |Articles |News |مقالات |اخبار

08-08-2005, 02:49 PM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: زول ساكت)

    يا عبس
    تحياتي ..

    ريثما دي شبعنا منها ..
    الزول دا غاتس في ياتو حته ما عارفين ؟..
    نحن حا نعمل إستداء عاجل ..
    وحا نصدر فرمانات عجيبة جداً ..
    والعقوبة حا تكون شديدة ورادعة ..
    غرامة غير مدفوعة الأجر ..

    تعرف قبل كم يوم قال لي ياخي أنا مجهز لي حاجات حلوة ..
    وفيها شريط لخالنا عبدالرحيم سليمان ودا صاحبه الروح بالروح ..
    لما يغني ليك أغاني الحقيبة تقعد تستمع بس ..

    أها الننتظر ريثما يعود ..
                   |Articles |News |مقالات |اخبار

20-07-2005, 07:26 AM

Khaalaleyaal

تاريخ التسجيل: 13-01-2003
مجموع المشاركات: 389
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    طيب دي تصبيره صغيره

    مداعب الغصن الرطيب

    فى بنانك ازدهت الزهور
    زادت جمال ونضار وطيب
    يا مداعب الغصن الرطيب

    يا المنظرك للعين يطيب
    تبدل الظلمات بنور
    وتبدل الأحزان سرور
    إن شافك المرضان يطيب
    زادت جمال ونضار وطيب
    يا مداعب الغصن الرطيب


    تعجبنى والشىء العجيب
    هادىء وأليف ماك النفور
    بى عفتك صنت السفور
    والحسن والأصل النجيب
    زادت جمال ونضار وطيب
    يا مداعب الغصن الرطيب



    أنا وإنت فى الروض يا حبيب
    راق النسيم وحلى لى المرور
    بقى أحلى من ساعة السرور
    وأدق من فهم اللبيب
    زادت جمال ونضار وطيب
    يا مداعب الغصن الرطيب


    والروضة فى موقع خصيب
    حضنوها واتلاقوا النهور
    ترى فيها أنواع الزهور
    من كل لون أخدت نصيب
    زادت جمال ونضار وطيب
    يا مداعب الغصن الرطيب


    يانع ثمارها ونص طيب
    أشبه بربات الخدور
    الأنبرجن فى يوم حبور
    زادت جمال ونضار وطيب
    يا مداعب الغصن الرطيب


    فى الروضة غنى العندليب
    ورددوا غناه الطيور
    ترتيل أناشيد الحبور
    وفتيانها يوم عيد الصليب
    زادت جمال ونضار وطيب
    يا مداعب الغصن الرطيب


    دنت الثريا بقت قريب
    بين السلوك فى تانى دور
    فى ثانية كم سطعت بدور
    وأهلة كان نوعن غريب
    زادت جمال ونضار وطيب
    يا مداعب الغصن الرطيب


    شىء ينعش الروح فى الأديب
    ويحيى روح ميت الشعور
    للقاه ترتاح الصدور
    ويفرح القلب الكئيب
    زادت جمال ونضار وطيب
    يا مداعب الغصن الرطيب
                   |Articles |News |مقالات |اخبار

09-08-2005, 04:36 AM

معتصم دفع الله

تاريخ التسجيل: 18-12-2003
مجموع المشاركات: 12540
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: Khaalaleyaal)

    وينك يا خال ليك وحشة والله ..

    منتظرين منك الكثير الجميل ..
    ما تطول الغيبة ..

    نار وجنة .. أحمد فلاح

    عيوني وعيونك اسباب لوعتي
    اسباب تشوقي نظرتك واسباب نفورك نظرتي
    هواي يعجز فكرتك وجمالك يعجز فكرتي
    في الصد تزيد في جبرتك في الحب ازيد في خبرتي
    دايما اردد ذكرتك هل مرة فهمت بذكرتي
    انت الذي اتعبتني وانت الذي بك راحتي
    لو ان هلاكي ولي دنيت احيا وتحل بي فرحتي
    كم اشتقت وكم شكيت من سقمي واتلاف صحتي
    كم رددت اهاتي وكم دوي في الافق صدي صيحتي
    سندس وعسجد حلتك ولما انا الهوي حلتي
    ماذا جنيت يامعبدي ماذا جنيت ياقبلتي
    ماضر يا محبوبي لو تنظر لحالتي بالتي
    هي احسن النظرات ثم ثم تريني فيك اهلتي
    هلا تركت تصددك هلا حببت مودتي
    هلا رضيت تمازج الحب بيننا لافادتي؟
    رفقا بمن يهواك يا من انت صفوة سادتي
    رحماك بي ضاق الفضا رحماك طالت وحدتي
    جيوش اشتياقي هزمتني زادت انتي
    لوكنت قربي لاسرها اجعل لحاظك انتي
    ياروحي ياراحي ويانوري وناري وجنتي
    اهوي الهلال في هواك ليتخذ العوازل سنتي
                   |Articles |News |مقالات |اخبار

20-07-2005, 08:48 AM

ALGARADABI

تاريخ التسجيل: 30-12-2004
مجموع المشاركات: 5223
للتواصل معنا
FaceBook
تويتر Twitter
YouTube
Google Plus

Re: ما بين زول ساكت وصـديق المـوج تــيه وإتـاكا .. (Re: معتصم دفع الله)

    الأخ معتصم
    تحياتى
    الرجاء وضع اللنك بتاع تيه واتاكا


    لزوم الحفظ
    مع الشكر
                   |Articles |News |مقالات |اخبار

[رد على الموضوع] صفحة 1 من 3:   <<  1 2 3  >>

تعليقات قراء سودانيزاونلاين دوت كم على هذا الموضوع:

ما بين زول ساكت وصـديق المـوج تــيه وإتـاكا .. فى FaceBook

· دخول · أبحث · ملفك ·

Home الصفحة الاولى | المنبر العام | | مدخل أرشيف الربع الاول للعام 2014م | مدخل أرشيف الربع الرابع للعام 2013م | مدخل أرشيف الربع الثالث للعام 2013م | مدخل أرشيف الربع الثانى للعام 2013م | مدخل أرشيف الربع الاول للعام 2013م | مدخل أرشيف الربع الرابع للعام 2012م |مدخل أرشيف الربع الثالث للعام 2012م | مدخل أرشيف الربع الثاني للعام 2012 | مدخل أرشيف الربع الاول للعام 2012م |مدخل أرشيف الربع الرابع للعام 2011م |مدخل أرشيف الربع الثالث للعام 2011م |
مدخل أرشيف الربع الثاني للعام 2011 | مدخل أرشيف الربع الاول للعام 2011م | نمدخل أرشيف الربع الرابع للعام 2010م | مدخل أرشيف الربع الثالث للعام 2010م |أمدخل أرشيف الربع الثاني للعام 2010م | مدخل أرشيف الربع الاول للعام 2010م | مدخل أرشيف الربع الرابع للعام 2009م | مدخل أرشيف الربع الثالث للعام 2009م | مدخل أرشيف الربع الثاني للعام 2009م | مدخل أرشيف الربع الاول للعام 2009م |مدخل أرشيف الربع الرابع للعام 2008م |مدخل أرشيف الربع الثالث للعام 2008م |
مدخل أرشيف العام (2003م) | مدخل أرشيف العام (2002م) | مدخل أرشيف العام (2001م) | مكتبة الاستاذ محمود محمد طه |مكتبة البروفسير على المك | مكتبة د.جون قرنق | مكتبة الفساد| مكتبة ضحايا التعذيب | مكتبة الراحل الاستاذ الخاتم عدلان | مكتبة دارفور |مكتبة الدراسات الجندرية | مكتبة العالم البروفسيراسامة عبد الرحمن النور |
مواضيع توثيقية متميِّزة | مكتبة قضية سد كجبار | مكتبة حادثة يوم الاثنين الدامي | مكتبة مجزرة اللاجئين السودانيين في القاهرة بتاريخ 30 ديسمبر 2005م |مكتبة الموسيقار هاشم مرغنى(Hashim Merghani) | مكتبة عبد الخالق محجوب | مكتبة الشهيد محمد طه محمد احمد |مكتبة مركز الخاتم عدلان للأستنارة والتنمية البشرية | مكتبة الراحل الاستاذ الخاتم عدلان | مكتبة سودانيز أون لاين دوت كم |مكتبة تنادينا,الامل العام,نفيرنا | مكتبة الفنان الراحل مجدى النور محمد |
مكتبة العلامة عبد الله الطيب | مكتبة احداث امدرمان 10 مايو 2008 | مكتبة الشهيدة سهام عبد الرحمن | منبر اليوم الحار لخريجى كلية الهندسة و المعمار بجامعة الخرطوم |مكتبة الراحل المقيم الطيب صالح | مكتبة انتهاكات شرطة النظام العام السودانية | مكتبة من اقوالهم |مكتبة الاستاذ أبوذر على الأمين ياسين | منبر الشعبية | منبر ناس الزقازيق |مكتبة تهراقا الفن الدكتور محمد عثمان حسن صالح وردى | اخر الاخبار من السودان2004 |
اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|
جرائد سودانية |اجتماعيات سودانية |دليل الاصدقاء السودانى |مكتبة الراحل المقيم الاستاذ الخاتم عدلان |الارشيف والمكتبات |
Discussion Board |Latest News & Press |Articles & Analysis |PC&Internet Forum |SudaneseOnline Links |

للكتابة بالعربي في المنتدى

للرجوع للصفحة الرئيسية اراء حرة و مقالات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
اضغط هنا لكي تجعل المنتدى السودانى للحوار صفحتك الرئيسية لمتصفحك
يمكنك نقل أو اقتباس اى مواد أعلامية من هذا الموقع بشرط وضع "نقلا عن سودانيز اون لاين"و الاشارة الى عنواننا WWW.SUDANESEONLINE.COM
الاخبار اليومية مواقع سودانية تحميل الصور أجتماعيات

© Copyright 2001-02
Sudan IT Inc.
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de