|
|
 يا بكري .... وين بوست المناضل بقال ... قمتو للحركات تاني!!!!!!!!!!!
|
بالامس كتب مناضل أخر لحظة بوست
عن حتمية تقديم الزنديق محمد طه محمد أحمد للمحاكمة لأنه شتم الرسول صلي الله عليه وسلم
وذكر انه رئيس تحرير صحيفة "النفاق" بدلا عن الوفاق.
ما يهمني هنا ليس الباش مناضل بقال، والذي عرفت حقيقته من زمن طويل، ما يهمني هو ذلك البوست
الذي لي به حوالي الثلاث مداخلات اريدها والان وفورا يا بكري ابو بكر، كما لاخرون مداخلات أيضا.
وأريد أن اعرف ايضا لماذا حذف ذلك البوست؟؟؟؟؟
ومن الذي طالب بحذفه؟؟؟
وعلي أي اساس؟؟؟؟
ليكن معلوما للجميع بما فيهم السيد بكري أبوبكر ان ذلك البوست طالما تداخلنا به لم يصبح ملكا
للمناضل بقال أو غيره انما ملكا عاما وحذفه بهذه الطريقة الاستفزازية وبدون اي اخطار انما يعتبر
تعديا علي حقوق الغير.
لن اكل او امل يا بكري ابو بكر المالك الوحيد والمتحكم في شؤنه بكري أقول لن امل او اكل في
المطالبة برد ذلك البوست.
ويا بكري كنت اعتقد ان هذه الحركات قد انتهت.
|
|
 
|
|
|
|
|
|
|
 Re: يا بكري .... وين بوست المناضل بقال ... قمتو للحركات تاني!!!!!!!!!!! (Re: ASAAD IBRAHIM)
|
يا أبو السعود :
والله بس مشيت أتغدا وقبلها بي دقيقة كنت عملت مداخلة ..
مشيت عضيت والحمد لله وجيت عملت ريفرش لقيت ليك البوست إتلحس في حق الله !!!!
البييحيرني بي الجد المصلحة شنو في حذف البوست ده ؟؟؟
ومنو المستفيد أصلاً من حذفو ...؟؟؟
إبراهيم بقال لو كان متضرر منو ما كان أصلاً كتبو !!!!!!!!
الموضوع أكبر من كده بي كتيييييييييييييير وشكلو الموضوع دخلت فيهو أيادي خفية ..
عموماً أهديك اللحن ده بي مناسبة إختفاء البوست :
وين البوستات وين راحو ..
وين وين وين وين وين راحو ..
لي ليلنا يضوو صباحو ..
بي زنقة يزيدو عمرنا ..
والقالوا نضال يرتاحو ..
ويا حلاة برهومة يا لولي ..
يا بوست وداهو نابوووووووووووووولي (طبعاً دي بدل تورينتو)
قعد في الأولي ثواني
ومخي الطايش ودر ..
في سري أقول يا بكري
إنشاء الله تخليو أكتر ..
ويا حلاة برهومة يا لولي ..
يا بوست وداهو نابوووووووووووووولي
أمتع بيهو عيوني ..
وأشوف في نضالو العسكر ..
لكن الحظ العاثر بكري سريع ما أتأخر
ويا حلاة برهومة يا لولي ..
يا بوست وداهو نابوووووووووووووولي
| |
|
|
|
|
|
|
|
|
|
Re: يا بكري .... وين بوست المناضل بقال ... قمتو للحركات تاني!!!!!!!!!!! (Re: معتز تروتسكى)
|
الحبيب معتز
اصلا لم نفترق يا حبيب لنعود ولو تذكر امس قلت ليك الدم عمرو ما بيبقي موية
المهم يا عزيزي
والله الموضوع ليس موضوع الباش مناضل
الموضوع هو موضوع بكري ابوبكر
لانو هو الحذف البوست مش بقال
واعتقد انو نحنا عندنا الكثير من الاسئلة لبكري
ضروري يجي يجاوب عليها
ويا بكري الفوقية البتتعامل بيها دي انا بعتبرها نكران للجميل
لأنو المنبر دة بدون العضوية دي لا يساوي الا صفرا كبيرا
وكمان حنسألك من موضوع مكتبة عادل عبد العاطي
وينها
أسعد
| |
|
|
|
|
|
|
|
|
|
Re: يا بكري .... وين بوست المناضل بقال ... قمتو للحركات تاني!!!!!!!!!!! (Re: عمر الفاروق شيخ الدين)
|
فى إحدى المرات وفى إصرار له غريب غلى دكتور خليل سألته إن كانجبهة جناح المؤتمر الشعبى فأجاب بالنفى.وفى إحدى المرات وفى بوست لعصام الدين عبد الرحمن بعنوان(ناسا قباح من الغرب يوم جونا) وكنت تداخلت لفهمى أن صاحب البوست يذكر بالعنصرية الواقعة على أل الغرب, فدخل إبراهيم بقال وقال لعصام الدين : أيها العنصرى النتن. فكتبت له لقد أدهشت دهشتى يابقال. فقام بسحب مداخلته.
الواحد فعلا مرات بسأل نفسو بتعامل مع منو?
فى إحدى المرات وبدافع صادق لإنهاء حملة قتل الشخصية الذى تعرض له خادكودى وروضة وفى بوست لروضة لحوار مع مجموعة من أعضاء المنبر , قلت لها أنا أدعوكم لعمل هذا الحوار بالبالتوك ففوجئت منها بالرفض الشديد.
الآن البوست المعلق وصل الصفحة الثالثة ولم يثبت أو ينفى شئ عن محمد حامد جمعةفيهو حاجات غريبة من ضمنها أن ملاسى بدافع عن محمد حامد جمعة أكثر من جمعة نفسو, وصراحة جاءنى إحساس بأن ملاسى متأكد لأنو قاهدفى السودان وقت الحدث وربما كمان يكون فاعد م جمعة فى نفس المكان. لكن حتى تلآن لم يصرح لماذا هو متأكد.
مع إنو ببساطة يمكن أن يثبت صدقه ومحمد جمعة وكذب خصومه!!!
معتز تروتسكى سماهو مسلسل مكسيكى وقال عندو قنبلة حا يفجرا فى الناية وأخشى أن تقتل هذه القنبلة كل الأبطال.
المهم الواحد بحس أنو المنبر دا فيهو لف ودوران يحير الجبهة والتجمع والحركة الشعبية وأبليس نفسو.
بكرى داخل فى هذه اللعبة أو الشبكة المدوخانا .
دا شنو ياناس
فى شنو
والحاصل شنو
والوضوح مالو دربو ماعديل وواضح
والله الفى المنبر دا كيسنجر عراب السياسة الأمريكية ما يحللو.
ربنا يكشف الماواضح ويفضح المنافقين والمتاجرين بالوطنية.
| |
|
|
|
|
|
|
|
|
|
Re: يا بكري .... وين بوست المناضل بقال ... قمتو للحركات تاني!!!!!!!!!!! (Re: Balla Musa)
|
العزيز اسعد ابراهيم
سلأمات
يبدوا ان الحذف و الشطب هو من قوانين هذا المنبر، و اذا كان هو العرف (و انا لأ اتفق مع ذلك)، يكون من العدل حذف البوستات التكفيريه المحرضه لهدر الدم، فهي هتاف و ان لم بكن شفوي، يألب المتطرفين الي القتل، و بوست بقال لم يكن الأول من نوعه، فتح علي الأقل بوستبن في تكفير محمد طه و لم يجدوا رده الفعل هذه و لأ كل هذه الكميات من الأدانه،
ربما يرجع ذلك للصدمه و الأحباط بان البوست اتي من المناضل بقال، كنت احدي المتداخلأت و كان لدي بعض الأسئله، اعتقد بان النقاش يمكن ان يستمر حتي و ان لم يرجع البوست، و الأ فليرجع بوست البرنس كاملأ، هل يحدت هذا !!!
تخريمه( علي قول العزبزه رجاء )
اسمي هاله الأحمدي و ليس المهدي ، وجب التنويه منعا للخلط 
افتح بوست في اسمي يعني و لأ شنو و الله فترته من تصحيحه
| |
|
|
|
|
|
|
|
|
|
Re: يا بكري .... وين بوست المناضل بقال ... قمتو للحركات تاني!!!!!!!!!!! (Re: هاشم نوريت)
|
أخخخخخخ يا انا الما خشيت البوست دا عارف يا اسعد انا قلت الولد دا اكيد جايب ليهو كفوة في البوست ح تخلي الناس البيدافعوا عنو يبلعو كلامون
والشي المحير فعلا انو ( المناضل ) بقال بيصر اصرار غريب جدا على انو يبلع اي زول بيدافع عنو ويقول بقال مناضل كلامو ؟؟!!! موش حاجة غريبة بالله ؟؟
والاغرب من ذلك الزول بيدافع عن الحرامي علي الحاج بصورة غريبة غرابة كتابات بقال ونضالو ... يا سيدي علي الحاج دا هو نفسو يا بقال يا عنصري ما دافع عن نفسو تجي انت يا الماعارف ابو نارو منتمي للحزب الشيوعي ولا الاخواني عشان تتدافع عنو ؟؟
هو زاااااااتو قال خلوها مستورة ناس علي عثمان قالوا ليهو امشي خلاص خليناك لي الله وما عارفين انو الشعب السوداني خلاهم لي الله من عام 89 ؟؟
عموما انا بقول اللهم شماته لكل من ساهم وشارك في تضليل الشعب السوداني
وخاصة الناس الكانو بطبلو للحركة الشعبية وحلمانيين بالسودان الجديد بتاعا اهو ياسر عرمان بقى اخطر من يونس محمود
معليش يا ابو السعود خرمنا من البوست لكن المغصة والله كاتلاني شديد حاجة تمرض الواحد وتخليهو يتلوى حول نفسو مية مرة
ويا بكري عليك الله ترجع البوست دا هسيييييييي دي
والله قصتك قصة يا بقال قالو ليهو يا جميل قشها بالمنديل ...... الباقي تموهو براكم
تاني معليش يا اسعد
| |
|
|
|
|
|
|
|
|
|
Re: يا بكري .... وين بوست المناضل بقال ... قمتو للحركات تاني!!!!!!!!!!! (Re: بكرى ابوبكر)
|
يا بكري استندت علي المادة دي في فصل الاخ اسعد Quote: لهذا البند سحبت العضوية من الاخ اسعد
Quote: 10-نقل مواضيع/مداخلة/أيميل/....الخ من شخص غير عضو بالمنبر او من منبر اخر تشوه/تصور/تدين/....عضوا بالمنبر سوف يفصل صاحبها بدون انذار او تنبيه
|
وهذا هو ما كتبه الاخ اسعد
Quote: بالامس كتب مناضل أخر لحظة بوست
عن حتمية تقديم الزنديق محمد طه محمد أحمد للمحاكمة لأنه شتم الرسول صلي الله عليه وسلم
وذكر انه رئيس تحرير صحيفة "النفاق" بدلا عن الوفاق.
ما يهمني هنا ليس الباش مناضل بقال، والذي عرفت حقيقته من زمن طويل، ما يهمني هو ذلك البوست
الذي لي به حوالي الثلاث مداخلات اريدها والان وفورا يا بكري ابو بكر، كما لاخرون مداخلات أيضا.
وأريد أن اعرف ايضا لماذا حذف ذلك البوست؟؟؟؟؟
ومن الذي طالب بحذفه؟؟؟
وعلي أي اساس؟؟؟؟
ليكن معلوما للجميع بما فيهم السيد بكري أبوبكر ان ذلك البوست طالما تداخلنا به لم يصبح ملكا
للمناضل بقال أو غيره انما ملكا عاما وحذفه بهذه الطريقة الاستفزازية وبدون اي اخطار انما يعتبر
تعديا علي حقوق الغير.
لن اكل او امل يا بكري ابو بكر المالك الوحيد والمتحكم في شؤنه بكري أقول لن امل او اكل في
المطالبة برد ذلك البوست.
ويا بكري كنت اعتقد ان هذه الحركات قد انتهت. |
فاين النقل والاشانة والادانة والاساءة ؟؟؟؟
ومن اي موقع تم نقل المادة اعلاه رغما انها لا تحتوي ولا تشتمل على ما يسئ ولا علي مفردات عصية على اسعد حتى ينقلها
معليش يمكن في حاجات تانية ما فاهمنها كان تم النقل في موضع اخر غير هذ البوست فلازم نعرف والمعرفة حق انساني طبيعي اسلوب الاشارة الى مواد الفصل من غير حيثيات الادانة اسلوب لم يعمل به حتى اكثر الحكام تشددا لم يفعل به ستالين ولا هتلر ولا قرقوش من حقنا كاعضاء في المنبر ان نعرف يا بكري الا اذا كنت لا تحترم حقوقنا وعقولنا واعلم ان مثل هذه الممارسات الاغصائية لها ما بعدها وغدا لن تجد من يقف معك اذا استمريت بالطريقة دي
انت هاجرت لامريكا رافضا للظلم ومن ظلم - بضم الظاء - لا يظلم
وما خاب من استشار لا تتخذ قرارات فردية لان المنبر لم يقم بجهد فردي من السهل ان تبذل جهدا لاعداد البرنامج ولكن من الصعب ان تستطيع جمع حشود العضوية بمفردك فكم من منبر عشعشت به العناكب الاعضاء هم البناء الحقيقيون للمنابر يا بكري ليس معدي البرامج والصيانة
يجب ان تحترم حريات الاعضاء وحقهم في المعرفة والدفاع عن رفقائهم بالمنبر
| |
|
|
|
|
|
|
|
|
|
Re: يا بكري .... وين بوست المناضل بقال ... قمتو للحركات تاني!!!!!!!!!!! (Re: ASAAD IBRAHIM)
|
الاستاذ بكري أبوبكر / العودة للحق فضيلة, قرار سحب عضوية أسعد من ثلة القرارات المتعجلة لا تسنده حزمة اللوائح و القوانين المنظمه للمنبر الحر وتقول انك سحبت العضوية من اسعد بهذا البند:
| Quote: 10-نقل مواضيع/مداخلة/أيميل/....الخ من شخص غير عضو بالمنبر او من منبر اخر تشوه/تصور/تدين/....عضوا بالمنبر سوف يفصل صاحبها بدون انذار او تنبيه |
هذا ادعاء لا يسنده هذا البند فالاخ اسعد إبراهيم قام بنقل رسالة من الاستاذ عادل عبدالعاطي بالرغم من حدة الرساله الا انه من المعروف ان عادل عضوا بالمنبر الحر واخر بوست قام بكتابته ابريل 28/ 2005 المرجع
من يريد تخليد الخاتم فليحترم منهجه !!
بالاضافه ان أسعد إبراهيم واحد من خيرة الشباب و ركن اساسي لا يستغنى عنه بقرار متعجل . ارجو ان تجد كلماتي البسيطه القليل من التروي والتفكير ففيها عودة المياه لمجاريها بينك و عادل لذلك الرجاء اعادة النظر في قرارك.
أنور أحمد
| |
|
|
|
|
|
|
| |
ASAAD IBRAHIM
بشري الطيب
اساسي
Abureesh
tmbis
Omer Abdalla
Muhib
معتز تروتسكى
Balla Musa
هاشم نوريت
ترهاقا
ناذر محمد الخليفة
altahir_2
مريم بنت الحسين
بكرى ابوبكر
Elsuhaili Magzoub
Ismaeil H. Mohamed
bint_alahfad
فيس بوك
تويتر
انستقرام
يوتيوب
بنتيريست