الأخ/ بكرى هذه شكوى صريحه وفبركه الغرض منها النيل من عضو كذبا ، أرجو أن يتعمل معها الكل بجديه!!

تجتوج.. بطل العياط .. هسة البكا لزومو شنو ؟؟؟

لكن تصدق والله انت بقيت زول عالمى ... شكل وشتايم حتى فى المنتديات الاخرى ...والغريبة كلامك والنبذ والشتايم بتاعتك كلها ليها لون واحد ولها سمة مشتركة ومميزة والناس بعرفوك طوالى

عشان كدة انت بقيت " قمة " والقمة دايماً مستهدفة ..والكلام دة مادايرنوا يهز شعرة واحدة منك

انا بقول ليك الكلام ده وقلبى عليك دايرك تستفيد من اخطاءك وانت فاكرنى بشاكلك؟؟ .. الله يسامحك

لانو ما ممكن زول واحد يعمل فيك كدة بى شوية سخرية مع انو ما بشتم ولا بنبذ زيك كدة وعندو اساليبو البسيطة التى اثبتت جدواها معاك وتم تجربتها بنجاح واثبتت فعاليتها السريعة ...

دايما خلى بالك من نفسك وخت اعصابك فى تلاجة وما تنفعل سريع .. وما تخلى العفاريت تتنطط قدام عيونك
لانو انت انفعالك يتقلب طوالى لى شتايم زى الجزءين الاول والثانى والثالث وبى طريقتك دى يمكن يكون فى جزء رابع وخامس زى المحقق كونان لا يخشى المحن

مع الاعتذار للمحقق توقومورى


تعرف انت لو ما جبت سيرة شيبا دة اظنك حاتموت من المغسة.. لا حولة ولا قوة الا بالله .. اى زول يرسل ليك رسايل تقول دة ياهو شيبة زاتو.. اى زول يكتب معاك فى منتدى تانى تقول ياهو شيبة بس متخفى فى اسم تانى

اى زول يتهجم على الهلال ولا على موقع الكترونى تقول ياهو شيبة ذاتو ويا ها دى عمايلو والله لو فى زول عمل معاك حادث فى دبى بالعربية تقول دا انا العملت معاك الحادث ..

اى حاجة تشوفها شيبا – بقيت ترى الدنيا كلها بمنظار شيبا

شيبا ده يطير .. يتدشدش حتة حتة .. هو عمل ليك شنو الولد ده ؟؟


تعرف ناس الطب النفسى بسمو الحكاية دى " فوبيا phobia"

لغوياً، فوبيا (Phobia) كلمةً يونانية الأصل وتعني "الخوف من" ، وقد دخلت اللغات الأوروبية، ومنها الإنكليزية، ككلمةً موصولةً مع ما يُراد وصف حالة الخوف المرَضي منه، مثلا كالخوف من الركوب الطائرات (planephobia). ثم أخذت هذه الكلمة استقلالها في اللغة الإنكليزية


لازم نشوف اخصائى المرة دى لانو الحالة بقت مستعصية و انا خبرتى فى الطب قليلة .. زى فهمك فى الكورة كدة ... وعلى الطلاق ماتقول حاجة .. الحساب والكشف والفحوصات واجرة الاخصائى والدواء كلها على حسابى

وفرعليك التعب ياصديقى .. لا يكلف الله نفسا الا وسعها فقد ارهقت نفسك بالانفعالات والشكوك والاتهامات الزائفة والارشيف يقول ان لك اكثر من ستة او سبعة بوستات كلها عن شيبا حتى اصبحت ترى كل من حولك شيبا وتلك لعمرى حالة مرضية تستحق العلاج
يعنى انت بالعربى كدة مريض – شفاك الله وعافاك – واشفى مرضى المسلمين يا رب العالمين .. .حسب تشخيصى البسيط المرض اسمو فوبيا شيبا ..

من الطبيعى ان يصاب البعض بفوبيا اسمها " شيبا فوبيا " shebaphobia واصبح اسم شيبا لوحده يشكل "بعبعا " حقيقيا لهم ... مع الاعتزار اصلى انا ما دكتور – دى بس ثـقافة عامة ساكت

لازم نعمل شوية تحاليل وفحوصات عشان نتاكد – سلامتك وبعد الشر عليك ..تبرا انت من المرض يابا .. انشاء الله عدويك .. وحسب كلامك الظاهر عليهم كتار خالص ما انا براى .. وانت بى سلامتك بتزيد فيهم كل يوم واحد جديد لى شقاوتك ..

لكن على ما اعتقد انو المرض ده ما خطير وما معدى حسب علمى .. رغم انو بيعاود نشاطو كل فترة .. واظن قبل كدة اصبت بى فوبيا مزمل ابو القاسم .. وعالجناك منها .. لكن ظاهر عليك ما كملت العلاج عشان كدة انتكست تانى والحالة رجعت وبصورة اعنف المرة دى ... اللهم احفظنا …

لازم نشوف اخصائى المرة دى لانو الحالة بقت مستعصية و انا خبرتى فى الطب قليلة .. زى فهمك فى الكورة كدة ... وبما انك فى الامارات ودبى تحديدا انا حا ارسل للحبيب مزمل ابو القاسم وهو معاك فى الامارات برضو عشان يحجز ليك عند اكبر الاخصائيين النفسيين – وعلى الطلاق الحساب والكشف والفحوصات كلها على ...

طوالى انت بتهاجم وماخد قاعدة الهجوم خير وسيلة للدفاع .. لكن دايما مخلى دفاعك مكشوف وما بتعمل عمق دفاعى كويس .. ومدافعينك بلعبو على خط واحد وبيسهل ضربهم بى باص واحد ؟؟ .....قت لى كنت بتلعب وين انت سنة سبعين ؟؟

دايما خلى الليبرو بتاعك اخر واحد وما تلعب على مصيدة التسلل اصلها سلاح ذو حدين ..بالمناسبة انت بتلعب بى ياتو خطة ؟؟
وكمان الاطراف بتاعتك ما بترجع تغطى كويس عند الهجمة ..واى واحد زى " شيبا" ممكن يعمل فيك عمايل شينة

واضح انو افكارك كلها بتاعة زمان ...واسلوبك بتاع باكاكات وشلاليت وونق شمال وونق لفت .. ودى طريقة اكل عليها الدهر وشرب... كمان الكورة اتغيرت وطرق اللعب اتطورت. وبقى فى خطط جديدة تواكب العصر الحديث بقى هسة فى انترنت وعولمة واستنساخ الزمن اتطور وانت لسة فى محلك .. …

انصحك لمن تقابل فريق ليهو امكانت كبيرة " زيى انا كدة " ...انك تلعب بى خطة 1:2:2:5 زى الفاتح النقر مع الخرطوم ثلاثة ..خت 5 مدافين وتعمل دفاع المنطقة الكامل (زون دفنس) ويكون عندك اثنين فى الارتكاز واثتين قدامهم ..وتلعب بمهاجم واحد مع الاعتماد على الهجمات المرتدة ... وصدقنى مافى فايدة .. برضو دة ما حا يحلك منى ..

والله الواحد زاتو يسوى شنو ما عارف ؟؟ مرة يبقى دكتور ولا حسبو زاتو.. ومرة يبقى مدرب تقول كارلوس البرتو
.. ومرة يبقى محلل رياضى بس عبده صالح الوحش فى art ..ومرة بتاع كمبيوتر بيل جيتس زاتو ..لكن تعرف اخوك "شيبا" اللى هو انا ذاتى .. بيفهم فى كل حاجة .. " قل هو الله احد " " قل اعوذ برب الفلق " دى عشان العين

وكمان فى حاجة جديدة ما قلناها انى بعرف اقرا الكف واشوف الفنجان .. واعرف المستقبل .. كدى افتح يدك ..

لا حولة ولا قوة الا بالله تعرف شفتك انت بعد شوية فاتح بوست وبتتكلكم عن مزمل ابو القاسم او عن شيبا الذيل الحقير البتخفى ورا مصطفى سيد احمد , وباقى الاسامى الجديدة

ايدك على البياض