كتب الكاتب الفاتح جبرا المتوفرة بمعرض الدوحة
|
|
 Re: أوضتنا يا بنات (Re: zola123)
|
زولة وباقي البنات..استنوني عليكم الله ما تقفلوا باب الأوضة..أنا هسع بجي..بفتش لي في جركانة ندقها دلوكة, الرسول ما فيكن واحدة بتعرف تعلم رقيص عروس؟
هيي..خلوا لي حبة شاي ولقيمات...
| |
 
|
|
|
|
|
|
|
 Re: أوضتنا يا بنات (Re: Sana Khalid)
|
بت الأحفاد
راعية الترفيه الشرعي في الغرفة
اها ما وريتينا ستايلك في الرقيص
اديني فرصة أكمل الفي يديني وألبس وأحصلك , يحلك مني الله الليلة
يا بت أمي مافي زول محاسبنا ولم حاسبونا برضو ما تشتغلي بيهم, أعملي العايزاه وافرحي وانبسطي عللللللللىىى مزاجك حتى لو الوا بت الأحفاد دي جنت
لاكن بيني وبينك أنا حاساكي بت ستايل وقيافة ورقاصة تشارطي؟
بس حتقولي لي المشارطة حرام.
سناء خالد
الدلوكة قالت نادية بتجيبها قبييييل عشان حافظة كمية من أغاني البنات
الليلة السهرة للصباح أقشري وحصلينا
ست البنات
الرححححححححححححمة
باحاول أتابع في الكتبتيه من الصباح ما قدرت لمن جاني صداع
احنا ما قلنا ليكي بالراحة علينا ؟
| |
|
|
|
|
|
|
|
|
 Re: أوضتنا يا بنات (Re: zola123)
|
السلام عليكم ورحمة الله وبركاته
ازيكم يا بنات كيف اصبحتو اليوم?? بجد مشتاقين
طبعا انا الليله فرحانه جدا عشان اعز صديقاتى جات من السفر اليوم, بجد وحشتنى موت ولما سافرت حسيت انى فقدت يدى اليمنى التى لا استطيع العيش بدونها
الحبيبه زوله
كيف اوريكى استايلى فى الرقيص وفى عيون اخرى بتقرا فى البوست ده, بقوليكى فى اضانك, بس ما بعرف ارقص سودانى بس بعرف التانى وفقر ات اوت لانى ما بقدر اصرح اكتر من كده
بصراحه انا ماخايفه يقولو على شنو بس ما بقدر اخد راحتى وفى اولاد فى نفس المكان, عندى حساسيه من مسأله الاختلاط ده لدرجه مرات فى الاسانسير لو جو اولاد يركبو معاى بسيب الاسانسير وبنزل بالسلم, برضو فى الترين ولا فى البص بفضل اقيف طوال الرحله ولا اقعد فى كرسى جنبو راجل, عارفه الجامعه مخصصه غرفه كمبيوتر لطلاب الماستر فى ال IT Consultancy
والغرفه ده بمفتاحها ومخصصه فقط لنا, المهم يوم طلبت المفتاح من الرسبشن
قالو لى فى اردى زول فى الغرفه فمشيت لقيت واحد قاعد فيها فأتحرجت ادخل وهو موجود وانا كان عندى حاجات مهمه جدا عايزه اعملها, فطرقت الباب قام الزول قال لى الباب فاتح, قمت سألتو قلت ليهو ممكن اعرف انك حتخلص متين من الغرفه, قام قال لى ليه? قلت ليهو لانى عايزه استخدم الكمبيوتر قال لى طيب المشكله شنو ما تستخدميهو, قلت ليهو لا انا بنتظر لحدى ما تخلص وحأكون فى الغرفه المجاوره اول ما تخلص ادينى المفتاح, قال لى طيب البمنعك شنو تستخدميها حسى, الرجل كان بلحيه وصراحه ما كنت متأكده انو مسلم ولا سيخى, قمت قلت ليهو انت مسلم??? قال لى ايوه الحمدلله, قلت ليهو طيب ما عارف انو الخلوه بين رجل وامرأه حرام??? قام الزول اتحرج وقال لى انا اسف وانتى عندك حق وابدى استعداده للطلوع من الغرفه وتركها لى , لكنى رفضت وطلبت منه فقط ان يخبرنى عندما ينتهى من الغرفه
الحكايه انتهت على كده لحدى الاسبوع المقبل رأيته فى الكلاس بتاعنا وانا لم اره من قبل, لقانى مع صديقتى وجاء حكى لها ماحدث, طبعا آى واز سو ايمبرسد, لكن قال لصديقتى انه احترمنى جدا لموقفى زلك
معليش للمقدمه ده بس انا فعلا ما بقدراخد راحتى فى مكان فيه اولاد لزلك انا من اشداعداء الاختلاط
ودمتى
وفى امان الله
لا اله الا الله
| |
|
|
|
|
|
|
|
|
|
Re: أوضتنا يا بنات (Re: zola123)
|
زولتنا الحبيبه
ماحأكمل ليكى بقيه الشمار لحدى ما تحنسينى 
انا ما بسمع اغانى لا عربيه ولا اجنيه, بس مدايح كويسه معاى وبفضل مدحه النبى المجتبى بصوت حنان النيل
بالله لو حتشغلو اغانى كلمونى اطلع من هنا بالجد بتحرق روحى وعندى حساسيه معاها
عارفه الشريط ده بتاع النبى المجتبى كان احب شريط عندى واديتو لزوله عزيزه جدا على بس شاءت الظروف نتفترق وما بيغلى عليها
وانا بهديها المدحه القادمه بصوت حنان النيل
انتى يا دكتوره الحساسيه الكثيره ده من شنو???
وفى امان الله
لا اله الا الله
| |
|
|
|
|
|
|
|
|
|
Re: أوضتنا يا بنات (Re: bint_alahfad)
|
بت الاحفاد
عليييييييييييييييييييييك الله كملي لي الشمار
وبعدين تعالي انتي مش قلتي بتعرفي ترقصي؟ حسي المديح بيرقصوا فيه؟
كيفن بترقصي وما بتسمعي غنا
أنتي عارفاني عويرة لاكن ما شديد كدة 
والله يا سكرة كان كدة النكلمك, البنات ديب جايات بدلاليكن وأي زول جوة الأوضة حيرقص شوفي ليكي طريقة
| |
|
|
|
|
|
|
|
|
|
Re: أوضتنا يا بنات (Re: Sana Khalid)
|
محمد السر
باب التقديم مغلق في الفترة الراهنة لكثرة الطلبات
راجعنا بعد اسبوع
مريومة بت الحسين
تعالي لي في المسنجر
سلامة ركبينك بكونوا سحروهم ليكي, أنا مش قلتي ليكي شدي الفستان لتحت شوية؟
أها خمي وصري !!
أحمد الشايقي
ياييي أنت بتفهم الحاجات المكعوجة البتقولها ست البنات؟
تخريمة: في زمتك في فاكهة بتتكد؟
أنا فالكهة البعرفها بتتعمل عصير ولاتتاكل مباشرة وتذوب قبل ما تصل جوفك من طراوتها .
يعني حتى الفاكهة في السودان غريبة
| |
|
|
|
|
|
|
|
|
|
Re: أوضتنا يا بنات (Re: zola123)
|
ليه نسوى الجركانة دلوكة ? نادية ما تكلمة لينا ستونا تسلفنا واحدة من دلاليكا دى !
ويا نادية بوصيك لو ناس الأمن نادوك لمن تمشى السودان ، أوعك تمشيى ليهون بالبلوزة دى ! انتى ما سمعتى بالغيويشاية الحصل ليها شنو ?
ويا بنوت جيبن الطش داك اقورضنلى هيدمى دا !
ولا تكملن الكداد شى خلنلى شيوييى منو !
ولا تحريقن القنقر ، لا تتورديللو النار شى سويننها شيويى بس قدرو !
وكوركن ليى منى بت جارة خالتى وحدسننها التحدس خالتى جارة التجى معانا !
واملن الجرارى من هسع فيحال المى يبرد لاعوقبان !
ست البنات .
| |
|
|
|
|
|
|
|
|
|
Re: أوضتنا يا بنات (Re: zola123)
|
شريكي براي
لقيت لي سبب
نادية قالت:
Quote: اقول ليك شفتى الرف التالت فى دولاب اوضتنا ؟
ايوة ده!!
شايفة التوب الاخضر ؟
تحتو طوالى بتلقيها !! |
التالت من فوق يا نادية صاح؟
ديشااااااااااااك!!!
ياخ دا عالي شديد
الـ Resume بتاعتي:
اللقب: أبو طويـــــــــــــــــــــــــــــــــــــــــــــلة
الطول: 186 فما فوق
العنوان: جمب باب الأوضة
معلومات أخرى: available at any time
| |
|
|
|
|
|
|
|
|
|
Re: أوضتنا يا بنات (Re: zola123)
|
Quote: ويا بنوت جيبن الطش داك اقورضنلى هيدمى دا !
ولا تكملن الكداد شى خلنلى شيوييى منو !
ولا تحريقن القنقر ، لا تتورديللو النار شى سويننها شيويى بس قدرو !
وكوركن ليى منى بت جارة خالتى وحدسننها التحدس خالتى جارة التجى معانا !
واملن الجرارى من هسع فيحال المى يبرد لاعوقبان |
انا محتاجه subtitles... الفقرة دي كلها ما نقشته فيها حاجه... 
يا زولة  كدي النسألك، دايراك في استشارة طبية.. وريني انت بتطببي شنو بالضبط عشان أحدد موقفي... والله ياخيتي.. انا قبل ثمانية شهور، تنيت رجلي، نازلة جارية ورا أخوي في السلّم (ما حنخش في تفاصيل السكّه).. اها تنيتها ليك.. وفي الحته بتاعت الركبة، ومن يومها يا بت امي ركبتي ما ضاقت عافية.. عملوا لي صور أشعه، لقوها نضيفه، قالوا لي شيتن في العضلات... اها.. يقوم يمر شهر شهرين، تبقى تمااام ونصيييحه.. أقوم أتشوبر وألبس الكعب العالي، وامشي الGym.. وحاتك اجي تاني يوم تقوم تتورم.. وحالتها بقت قاسية... دحين شوفي لي حل، انا بسبب القصة دي وزني زاد برضه.. غايته كان ما عرفتي تدكتري لي دي (خلي الجز التاني بتاع التهديد بعدين) .. هو قولي لي شحّاد ويتأمّر  ....
بنت الحسين
| |
|
|
|
|
|
|
|
|
|
Re: أوضتنا يا بنات (Re: أحمد الشايقي)
|
Quote: هالة الأحمدي
يا زول انت لسة مع ناس يوم المراة؟
كرت روعة طبعا لاكن البت دي بتعمل في شنو؟ بتصلي ولا بتلعب يوجا؟
انتي بتعرفي تطبخي؟ عشان نعرف نحولك على ياتو قسم في الأوضة بعد ما يوم المرأة ده يخلص. |
عـارفه يا ايناس انا كل مره بتاوق فى البوست و اشوف غسيل العده و النضافه خلصوا و لأ لأ
قلته اسها البنات ديل يدبسونى فى واحده من المهام اياها، عشــان كده الزوغه احســن
اسه باين عليكم بيقيتوا على الغنا..امشى اكمل المظاهرات و اجى بس اوع الحفله تنتهى
| |
|
|
|
|
|
|
|
|
|
Re: أوضتنا يا بنات (Re: zola123)
|
كدي يا خوانا زحوا لي.....دي حالة دي يا بنات أمي ؟؟؟؟؟؟
دايرة أخش لي كم يوم..الرجال البتتدافس قدام الباب....ما مدياني فرصة....
الليلة قلت اخش بالشباك.....لقيت سجيمان و البروف و قرض معلقين في الشباك و يتاوقوا.. ...
لمن شافوني خجلوا.....سجيمان قال طالع يغير قش المكيف....البروف قال داير يطمئن على عيون زولة (( ما حدد ياتو زولة فيهن )).....قرض قال جاي يظبط الساوتد-سيستم.....
بعد تعب....زحوا لي ....دخلت....
عليكم الله يا بنات ناولوا حبوبتكم كباية موية.....
واحدة فيكن تفرش لي العنقريب جنب الباب...
جنب الشباك....خطر...
| |
|
|
|
|
|
|
|
|
|
Re: أوضتنا يا بنات (Re: mamkouna)
|
هالة الأحمدي
بتعرفي تقطعي السلطة طيب؟ عليك الله ما تحرجيني وتقولي لأ
يا جماعة الجندريات ديل صحي ما بعرفوا يطبخوا؟
مادام سألتي عن الحفلة تبقى زولتنا تمام
بس المظاهرات دي خليها عشان تقدري ترقصي بعدين وما تقولي لينا تعبانة
ممكونة
يا مية مرحب والاوضة نورت
الأولاد ديل بقوا أمر واقع, ما شفتي كمان شغلنا واحد مترجم؟
لاكن سجيمان ده متدسي وين ما شفته, تصليحه تصليح السواد بس صوت عالى ومافيش هوا بارد.
تخريمة: لو قلتي لي قش المكيف قبل كم شهر كدة كنت حاقول ليكي: هو المكيف بختو ليه قش؟
| |
|
|
|
|
|
|
|
|
|
Re: أوضتنا يا بنات (Re: zola123)
|
احمد الشايقى ..المترجم
| Quote: الكداد = (فاكهــة) تؤكل بالكــد - مثل الدوم. |
ياكضاااااااااااااااااااب
الكداد خضار وبعملوهو ملاح وبالقراصة كمان !!
بالغت لكن وطلعت شايقى ود بنادر حنكوووووووووووش خالص!!
ست البنات
ستونة قالت ماعندها مانع تجى بالدلوكة علا تدفعو ليها حق بوكسى عدة الفنانين
وماتخافى على من ناس الامن لو عايزين البلوزة بخلى صباح تقلعها ليهم وتلبس اللبسة البرتقالية الجبتيها لى هدية ديك متزكراها ؟
بت الاحفاد العسل
يازولة والله عندى امنية عليك الله تحققيها لى .. دايرة اشوف ليك صورة بالحجاب وواحدة من غيرو ..ماهنا فى الايميل طبعا!!
مريومة لو دى صورتك وانتى صغيرونة معناها انتى هسة شرط عديل حلااااتى ياناس الله!!
اميمة الفرجونى وينك ياغالية تجينى فى البوست حق الدوبيت وماتلقينى معقولة بس ؟ معليش وتعالى تانى اصلو البيت محروس وستو تكوس
لنا بت عمى مهدى يازولة نفسى فى بتيخ جيبى معاكى تلاتة ونتحاسب بعدين ..
| |
|
|
|
|
|
|
|
|
|
Re: أوضتنا يا بنات (Re: نادية عثمان)
|
سلامات يا بنات
يا بت الاحفاد
اها
بسم الله الرحمن الرحيم
دخلت برجلى اليمين.
انا كمان دايره صوره زى نادية لكن عايزة اشوف الشعر اللتعمل فى الكوفيير دا خسارة زول يشوفو مافى!.
يانادية عثمان
جاياكم تانى بهناك عندى ليك مرباع تماااام.
لكن ياختى بطلى الحوامة شوية،وشوفى ليك طريقة بعدييين لما صباح تجى راجعة بالبلوزة..شكلى كدة ح اطفش بيها.
ست البنات
والله الليلة ضحكت لما فرفرت من كلامك الفوق داك.
طبعا لى زمااااااان منو
والله آخر حلاوة.
يازولة123
شاى شنو؟
انا من جيت زول ضيفنى مافى..
شكلى ح انضم لنادية واطلب من لنا المهدى تجيب لى معاها كمان بطيخ
لكن المصاريف عليكم .
يابنات
الماسكة الحنة منو؟
والدلوكة وينا؟
| |
|
|
|
|
|
|
|
|
|
Re: أوضتنا يا بنات (Re: ريهان الريح الشاذلي)
|
نادية
راجعي المسنجر وردي علي
جربتي البطيخ النمساوي؟ يخيل لي مافي بطيخة واحدة بتفتحيها تطلع ما معسلة وحمرااااااااا ... اشراقة وين تجي توصفو ليكي
أميمة
ملكة سبأ الليلة ما شفناها, الحنة دي رهيبة فيها وبترسم بمزااااج
اصبري لمن الحفلة تبدأ جايبين كيك وحلويات
ريهان الشاذلي
اسمك حلو وانت اكيد حتكوني حلوة زيه
بس عليك اله ابعدي من اغاني الشواكيش دي عشان سيرتها بتتعبنا
| |
|
|
|
|
|
|
|
|
|
Re: أوضتنا يا بنات (Re: zola123)
|
ست البنات الحبيبه
ممكن تتكلمى عربى?
بصراحه مافهمت ولا كلمه فى الكلام القلتيهو, والبركه فى المترجمين بعد ترجمتهم يا دوب فهمت ربع الكلام, الا ترجمتهم ده زاتها عايزه ليها مترجم
ناديه الحبيبه
امنيتك على العين والراس, رسلى لى ايملك الما معروف للهكر واوعدينى انو صورى مايشوفها راجل, وتلقيها طوالى عندك بأزن الله, حسه عندى صوره بالحجاب برسلها ليكى وبتصور من غير حجاب وبرسلها ليكى برضو, وتسلمى ياغاليه
بالمناسبه المكرونه بالبشميل بتاعتك طلعت رهيبه واجمل من حقتى, اعمليها لينا طوالى, ok?
اميمه الحبيبه
مرحب بيكى وحبابك عشره
الصوره ماتغلى عليكى وحسه طبعا ما عندى صوره من غير حجاب فبتصور وارسلها ليكى انشاء الله وبرضو بشدد انو مافى راجل يشوفها يا حبيبه بالاخص لانها من غير حجاب وبرضو رسلى لى ايملك وطلبك على العين والراس
وتسلمو
وفى امان الله
لا اله الا الله
| |
|
|
|
|
|
|
|
|
 Re: أوضتنا يا بنات (Re: zola123)
|
دا شنو الغبار دا البيت دا مافيه ناس ولا شنو..جابنى الطريق ساى اتزكرت ايام الشات وراكوبتنا ياحليل زمان وسنين زمان... اخير الواحد يطلع قبل ماتجرحنا حلة مصدية..شكلكم سلطة دكوة مابتعرفو تسوها
| |
|
|
|
|
|
|
|
|
|
Re: أوضتنا يا بنات (Re: zola123)
|
نادية غثمان
Quote: ياكضاااااااااااااااااااب
الكداد خضار وبعملوهو ملاح وبالقراصة كمان !!
بالغت لكن وطلعت شايقى ود بنادر حنكوووووووووووش خالص!!
|
مش كان تستري على الحنكشـة
كدا يا دوب حاخجل وما تشوفوني تاني هنا.
تحياتي
| |
|
|
|
|
|
|
|
|
|
Re: أوضتنا يا بنات (Re: zola123)
|
زولة
انت عارفه انو ناس بيت العذابة مهددين بجديع العفش فى الشارع وانا عارف ده مابرضيكم وكمان نحنا جيران انا عارف صرفة الصندوق الجاية ده بتاعتك ما تسلفينا ليها
بنت الاحفاد
| Quote: معليش للمقدمه ده بس انا فعلا ما بقدراخد راحتى فى مكان فيه اولاد لزلك انا من اشداعداء الاختلاط |
بيت العذابة حرم خلاطة مافيه
تحياتى
| |
|
|
|
|
|
|
|
|
|
Re: أوضتنا يا بنات (Re: بلدى يا حبوب)
|
وووووووووووووووووووووب على ياايناس لكن!!!
مبااااااااااااااااااااااااالغة عديل كده!!!!!!!!
هووووووى انا دنقلاوية عينى بااااااااااردة عشان لو كحيتى ساى ماتقولى دى عين نادية الحارة !!
ياسلام عليك ياجميلة بالحيل يابت الناس الكرام
والله اسعد زولة انا بشوفتك ياست الناس وربنا يحفظك ويكتب لينا اللقاء فيس تو فيس عديل كده..!!
| |
|
|
|
|
|
|
|
|
|
Re: أوضتنا يا بنات (Re: zola123)
|
عاد يا يمه أغيب يوم اجي ألقى الأوضه جايطه كدي... بعدين دي ما بقت أوضت بنات دي.. طرحتي ويني يا بنات سريع .. الرجال ملو الحته... كدي يا أحمد الشايقي قوم كدي.. يعني عشان انا ما بفهم كلام الشوايقه تغشني بي ترجمتك ... نادية عثمان.. لقيتك خبره والله، خلاص تاني بجيك عشان خاطر الترجمه..
صحي يا نادية يا خيتي.. انا جيت أرسل ليك صورتي ما لقيت عنوانك.. اديني ليهو في المسنجر.. حأرسل ليك حاجه لزيزه (سر بيني وبين زولة)... عشان تشوفي بت الحسين عن حق وحقيقه.. ...
زولة، اشمعنا نادية يعني.. رسلي لي انا كمان ..
بت الأحفاد يا سكرة.. والله انا بريده من جوه قلبي~.. والله عفوية لدرجة الابداع.. وبريئة اكثر من براءة اطفال الزمن ده.. ونقية وصافية.. صحي ظلامية، لكن ألز ظلاميه أشوفها في حياتي.. عايني، الحنك ده كله عشان ترسلي صورتك.. (شوفي المسنجر بتاعك فيه عنواني)...
د.سيجيمان، شكرا على جهد تصليح المكيف، لكن صدقني، زي (همبريب) المغربية، مافي...
جاياكن...النطفي النار على الكنافة دي...
بنت الحسين
| |
|
|
|
|
|
|
|
|
|
Re: أوضتنا يا بنات (Re: lana mahdi)
|
بلدي يا حبوب
Quote: انت عارفه انو ناس بيت العذابة مهددين بجديع العفش فى الشارع وانا عارف ده مابرضيكم وكمان نحنا جيران انا عارف صرفة الصندوق الجاية ده بتاعتك ما تسلفينا ليها
|
حسي متين عرفتو صرفتي الشهر ده, اصلوا مافي حاجة بتتخبى الزمن ده؟
لاكن انا كنت دايرة أجيب طقم جلوس جديد للأوضة ونغير الستاير القدمن ديل.
ويعدين نادية كلمتني انكم مستهبلين واحتمال كبير تكونوا عايزين القروش ليحاجة تانية
نادية عثمان
انتس الحلوة, والله رفعتي لي معنوياتي بكلامك ده, يعني اعتبر نفسي حلوة؟ لووول
الله يجبر بيخاطرك انشاء الله ونتقلاقا قريييييييييب
أحمد الشايقي
معليش تعيش وتاخد غيرها
مريم بنت الحسين
رسلي لي الايميل بتاعك في المسنجر ضاع مني
وما تنسي ترسلي لي نادية الفيديو بتاع لقاءكم في الدوحة الصوت والصورة, شفتي أنا فتانة كيف؟
لنا مهدي
كيف لاكن الكلام ده. بتحبي الشاي بالنعناع؟
أنا حاعمل لينا سيرمس مظبط مخصوووووص, احنا أوضتنا ليها طعم بدونك لاكن
| |
|
|
|
|
|
|
|
|
|
Re: أوضتنا يا بنات (Re: zola123)
|
حلوة ساى يازولة ؟
والله رهيييييييييييييييييبة وانتى عارفة انك رهييييييييييييبة يادكتورة ياسمحة ياشرررط
هو صحى قالوا اى دكتورة سودانية لازم تكون سمممممممممحة كده ؟
انتى تخصصك شنو ؟
مريومة
رسلى لى الفيديو عشان اشوفك صوت وصورة قوووووووووووووووووووووووام ..
| |
|
|
|
|
|
|
|
|
|
Re: أوضتنا يا بنات (Re: zola123)
|
وانا بقول نفس الكلام ده... ما شاء الله تبارك الخلاق يا يمه، ربنا يغطيك ويحفظك من العين.. أسمعي، من دربك دك ولعي ليك لبان بخور.. انا غايته ما بسحر وناديه اخيتي كمان، لكن يختي الناس الحوليك كتار.. ما شايفه العزابه ديل بي جاي العميان شايل المكسّر...
فتيته على الملأ الخبر بتاع الفيديو.. عاد يا يمه يديك مُرداك، قولي آمين...
نادية.. اديني العنوان بتاعك عشان ارسله ليك.. وما عندي ليك اي ضمانات، قولي يا النبي نوح، وافتحي الملف.. من قال نوح ربنا ينجيه من السم والسلاح... (كيف معاك، موش تربية حبوبات)
بنت الحسين
| |
|
|
|
|
|
|
|
|
|
Re: أوضتنا يا بنات (Re: zola123)
|
يلا يا ندوية امسحي العنوان، وافتحي بريدك..
ونصيحه لوجه الله.. ما تصدقي الاشاعات، الناس ديل بتكلموا ساي.. سمحه لما غلط دي أفهميها صاح
مع حبي
بنت الحسين
| |
|
|
|
|
|
|
|
|
|
Re: أوضتنا يا بنات (Re: مريم بنت الحسين)
|
اهلين بجميع البنات
كيف يا زولا الظاهر علي جيت متأخرة كالعادة
لقيتكم نضفتو وفرشتو وبخرتو الاوضة كمان
بس انتو الاولاد ديل مغزوزين هنا لي شنو
يعني الوحدة ما تاخد راحتها في اوضتها
كمان والله دي عوجة عديل
بجي تاني
| |
|
|
|
|
|
|
|
|
|
Re: أوضتنا يا بنات (Re: مريم بنت الحسين)
|
مريومة بت عم الحسين
| Quote: ونصيحه لوجه الله.. ما تصدقي الاشاعات، الناس ديل بتكلموا ساي.. سمحه لما غلط دي أفهميها صاح |
الصلاة على النبى
وعينى تلاجة بس !!
النبى كان تورينى السبب شنو فى انك ماتختى سماحة صورك دى هنا ؟
اشاعة شنو والله الناس الكلمونى عنك قصرو فى نقل الروعة دى !!
ربنا يصونك
اقايتو ياايناس لحدى هسة شفتك انتى ومريم وماشاء الله تكسروا بلد موش حتة منبر قدر ده !!!
| |
|
|
|
|
|
|
|
|
|
Re: أوضتنا يا بنات (Re: zola123)
|
مريم بت الحسين
بهدى ليك ابيات الشاعر محجوب شريف من قصيدة مريم ومى
نبض الشعب أجمل من من بريق الماس
واجمل من حليب السترة ما حبيت مشارب كأس
عش القمرية بين اغصان أشرف من موائد ناس
وأقرب للوطن من ناس
وخير جانى ما عم البلد وساس
أذن فلتقرع الاجراس
مريم حضرى الكراس
أميره ومى تعالن جاى
نغنى لاخر المشوار
نغنى لاخر الانفاس
----
وبعدين يا مريم ما تنسى حتى الشاعر مدنى النخلى ماقصر فى قصيدة مريم بت محمود
المهم لو داير تعرفى القصيدة اعمل لينا صينية بسبوسة ورسليها مع اخو نادية العامل ذى لصقة جونسون الامريكية واسألى زولة ده ما تخصصها
زولة
الجنز موجود وكمان ببيع نضارات علشان تدسى بيهم عيونك من العذابة السحاريين ديل
بنت الاحفاد 2001
السلام سنة والرجالة مالهم قلته
حرم انا امبارح سمعت شمار نادية لوريهان وبقول (ضل راجل ولا ضل حيطه )
ريهان
انت انا داير اسألك خريجة كمبيوتر مان
تحياتى للجميع
| |
|
|
|
|
|
|
|
|
|
Re: أوضتنا يا بنات (Re: zola123)
|
| Quote: اقايتو ياايناس لحدى هسة شفتك انتى ومريم وماشاء الله تكسروا بلد موش حتة منبر قدر ده !!! |
جيت أشحد سكر و سمعت الكلام ده
أحسن تدسوا من ناس بيتنا العزابة عشان حيعملوا ليكم الدرب ساساقة
بنت الأحفاد مارقين ما تنطني
| |
|
|
|
|
|
|
|
|
|
Re: أوضتنا يا بنات (Re: أحمد الشايقي)
|
مريومة ونادية
واللله خجلتوني
بعدين المشكلة اني أقوم أصدق والله يحلكم بعد ده
يا حلوييييييييييييين
تارا الحبيبة
طلة ساي ما بتنفع, وين دايرة تشردي من شغل الأوضة
بت الأحفاد 2001
لا مـتأخرة ولا حاجة, عشان تلحقي الحفلة
يا بنات ما سامعة حاجة لسة؟؟!!
| |
|
|
|
|
|
|
|
|
|
Re: أوضتنا يا بنات (Re: أحمد الشايقي)
|
بلدي يا حبوب
ما باحب الجينز والنضارات الشمسية عندي كتير
شوف ليك حجة تانية
بعدين بالمناسبة راعوا حق الجيرة البنات اشتكوا من الدوشة البتعملوها
انتوا فاتحين نجارة في أوضتكم؟
ريهان
أي حاجة منك حلوة يا ستي
عجب
واللا حيرتونا, بعدين تعال النسألك انت مش اعتزلت العزوبية؟ ولا دي حلاوة الرح؟
يا زول الجماعة ديل بيغتسوا حجرك اخير أرحل منهم
أحمد الشايقي
والله تصاحبوها تجيبوا ليها هدايا تستهبلوا عليها نادية حبيبتنا وبياتنا اتفااااااااق
اسمع ناس أوضتكم بينادوك, ما فضل الا نفرش ليك مرتبة تحت الشباك
| |
|
|
|
|
|
|
|
|
|
Re: أوضتنا يا بنات (Re: zola123)
|
Quote: ازيك يا عجب
دة كلو ما اطنطن
حسي عملتة شنو مرقتة من الأوضة
ومشيت وقفتة في الشباك
ده يقولو عليهو شنو |
بنت الأحفاد
ما بصلح في المكيف الخربو سجيمان
Quote: عجب
واللا حيرتونا, بعدين تعال النسألك انت مش اعتزلت العزوبية؟ ولا دي حلاوة الرح؟
يا زول الجماعة ديل بيغتسوا حجرك اخير أرحل منهم |
الإيجار كده رخيص
وقاعد مع حبايبي لغاية العرس
| |
|
|
|
|
|
|
|
|
|
Re: أوضتنا يا بنات (Re: zola123)
|
ندوية العسل..
Quote: النبى كان تورينى السبب شنو فى انك ماتختى سماحة صورك دى هنا ؟
|
حسي الله بسألك انزل صورتي جنب صورتك دي؟ عاد ما الفضيحة والسترة متباريات يختي.. يقولوا علي شنو يا يمه.. بكف ليك العين عديل كده.. لكن، نزلتها كم مره قبل كده، بتشجيع من الخال ود قاسم.. بس شلتها عشان قالوا الزول كان الله بلاه يستتر..
Quote: وبعدين يا مريم ما تنسى حتى الشاعر مدنى النخلى ماقصر فى قصيدة مريم بت محمود
المهم لو داير تعرفى القصيدة اعمل لينا صينية بسبوسة ورسليها مع اخو نادية العامل ذى لصقة جونسون الامريكية واسألى زولة ده ما تخصصها
|
يا بلدي يا حبوب... عمو مدني النخلي عندي رقمه، بضرب ليهو عديل أصلي متلومه معاه متوقع مني اتصال.. وبسأله برااااي.. لكن عشان ما تقول بخيله، بسبوسه وبسيمه وصحن مهلبيه على الطريق... لقيمات كمان رأيك شنو؟ شكرا على الكلمات الجميلة
أحمد الشايقي وAgab... والله ضحكتوني LoOoOoOoOoOoL
ريهان حبابك يمه.. كده تعالي لي بي جاي النتونس...
بنت الاحفاد فرع الامارت.. ازيك، وعاش من شافك... ويييييييييييييييين كده؟ سمعتي ولا جابو ليك؟ (دي استخدمتها صاح ولا شترتها؟)
بنت الحسين
| |
|
|
|
|
|
|
|
|
|
Re: أوضتنا يا بنات (Re: zola123)
|
هي ما تقولوا مضهب
يا بلدي يا حبوب رسلنا أجيب الحاجات دي من مريم
| Quote: بسبوسه وبسيمه وصحن مهلبيه على الطريق |
مريم بنت الحسين
القراية ما عندك
ولا دي ما إنتي
| Quote: سمعتي ولا جابو ليك؟ (دي استخدمتها صاح ولا شترتها؟) |
والله عذبتيها عذاب
| |
|
|
|
|
|
|
|
|
|
Re: أوضتنا يا بنات (Re: zola123)
|
د زولة 123
Quote: أحمد الشايقي
والله تصاحبوها تجيبوا ليها هدايا تستهبلوا عليها نادية حبيبتنا وبياتنا اتفااااااااق
اسمع ناس أوضتكم بينادوك, ما فضل الا نفرش ليك مرتبة تحت الشباك
|
أولا بت عثمان دي صاحبـة قديمة, إنتي ما شفتي ركن الدوبيت بهنـاك, دا يطرشق أي اتفاق (يروح شمار في مرقــة).
تاني شئ, انا عندي هنا كرسي قماش وقاعد راجي ست البنات, كان ما جات وشلت حاجاتي من (قفتهـا) ماني منقول من هنــا (خليهـم ينادوا لي الصباح - شـن الفايدي منهــن)
مريم بنت الحسين
| Quote: أحمد الشايقي وAgab... والله ضحكتوني LoOoOoOoOoOoL |
كان كــدي , (هــادي قعــدة).
لــوووول , قالت أســـه لووووول دي يعني شــنو آآآآآآآسجيمان
الناس ديل حيرونا بالحيــل.
| |
|
|
|
|
|
|
|
|
|
Re: أوضتنا يا بنات (Re: zola123)
|
زولة وكل البنات....ازيكم يا حلوين..أوعى تكونوا كملتو الشاي و البسبوسة و التشيز كيك...
أجي يا يمة...ولا اللقيمات ما خليتن فيها شي..!!
أنا من قبيل كنت وين؟! ما كنت واقفة لي في بوست كله رجال (كثر خيركم يا النسوان لا جدعتن معاي لا جبتن الحجار) ...المهم.. الرجال شبكوني وزوز وزوز ما قدرت أنحل منهم بأخوي وأخوك..آخر حاجة كبيت الزوغة...و لحقت الكوافير قبل ما يقفل...أها قولن لي رايكم شنو؟ مش تسريحة جنان...؟
كدي زحوا لي شوية النقعد...بري يا يمة ما بقعد هنا تشيل فيني ريحة البصل و الكمونية...أنا بقعد بجاي جنب ندوية ماكن شامات ريحتا السمحة دي...انت يا نادية يوم المطافيء بتجي تفتح خراطيشا فيك...و حفرتك دي سيد العمارة شافا ولا لسة...؟
ما شاء الله يا نادية لكن رسمة حنتك ما سمحة لامن عويرة..أنا ما قلت ليك حنانتك دي وريني دربا ..والله أولاد ماما قايمين علي قومة....يا زولة أنا بجيب ليك الصبغة وانت قدر عرفتك سويها لي في قعدتنا دي...
ممكونة.. ازيك..والله واحشاني...عارفة اليوم داك لاقيت توموكو سلمت ليك عليها...إلا قالت زعلانة منك عشان عزمت الناس كلهم لطهور ولدك و فطيتيها ...أها أنا قلت ليها غايتو ممكونة دي أصلها ما بتتلوم مع الناس..إلا يكون المرسال غلط وما جاك.. ولا تكون ضربت ليك تلفون و ما لمت فيك...غايتو أخير تضربي ليها و ترضيها...
زولة ومريم وبنت الأحفاد و البنات (الماشافن دنيا) جبت ليكن معاي حاجة سمممحة بتنور الوش..مع انو انتو وجوهكم أكيد منورة, إلا دي نورتا برااااها..كدي أمرقو الرجال ديل من الأوضة النوريكن ياها...
| |
|
|
|
|
|
|
|
|
|
Re: أوضتنا يا بنات (Re: zola123)
|
| Quote: زولة ومريم وبنت الأحفاد و البنات (الماشافن دنيا) جبت ليكن معاي حاجة سمممحة بتنور الوش..مع انو انتو وجوهكم أكيد منورة, إلا دي نورتا برااااها..كدي أمرقو الرجال ديل من الأوضة النوريكن ياها |
عاد يا سناء، وما ليك علي حليفه انا وشي ده غلبت فيهو حيله.. كدي تعالي لي النحكي ليك.. عاد يختي اشوف ليك البنات كللللللللللللهن مجيهات يا يمه ووشوشن زي القمرا... اقول ليهن بتسووا شنو، اتاريهن سايطات الدنيا والعالمين وما خالات كريم ما عاملاتن.. اها أنا قلت النسوي زيهن مالي يا يمه بتبشتن... قوووومي يا مريم يا الشليقة اتمسحي بالكريم.. وقووووم يا وشي يا معتّر الحال اتملي كلك حبوب.. وولع ناراً حمرا أبت تنطفي... وتاني قلت التوبه.. اصلي ما بخت لي مصيبة في وشي ده.. حسي بي لونه الطبيعي هو سمّح .. لكن بس يختي بغراااانه من ناس زولة ديل.. شيتك ده طبيعي؟ فواكه وحاجات زي دي؟ عشان انا الكيميائيات ما بتنفع معاي  ....
بنت الأحفاد فرع الإمارات... ما بزيد في كلام الإخوة العزابة رداً على السؤال
بنت الأحفاد فرع بريطانيا.. ينفع نتغزل ونقول في خلقة ربنا، ولا بيني وبينك؟ وريني عشان اوصف ليك شعوري... ربنا يحفظك، ماشاء الله تبارك الخالق...
زولة دي فاتت وين يا اولاد امي.. زولة.. بجيكم الاسبوع الاخير من الشهر ده .. غالباً.. لكني حأحوم ما حأقعد في دبي زي المره الفاتت.. مفروض امشي ابوظبي ودبي والعين وعجمان (وعد الخدر..) .. عارفه عد الخدر دي وين؟ دي قرية طرف رفاعة... بالمناسبة انا عشت في الامارات من 1987 لحدي 1994... كنّا في العين... وزرته كل الامارات بما فيها الفجيرة.. مدينة ساحرة الجمال (الطبيعي) ...
بنتلاقى.. انا حالفه ألاقيك...
بنت الحسين
| |
|
|
|
|
|
|
|
|
|
Re: أوضتنا يا بنات (Re: zola123)
|
| Quote: بنت الأحفاد فرع الإمارات |
| Quote: بنت الأحفاد فرع بريطانيا |
امــــــــــــــــــــــــــــــــــــــــك بيتشابهه جنس شبه
| Quote: بنت الأحفاد فرع الإمارات... ما بزيد في كلام الإخوة العزابة رداً على السؤال |
دايرين صور
دايرين صور
دايرين صور
Oops Did I say that loud
| Quote: بنت الأحفاد فرع بريطانيا.. ينفع نتغزل ونقول في خلقة ربنا، ولا بيني وبينك؟ وريني عشان اوصف ليك شعوري... ربنا يحفظك، ماشاء الله تبارك الخالق... |
ماشاء الله تبارك الخالق
| |
|
|
|
|
|
|
|
|
|
Re: أوضتنا يا بنات (Re: Agab)
|
إنتو العزابة ديل يا بنات
شوية يجو يفتشو صرفة الختة حقت زولا عشان يتدينو
وشوية يقولو ميزهم قطع
وشوية دايرين يصلحو المكيف الأبى يتصلح لى يوم الليلة
الحكاية شنو؟؟
جيبن لى جبنة قهوة راسي ماشي يتكسر..وهزن المنقد شيلن جمرات ختنها فى المبخر و اكشحن فيهو حبة بخور تيمان
| |
|
|
|
|
|
|
|
|
|
Re: أوضتنا يا بنات (Re: zola123)
|
مريومه العسل
طبعا طلعتى عسل ماشاء الله عليكى وربنا يغتيكى, وجهك طفولى برئ وبجدلونك رهيييب فما تغيريهو بأى كريمات, ماشاء الله وتبارك الله عشان ما تقولى سحرناكى,
وشكراللمجامله يا حبيبه, مع انو الصوره ما فى سماحتكن انتى وناديه وزوله بس انتى الاصريتى عليها وزنبك على جنبك
اتكلمى بس ما تقولى شينه شديد اوكى? دنا لسه على وجه زواج
يلا فى امان الله
لا اله الا الله
| |
|
|
|
|
|
|
|
|
|
Re: أوضتنا يا بنات (Re: zola123)
|
| Quote: ممكونة.. ازيك..والله واحشاني...عارفة اليوم داك لاقيت توموكو سلمت ليك عليها...إلا قالت زعلانة منك عشان عزمت الناس كلهم لطهور ولدك و فطيتيها ...أها أنا قلت ليها غايتو ممكونة دي أصلها ما بتتلوم مع الناس..إلا يكون المرسال غلط وما جاك.. ولا تكون ضربت ليك تلفون و ما لمت فيك...غايتو أخير تضربي ليها و ترضيها... |
سنوية....
إزيك..الله يسلمك...الله يبارك فيك....الله يرضى عليك.....
كيفنك يا بت أمي....و كيفنهم ناس نغازاكي.....و..طوكيو؟ نعل ما شاكيين..!!
و الله مشتهياكي و متقريفة ليكي...لكن (الكي بورد) ليهو رافع...
النبي قولي ل توموكو....لا بيني لا بينها...ما باكتني في أمي.....دايراني أعزمها طهور ولدي!!!!؟ و الله حكم....عاملة وشها الزي الرغيفة البايتة ده...
جيبي عنقريبك ده على جاي....الشباك جايب همبريب حبيبك...
يا بنوت....ألحقونا قوام....بالشاي المنعنع...حبوباتكن قايمة عليهن هشاشة العظام....إنعل أبو العولمة زاتو...
| |
|
|
|
|
|
|
|
|
|
Re: أوضتنا يا بنات (Re: نادية عثمان)
|
البنات الحلوات والأولاد المقيمين في الغرفة
مشتاقييييين
اوضتنا دي غير الشاي والقهوة واللقيمات ما عملنا فيها شي
حتى الغنى ما سمعنا حاجة
لمن لنا مهدي جات تقول لينا دي ما أوضة جد جد.
يا بنات الامارات اتحدوا !! سارة حمزة بطرفنا هنا وعايزين نمشي ليها زيارة
يا بت الاحفاد, لنا مهدي, بت القبايل, نهال كرار, انسانة, جوليا وبقية العقد الفريد اين انتن ؟؟؟؟!!!!!!!
| |
|
|
|
|
|
|
|
|
|
Re: أوضتنا يا بنات (Re: zola123)
|
مرحبتين يابنات
جيت راجعة بعد ما قدمت العزاء في بت خالتي - الله يرحمها
شنو الاوضة اتملت اولاد ، واحدين بتاوقوا من الشباببيك وواحدين واقفين جنب الباب
وينا القهوة انا مصدعة شوية ووين الشاي
ويا يت البنات ما جبتي معاكي قرقوش ولا بسكويت مالك
| |
|
|
|
|
|
|
| |
zola123
bint_alahfad
ست البنات
مريم بنت الحسين
أحمد الشايقي
mamkouna
Omayma Alfargony
ريهان الريح الشاذلي
بلدى يا حبوب
lana mahdi
بنت الاحفاد 2001
Agab
seham_musa
فيس بوك
تويتر
انستقرام
يوتيوب
بنتيريست