كتب الكاتب الفاتح جبرا المتوفرة بمعرض الدوحة
|
أوضتنا يا بنات
|
زماااااااااان كان عندنا أوضة في البورد ده أعضاءها بنات مع الكثير من المتلصصين عبر الشبابيك وتحت الأسرة وفوق السطوح كان فكرة الاخت العزيزة بت القبايل( القديمة) اللي والله ما عارفة مشت وين وخلت البورد ليه. بالبلدي كدة.غرفتكم أهي , وأعملوا فيها الدايرينوا, وليسامحنا باكري والباندودث لاكن مشاركات الجنس اللطيف في هذا المنتدى أصبحت قليلة جدا. واختفت الكثير من النجوم اللواتي ملأن سماء هذا المكان فرحا وبهجة. عايزين العضوات الجدد يتعرفوا على بعض, ونوريهم كنا بنعمل شنو في غرفتنا زمان. عايزة اتنين شاطرات يساعدوني ننفض التراب ده ونهوي الأوضة مريم بنت الحسين, بت الأحفاد جيبوا العدة وحصلوني. قبل ما أنسى نادية عثمان بلوزتك في صورة اللقاء مع وزير الخارجية رهيبة ما عرفت أكتب ليكي وين.
|
|
|
|
|
|
|
|
Re: أوضتنا يا بنات (Re: zola123)
|
ملاحظة: مافي زول يجي يقول لينا جدية ومواضيع هادفة, الجدية تطير, والفرح أجمل هدف نسعى له. ويوم المرأة العالمي حنحتفل بيه على طريقتنا
| |
|
|
|
|
|
|
Re: أوضتنا يا بنات (Re: zola123)
|
خضر ود أمي كلمة السر شنو؟ عشان أعرفك خضر ولا بارعة لاكن ما فاجأتوني, قلت مداخلتين تلاتة وحيجوا الرجال طيران يطلبوا يشتركوا في البوست
| |
|
|
|
|
|
|
Re: أوضتنا يا بنات (Re: zola123)
|
خضر ود أمي كلمة السر شنو؟ عشان أعرفك خضر ولا بارعة لاكن ما فاجأتوني, قلت مداخلتين تلاتة وحيجوا الرجال طيران يطلبوا يشتركوا في البوست
| |
|
|
|
|
|
|
Re: أوضتنا يا بنات (Re: ايهاب)
|
Quote: عايزة اتنين شاطرات يساعدوني ننفض التراب ده ونهوي الأوضة |
اها.. خلصتي نضافة ولا لسة.??.
عليك الله كدي خلينا في يوم المراة دة نرتاح شوية.. انتي زاتو لازم تعملي حسابك عشان عيونك و كدة
| |
|
|
|
|
|
|
Re: أوضتنا يا بنات (Re: ايهاب)
|
ايهاب والله ماشاء الله طلعت موسوعة وفعلا ده الحصل تتذكر لمن الاولاد غيروا موقعهم وقعدوا في سطوح أوضتنا وقال شنو رسلوا لينا الشاي والعشا فوق وقمنا شاكلناهم. ود الجيلي الفترة ديك غير اسمه لل AlBOSS) ) ومن ديك وما شفناه في البورد. كانت مريم الكارب وسوما كل يوم بعد الشاي المظبط يدونا قصيدة. أيام حلوة فعلا , لا ظلاميين ولا خنفشاريين ولا عنصريين ولا الكلام الفاضي بتاع اليومين ديل. لاكن ايه رأيك بدل ما نتحسر على الايام دي نحاول نرجعها؟
| |
|
|
|
|
|
|
Re: أوضتنا يا بنات (Re: السفير)
|
السفير الحلوة
Quote: وليت الزمان يعود الى الوراء الى زمن الايام الحلوه |
اليسمعك حسي يقول البت دي عمرها عشرين سنة, وانت 10 سنين ما تميتي!!! وين ماما ما كلمتيها اننا فتحنا الأوضة عشان تجي ليه, منتظرنكم بعد المغرب
| |
|
|
|
|
|
|
Re: أوضتنا يا بنات (Re: zola123)
|
Quote: زوله انا ما خدر انا زوجتو ممكن اشارك معاكم ؟؟ |
وأنا ما وليـــــــــــــــــد أنا زوجتو ممكن أشارك معاكم؟؟!!!
يحلك الحلا بــــــــــــــــــــــــــــــــــــــــــــــــــــــلا
| |
|
|
|
|
|
|
Re: أوضتنا يا بنات (Re: Agab)
|
عجب المدام عرفناها لسة في السودان, ما حتقدر تغشنا وبعدين عيني عليكم باردة , قلنا أوضتنا يا بنات, اتملت لينا أولاد
| |
|
|
|
|
|
|
Re: أوضتنا يا بنات (Re: zola123)
|
وله 123
اوضتكم ده بس دايرن نعرف وين محلها لو فى داخلية لا بد من وجود راجل يحرس الباب الخارجى ولو فى بيت ما تنسى باب الحوش بعد مرات بكون واحد بدخل الجميع فكرة سديدة وبترجع المنبر الحر الى ايام حوش بكرى تحياتى
| |
|
|
|
|
|
|
Re: أوضتنا يا بنات (Re: بلدى يا حبوب)
|
بلدي يا حبوب
Quote: اوضتكم ده بس دايرن نعرف وين محلها لو فى داخلية لا بد من وجود راجل يحرس الباب الخارجى ولو فى بيت ما تنسى باب الحوش بعد مرات بكون واحد بدخل الجميع |
انت ما توقل بصريح العبارة داير ليك طريقة تدخلك الأوضة؟ انتوا ما عملتوا أوضة عزابة بهناك؟ ولا عجبتكم الطراوة الفي محلتنا ?
| |
|
|
|
|
|
|
Re: أوضتنا يا بنات (Re: بلدى يا حبوب)
|
عمر اللي فات ما بيرجع يا زوله الا في الاحلام بعدين بالله ما تلخبتي لي خنفشاريتي مع الحاجات الفوق دي حيث ان الخنفشاريه حاله انبعاريه ناتجه عن العولمه في غياب المضمون ويبدو انني قد غبت عن العالم الخنفشاري فتره كافيه لتمحور وانبثاق معاني جديده ادت بها لان تكتب جنب الى جنب مع الظلاميه واشياء اخرى بعد ان نشاءت وليده الزهج وعدم الموضوع تضامنا مع الطمام الناتج من بعض المنظراتيه في ذلك الحين مصحوبه برياح ضهبيه متوسطه الانبعاج فبدات بنجره ثم نجرتين تم اتى الكتير من النجارين والنجارات ونجرو نجر صاح واصبحت مدرسه ذات صيت وهنا وجب ان اوضح انني غير مسوؤل عن ذلك فقد كان اخر عهدي بها ابان الحرب التانيه ضد الحداسه وذلك في بوست بيان ومنعم والارشيف على ما اقول شهيد
| |
|
|
|
|
|
|
Re: أوضتنا يا بنات (Re: zola123)
|
Quote: انتوا ما عملتوا أوضة عزابة بهناك؟ ولا عجبتكم الطراوة الفي محلتنا ? |
نعمل شنو يا زولة
كان يا بلدي يا حبوب
عاملها كلها صعوط و سجائر
| |
|
|
|
|
|
|
Re: أوضتنا يا بنات (Re: Agab)
|
ايهاب الخنفشاري مع اني ما افهمة اي حاجة من القلته, لاكن الظاهر عليه كلام مهم قلت ليكو امسك لينا الاولاد ديل بالله عشان بشتنوا الحتة فوق ما هي مبشتنة والا كل زول منكم يجيب جردل موية ويجي يمسح الأرض معانا؟ كدة حتطفشوا أكيد
لنا مهدي مرحب يا حبيبة, الاولاد ديل انا لقيت طريقة تطفشهم خلاص
عجب صعوط؟ يع يع يع خليك قبلك كان كدة بالمناسبة في سؤال محيرني من زمان, البتاع دع ده بالطاء ولا الدال, مرات باسمعها صعود؟؟؟؟
| |
|
|
|
|
|
|
Re: أوضتنا يا بنات (Re: zola123)
|
Quote: عايزة اتنين شاطرات يساعدوني ننفض التراب ده ونهوي الأوضة مريم بنت الحسين, بت الأحفاد جيبوا العدة وحصلوني.
|
انا غايته علي الشاي والقهوة... وليك علي يازولة، cheesecack من النوع البزيد الوزن 80% على الوزن الأصلي.. ماهي أصلها خربانه خربانه
بجيكن راجعة
بنت الحسين
| |
|
|
|
|
|
|
Re: أوضتنا يا بنات (Re: Nada Amin)
|
ندى أمين يازولة وماله نتكلم عن يوم المرأة واحنا بنغسل في العدة, يعني لازم نتلبس ونتقيف ونكورك. ولو مصرة نديكي اجازة الليلة لاكن بكرة من الصباح تكوني عندنا. وما تكوركي شديد في المظاهرات عشان صوتك ما يتعب, محتاجنه بكرة
| |
|
|
|
|
|
|
غسيل العدة (Re: zola123)
|
Quote: عايزة اتنين شاطرات يساعدوني ننفض التراب ده ونهوي الأوضة مريم بنت الحسين, بت الأحفاد جيبوا العدة وحصلوني |
على أنا غايتو غسيل العدة لقيتي منو تنفض التراب؟؟؟ بالله يا ندى أمين محتاجنك بسرعة خلصي خطب و مظاهرات و تعالى سريع
| |
|
|
|
|
|
|
Re: غسيل العدة (Re: lana mahdi)
|
مريومة الحلوة بسحروا جضومك يا بت أمي, اسمعي نصيحة مجربة علقى على الشاي والتشيس كيك دي رسلي واحد من الاولاد يجيبوا ليكي حاجاتا من الدكان بدل ما هم زاحمين لينا الحتة ساي. أنا حاتفرج على الكيكة ساي عشان ما باحب الكيك وما تسأليني ليه
| |
|
|
|
|
|
|
Re: غسيل العدة (Re: zola123)
|
انا غايتو قاعده بهناك في الـــ......
دا كله شارده من النضافه باقي انا جلدي حلو
لما تخلصو بجي
غايتو الواحد بهناك متحمل ليهو جنس ارياح وحاجات
غايتو الله يكفينا الشر
| |
|
|
|
|
|
|
Re: غسيل العدة (Re: zola123)
|
Quote: لنا مهدي النفيض ده لاكن ما اتلومتوا فيه معاي...والعدة دي خليها شوية الننضف المحلة. شيلي ليكي كمامة واتوكلي على الله, كح كح و نفضي السجاجيد برة |
كان كدى بمشي اظاهر مع ندى امين و بجيكم راجعة بكرة
| |
|
|
|
|
|
|
Re: أوضتنا يا بنات (Re: zola123)
|
Quote: عجب صعوط؟ يع يع يع خليك قبلك كان كدة |
انا ذاتي يع يع يع و بكجنوا
لكن معاشرة الدبايب علمتني لو مافي زول سألك تجرب خليهم يتمبكوا باقي الدبايب عندهم الجودية بالتمباك وبيرددوا سـف وإتمبك وأدي الجنبك
Quote: بالمناسبة في سؤال محيرني من زمان, البتاع دع ده بالطاء ولا الدال, مرات باسمعها صعود؟؟؟؟ |
الأصل في اللغة التمباك وبعد داك جات كلمة صعوط أو سعوط وكلو عند السودانيين عمـــــــــــــــــــــاري
| |
|
|
|
|
|
|
Re: أوضتنا يا بنات (Re: Agab)
|
Quote: راوية جات تاوقت وجرت لمن لقت الموضوع فيه شغل نضافة |
لووووووووووووووووول يازوله عرفتي البير وغطاه
| |
|
|
|
|
|
|
Re: أوضتنا يا بنات (Re: Rawia)
|
يا راوية فضحتينا الجماعة ديل قالوا بيسفوا, المقعدك عندهم شنو الأوضة خلاص نضفت وانا سامحتك تعالي بس خلي بالك ما يشاكلوكي البنات
عجب والله شرح وافي وكافي, غيربة بعد المعلومات دي كلها تكون عمرك ما جربته
| |
|
|
|
|
|
|
Re: أوضتنا يا بنات (Re: zola123)
|
يا بنوت انا من صباح الرحمن شايلة القراصة والملاح وطاشى من بوكانكن دا !
كدى ورينى ياهو بى ويين ؟
والشربوت دا خلاس بقى مر ماب ينفع معاكن !
كوركن لى خدر اليديهو للرجال ديل !
ولا وينو عماد ؟
ست البنات .
| |
|
|
|
|
|
|
Re: أوضتنا يا بنات (Re: ست البنات)
|
Quote: يا بنوت انا من صباح الرحمن شايلة القراصة والملاح وطاشى من بوكانكن دا !
كدى ورينى ياهو بى ويين ؟ |
يا ستنا لامن إتاخرتى قلنا الرجال قلعوا منك الحاجات باقى هم ما بقصرو بركة الوصلتى سالمة خشى بي جاى
| |
|
|
|
|
|
|
Re: أوضتنا يا بنات (Re: ست البنات)
|
ست البنات ما بتقصري أصلك عليك الله امسكي راوية دي عمليها حاجة تنفعها في الحياة أنا خايافها المرة الجاية تجينا بالبتاع ده البسفوها الاولاد عشان قعدتها طولت هناك. والله مشتاقين ( ضومة) صح كدة؟
| |
|
|
|
|
|
|
Re: أوضتنا يا بنات (Re: zola123)
|
الله يازولة
والله الاوضة بقت نضيييييييييييفة وسمحة
اها انا جبت ليكم بخور تيمان ..عشان انتى بالذات يازولة عاملة عيونك السمحات ديل ماشاء الله مايقوم زول من عزابة الحوش ديل البيتاوقو ديل يسحرك تناى ماعندنا روح لى عمليات بالله!!
اسمعى انا بجيب معاى صينية باشميل احلى من بتاعة بت الاحفاد !!
اقول ليك شفتى الرف التالت فى دولاب اوضتنا ؟
ايوة ده!!
شايفة التوب الاخضر ؟
تحتو طوالى بتلقيها !!
Quote: قبل ما أنسى نادية عثمان بلوزتك في صورة اللقاء مع وزير الخارجية رهيبة ما عرفت أكتب ليكي وين. |
ايوة قصدى البلوزة !!
طوالى تشيلى اللبسة كاملة وتشديها فى حفلتنا بعدين سمح؟!!
ايوة هى البلوزة معاها بنطلون..ايوة بدلة كاملة وحاتكون رهيييييييييبة فيك ياعسل!
| |
|
|
|
|
|
|
Re: أوضتنا يا بنات (Re: نادية عثمان)
|
نادية الحلوة تعرفي أنا يخيل لي الزول العملتي معاه اللقاء ده بيعاين ليك بعمق وبيفكر الزولة القيافة دي جابت بلوزتها من وين, عشان يجيب واحدة زيها للمودام. طبعا عليكي أحلى نحن في البيت أولاد وانا البت براي يا نادية, يعني حكاية نلبس من بعض دي باسمع بيها ساي. وبيني وبينك طبعي شين لو اشتريت حاجة ولقيت واحدة لابساها باحرد اللبسة. ويخيل لي لو كان عندي أخت كانت حتتعب معاي شديد. تسلمي على العرض الكريم والبركة في صباح استلمت البلوزة.
Quote: مايقوم زول من عزابة الحوش ديل البيتاوقو ديل يسحرك تناى ماعندنا روح لى عمليات بالله!!
|
أاااااايي كلميهم انا ما ناقصة
| |
|
|
|
|
|
|
Re: أوضتنا يا بنات (Re: zola123)
|
لنا الحبيبة سلام ,
عارفة يا لنا , الليلة أول زولة نحتفل بيها منو ؟
عبير الشجاعة العلمت الناس الثبات !!!
أنا جايبة ليها معاى وسام !
وشايفاكن متملصات من الخدمة ! تعالن نقسم الخدمة ,
كل تلاتة يسون حاجة , عندنا قش الأوضة , غسيل العدة , ولازم نخبز لينا كعك ومنين !
وانا جبت معاى حبة بخور وحنة , وكمان نتحنن , وجبت معاى دلوكة وعود وجيتار , بس لازم نكلم تماضر , نور تاور , منى خوجلى , دكتورة بيان , ونرسل لينا زول لفرنسا يجيب نجاة , ويغشى اشراقة , ونكورك لعشة بت فاطنة , وضرورى نادية الظريفة تجى , والجندرية , واميمة و وغادة و وملكة سبأ , ورجاء و وبت الاحفاد و والهام وتخلى طه هناك ! وسلوى صيام , وشيرى خفيفة الظل ,
يلا انتن اتذكرن الباقيات ما يلومنى !
وقبيل سامعاكن تكوركن وتنجارن من القعونجة التحت الزير ! انا كمان بخاف من القعونجة !
ولا الضب ! والله انا برجف منو عديل ! ما تنادو لينا زول يكتلو لينا !
وبعدين عليكون الله ما مشتهيين ليكم كمونية ؟ نعمل القرعة و والبيشيلها ينضف الكمونية ! رأيكم شنو ؟
والماب تعرف تنضف الكمونية تحكى لينا نكتة !
عليكن الله مشطننى ! علبة كركاركن وينا هوى يا التاية !
وجنى وجن التبيخ البيج !
لكن مشتهية لى موليتا ! منو البنعرف الموليتا ؟ والله السينات سمح خلاس !
ويا لنا مهدى كترى الشطة والليمون للتبش !
وراوية تسوى شطة الدكوة !
ومنى خوجلى بتعرف سوات المنين والكعك !
أقول ليكن قولة ؟
بعد الغدا نعمل لينا مسابقة جرى ! رايكن شنو ؟
انا فترت ودايرة انوم شوية , وكت الكمونية تنجض صحنى !
ست البنات .
(عدل بواسطة ست البنات on 03-08-2005, 01:23 PM)
| |
|
|
|
|
|
|
برضو غسيل العدة//ستنا (Re: ست البنات)
|
Quote: كل تلاتة يسون حاجة , عندنا قش الأوضة , غسيل العدة , ولازم نخبز لينا كعك ومنين ! |
بغسل العدة بس لاكين حقو نرسل زول يجيب دوا الكحك والسمسم عاد المنين البتقطعو منو؟؟؟؟؟؟؟
Quote: وقبيل سامعاكن تكوركن وتنجارن من القعونجة التحت الزير ! انا كمان بخاف من القعونجة ! |
اى كلهن كانو بيكوركن من القعونجة انا كنتا بكورك من الشبشة..باقي لى كربة هى ما شبشة
Quote: والماب تعرف تنضف الكمونية تحكى لينا نكتة ! |
بري ما بسويها لاكين ممكن اضفر المصران بعد ما اخلص غسيل العدة شفتى المحن؟؟ رسلتا الوليد يجيب لى ليفة من الدكان لى حسة ما جا اضطريت اغسلها بالعشميق وبركة الشلنا من النخلة حبة عشان جبنة القهوة برضو
Quote: عليكن الله مشطننى ! علبة كركاركن وينا هوى يا التاية ! |
بتكوركي مالك؟؟ ما قلتى الكركار حق الودك ما نفع معاكى و ح تنجضي شمع عسل بعدينك؟؟أجي يا بت أمي؟؟؟
| |
|
|
|
|
|
|
Re: أوضتنا يا بنات (Re: zola123)
|
ست البنات ولنا مهدي انتوا كلامكم مالوا قلب فلكلوري كدة ما كنتوا كويسين ؟ شوية بس راعوا ظروفنا أنا وبت الأحفاد انا الكمونية ما باقرب منها لاكن اي حاجة تانية ما عندكم مشكلة فتة قيافة باللحمة كيف معاكم؟ بس بشرط راوية ما تاكل منها لو ما نضفت معانا
| |
|
|
|
|
|
|
Re: أوضتنا يا بنات (Re: zola123)
|
سلامات لكل الناس الظراف هنا
ذولتنا ده كلام ده تخلينا ننضف الاوضه ونغسل العده فى يوم المرأه العالمى والرجال قاعدين??? وينو شعارات حقوق المرأه ولا ده كلام ساى, انا اعترض اعترض اعترض
بصراحه انا عندى حساسيه ضد التراب وما بقدر اغسل لانو القلفز بتاعى راح وكمان الملايات مابعرف افرشها كويس تانى شنو???
خلاص بجيب ليكم صينيه مكرونه بالباشميل معتبره تتعشو بيها, طبعا ما حأتعشى معاكم عشان ما اسمن وابقى زيكن وممكن اعمل ليكم صينيه كنافه معتبره برضو وشاى بالنعناع اها قصرتا معاكم???
مريومه صورتك عسسسسسسسسل شديد ما شاء الله حلاه الدنيا عليكى اريتا جضومى بعد الحاله ده
بعدين انا ما بحب الشاى ولا الكوفى لو جبتى لى كراميل مكجيتو من ستار بوكس تكونى ماقصرتى معاى
تسلمنى يا لنا يا حبيبه للفت نظرى للبوست وتحياتى للجميع هنا
بعد ما تنتهو من تنظيم الاوضه نادونى بالله
والرجال ديل اخير ليهم يشوفوا ليهم غرفه تانيه كيفن بس يقعدوا مع البنات فى غرفه واحده ده كلام شنو ده???
محبتى
وفى امان الله
لا اله الا الله
| |
|
|
|
|
|
|
Re: أوضتنا يا بنات (Re: zola123)
|
يا زولتنا
لنا وست البنات ديل بتكلمو فينا ولا شنو وما عايزيننا نفهم بقولو فى شنو انتو ماعارفين انو ماظريفه الواحد يتكلم بلغه تانيه مع شخص فى وجود اشخاص تانيين, بصراحه انتو ما احترمتونا وانا زعلانه عشان كده سحبت صينيه البشميل
ناديه العسوله
تحياتى يا حبيبه
قلتى لى بتعملى صينييه بشميل احسن من بنت الاحفاد? كان غيرك اشطر يا حبيبه صينيتى ده مافى زول بعملها احسن منى فما تدخلى نفسك فى منافسه حتخسرى فيها لانو الناس كلها حتاكل صينيتى وتخليكى تاكلى صينيتك براكى
بشوفكم بعدين بأزن الله
وفى امان الله
لا اله الا الله
| |
|
|
|
|
|
|
Re: أوضتنا يا بنات (Re: bint_alahfad)
|
بت الاحفاد الحبيبة
Quote: قلتى لى بتعملى صينييه بشميل احسن من بنت الاحفاد? كان غيرك اشطر يا حبيبه صينيتى ده مافى زول بعملها احسن منى فما تدخلى نفسك فى منافسه حتخسرى فيها لانو الناس كلها حتاكل صينيتى وتخليكى تاكلى صينيتك براكى |
عليك الله ماتحرجينى مابعرف اعمل غيرها الباشميل دى !!
اسمعى انتى اعملى لينا المفروكة وست البنات بترمى القراصة الحارة
ولنا مهدى قالت بتسوى الكمونية يعنى برضو ممكن ناكلها بالقراصة سمحة خلاص!!
زولة يخسى عليك يعنى هسة لو شحدتك البدلة البنية حقتك الكنتى لابساها فى عرس ناس سلوى مابتدينى ليها وتعملى لى تربيتك وسط اولاد بس حجة وانك ماتعودتى تدى زول هومك؟
اها يابنوت انا ماشة الكوافير وجاية مالقاكم سكتو !!
انضمن للصباااااااااااح
| |
|
|
|
|
|
|
حنكوشات الاوضة (Re: zola123)
|
زولا و بنت الاحفاد دى مشكلة عاد ح نستعمل اسلوب الكلمة و معناها بس انتو اكتبو الما فاهمنو شنو من نضمنا انا و ستنا؟؟
| |
|
|
|
|
|
|
Re: أوضتنا يا بنات (Re: zola123)
|
لنا الحبيبه
قولى الكلام الفاهمنو شنو? عنى انا بس فهمت كلمه ست البنات ولكن وزول وعده ويغسل
اها باقى الكلام شنو???
وفى امان الله
لا اله الا الله
| |
|
|
|
|
|
|
حنكوشات2 (Re: bint_alahfad)
|
معانى المفردات الشبشة:العنكبوت المراهق فى عمر ال12 الكربة:العنكبوت المصاب بأزمة منتصف العمر الودك:دهن الخروف الكركار:كريم شعر على الطريقة السودانية"هير فود تراثي"يصنع اما من الودك و احد الزيوت"ويفضل السمسم او الزيتون" او من شمع العسل و ذلك بتسييح الودك او الشمع فى حمام مائي و اضافة الزيت على البارد و القرنفل او قشر البرتقال المسحون الكمونية:"أكلة تصنع من "عفش بطن الخروف" و هى عبارة عن دمعة و بها عفش البطن"ال ح تقول ياااااااااى تطلع برة" القعونجة:الضفدعة العشميق:ليف النخل الموجود فى "سفح"النخلة أها شنو تانى؟؟
| |
|
|
|
|
|
|
Re: أوضتنا يا بنات (Re: ملكة سبأ)
|
زولا123 كتبت:
Quote: ملاحظة: مافي زول يجي يقول لينا جدية ومواضيع هادفة, الجدية تطير |
قصدك شنو يا زولا يعني؟؟!!..
أجي أنا بدلها؟؟؟؟؟؟؟؟!
والله فكرة ..
| |
|
|
|
|
|
|
Re: أوضتنا يا بنات (Re: Rawia)
|
Rawia
Quote: غايتو جنس حاله
قاعد على الهبشه |
كيف ما أقعد على الهبشة إذا كان ده توقيعك يا راوية:
Quote: يا وجها علم شكل البدر معاني الفجر وأشرق سحراً ثم أضاء يا امرأة تقتل فينا الخوف وتطلع همساًً كالإيحاء من أي مكان من أي زمان أي خريف أي شتاء قد جئت ربيعاً غمر الصيف وحول وجه الدنيا فصلاً آخر حين أفاء
|
ده كلامي أنا
Quote: أنت لا نهديك الورد ولكن للحب نهديك |
وده كلامك انتي
أها EMO ده منووووووووووووووووووو
| |
|
|
|
|
|
|
Re: أوضتنا يا بنات (Re: Dr. Moiz Bakhiet)
|
ملكة سبأ الدلوكة والغاني عليكي انتي وبعدين في المسا انا دايراكي تعلميني حاجة تانية باوريك بعدين
د.معز دي بالغت فيها والله أنا قصدي جدية مش جدية المدام وبعدين جدية دي كان جات بنرسلها ليك البحرين مع الحالة دي
| |
|
|
|
|
|
|
Re: أوضتنا يا بنات (Re: مريم بنت الحسين)
|
لنا الدكشينري حقك ناقص ترجمي الجمل كلها على بعضها
مريومة جضوم
Quote: يا نادية.. انا بحب البخور الحلو، بخور التيمان ما بنانباه .. لكن البخور الحلو، ظريف شديد.. عاد كان شفتي انا كل يوم المغربيه أقوم اولع لي بخور في اوضتي، أي نصيبه بتطلع ريحه انا بحبها... حسي عندي من بخور العرب ديل ... أمي طبعا عندها اعتقاد انه انا (مشكنبه) بسبب موضوع البخور ده، بس نسوي شنو، قاعده أخرم ليهو
أول امس ولعته 3 صباحاً
|
حالتك ياختي أخير منها العرس قال بخور قال
| |
|
|
|
|
|
|
Re: أوضتنا يا بنات (Re: Raja)
|
راوية بطلي مشاغلة في الأولاد وأمشي شوفي ناس عشة بعملوا في شنو
رجاء الحبيبة البيت كله تبعك لاكن الاوضة دي عشان نقفلها بالمفتاح ونتونس على راحتنا
| |
|
|
|
|
|
|
Re: أوضتنا يا بنات (Re: zola123)
|
يا بنات انا ما حضرت الاوضة الفاتت ولكن اشاركم في الاوضة دي بس اوعكاكم من النضافة والغسيل وبخاصة غسيل العدة
ويا نادية بصراحة البلوزة رهيبة
| |
|
|
|
|
|
|
Re: أوضتنا يا بنات (Re: seham_musa)
|
مريم بتى بت الحسين الغالية
Quote: يا نادية.. انا بحب البخور الحلو، بخور التيمان ما بنانباه .. لكن البخور الحلو، ظريف شديد.. عاد كان شفتي انا كل يوم المغربيه أقوم اولع لي بخور في اوضتي، أي نصيبه بتطلع ريحه انا بحبها... حسي عندي من بخور العرب ديل ... أمي طبعا عندها اعتقاد انه انا (مشكنبه) بسبب موضوع البخور ده، بس نسوي شنو، قاعده أخرم ليهو
أول امس ولعته 3 صباحاً
جيبي لينا بخور حلو عليك الله |
والله حلفتينى بى ربنا الغالى .. حاضر بجيب ليك البخور الحلو
لكن ولعيهو بهناك فى الاوضة التانية اوضة البنات خلى فيها بخور التيمان بس عشان هنا فى انسات وماصاح تبقى ريحتهم كبريت خسوسا وانو فى عزابة هنا بيجو يتاوقوا ويمشوا!!
ملكتنا بلقيس صحى عليك الرسول قولى للبنات ديل يجيبن لينا اغانى سمحة كده لى سميرة دنيا والبلابل خلينا النحت الشره !!
سهام موسى
Quote: ويا نادية بصراحة البلوزة رهيبة |
دى لبستها صباح مشت بيها الجريدة لكن ممكن تشيلى اللبسة اللبنية حاتكون سمحة فيك جدا والله!!
ست البنات ماعندك حبة قنديلة من باقى الشربوت نفسى فيهو والله ؟!
| |
|
|
|
|
|
|
Re: أوضتنا يا بنات (Re: Tumadir)
|
تماضرنا بت شيخنا وتاج رأسنا .. ازيك ياحبيبة
Quote: النسوان الولدهم بقى كبير وقرب يتخرج...يجوا؟؟؟ |
يجوووووووو اول ناس كمان!!
انا بتى لسة على التخرج لكن المهم والدة.. ياوالدة ياتماضر !!
ههههههههههههههههههه
يازولة تعالى دى ونسة نسوان على بنات ماشايفة بت الحسين دايرة تتبخر بى بخور حلو ؟
الصراحة ياجماعة انا بعرف هنا انو فى آنسات صغيرونات ولسة مادخلن دنيا لكن بصراحة دايرة اعرف المتزوجة فيكن تورينا والمخطوبة ترفع ايدها.. بس عشان نزيد العرفة ونعمّق المحبة ونكون عارفين عن بعض اى حاجة سمح؟
اها طبعا اللا كده ولاكده قطع شك تكون مجكسة دى تقول لى فى اضانى كان مادايرة الشمارات تتعرف!!
يلا كدى جيبوا لينا اغنية يامريم عليك النبى سميرة دنيا لااااااااازم!!
| |
|
|
|
|
|
|
Re: أوضتنا يا بنات (Re: Tumadir)
|
تماضر
Quote: النسوان الولدهم بقى كبير وقرب يتخرج...يجوا؟؟؟ |
يجوا ونص على قولة نانسي عجرم, بتعرفيها ؟ يمكن تلقي ليهوا برضو عروسة حلوة بس خلي بالك كويس عشة بت فاطمة مشت تحنس الجندرية واشراقة وحاسة انهم حيجوا كمان
| |
|
|
|
|
|
|
Re: أوضتنا يا بنات (Re: zola123)
|
يادكتورة
حمدلله على سلامتك..أعذرينا لعدم التواصل لإنشغالي
أخوك عريس المدام بتصل اليوم المساء
وكلمتها قالت لي لازم تشارك وماتتلصص أمشي بالباب عديل
إنشاء الله تجر ليك مقشاشةفي الأوضة دي
وطبعا حفلة الزواج يوم 24/3 في الشارقة وحضورك ضروري
| |
|
|
|
|
|
|
Re: أوضتنا يا بنات (Re: zola123)
|
د. زولة 123
لما كنا في الجامعة كان في غرفة للبنات ضمن مكاتب الكلية
كان معظم ونسة الشباب بالداخلية حب استطلاع قاتل لمحاولة معرفة وتخمين الاحاديث الانفرادية بغرفة البنات
الأوضة ما بتنفع بدون أقفال وحراس وضوابط
والا ناس (نحن) ديل حنعملها ليكم ســــــووووووق.
نصيحة كدا شوفوا ليكم (باســورد) من بكري
تحياتي
| |
|
|
|
|
|
|
Re: أوضتنا يا بنات (Re: أحمد الشايقي)
|
فريد العريس الامارات تنور اكيد بوصولها وانشاء الله اقدر أقابلها بنفسي وأبارك ليها. لاكن بنعذرك اذا لم تتمكن من الحضور
أحمد الشايقي الباسوورد صعبة والأوضة الفاتت برضة اتملت أولاد نحن حنتونس ونكمل عادي لمن تفتروا براكم لاكن نحن ما بنفتر وبعدين أي كلمة تسمعا هنا في بير, كويس؟
| |
|
|
|
|
|
|
Re: أوضتنا يا بنات (Re: مريم بنت الحسين)
|
يازوله وراك وراك فى كل مره ممقلبننا فاكرها أوضه (حريم) ، لقيتها ليك أتملت رجال وبى (صاعوطهم) كمان !!! عشان كده أنا بجى داخل (توش) وطوالى على التلفزيون اشغل كورة واخلف رجلى ، بلا مسلسلات بى كلام نسوان فارغ!!
تخريمه :- تعرفى يازوله فى كل بيت بيت بتلقى أوضة (بنات) الا معى فقد كانت لى أوضة رجال، عشان البيت كله كانوا مالينو بنات وماسكين الأوض كلها ومدينى أوضه واحده !!! ما أجملهن وأعظمهن وما أروع (حنينهن) ، وأهدهن جميعا بمناسبة يوم المرأة أغلى التحايا والأمانى السندسيه.
| |
|
|
|
|
|
|
Re: أوضتنا يا بنات (Re: مريم بنت الحسين)
|
بت الاحفاد
Quote: ابقى على كلام زوله ده عشره, انا وزوله لا مخطوبات لا مجكسات ولا متزوجات فاعملو حسابكن فى الكلام, لو جيتو تتكلمو عن حاجه خاصه بالنسوان فكلمونا نطلع بره عشان ما تعلمونا قله الادب
|
أيي بالله كلميهم ما وريتنا حتعملي تسريحة شنو, تعرفي نفسي مرة أعرف الموزنبليه البقولوها في الافلام المصرية دي شنو؟ حاجة كدة زي الشينيون؟
مريم جضوم يا بت جري الفستان ده لتحت شوية والله صورتك دي ذكرتني أيام جميلة, لمن كنت في الروضة الكلام ده يا عمري 4 يا 5 سنين. كانت مريول المدرسة طول فستانك ده ولونه بمبي وكاروهات وكنت باشيل شنطة على ظهري من ورا بنية. وكل ما اجي ارفعها على ضهري تشبك في طرف الفستان ويترفع معاها, وأخوي الكبير يشاكلني كل ما يشوفني جاية من الروضة يكورك: البت دي طوالي فستانا ........ وأنا اقوم أبكي ما فاهمة الحاصل شنو.
الشمار باجيك بيه بعدين عندي دوام حسي
| |
|
|
|
|
|
|
Re: أوضتنا يا بنات (Re: zola123)
|
د. زولة 123
Quote: انتي يا زولة123 محننه؟ ما تقومي تكبي الشاي، ماشايفاني ألايق في الويكه دي دايره ألحقها الغدا... هدا التيرمس قدامك... . |
زي كلام بنت الحسين دا معناه أوضتكم دي أوضة حبوبات ومش مودرن.
الكلام دا شكلوا كدا عايزين تطفشــوا الشباب من الاوضــة
تحياتي
| |
|
|
|
|
|
|
Re: أوضتنا يا بنات (Re: أحمد الشايقي)
|
Quote: زي كلام بنت الحسين دا معناه أوضتكم دي أوضة حبوبات ومش مودرن.
|
عليك الله يرضيك يا أحمد.. البنات ديل شايفهن حاقرات بي كيف.. زولة تقاعده تطق حنك وترحب بي الزوار وتقول لي قومي جيبي الشاي.. وبت الأحفاد تتحنكش.. ما دايره تقطع البصل ودايراني برضه اعمل ليهم الشاي وماشه الكوافير..
بعدين تعال هنا.. انت بتعمل في شنو بي جاي؟
| |
|
|
|
|
|
|
احمد الشايقي؟؟ (Re: أحمد الشايقي)
|
Quote: Quote: بعدين تعال هنا.. انت بتعمل في شنو بي جاي؟ .
امممم
انا؟؟
جيــت أشــرب شــاي |
بالله؟؟ قول كلام غير دة نحنا صاحبات الاوضة لى حسة ما شربنا شلاى الصباح ووجع الراس ماشي يعمينا دة كلو من الملكة قالت شاى الصباح عليها لى حسة ما صحت امشي اشربو فى اوضتكم بي غادي وجيب معاك التيرموس
| |
|
|
|
|
|
|
Re: احمد الشايقي؟؟ (Re: lana mahdi)
|
تاج السر انا طول عمري أوضتي براي من دون شريك, ما تعمل لينا فيها....... وبعدين كورة مافي وعديل كدة مممممنووووعة نسكت ليكم تجونا بالكتسينة
أميمة فرجوني الشاي كيف عجبك؟ بس كلميني عشان أعرف شغلي مع مريومة دي معليش سامحينا على الغبار عشان الأوضة كانت مقفولة ليها مدة
هالة الأحمدي يا زول انت لسة مع ناس يوم المراة؟ كرت روعة طبعا لاكن البت دي بتعمل في شنو؟ بتصلي ولا بتلعب يوجا؟ انتي بتعرفي تطبخي؟ عشان نعرف نحولك على ياتو قسم في الأوضة بعد ما يوم المرأة ده يخلص.
| |
|
|
|
|
|
|
Re: أوضتنا يا بنات (Re: zola123)
|
انتو متكلين على الملكة...
استعنا على الشقى بالله... (كوبح)... وحاتك يا لنا اظبط ليكم حلاة شاي بالقرفة والهباهان..
بس حضّروا القرقوش
| |
|
|
|
|
|
|
Re: أوضتنا يا بنات (Re: zola123)
|
Quote: عايزين العضوات الجدد يتعرفوا على بعض, ونوريهم كنا بنعمل شنو في غرفتنا زمان. عايزة اتنين شاطرات يساعدوني ننفض التراب ده ونهوي الأوضة |
ZOla 123 kefk
sorri alkybord english ma gadra agol alfe nafsi bs akeed fhmteni
| |
|
|
|
|
|
|
Re: أوضتنا يا بنات (Re: nagla abshar)
|
Quote: أنا لا مخطوبة ووالله العظيم والله العظيم ما مجكسة |
غايتو جنس حاله
حسه الحليفه دي كلها لزومها
اميمه الفرجوني يا عسل ماجايه اريزونا
عاوزين نلاقيك
انا بالمناسبه بعرف ود عمك
ولا هو بيبقى ليك شنو
المهم الزول قريبك شديد
| |
|
|
|
|
|
|
Re: أوضتنا يا بنات (Re: Rawia)
|
نجلاء أبشر فاهماكي ومن قبل ما تقولي كمان, شفت الاستهبال ده كيف؟ يا مية مرحب بالزوار الجدد
راوية باحلف عشان الناس ما قاعدة تصدقني البنات بقولوا عني دغيلة وداسة لي حاجة والاولاد بقولوا اني خجلانة أقول ويمكن الحليفة تخليهم يصدقوا
بلدي يا حبوب جينز ما عندك؟ وبعدين شنو حاجاتك كلها موضة قديمة.
| |
|
|
|
|
|
|
Re: أوضتنا يا بنات (Re: zola123)
|
يا بنات الاوضه
انا اصلوا ببدل العده بالملابس القديمة وكمان معاى كريمات قدر ظروفك يعنى ده السبب اجابنى اكل العيش اخش والله لا تحياتى
| |
|
|
|
|
|
|
Re: أوضتنا يا بنات (Re: Omayma Alfargony)
|
زولة
Quote: تعالي النقول ليكي في اضانك |
شنو يعنى انا مادة اضانى دى لى يومين ماتقولى وخلينى امشى بت الاحفاد راجية تشوف مكرونتى الباشميل
بت الاحفاد
انتى يختى ضلامية زى العسل ومودرن وعااادى ممكن تجكسى وهذا لايتعارض مع التوجهات فى اى شئ ولاشنو يابت امى ؟!!!
| |
|
|
|
|
|
|
Re: أوضتنا يا بنات (Re: ست البنات)
|
ست البنات
Quote: يا عمو .... يا عمو ... عندك فستان قماشتو دوشيز ?
و عندك بادى أو توب تركواز ?
ما تجو نخوف عمو دا بالقعونجة التحت التلاجا دى !
عمو ... لو سمحتا .. ممكن اشترى منك بالكريدد كارد ?
يا جماعة أنا بقرف من الطبيخ البيج دا ! ممكن أعمل أوردار من ماكدونالدز ?
وبعدين أنا ما بحب الأرض اللى مش لابسة هدوم دى !
أقصد من غير كاربت ! بتعمللى حساسية وصداع !
والحاجة دى سى فوود ?
يعنى ايه كمونية ?
يعنى انتو بتدرسوا تشريح الليلة ?
والرئة دى هتشرحوها برضو هنا ?
|
ما تقولي كدة من الصباح يا ستي يادااااابي بقيت أفهمك
| |
|
|
|
|
|
|
Re: أوضتنا يا بنات (Re: ست البنات)
|
Quote: طيب ما نبدل العدة الوسخانة دى بدل ما نغسلا وتجفف لينا ايدينا ! |
بالله؟؟؟؟؟؟؟؟؟؟؟؟؟؟ بعد ما قلبي اتقطع بي غسيل العدة؟؟؟؟؟؟؟؟؟؟؟؟!!!!!!!!!!!!!!!!!!!!!! مريوم بخرتي كبابي الشاى بي مستكة ولا لسة؟؟
| |
|
|
|
|
|
|
Re: أوضتنا يا بنات (Re: lana mahdi)
|
نادية عثمان الشمار ده كله ما سمعتيه يا نادية؟ اسألي راوية بتكلمك صباح لسة ما جات, عليه العوض في بلوزتك بتكون انتهت
لنا مهدي البنات طفشن قالوا بنشغلهم, كدي روقوا المنقة شوية كيف الجملة السابقة دي معاكي؟ في تطور مش؟ شوفي لينا طريقة انترتينمت ما قلتوا حتغنوا
| |
|
|
|
|
|
|
|