|
|
 ود قاسم ادخل هنا
|
هاك الوصفة دي للقولون , سفوفة المسبوعة للمدة اسبوعين معلقة بعد كل وجبة , المعلقة تكون متوسطة ,سفوفة السمبوعة ناس الخرطوم بسموها سفوفة الاصول عند اولاد التيمان, بعد اسبوعين يا ود قاسم تشرب شراب الخواجات خليوه الشربوت, اعمل حسابك اخد اجازة اسبوع طبعا بتعمل كركبة في البطن
ده علاج جدي متواجد عند اولاد التيمان اي زول جاي من ام درمان يجبو ليك معاه , كان زمان الورقة بي خمسين قرش اسع بكون بي خمسة جنيه
|
|
 
|
|
|
|
|
|
|
|
Re: ود قاسم ادخل هنا (Re: saif massad ali)
|
| Quote: اسع بكون بي خمسة جنيه |
???????
السيد / سيف مساعد
لا ادرى منذ اى عام لم تذهب الى السودان
و لكن اعتقد ان اقل عملة نقدية متواجدة فى السودان
هى (الخمسين جنية)، اما الخمسة الجنية دى فانتهت
زماااااااااااااااااااااااااااااااااااااااان
و تحياتى
| |
|
|
|
|
|
|
|
|
|
Re: ود قاسم ادخل هنا (Re: محمد الامين احمد)
|
الاخ محمد الامين
شكرا علي الطلة , طولت جدا ما دخلت السوق اشتريت حاجة منذ خروجي من السودان سنة88, يعني قبل البلاء ما يجي ,وسنة 2001 رجعت بعد 12 سنة لقيت القروش بنطقوها جنيه وكاتبنها دينار ماعرفت ليها حاجة , لكن سحب معرفتي بالسعر اديتها في عشرة
| |
|
|
|
|
|
|
|
|
|
Re: ود قاسم ادخل هنا (Re: saif massad ali)
|
الشقيق سيف
لك التحية والشكر على اهتمامك بصحتنا ، وقد رافقني مرض القولون العصبي ما يقارب العشرين عاما ، ونكّد علي حياتي ، وأنا رجل يحب الحياة ، ويرى أنه لابد من أن يعيشها بكاملها ، وبكل متعها ، وبكل تفاصيلها ،، لكن هذا المرض جعل حياتي منقوصة ، فمنعني من الاستمتاع ببعض المآكل والمشارب ، وعندما أعانده يعاندني أكثر ، والغريب أنه بدا لي وكأنه وراثي لأن الوالدة أيضا تعاني من نفس المرض ،،، ولعلي لست منضبطا في شهوات الأكل والشرب ، فإن المرض لا يهدأ ، لكني ابتدعت طريقة للتعايش معه ،،، وقد حذّر الأطباء قبل فترة من تناول الأغذية الغنية بالألياف ، إلا أنهم عادوا وقالوا أن هذه الأغذية مفيدة لمرضى القولون ، ومن أغرب الأشياء أنني قرأت مرة في أحد المواقع أن الشطة الحمراء الصغيرة والتي نسميها في السودان ( القبانيت ) هي واحدة من أهم عناصر خلطة علاج القولون ، ويتم خلطها مع العسل ،، وسأحاول أن أصل لهذا الموقع مرة أخرى لآتيكم بكامل الوصفة ،،، ولسوء حظي أيضا أن زوجتي تشتكي من مرض القولون ،،،
آمل أن تقدم لنا أية تفاصيل عن هذا العلاج الذي أوردته هنا للمنفعة العامة ، فالمرض شائع بين السودانيين ، وسأرسل إلى السودان ليرسلوا لي الوصفة ، وسأجربها خاصة إذا كانت نباتية ...
| |
|
|
|
|
|
|
|
|
|
Re: ود قاسم ادخل هنا (Re: ودقاسم)
|
الخال العزيز .. بالله انت عنك القولون ونحن ما عارفين .. عموما عندي مشية
الباحة قريبا حا اجيب ليك معاي عسل نحل صافي مائة بالمائة وهو عسل تهامة
جرب وشوف ...
ود الباوقة
| |
|
|
|
|
|
|
|
|
|
Re: ود قاسم ادخل هنا (Re: عمر محمد عبد القادر)
|
الاخ ود قاسم
هذا العلاج البلدي يقدمه المشايخ عندنا في السودان , وهومكون من سبع اعشاب اذكر منها الحرجل والمحريب والحلبة , سمي المسبوعة لانه يتكون من سبع اعشاب , موجود عند اولاد التيمان في امدرمان , سابقا الورقة عبوة ثلاثة وقيات , المهم انت اشتري اكبر كمية منو ,استعملوا انت وزوجتك . لقد اعطيت هذه الوصفة لكثير من اصدقائي هنا في المانيا وهولندا , احدهم كان بتعب تعب شديد من الحموضة اطراب المعدة وهو الان بخير استعمل العلاج لمدة ثلاثة اسابيع
| |
|
|
|
|
|
|
| |
saif massad ali
محمد الامين احمد
ودقاسم
فيس بوك
تويتر
انستقرام
يوتيوب
بنتيريست