|
|
|
 Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
بنت الحسين
لك التحية ولإبنتك التي تنتظرين ،،،
علينا أن نعمل سويا لهزيمة الأنانية ، والتغول على حقوق الآخرين ،، فهناك رجال تنازلوا عن الحقوق غير السوية التي منحت لهم بحكم وضعية النوع ، ورموا هذه الحقوق خلفهم ، ووقفوا يدافعون عن المرأة لأيمانهم العميق بأن الجنسين يكملان بعضهما وأن الحقوق المتساوية لكليهما هي إحدى ركائز سعادة العالم ...
آمل أن يظفر ابني برفيقة تحمل في داخلها هذا النور ...
| |
 
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: ودقاسم)
|
خالي ود قاسم.. كل عام وجميع نساء العالم بخير.. ولتشمل التهنية زوجك المصون وكل من هن حولك من النساء...
لم أقصد التعميم بطبيعة الحال... لكني فقط أثور على الظواهر الشاذه.. والقوانين المتعسفه..أشكر لك نصرتي ونصرة بنات نوعي... فما أكرمهن إلا كريم...
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
كتبت مريم بنت الحسين
| Quote: هل تصدقي أن هناك من مثل نوعنا هذا، من النساء من يظلم الباقيات؟ أخجل حين يقوضن صراعاتي وصراعات زميلاتنا في الهم |
مريم
دي مشكلة قائمة بذاتــها ومحـتـاجـــة لبحث عمـيـق. أصـاب بالحيرة أمـام مـواقـف مـتـشـددة من بعض النساء تـقـف مع ضرب المرأة والتـعــدد، ولا تــرى (الحشمـة)، طبعاً بمفهومها السطحي، إلاَّ في ما يُــســمـى مـجـازاً بـ (الــزي الإســلامي).
ستـكـون بنتك فخـورة بهذه الهدية. بالمناسبة حـيكـون إسمها شنو؟؟
تحياتي
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: إسماعيل التاج)
|
إسماعيل التاج، كل عام وكل النساء حولك بخير.. زارعات الورود في حياتنا جميعاً...
أؤيدك في "استغرابك" واستنكارك للطابور الخامس.. أستغرب لمن لديها الحرية وتطالب بالتقييد... وتخطب لزوجها كي تعلي من شأن الإسلام... وتقبل أن تكون ضمن مملكة رجل واحد يملك ثلاثة غيرها...
| Quote: بالمناسبة حـيكـون إسمها شنو؟؟ |
ممكن أديك قائمة من الأسماء في بالي...  ... يكفي ان تكون صفتها، ابنتي، ويكفي انني سأحبها جداً... قد تكون فاطمة أو ليلى أو عائشة أو ربما سلمى أو ريم أو مُنى أو إيمان أو إسلام أو منال أو ناهده أو أو أو .. أو ربما مريم، فانا احب اسمي جداً...
لو عندك اقتراح لإسم، نضيف إلى القائمة ...
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
| Quote: حبيبتي.. أريدك قوة.. وجميلة.. لا تدعي القوة تفسد نعومتك.. ولا تتركي الخشونة تغزوك...أريدك محترمه.. واثقة.. أريد لك سلاح الحجة بدلاً عن سلاح الجسد.. أتمناك عالمه... متدينه.. سأكون فخورة جداً بك إن أصبحتي طبيبة.. وسأكون أكثر فخراً بك حين تنجبين لي حفيدتي... |
مريم بنت الحسين
احد الوحوش 
احتراماتي
| |
|
|
|
|
|
|
|
|
 Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
| Quote: نُعد فتنة وشيطاناً كبيراً.. ولكن ألا تظني معي أن كوننا شيطاين يعني أن هناك من يسمع لوسوستنا ومستعد لغوايتنا؟ ومن أين لك أن تفهمي، فما زلتي صغيره .. بل لازلتي في علم الغيب... |
الابنة مريم الصامدة ، أحييك وأنتي تفضحين أزدواجية الظلاميين ، رجالا ونساء ، وتضحكي على عقولهم التى ترى أ، النساء شياطين وتعدد الزوجات وترى أن سكان الجنة من النار وأن الجنة تحت أقدام الامهات ..
شكرا لهذا المقال الرصين المرتب والف شمعة من أجل نساء قادمات ,امهات قادمات في قامة مريم .
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: د.أحمد الحسين)
|
.
الشابة النيرة، والأخت الحبيبة مريم بنت الحسين
تحية وسلام، وتهنئة بيوم المرأة العالمي
مستني رسالتك الرقيقة والواعية بنفس الوقت.
دائما ما تدهشينا بعقلك ورجاحته، وأسلوبك السلس اللطيف!
لك خالص تحياتي، وتأكدي إن هذا البوست سيكون بقعة حج لي في قادم أيامي
(تخريمة: والليييييييلة، أنا غايتو بعترف إني سرقت الصورة العسل دي. النبي فيك اعفي لي. وشكرا لدكتور ياسر علي كشف الأسرار)
لك يا مريم ولابنتك التي في رحم الغيب، ولوالدتك وجميع النساء اللائي يفضلن ضوء الشمس خالص تحياتي
إيمان
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: إيمان أحمد)
|
الحبيبة إيمان أحمد.. شكرا على التعليق الجميل... وكل عام وكل نساء العالم بخير
| Quote: تخريمة: والليييييييلة، أنا غايتو بعترف إني سرقت الصورة العسل دي. النبي فيك اعفي لي. وشكرا لدكتور ياسر علي كشف الأسرار |
شفتي الصورة لزيزه كيف.. والله امس كان يوم جميل.. د.ياسر غيّر لي يومي كله بالصورة دي ... 
وبالنسبة ليك انت، على قول الأردنيين "الصورة على حسابك" يعني على كيفك فيها ..
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
بت الحسين الام
لك التحية علي هذه النص الصادق والاسلوب الجميل الذي احسست انه عفوي ونابع من القلب ونهديه عبرك الي امك وجداتك والي كل امهاتنا وكل نساء الارض في مثل هذا اليوم وكل الايام
Quote: سأحرص على تحصلي على أفضل رجلين في العالم، أفضل أب،
وأفضل زوج..أريد لك حصناً منيعاً... |
عباره جميله وانشاء الله تتحقق..
Quote: حبيبتي.. أريدك قوة.. وجميلة.. لا تدعي القوة تفسد نعومتك.. ولا تتركي الخشونة تغزوك...
أريدك محترمه.. واثقة.. أريد لك سلاح الحجة بدلاً عن سلاح الجسد.. أتمناك عالمه... متدينه..
سأكون فخورة جداً بك إن أصبحتي طبيبة.. وسأكون أكثر فخراً بك حين تنجبين لي حفيدتي...
أحبك بُنيتي |
الواحد لما اشوف الصورة النزلها د.ياسر
اقول وصية بنت لامها... تكون البت هي الموصياك
كل التحايا والود,,
| |
|
|
|
|
|
|
|
|
 Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
الحبيبة مريوما..
كل يوم مرأة وكل نساء بلدنا بخير وعافية وقوة..
| Quote: لك يا مريم ولابنتك التي في رحم الغيب، ولوالدتك وجميع النساء اللائي يفضلن ضوء الشمس خالص تحياتي |
لك الحب ولإبنتك القادمة بإذن الخالق..
تخريمة: غايتو انا ما دايرة بت.. دايرة ولد وأسمه "الحسن".. لو جا قبل بنوتك دي حاجزينها من هسع..
حبي..
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: Raja)
|
كل عام وانت بخير يا رجاء... وان شا الله يكون عام خير للنساء اجمعين
Quote: تخريمة: غايتو انا ما دايرة بت.. دايرة ولد وأسمه "الحسن".. لو جا قبل بنوتك دي حاجزينها من هسع..
|
كده يا يمه.. خلاص، بكلم ابوها.. ولازم نشاورها الأول..
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
الأخت العزيزة مريم ..
التحية لك ..
وللبنت المرتقبة التي أتمنى أن ترى النور قريباً كل الأماني ..
هذه مداخلة كنت قد كتبتها في بوست الأخت بنت الأحفاد .. واستميحك عذراً أن أضعها هنا أيضاً فربما تساهم في دفع عجلة حواركم هنا إلى الأمام وأتمنى أن تكون إضافة لرسالتك لابنة المستقبل ..
يا بنيتي ..
أنك ستولدين في زمن فيه الخير وفيه الشر .. فيه الخيِّرون وفيه الأشرار .. فيه من يحاربك وفيه من يحارب من أجلك .. وأنك ستولدين في زمن أنت أقوى فيه من أي وقت مضى .. أطرحي الغث وخذي الثمين .. واعلمي أنك جزء أصيل في هذا الوجود وليس هامشاً تابعاً .. أنك نصف لنصف يبحث عنك ليكتمل الكيان الواحد .. وأنك لستِ بأقل عن الرجل في أي شي سوى اختلاف الأدوار .. والأدوار في النهاية ليست سوى اختلاف مقدار ..
وليكن حجابك قبل الزي هو حجاب القلب والخلق والسريرة .. وأنك مسؤولة عن خيرك الخاص ولست مسؤولة عن شرور الآخرين وسلوك الذئاب .. أمضِ مرفوعة الرأس ولا يعطلنَّك قبح المجتمع عن دورك في الحياة في كافة ضروبها وجمالياتها .. ولا يحصرنَّك الجهل والشرور في دوائر مغلقة .. ولا يهزمنَّك عن آداء رسالتك الاجتماعية والأخلاقية والإنسانية ..
ولتكن المساواة مع الرجل ليس تنافساً .. ولا انحلالاً وتغرباً .. بل إكمالاً لنقص الرجل .. كوني بجانبه ولا تكوني خلفه.. كوني قلبه الثاني .. وعينه الثالثة .. كوني تذكاره عندما ينسى .. وقوته عندما يضعف .. ومعرفته عندما يجهل .. كوني إضافة له لا خصماً عليه . وليس هناك ما يسمى بالطاعة .. مفردة "الطاعة" تعطي إحساساً بالوصاية ، بالفوقية والدونية .. بل الطاعة هي الانصياع حباً للقيم النبيلة .. لأخلاقيات المشاركة والتفاهم ونكرات الذات .. وهى عليك وعلي زوجك على السواء..
والدين يا بنيتى أمر عظيم .. فالله سبحانه وتعالى مطلق .. والانسان مطلق .. والزمان مطلق .. والمكان مطلق .. والحياة مطلقة .. ولابد إذن أن يكون الدين مطلقاً .. والحياة لم تبدأ بالميلاد ولا تنتهي بالموت .. والدين أزلي منذ أن خلق الله السماوات والأرض .. كما أن الإسلام هو كل الأديان والله رب كل البشر .. المسلم وغير المسلم .. العاقل والجاهل .. المطيع والفاجر ..
وليكن عقلك مفتوحاً على الآفاق .. ليكن لديك عقلاً ذريَّاً في زمن الذرة والالكترون .. انظري يا بنيتي للدين من خلال كل الأديان .. انظرى لتاريخك من خلال نظرتك لكل التاريخ الإنساني .. واعلمي أنك في رحلة أبدية إلى الله .. وليس هناك "رجعية" ، بل هي عثرات ومراحل وأوقات .. وتتواصل مسيرة الإنسان ..
يا بنيتي .. جمالك ليس في حيائك وأنوثتك وجاذبيتك فقط بل في وجودك الحقيقي والفاعل في بستان الحياة .. في إسهامك في زرع بذور الخير والصدق والمحبة .. في فعاليتك في البناء الإنساني وليس الانطواء في الغرف الباردة .. جمالك في محاربة القبح والشر والسلبية والانهزامية .. جمالك في وجودك الإيجابي في غابة الجهل والشرور .. وأن تكوني نموذج مضيء .. قوي .. ومتماسك يفرض الانضباط في الشارع ولا يسبب الفوضى ، كما لا يكون بالانعزال والخوف من المجتمع .. بل باقتحامه ليفرض احترامه رهبةً ووقارا .. كوني كالملك الذي تحترمه الرعية وتهابه في نفس الوقت .. كوني كالغيث أينما سار أنبت الخير ..
ابنتي الحبيبة ..
1. كوني مطيعة لربك .. لكن عليك أن تدركي معنى الطاعة فالله تعالى لا يضره إذا كفر من في الأرض جميعا ..
2. كوني محافظة على حجابك إن شئت .. وتحجبي أيضاً بالغيب والعقل والمعرفة وأسرار الله ..
3. لا تخشِ الاختلاط بل كوني نموذج يحوِّل الجاهل لعاقل والفاجر لـ بر وحتى مريض الخيال لعفيف الأمر ..
4. تعلمي ما استطعت من اللغات .. وقبلها تعلمي اللغة التي تخاطب الذات .. تخاطب الـ "هي" والـ "هو" وتكشف الطريق للجاهل والضال وتفتح أبواب الحق على مصاريعها لمشارف الحقيقة العليا ..
5. تعلمي ما شئت .. وليكن علمك مفتاحاً لإدراك ما أمكن من الحقائق الكونية والرسالة الإنسانية العظمى ..
6. اعطفي ومدي يد العون للصغير والكبير .. وأيضاً للمسلم وغير المسلم فهم اخوتك في الإنسانية وربنا هو ربهم ودينهم هو على الأقل جزء من ديننا وحقيقتهم لا تنفصل عن حقيقتنا ..
7. مهتمة بأمر المسلمين .. وأيضاً بأمر كل إنسان فديننا رسالة لكل إنسان .. أليس كذلك؟
8. تحرصي على صلاة الفجر .. وأيضاً كوني في صلاة دائمة مع الله .. ومن كان مع الله كان مع الحياة ..
9. تحسني لصديقاتك وتصلي رحمك .. من هو معك ومن هو ضدك .. من هو خيِّر ومن هو شرير .. "كل ميسر لما خلق له" .. وكل ماضٍ إلى الله من بابه الخاص .. ومن شريعته الخاصة ..
10. وسنحتفل معك بكل الأعياد بما فيها الأعياد غير الإسلامية بما فيها الكريسماس وميلاد المسيح وأعياد الميلاد الخاصة .. فالمسيح عليه السلام نبي نؤمن به وبانجيله والمسيحيون اخوتنا في الإنسانية .. وأعياد الميلاد الخاصة ما هي إلا مناسبات للاحتفال بالفرح والجمال وديننا ليس دين بؤس وكآبة .. وليتنا نحتفل بكل عيد طالما في ذلك ترقية للذوق والحس الأخلاقي والشعور الإنساني النبيل ..
والرسالة تطــول وتتعقد بطول الحياة وتعقيداتهـا ..
وامنياتي لك ولنا بالتوفيق ..
والتحية للمرأة في يومها العالمي ..
وكل الشكر يا مريم وفائق التقدير والمحبة لك ولكل ضيوفك هنا ..
صلاح / شتات
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: شتات)
|
Quote: ولتكن المساواة مع الرجل ليس تنافساً .. ولا انحلالاً وتغرباً .. بل إكمالاً لنقص الرجل .. كوني بجانبه ولا تكوني خلفه.. كوني قلبه الثاني .. وعينه الثالثة .. كوني تذكاره عندما ينسى .. وقوته عندما يضعف .. ومعرفته عندما يجهل .. كوني إضافة له لا خصماً عليه . وليس هناك ما يسمى بالطاعة .. مفردة "الطاعة" تعطي إحساساً بالوصاية ، بالفوقية والدونية .. بل الطاعة هي الانصياع حباً للقيم النبيلة .. لأخلاقيات المشاركة والتفاهم ونكرات الذات .. وهى عليك وعلي زوجك على السواء..
|
احترت في أي من كلماتك أنتقي أخي صلاح... كلماتك (فاهمه)... ومريحه جداً.. وتقطر حكمة.. أشكرك ان شاركتني واختي بنت الأحفاد وبناتنا ...
لك كل الشكر..
وكل عام وانت بخير
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
بت أخوى مريم
وقفت طويلا اتأمل (بنيتك) يملأنى بها الأعجاب وتحلق بى الدهشه وما لقيت لى كلام أقولو ، لمن ظهرت بنية (بت الأحفاد) وضيعت بنيتك. أمشى شوفي الكلام ده فى (البوست) حقها.
تخريمه:-
(البوستات) بتاعتكم دى ذكرتنى (سودانيز أون لاين) و( سودانيات).
و نكته:-
قالوا واحد رباطابى شاف ليهو (تومات) بتشابهن شبه شديد، واحده دخلت من ياب الحديد بتاع البيت والتانيه طلعت من الباب التانى، اخونا قال:-
اع (فاكس)!!!!
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: تاج السر حسن)
|
| Quote: (البوستات) بتاعتكم دى ذكرتنى (سودانيز أون لاين) و( سودانيات). |
... رغم انه كل واحده فينا كاتبه في اتجاه ... وخطوط التلاقي قليله، لكن يا عمو تاج السر وما ليك علي حلفان، البنية دي (بت الأحفاد) انا بريدها من جوه قلبي...
Quote: قالوا واحد رباطابى شاف ليهو (تومات) بتشابهن شبه شديد، واحده دخلت من ياب الحديد بتاع البيت والتانيه طلعت من الباب التانى، اخونا قال:-
اع (فاكس)!!!! |
ههههههههههههههههههههههه، وما قرضن، ما كسر فيهن شي؟ باقيلك دي ملاحظ بتاعت زول (نيّاااااش) ما يسمعنا سيجيمان
شكرا يا عمو تاج السر لحضورك، هنا وهناك
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
Quote: شايفاك خطبته بت بنت الأحفاد... سمح يا اخوي الفيك اتعرفت.. فوّت عليكم بت تمام والله... بعدين انا شايفه ود رجاء قدّم أوراقه .. كده يا يمه، جانا ود بت العباسي...
|
بت الحسين سلامات...
وكيف الحال.. بتك دي ولدنا يشاكل فيها... وكان جاءها زول بجيب عكازه وسكينه ما بت عمته وكان ما مصدقه اسألي عشه بت فاطنه..
نحن مشينا لبت بت الاحفاد عشان قلنا عندها الجواز البريطاني.. لكن اها جينا راجعين لاهلنا...
تخريمة:
الموضوع كلو بقي بت بت الاحفاد.. وبت بت الحسين..
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: نادية عثمان)
|
آمين يا نادية.. والله من حسي بحبها.. صحي ناوية أدقها .. واجضمها .. لكن بحبها شديد والله
Quote: والله اجئ انفّسك سماحة نفاسة !!
اريتها يايمة نفاسة البنيات لى حدهن !! |
ههههههههههههههههههههههههههههههههههههههههه.. غايته دي قلبتي فيها هوبه... خلاص يا نادية.. .. والله ضحكتيني ضحك... خلاص .. من حسي، دي دعوة ليك لحضور العرس بداية ..
| Quote: ربنا يديك الفى نيتك ومرادك حبيبتى |
آمين يا نادية.. تسلمي.. كلك ذوق... ربنا يحقق أمانيك.. ويفرحك ببنيتك.. ويديك العافية...
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: Ehab Eltayeb)
|
| Quote: بتك دي ولدنا يشاكل فيها... وكان جاءها زول بجيب عكازه وسكينه ما بت عمته وكان ما مصدقه اسألي عشه بت فاطنه |
أجي .. طلعنا قرايب؟ كان كدي النشاور البت (طبعا ده رد ميّت عشان انتو ما جيتونا من البداية )... وبالله بتبقى لينا؟ بختنا والله... غايته ما تحاول تشرح لي عشان انا (كيشه) في النسب... الجاح شرح لي قرابة عمتي عشه بيهم يمكن عشرة مرات، وبعد ده كله، لو سألتني بقول ليك انا بعرف انها عمتي وبس..
| Quote: نحن مشينا لبت بت الاحفاد عشان قلنا عندها الجواز البريطاني.. لكن اها جينا راجعين لاهلنا |
اها ده الكلام الأعوج... اهلنا؟ قال أهلنا قال.. لا يازول انت ولدك ده شكله ظلامي.. خاطبن اتنين، ما شايفاك كلمته بت الأحفاد انكم خليتو بتها.. ناويين تعرسوهن الاتنين.. بري يا يمه بتي ما بتق في ضره... بعدين انا ما بضمن انه بتي تكون جمهورية الفكر.. لكن حأشربها الاعتداد بنفسها.. لا لا.. سحبته كلامي، ولا بشاورها زاتو
| Quote: الموضوع كلو بقي بت بت الاحفاد.. وبت بت الحسين.. |
ما الموضوع الاصلي انتهى
لا جد بتبقى لينا شنو؟ عشان كان عمي أشبكك عمو لما تتبرى منّي
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: عدلان أحمد عبدالعزيز)
|
الأستاذ عدلان.. سعيده بمداخلتك في موضوعي الذي ابتدأ بمناسبة يوم المرأة وفجأة انقلب إلى خطبة بنت بنت الحسين ...
| Quote: ذلكم أفضل ما قرأت هذا الإسبوع.. |
هذا وسام أتقلده على استحياء وشعور بأنه أرفع من كلماتي.. أشكرك عليه جداً..
| Quote: عاماً أول كتبت من وحى كتاباتك وكان إفطاراً خفيفاً.. كعادتى! |
انا مستغربه ليه ما شفته البوست ده؟ بوست ظريف جداً.. ودمه خفيف.. لكن الظاهر ما عرفته وصفة البيض بالطماطم كويس.. لأنه لا يمكن ما يطلع رهيييييييييييييب... والله انا كل يوم باكل بيض بي طماطم، كل يوم.. حرفيا كده بقولها ليك.. يوميا انا بفطر بي بيض بطماطم.. وطعمه يتجدد في دواخلي كل يوم.. الوصفة تتجدد.. وخلي المدام تجرب تعمله ليك بي البصل.. وبعداك بعد ما ترفعه من النار تقطع فيه حلقة ولا حلقتين من الشطه الخضرا... غايته بتاكل الصحن براه..
قلت لي الإعلام ... انا كان نفسي اخش المجال ده، بس نقول شنو ....
تحياتي لبناتك.. عرفت أن لديك بنات.. عليك الله ما حلوات؟ ربنا يخليهم ليك... (ما بحب نون النسوه انا)
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
مريم بنت الحسين
سلام البوست ماشي أحلى ودائما بوستاتك حلوة وقوية
| Quote: رغم انه كل واحده فينا كاتبه في اتجاه |
تعرفي يا مريم فى تقيمي انت وبت الاحفاد تحديدا
ما كل وحدة كاتبه فى اتجاه اتجاهكم واحد
اتجاه لنوع حياة سليمة بيرفك متطورة مواكبة
من اجل تحسين واقع المراة الى الافضل دائما
قد تختلف الوسائل بعض شي ولكن ليس للحد الكبير>
فقط عندما تختلف الغايات والأهداف تختلف
الاتجاهات 180 درجة.
ولكن لدي قناعة تامة بان غاياتك
وكذلك بت الأحفاد سامية ومن اجل خلق نمط وواقع حياة
متكامل للمراة اينما كانت
بالمناسبة صورتك دي عسل بس والله
وبسببها اصبح البوست اكثر تعبيرا
وخلتنا نتخيل بت مريم الكتبت ليها الرسالة
ياريت تقتنع بت الاحفاد كمان بأن للصورة
تأثير جميل وان شاء الله تجيب لينا
صورتها وهي فى نفس عمرك دا
وزي ما بقولو الكحة ولا صمة الخشم
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: alsngaq)
|
| Quote: سلام البوست ماشي أحلى ودائما بوستاتك حلوة وقوية |
شكرا يا السنجك على التعليق والمجاملة...
Quote: بالمناسبة صورتك دي عسل بس والله
وبسببها اصبح البوست اكثر تعبيرا
وخلتنا نتخيل بت مريم الكتبت ليها الرسالة |
والله انا ادتني احساس انها بتي موش انا ... الصورة كانت روح جديده للبوست .. ملأته حياة وجمال.. وليس لأنها صورتي.. لكنها صورة الطفلة التي كتبت من أجلها كل هذا.. وأظن أني لم أكتب ما كتبت وليدة فكر ذاتي.. بل إنه نتيجة التربية التي رباني عليها والدي أطال الله في أعمارهما..
Quote: ياريت تقتنع بت الاحفاد كمان بأن للصورة
تأثير جميل وان شاء الله تجيب لينا
صورتها وهي فى نفس عمرك دا
وزي ما بقولو الكحة ولا صمة الخشم |
غايته يا السنجك أنا أمي عندها رصيد قوي بتاع أمثال.. عندها مثل بقول "انا وقت مرقته، بطن امي ان شا الله تنسد" اها انا حسي ما فارقه معاي، ربنا أكرمني برؤية صاحبتي.. بعداك انت شوف كيف تقنعها
شكرا على المرور اللطيف.. واعتذر جداً على التأخر في الرد على مداخلتك القيمة.. وما كان هذا إلا رغبة مني في أن أرد بما يليق بها حين يتوفر لي الوقت...
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
سلام للعسوله مريومه
وزى ما قلتى برغم اختلافنا فى الفكر لكنى بحبك جدا والله عشان كده عارفه بناتنا حيكونو مختلفات فى التفكير شديد بس حيطلعو صحبات شديد وبحبوبو بعض شديد لانهم حيكونو عارفات ان اختلاف الفكر لا يفسد للود قضيه...دمتى مريومه ودامت مودتنا ابدا
الاخ الكريم ايهاب قال
| Quote: نحن مشينا لبت بت الاحفاد عشان قلنا عندها الجواز البريطاني.. لكن اها جينا راجعين لاهلنا... |
بقى كده انت كنت طمعان لجوازها والله ما طالبنى حليفه بتى لو تمت مئه سنه ما اديها ليك تانى, انت قايلها هينه ولا لينه عشان يدوروها لجوازها البريطانى انا خلاص سحبت الاوفربتاعى, يعنى انا تعبانه فيها التعب ده كلو عشان يجى واحد ما يعجبو فيها غير جوازها??? غايتو انت الخسران وبتى ميه ظلامى بتمنوها وانا بعد ده ما حأديها الا لظلامى شديد الظلام عشان ما يكون طمعان فى جوازها وكمان يكون حاصل على الجواز الامريكى او البريطانى عشان اتأكد انو ما طمعان
فى جوازها والفيك اتعرفت
الاخ الكريم السنجك
انت قايلنى لما كنت صغيره كنت عسوله زى مريومه ده والله كانت شناتى مره, الا سبحان مغير الاحوال يقلب القرد غزال بين يوم وليله صورتى لما كنت صغيره ما بتشبهنى خالص حسى واى زول شافنى بعدما كبرت قال لى انى اتغيرت كثير فمافى داعى اجيب صورتى وانا صغيره اخرب على نفسى ساكت
وفى ده اخير صره الخشم
وفى امان الله
لا اله الا الله
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: bint_alahfad)
|
وين يا فردتي بت الاحفاد.. والله مشتاقين .. ليه ما ظاهره في الاوضة بتاعت البنات بي هناك؟
| Quote: انت قايلنى لما كنت صغيره كنت عسوله زى مريومه ده والله كانت شناتى مره, الا سبحان مغير الاحوال يقلب القرد غزال بين يوم وليله صورتى لما كنت صغيره ما بتشبهنى خالص حسى واى زول شافنى بعدما كبرت قال لى انى اتغيرت كثير فمافى داعى اجيب صورتى وانا صغيره اخرب على نفسى ساكت |
العبره بالخواتيم يا ستهم .. حسي كان فضلت كلبوزه وكلي شلاضيم زي البنية البنطط دي كان فيها شنو.. بس كبرنا واتعولقنا...
عايني.. ود عمي إيهاب ده اوعك تديهو بتك.. شغال يخطب ساااكت.. اتي يختي بتك مستغنيه عنها ولا شنو؟ كان ما دايراها اديني ليها انوّرها ليك شويه (دي يعني اخراجها من الظلام إلى النور) يا ست النور كله..
بنت الحسين
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: مريم بنت الحسين)
|
مريم وبت الاحفاد سلامات...
وكيف الحال وآسف للتأخير للمشغوليه ...اقصد كنا بنشاور في الولد ...
ويا مريم اكان قرابة عشه ما عارفاها معناها قرابتي انا احسن اخليها لانها قرابة مكانيه بالمنطقه بس
Quote: بقى كده انت كنت طمعان لجوازها والله ما طالبنى حليفه بتى لو تمت مئه سنه ما اديها ليك تانى,
انت قايلها هينه ولا لينه |
وبتك لا هينه ولا مقطوعة من شجرة لينه ..لكن مافي داعي تحلفي امكن بتك تكون بكايه يتتكسر في ولدي ..
اها حايكون عليك كفارة الحلف....
| Quote: ما حأديها الا لظلامى شديد الظلام عشان ما يكون طمعان فى جوازها وكمان يكون حاصل على الجواز الامريكى او البريطانى عشان اتأكد انو ما طمعان فى جوازها والفيك اتعرفت |
ويا زوله ما عندك مشكله نبقيه ليك ظلامي ..ما يشوف النور دا من اول يوم..وبعد يكبر يبقي نص نص
وبعدين اذا شاء الله حايكون بجوازه الامريكي ...يعني ما خاشي علي طمع..
ويلم بتك وبت مريم في بيت واحد طبعا دي ما عندك معاها مشكله باعتبارك ظلاميه ....
بس نقنع مريم ولا تكون بتها الاولي...
وتكون خلطه كويسه الولي علي رفاعة علي الخرطوم...وامريكا و بريطانيا و الامارات....
اها رأيكم شنو!!!!!
وعملا بمبدأ العدل حانزل الرد دا في البيتين ...
واكان غيرتو رايكم انا ذاتي بغير رآيّ... بتمني لي بت وانزل ليها بوست....
كل التحايا والسلام,,,
| |
|
|
|
|
|
|
|
|
|
Re: رسالة إلى ابنتي- بمناسبة يوم المرأة العالمي (Re: Ehab Eltayeb)
|
| Quote: بس نقنع مريم ولا تكون بتها الاولي... |
إيهاب يا ود أعمي... ما عندنا بنات للعرس... كده يا يمه انا اربيها التربية دي كلها وبعد ده تشارك ليها راجل مع مره تانية.. حتى لو كانت بت صاحبتي وحبيبتي بت الاحفاد.. عان ده كمان.. قال ود عمي قال...
| Quote: واكان غيرتو رايكم انا ذاتي بغير رآيّ... بتمني لي بت وانزل ليها بوست.... |
احسن حاجه.. وكلّم عمر الفاروق يمكن يتم بيها الأربعة الداير يعرسن لولده...
ابعدوا بتي بعيد عليكم الله من القصة دي كلها..
بنت الحسين
| |
|
|
|
|
|
|
| |
مريم بنت الحسين
benyya
ودقاسم
عبدالعظيم عبدالله
إسماعيل التاج
alsngaq
Yasir Elsharif
عشة بت فاطنة
د.أحمد الحسين
إيمان أحمد
nada ali
Ehab Eltayeb
Raja
الواثق تاج السر عبدالله
شتات
bint_alahfad
فيس بوك
تويتر
انستقرام
يوتيوب
بنتيريست