|
Re: لا امدرمان ولا الحقيبة ولا جكسا (Re: عمر الفاروق شيخ الدين)
|
الاخ محمد سعيد ياخوى دربك هذا وعر واتمنى ان لا ينداح بك الى اهل الركاب فهم كثر عزيزي امدرمان معقل الجموعية قبل وبعد المهدى والمهدي عليه الرحمه تتلمذ عليهم وبهم فتح الخرطوم وابوسعد وماادراك ما هى....امدرمان مركز المك محمد ناصر المك النايلابى ومنها يحكم المنطقة جنوبا حتى جبل الاولياء وشمالا حتى الكوداب اوالشلال السادس......والجموعيه قسمين اهل الركاب وهولاء هم الفرسان اهل الحديد والنار وهولاء الجموعيه جنوب من امدرمان حتى جبل الاولياء.......شرقا وغربا من ابوسعد وصالحه والغرزة والسليمانية وجبل الطينة الى جبل اولياء وهذة تحت المك مباشرة وابنه الادارى دفع الله محمد ناصر والمرحوم الطيب محمد ناصر المك المحامى.......والجموعيه شمال عرفوا باهل الكتاب وناظرهم الغردونى سرور محمد رملى من امدرمان وشمالا حتى السبلوقه كررى وما ادراك ما هى ثم وادى سيدنا والجزيره اسلانج والحريزاب والنوفلاب والنوبه والسروراب والشخ الطيب والشهيناب والسناهير والتسعين والجميعاب ...... عرفوا باهل الكتاب للعلم المتجذر فيهم هذة المنطقه بها اقدم المساجد وبها اشهر علماء السودان ومن اجلهم جئ برفاعه بك الطهطاوي وكليه غردون لان جامعه المهدى عليه السلام بامرحى او الشيخ الطيب حيث تتلمذ على الاستاذ محمد شريف.....ولانهم يخشون الف مهدي..... بقدوش قاضى الدوله السناريه جد السروراب.....والشيخ الطيب ودالبشير جد الاستاذ محمد شريف هو الرجل الذى ادخل الطريقه السمانيه فى مصر والسودان....واولاده جميعهم علماء وكذلك احفاده الى الآن.....ومنهم الشيخ عبدالمحمود نورالدائم راجل طابت وشقيق الاستاذ محمد شريف والاستاذ محمد شريف من ابنائه العباس محمد سعيد ثم حفيدة الطيب العباس المحامى والشاعر..... ثم الشيخ قريب الله الشيخ ابوصالح وابنة الشيخ الفاتح والشاعر الناصر قريب الله واحفادة بروفسير حسن الفاتح ودكتور ابو صالح,....ثم الشيخ عبد القادر وابنة الحليفه الشخ ادريس وحفيده عبدالقادر ابوهاله والشيخ زين العابدين وابنائه ثم ابراهيم الدسوقى والد العالم الشخ لمصطفى الشيخ ابراهيم الدسوقى استاذ المعهد العلمى والاسلاميه والد العالم بروفسير دسوقى عالم البيطره والادباء سيف الدسوقى والمعز الدسوقى والبشير الدسوقى ومن تلك المنطقه القاضى ابوشامه من مؤسسى جامعة امدرمان الاسلاميه واول مفتى بعد الاستلال وابنائه دكتور عباس ابوشامه والرشيد ابوشامه السفير وتاج الدين ابوشامة نائب اخر برلمان قبل نميري وابنه العالم فيصل تاجالدين....ومن هناالدكتور الحبر يوسف نورالدائم والدكتور محمدالواثق يوسف عالم العروض فى الارض ومن هنا حسن الفاتح واخوانه والرشيد نايل وموسى المبارك وبابكر ودالجبل وانتشروا اساتذة فى السودان شرقه وغربه شماله وجنوبة واسسوا مدن وقري على سبيل المثال طابت والحريز والسوريبة والكتير مساعد وام طرفايه وسروراب تنبول وهم شيوخ الشيوخ فى السودان اسال عنهم البرعى واليافوت وامدرمان بلا اريافها ما اكلت فالبطاطس والبصل على مستوى السودان تزرع هنالك....... اماالشعراء ومن جاء لامدرمان جاءت به اسباب الحياه ثم الاستزاده من العلم فشعراء السودان وفحولهم من هناك والعباس خير دليل زالناصر قريب الله وجماع عبدلابى من المنطقة ومن اشعر من الشيخ قريب الله والشيخ عبدالمحمود الحفيان وآلهم الى محى الدين الفاتح ثم نورالدائم عبدالوهاب الذي رفع راس السودان عاليا باليمن عندما فاز على شعراء الوطن العربى......الاخ محمد سعيد امدرمان الجموعيه والخيل والكتاب السودان يسأل عن نصيبه ونصيب الجموعيه بين ايدى اهل السودان فاليفتح السودان زراعيه للجموعية ويشاركهم الغنائم والا فللجموعية مقابر لا تعرف الا النصر ناهيك عن الكواسر اباء الصدق الغر الميامين فاسال عنهم الجيلى وكرري والجموعيه يعتبرون كل من جاء الى امدرمان مع المهدى ضيفهم اكراما للمهدى الذى يعتبروه سمانى واخاف تكون سمانى او تلميذ سمانيه وجموعيه يتمرد ولك حبى والسلام
منصور عبداللة
|
|
|
|
|
|
|
العنوان |
الكاتب |
Date |
لا امدرمان ولا الحقيبة ولا جكسا | mohmmed said ahmed | 02-03-05, 09:43 PM |
Re: لا امدرمان ولا الحقيبة ولا جكسا | تاج السر حسن | 02-04-05, 03:26 AM |
Re: لا امدرمان ولا الحقيبة ولا جكسا | ابو مهند | 02-04-05, 03:48 AM |
ام درمان | mohmmed said ahmed | 02-04-05, 07:42 AM |
Re: لا امدرمان ولا الحقيبة ولا جكسا | صديق الموج | 02-04-05, 02:28 PM |
Re: لا امدرمان ولا الحقيبة ولا جكسا | atbarawi | 02-04-05, 09:10 PM |
Re: لا امدرمان ولا الحقيبة ولا جكسا | مصدق مصطفى حسين | 02-05-05, 05:30 AM |
عطبراوى | mohmmed said ahmed | 02-04-05, 09:24 PM |
Re: لا امدرمان ولا الحقيبة ولا جكسا | تاج السر حسن | 02-04-05, 11:04 PM |
Re: لا امدرمان ولا الحقيبة ولا جكسا | القدال | 02-04-05, 11:09 PM |
Re: لا امدرمان ولا الحقيبة ولا جكسا | عمر الفاروق شيخ الدين | 02-04-05, 11:34 PM |
Re: لا امدرمان ولا الحقيبة ولا جكسا | عمر الفاروق شيخ الدين | 02-05-05, 01:18 AM |
Re: لا امدرمان ولا الحقيبة ولا جكسا | munswor almophtah | 02-05-05, 01:19 AM |
Re: لا امدرمان ولا الحقيبة ولا جكسا | محمد الواثق | 02-05-05, 02:48 AM |
Re: لا امدرمان ولا الحقيبة ولا جكسا | waleedi399 | 02-05-05, 06:15 AM |
Re: لا امدرمان ولا الحقيبة ولا جكسا | تاج السر حسن | 02-05-05, 10:22 PM |
رد | mohmmed said ahmed | 02-07-05, 07:42 AM |
Re: لا امدرمان ولا الحقيبة ولا جكسا | بلدى يا حبوب | 02-07-05, 08:54 AM |
Re: لا امدرمان ولا الحقيبة ولا جكسا | munswor almophtah | 02-12-05, 05:35 PM |
Re: لا امدرمان ولا الحقيبة ولا جكسا | munswor almophtah | 02-13-05, 09:49 AM |
|
|
|