لا امدرمان ولا الحقيبة ولا جكسا

مرحبا Guest
اخر زيارك لك: 03-29-2024, 11:16 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2005م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-03-2005, 09:43 PM

mohmmed said ahmed
<amohmmed said ahmed
تاريخ التسجيل: 10-25-2002
مجموع المشاركات: 8758

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
لا امدرمان ولا الحقيبة ولا جكسا

    التنوع العرقى والثقافى فى السودان اصبحت عبارة متداولةيقولها حتى
    اصحاب المشروع الحضارى
    لكن هذا التنوع يحاول البعض صهره فى بوتقات شتى بنماذج مختلفةكلها تتخفى
    وتناور
    مثلا الحديث عن امدرمان كنموذج للبوتقة التى تمثل اهل كل السودان
    هل امدرمان التى انتجت مقولات الفروخ وقراقير الموردة والسرارى والخادم
    وميزت بين احياء اولاد قرف واولاد الغرب هى نموذج السودان المتحد
    كذلك يطرح البعض غناء الحقيبة كنموذج يشكل الوجدان السودانى
    انا ولدت وترعرعت فى وسط السودان اعرف العربية ولا اتحدث النوبية ولكن كثير من
    مفردات غناء الحقيبة لا استوعبه ما بالك بدينكاوى ماذا سوف تعنى له ديسو فوق درعو
    الحقيبة هى نتاج عوامل ثقافية واجتماعية وثقافية مختلفة لا تعبر عن كل الوجدان السودانى المتنوع والمختلف
    اها فى الكورة هلال مريخ جكسا وماجد دى كورة السودان اى لاعب لا يكتسب الشهرة
    والاعتراف الا عبر بوبة هلال مريخ

    لا امدرمان ولا الحقيبة ولا جكسا بوتقة نافعة رايكم شنو


    الكلام دا بس فتح باب لنقة طويلة
                  

02-04-2005, 03:26 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: mohmmed said ahmed)

    اخى محمد ماتقوله عن أم درمان تجده فى اماكن أخرى من اقاليمنا أكثر عنصريه وقسوه على الأخرين، أعرف احدى الزميلات (حلفاويه) تزوجت من غير أبناء القبيله ، فكان أهلها يقولون : (تزوجت فلانه سودانى)!!!
    فأن كان لأم درمان فضل فهى جماع ونقطه التقاء معظم قبائل السودان، حيث أتى أبناء الأقاليم الأخرى بأيجابياتهم وسلبياتهم وأنصهرت تلك المجموعات ببعضها البعض وأفرزت أيجابيات جديده وبالطبع سلبيات جديده ، لكن وعلى أى حال فأن الأيجابيات التى أفرزتها تتفوق على أيجابيات تلك الأقاليم بصورة منفرده.

    مثلا الحقيبه وأشعارها من أقوى المساهمين فيها (الحلفاوى) خليل فرح !!!
    يعنى أم درمان ليس نبتا شيطانيا لا نعلم من أين أتى.

    وما هو ذنب الأم درمانيين أن كان أبناء الأقاليم يضعون لأهل أم درمان مكانه خاصه وبدلا من الأهتمام بأنديتهم مثل (ساريه شندى) أو (وطن أم الطيور الدامر) ، فأنهم يهتمون بالهلال والمريخ وجكسا وكمال عبدالوهاب ؟؟؟

    هاك النكته دى :-
    قالوا لاعب أقليمى وقع جديدا للمريخ وقبل أن يلعب له تم ضمه لمعسكر الفريق القومى، ذلك اللاعب يلعب فى نفس الوظيفة التى يلعبها (جكسا).
    فظل ذلك اللاعب يركض خلف جكسا طول الوقت طالبا منه (صوره) ... يا كبتن صورة ... ياكبتن صوره .... فلاحظ ذلك أحد لاعبى المريخ المعروفين فأنتهره وكاد أن يضربه وقال له:- (أنت يا يمغفل جابوك هنا عشان تنافسو فى خانتو ، ساكيهو عشان يديك صورتو)؟؟

    تقولى شنو وتقولى منو ؟؟؟
                  

02-04-2005, 03:48 AM

ابو مهند

تاريخ التسجيل: 06-09-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: mohmmed said ahmed)

    اخي محمد سيداحمد:عساك طيب
    Quote: التنوع العرقى والثقافى فى السودان اصبحت عبارة متداولةيقولها حتى
    اصحاب المشروع الحضارى
    لكن هذا التنوع يحاول البعض صهره فى بوتقات شتى بنماذج مختلفةكلها تتخفى
    وتناور
    مثلا الحديث عن امدرمان كنموذج للبوتقة التى تمثل اهل كل السودان
    هل امدرمان التى انتجت مقولات الفروخ وقراقير الموردة والسرارى والخادم
    وميزت بين احياء اولاد قرف واولاد الغرب هى نموذج السودان المتحد
    كذلك يطرح البعض غناء الحقيبة كنموذج يشكل الوجدان السودانى
    انا ولدت وترعرعت فى وسط السودان اعرف العربية ولا اتحدث النوبية ولكن كثير من
    مفردات غناء الحقيبة لا استوعبه ما بالك بدينكاوى ماذا سوف تعنى له ديسو فوق درعو
    الحقيبة هى نتاج عوامل ثقافية واجتماعية وثقافية مختلفة لا تعبر عن كل الوجدان السودانى المتنوع والمختلف
    اها فى الكورة هلال مريخ جكسا وماجد دى كورة السودان اى لاعب لا يكتسب الشهرة
    والاعتراف الا عبر بوبة هلال مريخ
    لا امدرمان ولا الحقيبة ولا جكسا بوتقة نافعة رايكم شنو

    لكل منطقة جغرافية لغه تعرف بها وظهر هذا حديثا وتختلف لغة المدينه عن الاطراف(فمثلا في اروربا ومدنها الكبيره فانك تجد لغه ومصطلحات تختلف عن بقية المدن والاقاليم الاخرى وكذلك في الدول العربيه والاسيويه)كذلك ظهرت في الآونه الاخيرة في السودان لغة الوسط قد لاتكون بمعنى مطلق ولكنها في طريقها للانتشار وهذه نتاج طبيعي لتمازج الثقافات السودانية المختلفه التي تلاقحت في امدرمان.
    فتجد امدرمان وبالذات في فترة الحقيبة كم هائل من الشعراء اتوا لامدرمان من اقاليم السودان المختلفه,,كجراي من الشرق,خليل فرح من نوبة الشمال(مثالا لا حصرا)
    اما الكرة ومشاهيرها ذلك راجع لعراقة الاندية الامدرمانيه ووجودها في العاصمه بكل مميزاتها,وهذه احدى مشكلات المركز والهامش الطالعه اليومين دي..
    وهذا يحدث في كل بقاع الارض:-realmadred-Madrid.Ajax-Amsterdam,الهلال السعودي-الرياض,الاهلي الزمالك المصري-القاهره,,والقائمه تطول.وليست في المسألة خيار وفقوس.
    وسوف نواصل النقاش
    لك ودي
                  

02-04-2005, 07:42 AM

mohmmed said ahmed
<amohmmed said ahmed
تاريخ التسجيل: 10-25-2002
مجموع المشاركات: 8758

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ام درمان (Re: mohmmed said ahmed)

    الاعزاء
    تاج السر
    و ابومهند
    امدرمان مدينة عريقة وذات تاريخ وقدحكى عنها شوقى بدرى بشكل شيق
    تعجبنى امدرمان واهلها
    لكن انا لا اتفق مع القول بانها نموذج للتعايش بين ابناء مختلف
    ثقافات السودان
    هى مدينة العرب واولاد البلد
    ومن لا يتحدث فيها اللغة العربيةلا يحظى فيها بالمكانة
    وخليل فرح اعترف به بعد ان عبر باللغة العربية

    وتاج السر
    الكورة حقت العبيد مش دا كلامكم ناس امدرمان

    نواصل
                  

02-04-2005, 02:28 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: mohmmed said ahmed)

    فوق لما اجى
                  

02-04-2005, 09:10 PM

atbarawi
<aatbarawi
تاريخ التسجيل: 11-22-2002
مجموع المشاركات: 987

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: صديق الموج)

    الاخ محمد سيد احمد
    سلامات

    ارأك يا صديقي قد طرجت موضوعاً شائكاً، كما أنه مدخل محبب للامدرمانيين المتعصبين، وهذا وحده كفيل باخراج الموضوع من الطريق المرسوم له0

    في رأي أنه من الصعوبة بمكان أن نحاسب حقبةتاريخية بعينها دون أن نضع في الاعتبار الظروف الاجتماعية- الاقتصادية والسياسية التي ساهمت في انتاجها0 فأمدرمان في حقب معينة ونتاج ظروف سياسية معينة كان مرسوم لها ان تقوم بهذا الدور الرئيسي0 وهوو دور ما زالت تلعب فيه مركزية الدولة والثقافة المسلحة بهيمنة التاريخ اللاعب الرئيسي0 ولكن اتفق معك أن أمدرمان الآن وفي ظل المعطيات الجديدة التي افرزها الحراك الاجتماعي- السياسي والتي رسخت من مفهوم اللامركزية كمخرج صدق لأوضاع السودان0 بات من المهم أن يتجه الناس في الاقاليم لصياغة ذاكرتهم من خلال السعي لآنتاج ثقافتهم المنافسة والمستمدة من مفهوم التعدد الثقافي الذي تنبني عليه الدولة الفدرالية0

    الرؤيا التي ينطلق منها الاخ تاج السر هي للاسف تمثل غالب الذهنية الامدرمانية0 فهم لا يكلفون النفس مثلا بتقسى أسباب ظاهرةالحقيبة أو هلال مريخ في الرياضة0 ويعتقدون ومن باب المبالغة في تضخيم الذات أنه فيض الهي أسبغ على أمدرمان - هكذا- وبسحرية تتقازم أمامها رؤى السلفيين الارثوذكس!!0 ومن المضحك أن يستشهد الاخ تاج السر بالخليل، دون أن يشعر بأن ذلك يناقض أطروحته الامدرمانية0 فالخليل بكل عبقريته لم يكن ليكون شيئاً مذكورا لو لم يستجب لهيمنة المركز0 كما أن ابداعه كان سيكون حبيس صدره لو لم تتجلى عبقريته في اتقان العربية فور وصوله امدرمان باعتبارها اللغة المعترف بها0 أما اللاعبون مصدر سخرية الاخ تاج السر، فيكفي أنهم من الاقاليم حتى يصح وقتها ان نؤسس فهماً جديدا للتقييم0
    ببساطة شديدة أمدرمان ما هي الا حالة تاريخية مثل الكثير من المدن في العالم ، أما أن يسعى البعض لاحالة الامر الى الاسطورة والسحر ما هو الا محاولة مستميتة للابقاء على وضع لم تعد تتوفر أسباب بقائه0 وهو على كل حال تشترك فيه المجتمعات النمطية التي لا تطيق تغيير المألوف0 ومن عجب أن الاخ تاج السر الذي ناهض بقوة الذهنية السلفية الدينية هو نفسه المتبني للقيم والمفاهيم الاجتماعية السلفية المؤسسة على مركزية واستثنائية امدرمان0 ولنا في هذه الحالة أن نقول مع بولا: "هل يحق لنا أن نقول : من أين أتى هؤلاء؟"!!0

    لكم الود
    عبد الخالق السر
                  

02-05-2005, 05:30 AM

مصدق مصطفى حسين


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: صديق الموج)

    تجى تسوى شنو ؟؟
                  

02-04-2005, 09:24 PM

mohmmed said ahmed
<amohmmed said ahmed
تاريخ التسجيل: 10-25-2002
مجموع المشاركات: 8758

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
عطبراوى (Re: mohmmed said ahmed)

    الصديق العزيز عطبراوى
    شكرا لك العبورالبهى وانت حافى حالق
    نعم توجست خيفة من ان ينحرف الحوار وندخل فى جدل مع ابناء امدرمان الذين نحبهم ونحب حبهم لامدرمان
    ما قصدته عبرت انت عنه بوضوح الان وفى هذا الوقت وبالظروف الاجتماعية والاقتصادية والثقافية الراهنه امدرمان لاتعبر عن السودان الواحد
    السودان الذى يتحدث فيه الدينكاوى والنةبى والهدندوى والزغاوى بلغتة ولا يصفها
    احد بالرطانة
    مدينة يتحدث فى مركباتها العامة الكل باغتة ولا يزجره احد هو ما ترطن فوقنا
    مدينة ترقص فيعا الكمبلا وتقرا فى تلفزيونها الاخبار بلغات السودان المتنوعة
                  

02-04-2005, 11:04 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: mohmmed said ahmed)

    الأفاضل محمد سيدأحمد والعطبرواى وجميع المتداخلين ، سلام.
    لقد كتب محمد سيدأحمد:-
    Quote: نعم توجست خيفة من ان ينحرف الحوار وندخل فى جدل مع ابناء امدرمان الذين نحبهم ونحب حبهم لامدرمان

    ** حقيقة نحن (سكان) أم درمان ، وليس (أهل أم درمان) ، فاؤلئك نفر قليل جدا حسب ما سمعنا من جدودنا من بينهم (الفتيحاب)، هم الذين كانوا موجودين قبل أن تهاجر كثير من القبائل السودانيه نحو أم درمان تحت أى ذريعه كانت، نصرة المهدى والوقوف الى جانبه أو لأسباب أخرى.
    حينما نسمع سيرة (أمدرمان) نطرب ونحلق نحو سماوات بعيده ، قبل أن تكتمل العباره التى أورد خلالها المتحدث كلمة (أم درمان) ، حتى لو كانت باقى كلماته تشتمل على أساءة أو شتيمه لتلك (الأم درمان) وأهلها ، لذلك أطمئن يا أبو حميد من غضبة أهل أم درمان.
    وأم درمان ليست هى نبت شيطانى كما أوردت ، نعم لظروف كثيره تاريخيه وسياسيه وأقتصاديه وأستعماريه، (أم درمان) لا تتمثل فيها غالبية التركيبه السكانيه السودانيه ولا ثقافات السودان المتعدده والمتنوعه، والأستثناء هنا يحدث فقط لأهلنا من الجنوب دون غيرهم ، وأن لم تخلو أم درمان من اؤلئك بصورة مطلقه.
    أمدرمان يا عطبراوى لمن هو مثلى ، جدى نزح اليها من دنقلا وحتى وفاته لم يحسن التحدث باللغة العربيه ، بل كان يؤنث المذكر ويذكر المؤنث ، لكن أم درمان لم ترفضه حتى شب وكبر أبناؤه وأحفاده وخرج من بينهم أدباء وشعراء ولاعبى كرة قدم.
    لمن هو مثلى تعتبر (أم درمان) مثل (عصير الكوكتيل) الذى نتج أصلا من تفاح جبل مرة ، ومنقة أبو جبيهة وموز كسلا ، وتمر حلفا أو دنقلا، وشمام كوستى، وسكر كنانه أو عسلايه.
    نحن فى أم درمان حقيقة نمثل السلام الأجتماعى والتعدد الدينى كما لا يحدث فى أى مكان آخر فى العالم، (بالطبع أتحدث عن أم درمان القديمه) مثل (الله أكبر)!!!
    فى منطقتنا امرأة تبيع (المريسه) البعض لم يغش (مريستها) لكنهم لم يمتنعوا عن مودتها ومجاملتها عند الأفراح والمآتم والزواج والمرض، بينما تجدأمام منزلها مباشرة وعند كل يوم خميس تقام (ليلية الختمية) ويقرأ المولد التبوى، فى منزل أحد مشائخ الطريقة الختميه!!
    (أبوصلاح) شاعر الحقيبه المعروف كان (قبطيا) اسلم بأرادته وغير اسمه الى ما يحب.
    (المسالمه) منطقه مشهورة بكثرة المسيحيين والأقباط فيها بل يعتبر نادى المريخ بدأية تاسيسه الفعليه قد أنطلقت من هناك.
    (أم درمان) لا تملك أن تعترف بالآخرين أو أن ترفضهم ، أنما الأخرون هم الذين يستطيعون أن يفرضوا أنفسهم وثقافتهم أم لا.
    حينما ذهبت لأمريكا فؤجيت بأمريكان لا يتحدثون الأنجليزيه؟؟؟
    لأنهم لا يريدون أن يتخلوا عن هويتهم اللغويه(الأسبانيه)، بالطبع غصبا عنهم سوف يتحدث أبناءهم الأنجليزيه على طريقة (الكابويات).
    فى أعتقادى الخاص الكلام كثير حول أم درمان ، وليتنا أخضعنا (أم درمان) الى دراسه دقيقة وامينه وعادله، حتى نخرج بتوصيات اؤكد أنها تصبح نموذجا لسودان جديد معافى وسليم، بالطبع بعد اسقاط بعض السلبيات التى تتطرقت لهاأو تحدث عنها الأخ/ عطبرواى، التى لا ننكرها.
    لكن حتى تلك (العنصريه) أو النظرة (الأستعلائيه) أو (الأقصائيه) التى جاء الحديث فيها حول (أم درمان) تجدها فى أقرب المدن الأقليميه اشد وأكثر بشاعة أن كان ذلك من خلال الممارسات أو الكلمات المتداوله، بل أعرف أن بعض سكان تلك المدن يفتخرون ويعتزون بأن (اضان سوداء) لا تستطيع أن تعبر منطقتهم!!!
                  

02-04-2005, 11:09 PM

القدال

تاريخ التسجيل: 09-03-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: mohmmed said ahmed)

    العزيز محمد سيد أحمد
    شكرا لك على دعوتك لنا للقاء د. محمد في محاضرته القيمة حول
    الهوية السودانية. شكراً فلقد كنت أستمع إلى قصيدة مطربة ومدهشة
    حول القضية. كما أرجو أن اجد كتاب الدكتور في هذا الموضوع.

    لا شك أن امدرمان كانت ومازالت ملتقي لقبائل السودان المختلفة
    وقد تم الانصهار في الأحياء القديمة (بيت المال والملازمين والموردة والأمراء وودنوباوي...إلخ) وبين أهلها رغما عن عدم اكتمال هذا الانصهار، ولذلك أسباب موضوعية.
    وأقول بنقصان التفاعل وأن أم درمان ذاتها انقسمت إلى مركز وهوامش فصارت هذه الأحياء من أمدرمان مركزاً والأحياء الجديدة هوامشاً (منذ قيام إمتدادات المهدية والثورة وحتى الأحياء التي كانت قرى عريقة تسبق امدرمان نفسها مثل ابسعد وامبدة). هذه الامتدادات الجديدة أوقفت عملية (التوحد بالانصهار) القسري وأسست لعملية كيميائية جديدة هي (التوحد بالتنوع التام) الذي يريد التعايش بالاعتراف بالاختلاف العرقي والثقافي دون إقواء وادعاء بانصهار غير ممكن الآن ولكنه ليس بمستحيل مستقبلاً. والمركز (امدرمان القديمة، أمدرمان البلد) ثابت، والهوامش متجددة ومتزايدة وتتمدد على أطراف أمدرمان وكلما ازداد تنامي الأحياء الجديدة حول أمدرمان كلما ازداد تلاقي الهامش المتثاقف بمعزل عن (امدرمان البلد) وكلما تنامى الشعور بعدم الانتماء لامدرمان من هذا الهامش (على الأقل، أقل بكثير مما يشعر به أهل (أم درمان البلد) من شعور حنيني، نوستالجي). وكلما تقوقع المركز في تمسكه بامدرمان البلد كهوية جديدة له. وحينها تصير الهوامش أكثر تأثيراً من المركز،يتبدل الحال لا محالة (خاصة ثقافيا).
    (كان أهلنا ينظرون إلينا عندما نعود إليهم في الإجازات، بأننا صرنا أولاد مدينة، في طريقة اللبس والكلام والسلوك المتمدين (الامدرماني))، الآن يخشى ابناء أمدرمان على أبنائهم من ثقافة الهامش المتضخم حوله، (ثقافة أم جِنْقِرْ، والقراصة، والكَوَلْ، وكل اللغات واللهجات السودانية غير المدنية(الامدرمانية) وجميع ألوان الطيف السوداني في الملبس والغناء والرقص).
    أيها الأحباب،
    إن سكنانا في مكان ما لا يمكن أن يكون هوية بديلة لسودانيتنا ولا يمكن الاعتزاز بالهوية الجديدة مهما كانت (امدرمانية‘ مكانية قروية، جهوية، قبلية،..إلخ) بشكل يزيد قليلاً أو كثيراً عن اعتزازنا بسودانيتنا. ولا يمكن تلمس الطريق إلى فهم هويتنا السودانية إلا بالاعتراف بجميع عناصرهامن جميع الاطراف.
    ومما يؤسف له أن تجد السودان والسودانية تلعن بسهوله من أطراف عدة قبلية أو جهوية دون أن يطرف جفن لللاعن أو (الملعون أمامه)، بينما تجابه بغضبة مضرية إن انت قلت شيئاً حول القبيلة والجهة.
    لا نقول بلعن القبيلة ولا الجهة ( بل نقول بتمام الوحدة في التنوع التام) على أن يكون لهذا الإطار الجامع لهذا (التنوع المتوحد) الذي اسمه السودان كل الاجلال والاعزاز والفخار والا يعلو عليه افتخار ولا يسبقة اعتزاز.
    وبين هذا وذاك
    فاليغني كل بسودانه (الصغير) من قرية ومدينة وجهة وقبيلة.
    وللسودان،
    ولك،
    وللجميع،
    الحب
    حتى يرضى، وترضى، ويرضون.


    محمد طه القدال
                  

02-04-2005, 11:34 PM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: mohmmed said ahmed)

    محمد سيد احمد :
    ياخوي خلصت الCD بتاع حفلتكم خلاص؟؟؟؟؟؟؟؟؟؟؟؟؟؟؟؟
    يا ناس امدرمان وعاجباااااااااااانا بس انتو اطلعوا منها !!!!!!
    تبدو الكلام بي تصغير لأمدرمان وتجو بعدها بي شوية تقولوا امدرمان مدينة عريقة وووو لكن ...
    ياجماعة انسوا امدرمان دي شوية ..عندكم مدن كتيييرة اضربوا بيها المثل الخرطوم ..بحري ..رفاعة ..كوستي..جوبا..عطبرة ..حلفا..
    كللللللللللللللللو الا امدرمان يا محمد سيد احمد ..
                  

02-05-2005, 01:18 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: عمر الفاروق شيخ الدين)

    انا ام درمان ..
    الشاعر .. عبد الله محمد زين

    أنا أم درمان
    أنا السودان
    أنا الدر البزين بلدي
    أنا البرعاك سلام وأمان
    أنا البفداك يا بلدي
    أنا أم درمان لسان حالك أريتك تدري بحالي
    أنا القدرت أحوالك وحبك بدري أحوالي
    أقوم بأعظم الأدوار .. وأكون الساحة للثوار
    وأبقى البقعة للأحرار .. وأمثل عزة السودان
    أنا أم درمان سليلة السيل قسمت الليل وبنت صباح
    أنا الولدوني بالتهليل ... وهلت فوقي غابة رماح
    أنا الطابية المقابلة النيل
    أنا العافية التشد الحيل
    وأنا القبة التضوي الليل
    وتهدي الناس سلام وأمان
    أنا أم درمان نظمت الدين وكنت هداية للإسلام
    وروحوا حولي ناس صادقين
    بناهم في حياتي غرام
    وقالوا المبدأ والفكرة
    وخلدوا أعظم الذكرى
    ودخلوا المدرسة الكبرى
    ونالوا شهادة الإيمان
    أنا أم درمان سقاني النيل رقيق العزة من كاسو
    أنا اللي مجدوا كنت دليل وآية الوحدة لناسو
    أنا الفي الشاطيء الغربي
    بخوض نار حربي
    وأنا النيل طلب قربي
    ومزج بكافة الألوان أنا أم درمان
    أنا الواحة ري البسقي العطشان
    هدومي تضوي لواحة وتهدي الساري والضهبان
    مرقو وشدو فوقي الناس
    ونادوا بقية الاجناس
    وللتعبير بقيت مقياس
    وللتقدير بقيت ميزان
    أنا أم درمان دا ميلادي وميلاد البشيل أسمي
    أنا القدمت أولادي شرافه وسيف على وسمي
    وكنت القوة والحولة دست وفزت بالجولة
    كنت الراية والدولة وفي التاريخ بقيت عنوان
    أنا أم درمان معبد الميس اصيلة وشوني رجال
    لكن القدرة والتقديس أرادني شايق الاجال
    تقلبت فوق ربوع داري .. ونفس انفاس أقداري
    أريتم يعرفوا مسداري ويجلوا زماني للفرسان ...

                  

02-05-2005, 01:19 AM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: عمر الفاروق شيخ الدين)

    الاخ محمد سعيد ياخوى دربك هذا وعر واتمنى ان لا ينداح بك الى اهل الركاب فهم كثر
    عزيزي امدرمان معقل الجموعية قبل وبعد المهدى والمهدي عليه الرحمه تتلمذ عليهم وبهم فتح الخرطوم وابوسعد وماادراك ما هى....امدرمان مركز المك محمد ناصر المك النايلابى ومنها يحكم المنطقة جنوبا حتى جبل الاولياء وشمالا حتى الكوداب اوالشلال السادس......والجموعيه قسمين اهل الركاب وهولاء هم الفرسان اهل الحديد والنار وهولاء الجموعيه جنوب من امدرمان حتى جبل الاولياء.......شرقا وغربا من ابوسعد وصالحه والغرزة والسليمانية وجبل الطينة الى جبل اولياء وهذة تحت المك مباشرة وابنه الادارى دفع الله محمد ناصر والمرحوم الطيب محمد ناصر المك المحامى.......والجموعيه شمال عرفوا باهل الكتاب وناظرهم الغردونى سرور محمد رملى من امدرمان وشمالا حتى السبلوقه كررى وما ادراك ما هى ثم وادى سيدنا والجزيره اسلانج والحريزاب والنوفلاب والنوبه والسروراب والشخ الطيب والشهيناب والسناهير والتسعين والجميعاب ...... عرفوا باهل الكتاب للعلم المتجذر فيهم هذة المنطقه بها اقدم المساجد وبها اشهر علماء السودان ومن اجلهم جئ برفاعه بك الطهطاوي وكليه غردون لان جامعه المهدى عليه السلام بامرحى او الشيخ الطيب حيث تتلمذ على الاستاذ محمد شريف.....ولانهم يخشون الف مهدي..... بقدوش قاضى الدوله السناريه جد السروراب.....والشيخ الطيب ودالبشير جد الاستاذ محمد شريف هو الرجل الذى ادخل الطريقه السمانيه فى مصر والسودان....واولاده جميعهم علماء وكذلك احفاده الى الآن.....ومنهم الشيخ عبدالمحمود نورالدائم راجل طابت وشقيق الاستاذ محمد شريف والاستاذ محمد شريف من ابنائه العباس محمد سعيد ثم حفيدة الطيب العباس المحامى والشاعر..... ثم الشيخ قريب الله الشيخ ابوصالح وابنة الشيخ الفاتح والشاعر الناصر قريب الله واحفادة بروفسير حسن الفاتح ودكتور ابو صالح,....ثم الشيخ عبد القادر وابنة الحليفه الشخ ادريس وحفيده عبدالقادر ابوهاله والشيخ زين العابدين وابنائه ثم ابراهيم الدسوقى والد العالم الشخ لمصطفى الشيخ ابراهيم الدسوقى استاذ المعهد العلمى والاسلاميه والد العالم بروفسير دسوقى عالم البيطره والادباء سيف الدسوقى والمعز الدسوقى والبشير الدسوقى ومن تلك المنطقه القاضى ابوشامه من مؤسسى جامعة امدرمان الاسلاميه واول مفتى بعد الاستلال وابنائه دكتور عباس ابوشامه والرشيد ابوشامه السفير وتاج الدين ابوشامة نائب اخر برلمان قبل نميري وابنه العالم فيصل تاجالدين....ومن هناالدكتور الحبر يوسف نورالدائم والدكتور محمدالواثق يوسف عالم العروض فى الارض ومن هنا حسن الفاتح واخوانه والرشيد نايل وموسى المبارك وبابكر ودالجبل وانتشروا اساتذة فى السودان شرقه وغربه شماله وجنوبة واسسوا مدن وقري على سبيل المثال طابت والحريز والسوريبة والكتير مساعد وام طرفايه وسروراب تنبول وهم شيوخ الشيوخ فى السودان اسال عنهم البرعى واليافوت وامدرمان بلا اريافها ما اكلت فالبطاطس والبصل على مستوى السودان تزرع هنالك....... اماالشعراء ومن جاء لامدرمان جاءت به اسباب الحياه ثم الاستزاده من العلم فشعراء السودان وفحولهم من هناك والعباس خير دليل زالناصر قريب الله وجماع عبدلابى من المنطقة ومن اشعر من الشيخ قريب الله والشيخ عبدالمحمود الحفيان وآلهم الى محى الدين الفاتح ثم نورالدائم عبدالوهاب الذي رفع راس السودان عاليا باليمن عندما فاز على شعراء الوطن العربى......الاخ محمد سعيد امدرمان الجموعيه والخيل والكتاب
    السودان يسأل عن نصيبه ونصيب الجموعيه بين ايدى اهل السودان فاليفتح السودان زراعيه للجموعية ويشاركهم الغنائم والا فللجموعية مقابر لا تعرف الا النصر ناهيك عن الكواسر اباء الصدق الغر الميامين فاسال عنهم الجيلى وكرري والجموعيه يعتبرون كل من جاء الى امدرمان مع المهدى ضيفهم اكراما للمهدى الذى يعتبروه سمانى واخاف تكون سمانى او تلميذ سمانيه وجموعيه يتمرد ولك حبى والسلام


    منصور عبداللة
                  

02-05-2005, 02:48 AM

محمد الواثق
<aمحمد الواثق
تاريخ التسجيل: 05-27-2003
مجموع المشاركات: 1010

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: mohmmed said ahmed)

    الأخ العزيز محمد سيد أحمد

    يبدو ان المسألة في الأساس هي إيجاد مرتكز جذري لمشكلة الهوية السودانية في ظل التنوع الكبير الموجود في السودان . وحقيقة فقد أجمع الكثيرون أن الحركة المهدية هي التي اخرجت السودانيين من قميص القبيلة الى رداء وعباءة الوطنية المتمثلة في السودان الحر . وعندما يتحدث الناس عن ذلك فقطعاً الأمر يحتاج الى تدليل عملي ونموذج أمدرمان نموذج عملي وواضح لذلك التحول وذلك بالانصهار والتماذج الذي حدث فيها بصورة طوعية فاق كل التماذج في مدن كانت قائمة قبلها مثل الأبيض وسواكن ، فنحن عندما نتحدث عن امدرمان وتأثيرها في وجدان أهل السودان وباعتبارها نموذجاً حياً لنواة الهوية السودانية لا ندعو لهيمنة المركز على حساب الهامش فأمدرمان كما قيل تكونت من جماعات جاءت من مناطق مختلفة كل على شاكلته وتماذجوا وظهرت الثقافة الأمدرمانية كثقافة سودانية .
                  

02-05-2005, 06:15 AM

waleedi399
<awaleedi399
تاريخ التسجيل: 08-20-2003
مجموع المشاركات: 2767

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: mohmmed said ahmed)


    ام درمان هي ام درمان ..

    وكفــــى ..

    هذا المبتدأ ولا ولن ينتهي الكلام عن ام درمان الاصالة والتاريخ والحضارة وكل اوجه السودان
    حيث اننا نعتز بها وبقيمها، بنفس القدر لا ننقص الناس اشياهم ولا ننتقص من قدر احد ونعايش كل الاعراق والقبائل المختلفة وهذه صفة اهل امد رمان الملازمة ..


    ولي عودة مرات ومرات في هذا المجال
                  

02-05-2005, 10:22 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: waleedi399)

    يامحمد سيدأحمد (ولعت النار فى أم درمان) ورحت خليتنا ؟؟؟ وتانى ما جيتنا؟؟؟
                  

02-07-2005, 07:42 AM

mohmmed said ahmed
<amohmmed said ahmed
تاريخ التسجيل: 10-25-2002
مجموع المشاركات: 8758

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
رد (Re: mohmmed said ahmed)

    الصديق الشاعر القدال
    وصفك لمحاضرة محمد جلال بانها جاءت مثل القصيدة تقدير كبير وفعلا كان محمدا متالقا
    لدى نسخة من الكتاب وسوف اصورها لك

    اشارتك عن هوامش امدرمان تقود للنظر فى امر دوائر المركز والتهميش التى تنداح ولا تتوقف
    انا اتوقف امام فكرتك عن الانصهار الذى يتم طوعيا فى الهوامش هذه تحتاج للدراسة

    العزيز الواثق
    حمد الله كلامك جا خفيف وانا اعرف انك من متيمى امدر
    لا اتفق معك فى ان هناك انصهار طوعى تم فى المهدية فالخليفة التعايشى لم يهنا بالقيادة وظهرت صراعات اولاد البحر واولاد الغرب

    العزيز تاج السر
    النار ما ولعت جات سليمة
                  

02-07-2005, 08:54 AM

بلدى يا حبوب
<aبلدى يا حبوب
تاريخ التسجيل: 05-29-2003
مجموع المشاركات: 9832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: mohmmed said ahmed)

    الاخ محمد سيد احمد
    امدرمان امان
    امدرمان كما قال الشاعر العبادى
    قامت بجهله وابت اهله
    امدرمان يكفيها فخرا ان تريفت كما قال البعض لتعطى مساحة لثقافات عديدة
    بظهور اسواق(ام دفسوا - وشيخ ابوزيد-وعرب مافى -)
    امدرمان ستظل الام الحنونة تفتح قلبها لك ابناء السودان
    امدرمان عليه الامان
    تحياتى
                  

02-12-2005, 05:35 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: بلدى يا حبوب)

    &&&&&&&&&&&&&&&&&&&&&&&&&&&&&&&&&&&&&&&&&&&&&&&&UUUUUUUUUUUUUUUUUUUUUPPPPPPPPPPPPPP
                  

02-13-2005, 09:49 AM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لا امدرمان ولا الحقيبة ولا جكسا (Re: munswor almophtah)

    &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&uuuuuuuuuuuuuuuuuuppppppppppppppppp
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de