|
|
 حكومة الفاقد التربوي والسياسي وانصاف المتعلمين ؟؟؟
|
حكومة الفاقد التربوي والسياسي وانصاف المتعلمين ؟؟؟
بقلم/ابراهيم عبدالله بقال سراج
[email protected]
النفاق لم يعد هوية بل اصبح علماً له اساتذة وقاعات وتحضيرات ومعامل وميزانية وطلاب ..........الخ ؟؟ وكذلك الكذب والقول الرياء ومالم تكن متسلحاً بهذا العلم لن تجد وظيفة في الدولة السودانية ولو تحمل في تخصصها الدكتوراة والزمالة وشهادة خبره نصف قرن من النجاح . كل هذا لن يدعم موقفك امام السيد المسئول في الدولة مالم يكن في ملفك دبلوم نفاق من جامعة ابليس لعلوم الرياء الاجتماعي عليها ختم الدجل بتوقيع منافق والمدهش ان هذا العلم هو الوحيد الذي نفذ نظرية مجانية التعليم حيث الطالب اقصد الوزير لا يدفع رسوماً بل يمنحونه المال والدبلوم والبكلاريوس والماجستير والدكتوراة والسلطة والعربة الفارحة والمنزل المغري وغير .........الخ ؟واذا سألته من اين لك هذا المال والسلة وهذا الدكتوراة وغيره ؟ يصمت ولا يجيب بشي واذا قلت له كيف وصلت الي السلطة والي الوزارة السيادية ؟؟ يقول لك انا باشمهندس انا دكتور احمل درجة الدكتوراة من جامعة فلان الفلاني انا كذا وكذا في حين انه لايملك شهادة ثانوية وكل هذا دجل ونفاق وكذب وبهتان هذا ينطبق في كثير من النخبة الحاكمة الان في السودان فهم جهلاء غير متعلمون وكثيرون منهم فاقد تربوي عديل كده بدءً برئيس الدولة الملا عمر البشير لم يكن له اي مؤهل تعليمي يؤهله ليكون رئيس دولة كاملة سبحان الله ( يؤتي الملك لمن يشاء ) هذا الرجل لا يملك شهادة ثانوية وعندما امتحن للشهادة الثانوية كان نسبته 41% وساقط في مادة الرياضيات والاسلامية والانجليزي يعني ساقط ثلاثة مواد في امتحان الشهادة الثانوية عشان سقط لينا دولة بأكمله (اذا فشل الانسان في حياته سار جندياً عسكرياً ) ولا ماكدة يا المُلا عمر البشير ...!!! زعيم الجنجويد الكبير المثير للنعرات العنصرية والقبلية عبدالله علي مسار الذي يدعي بأنه مهندس هل تصدقون ان هذا الرجل درس بمعهد في السوق العربي بالخرطوم نظام ثلاث اشهر تبريد وتكييف فقط واطلق علي نفسه جزافاً بأنه مهندس يعني معناه مهندس تبريد وتكييف ....!!! احمد البلال الطيب مقدم برنامج في الواجهة بتلفزيون السودان ورئيس جريدة اخبار اليوم الحكومية لم يكن لهذا الرجل اي مؤهل تعليمي نسبته في الشهادة الثانوية 44% فقط وساقط ثلاثة مواد عشان كدة سقط لينا التلفزيون عبر برنامجه الموجه من قبل الدولة ....!!! كمال حامد مراسل البي بي سي هذا الرجل لم يدرس الجامعة طيلة حياته الا في العام 1999م التحق منتسبأ بجامعة النيلين كلية الاداب الا انه قد تم طرده من الجامعة في العام 2000م بسبب الغش اي بمعني اوضح قبضوه ببخرة بهجم ورقة الفلسكاب ....!! عبد الرحيم محمد حسين الذي يدعي بأنه مهندس معماري هل تصدقوا ان هذا العبدالرحيم درس دبلوم هندسة جامعة السودان نظام سنتين ولم يكمله فالتحق بالشرطة واطلق علي نفسه بأنه مهندس ....! عثمان كبر (الصحاف كبر) هل تصدقو ان هذا الرجل لم يدرس الثانوية ناهيك عن الجامعة وكان استاذ بالمرحلة الابدائية والان واليً علي ولاية كامله سبحان الله ...!! هذا علي سبيل المثال لا الحصر وهذه ليست مجرد مزايدة سياسية اوغيره ولكن هي الحقيقة كلهم منافقون وكاذبون وشلليات فاقد تربوي والنفاق لم يعد هوية بل اصبح علماً له اساتذة وقاعات وتحضيرات ..........الخ ؟؟ وكذلك الكذب والرياء ومالم تكزب بأنك دكتور اومهندس او بروفيسر لم تجد في الدولة اي وظيفة .. هسع عليكم الله شوفوا الرئيس عسكري النائب الاول استاذ النائب الثاني بروفيسر هسع عليكم الله البروفيسر ده ما ليهوا الحق انه يكون رئيس ؟ لكن للا سف انه ما.......... جلابي ؟؟؟
|
|
 
|
|
|
|
|
|
|
|
Re: حكومة الفاقد التربوي والسياسي وانصاف المتعلمين ؟؟؟ (Re: ibrahim bagal)
|
بقال ......... وين يا مان ... اخبارك شنو تقرير (الابادة الجماعية ) الما فضل الا تحلف عليها قسم ما جا على هواك ولا شنو شايفك كم يوم حردان ومستاء لان لجنة الايطالى المعنية باصدار تقرير طلعت مؤتمر وطنى !
المهم
تعرف انا لو كنت معاك فى الثورة المزعومة دى كنت سعيت لمنعك من الكتابة لان طريقتك فى طرح الموضوعات والقضايا فطيرة وعجيبة وتطرد منك الانصار والمتعاطفين ولو كانوا اولى قربى .
طيب ... اصبر على شوية انت قلت ان البشير جاب كم واربعين فى الثانوى العالى وان راسب رياضيات وتربية اسلامية ودخل الكلية الحربية وبقى (رئيس ) وطبعا يا مناضل يا كبير لمن تورد اقوال مثل هذه مفروض طوالى (زى وثيقة الاستخباات العينة ديك ) تنزل لينا صورة لاصل الشهادة رغم انو دا ما مهم لان كلامك غير منطقى لاسباب مختلفة ومنها ان البشير تخرج من (الخرطوم القديمه ) ودى مدرسة محترمة وعندها مستوى وما اظن فى خريج منها فى وقت دراسة البشير يكون بجيب النتائج المهزلة دى والشى الثانى ودى اى زول بيعرفها ان واحدة من اهم شروط الالتحاق بالكلية الحربية النجاح فى الرياضيات وسيب دا كلو البشير وصل رتبة عميد - حتى ميقات استلامه السلطة - وهى رتبة رفيعه ( عميييييييييييييييد ) ولا يمكن الوصول اليها دون قطع عدد من الدروات وكدا والرجل اى البشير كان عضو فى لجنة تصفية جهاز امن مايو وهذا يدل على انه كان ضابط محل ثقة واحترام وكفاءة من قيادتو وشارك فى دورات خارجية وانتدب لدول اسيوية فى المجال العسكرى وكان قائد فى معارك ميوم معروف وحقق انتصارات (الكلام دا فى زمن الاحزاب والديمقراطية والشفافية ) يعنى الراجل لو زى ما بتقول كان (رفدوه ) قبال ما تجى انت يا سعادتك ... وتشبكنا بكلامك البايخ دا
بقال تكون ثورى ... جن احمر .. دى قضيتك وموضوعك لكن لو سمحت شارك وقدم مداخلات موضوعية وممكن الزول يهضمها وماتضحك فيك الناس
وسيب دا كلو وعلى الاقل احترم عقول الناس البتخش البورد دا
| |
|
|
|
|
|
|
|
|
|
Re: حكومة الفاقد التربوي والسياسي وانصاف المتعلمين ؟؟؟ (Re: haleem)
|
الاخ / حليم
شكراً علي المداخلة
سؤالك مهم جداً جدأ
اصلي انا بكتب في كثير من المواقع الثورية
سودانيز انلاين موقع حركة العدل موقع التحالف الفييدرالي
وفي السودان بكتب في صحيفة الوان والايام والاضواء
ونفس المقالات البكتبها في المواقع والصحف بنقلها للمنبر الحر
اشان اشوف الاراء فيها شنو ؟
هذا توضيح لك من قطر باله بهذا السؤال
| |
|
|
|
|
|
|
|
|
|
Re: حكومة الفاقد التربوي والسياسي وانصاف المتعلمين ؟؟؟ (Re: عمر الفاروق شيخ الدين)
|
قلت لي بتكتب في صحف جنس كلامك دة؟
إنت يا ود قايلنا رعاوية فاشيست و أنصاف متعلمين ولا شنو؟
ياخ قديتنا بأمورك البايخة دي
مرة تجي تقول لأستاذ زي محمد حامد جمعة:
إني لأرى "مش أرى" رؤوساً قد أينعت و حان قطافها و إني "إنت!!!!" لقاطعها؟؟
أها يا المحجاج بن جوزيف
و مرة تجي تقول في برنامج في الواجهة الحاج دفع الله يؤكد وقوع التطهير في دارفور ، إلا غايتو تكون قاصد "الطهور" قطع الغلفات يعني.
لكن كان قاصد تطهير بمعناهو الفي راسك الخاتيهو لينا فوق داك يبقى أحسن ترعى بقيدك لأنو السهرة كملناها و سكرنا جيت إنت تكملو بكلامك البايخ دة اللي مصنع كنانة ما يطعمو.
والله غايتو نفعك يوم 10
قال بقلم قال
| |
|
|
|
|
|
|
|
|
|
Re: حكومة الفاقد التربوي والسياسي وانصاف المتعلمين ؟؟؟ (Re: ود الشيخ)
|
Quote: تعرف انا لو كنت معاك فى الثورة المزعومة دى كنت سعيت لمنعك
من الكتابة لان طريقتك فى طرح الموضوعات والقضايا فطيرة وعجيبة وتطرد
منك الانصار والمتعاطفين ولو كانوا اولى قربى . |
سعادتك شايفك بقيت تسعي لطرد .. و كمان بتقيم ( )
و كمان
اسمك الاستاذ .. و بشكروك !!
| Quote: لأستاذ زي محمد حامد جمعة: |
ماشه معاك اخر حلاوه يا عم 
واصلو انا متابع
ابراهيم بقال .. اتفق معك في الكثير من مقالك
| |
|
|
|
|
|
|
|
|
|
Re: حكومة الفاقد التربوي والسياسي وانصاف المتعلمين ؟؟؟ (Re: ibrahim bagal)
|
Quote: واصلو انا متابع
ابراهيم بقال .. اتفق معك في الكثير من مقالك |
خدر اخوي:
خلاص بديت تفتش لي الناس الممكن تختهم في الكيمان ؟؟؟غايتو كان جيت تتابع الزول ده عشان تختو في الكوم ده طرفي منك
بعدين نحن بنواصل بس الزول ده البيجيبو شنو عشان نتابع معاهو ..
خدر اخوي:
تتفق في الكثير !!! معناها ما كللللللللللو مش؟؟؟ اها ورينا بتتفق وين وبتتختلف وين غايتو البلال وكمال حامد دي مممممممممممممممممممممممكن بس الباقين دي واسعة شدييييييييييييييييييييييييييييييييييييييد ...
| |
|
|
|
|
|
|
|
|
|
Re: حكومة الفاقد التربوي والسياسي وانصاف المتعلمين ؟؟؟ (Re: ibrahim bagal)
|
بقال
جلاب شوك لا يلبسه
امثالك عشان كده شايف مباريني كتير ما عارف بالضبط
كدة انت قاصد شنو هسع ياخي عليك الله عمر البشير ده ما فاقد تربوي
ولا انت برضو فاقد تربوي زيو يا علاء الدين ؟؟؟؟؟؟؟؟؟؟؟؟؟؟؟؟
مباريك؟
إنت؟
متين ووين؟
دي أول مرة أخش ليك بوست يا كاتب
سؤال:
إنت قلتة في بوستك دة كلمة "جلابة" أكتر من مرة
ممكن لو سمحت بما إنك كاتب ضليع في الصحف و مثقف و ما فاقد تربوي تديني المقابل التأريخي لهذه الكلمة؟؟
قلت لي حلفت بالتلاتة؟
| |
|
|
|
|
|
|
|
|
|
Re: حكومة الفاقد التربوي والسياسي وانصاف المتعلمين ؟؟؟ (Re: ibrahim bagal)
|
سلامات يا بقال
في الغابة الابنوسية التي نحن فيها دي
الاشجار مقلوبة
والاصوات مقلوبة
والناس ماشية باكورد
واحيانا دونورد
وبالتالي تاكد انو الكلام المقلوب هنا علي وزن الصورة المقلوبة هناك
وفي العالم المقلوب ده تواجه كثيراً كتابات مقلوبة و "صور " مقلوبة , واحداث مقلوبة
ولكن لكي تراها مقلوبة لازم تمشي مستعدل
وتشوف الصور بنظارات الشفت بيها الصورة ادناها
| Quote: هسع عليكم الله شوفوا الرئيس عسكري النائب الاول استاذ النائب الثاني بروفيسر هسع عليكم الله البروفيسر ده ما ليهوا الحق انه يكون رئيس ؟ |
ودمت
| |
|
|
|
|
|
|
| |
ibrahim bagal
محمد حامد جمعه
الواثق تاج السر عبدالله
علاء الدين يوسف علي محمد
khider
A.Razek Althalib
د. بشار صقر
فيس بوك
تويتر
انستقرام
يوتيوب
بنتيريست