|
Re: بيان ( سري ) من الحركة الوطنية لتحرير الأبيض و عبري (Re: عصام دهب)
|
ومن جهه أخرى تؤكد حركة قريعتى راحت المسلحه ومن منطلق تحالفها الأستراتيجى مع حركة تحرير الأبيض وعبرى هذا التحالف الذى يرتكز على برنامج الحد الأدنى والأعلى والنص كم تأيدنا لهذا البيان ومازال أختلافنا قائم حول القضيه النظريه الأساسيه..والتى لم تحسم بعد كم عدد فنايل هلال البيض كم عدد فنايل الهلال العاصمى...وأين مريخ عبرى من وعى المركز الشدادى وخارطة الدورى العام....مازال التهميش مستمراً يحيا...الأقاشى يحيا..التركين
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: حاتم الياس)
|
الرفيع / حاتم نحن في الحركة لا ننسى الدور الرائع لقيادة و مناضلي حركة قريعتي راحت ( حقر )في ترسيخ دعائم برنامج الحد الأدنى والأعلى والنص كم ، و رغم أختلافنا القائم حول قضيه النظريه الأساسيه..والتى لم تحسم بعد إلا أننا متفقون قطعاً على أن أجمل القضايا هي تلك التي لم تحسم بعد . السيد القائد الرمز يعبر لكم و لمناضليكم عن عظيم إمتنانه و تقديره و إعتزازه بنضالاتكم الوهمية ، و لولا مشغولياته غير النضالية لتولى الرد عليكم بنفسه . يحيا...الأقاشى يحيا..التركين يحي شريف .. ذاتو
حسين نيقا
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: عصام دهب)
|
خالص التحايا00 تحية الثوار الاشراف00
اولا ياريس رسلته ليك رسائل تقارير سريه لمن قلت بس انت ماوصلتك ؟يبدو انو فى طابور خامس فى الحركه ارجو التصفيه سريع00
طالع من زهوك ورصيدك ناهل من ورداً في ايديك ماليني زمن عشقك ماليني ورميت ساحل روحي لمهجة ريدك داخلني شديد كيفن انساك ماخدني على وجهة مرساك صالبني على ملح الكلمات لكن برضي القادر يقراك مشتاق القاها مواعيدك مشتاق للدقوا نحاساتك والشهداء الغنوا اناشيدك الضخوا الدم جوة وريدك
ويتواصل المد الثورى
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: معتز تروتسكى)
|
الرؤيتان تسيران نحو هدف واحد برغم اختلافهما في طريقة المعالجة أو الإسلوب: نقد الواقع التاريخي والإجتماعي القائم في السودان.
عصام دهب يطرح رؤية نثرية ذات ملمح ساخر.
تروتسكي يطرح رؤية جمالية شعرية تغوص في ركام الحاضر لتمدنا بأمل ما.
بيد أن للرؤيتبن متعة خاصة لدى القراة.
تحية لكما وتحية لصاحب المداخلة الرائعة.. حاتم.
مع أمل في المزيد!.
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: ريهان الريح الشاذلي)
|
خالص التحايا.. تحية الثوار فى بيانهم الاول..
الشهيد zoul"ibn"zoul
البيان بتاعنا ما وصلكم ؟؟ نحن موزعين البيان على كل التنظيمات والخلايا السريه النائمه (قفا).. واذا عنكم رغبه تعملو معانا ائتلاف نجتمع ونقرر ..
المناضل domdom اركز ما تجيب رخوه.. الشغل لى قدام كبير... انت العليك الرك
اساسا هى زاتها مقدوده..
ريهان الريح الشاذلي شوفى يازميله .. لو ده اسمو تمرد (جندر).. نحن ما قصرين مع الحور الغوانى.. تنظيمنا هيكلو 60% (جكس).. لو فى مظالم ارفعى تقرير فى اقرب اجتماع بتاع لجنة مركزيه.. بعدين انتى زاتك ماشايفه شغلك .. نجيبك فى الجناح الثورى بتاع الرفاق والثوار ديل ولا نخليك مع الخلايا النايمه (قفا)..
ثما ملاحظه..
Quote: وتدخلو لينا معاكم بارا |
يازميله انضبطى وماتقلبى المواجع (ياسليم الزوق يا الجمالك صاح)
ويتواصل المد الثورى...
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: domdom)
|
الأخ دوم .. دوم.. تحية شرسة
قمت بعرض ما كتبت على القائد الرمز مباشرة و تناقشت معه بشأن ما تعرضت له من ( خلعة ) وقد أعرب سعادته عن عميق سروره و إنبساطه لهذا المردود الذي تحقق لك من خلعة .. وقد أكد القائد على مقولته الشهيرة ( الحركة مثلها مثل قائدها تخلع و لا ( تُخلع ) ـ بضم التاء ـ .. فهنيئاً لك بما تحقق .
كوماندور حسين نيقا الناطق الرسمي
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: عصام دهب)
|
البيان الاول من كتيبة الحركة الوطنية لتحرير الابيض و عبري باستراليا
بغير اذن من مكتب العمليات في الحركة , قد قامت كتيبتنا في استراليا بختان ابننا عاصم (عامان)و لذا نناشد كل المناضلين بالحركةلحضور تناول الغداء في حديقة هايد بارك ببيرث و مشاركتنا في عملية الهجيج الانتحاريةو الاستمتاع بالجو الرطب
الكونيل اباذر
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: معتز تروتسكى)
|
ألاخ معتز و الله انا ما نمت بالدعم الاجنبي بتاع الحركة.... حاشا الله .... الموضوع كله ان الحركة ما فيها محاسب و لا مراجع قانوني ....و ثانيا كنت مفلس و ثالثا استراليا ما فيها نظام من اين لك هذا ....و رابعا انا كمواطن سوداني طلعت ملح من اتفاقية السلام .... و خامسا الدعم تشمًوا قدحة.
حاسب الرسالة دي سرية يا زول ... اوع تفع في يد القائد عصام دهب او المناضلة ريهان الريح...
و شكرا المناضل المخلص ابازر
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: عصام دهب)
|
فخامة السيد السيد الرئيس كوماندور عصام دهب
لك الشكر الجزيل , لقد و صلنا الدعم المعنوي يأكمله سوف نقوم بصرفه علي ابطالنا الاشاوس في الميدان حسب التعليمات. اما عن اللف و الدوران فقد خصصنا لجنة خاصة للبحث في هذه القضايا. و سوف نرسل لك جميع الفواتير المبدئية لاحتياجات اللجنة. بما فيها 5 مليون دولار اقلام رصاص 10 مليون دولار (صمة خشم) لمعتز 10 مليون دولار و 11 سنت (صمًةخشم) لريهان الريح مليون دولار بندقية من نوع (ابو كديس) 6 مليون فواتير تلفونات عاطفية جدا لابطالنا الاشاوس في الميدان و عاشت الحركة الكلونيل....(الكونيل) ابازر
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: عصام دهب)
|
مش فاهم عايز تصل لي شنو بي ذي البتسوي فيهو ده؟
مافي منطقة وسطي في الصراع الدموي المليوني النصف قرني الدائر في بلدنا. شئت ام ابيت فذي تريقتك الانصرافية دي،في المحصلة النهائية، موقف مع طرف وضد الاخر.
فقط ياريت تكون واضح او دغري، بدل اللف والدوران ده.
ثم البخلي الاخر ثورنجي، بغض النظر عن المعسكرات، وانت لا شنو؟
الطبيعي مساهماتك هنا، وجهة نظر، وكذلك مساهمات الاخرين.
مرة اخري مامعني تذكيتك لي مساهماتك، او سخريتك من مساهمات الاخرين؟
بالنسبة لي، واضح تمام انت جاي من وين، وبالتالي كتحصيل حاصل ماشي علي وين!
القاعدة عندنا هو البحث عن الجهة الجاي منها الزول مش الماشي عليها.
مامهم الواحد عايز يقول شنو، او قاعد يقول في شنو، بقدر اهمية المنطلق، او المرجعية او الذهنية.
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: Bashasha)
|
خالص التحايا تحية الثوار الاماجد..
الرفيق بشاشا.. مالك (رايح) ولا مالقيت ليك موضوع.. اولا مرحب بيك فى ارضنا المحرره.. هل تريد الانضمام الى حركتنا الثوريه؟
بالاضافه لانسمح لك ان تخاطب الريس بتلك الصيغه باعتبارك فى ارضنا لن نقوم بتصفيتك لاننا اعطيناك الامان.. والذى يسوى فيه الريس ليس وحده فالحركه هى قائمه على اعتاقنا الريس وشخى الكمانذز والكونيل والثوريه الرائده
بطريقه ديمقراطيه ثوريه اجزنا انتخاب الريس ... والذى يصدر من ريسنا نحن جميعنا موافقون عليه .. اى كل من يرد عليك له الحق ومطلق الحريه الثوريه..
خالص التحايا بك فى ثورتنا وسنناقش امر انضمامك فى اقرب اجتماع ثورى.. وكذلك ساعود لاحقا لموضع الميزانيه
ويتواصل المد الثورى..
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: معتز تروتسكى)
|
بشاشا إنت زعلان مالك دي حركة ثورية مناضلة زي ما كل الناس بتعمل حركات لكن برضو نحنا مختلفين .. في ناس بتسرق و بتنهب و بيقولوا نحنا مناضلين و حركات تحرير في ناس بتقتل وتسحل و تنتهك و تظلم و بينادوا بالعدل و المساواة في ناس ما عندها أي موضوع و برضو بيقولوا أنهم موضوعيين و مناضلين .. شوف يا أخي .. دي حركتنا و نحنا مخيرين فيها .. نحنا لا بنسرق لا بننهب و لا بنقتل و لا بنسحل و لا بنظلم و لا أي حاجة .. نحنا مخيرين في شكل نضالنا .. وما جبنا سيرتك و لا سيرة جماعتك ,, و الفي راسو بطحة يتحسس عليها .. و أبشرك .. عندنا حركات نضالية أشكال و أنواع .. و كل مرة نناضل زي ما يعجبنا.. يعني على كيفنا قراراتنا حرة و إرادتنا غير مرتهنة .. لا في زول بيدينا قروش عشان يقطعها مننا.. و لا في جهة ممكن تستعملنا كعملاء .. و لا في جهة بتمارس وصاية علينا.. نحنا بنناضل على كيفنا .. و زي ما عايزين .. و لو ما عجبك نضالنا شتت ..
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: عصام دهب)
|
يااخ عصام دهب،
انت خايف من شنو؟
سمي الاشياء باسمائها حتي تنفرز الكيمان، والقارئ يعرف انت جاي من وين.
ذي ماقلنا، هناك طرفان لاثالث لهما في الصراع الدائر في بلدنا.
فديل منم، البقتلو اوبسرقو او بنادو بالمساواة، والي اي طرف ينتمون؟
اتمني انك تبطل مراوغة او تجاوب علي اسئلتي دي توش كده.
بالعدم، ياخبر بي فلوس الان، او بكرة حيكون ملح.
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: Bashasha)
|
خالص التحايا تحية الثوار الثوار.. الرفيق بشاشا... اسع كلام الريس ده داير ليهو فهم ؟؟؟ بشاشا كانت جيتنا هنا نحن نفسنا طويل وبطنا غريقه بتغرق ساى وبتبهدل .. حافظ على الباقى ليك تلف بيهم باقى البوستات توزع كروتك المعروفه هناك .. لانو كل اساليب النضال الصوريه بتاعت مضروبه.. بعدين ماقلت لى اها بقيت علينا ولا على التانين؟. . عموما نتوقع مجيك تانى للمباحثات الثوريه بشان تراتيب انضمامك الينا.. الى الان نضقل بيك. .
Quote: بشاشا إنت زعلان مالك دي حركة ثورية مناضلة زي ما كل الناس بتعمل حركات لكن برضو نحنا مختلفين .. في ناس بتسرق و بتنهب و بيقولوا نحنا مناضلين و حركات تحرير في ناس بتقتل وتسحل و تنتهك و تظلم و بينادوا بالعدل و المساواة في ناس ما عندها أي موضوع و برضو بيقولوا أنهم موضوعيين و مناضلين .. شوف يا أخي .. دي حركتنا و نحنا مخيرين فيها .. نحنا لا بنسرق لا بننهب و لا بنقتل و لا بنسحل و لا بنظلم و لا أي حاجة .. نحنا مخيرين في شكل نضالنا .. وما جبنا سيرتك و لا سيرة جماعتك ,, و الفي راسو بطحة يتحسس عليها .. و أبشرك .. عندنا حركات نضالية أشكال و أنواع .. و كل مرة نناضل زي ما يعجبنا.. يعني على كيفنا قراراتنا حرة و إرادتنا غير مرتهنة .. لا في زول بيدينا قروش عشان يقطعها مننا.. و لا في جهة ممكن تستعملنا كعملاء .. و لا في جهة بتمارس وصاية علينا.. نحنا بنناضل على كيفنا .. و زي ما عايزين .. و لو ما عجبك نضالنا شتت .. |
بعدين تعال انا انسعلك ده شنو هو ده كل ما اقرا ليك مداخله فى محل مره ابكى ومره اضحك ومره تقلبنى القرايه..
Quote: يااخ عصام دهب،
انت خايف من شنو؟
سمي الاشياء باسمائها حتي تنفرز الكيمان، والقارئ يعرف انت جاي من وين.
ذي ماقلنا، هناك طرفان لاثالث لهما في الصراع الدائر في بلدنا.
فديل منم، البقتلو اوبسرقو او بنادو بالمساواة، والي اي طرف ينتمون؟
اتمني انك تبطل مراوغة او تجاوب علي اسئلتي دي توش كده.
بالعدم، ياخبر بي فلوس الان، او بكرة حيكون ملح. |
يالله لاتخولقنا لاتعولقنا..نسالك السلامه... شنو البخافو منو ؟؟ وشنو البسمو باشياءوا؟؟؟ وشنو هو الطرفين ماتالت؟؟؟ وشنو البقتلو ويسرقواواطراف شنو ؟؟ وجابت ليها مراوغه!! دى ما الصوله زاتها يارفيق. .
صى زى ماقلت بالعدم بكره ببقى بقروش.. لكن يارفيق تعال النحدثك ونبيع ليك بعض اسرار الحركه اصلو مفلس وقرش ماوصلنى الى الان .. جيب اضانك اصلو الحركه دى حركة ناشئه بنسعى عشان نكبرها بتعاقد مع المافيا الايطاليه عشان نقود بيها حركة تحرير جديده بى مفاهيم شامله ضد الجنس (الارى).. شفت كيف؟؟ لالا اصبر ان تم ليك.. لانو قالوا ليك الارين ديل ناس استعلاين زى الجلابه العندنا ديلك فشفت كيف عشان كده.. اسمع الريس جاء بجى اتم ليك بعدين بس انت ما تتاخر اسع اتخارج عشان مايشوفك معاى ياحبه..
يلا يلا يلا شتتت..
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: معتز تروتسكى)
|
الرئيس القائد المبجًل عصام
الكوماندور الرائع معتز
و الله الحركة نجحت نجاح شديد لقاية ما قامة ليها معارضة قادة و منفسة( بشاشة) ياخ ما تزعلو الراجل شاف الملايين البنسفسف فيها دي و بطنو اكلتو . قال يمكن النلقالنا سفة يبلع بيها ريقو.
معتز نضموا بتاع شنو.... ده ابطالنا الاشاوس ما يرضو بيه.... و لا باين عليك دايره تفتش بيه الالغام في ساحات المعارك. اصلو الوظيفة دي دايما دايرة ناس . اما غير كده اما تسلمو لي افسحو او زي ما فلت تضقل بيه.
او قد يكون داير يفتخر بانه اتكلم مع رئيس الحركة شخصيا و بس .... اذا كان كده برضو اما تسلمو لي افسحو او تضقل بيه
( الكولونيل)الكونيل ابازر
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: عصام دهب)
|
.. .
Quote: ذي ماقلنا، هناك طرفان لاثالث لهما في الصراع الدائر في بلدنا.. |
انا بعرف اطراف الصراع هم كالتى: اولاد الدينكا.. واشياعهم متمثلين فى الحركة الشعبية اولاد الزغاوة.. واتباعهم فى العدل والمساواة اولاد البجا.. وهدندوتهم ممثلين فى مؤتمرالبجا أهل العوض.. وجزرهم حركة مهمشى الجزيرة ابناء النوبة..والمؤلفة قلوبهم ابناء الجبال بالتضامن مع الشعبية جنوب ابناء الشمالية .. فى حركة شريان الشمال ولازال هناك مهمشى دار السلام والحاج يوسف ومايو- دى حى ياود انكل سام- وامبده ..الخ من اطراف العاصمة.. ولكننى لا اعرف أين احفاد بعانخى ملك النوبة من هذا الصراع وهل سيظلون اذيال للاخرين ليستروا سؤاتهم التى مست الشعب كله!!
Quote: سمي الاشياء باسمائها حتي تنفرز الكيمان، والقارئ يعرف انت جاي من وين |
امانحن ابناء كردفان من عرب ونوبة وجلابة وكل القبائل والاجناس الوافدة والمتأصلة فاننانظر برؤية لمايدور وككتلة واحدة باذن الله فلا تحشر نفسك بيننا كما حشرتها مع الدارفوريين..
عصام دهب يا خووواف بالله شوف زولى الماعندو منطق دا!!
Quote: اتمني انك تبطل مراوغة او تجاوب علي اسئلتي دي توش كده. |
ممكن تنفذ جملتك دى يا بعانخى
معاك لاخر المشوار...
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: salah elamin)
|
بالمناسبة يا جماعة انا كان عندي ليكم سؤال كده، زمااااااانك خشيت لي في تنظيم اسمو طار زاتو من راسي، ( طار زاتو ده ما اسم التنظيم يعني ما حركة طز، لا انا قصدي اني نسيت الاسم)، فكدي عليكم الله فتشو لي في اوراقكم لو اسمي مكتوب يمكن تكون دي حركتكم زااااته ، وبتهز الفرصة دي عشان اورد بعض الملاحظات علي برنامج الحركة لانو باقي لي كده انو موضة قديمة وبعيد كل البعد عن النظام العالمي الجديد:
1- بقترح بخصوص برنامج الحركة انو يتم عرضو في اوقات معقولة زي الرابعه صباحاً مثلاً عشان نكون رجعنا من الديسكو وما يفوتنا، وياريت لو يكون في اعاده للبرنامج.
2- ان تقوم مذيعه جميلة بتقديم البرنامج وانا مساهمة مني ممكن اسأل ليكم رزان لو بترضى تقدمو
3- طبعا لابد يكون في رائحة تحكم قوانين التنظيم والعظوية، وانا بقترح هنا تطوير الرائحة باستعمال عطر غالي وقوي لانو بصراحة الريحه حالياً ما حلوة خااااالص في كافه اروقة الحزب
4- اجتذاب عضوية جديده عبر الافكار الخلاقة مثل (انضم لحزبنا الان واحصل على عضوية مجانية لافراد اسرتك لمدة عام) او ( انضم الان واحصل على فرصة التصويت ثلاث مرات في الإنتخابات القادمة )
5- العمل على الحد من ظاهرة تساقط العضوية والاستقالات عبر ترسيخ مبدأ (أخاصمك آه اسيبك لا )
وفي الختام عندي صوت لوم صغيروني كده ، يعني بالله عليكم تمشو تسكسكوا وتبتهجوا براكم ، ما ترسلوا للاحزاب الشقيقه تعزموهم!!!
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: Ahmed Omer)
|
خالص التحايا الثوار الاحرار.. ساعود بالتعيب المفصل بشان العضويه والانضمام اولا نجتمع ونشوف الريس غاتس فى ياتو كوم بطاطس ونجيكم يكون اسى احتمال يكون قاعد فى البوست ده ومستخدم سلاح الكواديك..
Quote: وفي الختام عندي صوت لوم صغيروني كده ، يعني بالله عليكم تمشو تسكسكوا وتبتهجوا براكم ، ما ترسلوا للاحزاب الشقيقه تعزموهم!!! |
بالنسبه لهذه فقد تم استخدام سلاح الكادوك لان الحفله كانت سريه ويتواصل المد الثورى وعائدون باسم من نهوى....
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: معتز تروتسكى)
|
الكوماندور معتز و الله انا الاسمو احمد عمر دا شامي فيه ريحة ابطال الثورة ( ما الثورة الفي امدرمان... الثورة حقتنا) فارجو رفع الملف بتاعه للسيد الريس عصام دهب.. بس ما يقوم يحرر لينا محلة تانية غير الابيض و عبري.
اما عن ود الديم كيف يقول لينا انقلاب كده ما بتعملوا ؟؟؟؟؟؟ قول ليه حصل قلبناها لكن رجعناها تاني لانه السيد الريس قال لينا تعملوا انقلاب تجربة ساااااي . و دي زاتها ميزا فينا لانه ما اي حركة بتقلبها بتعرف ترجعها... يقلبوها و يقعودا في ضلها بالعشرينات.
و انا الايام دي زاتي حاسي كده ثوريتي زااايدة , لدرجة انه مشيت اشتريت لي بنطلون بتاع جيش الصاقعة( مبرررررقع) و حايم بيه في البيت و بس راجي المرة تفتح خشمها عشان اقلبها ليها في راسها. الكونيل ابازر
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: اباذر عبدالله)
|
اثبتت مصادري الخاصة جدا جدا والسرية خالص خالص ان المناضل تروتسكي قدم طلب لحركة بمبان لتحرير الحاج يوسف وام ضوابان وان ما يمارسة من شوشرة داخل حركتنا ماهي الا محاولة لشق الصف الوطني ولكن وشرف الدولارات التي اخذتها والتي ساخذها منك يا ابو ذر سانال منهو ومن كل المخربين. ومن كل اعداء القوالات وعلب المكياج . ودمتم.. ودام نضال دولاراتكم.........
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: ريهان الريح الشاذلي)
|
المناضلة ريهان الجسورة
شكرا لتبادل المعلومات الشمشرجية. لكن كلنا يعلم بسالة و نضال و ولاء الكوماندور تروتسكي للحركة و اهمية الدور الذي يلعبه في فيها. و لذا ليس من الغريب ان تطلبه حراكات كثبرة. و لكن اعلمي انه لن يترك يترك حركة نضاله حتي يحرر الابيض و عبري و يغرز رايته فيها و يسفسف الاقاشي في الاراضي المحررة. فيبدو ان مواتركم في هذا الموضوع كانت منفسة . و من مكتبنا نعد توصيات بترقية تروتسكي و زيادة لقب حامي حمي الحركة . و بهذا نرجو توجيه مواتركم لاعداء الحركة و ليس لكوماندريتها العظيمة.
و عاشت الحركة و عاشت الشمشرة
الكونيل اباذر
| |
|
|
|
|
|
|
Re: بيان ( سري ) من الحركة الوطنية لتحرير الأبيض و عبري (Re: اباذر عبدالله)
|
Quote: بيان سري إن الحركة و هي تتصدى لمهامها النضالية في هذه المرحلة العصيبة من تاريخ شعبنا المناضل كان لا بد لها أن تقف وقفة تراجع فيها أدائها في الفترة النضالية المنصرمة.. و تبعاً لذلك فقد عقدت الحركة مؤتمرها العام السري الثالث عشر في الأراضي المحررة، وقد جرت بعض المداولات السرية بين أعضاء المكتب القيادي السري و بين القائد العام.. و من ثم تزايدت حدة المداولات السرية بين أعضاء المكتب القيادي السري و المكاتب الوسيطة السرية و بين المكاتب الوسيطة السرية و قواعد الحركة السرية. و قد خلصت المداولات السرية الجامعة إلى اتخاذ بعض القرارات السرية و التي رأت الحركة تطبيقها سرياً و حجب نشرها للرأي العام لطبيعتها السرية . إن الحركة إذ تؤكد لجماهير شعبنا الثائر حرصها على التمسك بنهج المكاشفة و الوضوح و الشفافية في مسيرتها النضالية تعلن أن كافة قرارات و توصيات المؤتمر العام السري الثالث عشر سوف يتم إبلاغها لجماهير الشعب المناضل بصورة سرية عبر الكوادر القاعدية السرية المندسة في أوساط شعبنا الأبي .
السر تاج السر أبو السرة الناطق السري الأراضي المحررة |
| |
|
|
|
|
|
|
|