|
Re: دفتر الغياب ... السمع اسمو يقول نعم (Re: alfatih)
|
مولاى الملا عمر ... طيب الذكر الله يجهجه الخواجات كان جهجهوا لينا بدر الدين دة ... نحن نبحث عن الشناة اينما حطت رحالها ولكنهم اولاد الذين ارادوا ان يحرموننا من عشقنا الذى نهوى ...سنرسل له شفرة التواصل عبر الاسلاك الحايمة فى الفضاء والتى شربكت سير الطائرات وطلعت عين السائقين ... اما عن العزيزة توما ( هوك ) ففقدها كبير .. ويا توما وين انتى ايتها المجندلة برصانة التعابير ... يا كلك جمال زيك .. عودى بسرعة عليك العشق البين مسامك ...سأتحدث مع وكالة البحث والترقيع للاستجداء على خُف العزيزة بت قضيم والذى ضاع اثر علة لم تمهله طويلا ... بس اذا كانت عادت بخف حنين فمطلوب ارجاعه للسيد حنين والعودة الينا بخفها الخفيف الظل ورشاقتها الحميمة بيننا ... بت قضيم ياخ انتى ليه بتعملى فينا كدة ؟ ..لكن ما ليك حق يا اهل العوض .. تغير عندنا طعم فاكهة الشتاء .. لذلك عليك ان تعود على بساط الوحشة الفاقداك ... واقول ليك سر .. تعال وما تدخل فى شارع بروكلين ... هناك فى شوارع جميلة بتشبهك ... امشيها ونحن بنشوفك برانا ... ارجع يا اهل الرأى السديد ... والبطن كان طمت عليك بالمرحبيب فى عيون مشتاقة تقراك ...
وليم اندريا كم سعدت بعودتك ايها الجميل بس ما تغيب تانى عليك الناس الدايرين يشوفوك هنا .. واها راجين قلمك معانا .. تسلم
العزيزة الرائعة عشة بت فاطنة حمد لله على سلامتك وكل سنة وانتى طيبة ... العام دة دايرنو خالى من الكلسترول ..ونحن بنفرح معاك برضو ... ما تزهجى .. دوما هناك شُتر حتى فى حصة الفنون ... وبرضو لازم يكون هنالك حموضة بس الجميل انو الناس كيف تتعامل معاها ... نحن برضو بطنا طمت من الحصل فى العام الفائت بس اكلناها فى الدواخل بالشطة ودموعنا جارية لحدى ما بردت ... راجيين قلمك البيشبه حروفك يا اصيلة ...
العزيز ود شاموق كل سنة وانت طيب ما تطول الغيبة ... انتو العشم فيكم بعدين دة ما ود شاموق الانا بعرفوا .... شيل الدواية من خلفك وجيبا قدام الفروة وشخبط لينا جمالك الجواك .. فاقدنو جدا ... تحكى منك ابتسامة يا المعاك غاية مرادى ... تسلم يا جميل
استاذنا الجميل الكتيابى كل عام وانت الحب شكرا جميلا يشبهك ... اهديك صديقك عبد العال السيد .. وبقيت اعاين فى الوجوه واسأل عليك وسط الزحام قبال اتوه يمكن الاقى البشبهك ما الليل براح والشوق تعال بيندهك
ننتظر قلمك خلف الوحشة والدهشة الخليتنا فيها ... يا براك ... تسلم كتير لاجابة النداء
|
|
|
|
|
|
|
العنوان |
الكاتب |
Date |
دفتر الغياب ... السمع اسمو يقول نعم | alfatih | 01-09-05, 06:56 AM |
Re: دفتر الغياب ... السمع اسمو يقول نعم | willeim andrea | 01-09-05, 07:40 AM |
Re: دفتر الغياب ... السمع اسمو يقول نعم | almulaomar | 01-09-05, 08:08 AM |
Re: دفتر الغياب ... السمع اسمو يقول نعم | عشة بت فاطنة | 01-09-05, 04:28 PM |
Re: دفتر الغياب ... السمع اسمو يقول نعم | ود شاموق | 01-10-05, 00:30 AM |
Re: دفتر الغياب ... السمع اسمو يقول نعم | عبدالقادر الكتيابي | 01-10-05, 09:16 AM |
Re: دفتر الغياب ... السمع اسمو يقول نعم | alfatih | 01-11-05, 06:35 AM |
Re: دفتر الغياب ... السمع اسمو يقول نعم | almulaomar | 01-11-05, 07:50 AM |
Re: دفتر الغياب ... السمع اسمو يقول نعم | إيمان أحمد | 01-11-05, 12:14 PM |
Re: دفتر الغياب ... السمع اسمو يقول نعم | alfatih | 01-12-05, 06:46 AM |
Re: دفتر الغياب ... السمع اسمو يقول نعم | alfatih | 01-12-05, 06:47 AM |
Re: دفتر الغياب ... السمع اسمو يقول نعم | alfatih | 01-12-05, 06:48 AM |
Re: دفتر الغياب ... السمع اسمو يقول نعم | alfatih | 01-14-05, 07:13 AM |
Re: دفتر الغياب ... السمع اسمو يقول نعم | منعمشوف | 01-14-05, 07:49 AM |
Re: دفتر الغياب ... السمع اسمو يقول نعم | Kabar | 01-14-05, 07:29 PM |
Re: دفتر الغياب ... السمع اسمو يقول نعم | alfatih | 01-15-05, 03:57 AM |
Re: دفتر الغياب ... السمع اسمو يقول نعم | alfatih | 01-15-05, 04:05 AM |
Re: دفتر الغياب ... السمع اسمو يقول نعم | ghariba | 01-15-05, 05:39 AM |
Re: دفتر الغياب ... السمع اسمو يقول نعم | عمر الفاروق شيخ الدين | 01-15-05, 07:22 AM |
Re: دفتر الغياب ... السمع اسمو يقول نعم | A.Razek Althalib | 01-15-05, 08:59 AM |
Re: دفتر الغياب ... السمع اسمو يقول نعم | alfatih | 01-16-05, 12:38 PM |
Re: دفتر الغياب ... السمع اسمو يقول نعم | معتز تروتسكى | 01-23-05, 06:25 AM |
Re: دفتر الغياب ... السمع اسمو يقول نعم | نادية عثمان | 01-23-05, 05:29 PM |
Re: دفتر الغياب ... السمع اسمو يقول نعم | محمد عبدالقادر سبيل | 01-24-05, 00:01 AM |
Re: دفتر الغياب ... السمع اسمو يقول نعم | معتز تروتسكى | 02-23-05, 10:49 AM |
Re: دفتر الغياب ... السمع اسمو يقول نعم | abdelgafar.saeed | 02-23-05, 02:46 PM |
Re: دفتر الغياب ... السمع اسمو يقول نعم | معتز تروتسكى | 02-27-05, 01:14 PM |
Re: دفتر الغياب ... السمع اسمو يقول نعم | adil rahman | 02-27-05, 01:44 PM |
Re: دفتر الغياب ... السمع اسمو يقول نعم | معتز تروتسكى | 03-27-05, 04:13 AM |
|
|
|