من كباروس إلي أنور كينج .. مع مودتي

Quote: مظفر، حاولت مرارا و تكرارا أن أفهمك ولكن فشلت... و لا أدري من أين أبدأ... تألمت حين قرأت كلماتك... صديقك ينتمي الي وطن و عنده أمل وان كان سراب؟؟؟ فهمت من كلامك ان وطنك، السودان، سراب و وهم بالنسبة لك؟؟؟ مظفر هل تختار أسرتك؟؟؟ بالطبع لا!!! تربيك و تعلمك و تأدبك و تنمو معها و يكبر حبك لها و تغار علي اسرتك الصغيرة؟؟؟ ولدت في اسرة لم تختارها، و مع ذلك تنتمي اليها؟؟؟ و ما الوطن الا اسرة كبيرة؟؟ لم اختار ان اكون سودانية الجنسية و لن أقبل بغير السودان... انا بت الغربة، اهل الهجرة، ناس كندا، شفت السودان مرتين، مرقت لما كان عمري 4... أكل ما انجبه السودان بغيض؟؟ (دا رأيك فيني و في احمد و حسام و غيره من الاصدقاء؟؟) الا يوجد امل في السودان بالنسبة لك؟؟؟ نضال دار لــ15 سنة لا يعني اي شئ في لحظة؟ بصراحة شديدة انت هدمت كفاح و نضال تضحية آلاف من السودانيين، منهم جدي و والدك و أهالي الكثير من معارفك و كم كبير من العظماء...؟؟؟ و التعب دا كله كان لمنو؟؟؟ ما لينا احنا؟ الشباب؟ جيل السودان الجديد؟ المستقبل؟ الأمل؟؟؟ ما الفائدة؟؟ الناس دي ما كان عندها حياة مريحة و احسن من البهدلة دي؟؟ كنت في ندوة يوم الأحد، و سألت سؤال و ردت المتحدثة: التغيير لا يمكن ان يتم بدون الكفاح من الجذور، من الناس، من الشعب (و يجب علي الحكومة التجاوب ما أريد قوله: اعمل دورك و الباقي علي الله... و بالمناسبة ما هي الحرية؟؟؟ لو عايز حرية في اي مكان في العالم، لازم تلقاها... و من تجربتي الشخصية: الهجرة ما هروب، بل وسيلة لتحقيق هدف، و هدفي ان اتعلم لأخدم بلدي... ما هو هدفك؟؟؟ مع كل حبي و تقديري، سارة محمد خالد تورونتو