|
جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة
|
فتحت البوست السنة الفاتت ديييييييك وبما انو في ناس وعدوني يردو على كلامي ده وبي فهم وعشان انا عاوزهم يردو وبي فهم وعشان عاوز استفيد تاني بفتحو وبنقل الكلام الكتبتو انا
وللناس الوعدوني بقول ليهم مستنييييييكم
وديل الوعدوني بالرجوع وكنشو
اشراقة
Quote: ازيك ياوليد
الموضوع الذى طرحته فى غاية الاهمية ساعود لجيلكم، وجيلنا، جيل الهزائم والمرارات
تشكر على هذا الموضوع القيم وبجيك راجعة برؤتيتى وتأكد بانى وكثيرين عاوزين يتعلموا برضو منكم، من جيلكم ولاتنسى ان المدى ممتدا لنا لنهزم احزاننا ونركض معا تجاه شمس ابت الطلوع لوكنها حتما طالع
اشراقه |
الزول البعزو جدا حافظ بشير
Quote: لا حولا يا وليد حيرتني عديل كدا
تعرف انا لي تلاتة أيام بفكر انزل بوست موجه ليك انت بالذات بي نفس مضمون البوست بتاعك دا...
حقيقي موضوع مهم... وبحييك على مقدرتك لتحسس مشكلة جيلكم بهذا الوضوح حأجيك راجع برواقة في نهاية اليوم... |
النصري امين
Quote: انا بحلف ليك انا كنت حاعمل البوست ده الليله لانى شايف فيك امل لاصلاح ما افسدته الانقاذ و تقديم بعض النصح اليك كاخ كبير.
اول حاجه و بصراحه يمكننى تشبيهك باحد افراد طلائع ورواد مايو مع الفرق ان مايو لم ترس على حال و كل يوم شكل جديد...الانقاذ احتفظت بالوجه العام و التوجه الحضارى(ربما شكلا) ..النتيجه خروجكم انتم مواليد مكتملى النمو (9 شهور) فذى ما قلت انت بتشرب و تاكل و تنوم و تحلم انقاذ انقاذ انقاذ انقاذ....
معليش خلينى امشى و بجيك راجعك (الذمن يا وليد بره السودان ليهو قيمه هائله, وعندكم هناك مثله مثل الانسان لا يسوى شئ) |
لنا مهدي
Quote: طوبى لجيلكم أيها الاباذريَون!! لقد القيت صخرة فى بركة راكدة يا وليد لقضية شديدة الاهمية.. محبتى و سأعود |
ابوذر ابو سارة
Quote: وبرجع ليك ( ها ها ها )
أبوذر |
ود المسيد
Quote: يا أخ وليد موضوع مهم لازم نقيف العتمة ماليانا وهموم اللا توازن والنزيف ومن يوم همنا الأول بقى في الرغيف كل واحد فينا فقد البصر أصبح كفيف
واصل..... ما برجع ليك عشان ما تزعل |
وفي ناس ما وعدو لكن انا عارفهم بجو
توركستي حبيبي وعمر الفاروق فردتي
انا لسع مستني الردود عشان عاوز افهم
|
|
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
جيلي انا .. يحيا وحيدا .. يقاتل وحيدا .. ويموت وحيدا
الفرقه بين الدفعات زي عشره سنين .. نقول عشره .. ناس الخمسينات جيل التحرر من الاستعمار.. استلموها من ناس الاربعينات القاومو الانقليز .. وسلموها لي ناس الستينات جيل بلورة الفهم السياسي السوداني .. ومفروض انو ناس الستينات يسلموها لينا نحنا ناس السبعينات .. وكان مفروض يكون التسليم والتسلم في بداية التسعينات حتى الالفين .. يعني في عز عهد الانقاذ ..
الحصل انو ما استلمنا اي عهدة عن الثقافة والاخلاق السودانية من اي زول ... لقينا الناس القدامنا .. يابره البلد .. يا محابي .. يا خايف .. يا مسجون .. ياكوز
طيب نسوي شنو !!!؟؟؟؟؟
نعلم روحنا برانا
وما قصرنا علمنا روحنا قدر قدرتنا
وطبعا ما حا تطلبو مننا في الغابة دي انو نكون نماذج مستفحلة في الخير.. لانو ما حانقدر ماهو يا اما تكون عزال وديع .. وبفترسوك يا تكون ضبع متملق .. عشان تعيش على فتات المفترسين يا تكون مع المفترسين .. وتاكل اي غزال قدامك وتخلي الضبع يتملقك وينظف ما تركته من وساخه او تكون نصف مفترس ونصف وديع وغير متملق ... عشان تحافظ ليك على دائرة قدر مساحة جسدك .. مملكه خاصة بيك ما يدخلها لا مفترس ولا وديع .. حقتك براك .. يهاب منطقتك المفترسين لان الدخول في معارك معك يخرجهم بخسائر وان فازو
ده الشي اللقينا قدامنا دي الخيارات اللقيناها واخترنا الخيار الاخير
وعشان ما لقينا قدامنا زول يربينا ، انا ما قاصد التربيه الخام البتربيك ليها الاسرة ... الاسره بتذودك باساسيات التربية والاخلاق .. والشارع هو البفسرها وبوريك فنيات استخدامها...يعني كمثال .. بربوك بقولو ليك الكضب حرام ... لمن تمرق الشارع بتعرف انو الكضب ما كلو حرام .. في كضب مباح واحتمال تلقى فيه حسنات .
-أخرج مسلم في صحيحه عن أم كلثوم رضى الله عنها قالت: "ما سمعت رسول الله (ص) يرخص في شيء من الكذب إلا في ثلاث: الرجل يقول القول، يريد به الإصلاح (أي بين الناس)، والرجل يقول القول في الحرب، والرجل يحدث امرأته، والمرأة تحدث زوجها".-
يعني في كذب حلال ... وبحلك من مشاكل وبحل الدنيا كلها معاك ... اها دي ما بورونا ليها اهلنا.. بنعرفها من الناس القدامنا ... بنتعلمها من الشارع
والحمد لله .. والله عشان رحيم .. لحقنا بالانترنت .. عشان نتربي في البورتات .. وكت ما اتربينا في الشوارع ... وما قصرنا ... سكيناكم وكسناكم وفتشنا عنكم .. عشان نتعلم ونشيل منكم.... ونتحاور معاكم حسب الشي الاتعلمناه هنا وبرانا ...
لكن ....
لقيناكم رافضننا وما قبلانين بينا .... وما فاضين عشان تعلمونا .. بس فاضين عشان تنتقدونا ... زي ابوين ولدو ولد وخلو الشارع يربيه .. وبعد ما كبر جمعتهم به الظروف ... واتصرف الولد تصرف غير مقبول مع ابويه .. فما كان من الابوين الا ان نعتاه بقلت الادب ...
بالله شوف !!!!!
ما لازم يكون قليل ادب .. وكت انتو ابيتو تربوه وخليتوه للشارع يربه..
انا ما بتهم زول بالتقصير ... وما بطالب زول بالاجتهاد ..
انا عاوز بس تفهمونا وتعرفو انو ده العندنا .. وسويناه برانا وتقبولونا على علاتنا وكت ما ساهمتو في ازالت علاتنا دي لحدي ما تعاد تربيتنا على اياديكم
وشكرا كتير
وليد ــــــــــــــــــــــــــــــــــــــــــــ اي مصطلحات او احصائيات مقطوعة من راسي .. ما لقيت لي زول يوريني منهجية انشاء المصطلحات والاحصائيات فخلقت لي فلسفة حقتي
| |
|
|
|
|
|
|
عودٌ على بدء (Re: وليد محمد المبارك)
|
عودٌ على بدء
لا يزال نفس النمط.. ونفس اللهجة هي السائده .. في في البورد اتهامات بالكوذنة شمال ويمين
ونجد العضوء في هذا البورد بنصب نفسه القاضي ، وهيئة الادعاء ، والمتحري ، والشاكي ،وحاجب المحكمة ، والجلاد ... وان كانت هناك طريقة لنصب نفسه المتهم ايضاً
بس بطل فلم هندي .. اي شي بسويهو براهو
نحنا البرالمة كيزان وطيب حانكون شنو
وكت لقينا بلد ما فيها الا الكيزان التلفزيون عندو دقن والازاعة عندها دقن والجرايد عنها دقن والشرطة عندها دقن والقوات المسلحة عندها دقن والادارة الاهلية عندها دقن
وبعد ده مفروض نطلع شنو
لمن استولو الكيزان على السلطه انا كان عمري 14 سنة و 9 شهور و 11 يوم .. يعني في نظر القانون السوداني ... حدث ... قاصر .. غير مسئول عن تصرفاتي .. خليك مسئول عن بلد عديل كده
اين كنتم انت حينما استولى الكيزان على السلطه ؟؟؟
هذا السؤال موجه الى كل من تخطي 18 سنة في عام 1989م شهر 6 يوم 30 .. اين كنتم لتدافعو عن الدمقراطية.. استولى الكيزان على الحكم بليل .. واين انتم يا رجال السودان ونسائه في ذلك الليل ... وهل تترك الدمقراطية هكذا من دون حماية ؟؟؟؟ والحامي الله
انظروا الى البلدان الانتم بها ... وعايشين دمقراطيه جد جد ... دمقراطيه في الممارسة .. ودمقراطيه في الفهم ... هل دمقراطيتهم متروكه على عواهنها .. وحاميها الخالق
كلا
اعينهم يقظه .. واياديهم جاهزة للدفاع عنها في اي لحظة .. وان كانت هذه اللحظة بليل
ورغما عن ذلك لم نتكوزن ولن ....
لا اعتبر هذا الا اسقاط نفسي ... خجل يعني زول عاوز ليه شماعة يداري فيها تفريطه في الدمقراطيه التي كانت بين يديه..
ووكت غلبو يرجعها .. دور فينا نحنا .. الكيزان تربية الكيزان ..
انحنا لينا الله
لا فرطنا في الدمقراطية ولا كنا في عمر بسمح لينا بالدفاع عنها وان كانت مسئولية الدفاع تشملنا .. سنكون في اخر الصف .. بعد ما يسئل كل من هم امامنا في العمر وفي الفهم وفي العقل ...
تاني بقول ما تزهجو مننا وما تزهجونا منكم
وعونا ، انصحونا ، انبونا ، لاكن ما تحكمو علينا بغلطكم انتم صلحونا وصلحو غلطاتكم فينا
والله يهون
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
افففففففو انا اخوك يا فاطنة : طالما قلنا بنجيك ينجيك لا بتكسلنا المسافة ولا بقيف بيناتنا عارض... اها يا ولي يا اخوي انت عارف اظنو نحن بعد 2005 ده بدا بقينا من الاجيال السابقة وحقو الموضوع يبقا عن الجيل الجديد القالو عملو ليهو راس السنة بي ايهاب توفيق ده !!! يا حليل زمن راس السنة بي حنان بلوبلو وعوضية عز الدين والهام الشرق (ده كان ياتو جيل يا وليد ؟؟ عشان نشاكلم سلمونا فن كلللو جكس)!!! يبدو ان جيلنا هو جيل (المغضوب عليهم) واخاف ان يكون الجيل الذي ياتي بعدنا انشاء الله هم (الضالين) واخاف اكثر ان نكون نحن جيل المغضوب عليهم والضالين معا... ما محظوظ ابدا يا وليد انت .. الفترة الفاتت قلت التلفزيون دقن والرادي دقن والشارع دقن والفترة الجاية حاتكون التلفزيون نشيد سلام الجنوب والرادي سلام الجنوب والشارع سلام الجنوب (يسلام يا شيخ عبد السلام يا سلااااااااااام ويا سلام يا شيخ صالحين يا سلاااام).. لا تنتظر شئ من الاجيال التي سبقتنا يا وليد فنظرتهم لنا نظرة الدونيا ونظرة الاستعلاء وعدم الاقتناع بنا فهم متكتلون متحوصلون( زي شلليات الجامعة لمن تكون مستبيض ليك زول ويجي يعمل فيها صاحبكم ..) الناس ديل شايفننا نشاااااااااااااااز وللاسف لن يدوزنوا وترنا الحزين .. اقول ليك حاجة ... انسي ...
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: عمر الفاروق شيخ الدين)
|
عمر العزيز كيف يا حبه وعيد سعيد وعمر مديد
Quote: لا تنتظر شئ من الاجيال التي سبقتنا يا وليد فنظرتهم لنا نظرة الدونيا ونظرة الاستعلاء وعدم الاقتناع بنا فهم متكتلون متحوصلون( زي شلليات الجامعة لمن تكون مستبيض ليك زول ويجي يعمل فيها صاحبكم ..) الناس ديل شايفننا نشاااااااااااااااز وللاسف لن يدوزنوا وترنا الحزين ..
|
هي بالمقلوب وهو الناس بتحكم على شي قبلي ما يحصل يعني هم بحكمو على مستقبل البلد معانا
وطيب ماضي البلد المعروف والانحنا شايفنو كتاب مفتوح
بلد سلموها الانقليذ المستعميرن المفروض انو يكونو بينهبو فيها
سلموها للوطنين دولة رائدة دولة مقدمة قدام الصين والهند واليابان
كدي شوف ديل بقو وين ونحنا هسع وين
ولو في محاسبة منو البحاسب التاني
ياخي ديل طفشو من البلد مشو عمرو الخليج العربي لمن جا فاتنا
الامارات القامت سنة 1973م بقت احسن مننا وبي عقول وايادي سودانية
بس شجرت التبلدي مزروعة في البيت وظلها عند الجيران
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
Quote: بلد سلموها الانقليذ المستعميرن المفروض انو يكونو بينهبو فيها
|
زي ما قلن ليك يا حبيب قالوا زمااااااااااان كان في عربية جديييدة لنج صناعة انجليزية واقفة في القصر الجمهوري وماشاء الله عليها اخر نضافة وسرعة المهم اشتغلت لحدي سنة 56 ما مكنيكي بعبص فيها قامت بعد 56 بقت تخش للصيانة لكن ماشة تمااااام امن لحدي 69 وبعد 69 العربية بقت تمشي مرة وتبطل عشرة تمشي مرة وتبطل عشرة المهم ها ها ها لحدددي ما سنة 86 وقفت عدييييل ومن 86 لحدي 89 قدر ما تجي تدورا ما بتدور وقالوا ياسيدي جو مكنيكية سنة 89 والحمد لله صلحوها ودورت لكن للاسف لمن دوروها ساقوها خلف .. اها يا خوي اظنك عرفت العربية مش ؟؟؟ ديل نحن الشعب المسكين ده وده ياهو جيلنا ده ودي ياها سياستنا ...
Quote: الامارات القامت سنة 1973م بقت احسن مننا وبي عقول وايادي سودانية
|
انت عارف لمن قلت كلمة بقت احسن مننا دي اديتني احساس انو في منافسة وكده ..ياخ يا وليد والله ماف ايييييييييييييييييي مقارنة بقت احسن مننا شديييييييييييييييييييييييييييييييييييييييييييييييييييييييييييييييييييد ياخ .. وبي ايدي سودانية دي انا مرة حضرت سهرة لي حسين خوجلي من الامارات جايب فيها الناس العملو الكهرباء والموية والبلديات وكلللهم مهندسين سودانيين .. ياخ انا سمعت انو معظم دساتير البلاد العربية واضعا حسن الترابي والبلاد دي اسة ماشة زي الورد ...
الشماعة الماديات والشماعات كتييييييييييييييييرة ...
الدليل علي تهميش هذا الجيل هو انو انت فتحت البوست ده والي الان ماف زول جا قال حاجة !!!!!!!
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
Quote: ربنا يجعل شباب السودان من الجنسين متعلمين,ومتطورين ويديهم البأس الشديد ,والقوه على تحمل أوضاعنا الحاليه ,وتجاوز أخطأنا وان يغفروا لنا هذا الخراب العظيم الذى سنتركه لهم , وأن يقيموا فى مكانه وطن كان......... ولابد ان يعود على أكتافهم. 5 |
العزيز وليد الجواب....نص المشاهده
وصل.....شك..ر..ا
انت تطرح قضايا شديدة التعقيد بأسلوب شيق وسهل وبسيط....وبعمق...طبعا الاجيال القديمه هنا وأنا منهم (بالعيين... سيخ) من العليهم...أهديك الفقره اعلاه....من بوست (مورطنى)بى غادى....والاجازه كملت... وربك...يسهل
مع الموده والاعزاز
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
اها ياوليد جيناك... قلنا ننساك لكن ما اديتنا فرصه..
اول حاجه و قبل ما نخش فى الموضوع ..دايرك تعمل حاجه..
التقمص ....
لمده اسبوع دايرك تقرا و كانك كاتب البوست..
يعنى شنو!!
مثلا تخش فى بوست عن موضوع معين و كاتبه يبدو عليه الحماسه و الايمان بما يكتب..
دايرك تقرا البوست بتاعو ده و كانك انت الكاتبو ....
يعنى تعمل مسح كامل لدماغك و تشطب منو اى حاجه قديمه...شئ يشبه التنويم المغنطيسى..
تقرا البوست و انت مخك فاضى لا يميل شمال و لا يمين...
تحاول تفهم ليه كاتب المقال متحمس و منفعل....(اكرر يجب تجنب الاحكام المسبقه)
وياريت لو قدرت "تصنع" بعض التعاطف معه...
بقدر ما تكون صادق مع نفسك بقدر ما نجحت التجربه
و كبدايه ممكن تخش بوستات دينيه (الفكر الجمهورى كمثال) سياسى ( دارفور)
بعد داك نشوف البحصل شنو
النصرى
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
الأخ وليد تحياتي بوست ممتع أعجبتني الأريحية التي كتبت بها!! أن من يكتب بمثل هذا التواضع والأدب الجم جدير بالأحترام والتقدير وانت بهذا البوست عبرت عن أفكارك بموضوعية، لا تصدق كل ما يكتب في هذا البوست ليست هذه مشكلة جيلك فحسب وإنما مشكلة كل الأجيال التي سبقتك شق طريقك في الحياة أستفتي عقلك وقلبك أما الحنكة والخبرة في الطريق الذي أخترته مسالة وقت ليس إلا كل الأجيال التي سبقت جيلك تميزت عن جيلك بالسبق الزمني ليس إلا ، لا تتردوا في ملء الفراغات التي تركتها الأجيال التي سبقتكم لأن صراع الأجيال لا يتوقف. أنت تملك فهماً متقدماًلأصل المشكلة ياوليد وهذا الفهم هو الذي يقودك للطريق الصحيح
مع تحياتي مجدداً عادل عبدالرحمن
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: adil rahman)
|
اخي الاكبر سناَ ومقاما وعقلا/ عادل عبد الرحمن
اشكرك جدا على الكلام السمح الكتبته فيني - وكل انابمافيه ينضح- والسمح ما بقول الا سمح
ونصيحتك غالية وده ما كلام بورد لانها حقيقي جات في وكت بديت فيه افقد ثقتي في نفسي
وبخصوص الاجيال وصراعها حتمية ملء الفراغات لا مفر منه وهي سنة في الحياة لا تتوقف لكن العبره حينما نصبح جميعا تاريخ ونقيم من اجيال تلينا اين سنكون انا وجيلي ؟؟ هل في الصفحات البيضاء ام الصفراء ام الصفحات الممزقة
شكرا تاني وما تنقطع نصائحكم ياها زادنا
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
.
وليد لدي قصة، وددت أن أحكيها لك، لأنها أتتني ساعة قراءتي الأولي لمكتوبك أعلاه (أقصد قلب القضية التي أثرتها)
كنا بالسنة الخامسة الإبتدائية. كنت أحب النشاط المدرسي. الكشافة جزء منه. كنت -أيضاً- لم أبلغ بعد التاسعة، وحجمي صغير. قالوا بأنهم سيذهبون بنا إلي مكانٍ ما في امدرمان (لتتويج نميري -الذي جلس علي رأس البلاد طوال أعمارنا وذاكراتنا- "كشافا أعظم").
لم ندرك التفاصيل ولماذا نميري هو الكشاف الأعظم؟ لماذا لايكون أحدا في عمرنا مثلاً، أو من مدرسة الأولاد المجاورة؟؟!! وماذا فعل نميري ليستحق ذلك اللقب؟ فبمعرفتنا المحدودة، لابد للكشاف أن يقدم مثالاً في الأخلاق الحميدة والانضباط والالتزام واحترام الآخرين/ات!!
هل كان نميري عضوا بفريق الكشافة أصلاً؟ ولماذا لم يكن يتدرب معنا إذن؟ هل يلتزم بتدريباته؟ الصباحية منها وماغير ذلك؟ هل هو فعلاً الأمثل؟
كل هذه الأسئلة دارت بأذهاننا الصغيرة.............. ولم تجد إجابات.
ككشاف مبادر، يبدو إني قد انتخبت نفسي لمهمة تقييم هذا الرجل الذي سيذهبون بنا إلي "تتويجه" في ذاك اليوم!
ذهبنا....
لا أعلم إن كان بصا مدرسيا أو بصا أصفرا أو ماذا......... المهم، نزلنا إلي ساحة كبيرة، واصطففنا. عندما وصلنا، كان الوقت صباحاً. لم يخبرني أحد بأن "الكشاف الأعظم" سوف لن يأتِ حتي السادسة مساء!!
وقفنا......................!
طوييييييييييلااااااااا!!!!!
ولم يأت الرجل!
ساقاي الواهنتان تؤلماني جداً؟ والمُدرسة تحوم لنقف "جيدا" ولا نتلوي!!
ودعتنا الشمس بعد أن ألقت تحية طويلة (أطول من ثوب أمي في ذاك الوقت) علي رؤوسنا. كنت أنظر إليها في العلا وأسألها: متي سيأتي هذا الزول الإسمه نميري؟ فتجيبني بأن أستقيم وأتحمل لظاها هي أولاً، وأن دورها الآن هو مدنا بالمزيد من أشعتها اللاهبة،، فأغمض عيوني وأسكت................
المُدَرِّسة اختفت! لا تظهر إلا لإصدار بعض الأوامر بوهن ونزق لم أحب أن أفهمه، وقتها!
سندوتشات الفطور الصباحي نفدت كصبري وقوة تحملي..............
المياه؟؟! زمزميتي -لا أعلم إن كنت أحملها أم لا- لكن أرجح بأنهم وجهونا بترك حقائبنا في مكانٍ ما. إذن، نحن هناك بلا زادٍ أو عتاد!! ماذا نفعل ياوليد؟!
الكشاف غير المنضبط لم يأتِ(؟)!!!
إنتهي اليوم بشكل أو بآخر جاء الرجل وذهب. حمدت ربي أن القدر كان رحيما بنا حيث منحنا سيارة تحملنا إلي المنزل في الساعة التاسعة مساءاً من مكان الاحتفال مباشرة. بقية الفتيات اضطررن لاستقلال ذات البص الملون للعودة إلي المدرسة، ومن ثم إلي بيوتهن - نائمات في الغالب.
قررت ألا أمنح ذلك الرجل شارة الكشافة. قراري النهائي كان: شخص لايكون رحيما بالأطفال، لا يصلح لأن يحكم بلداً
(إنتهي)
إيمان
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
الأخ وليد
لك التحية على هذا الطرح الجميل للموضوع الهادف حقا
فعلا هنالك هوة بين الاجيال مما جعل الكل يتهم الاخرين ولعل الاخ اساسى او لعله الاخ السنج قد طرح مثل هذا الطرح قبل سنوات ولكن ما زالت القضية قائمة وان كان لا يمكن اصلاح ما مضى فما هو دور الاجيال الحالية حيال الاجيال اللاحقة ..
الموضوع يحتاج لحديث كثير ولن اعدك بالعودة ولكننى اعدك بالمتابعة لان هنالك القمم الرائعة التى تفى الموضوع حقه اكثر ..
لك احترامى وودى ....
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: قرشـــو)
|
Quote: ناس الخمسينات جيل التحرر من الاستعمار.. استلموها من ناس الاربعينات القاومو الانقليز .. وسلموها لي ناس الستينات جيل بلورة الفهم السياسي السوداني .. ومفروض انو ناس الستينات يسلموها لينا نحنا ناس السبعينات .. وكان مفروض يكون التسليم والتسلم في بداية التسعينات حتى الالفين .. يعني في عز عهد الانقاذ ..
الحصل انو ما استلمنا اي عهدة عن الثقافة والاخلاق السودانية من اي زول ... لقينا الناس القدامنا .. يابره البلد .. يا محابي .. يا خايف .. يا مسجون .. ياكوز
|
وليد محمد المبارك .. نحن أتنشلنا عديل كده .... أنا أطالب بأعادة المبارة ....... دنيا أونطة .. هاتوا عمرنا ...
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
وليد يا اخوي : اها دي كمان فيها كسير تلج ؟؟؟اها عشاااااااااان العوارات دي البنية طلقانة بس طلقة واحدة ما تلاتة عشان امكن نرجعا .. اول حاجة بحيي فيك روح المثابرة والصبر عشان عايز توصل رسالة ومصر عليها ولسة بتفتش لي رد ولكن ...!!!!غايتو انا كان محلك كان زماااااااااااااااان فتحت للموضوع وقلبت في مواضيع الهشك بشك ديك وبقيتا عايرة وادوها سوط.. تاني حاجة : الموضوع اخيرا بدأ يستقطب ناس وناس من العيار التقيل لو صبروا معانا شوية حانصل لي نقطة ونعرف نحن منو وعايزين مننا شنو ؟؟؟ تالت حاجة : ما تعتب علي اي زول فينا يعني انت ما غلط وعمر الفاروق ما غلط وعلاء الدين ما غلط وبعيدا عن الاحاديث النموذجية والهلام البدو يقنعونا بيهو (اصحاب العقول النيرة )نحن صاح لاننا ما اتجاوزنا حدود الادب ودافعنا عن قبالينا وشرفنا (معليش للتخريمة دي)..دايما يا وليد في قصور فكري عند الناس ديل انو لمن تقيف مع قبيلتك (الشماليين تحديدا) بيشوفوك عنصري لكن البيدافعوا عن بعض القبائل (جنوبية وغربية) ديل ناس مدافعين عن الاخاء والسلام وووو الخ ..نحن صاح وصاح شدييييييييييييد كمان لاننا ما حصل لعبنا مهاجمين ودايما مدافعين وصدقني لو احساس انك غلط ده اتولد فيك حا تموت فيك حاجات كتييييرة !!! في حاجات فعلا بنكون فيها غلط ولمن نرووق المنقة بنلقا روحنا انفعلنا وفي دي ليك الحق لكن جوهر الموضوع صحيح شدييييييد كمان .. حاجة رابعة : من هو جيلنا ؟؟؟؟؟؟؟؟؟؟؟ يعني نحن تحديدا ياتو جيل ؟؟الجيل البدا سنة كم ؟؟؟هل اجيالنا معيارها الحكومات ؟؟(جيل الاستعمار ..جيل الازهري..جيل مايو ..جيل الانتفاضة ..جيل الانقاذ) .. هل نحن اجيال بالسنوات ؟؟(جيل الخمسينات ..جيل الستينات .جيل السبعينات ..) هل نحن جيل الافكار وايقاع الحياة ؟؟؟(عصر السرعة عصر الايقاع البطئ..) هل معيارنا للاجيال بالفن ؟؟؟(جيل الحقيبة ..جيل وردي وعثمان حسين ..جيل زيدان ومصطفي..جيل الخالدي..ام الفنانين الشباب؟؟)... سؤال محيرني وما قادر القا ليهو اجابة واجابتو اذا تحددت بنعرف منو المعانا ويكون مدافع عن جيلنا ومنو الاكبر مننا ومفروض نختوا في قفص الاتهام !!!! يعني صراحة كده هل المتداخلين هنا هم من جيلنا ؟؟؟(انا انت علاء لنا ايمان مريم ود الشيخ النصري) ام هو خليط وعلي ياتو اساس تم تحديد ده ؟؟؟؟
ياوليد مع كل الاحترام والتقدير لكن نحن اسة بنلف في حلقة مفرغة تماااااااااما الموضوع من 2004 شغال ولحدي اسة ما طلعنا بي حاجة عمنا ود الشيخ الله يديهو العافية بيقول البوست راقي لكن لحدي اسة ما رمي لينا شبكتو وورانا الحاصل !!! النصري بيقول ليك اقرا الكلام وبجي عشان اوريك ومن ديك وعييييييييييق !!!قرشو قال الموضوع جميل لكن ما بوعدكم بي الرجوع !!!! البوست ده شغالين فيهو انا وانت بس ونحن من جيل واحد (مااااااااا اظن ياخ انت راجل عجوز وبي اولادك) غايتو معناها انت بتمثل جيل زمان وانا جيل اسة ... باقي ناس البوست مشغول بالفارغة ومقدودة والمواضيع المثيرة في عناوينا ومفرغة في مضمونا !!!!!!!!! اقتراح بسييييط : حقو تعدل عنوان البوست ده وتضيف فيهو كلمة مثيرة عشان يجو يتهافتو عليهو ( جيلي انا يبول وحيدا ..) (جيلي انا عنصري لا يحب الاجناس الاخري) ..(جيلي انا والفتاة العارية ..) يالضحالة التفكير يا وليد !!!!!!!!!!!!حتي الاجيل التي تسبقنا ونري انها هي الفاهمة هذا هو مدي تفكيرهم !!!!!!!!!!!!!!!!!
الاخت ايمان : صراحة اتحفتينا بي المشاركة والقصة اللذيذة والسرد الرائع لتوصيل فكرة عن قادتنا والمواعيد وعندي تجربة زيييييي بتاعتك دي وكانت مع الرئيس عمر البشير غايتو بس قصتي الحسنة الوحيدة فيها انو تأخير الرئيس نجاني من جلد جماعي كان في المدرسة وحينها انا كنت القي في خطاب عن اطفال العالم في مجلس الشعب ...
واصلي يا ايمان وعايزين ايام الكشافة تجينا هنا في البوست ده وزكرياتا .انا بحب الكشافة شديد لكن برة برة لاني لمن ودوني ليها شردت وابيت اقعد فيها لكن كنت بحبهم شدييد التزام ادب احترام زوق ضبط ربط واييييييييييييي شي..
ياوليد : سؤال صغمبروووووووووووووتي كده : القال ليك منو رودا من جيلنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: عمر الفاروق شيخ الدين)
|
حبيبي عمر الناس بتحب بعض بالشوف.... مرات مرات بالسمع لكن ناس يحبو بعض بالكتابة دي انت وانا اول ناس نسويها
Quote: ما تعتب علي اي زول فينا يعني انت ما غلط وعمر الفاروق ما غلط وعلاء الدين ما غلط وبعيدا عن الاحاديث النموذجية والهلام البدو يقنعونا بيهو (اصحاب العقول النيرة )نحن صاح لاننا ما اتجاوزنا حدود الادب ودافعنا عن قبالينا وشرفنا (معليش للتخريمة دي)..دايما يا وليد في قصور فكري عند الناس ديل انو لمن تقيف مع قبيلتك (الشماليين تحديدا) بيشوفوك عنصري لكن البيدافعوا عن بعض القبائل (جنوبية وغربية) ديل ناس مدافعين عن الاخاء والسلام وووو الخ ..نحن صاح وصاح شدييييييييييييد كمان لاننا ما حصل لعبنا مهاجمين ودايما مدافعين وصدقني لو احساس انك غلط ده اتولد فيك حا تموت فيك حاجات كتييييرة !!! في حاجات فعلا بنكون فيها غلط ولمن نرووق المنقة بنلقا روحنا انفعلنا وفي دي ليك الحق لكن جوهر الموضوع صحيح شدييييييد كمان .. |
وصدقني انا ما قاصد جواهر المواضيع انا قاصد وسائل الطرح ومفردات الحوار والكلام ده بنطبق على انا وعليك انت وعلى علاء الدين وعلى رودا
Quote: من هو جيلنا ؟؟؟؟؟؟؟؟؟؟؟ يعني نحن تحديدا ياتو جيل ؟؟الجيل البدا سنة كم ؟؟؟هل اجيالنا معيارها الحكومات ؟؟(جيل الاستعمار ..جيل الازهري..جيل مايو ..جيل الانتفاضة ..جيل الانقاذ) .. هل نحن اجيال بالسنوات ؟؟(جيل الخمسينات ..جيل الستينات .جيل السبعينات ..) هل نحن جيل الافكار وايقاع الحياة ؟؟؟(عصر السرعة عصر الايقاع البطئ..) هل معيارنا للاجيال بالفن ؟؟؟(جيل الحقيبة ..جيل وردي وعثمان حسين ..جيل زيدان ومصطفي..جيل الخالدي..ام الفنانين الشباب؟؟)... سؤال محيرني وما قادر القا ليهو اجابة واجابتو اذا تحددت بنعرف منو المعانا ويكون مدافع عن جيلنا ومنو الاكبر مننا ومفروض نختوا في قفص الاتهام !!!! |
عليك الله يا عمر ما تلخبط لي راسي الصغير ده وتطير لي حبت الفهم الزرعتو فيه زراعة
انا هنا قاصد الفرق بالسنين وعشرة سنوات تحديدا عشان لو وديناها لي اي حاجة تاني الغلات بكتر وما بنقدر تنابع او نركز مع اعمامناالديناصورات ديل
Quote: ياوليد مع كل الاحترام والتقدير لكن نحن اسة بنلف في حلقة مفرغة تماااااااااما الموضوع من 2004 شغال ولحدي اسة ما طلعنا بي حاجة عمنا ود الشيخ الله يديهو العافية بيقول البوست راقي لكن لحدي اسة ما رمي لينا شبكتو وورانا الحاصل !!! النصري بيقول ليك اقرا الكلام وبجي عشان اوريك ومن ديك وعييييييييييق !!!قرشو قال الموضوع جميل لكن ما بوعدكم بي الرجوع !!!! البوست ده شغالين فيهو انا وانت بس ونحن من جيل واحد (مااااااااا اظن ياخ انت راجل عجوز وبي اولادك) غايتو معناها انت بتمثل جيل زمان وانا جيل اسة ... |
اصبر يا عمر في نبي راسالته كلها كان مضمونها الصبر وبس " ايوب عليه السلام" اوعك تجري تخليني
Quote: واصلي يا ايمان وعايزين ايام الكشافة تجينا هنا في البوست ده وزكرياتا .انا بحب الكشافة شديد لكن برة برة لاني لمن ودوني ليها شردت وابيت اقعد فيها لكن كنت بحبهم شدييد التزام ادب احترام زوق ضبط ربط واييييييييييييي شي.. |
والله عال شايفك بتوزع في الدعوات التقول البوست حقكك
Quote: ياوليد : سؤال صغمبروووووووووووووتي كده : القال ليك منو رودا من جيلنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
مجرد تخمين مع انو بتعارض مع فكرتي البتقول انو رودا ما شخص انما مؤسسة
لكن مالو ما احتمال انو اكون غلط قائم وكبير بتكون دي دعوه ليها ولي وليك لمراجعة انفسنا
وتسلم يا حبه
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: Hafiz Bashir)
|
الحبيب جدا حافظ بشير خليني ابدا ليك من هنا
Quote: لغاية ما أجيك المرة الجاية خليني اتساءل .. الي أي مدى نجحت الانقاذ في خلق هذا الوعي??? |
الى ابعد مدى تتصوره
لكن تحميل اللوم للانقاذ براه غلط وغلط كبير وانا شايف انو الكيزان هم زاتهم ضحايا واوريك كيف
شي طبيعي من الحصل للاخوان المسلمين في الستينات في مصر والجزائر وخلافه انو بنتج لينا ناس بالعقليات دي
المهم انو الكيزان بياخدو دورتهم وبمشو وهسع الدايره قربت تقفل المشكلة المستقبل نفس الحصل ليهم وبقاهم وحوش حصل في الجنوب وبحصل هسع في دارفور هل ياترى الحركة حا تجي بعقلية الانقاذ وناس دارفور كلامهم كيف بعد الضيم الاتعرضو ليه ده
ياها نظرية الما معانا ضدنا الولد البكر للتعزيب والتنكيل والارهاب والتني بتاعها الشك في كل شي حتى في الظل
Quote: الشي التاني انا بختلف معاك شديد في تحميل المسؤلية للاجيال القبلكم ... في عوامل كتيرة خلقت الفاصل دا ... اول العوامل دي هي بيئة الحوار الثقافي و ادواته و وسائله ... |
انا ما بحمل ولا انا نعامة دافنة راسها في قوز رملة بس بحب اوريك انو البورست انفتح لانو الناس القدامنا في البورد ده تحديدا حكموا علينا بالكوزنة وقلت الادب وضياع الممستقبل فكان الرد
Quote: طبعا هذا ليس تقريرا واقعيا و لكنه على الاقل تعبير عن طموحات الانقاذ في تشكيل عقلية الاجيال الجديدة ... و خلق وعي مرتكز على الفردية و الابتعاد عن العام ... يعني دايرين يخلو كلو زول في تولا ... |
اديك خبر سئ صدق محمد حامد جمعة لدرجة كبيرة ياحيل زمن كان الثقافة في البلد دي زي رقيف العيش وزي الهواء ياخي اخواتنا الصغار ما بتعرفن ولا فنان سوداني ولا شاعر ولا كاتب ولا قرن موسم الهجرة الى الشمال زمن مراهقتن الكان بعرفو بيها منو الدخل زمن المراهقة من الما دخلو بقرايته ليها زمان كل البعرفنو من مصر ولبنان ودول العرب والكلام ده ما للعموم لكن للجل والاكثرية اها تاني شنو بعد ده
وتسلم يا حبه
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
والله نحنا مع الطيور الما بتعرف ليها خرطه ولا في ايدا جواز سفر نمشي في كل المداين نبني عشنا بالغناوي وننثر الافراح درر والربيع يسكن جوارنا والسنابل تملا دارنا والرياحين والمطر الحبيبة تغني لينا لا هموم تسلك دروبنا ولا بلاقينا الخطر الا باكر يا حليوة لما اولادنا السمر يبقوا افراحنا البنمسح بيها احزان الزمن نمشي في كل الدروب الواسعة ديك والرواكيب الصغيرة تبقة اكبر من مدن
ايدي في ايدك نغني والله نحنا مع الطيور الما بتعرف ليها خرطه ولا في ايدا جواز سفر
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
حبيبنا ولي : كل عام وانت بي الف خير والسنة دي علي كيفك انشاء الله .. تخريمة صغيرة : قبل ما اجي السعودية لاول مرة وانا خلاص بجهز للسفر قابلتني احد زميلات دراسة الجامعة وانا شايل شنطة( المغتربين) الصغيرونة ديك وعايش الدور قالت لي اها يا عمر صحي نات مسافر السعودية ؟؟؟ قلت ليها اي والله خلاص بقيت ( الطير المهاجر) ...قالت لي والله يا عمر (الطير ) دي في ..لكن مهاجر دي جديدة عليك .. رجعنالك : المدخل ده قلت ليك بي مناسبة نحن بقينا مع (الطيور) لكن ياتو طيور ؟؟؟؟؟ ياخوي نحن قررنا انشاء الله انو جيلنا ده يكون جيل المستحيلات .وأول تجربة نجحت انو من المستحيل انو ناس تحب بعض بي الكتابة واهو جيلنا حققا هنا وفيي بوستك ده طالما حصرنا الاجيال بالمراحل السنية وتحديدا عشرة سنوات لي ورا بقول ليك اكبر مشكلة واجهت جيلنا واتفق عليها الجميع هي مشكلة الاضمحلال الثقافي (بي المناسبة اضمحلال دي لحدي اسة انا ما عارف معناها بي الضبط بس حاسي بيها كلمة كعبة )..وده مرجعيتو الاولي هي سلمنا التعليمي الاصبح كلللللو حشو ومواد تعليمية بحتة اضافة لتعريب الجامعات وامكن نحن اتناولنا موضوع الجامعات ده قبل كده .. لا زلت اكرر يا وليد انو في وضع طبيعي انو كل جيل بيشوف الجيل البعدو جيل فارغ ودليلي علي كده كلامك حول انو اخواتنا الصغار ما قرو موسم الهجرة للشمال وما عارفين اسماء الفنانين السودانين لاحظ ممكن بعد كده ومن الطبيعي تجي واحدة من اخوات الصغار وتقول ليك والله جيلكم ده ما قدم لينا ايييييي شي تتوقع جوابك حا يكون شنو ؟؟؟؟ ده ما بيعفي الاجيال القبلنا من المسئولية واغلبهم كانت بترسخ عندو فكرة الغربة والكان بيشوفا الطريق القصييير لي تحقيق الاهداف وبدأو بترسيخ مفاهيم عجيبة وغريبة عن جيلنا .. التربية الوطنية هي العامل الاكبر في تواتر الاجيال بالوتيرة الواحدة لانو حا يكون في قيم وثوابت ما ممكن تتغير بتغير الحكام وليست مصر عننا ببعيدة .. الوضع السياسي وحده غير كفيل بتغيير جيل كامل فحسني مبارك يحك مصر من سنة اس وما حايفكها الا لي سيدنا عيسي والامور ماشة عنده والاجيال لسة بتسلم بعض راية حرب النكسة واكتوبر ووووووو ... الاجيال السابقة لينا ادتنا احساس انو الثقافة والتفتح الزهني متوفر فقط بانضمامك لاحد الاحزاب وتحديدا لمن تكون شيوعي غير كده انت ما مثقف..وده الخلانا بنكوس للتحزب كواسة عشان يقولو مثقفين وعندنا قضية !!!!!! كل الاجيال السابقة ديدنها واااااااااااااااااااااااحد : " ياحليل زماااااااااااان يا اولادي ..هو انتو شفتو شي؟؟؟انتو جيتو في الزمن الضايع !!) كل الاجيال السابقة سياستها تجاه هذا الجيل سياسة المعاقبة والتفريط في راية هم سلمونا لها مرفوعة علي الرغم من انهم سلمونا الراية وهي منكسة ... القليل والقليل فقط من بني وطني اللذين همهم ان يروا الاجيال القادمة (ليس مهم جيلهم هم) المهم الاجيال القادمة ان يروها مزدهرة متقدمة مدركة واعية ... كل جيل عايز يحصد هو ما زرع وما عايز يحس انو تعبو هو وجو البعدو لقوها باااااااااااردة ...عايز يشوف السودان عمارات ..عايز يشوف المواصلات بقت رخيييصة ..عايز هو يركب العربية ..عايز عايز عايز
حا اضرب ليك مثال بسيييييط يا وليد وياريت تلاحظ ليهو وانا متاكد ممكن حاصل معاك : ابهاتنا الله يديهم العافية لمن جو البلد دي (الخرطوم) كانت الخرطوم دي خلا والواحد ممكن يسكن في 2000 متر ويسوور قدر ما هو عايز ويبني احسن بنا لكن للاسف اكتفو بي بيت واااااااااحد ليهو ولي اولادو في حين انو كان ممكن البيت الواحد يكونو عشرة بيوت وكل واحد من اولادو يكون عندو بيت ..كان ممكن يبني بي الطوب الاحمر واحسن بنا لكن للاسف ما فكروا في كده ..لسة عندنا مفهوم انو الولد لازم يشقا ويتعب (ودي مافيها اختلاف) لكن تطبيقهم ليها كان غلط !!!!يعين ما عايزنك تلقاها باااااااااردة وما كان عندهم حتي قراية للمستقبل !!! شوف جيلنا الليلة بيفكر كيف؟؟؟بالله عليك يا وليد خطتك الاسكانية الطلعت ليك بعد خراج روح دي(لقيتني كيف مزاكر مش؟) مش همك انك تعمل ليك معاها قطعتين تانيات عشان ولدك وبتك (بتك طبعا اهم عشانا انا اجي جاااااااااهز زول سكن بس ..)شوف كيف بقيت تفكر عشان ما اولادك يشقوا ويتعبوا ..بقيت تقرا المستقبل ولكن الجيل القبلنا ؟؟؟؟؟؟؟؟؟؟
يا مان كفاك كده وبجيك انشاء الله كان ربنا مدي في العمر... ما تديو ..دفعت ليك ..
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: عمر الفاروق شيخ الدين)
|
ده يا عمر يا حبيبي كلام كتبته في موضوع مجرد سؤال: هل هنالك ما يدعو للحوار مع الإسلاميين؟؟؟
الفتحه ابو امنه وانا استاذنه لنقل هذا جزء من الحوار واعتقد انه يتفق مع ما كتبت يا عمر
حسنا ساتحدث عن المرحلة التي نحن فيها الآن ... وساعتبر السوال محددا في هذه الفترة... كما ساخذ من كلمة الاسلاميين الواسعة جزيئة( الجبهة الاسلامية – الكيزان – المؤتمرين الشعبي والوطني- )
اما الحديث المطلق عن الزمان والمكان والصفة المعنية – اسلاميين- سيكون الحديث عنها في حينها وحسب متطلبات النقاش
يتبادر الى ذهني بعد مطالعتي لردك المستفيض اسئلة وهي :
ما هي جدوى الحوار مع الآخر؟؟؟ .. ايا كان هذا الآخر وهل يجب ان اجنى ثمرة حواري مع الآخر بصورة انية ؟؟ وهل لزاما على ان يكون حواري مع اخر المقصود منه هذا الاخرتحديداً؟؟؟
وانا اجيبك من فهمي وفلسفتي لجدوى النقاش مع الآخر
من اكبر مشاكل السياسي السودانى او الفرد السوداني او المفكرالسوداني ، وهي السبب الاساسي والرئيسي لما الت اليه دولتنا من جمود .... هو التفكير المحدود بالزمان الذي نعيش فيه والشخوص الذين نعيش معهم دونما استصحاب للمستقبل البعيد والقريب في مخطاطنا .... ويكون التفكير هكذا مبررا عند التخطيط على المستوى الشخصي او مستوى الاسرة الصغيرة .... ولابد ان تتسع مساحة التفكير في المستقبل كلما كبرت دائرة من نخطط لهم ...
وهذا ما لايفعلة السياسي والمفكر والفرد السوداني ...
يفكر السياسي السوداني ويخطط كما يخطط لنفسه ولاسرته الصغيرة ... ويرجو ثمرة تفكيره وتخطيطه بصورة انية وسريعة ومحصورة بالزمان الذي يعيشة... ولو تخطت نتائج تخطيطه حدود زمانه ... يكون مصير هذا المخطط التأجيل ...
هذا اولا
ثانيا ان ربط الفائدة من الحوار مع الاخر(الاسلاميين) ... بنتيجة تكون هى تغيير مفاهيم هذا الاخرفقط ... خطأ اخر يقع فيه المفكر السوداني ... لم يدربخلد ايا منا ... ان حوالى هذا الحوار يحلق الاف الافراد .. في انتظار ما يسفر عنه هذا الحوار ... وجل هؤلا واقفين في منطقة الوسط ... ومغبية عنهم الكثير من الحقائق ... ومزيفة لهم الكثير من المفاهيم ... ولن تظهر هذه الحقائق ... او توضح هذه المفاهيم .. الا عن طريق الحوار ... والحوار فقط ... اي انك بالحوار مع الآخر(الاسلاميين) .. ومع احتمال ان يثمر حوارك معه في تغيير مفاهيم لديه او لديك ... لابد من الاستصحاب في مخيلتك ان هنالك اشخاص اخرين لايشاركون في الحوار ... لكن ينتظرون نتائجة ... والتي هم من يستخلصونها من حواركم .... لكي يميلوا بفكرهم في اتجاه المقنع منكم ..
وبربط اولا مع ثانيا اي ان الحوار مع الاخر(الاسلاميين) ليس مقصود به الاسلاميين بالدرجة الاولى وانما المقصود به من هم في المسطبة الشعبية من جماهير تتابع الحوار.. بل ليس المقصود هذه الجماهير التي تتابع وتشاهد بصورة اناية مجريات الحوار بينكم تحديداً ... فهؤلا امكانية تغيرهم الواقع الاني ضعبفة ان لم تكن معدومة ... وتكون الفائدة عظيمة ان خرجوا بافكار واضحة وجلية وحقائق مؤكده يملكونها لمن يليهم .. ليتكون راي سلبي او ائجابي فيكم او فيمن تحاورون يتراكم على المدى الزمني القريب والبعيد ... او الخروج بمفاهيم ومستخلصات من هذا الحوارغير التي تتحاورون حولها وتكون هي الصحيحة والمستفاد منها ...
يظل الحوار هو السيبل الوحيد لشرح الافكار والغوص في تلافيف العقول وتوضيح المبهم والمغيب والمغلوط من مفاهيم .... وبدونه يظل الحال كما هو علية وان بدلت الادوار
نعم العقلية السودانية عقلية تخطط للمستقبل القريب ان لم يكن تخطيطها للحاضر المعاش فقط
وهذا هو سبب ما نحن فيه من ضياع
الله يسامحهم عاشو عيشة حلو وخططو لي روحهم بس ولي زمنهم بس
عشان كده كلامهم صاح هم عاشو زمن حلو ونحنا جينا في زمن ضائع
من هو السبب في هذا ؟؟؟؟؟؟؟؟؟
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
Quote: حسنا ساتحدث عن المرحلة التي نحن فيها الآن ... وساعتبر السوال محددا في هذه الفترة... كما ساخذ من كلمة الاسلاميين الواسعة جزيئة( الجبهة الاسلامية – الكيزان – المؤتمرين الشعبي والوطني- )
اما الحديث المطلق عن الزمان والمكان والصفة المعنية – اسلاميين- سيكون الحديث عنها في حينها وحسب متطلبات النقاش
يتبادر الى ذهني بعد مطالعتي لردك المستفيض اسئلة وهي :
ما هي جدوى الحوار مع الآخر؟؟؟ .. ايا كان هذا الآخر وهل يجب ان اجنى ثمرة حواري مع الآخر بصورة انية ؟؟ وهل لزاما على ان يكون حواري مع اخر المقصود منه هذا الاخرتحديداً؟؟؟
وانا اجيبك من فهمي وفلسفتي لجدوى النقاش مع الآخر
من اكبر مشاكل السياسي السودانى او الفرد السوداني او المفكرالسوداني ، وهي السبب الاساسي والرئيسي لما الت اليه دولتنا من جمود .... هو التفكير المحدود بالزمان الذي نعيش فيه والشخوص الذين نعيش معهم دونما استصحاب للمستقبل البعيد والقريب في مخطاطنا .... ويكون التفكير هكذا مبررا عند التخطيط على المستوى الشخصي او مستوى الاسرة الصغيرة .... ولابد ان تتسع مساحة التفكير في المستقبل كلما كبرت دائرة من نخطط لهم ...
وهذا ما لايفعلة السياسي والمفكر والفرد السوداني ...
يفكر السياسي السوداني ويخطط كما يخطط لنفسه ولاسرته الصغيرة ... ويرجو ثمرة تفكيره وتخطيطه بصورة انية وسريعة ومحصورة بالزمان الذي يعيشة... ولو تخطت نتائج تخطيطه حدود زمانه ... يكون مصير هذا المخطط التأجيل ...
هذا اولا
ثانيا ان ربط الفائدة من الحوار مع الاخر(الاسلاميين) ... بنتيجة تكون هى تغيير مفاهيم هذا الاخرفقط ... خطأ اخر يقع فيه المفكر السوداني ... لم يدربخلد ايا منا ... ان حوالى هذا الحوار يحلق الاف الافراد .. في انتظار ما يسفر عنه هذا الحوار ... وجل هؤلا واقفين في منطقة الوسط ... ومغبية عنهم الكثير من الحقائق ... ومزيفة لهم الكثير من المفاهيم ... ولن تظهر هذه الحقائق ... او توضح هذه المفاهيم .. الا عن طريق الحوار ... والحوار فقط ... اي انك بالحوار مع الآخر(الاسلاميين) .. ومع احتمال ان يثمر حوارك معه في تغيير مفاهيم لديه او لديك ... لابد من الاستصحاب في مخيلتك ان هنالك اشخاص اخرين لايشاركون في الحوار ... لكن ينتظرون نتائجة ... والتي هم من يستخلصونها من حواركم .... لكي يميلوا بفكرهم في اتجاه المقنع منكم ..
وبربط اولا مع ثانيا اي ان الحوار مع الاخر(الاسلاميين) ليس مقصود به الاسلاميين بالدرجة الاولى وانما المقصود به من هم في المسطبة الشعبية من جماهير تتابع الحوار.. بل ليس المقصود هذه الجماهير التي تتابع وتشاهد بصورة اناية مجريات الحوار بينكم تحديداً ... فهؤلا امكانية تغيرهم الواقع الاني ضعبفة ان لم تكن معدومة ... وتكون الفائدة عظيمة ان خرجوا بافكار واضحة وجلية وحقائق مؤكده يملكونها لمن يليهم .. ليتكون راي سلبي او ائجابي فيكم او فيمن تحاورون يتراكم على المدى الزمني القريب والبعيد ... او الخروج بمفاهيم ومستخلصات من هذا الحوارغير التي تتحاورون حولها وتكون هي الصحيحة والمستفاد منها ...
يظل الحوار هو السيبل الوحيد لشرح الافكار والغوص في تلافيف العقول وتوضيح المبهم والمغيب والمغلوط من مفاهيم .... وبدونه يظل الحال كما هو علية وان بدلت الادوار
|
هييييييييييييييييع تراكا ما هين والله يا وليد ..ده كلللو طلع من نافوخك ده ؟؟؟ والله انا قلت الجنا ده الطاقية الفوق رويسو دي خاتيها فوق راي .. طالما في زول من جيلنا بيتكلم كلام زي ده انشاء الله الحبببببة ما بتجينا .. ابقا مارق ...
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: عمر الفاروق شيخ الدين)
|
حبيبي عمر
Quote: هييييييييييييييييع تراكا ما هين والله يا وليد ..ده كلللو طلع من نافوخك ده ؟؟؟ والله انا قلت الجنا ده الطاقية الفوق رويسو دي خاتيها فوق راي .. طالما في زول من جيلنا بيتكلم كلام زي ده انشاء الله الحبببببة ما بتجينا .. ابقا مارق ... |
ابدا والله يا حبه اخوك فهمو نص نص ومتاكد تماما انو في جيلي في ناس عقولهم كبيره وكبيره جدا بس ما لاقين فرصة
اها بعد العيد حا ندور بالتركيز على عل حاجة براها يعني الثقافة براها والرياضة براها والسياسية براها
ونشوف شنو اللينا وشنو العلينا وقالو الحساب ولد لكن بي ادب واحترام
انكرب وشد الحيل
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
Quote: علاء الدين الظلامي العنصري |
وليد الإتنين ما كتيرات
بعدين ياخي لقدام دي تقولة أسي يجيك ود الشيخ يقول ليك أمشي قدامي
وليد شايف الجيل القديم متغاظ من جيلنا "سادوا ثم بادوا" و آخر سلاح قذر بدأوا يستخدموهو ضدنا هو ضرب الأسافين "نظرية الطائفية الولت" بيننا انا غايتو قلت ليهم دي نظرية فاشلة معانا لأنو نحن ما عرفنا بعض حتى إتنظمنا عشان ننظم كلامنا لكن كلامنا هو العرفنا ببعض و نظمنا و خلانا نتكلم بقلب واحد خايف على مصلحة سودان واحد من عدو واحد هو المفككين و المخربين. أهة إنت بتقول ليهم شنو شنو؟
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: وليد محمد المبارك)
|
الاعز وليد سلامات ..... متابع معاك من مدة لكن القلم ليهو رافع.
في ملاحظة بسيطة إنو أي زول من الجيل السابق تتكلم معاهو حول الموضوع ده أول حاجة بقولها ليك حليل زمان وده دلالة عن الفشل لأنو الحنين للماضي هو هروب من الواقع ما علينا في سؤال أساسي لي أي مهتم بالشأن السوداني هل الجبهة الاسلامية هي الازمة أم هي نتاج لأزمات سابقة؟ السؤال ده كان ومازال هو السؤال المحوري بالنسبة لي نقاشنا داخل الجامعات, وصراحة الجبهة الاسلامية دي لا جات واقعة من السماء ولا إنشقت عنها الارض هي نتاج لي بيئة ثقافية وإجتماعية سائدة طيلة الزمان البحنوا ليهو ده وعلي هذا الاساس زمانم ده لا حليلو لا حاجة وربنا لا عادو لأنو ممكن يطلع ماهو أسوأ من الجبهة الاسلامية, ولحدي يوم اللحظة بيستفزني سؤال الاديب الطيب صالح من أين أتي هؤلاء ؟ فقد أتي هؤلاء لأن مثقفينا وسياسينا لم يقوموا بدورهم كاملا أتي هؤلاء لأنكم إخترتم طريق الصمت حيال القضايا الماثلة وفي معظم الاحيان الأحيان التواطؤ. في حاجة تانية ونحن في الجامعة كنت ومازالت (مؤتمر طلاب مستقلين) كان كل مشكلة التنظيمات السياسية معانا إنو نحنا ما عندنا كبير وكبراً متل كبر الناس ده مادايرنو. حاجة تالتة إنو الطبيعي في التطور إنو اللاحق متقدم علي السابق بإعتبار إنو أخد تجربة السابق وأضاف ليها تجربتو وعشان ده يتم كان لابد من مانسميه عندنا تواصل الاجيال.
بجي راجع وقت الله يرفع القلم
| |
|
|
|
|
|
|
Re: جيلي انا .. يحيا وحيدا .. يقاتل وحيدا .. ويموت وحيدا.. متابعة في السنة الجديدة (Re: بشري الطيب)
|
عدت اليك صديقي بشرى الطيب
Quote: في سؤال أساسي لي أي مهتم بالشأن السوداني هل الجبهة الاسلامية هي الازمة أم هي نتاج لأزمات سابقة؟ السؤال ده كان ومازال هو السؤال المحوري بالنسبة لي نقاشنا داخل الجامعات, وصراحة الجبهة الاسلامية دي لا جات واقعة من السماء ولا إنشقت عنها الارض هي نتاج لي بيئة ثقافية وإجتماعية سائدة طيلة الزمان البحنوا ليهو ده وعلي هذا الاساس زمانم ده لا حليلو لا حاجة وربنا لا عادو لأنو ممكن يطلع ماهو أسوأ من الجبهة الاسلامية, ولحدي يوم اللحظة بيستفزني سؤال الاديب الطيب صالح من أين أتي هؤلاء ؟ فقد أتي هؤلاء لأن مثقفينا وسياسينا لم يقوموا بدورهم كاملا أتي هؤلاء لأنكم إخترتم طريق الصمت حيال القضايا الماثلة وفي معظم الاحيان الأحيان التواطؤ.
|
ياخي الكلام الفوق ده مهم جدا ارجو من الاجيال التي سبقتنا الرد ان امكن ذلك ؟؟ فهذه النقطة كما يقولون محورية وهامة
وتشكر بشرى لقد دفعت بالنقاش خطوات الى الامام عسى ولعل نجد من يجيب على سؤالك المهم
| |
|
|
|
|
|
|
خيبات وجرجرة احلام (Re: وليد محمد المبارك)
|
اخي الحبيب الوليد ليس جيلكم وحده كل الاجيال تحس هكذا احساس ليس لان ثمة صراع انما لانه توجد ثمة فجوات بين الاجيال سلالت والدى لماذا تتحسرون على "ايام زمان"هل كانت افضل من الان؟؟ فاجابنى ربما لا و لكن لانها اضحت جزءا من ذاكرة و بعض حلم هى جميلة و ربما لان الناس "كانوا ابرأ من حسة" لو نظرنا الى القصص القرآني لوجدنا كل ما يحدث فى عصرنا هذا يا وليد من سلبيات مذكورة فى القرآن اضافة لكل نوازع النفس البشرية ضعفها زللها انحرافها انجرافها انانيتها الخ هذا يعنى ان ما يجري فى العصر الحالي ليس حصريا اكسكلوسيف ""للزمن دة""هل زاد عن الامس؟؟هل اضحى ظاهرة؟؟ هذا هو السؤال وهنا يكمن التفكر الاجيال منذ الاستقلال و حتى الان تعيش غربات مختلفة الاشكال جيل الاستقلال بحلمه الكبير اجيال ما بعد الاستقلال كل يغنى على ليلاه! هل نقسم الاجيال زمنيا"حقبة حقبة" او انماط تفكيرية "متسقة و متوائمة متخطية حواجز التباين العمرى ام "الخيبات المتواترة" ام الارث العكر ممن سبقوهم؟؟لا يعنى حديثي تحميل الاجيال تلك الويلات كاملة و لكن الاخفاق احال غربة كل الاجيال امناطق التقاء و عوامل مشتركة فاضحت نتيجة الخيبات المشتركة :لا تحيا و حيدة ولا تقاتل وحيدة و حتى مواتها جماعى/عرس!تجرجر احلامها على ارصفة لا قرار لهاوانَى لها القرار؟؟؟؟!!!!! محبتى لك
| |
|
|
|
|
|
|
Re: خيبات وجرجرة احلام (Re: وليد محمد المبارك)
|
وليد00 يا صديق النبض قف 00 وارسل سلامى فى حضرت من تجدهم برغم جراحهم يقفون يلتقطون انفاسهم من وسط الزحام00 قطعة قطعه لكى يقسمونها الى الاتين فى وجع الطريق 00 يشطرونها لكى تبدو لنا الدنيا اجمل00 انه الفقد هذا الشتاء الوحيد وها انذ ا واقف كالاله المريض اسرب انيه الوقت ارشح بالموت والاتزان وبدينا من جديد اناستنيتك خلف خطاك وعشان عارفني بستناك ابيت ميعادنا توفيه انامتكتف بيك ومشربك كنته متاكد .... حتمطر املاني غيم واتربع يمكن يتغفر الجواى حمى الكلام منك 00 انها الحسد من السماء لمنافسة ذاك الاله عندما ..... لقيتك فى السما نجمه وناجيتك وماحنيت كيف الحال لمن رجعى برهة ذاك الصديق
.................... واذا عادت بنا الايام للماضى000
ركن نقاش رساله بمناسبه راس السنه لتروتسكي والاصدقاء والي اللقاء
| |
|
|
|
|
|
|
|