|
|
 Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
اخي احمد حنين
ليس دفاعا عن السفارة
ولكن عن موضوعك عن افطار السفارة
فلقد كنت حاضرا الاحتفال
وهو افطار جماعي سنوي متزامن مع امتفال جميعة القران الكريم بتكريم حفظة القران الكريم
اما عن الاكل والشرب فكنت اتمنى ان تكون حضارا لشتهد هذا الاكل والشرب وعلى كل حال مشكورة السفارة على برنامجها السنوي هذا والذي لن تلقيه بناء على توجيهات من سعادة السيد أحمد حنين ولن تتوقف مسابقات القران الكريم بناء على توجيهاتكم .
المهم في الموضوع قبل طرحه هو ان تتأكد بكل دقة عن نوعية الاكل والمصاريف التي دفعت فيه قبل الدلو بدلوك ويبدو ان دلوك اصبح معتادا ولا غرابة فيه ( راجع بوست سابق يخصكم )
صلاح غريبة
مشارك في افطار السفارة السودانية بالرياض
| |
 
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: Alshafea Ibrahim)
|
الاخ صلاح غريبة....
ما هكذا عهدنا بابناء كردفان وقد علمونا كيف يوردون ابلهم فهى تشرب صافى مو عكر
وهم دوما قدام فى الحق...ولا داعى لتسيس الموضوع ...فنحن امام حقوق تضيع واصحابها
يتفرجون...والساكت عن الحق شيطان أخرس....
ولن ندخل فى معارك جانبية بسبب افطار السفارة وننجرف وراء ذلك ونهمل القضية الاساسية
وانا واثق بانك يا غريبة معنا قلبا وقالبا...
لنرفع اكفنا بالدعاء فى شهر الاستجابة بتوفيق مسعانا لاعادة حقوقنا المسلوبة...
ولنرفع هذا البوست عاليا كهمم رواده....
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
الأخت الكريمة الدكتورة مهيرة
والاخوة أعضاء اللجنة القانونية
وصلني عدداً مصوراً من صحيفة الخبر من لدن أخينا الصحفي ميرغني محمد الحسـن وهي تبرز عدة موضوعات متعلقة بقانون شئون المغتربين ومقابلة مع السيد عبد الرحمن عبد اللطيف رئيس رابطة أبناء دنقلا يتناول فيها موضـوع ضرائب المغتربين ومعاناتهم مع كافة قضـاياهـم العادلـة وما تمخـض عنه مؤتمرالمغتربين الأخيـر من قرارات.
سأوصلها لكم لتنظروا في قضية نشرها والأخوان على متابعة كاملة ووافية لمجريات القضية
لكم خالص تحياتي.
أحمـد الشايقي
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
الأخت العزيزة د. مهيرة وجميع المشاركين
كل عام و أنتم بخير
علينا مواصلة هذا الحملة المشروعة و لدي قناعة بأن العمل الاعلامي و التعبوي لايقل أهمية عن العمل القانوني و الذي يبدو أنه مرتبط بتشكيل المحكمة الدستورية الجديدة .. و أخص هنااللجنة التي بدأت في المنطقة الشرقية والتي عليها مواصلة مابدأ و تطويره لاستيعاب أكبر الطاقات وايجاد آليات ووسائل يمكن من خلالها التعبير عن مطالب المغتربين ولو بدأت باشكال بسيطة , فمثلا يمكن رفع مذكرات لجهاز المغتربين عن طريق السفارة و كذلك يمكن تنظيم فعاليات لتوضيح عدم دستورية قانون الضرائب و ذلك لتجمعات السودانيين المختلفة ... و أقترح علي لجنة الشرقية العمل علي انزال حملة التوقيعات من " الاسفير" الي الأرض و العمل علي جعل أكبر قاعدة من المغتربين توقع علي ذلك .. المقترحات كثيرة و قد نحتاج الي لقاء أخر بعد العيد مباشرة ..
وكل عام و الجميع بخير
تحياتي
خالد
| |
|
|
|
|
|
|
|
|
 Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
الأخت العزيزة مهيرة حياك الله وتقبل صيامك وصيام وقيام جميع المسلمين المؤمنين حقيقة قولاً وفعلاً وعندي سؤال وجيه: هل حكومة السودان زكاة البترول ؟ وهل تدفع شركات الحكومة زكاتها وضرائبها لديواني الزكاة والضرائب وماذا عن صندوق دعم الطلاب الذي يعد خارج رقابة وزارة المالية والمراجع العام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثانياً : لنا في الأخوة المصريين المثل والقدوة إذ استطاعوا أن يرفعوا دعوى ضد الحكومة المصرية بعد قانونية الضريبة على المغترب واستردوا المبالغ التي أخذتها الحكومة وبأثر رجعي !!! لكن في السودان كما تعلموا أن القضاء فاسد ومرتش وغير نزيه وعشمكم في كسب القضية كعشم عبدالرحمن الحلاوي بأنفصال الحلاوين عن بقية السودان
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: عبدالرحمن الحلاوي)
|
الاخت دكتورة مهيرة الاخوة الزملاء اعضاء البورد
الاخ عبد الرحمن حلاوي
افو كلامك ما ياهو وما خلت ايا من سلالة ود حبوبة ينقطع عشمه وتلين قناته عند الاحن والمحن فاين هو الان البطل ود حبوبة الذى عشمه ان يدحر المستعمر حتى هلك . فالعبره يا عزيزى ليست بالنتيجة وانما بالمواقف . فما سجله جدك الحبوب ظل شرفا وفخرا لنا جميعا لا سيما عندما طالب المستعمر بارسال ملابسه ( .......) لبنات عمه .
اى زول الا انت يا ود الحبوب ما بنقبل منك التراجع .
لك ودى
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: الطيب شيقوق)
|
الأخوة الأعزاء الكرام
تحية طيبة وبعد
ما قصدت أن اثبط الهمم ولا أن أقلل من الجهد الذي يقوم به الأخوان من أجل كسب الدعوى المرفوعة ضد ديوان الضرائب وديوان الزكاة وجهاز العاملين بالخارج ففي ظل النظام الحالي لا يمكن بل من المستحيلات ولكن إذا أوجدنا نظاماً ديمقراطياً بإمكاننا أن نصل لنتيجة وإليكم جزء من لقاء تاج المهدي مدير الجهاز لعلمكم معظم العاملين في الجهاز من قرى التضامن والفجيجة مسقط السيد مدير الجهاز 90% والباقي هجين من المندهشين والتبع
--------------------------------------------------------------------------------
الأمين العام لجهاز تنظيم شؤون السودانيين العاملين بالخارج / المهندس تاج الدين المهدى
المهندس تاج الدين المهدى محمد
الأمين العام لجهاز تنظيم شؤون السودانيين العاملين بالخارج
منتديات النيلين ترحب بضيفها الكريم :المهندس تاج الدين المهدى محمد / الأمين العام لجهاز تنظيم شؤون السودانيين العاملين بالخارج .. والفرصة متاحة الآن لأعضاء المنتديات الكرام بتوجيه الأسئلة والمداخلات والإستفسارت عبر هذه المساحة فيما يتعلق بالمغتربين، وسيتم نشر الإجابات عقب توجيه الأسئلة ، إضافةً لبث المقابلة بالفيديو عبر تلفزيون النيلين ووضع الرابط بالمنتدى ..
ضوابط الحوار
- فترة إستقبال الأسئلة: من الثلاثاء 15/3/2005م .. إلى .. السبت 19/3/2005م
- الإلتزام بتوجيه عدد لا يزيد عن سؤالين فقط لكل عضو .
- عدم تكرار الأسئلة المطروحة .
- الإلتزام بضوابط المشاركة في منتديات النيلين.
بوادري 03-15-2005 05:39 PM
--------------------------------------------------------------------------------
بسم الله الرحمن الرحيم
مرحب بيك معنا في البيت الكبير ( النيلين ) كما يحلو لي ذلك
واتمني لك التوفيق في حياتك العامة
مجدد مرحب بيك
سؤالي
الا ترون بان هذه الضرائب ثقيلة علي المغتربيين
سؤالي
هل تتابعون السودانين في الخارج وتقومون بحلول مشاكلهم
ومرحب بيك في البيت الكبير النيلين
ولك ودي واحترامي
ابنك بوادري
رد المهندس
نشكره علي هذه الأسئلة أولاً وكما تفضلت هو يسأل هذا السؤال عن كثير من الأخوة السودانيين العاملين بالخارج وأنا اريد ان أقول معلومة لا بد من ذكرها في البداية ان مسألة الضرائب هذه بدأت في عهد نميري سنة 81 وكانت 10% من الراتب ثم توقفت في فترة وجاء مؤتمر المغتربين سنة 1998م وفي عهد الجزولي دفع الله وتنادوا كل الأخوة المغتربين في هذا المؤتمر وكانوا متحمسين لدعم السودان في الحقيقة وقالوا ترجع هذه الضرائب لكن كمساهمة وطنية لدعم كل السودان في مشاريع التنمية والبناء في السودان وبعد كده بدأ الناس تفكر في كيفية أخذها بطريقة عملية لأنهم استرجعوا فترة نسبة 10% وكان في جوانب عملية في هذه النسبة لانو كان في إشكال لتحديد الرواتب نفسها ربطت بالوظيفة الفئات الوظيفية العامل والموظف والمهني وغيرهم من الوظائف المعروف للمساهمة الوطنية لكن… الحقيقة مع تغير الظروف الاغتراب يعني والأحوال التي يعيشها المغتربون في الخارج وتأثر معظم الدول المضيفة للمغتربين بحروب الخليج المتتالية وأصبحت المساهمة الوطنية تشكل هاجس بالنسبة للأخوة المغتربين خاصة الشرائح الضعيفة منهم ولكن في جهاز شئون السودانيين العاملين بالخارج إستشعرنا هذا الأمر وحقيقة تناقشت هذه المسألة معهم في مؤتمر المغتربين الثالث ومؤتمر المغتربين الرابع بناءاً علي توصياتهم قمنا بالتعاون والتنسيق مع أخوانا في ديوان الضرائب ووزراة المالية قمنا بكثير من التخفيضات يمكن خلال 94 وحتى الآن أجريت دورتين للتخطيط مافي داعي للتفاصيل ولكن أنا أقول كنسب العامل كنت مثلاً 50% الموظفين، 30% وما فوق الموظفين كانت 25% هذا بالإضافة لمعالجات أخري يعني خاصة الناس الكان عندهم متراكمات يعني أمكن الناس أسقطوا عنهم 1/3 وجددوا لهم بقية المبلغ بأقساط حسب مقدرتهم يعني ليس في ذلك فقط إنما تمت معالجات في بعض الحالات، حالات المرض المستعصي بإعفاء كامل يعني إذا كان لا سمح الله يعني فشل كلوي أو قلب أو سرطان حمانا الله وآياكم وحمي كل المغتربين من هذه الأمراض الصعبة سواء كان هو أو أقرباءهم بالإضافة الي إعفاء كامل للأرامل من النساء أستمر أسلوب العمل فترة في هذه التخفيضات وعدنا مرة أخري تاني عملنا تخفيضات خاصة لشريحة الموظفين ومعالجات خاصة في بعض الدول –الدول الأفريقية والأخوة العاملين في ليبيا والأخوة العاملين في دول الازدواج الضريبي ديل حصلت ليهم معالجات والآن بناءاً علي توصيات جاءت مؤخراً من سفارات والجاليات في الأسبوعين الماضيين عملنا دورات تخفيضات جديدة ويعني اصطحبنا فيها كل الظروف الذكرها أخونا قبل شويه وانشاءالله الآن أمام الجهات المختصة إنشاء الله يوافقوا عليها وتعلن للجمهور.
* المتابعة والله نحن باستمرار بنتابع أحوالهم ممكن تسألوا تقولوا بنتابعهم كيف حقيقة عندنا اكثر من وسيلة لهذه المتابعة… أولاً عندنا تقارير منتظمة بتجي من السفارات بخصوص الآليات وتقارير بتجي من الجاليات والتقارير التي تأتي كذلك من الجمعيات والروابط في جميعات مهنية كثيرة جداً ودي من توصيات مؤتمر المغتربين الرابع إن الناس يشجعوا قيام المؤتمرات المهنية وجمعيات الأطباء البياطرة، المهندسين الزراعيين المعلمين أساتذة الجامعات برضو بتجي منهم تقارير وملاحظات أيضاً في بعض المسئولين البمشو في مهام رسمية لبعض دول الاغتراب بيحرصوا وأنا بحمد في أخوانا المسؤولين خاصة علي مستوي الوزراء وحتى علي مستوي رئيس الجمهورية والنائب الأول ما من دولة فيها مغتربين إلا يطلبوا من السفارة لقاء مع المغتربين والجالية السودانية ويستمعوا ليهم ومجرد وصولهم بينقلوا لينا ملاحظاتهم وإذا كان عندهم توصية بالمعالجات بيدونا هذه التوصيات بالإضافة لجولاتنا نحن جهاز المغتربين بنعمل جولات سنوية يعني ميدانية لإخواننا المغتربين نسمع ليهم نعرف أحوالهم لمن نرجع طوالي بنعمل المعالجات مع الجهات المختصة ولا تنس جهاز المغتربين يكون محتشد
بالنهار ويعج بإخواننا المغتربين أيضاً دي فرصة نحن نلتقيهم يعني وأنا لو لاحظت يعني عامل إعلان هنا أي مغترب عنده حاجة يريد تقديمها مقترح أو مشكلة عايز يطرحها من الساعة الثانية الي الساعة الرابعة ظهراً نحن نرحب به في كل يوم يعني بالإضافة للإدارات المختصة يعني إدارة العلاقات العامة من واجبها ان تتقصى قضاياهم وتتابعها، أيضاً عندهم صناديق للشكاوي والمقترحات والآراء ودي حسب أنظمة الجودة التي يعمل بها الجهاز وتفرغ يومياً وتمشي للإدارة المختصة –إدارة الجودة- وتحلل هذه المعلومات ثم ترفع بها إلينا وبالتالي نحن بنوجه الإدارة المهنية لتقوم بالإجراءات المطلوبة وتتواصل إذا أحبت مزيداً من المعلومات عن طريق الفاكس عن طريق Email عندنا إيميلات كل الوسائل يعني لمتابعة قضايا السودانيين العاملين في الخارج.
شاااادي 03-15-2005 06:07 PM
--------------------------------------------------------------------------------
السلام عليكم ورحمة الله
في الحقيقة عندي سؤال بسيط عايز اعرف الزول لو كان مغترب فترة وبعدين رجع البلد نهائي ومتبقي عليهو ضرائب وماجاء دفعا ليكم حسب ظروفو الجاء بيها انا سمعت انو في الحالة دي لو جاتك فرصة سفر تاني الا تمشي تسدد المتبقي عليك والا مابتسافر تاني وبعدين انتو عارفين ظروف الناس والواحد لما يكون علي سفر بكون محتاج لاي فلس معاه وبعدين بتخلو الناس تمشي في الغلط لانو زي ماسمعت ممكن تمشي تغير الجواز والا تتلفوا عشان تزوغ من الضرائب المتبقية عليك ودي بقت منتشرة جداً عشان كده انا شايف يعني تغيروا النظرة دي شوية وتعفوا الناس البتجي نهائي وماتطالبوهم بي كده انا هسه جيت من سنة ومضيع لي 5 سنوات في الفاضي ورجعت السودان وهسع لقيت فرصة تاني احسن ورفضتها عشان الموضوع ده لانو مامعاي قروش للضرائب وعلي ضرائب 3 سنوات .
ولكم الشكر،،،
رد المهندس :
والله ما في حاجة ما عندها حل لكن كل حالة بتتعالج لوحدها يعني حسب ظرف المغترب العائد نفسه وأحواله وفي كثير من الحالات إتعالجت بالتنسيق العام مع أخوانا في ديوان الضرائب وأخونا الأستاذ عبد القادر محمد أحمد الأمين العام لديوان الضرائب متفهم جداً لمثل هذه الظروف وقل له ما تخاف وعود للسودان نهائياً وإنشاء الله ما تضطر ترجع تاني وتبحث عن اغتراب يعني يستقر ويطيب له المقام يعني في السودان بين الأهل.
ودسنار 03-15-2005 07:03 PM
--------------------------------------------------------------------------------
الي السيد امين شئون العاملين بالخارج المحترم
السلام عليكم ورحمة الله تعالي وبركاته
المضوع مساعدتي بارجاعي الي وظيفتي لو في امكانيه
كنت اعمل في السودان بالمؤسسة العامة للطرق والجسود
قسم ادراة رسوم المرور السريع عملت به منذ عام 1987 الي 1994
سافرت الي المملكة العربيه السعوديه من 7/5/1994 الي الان والحمد لله اعمل بصوره طيبه ومن مسدد كل التزاماتي تجاه الدوله من مساهمات وكل شيء طيلة الاحدي عشر سنه وبكل صراحه متزوج ونسبه لمسؤلياتي تجاه اسرتي كتعليم اخواني واعالة اسرتي
لان الوالد كبيرواقام ان بكل شيء اضافة لاسرتي الصغيرة والله الواحد كره الغربه والبعاد عن الاهل والاسره كل امل بمساعدتي بايجاد وظيفتي التي تركتها وهاجرت مع ايماني التام
بحبي لوطني بل منعني عنه مسؤلياتي الكبيرة وخوفي ان اضفف امام المال العام والحمد لله علما بانني لي خدمه بالطرق من عام 1987 الي 1994 مع العلم بترك عملي براتب جيد من اجل اسرتي بضحي مرتين زهاب واياب اكرر ارجومساعدتي في العوده لاوطاننا
الواحد عندما يتقدم برسالة الي جهة ما
من المفترض ان ياتيه رد شافيء من الجهة المسؤله عن الموضوع
طبعا انا تقدمت بطلب الي مدير جهاز المغتربيين للمساعده في موضوعي
وبالامس كنت متابع لما يدور من حوار في قناة النيل الازرق الرائدة ومشكورين علي جهدهم ومتابعتهم
عندي سؤال عن الخدمه الالزاميه وبما اننا من مواليد 19963 والي الان كل سنه
ندفع رسوم تاجيل مع العلم ندفع ضرائب وزكاة وخدمات ونرسل مصاريف لاهلنا وزوجاتنا واخوانا مصاريف الدراسه في الجامعات يغني نحن من الهوي للهوي وجه مقارنه بين تادية الخدمه الاالزاميه والاغتراب والله كان لينا احسن الاالزاميه من التزامات الاغتراب ومشاكله
متل حوار الطرشان بين اهلنا والجهاز والمجتمع نقول ياابو مروه السيد رئيس الجهاز بالله عليك الله ولو بتعز المغتربين وسهران وتعبان من اجلهم الاتصال بوزير الطرق بخصوص امري
بما انني كنت سكرتير نقابي سابق وطبعا انا من خلال منتدي النيل سوف اسجل لك صوت شكر وعرفان بالجميل لمجهودات جهاز المغتربيين ولك من العين سلام متل مايقول العشاق ومتل يقول اهلنا السعوديين ابقاكم ماتكون خريطيين ولك سلامي
المعزب ود سنار
خالد غبد الرحيم طه
المملكه العربيه السعوديه ت 00966509002267
الرياض
بل هيلكوبتر العربيه
[email protected]
رد المهندس:
هو ده طلب ظريف يعني وبرضو أعلق علي هذا النوع من الطلبات بأن أخوانا المغتربين معظمهم ونحن كنا منهم يعني قاعدين فترة الاغتراب مهما طالت فترة السنوات بتاعتهم وكأنو قاعدين نحذفهم من الحياة والآن هو بتكلم عن إنه مغترب من سنة 1978م ويعني يفكر يعود للوظيفة مرة ثانية يعني وأذكره بأنه في سن معاشه وكلام من هذا النوع بالإضافة لانو في أجيال جديدة عادةً الفرصة بتكون هي لهذه الأجيال يعني ولكن لا نقول خلاص أخونا ود سنار يعني جهز كرسي المعاشين.. وأقعد في ضل العصر يعني لا نقصد ذلك بل بنفتكر إنو الشجر الكبار فيه الصمغ زي ما بقول المثل السوداني يعني فترة طويلة خبرة طويلة واحتكاك مع جهات خارجية قد تكون صقلت هذه الخبرة وأكسبته مزيد من المعارف ومزيد من المعلومات والخبرات في مجال عمله أنا أتوقع أخونا ود سنار ممكن في القطاع الخاص يكون عنده موقع خاصة والسودان الآن بيشهد تنمية في كل المجالات ومشاريع يعني قائمة في كل ولايات السودان وأيضاً ربما بيوت الخبرة الآن أصبحت هم من هموم مجلس الوزراء وأصبحت موجودة وبدأت تتكون الآن… مجموعات يعني هندسية صناعية طبية تعمل بيوتات الخبرة وهذا ممكن ان يكون له موقع في هذه الأماكن ونحن من خلال الإدارة بتاعتنا إدارة الاستثمار أو إدارة الهجرة في جهاز المغتربين وهذه الإدارة جد معنية بالخبرات والكفاءات السودانية في الخارج وكيف يمكن توظيفها والاستفادة منها ويمكن أن تعاود وحدة من هذه الإدارات إنشاء الله.
الرسوم ما عليه بتاعته لكن في معالجات أمكن سوف تتم في القريب العاجل الآن في اتجاه تعديل قانون الخدمة الوطنية ويعدل في السنة أو العام البدء فيه الخضوع للخدمة الوطنية ويمكن يخرج كثير من الناس زي ود سنار ده يمكن يطلع منها الآن هي أظنها 59 مواليد 59 عليه خدمة وطنية الآن في إتجاه يعدل القانون الي 62 او 61 ما أذكر لكن في اتجاه قوي إذا خرج يكون أرتاح تماماً من الخدمة الوطنية.
الاهيف 03-15-2005 07:27 PM
--------------------------------------------------------------------------------
السلام عليكم ورحمة الله وبركاته
نشكر سعادة الأمين العام على هذه الأطلاله التي يستمع فيها لمشاكل
المغتربين وهي اكيد ما بتنتهي
فاوجهي سؤالي الي الأمين العام انا اتنقل بين المهن كل مره بغير مهنه حسب
نقل الكفاله يعني المهنه في الجواز فني اتصالات وغيرتها عامل عادددي ثم الأن
الي فني كمبيوترر على فكره لي خمسه سنوات لم اغادر المملكة فكيف يكون
التعامل مع الضريبه في هذه المهن المتعدده
والسؤال الذي يفرص نفسه هل من فتره السلام القادم وتحسن
الاوضاع في السودان هل يتم تخفيض الضرائب ام نحمل السلاح
السلاح في وجهه الدولة من اجل التخفيض والله المستعان
وختاما نشكر الاخ على هذه السانحه
رد المهندس:
1:هو الأخ أظنه في المملكة العربية السعودية… المملكة العربية السعودية فيها أكبر جالية سودانية ولكن الخريطة أو سوق العمل أتغير كثيراً وبالطبع فيما لهم السودانيين التغير خاصة في سياسة المملكة العربية السعودية في سعودة الوظائف يعني في كثير من الوظائف شغلها الوطنيون وبالتالي يكون ما في مجال لغير الوطنيين وده يدفع السودانيين للبحث عن وظيفة جديدة وتغير المهنة نحن منذ سنة تقريباً عملنا نظام الملحقين الضرائبيين… الآن في ملحق ضرائبي من ديوان الضرائب موجود في الرياض وفي ملحق الوطنية ومن ضمنها قضية الانتقال من مهنة لمهنة، أخونا لو قريب من الرياض يمشي يقابل الأخ الصادق في سفارتنا في الرياض ويعالج ليه موضوعه إنشاء الله وإذا كان اقرب لجده يمشي يقابل الأخ عبد المنعم ديوان الضرائب هناك برضو يمكن أن يعالج ليه الموضوع.
2 :
أولاً نحن بنهنئ جميع السودانيين يعني بالسلام وتوقيع الاتفاقية ونخص الأخوة المغتربين بالتهنئة لان واحد من أسباب الاغتراب كان الحرب.. الحرب دفعت عدد كبير من أبناء السودان للخروج للبحث عن وضع أفضل أو للوظيفة أو للظروف التي تمكنهم من تعليم أولادهم وتربيتهم وما الي ذلك كثير من الناس تظن تحديات السلام هي أخف من تحديات الحرب وكثير من الناس يظنون أن تكاليف السلام أقل من تكاليف الحرب ولكن في الواقع أنو تكاليف السلام هي أكبر وأيضاً تكاليف البناء بعد السلام هي أكبر لكن أيضاً نحن بنقول قبل توقيع اتفاقية السلام ومنذ الحمد لله بدأت العافية تدب في جسم الاقتصاد السوداني وبدأ يعني الاقتصاد السوداني يقف علي رجله بقوة وتحقق الحمد لله يعني يوم بعد يوم انتصارات جديدة وانفراج جديد بعد معاناة طويلة وده ملحمة شارك فيها كل السودانيين أخوانا المغتربين ساهمو فيها بقوة.
التوجيه الصادر من الأخ رئيس الجمهورية إنو كل ما حدث انفراج في الاقتصاد السوداني يحدث انفراج في تخفيف معاناة المواطن السوداني سواء كان في الداخل أو الخارج نحن شغالين بهذا التوجيه وإنشاء الله نسعي به لتخفيف حمل الأعباء علي ضوء الانفراجات التي تحدث في الاقتصاد السوداني حتى تصل بها الي القيمة الصفرية إنشاء الله وليس ذلك علي الله بعزيز وليس ذلك علي الله ببعيد بعد النهضة في الاقتصاد السوداني..
- رد على مداخلة من المذيع-بشكره علي اهتمامه بهذه القضية طبعاً أنحن في زمن العولمة والمعلومات والمعلوماتية ولا يمكن لدولة ناهضة في السودان أن تقفل مثل هذا الأمر وأن يطمئن علي أن هذا الموضوع يجد الاهتمام الكبير جداً من الأخوة المسئولين في قيادة الدولة التنفيذية والسياسية وعلي مستوي مجلس الوزراء في مركز قومي للمعلومات ويعمل يعني علي توطين المعلوماتية في السودان ويبدأ بالرأس يبدأ بمجلس الوزراء ومجلس الوزراء الآن الحمد لله كثير من المعاملات التي توجد به تتم إلكترونياً رافعين شعار الحكومة الإلكترونية يعني وطبقوه بقت واقع والمشروع ده يلزم باقي الوزارات والمؤسسات الحكومية كلها تنحي نفس المنحي يعني نرجع للمغترب يعني الجهات السبقته في مجال الحوسبة وخاصة فيما يخص الإجراءات والمعاملات مع المغتربين وأيضاً بدينا نفكر في مسألة يكون عندنا موقع يعني في الإنترنت لكن بعض المشاكل الحاصلة بالتلفونات المتقطعة دي وما زال الموقع بتاعنا قي سودانت في بعض الإشكاليات لكن نحن بدينا الآن وتعاقدنا مع شركة إنشاء الله بتعالج كل المشاكل المتعلقة بموقعنا… والآن هو شغال ونتوقع أن يعني كل المشاكل ديه تزلل نهائياً ونبقي علي اتصال مباشر مع أخوانا المغتربين وغير المغتربين من خلال هذه الوسيلة الفعالة والمهمة والحضارية ونحن الآن بنتابع بعض المواقع الأخري عشان برضو نشوف آراءهم ومقترحات المغتربين في أكثر من موقع سوداني زي موقعكم دا بتجي من خلاله الكثير من الأسئلة والمداخلات والمقترحات نحن بنرحب بالأخوان وساعين إن نربط مكتبة إليكترونية مع سفارتنا في الخارج لسهولة تبادل المعلومة بيننا وبينهم كذلك مع الجهات العندها علاقة بيننا هنا في الداخل رئاسة الجوازات وجوازات مطار الخرطوم ومكتبنا في دنقلا ومكتبنا في مدني ومكتبنا في بورتسودان دي كلها من خلال التعاقد الذي تم مؤخراً مع هذه الشركة أمكن يتم قريباً.
الباشا الكبير 03-15-2005 07:32 PM
--------------------------------------------------------------------------------
أهلا بأبو عمار
أولاً : نشكرك على إستجابتك الكريمه لاستضافتك فى منتدى النيلين برغم مشاغلك الكثيره
ثانياً : لاأخفى عليك أننا كثيراً ما نطرح أسئله فى هذا المنتدى ولا نجد من يقراءها ويرد عليها والاخوة فى إدارة المنتدى ربما يطلعونك على أكثر من موضوع طرح فى
منتدى النيلين
باقلام الأعضاء الذين جلهم من ( العاملين خارج الوطن ) ، ولا نجد من يرد عليها لدرجة أننا أيقنا أن الانترنت والمنتديات محجوبة عن المسئولين فى البلد وخاصة جهاز المغتربين .
أرجو من إدارة المنتدى الرجوع لهذه المشاركات لعل فيها ما يغفل على السائلين الجدد من طرحها . وقد حاولت جاهداً البحث عنها فوجدتها ، بالبحث فى كلمة ( المغتربين) إلا اننى غير متخصص فى فنيات الانترنت حتى أتمكن من عمل روابط لها فى مشاركتى هذه ، ولهذا أترك المهمة لغيرى .
وبمثل ما لدينا من مآخذ كثيره على الجهاز كما سترى من الاسئله العديده التى ستصلكم ، الا أننا نشيد بالاصلاحات الكثيره التى تحاولون تطبيقها من وقت لآخر .
السؤال الاول :
هل فى الإمكان أن يتم تنفيذ كافة الاجراءات الخاصة بالمغتربين فى شباك واحد ، بدلاً من الوقوف فى الصفوف العديده والشبابيك المتنوعه لانجاز مهام المغترب ، برغم علمنا أن الاجهزه التى لها مصلحه فى مدخولات المغتربين متعدده ومختلفه ، فلابد من تدريب موظفين أكفاء للقيام بهذه المهمه المتكامله ، والمسأله كلها أرقام وحسابات يمكن للكومبيوتر من معالجتها .
السؤال الثانى :
لاحظنا عدم الترابط أو إهمال الجهاز أو موظفى القنصليات فى ربط الاجراءات التى تتم فى السفارات بتلك التى تتم لديكم ، فكثيراً ما نفاجأ بأن التسديدات التى تتم فى أى منها تكون غير معلومه للآخر مما تحدث الكثير من القلق والتذمر لدى الإخوة العاملين بالخارج .
وفقكم الله لخدمة بلدكم وخدمة هؤلاء العاملين بالخارج
أخوكم
أبو أسامه
رد المهندس:
-الباشا الكبير (1)-
والله نحن قناعتنا إننا من أول وهلة جينا هذا المكان وما زالت القناعة مستمرة وهي مبنية علي أننا نسهل ونبسط علي المواطن يعني وكل ما وجدنا سبيل إجراءاتنا دي تتم في وقت وجيز بدون تعقيدات يكون هذا هو الأصل واجهتنا فيه معاناة شديدة متعددة ذات الصلة بجهاز المغتربين لكن الآن أصبح هنالك فهم عام عند الدولة وكثير من أجهزة الدولة أن هذا هو الحل الأمثل والأفضل والمفروض أن يكون الأمر عليه وخطونا فيه خطوات يعني حتي نحن عملية الجودة الشغالين بيها بدينا إيصال السداد وأيضاً لوحدها حتي يقوم المغترب بدفع ما عليه من التزام يقف أمام أربعة أو خمسة اشخاص الآن شخص واحد وإيصال واحد أنت تأخذ المبلغ المستحق لوجهات مختلفة وبعد ذلك أنت تقسم.. كل جهة تعطيها، هذا الآن طبق… أيضاً عندنا كان في خطوة بخدمات المغتربين كان أيضاً كان هنالك شباك منفصل لكن الآن ياخذ مع المحاسب أو بياخده ويحسبه ويقدمه للمحصل علي طول… الآن عندنا خطوتين وساعين إن ندمج مسألة التقديرات.. كمسألة فنية أخوانا في ديوان الزكاة بيعملوا تقديراتهم وأخوانا في ديوان الضرائب عندهم تقديرات نحن قلنا ليهم والله المسألة دي يعني ما فيها فنيات صعبة ولا فيها مسألة معجزة ممكن شخص واحد يعمله نسأل الله نقدر نعمله واحدة والخطوة البعد دا نخلي الشخص البيتحصل دا لانو الناس ماشين تدرج لإلغاء الأعباء الشخصية البيقيف أمامه المواطن يكون واحد ويتحصل القليل المطلوب يعمل الإجراء ويمشي للجهة المختصة في الجوازات وفي المطار أن شاء الله نحن عاوزين نكون في المطار يعني يمكن ما في حاجة إنو يكون في جواز في جهاز المغتربين.
-الباشا الكبير (2)
السؤال فيه شقين السؤال الأول نحن صحيح أن الإجراء البتخذ في السفارة في مسألة المساهمة الوطنية أو الزكاة وغيره ما بقبلوه يجب المعاملة من جديد وربما يكون في قرار جديد يعني يطلع بعبء إضافي علي المغترب الآن التوجيه والشيء المعمول به الآن أي أجراء أي معاملة وأي قرار يتخذ بشأن المغترب في السفارة هو مقبول لدي الموظفين عندنا بصفة عامة أحيانا يكون فقط أنا عملت في السفارة تأخرت شويه هنا يكون عايزين منه المعلومة عشان ينزلوها في الأرشيف في الحاسوب عشان لمن يحي مرة ثانية يكون موجود ودا الشق الأول السؤال الثاني تبادل المعلومات يعني المعلومة تكون إتعملت في السفارة ويجي يفتكر إنها تكون وصلت هنا يقوم يجي يلقاه ما وصلت فهذا إذا تم الربط الساعين له الآن إليكترونياً ما حيكون في مشكلة تاني ونحن جربنا مع السفارات والتجربة كانت ناجحة والمسألة الثانية بتجينا عن طريق التقارير الشهرية التي ذكرتها قبل شويه أن كل السفارات بتعمل لينا تقارير بالتزامات الأخوة المغتربين البتتحصل في السفارات وبتنزل عندنا طوالي أول بأول في الحاسوب أو عن طريق بطاقة المغترب دي كثير مغتربين بهملوها نحن قلنا بطاقة المغترب كمسألة مرحلية لأنها لو اكتملت العملية الإلكترونية بنستغني عنها مسألة مرحلية فيها صفحات لتجسيل التزامات المغترب حقوا يحرص علي ان يقدمه للجهة المسؤولة في السفارة عشان تنزل التزاماته دي أو إذا جات هنا بالنسبة لينا مقبولة فدي كلها عشان تحقق تبادل المعلومة بيننا… بنفس المستوي إذا جاء هنا برضه يقوم بتقديمه للجهة المختصة عشان لمن يمش للسفارة برضه مقبولة لدي السفارة هناك… أبو أسامه نحن نحييك.
ابو عزه 03-15-2005 07:56 PM
--------------------------------------------------------------------------------
بسم الله الرحمن الرحيم
اولا مرحبا بك في المنتدي
السؤال الاول ؟
شريحة كبيرة من المغتربين بمختلف الشرائح لها اكثر من 20 عام وأكثر وهم ملتزمون بحكم مواصلتهم للوطن للضرائب وغيرها من المسميات التي لاتخلوا من الغرابة ماذا فعل لهم الجهاز افتكر هذا السؤال يضم سؤال اكبر مازلنا نعاني من الاغتراب وندفع كل مدخراتنا كضرائب وذكاة وغيرها ورغم ذلك لانجد تسهيلات في أشياء بسيطة ولاندري هل جهاز المغتربين حكومة داخل حكومة ام هنالم نظم ولوائح تحكمه ولاادري ماذا اقول والعبرة في حلقي ارحمونا يرحمكم من في السماء واخيرا اقول انا لانسألك رد القضاء ولكن نسألك اللطف فيه وحسبنا الله ونعم الوكيل فيكم .
اسامة محمد
جدة - 0506675156
رد المهندس:
[color=#0000CC]
هو جهاز المغتربين ما حكومة داخل حكومة جهاز المغتربين هو مؤسسة حكومية والمعارف وضعيته هي محكومة بقانون تنظيم شؤون العاملين بالخارج والمعدل لسنة 93 وأنا نسيت أقول قانون تنظيم شئون العاملين بالخارج سنة 98الذي عدل عن قانون رعاية شؤون العاملين بالخارج سنة 93 علي ضوء توصيات مؤتمر المغتربين الثالث وهذا القانون لسنة 98 أجازه المجلس الوطني وجعل من جهاز المغتربين مؤسسة هيئة مستقلة تتبع لمجلس الوزراء الآن الوزير المشرف علي جهاز المغتربين هو وزير مجلس الوزارة الوقت الحالي ده هو اللواء الركن الهادي عبد الله ونحن بالمناسبة عندنا مشكلة في كلام الأخ أبو عزا دائماً أنا قاعد أقول نحن بين المطرقة والسندال لمن نمشي للجهات الحكومية في قضايا المغتربين ونتكلم عنها ونحاول نعالجها بقولوا لنا أنتو نقابة المغتربين لمن نمشي للمغتربين يقولوا والله أنتو سوط الدولة المسلط علي رقبة المغترب فمن هنا مشكلة ومن هنا مشكلة لكن نحن إنشاء الله نكون حلقة وصل بين الدولة والعاملين بالخارج ونكون الجهة الحكومية ونكون عين الدولة والعاملين بالخارج ونكون الجهة الحكومية ونكون عين الدولة للسودانيين العاملين بالخارج وأي سوداني عامل بالخارج باعتباره مواطن والحكومة والدولة مسئولة من أي مواطن في الداخل والخارج وتخليه يعني ما يعيش في أي نوع من الإرهاب من جهة من جهات الدولة لو كان جهاز المغتربين أو غيره وفي مسألة تعاملنا مع الناس في فترات طويلة في الاغتراب نحن قلنا والله طبعاً اغتراب المغتربين عموماً هو اغتراب عشوائي نادراً جداً ان يكون اغتراب مخطط وعارف إنه في فترة 10 سنوات أو 5 سنوات أو 15 سنة عارف انه عايز يعمل شنو بعد ما يرجع السودان.. أمكن نلقي ليهم العذر لان هذه مسألة جايا من طبيعة المجتمع السوداني والتزامه والإلتزامات العلي ظهره اجتماعية ما لا يستطيع ان يتخلي عنها والأسرة الممتدة وما الي ذلك يمكن تكون مساهمة في عدم التخطيط المنظم لمسألة اغتراب وهجرتنا لكن بنقول انه في ما تبقي من عمر وما تبقي من وقت الناس لو خططوا له يكون أفضل وأصلوا لا بد من العود للسودان و(العرجا لمراحا) زي ما بيقولوا أهلنا وما في مغترب سوداني مشي علي ان يستوطن في الخارج أبداً عنده رغبة في كده… الناس ديل عندنا ليهم معالجة عندنا مشروع ضخم سميناه مشروع الهجرة العائدة… أنا بفتكر في آخر جولة لينا السنة الفاتت الحديث كله في لقاءاتنا مع المغتربين في المملكة العربية السعودية بمناطقها المختلفة، في قطر وفي الأمارات وسلطنة عمان وحتي في أوروبا الكلام كله والحديث كيف نعود وعملتوا لينا شنو أو الدولة حتعمل لينا شنو أو بتسهل لينا طريق العودة كيف، جينها صممنا مشروع سميناه مشروع (الهجرة العائدة) هو يضمن 7 أو 8 محاور.
أنا أفتكر دي فرصه طيبة أن أقول انه حتاخد بعض الوقت ربما نحتاج لأخوانا برضوا يعينوننا فيها أيضاً… المحاور دي المحور الأول فيها انه نعمل إحصاء شامل كامل لكل السودانيين العاملين بالخارج إحصاء مش عدد فقط يعني حتى وظائفهم ومهنهم وأسرهم قدر شنو إحصاء دقيق نعمل إحصاء خاص للخبرات السودانية.
المحور الثاني في المشروع أن نعمل مسوحات خارجية لتلمس وتحديد رغبات السودانيين في العودة من خلال إستبيان أو غيره يعني مسوحات داخلية لتحديد الوظائف المتاحة علي مستوي القطاع العام وعلي مستوي القطاع الخاص المحور الذي يلبي ذلك هو ان نعمل جهة مختصة نسميها بيوت خبرة عندها إلمام بمسألة القوي العاملة وكيفية اختيارها لتلائم وظائف تعينها عشان تعمل تشكيل للراغبين في الوظائف الموجودة دي مع الجهات المختصة إذا كان في قطاع عام أو خاص والمحور البعده نحن أيضا مع الجهات المختصة في أجهزة الاستثمار علي المستوي الاتحادي والمستوي الولائي ان نعمل مشروعات استثمارية يعني قصيرة الآجل وطويلة الآجل ونعمل فيها زي دراسات جدوي عشان نتيجة لأخوانا الما راغبين يستغلوا وظائف عايزين استقلو استثمارهم الخاص في المجالات المختلفة الخدمية والصناعية والتجارية والزراعية نعمل مشروعات زي دي ونقدمه لأخوانا الراغبين في العمل الاستثماري يعني ونعينهم من خلال إدارة الاستثمار عندنا وعندنا لجنة عليا في إدارة المغتربين ممثلة فيها كل الجهات ذات العلاقة بالاستثمار عشان أيضاً يستفيدوا من الميزات التي يقدمها قانون الاستثمار وينطلقوا كلهم في مجال تخصصهم. المحور البعد هذا ان نحاول نستصدر قرار من مجلس الوزراء في مسألة إعفاءات جمركية جزئية أو كلية علي أمتعت الشخص العائد نهائي وسيارته لو كان لديه سيارة تساعده علي الاستقرار ورتبنا في مسألة الإعفاءات الجمركية دي في معدات المهنة إذا قلنا العائد طبيب معاه معدات، نجار معاه عدة نجارة، حداد معاه عدة حدادة وهكذا كل زول في مجال تخصصه.. وقلنا في مسألة معدات المهنة دي يكون الإعفاء بتاعه كامل غير الأمتعة الشخصية.. برضو عندنا محور ثاني هو ان يعني بتشجيع قيام الجمعيات المهنية ودورها في ان تعمل بعض المشاريع ليس عند العودة النهائية مشاريع عشان بعدين تساعدهم والمسألة دي بدأت الآن أخوانا جمعية البياطرة في السعودية عندهم شغل زي ده المهندسين الزراعيين حتى أرضهم استلموها أظن وعندهم أنا بحييهم يعني العاملين بالمملكة العربية السعودية عندهم مشروع بتاع قرية تسمي قرية الصابر هم دايرين يساعدوا لتصدير صادرات السودان من الفواكه والخضروات وكدا زي ما يحصل في كل العالم عشان تنافس مع تنظيم التجارة الدولية الماشه علينا وأخوانا المهندسين برضو عندهم جميعة المهندسين في المملكة العربية السعودية..المهندسين المدنيين والمعماريين برضوا عملوا جمعية وديل إذا كان بدوا قبل ما يرجعوا العودة النهائية يمكن يهيئوا لنفسهم مواقع الواحد لمن يرجع طوالي موقعه يكون جاهز يعني… أيضاً من المحاور الطرحناها في مسألة الهجرة العائدة ان نعمل صندوق عشان من خلاله المشروع الكبير بتاع الهجرة ده تنفيذه لان ما في مشروع بيتنفذ بدون مال أمكن ألينا علي أنفسنا ندعم هذا المشروع الدفعة الأولي بتكون من عندنا نحن إنشاء الله وأخيراً ان المشروع ده يكون فيه برنامج أعلامي قوي للتوعية به ونشره للمغتربين أنفسهم تقريباً دا باختصار مشروع الهجرة العائدة عشان العائد يستفيد محور مهم مساعدتهم أولا يلقوا مواقعهم الفي المدارس في المدارس التعليم العام إذا كان مرحلة أساس أو ثانوي والفي الجامعة كمان يلقي موقعه في الكلية اللهو فيها هناك حسب قوانين ولوائح التعليم العالي وي كلها تقريباً مشروعات الهجرة… أيضا الناس القعدو فترة طويلة والملتزمين بالسداد الناس عملوا ليهم حافز بتاع تخفيض كده ودا ضمن المعالجات العملناها في الضرائب ان 25% تخصم من القيمة النهائية وأيضاُ للمعالجة التي تمت مؤخراً إنشاء الله تجد القبول والموافقة هنا في مقترح معاملة الأخوة الذين بلغو سن 60 سنة أو قضوا 25 سنة في الاغتراب معاملة مثل رصفائهم في الداخل هنا البلغ هذه الفترة من هذه السن أو 25 سنة خدمة يعفي من الضريبة هذه واحدة من المعالجات التي قدمناها.
ناجي خليل 03-15-2005 08:10 PM
--------------------------------------------------------------------------------
السيد/ أمين عام جهاز شئون السودانيين نشكرك علي تفضلك معنا اسئلتي هي :
بعد اتفاق السلام القادم انشاء الله هل رسوم المغتربين البدفعوها هي هي ام ان هناك تغيير .
نتمني ان يعاد النظر في هذا ، شكرا مرة اخري
** سؤال مكرر تم الرد عليه **
satti2005 03-15-2005 08:40 PM
--------------------------------------------------------------------------------
السلام عليكم ورحمة الله ، لا أريد أن أسأل عن الضرائب فقد سأل عنها الكثير . ولكني أريد أن أسأل عن شرعية الزكاة التي تؤخذ من المغتربين : فقد يكون راتب الفرد قليل وتجب عليه الزكاة والعكس يمكن أن يكون الراتب عالي جداً ولكن عليه من الإلتزامات ما يجعله مستحقاً للزكاة وليس العكس كما إن للزكاة شروط . وأيضاً ما رأيكم في مدة تجديد الجواز مقارنة بالجنسيات الأخرى؟؟؟؟
رد المهندس:
بالنسبة لسؤال الزكاة طبعاً الزكاة دي عندها مجلس بتاع فتوة يعني ما ممكن يصادق شئ إلا أن تمر عبر هذا المجلس والمجلس مكون من عدد مقدر من الأخوة العلماء هم الذين أجازوا زكاة المرتبات في السودان وهي معمول بها تقاس علي المال المرتبات وأظنهم في هذا الجانب مستندين علي مذهب الأمام أبو حنيف وزكاة المغتربين هي زكاة مرتبات ومعمول بها في السودان في الداخل في مرتبات في الداخل الآن أيضا تخضع للزكاة ما في إشكال تحديد النصاب ولكن خرج المنشور من ديوان الزكاة وجلس مع الأخوة المغتربين ووقفت علي أحوالهم وظروفهم وكان من قبل عندهم إقرار بملء المغترب بنفسه يحدد فيه راتبه ويحدد فيه الحاجات الأساسية من أكل وشرب وملبس وتعليم أولاده وعلاج وترحيل وما الي ذلك وإذا تبقي شئ يضرب في 12 من الراتب الشهري وإذا بلغ النصاب وهو محدد بما يعادل 85 جرام ذهب عيار 18 علي ما أظن ويأخذ منه اثنين ونصف في المائة الآن أضاف حاجة جديدة في الفترة الأخيرة هو أي راتب اقل من الفين ريال لا زكاة عليه يعني أي مغترب راتبه أقل من ألفين ريال وما دون ذلك ما عليه زكاة… والحاجات الأساسية قدرت من الناحية العملية يعني بـ70% في المملكة العربية السعودية مقدرة بـ70% ونحن لو كان ما عدا ذلك المملكة العربية السعودية نحن طالبنا ديوان الزكاة أن كل الحاجات الأساسية تكون نسبة واحدة 70% و30% هي تخضع للزكاة وبذلك في كثير من الأخوة المغتربين خرجوا من دائرة الزكاة… وفي معالجات بعض المغتربين يقولوا مافي متأخرات في الزكاة يعني أنا مرت علي السنة دي وما قدرت تكون ما علي لكن الفتوة قالت عليه يعني ده دين ودين الله أحق أن يقضي ولكن أيضاً يتحمل معالجات كل حاجة بياخدوها براها وفد الزكاة الكان خرج قبل كده عمل معالجات كثيرة في هذا الجانب وعموماً نحن في فقهنا في السودان في مسألة الزكاة بنختلف عن كثير من الدول يقولوا ان يطلع زكاتي وقاعد أديها أهلي وكده وكده كيف أجي أطلعه ثاني… الزكاة عندنا هنا في السودان حصل أو النظام الشغالين به يعني أن يأخذ الحاكم او الوالي أو ولي الأمر هو بعد كده يوزعه حسب مصارفها وفي المصارف الثمينة دي نحن بنجيب الزكاة المن الخارج… ودي معلومة للمغتربين أمكن يكونوا ما عارفينها الزكاة المتحصلة في السفارات في الخارج تترك منها 30% وعاملين بها لجنة مسميتها لجنة الزكاة عشان تعالج بها الحالات الاجتماعية التي تمر بعدد كبير من المغتربين وذلك حسب مصارف الزكاة التنمية المعلومة…
وهذا شغال في عدد من دول العالم.
abba 03-15-2005 08:49 PM
--------------------------------------------------------------------------------
الأخوة الكرام
القائمين على أمر منتديات النيلين
شكرا على لفتتكم الكريمة بإستضافتكم للأخ/ الأمين العام لجهاز شؤون المغتربين بالخارج.
لا يخفى عليكم الدور الذي يلعبه المغترب تجاه وطنه السودان, وعليه كان من المفترض تذليل كل الصعاب التي تقف في طريقه والتي تمثل حجر عثرة في تحقيق دوره المنوط به تجاه وطنه أولا وأهله.
مشكلة تقدير الضرائب المستحقة على المغترب مثلا وبرغم الأسس غير المنطقية المتبعة في تقدير الضرائب, إلا انها في نهاية الأمر تحل مؤقتا بتأجيل جزء منها إلى ميعاد آجل.
سؤالي هنا يتعلق بفترة صلاحية الجواز السوداني (المحددة بسنتين) أرى ان هذه الفترة المحددة فترة ضيقة جدا وتمر على المغترب دون أن يحس بها ودون أن يستخدم الجواز في سفر وغيره, وبمقارنة فترة صلاحية الجواز السوداني بغيرة من جوازات الدول الأخرى نجدها فترة بسيطة جدا, فمثلا الجواز المصري تنتهي مدته بعد 7 سنوات والجواز الهندي والبنغالي بعد 10 سنوات أو أكثر وكذلك الجواز اللبناني والسوري.
حتى أن هذه المسألة أصبحت ملاحظة من مسئولي الهجرة هنا (السعودية) ويسألوننا مباشرة عن السبب في ان الجواز السوداني فترته محدده بسنتين فقط.
فلماذا لا نكون مثل غيرنا من أهل الأغتراب من الجنسيات الأخرى (أرى ان تكون مدى صلاحية جوازنا اقلاها 5 سنين) ولكم أن تتشاورا مع ولاة الأمر في وزارة الداخلية.
ولكم الشكر
رد المهندس:
هو طبعاً النقطة هذه أثيرت في كثير من المنتديات ومؤتمرات المغتربين والآن لو متابعني في مشروع جواز جديد جواز سوداني جديد يعالج الفترة في مسألة تجديده ما بين المقترح يكون خمس سنوات وغالباً ما يري النور خلال هذا العام وكان فيه مشاكل تمويل كده أولاً الجواز الجديد فيه عدد من الميزات هو مقروء آليا وما فيه مهنة وفي نية ثانيا كل فرد من أفراد الأسرة يكون عنده جواز مستقل حتى ولو كان طفل غالباً الجواز الجديد يري النور خلال هذا العام.
البرغوثي 03-15-2005 08:52 PM
--------------------------------------------------------------------------------
السلام عليكم ورحمة الله وبركاته
بداية أرحب بالأخ الباشمهندس / تاج الدين المهدي
الامين العام لجهاز المغتربين
ونشكره على قبوله دعوة ادارة منتديات النيلين لهذا الحوار الهام كما نشكر ادارة المنتدى ممثلة في شخص الاخ المشرف العام على هذه الحوارات والاستضافات.
ولاهمية هذا الحوار نرجو ان يسهب الاخ الامين العام لجهاز المغتربين في الاجابات بل ويقدم لها ما استطاع لان امرها هام جدا.
سؤالي واحد لا ثاني له:
بعد ان تم استخراج البترول وتمزيق فاتورته وبعد ان استطاع الاقتصاد السوداني ان ينهض من كبواته حسب التقارير وتوقيع اتفاق وقف اطلاق النار الدائم في الجنوب وطي صفحته واتباعه باتفاقية السلام يرنو ابناء السودان العاملين بالخارج الى ان تصدر قرارات ايجابية تخصهم فيما يتعلق بجميع شئونهم (دون تحديد).
فهل سيكون هنالك قرارات (شجاعة) و(نوعية) ينتظرها الشارع المغترب ويطمئن من خلالها على مستقبله ومستقبل ابنائه يبشرنا بها الباشمهندس / تاج الدين المهدي؟
ارجو ذلك.
وشكرا.
رد المهندس:
طبعاً أظن جاوبنا علي جزء من هذا السؤال إجابة سابقة ولكن مرة أخري نقول أن هنالك مشروع سمي مشروع السلام وأيضاً فيه عدد من المحاور وهذا المشروع تداولناه فيما بيننا وأجزناه علي مستوي الجهاز ورفعناه الي مجلس إدارة الجهاز بالمناسبة الجهاز حسب القانون عنده مجلس إدارة، مجلس الإدارة يتكون من كل الجهات التي لديها علاقة بمسألة الهجرة والاغتراب ويرأسه الوزير المختص اللواء الركن الهادي وزير وزارة مجلس الوزراء وعرضنا هذا البرنامج مشروع السلام لمجلس الإدارة وأجازه وفيه عدد من المحاور تقريباً 13 محور، المحور الأول بتكلم فيه عن تعريف الاتفاقية وبنودها وشرحها للأخوة المغتربين من خلال الوسائل والوسائط المختلفة وتمليكهم أيضاً كل الوثائق المتعلقة بهذا وحسهم علي الإحتفال بمناسبة السلام باعتباره مكسب كبير تحقق، الاتفاقية حلم كان يراود السودانيين لفترة طويلة وأنه أيضا صناعة سودانية يجب أن يعتز الناس بها ويحتفلوا بها وأمكن ده يدينا بدينا فيه في كثير من الجاليات والسفارات عملت هذه الاحتفالات وأيضاً من خلال الوفود البتمشي يعني تمد كثير من التنوير باتفاقية السلام…. المحور الثاني إشاعة ثقافة السلام للأخوة العاملين بالخارج وتأجيج الجفل لان مسألة السلام تحقيق الوحدة الوطنية ما تم وما بجي إلا بإعادة الثقة بينا شماليين وجنوبيين قبائل شمال أو جنوب مختلفة الناس تتحاوز مسألة القبلية الضيقة يعني يربط النسيج الاجتماعي بين كل قبائل السودان المختلفة… المحور الثالث أنه نحن من خلال المغتربين كأدوات دبلوماسية أيضاً يبشروا بمشروع السلام السوداني وتعريف الأخوة سواء في الدول المضيفة أو الجاليات الأخرى المعاهم في دول الاغتراب أو من خلال مساهمتهم في الأجهزة الإعلامية إذا أتيحت لهم الفرصة إذا كانت صحف أو اذاعة أو إذا كان قنوات فضائية تلفزيونية مداخلات عن المسألة دي مطالبين بذلك لانهم هم رسل السودان لانهم الحقيقة ممكن يعبروا تماماً ويشرحوا هذه المسألة ويكونوا إضافة قوية للدبلوماسية الموجودة وأيضا من المحاور لمشروع السلام هو أن نحاول نستقطب رجال الأعمال أو الخيرين حتى للعمل في السودان لان بعد السلام ليس هنالك مشكلة الناس كانوا يتخوفون من عدم الأمن… السودان الآن الأمن توفر فيه ومشاريع التنمية موجودة استقطاب رجال إعمال من الدول المضيفة أو الدول الأخرى للاستثمار خاصة في مشاريع البنية التحتية وأيضاً استقطاب ودعوة المغتربين انفهسم لو كان في ناس منهم مغتربين وأنا أوكد أن هنالك رجال أعمال سودانيين مغتربين برضو يكون في دعوة ليهم أن يجو يستثمروا في السودان في مجال البنية التحتية أو غيرها وأيضا دعوة الخيرين والمحسنين من المغتربين وغيرهم في مسألة الخدمات خدمات تعليمية وصحية يعني مساجد وخلاوي وغيرها في قراهم ومدنهم أو في مدن السودان المختلفة وفي الجنوب أيضاً علي وجه الخصوص المناطق المتأثرة بالحرب سواء كانت في الشمال أو الجنوب وهذا أيضا محمود من محاور مشروع السلام ومحور أخر من محاور مشروع السلام هو مسألة العودة لان يفتكروا في ناس كثيرين سودانيين طلعوا بسبب الحرب بقول أنا والله لو في ناس كثيرين سودانيين طلعوا بسبب الحرب بقول أنا والله لو الحرب دي وقفت أنا برجع الدوره دي لو الحرب وقفت أنا برجع ولذلك لا بد من تهيئة الفرصة للعودة ونحن نكرر في هذا المحور بالذات مرة أخري تقرر تمكين مشروع الهجرة العائدة وخاصة بالمحاور المتعلقة بالإعفاءات الجمركية وتشجيع العودة… والأمتعة الشخصية في العربات ومعدات المهنة وما الي ذلك يعني دي برضها واحدة من الأشياء المطروحة..
المسألة الثانية هي عملية محور تأنى هي توظيف أو إعطاء الأولوية للكفاءات والخبرات السودانية في تنفيذ مشروعات السلام كلها مشاريع التنمية الآن في مشروعات تنفذ كبيرة جداً جداً يعني طرق كباري يعني في مجال الزراعة في مجال الصناعة حتى في مجال القوة البشرية وتدريبها سوي في الشمال أو في الجنوب للنهوض بأعباء السلام وقلنا نري الأولوية للخبراء والكفاءات السودانية يعني بدل ما نديها الي أجانب وكده وأبناء السودانيين المؤهلين هم أكفاء يعني وكثيرين ويمكن الاستفادة منهم وإعطائهم الأولوية وقلنا عندنا عمل حصر وإحصاء وموسوعة للخبرات والكفاءات السودانية نحاول ننشطه ونكمله وتتواصل معاهم علي ضوء مقررات وتوصيات ملتقى الخبرات والكفاءات السودانية العاملة بالخارج لا نقصد السنة الفاتت وعلي ضوء ذلك مقررات وتوصيات ملتقى السودانيين الخبراء العاملين بالمنظمات الدولية والإقليمية والعاملين في مؤسسات التمويل الدولية ديل كلهم الناس بدوهم في مرحلة السلام. أيضاً لانه ليس هناك سلام في السودان بيتحقق بدون ما يتحقق في دارفور وخاصة أبناء دارفور في الداخل يساهموا مساهمة فعالة بان السلام يعود الي إقناع أهلهم بان الناس يطرحوا السلام ويحكموا صوت الحق ويجلسوا للتفاوض والحوار يعني تقريباً دا مشروع السلام وأيضاً يكون في عمل إعلامي كبير يصاحب هذا المشروع وان يكون واحد من محاورنا في مؤتمر المغتربين الخامس الذي سيعقد إن شاء الله في أغسطس من هذا العام فأنا عايز أقول وأرجع لسؤال أخونا انو دا مشروع السلام وإن شاء الله يكون وجد في طرحنا ليه فيه عناية يعني فيه مشاريع خاصة بهم إذا كان العودة من ضمن محاور المشروع تخفيف الأعباء عن السودانيين العاملين بالخارج لمراجع كل الالتزامات المختصة.
Ashraf Hassan 03-15-2005 09:22 PM
--------------------------------------------------------------------------------
قبل فترة تشرفت بحضور ملتقى الكفاءات ووعدونا بأن يتم ارسال التوصيات والتواصل معنا ولم يحث شيء للأسف الشديد
في العام نفسه ورغم أني مغترب من 10 سنوات وأسدد جميع التزاماتي فاجأني مندوب التجنيد أن اسمي مطابق لاسم أحد طلبة الشهادة وطلب مني الذهاب للقيادة لأقسم انني أنا ودفعت خمسين ألف جنيه رسوم حليفة (كل اجراءات التجنيد عموما سخيفة وما لها أي معنى)
ألا تعتقد أن البعض لديهم مزاج في عكننة المغتربين مثال الذهاب للفطور وترك الشباك بدون توفير بديل أو اعتذار - الاصرار على عدم اعادة الباقي من الرسوم أو الطناش بطريقة غير كريمة- التعذر بعدم وجود صرف أو فكة
ماهي المعايير التي على أساسها تم تأجير الكافتيريا ومحل التصوير الذي لا يشرف منظرهما أحدا ولماذا لا تكون مناقصة عامةو أو حتى يسمح لمحلات مشهورة بفتح أفرع لها حول المقر
الأراضي والمشاريع الاسكانية التي تطرح للمغتربين اسعارها تعجيزية ولا يستطيع السواد الأعظم منا مجرد التفكير فيها وكنا نتوسم من الجهاز أن يكون الأقدر على تلمس امكاناتنا
قل بربك ما الذي يعود على المغترب مثلي من وراء تسديد رسوم الخدمات أوليست الخدمات هي تسهيل جباية الضريبة فقط؟ألا يمكن أن اسدد الضريبة لدى أي بنك سوداني؟
اقتراح أخير بعمل صندوق اسمه صندوق الكرامة السودانية للعودة الطوعية لأولئك الذين انقطعت بهم السبل من الأسر السودانية المقيمة بالمملكة والذين لايستطيعون العودة ولا يقوون على البقاء خاصة بعد أن تواترت الأخبار عن لجوء قلة قليلة جدا منهم الى وسائل غير كريمة وأقترح أن يوفر لهم الجهاز بالاشتراك مع الحكومة السودانية والسعودية تذاكر مجانية وشحنا مجانيا لأمتعتهم وقطعة أرض ومنشأة أو مبلغ تكفي لاقامة مصدر دخل
اقتراح مكلف ولكن اسم السودان وسمعته وسمعة أهله أغلى بكثير من كل شيء
رد المهندس:
والله نحن عندنا أهم توجيه خاصة للموظفين الذين بتعاملون مع جمهور المغتربين باستمرار التعاون الكريم وتسهيل أمره واختيار الجانب السهل في الأمر دائماً هو تغيير القوانين كلها في صالح المواطن وأيضاً توجيهنا لهم أن المسائل الأساسية يمشوا بها بالتناوب إذا كان فطور وله صلاة وما الي ذلك لكن أحياناً بنجد الموظف الوحيد يعبر عن نفسه الناس بختلفوا يعني يختلف موظف عن موظف يتعامل تعامل أحياناً غير لائق ودا يكون حال نفسه وما في توجيه يعاملوا الناس هذه المعاملة أو يكون عدد المترددين عليه من المغتربين خف أو قل يقوم في فترة صلاة يطلعوا كلهم وفجاءة تحضر موجه من المراجعين مرة ثانية، نحن لكي ننظم المسألة هذه في اليومين ديل بالذات قلنا ليهم يا أخوانا إنتو أي مجموعة من الجمهور حضرت معه تنقسم الي قسمين أ،ب.. (أ) في الشباك وإذا كانت المسألة ضرورية فطور أو صلاة يأخذ فرصة وحصته و(أِ) يؤدي واجبه مع الجمهور و(ب) يمشي يؤدي واجباته الإنسانية التي لا يستطيع ان يتنازل عنها أي زول … كذلك موضوع الخدمة الوطنية أنا ما عارف جاء متين لكن الحمد لله طرأ عليها تحسين كبير في بداية هذا العام كان عندنا لقاء ناجح جداً مع قائد الخدمة الوطنية وطرحنا عليه كل مشاكلنا وتصور بمعالجتها تقريباً ووافق علي كل الخطوات التي ذكرناها له والآن في مسائل إجرائية في المكتب هنا أعادوا فيها النظر وفي خطوة أخيرة إذا إتعملت إنشاء الله المسألة بتكون في منتهى اليسر والسهولة والتبسيط.. أما مسألة القسم دي أنحن انتهينا منها تمام قلنا مسألة القسم دي تقيف من كل الجهاز إذا كان في الخدمة الوطنية إذا كان في المساهمة الوطنية ما في داعي لأداء القسم وأن نتعامل بالمستندات وهذه دعوة لأخوانا المغتربين العندهم موضوع أو أداء عاوزين يثبتوه يجيب معه مستند من السفارة أو الجالية أو من الجمعية ويوثق من السفارة أو معتمد من السفارة هو مقبول لدينا… إذا كان الوظيفة التي يعمل فيها إذا كان الراتب الذي يتقاضاه وما الي ذلك دي كلها مقبولة لدينا ونستغني تماماً عن أداء القسم أو إحضار إقرار مشفوع باليمين من المحكمة لأنها فيها تعقيد وتطويل لإجراءات المغترب.. التوصيات مفروض تكون وصلة لانه نحن بمجرد ما الملتقي انتهاء وصاغوا التوصيات طبعت أرسلت بعناوين الأخوة الذين حضروا وفي عدد كبير أرسلناها له عن طريق البريد الإلكتروني الخاص به يعني معظم المساحات رسلنا لها بالبريد الإلكتروني لكن نحن بنراجع الأخ أشرف ونرسله له مرة ثانية إذا ما كان تم إرسالها له.صحيح بالنسبة في الملتقي الأخير للعاملين في المنظمات الدولية والإقليمية أمكن ما إترسلت عندنا فيها شوية مسائل فنية بتعمل فيها لكن أيضاً حتترسل ليهم إن شاء الله
أنا ما عارف هو شاف الكافيتريا متين لكن الكافيتريا الحالية هذه… نحن بنعمله عطاءات عامة وفي تنافس حر والذي بقدم العطاء الأفضل هو الذي يرسي عليه العطاء، في رمضان الماضي رسي العطاء علي شركة جديدة واشترطنا علي الذين يرسا عليهم العطاء تغيير الشكل كله بحيث يكون الشكل مواكباً للكافيتريات التي يرتادها المغتربين في الخارج والحمد لله الكافيتريا عندنا من رمضان يعني نحن احتفالنا الذي نقوم به في عيد الفطر عندنا أول يوم عندنا زي ساعتين كدا أو ساعة ونصف معايدة احتفالنا عملناه في الكافيتريا دي وممكن تشوفوها انتو وتصوروها يعني ما عندنا مانع.. بالنسبة للاستديو بتاع التصوير صحيح هو تعبان والآن دخلنا في عطاء برضو وأمكن بكرة سبحان الله بكره حتفتتح مظاريف العطاءات وأيضاً اشترطنا أن يتغير شكلاً ومضموناً وإنشاء الله في إجازة الصيف يكون في حالة جديدة ويشرفنا.
.
abughassan 03-16-2005 10:27 AM
--------------------------------------------------------------------------------
تحيه للاستاذ / تاج الدين المهدى
هل لديكم اى نيه او مقترح بإعطاء المغتربين الملتزمين بتسديد كل التزاماتهم اى حوافز تشجيعيه " ماديه " وليست معنويه واقصد هناك مغتربين سدد وا كل التزاماتهم لفترات 20 سنه او اكثر ،، اليس من حق اولئك منحهم قطعة ارض مجاناً أو بسعر رمزى أو اعفاء لادخال عربيه مجاناً ،، أو اعفاء لادخال أثاث منزل مجاناً ؟؟ والله يحفظكم
رد المهندس:
والله في السابق نحن حقيقة ما كان عندنا علاقة بهذا الموضوع وكان أخوانا في الأراضي يطلعوا لوحدهم وحتى نحن ما كان عندنا علم بالأسعار التي عرضوها علي المغتربين الآن في تنسيق تام مع أخوانا في أراضي ولاية الخرطوم لان معظم الناس من أخوانا المغتربين عايزين أراضى في الخرطوم.. برضو في تنسيق مع الأراضي في ولايات ثانية تمت في ولاية الجزيرة وولاية نهر النيل وولاية شمال كردفان وساعين نكمل باقي الولايات لان أبناء السودان منتشرين في كل العالم بالخارج وربما يكون عندهم الرغبة في أن يشتروا أراضى في القضارف مثلاً أو في نيالا وعندنا اتجاه نواصل تنسيقنا مع كل الولايات ويكون في حصة للأراضي السكنية وإذا كان خطة إسكانية يكون أحسن للمغتربين إذا كان مافي خطة إسكانية يكون في أراضي المغتربين عندنا في الجهاز هنا… عندنا مكتب متكامل فيه مسؤول بدرجة رفيعة يعني فيه عدد من المساعدين وعدد من الفنيين وعلاقاتهم يعني ممتازة وممتدة مع الأخوة في التسجيلات مع الأخوة في لجنة التخطيط العمراني وفي المساحة ممكن كل الإجراءات تتم عندنا في الجهاز الآن أيضاً علاقتنا وتنسيقنا زي ما قلت مع الأخوة في الأراضي وأي وفد بتاع أراضى طالع نحن بنقيف علي القطع ونتأكد أنها موجودة علي الطبيعة وفي الواقع أن أسعار السوق الحالية ليس فيها زيادات نحن في الحقيقة في المشاريع الاستثمارية دي عندنا تواصل مع أخوانا في الأراضي في أن يكون عندنا مشاريع استثمارية تبدأ بالخرطوم ويمكن أن تكرر في غير الخرطوم في بحري أو أمدرمان وأيضاً أن تكرر في غير ولاية الخرطوم الشيء المقترح الآن زي ثلاثة مناطق في ولاية الخرطوم في موقع في شمال بحري وفي موقع جنوباً متاخماً لولاية الجزيرة وفي موقع آخر وأظنه في الكلاكلة شرق المستشفي التركي نشوف الناس يعني تستقر علي أي من المواقع الثلاثة وفي تواصل مع بعض الشركات في بناء أنماط مختلفة من المساكن تلائم الذوق السوداني أو متطلبات الأسر السودانية وتكون في مستويات مختلفة يعني مستوي أول، وسط، عالي، عشان تلائم وتلبي دخول المغتربين المختلفة وإن شاء الله التمليك في الخطة يكون بالتقسيط… نأمل في أن المشروع يري النور في نهاية هذا العام.
الحقيقة سياسة التحرير كان معمول بها الي العام 1992م، سياسة التحرير الاقتصادي حيث وقفت تماماً مسألة الإعفاءات الجمركية وكان رأي الناس خاصة الاقتصاديين أن المسألة دي يعني لمن كانت تطبق شوهت الاقتصاد السوداني باعتبار أن الناس المعنيين التي عملت من أجلهم ما مستفيدين منها وإنما إست فادت منها بعض الشرائح الطفيلية والسماسرة وما إلي ذلك لكن ده لا يمنع أن الناس يشوفوا صيغة من الصيغ الممكنة لمكأفاة الملتزمين لفترات طويلة وذي ما ذكرت انه الآن تم إسقاط 25% من العام الأخير من المساهمة الوطنية ولكن يمكن التفصيل من ضمن المشروعات التي قدمناها في مشروع الهجرة العائدة…
she3aria 03-16-2005 12:17 PM
--------------------------------------------------------------------------------
مرحب...
فى الميزانية القادمة للدولة الم تطرحوا وظائف للهجرة العكسية خاصة وان بعض الدول اصبحت الرواتب غير مجزية
2/ كل دول العالم يتم تجديد الجواز من 6/10سنوات...لماذا تصرون على ان يكون مفعول الجواز سنتين ولما لا يعاد النظر فى اسقاط الضريبة على المغتربين فى الخليج وفى السعودية خاصة
رد المهندس:
أنا قبيل ذكرت في مشروع الهجرة العائدة أن الوظائف في القطاع العام أو الخاص والتي تتناسب ومؤهلاتها مع الوظائف ممكن ياخدوه وفي عدد من الموظفين الآن عادوا وبيشغلوا وظائف في الدولة الآن..الآن عندنا المهندس المقيم في سد مروي من أحد المغتربين كان في المملكة العربية السعودية والآن مهندس مقيم في سد مروي وهنالك أمثلة كثيرة يعني ذي دي وأنا ذكرت أيضاً ان هنالك تشجيع لمؤسسات وبيوت الخبرة خاصة للناس العندهم خبرات كبيرة وعندهم كفاءات عالية في مسألة الاستشارات ومن الخبرات يعني
ود الصول 03-16-2005 12:31 PM
--------------------------------------------------------------------------------
السيد المدير العام لجهاز المغتربين
السلام عليكم
نحيكم وسوالي هو
1/ بعد ان التمسنا تحسين الاقتصاد في السودان هل تغلص الضريبه علي المغترب ام تظل كما هي .
2/ نجد من بعض الموظفين عدم التعامل السليم مع المغترب الذي هو اصلاً سوداني مما ينعكس سلباً علي الموظف المسئول وهو في واجه مهمه من واجهات السودان
-- سؤال مكرر تم الرد عليه --
saygood 03-16-2005 12:37 PM
--------------------------------------------------------------------------------
الامين العام لجهاز تنظيم
[size=4] الاخ الامين العام السلام عليكم . سؤالى ليس متعلقا بموقف الان ولكنه بموقف يوم الحشر .فانت فى موقع المسئولية امام الله قبل البشر .والموضوع يتعلق بالزكاة المفروضة فانا من تجربتى الشخصية واشهد الله على ذلك تمنعنى واجبات اساسية ومسئوليا ت كثيرة ان اوفر ريالا واحدا فى اخر كل شهر والحمد لله على ذلك فكيف يستقيم شرعا ان ادفع زكاة وطبعا قولى هذا انت والموظف الذى اقف امامه للجباية للاسف لايصدقه ويتعامل باستخفاف مع كل عذر ابديه له. هذا الحال ليس حالى وحدى ولكنه حال كثيرين غيرى.لماذا تتعاملون معنا بهذه الطريقة الفظة البشعة والله نحن ابناء لهذا البلد ولانزكى انفسنا فيما قدمناه وهذا واجب ولكن ان فتح الله على احد بمنصب فليضع نفسه فى مكان الشخص المراجع. امر اخر لماذا نحن الوحيدون فى هذه الغبراء الذين يجدد حوازهم كل سنتين حتى الصومال التى لاتملك مكونات الدولة بصورتها الدقيقة لاتغعل ذلك.رجاء ياسيد الامين العام ان توجهوا موظفيكم حين التعامل معنا ان يعيروا كرامتنا اهتماما ولو من باب المجاملة فوالله العظيم من اصعب المواقف ان تتذكر ان لك جوازا غير مجدد وانك ستراجع القنصليات او الجهاز انه يوم عصيب .الحمد لله على هذا البلاء ووالله انى الوم نفسى التى تحدثنى بما لااحب عن سودانيتى والتمسك بها وكله بسبب عدم الاهتمام والاحترام الذى نكابده من سياساتكم ولا ننتظر عدلا الا من بارى الكون ومبدعه.يقينى انك ستقوم بالاجابة ويقينى انها لاتقدم ولاتؤخر للاسف ولكن الا هل بلغت اللهم فاشهد. [/size]
رد المهندس:
عنده سؤال قالوا أن إجابتنا لا تقدم ولا تأخر ونحن عايزين نقول ليه والله لو كان إجابتنا لا تقدم ولا تأخر ما كان جينا وقعدنا مع أخوانا ديل والحقيقة أنا ذي ما ذكرت في بداية كلامي، أنا لا أريد أن أكون في موقع المجاوب علي أسئلة وبس وأنا قلت عايز استفيد مما طرح من الأسئلة واستفسارات وآراء لمعالجة كثير من الأمور التي يسكب منها المغترب ونأكد له نحن مستمرين في توجيهاتنا لأخوانا الموظفين أن يتعاملوا معاهم معاملة حسنة وكريمة تليق بالمواطن السوداني وتحفظ كرامته إن شاء الله، يعني في كل زياراتنا نجد في تحسن وفي تقدم وفي تطور في عمل الجهاز وكمان مع الأخوة والأخوات المتعاملين مع الجهاز إن شاء الله قل خير تجد خيراً.
abutsabeeh 03-16-2005 01:35 PM
--------------------------------------------------------------------------------
الامين العام لجهاز تنظيم شؤون اامغترين
السلام عليكم ورحمة الله وبركاته
قال الله تعالى (إنا عرضنا الامانة على السّموات والارض والجبال فأبين أن يحملنها وأشفقن منها وحملها الانسان إنه كان ظلوما جهولا ) صدق الله العظيم أولا أتمنى من الله ان يوفقك على حمل الامانة بحقها ويعيننا علي كلمة الحق في الغضب والرضا .
الموضوع لماذا يرتبط سفر الناس لاهلم بدفع الضرائب حتى لو كان السفر اضطرارا للوفاة مثلا أو مشاكل اجتماعية أو اسرية تحتم على الشخص العودة المؤقتة للوطن , فالملاحظ مهما تسرد من اعذار لا يسمح لك بتجديد جواز بالقنصلية ولا تأشيرة بالمغتربين إذا كان سيدنا عمر بن الخطاب خائف من الله أذا تعثرت بقلة بالشام لما لم يسو لها الطريق وهو بالمدينة فهل انتم غير خائيفين من الله إذا لم يتمكن المغترب من أن يحضر إحتضار والدته أو والده وطبعا السبب مذكور آنفا وحتى اللجنة البتحضر للقنصلية انا بقترح ان تتخلوا عنها لان تذاكر سفرهم وحوافزهم احسن تتوفر وتثقوا بكوادركم المتواجدة بالقنصليات وذلك بمنحهم صلاحيات أكبر .
رد المهندس:
والله زي ما أجبنا قبل ذلك في لقاءنا مع قناة النيل الأزرق قبل اسبوعين قلنا المسألة ما مربوطة عشان المواطن نعرقل ليه سفره يعني أو نرابط ليه عند السفر عشان نأخذ منه المساهمة الوطنية ولكن لانهم عادة أخوانا المغتربين يكون في عملهم مشغولين ولا يمكن يعني يتخارجوا من عملهم إلا عند الإجازة وما بجي السفارة إلا عاوز يجدد جوازه أو يضيف مولود أو يعمل تعديل في الجواز والناس من ناحية عملية بذكروه وبقولوا ليه والله أنت عليك مساهمة لكن التوجيه العام لأخوانا في السفارات يعني والقنصليات كذلك الملحقين الضرائبيين الوديناهم في أربع مهاجر المملكة العربية السعودية وجدة والرياض وفي أبو ظبي وفي قطر والعاملين عندنا هنا في الداخل مع الجمهور أبداً ما يكون المساهمة الوطنية أو الالتزام علي المغترب تحول بينه وبين عودته للسودان حتى في إجازته العادية ناهيك عن الظروف الطارئة، الظروف الطارئة دي اصلوا المعالجات التي تتم في السفارة بالنسبة لينا مقبولة كل السفراء والقناصلة قاعدين يراعوا الظروف الخاصة دي والحالات الطارئة وبعد ما يجئ عندنا هنا برضو بنعالج الحالات الطارئة والظروف الغير عادية لدرجة أننا بنأجل كامل المبلغ كامل الدين العليه وفي كثير من الأحيان إذا كان الحالة تستدعى إعفاء الناس الوصلوا لجهة الاختصاص بنعفيها تماماً، أبداً إن شاء الله نحن ما عايزين اطلاقاً مسألة المساهمة الوطنية أو الالتزامات المالية ما يكون سبب يقول أنا ما قادر اجي ازور أهلي أو اجي أشوف أولادي أبداً.
مريخابى بلاحدود 03-16-2005 04:04 PM
--------------------------------------------------------------------------------
الاخ الامين العام السلام عليكم
السؤال الاول
اين موارد البترول من دعم المغتربين المغلوبين على امرهم
السؤال الثانى
لماذا لايقوم الجهاز بعمل مختطاط سكنيةخاصة بالمغتربين باسعار معقولة؟ ام الهم الاكبر للجهاز جمع الضرائب والمغتربين يشربوا من البحر؟
الشكر للاخوة فى المنتدى لاتاحة الفرصة
رد المهندس:
تم الرد علي هذا السؤال (تهنئة من جهازالعاملين بالخارج علي فوز المريخ… من الأمين العام للجهاز)
sume 03-16-2005 06:07 PM
--------------------------------------------------------------------------------
أهلا بأبو عمرو .............
مرحب بيك معنا في البيت الكبير ( النيلين )
وفقكم الله لخدمة بلدكم وخدمة هؤلاء العاملين بالخارج
مع تحياتي ود الحاج
رد المهندس:
شكرا ليك ود الحاج ..
ولدى 03-16-2005 07:59 PM
--------------------------------------------------------------------------------
الباش مهندس تاج الدين المهدى
تحيه واحترام :
اولا هذه فرصه نادره تكرمك وقبولك باستضافة منتدى ال نيلين لكم
انتهز هذه الفرصه |بسؤالبن
! لماذا اصراركم على دفع ذكاة المغتربين علما بان هذا الاصرار ما انزل الله به من سلطان
2 ما هو الجديد الذى توعدون به جهازكم خارج وداخل السودان
بارك الله خطاكم وجزاكم
المغترب ولدى
رد المهندس:
في الحقيقة سنتكلم في مؤتمر المغتربين الخامس المفروض يكون في أغسطس إن شاء الله وأخطرنا أخوانا المغتربين كلهم من خلال السفارات والجاليات بأننا سوف نقيمه في هذا الوقت اذا كان لديهم أي آراء ومقترحات يوافوننا بها. حقيقة نتصور أن السبب الأساسي في المؤتمر العودة النهائية بالإضافة الي السلام ودور المغتربين فيه ونتوقع أن يكون واحد من المحاور الأساسية فيه، وهذه مسائل بتشكل هواجس لا بد منها ودائماً تكون هنالك مسألة الأبناء وقبولهم في الجامعات السودانية ونحن قبل شهر تقريباً بالضبط يوم 2 مارس 2005م عملنا ورشة عمل لأسس ومعايير القبول في الجامعات السودانية وشارك فيها عدد من أخواننا المغتربين من المملكة العربية السعودية في أقاليمهم المختلفة ومن الأماران ومن قطر ومن اليمن ومن بريطانيا أيضاًَ ساهمت معانا ومشاركة من التعليم العالي بصورة قوية وكانت كلها حضور الأخ الوزير والأمين العام والأخوة مدراء الإدارات ومدير مكتب القبول وكل الإصطاف العامل في مكتب القبول وعدد من مدراء الجامعات ومدراء الكليات وكان هنالك أوراق ثلاثة أو أربعة قدمت وكان هنالك ورقة طرحت بديل من المملكة العربية السعودية وكان نقاش مفيد جداً وعلمي وموضوعي ومطول والناس وصلوا من خلاله لبعض المقترحات واهمها وامكن يتم العمل بها هذا العام إنشاء الله. أن الناس أولاً آمنوا علي نظام القبول بالكوتة استخدموا النظام النسبي أو نظام إحصائي ودا اقتراح أخوانا ديل أضافوا له بعض التحليلات يعني قبلوا أي طالب غير الشهادة السودانية يحرز 100% برغبته كذلك الأوائل برغباتهم وعمل الموازنة التي تضمن القبول العادي بين المقدمين للجامعات السودانية من الخارج والداخل فنأمل أن تساهم في معالجة قبول أولادنا من الخارج الذين يحرزون شهادات غير سودانية في الجامعات السودانية إن شاء الله.
aburashid 03-16-2005 09:52 PM
--------------------------------------------------------------------------------
د. تاج الدين المهدي
السلام عليكم ورحمة الله وبركاته وبعد
كنت في السودان قبل شهر وفي جهاز المغتربين طلب منى تغيير بطاقة المغتربين واستخراج احرى جديده لا ادري لماذا ؟ علما بانها لا زالت سارية المفعول ومدتها عشره سنوات تنتهي في 2007 - وقد حاولت ان اجد شخص مسئول يقنعني بسبب تغييرها الا انه طلب منى التغيير اولا ثم تكملة الاجراءات - ألا تتفق معي بأن هذا نوع من الاستغفال والاستكراد بالمغتربين ولوي ذراع وقلع ريال منه باي شكل وباي اسلوب
ثانيا ماهي خطط الجهاز للعوده الطوعيه للمغتربين او الهجره المعكسه والتى بدأت الان بعد تباشير السلام وبسبب تدني الاحوال المعيشيه للمغتربين - ارجو ان لا يكون اهتمامكم فقط باصحاب التخصصات النادره والمؤهلات العاليه فقط وهل هناك اي حوافز او تسهيلات مثل اعفاء جمركي على السياره او العفش الشخصي
رد المهندس:
طبعا البطاقة مدتها 10 سنوات ولكن تجدد كل سنتين مع الجواز يعني وذي ما ذكرنا البطاقة هي وثيقه إحصائية وأيضاً لحفظ المعلومات… وغالباً نحن ساعين لإلغائها تماماً أولاً من ناحية علمية نفتكر أن التطور ومواكبة ما يجري في العالم نحن ماشين في موضوع الاسمارت كارد ودا معمول به في كل الدول ويعطي أيضا الكرت نمر لكل مغترب يتعامل به في كل الإدارات عندنا هنا غالباً نحن ماشين في هذا الاتجاه، من جانب آخر إذا مشروعنا الربط الإلكتروني تم صوف نستغني عنها كوثيقة للمعلومات لان المعلومات يكون شكلها إليكترونياً وأنا أبشر الأخوة المغتربين أن مسألة البطاقة دي شكلها الي الزوال إن شاء الله بمجرد ما تكتمل الإجراءات الفنية.
ودالبدوي 03-16-2005 11:29 PM
--------------------------------------------------------------------------------
نشكر الضيف الكريم علي تلبيه الدعوة ونقدر له شجاعته في المواجهه الصريحه مع اعضاء النيلين
ولي سؤال بسيط ارجو ان اجد الاجابه عليه وهو:
أولا:- حسب علمنا بأن قنصلية السودان في جدة هي ملك حر لحكومة السودان بمعني ان المبني هو ملك للحكومة ولاتدفع فيه ريال واحد وحسب علمي فإن هذه القنصلية هي أكثر قنصلية في العالم من حيث الدخل ولكن الناظر لها من الخارج والداخل إليها يصاب بالإحباط من حيث قباحة منظرها الخارجي وسوء التأثيث الداخلي فهلا تم تخصيص إيراد يوم واحد من الضرائب والزكاة لتعمير هذا المبني المتهالك مع العلم بإنه معلم بارز في مدينة جدة. (اللهم إلا ان كانت الحكومة تريد تذكير المغتربين بأحوال السودان بإهمالها لهذا المبني)
ثانيا:- لماذا تفرض رسوم عالية علي كل ورقة تريد تصديقها من القنصلية حتي ولو كانت شهادة وفاة او مرض او توكيل ألا يحق لنا بعد كل الذي ندفعه ان نوثق اوراقنا برسوم رمزية أو مجانا.... هي مجرد خدمة......
والله المستعان....
رد المهندس:
= ود البدوي(1)=
رغم ان هذا لا يقع في دائرة اختصاصي مباشرة لكننا نقوم بتحويله لناس وزارة الخارجية وحسب علمي ناس وزارة الخارجية عندهم الآن خطة ليعدوا المبني هذا الموقع بصورة تشرف السودان وأيضاً يكون استثمار أمثل لان موقع القنصلية قيم جداً في السعودية ويمكن فعلا يغير جداً من الصورة الموجودة حالياً وأنا داير أشيد بالاخوة المغتربين وأشيد بالأخ ود البدوي وأقدمه. وزارة الخارجية بمبناها الضخم الذي يشرف السودان ساهموا فيه المغتربين مساهمة فعالة ولذلك ليست بكثير عليهم أن يساهموا في القنصلية في جدة…
= ود البدوي (2)=
الرسوم القنصلية لا يد فيها للقنصلية وهي تدعمها أو وزارة المالية هنا بالتعاون مع وزارة الخارجية هنا والحقيقة نحن عملنا فيها مراجعات كثيرة كانت أكثر من كدا وتم تخفيضها والآن جانا عدد من الطلبات أن تتم مراجعتها وإ نشاء الله سوف تقام جلسة مع أخوانا في الخارجية والمالية ان تكون علي الأقل مسألة في طاقة أخوانا المغترين يعني…
ISSAM 03-17-2005 01:29 AM
--------------------------------------------------------------------------------
مرحبا بالامين العام لجهاز تنظيم العاملين باالخارج \ المهندس تاج الدين
اود ان اطرح سؤال واحد
باالنسبة للمغترب فى بعض الحالات يتحول العامل فى العام الواحد الى ثلاثة اماكن عمل ويوجد بينهما فترات ليس يكون ملتحق باى عمل ---- كيف يحتسب لة الضرائب ام يعفى من تلك العام ام يقسم باالكتاب
رد المهندس:
هو أصلاً الإنسان الما شغال ليست عليه ضريبة خاصة هو موجود في السعودية وزي ما ذكرت في أخوانا الملحقين ديل في جدة والرياض إذا مشي ليهم وأتفاهم معاهم العمل المنقطع دا عندهم ليهو حساب خاص ما زي العمل الكامل المبلغ المستقطع بالتأكيد ما بكون بنسبة العمل الكامل.
001 03-17-2005 02:13 AM
--------------------------------------------------------------------------------
ترحب منتديات النيلين بضيفها الكريم :المهندس تاج الدين المهدى محمد / الأمين العام لجهاز تنظيم شؤون السودانيين العاملين بالخارج ..
كثير من الاخوه تكلموا عن الضرائب وأفاضوا مشكورين ولكني أسئل عن ماهو أهم من الضرائب فهي أمر أرضي مهما صلتم أو جلتم فيه فقد يكون الحق فيه ليكم أو عليكم
ولكن أمر الله من الذي أعطاكم الحق في الخوض فيه ؟
وأقصد الزكاة التي هي من أمر الله ورسوله
أولاً ممن تؤخذ الزكاة ؟ ومن اي مال ؟ وكيف تؤخذ من ناس هم احق الناس بها !!
ثانياً كيف تؤخذ من مال لم يحل عليه يوم وآحد في جيب صاحبه !!وغالب الظن ان يكون غد استدانه لكي يسدد لكم هذه الاتاوة ان صح التعبير .
ثالثاً كثير من الاحيان يتم تأجيل الزكاة وللعجب لا يتم تأجيل الضرائب من الذي أعطاكم الحق في تأجيل فرض الله ان كانت اصلاً هي زكاة ؟؟
كان ذلك سؤالي الاول عن الزكاة .
اما سؤالي الثاني فهو عن الطريقة التهكمية التي كنتم تردون بها علي الاسئلة في غناة النيل الازرق وخصوصاً ردكم علي الجمهور واعتراضكم علي العينة العشوائية التي قدمت ليكم وقلتم انها غير عادله وأنها غير حقيقية !! كيف غير حقيقية هل تو أن يأتوا لكم بأناس يطبلون ويمدحون أماذا تقصد
ونصيحتي أن تتقوا الله فيما ولاكم أمره لانكم مسئولون غداً عنه !!!
رد المهندس:
=001=
والله نحن جاوبنا علي السؤال دا وورينا الجانب الشرعي في زكاة المرتب ولا يشترط حولان الحول كما هو معروف يعني المال المستفاد والمال المستفاد يذكي حين قبضه والشئ الثاني ورينا رؤية التأجيل ومن الذي قال ان الزكاة لا تتأجل، الناس بأجلوا ليهم منها لحدي 50% أكثر من 50% بتؤجل سواء أن كان في السفارات او عندنا هنا في الداخل.
=001 (2)=
هو الاعتراض علي القيمة، أخونا عبد القادر محمد أحمد أمين ديوان الضرائب وقال العينة العشوائية أنت بتأخذه عشان تمثل قطاع يعني لكن ما يتركز علي نوع معين، هذا قصده لكن أيضاً جاوبت علي كل الأسئلة التي طرحت بعدين ما كان في تهكم كنا بكل جو وبكل صدق نجاوب علي الأسئلة والدليل علي ذلك حضرنا حلقتين يعني ناس النيل الأزرق جابونا حلقة أولي وحلقة ثانية وحلقة ثالثة كانت مع الموظفين بالجهاز ثلاث حلقات متوالية والآن نبدي ترحيبنا بآي جهة تريد ان تعمل معانا لقاء يعني مع الأخوة المغتربين والاستماع إليهم والإجابة علي أسئلتهم ومقترحاتهم.
Samir Ibrahim 03-17-2005 02:48 AM
--------------------------------------------------------------------------------
الشكر الجزيل لمنتديات النيلين التي اتاحت لنا الفرصه ان نلتقي بكم ... كما نقف لكم تقديرا واحتراما لاهتمامكم بهموم المواطن السوداني في شتي بقاع الارض ...
نحن السودانيين الذين تجنسوا بالجنسيه الامريكيه واصبحنا مذدوجي الجنسيه نعاني من الرسوم الباهظه ... علي سبيل المثال رسوم التأشيره لدخول السودان مائه وخمسين دولار للجواز الواحد ... الاسره التي تتكون من اربعه افراد تحتاج الي ستمائة دولار رسوم تأشيره .... ثم رسوم تسجيل ... ثم رسوم اقامة ... ثم رسوم اقامة .... يعني العربي الفصيح اصبحنا لا نستطيع ان نزور اهلنا ... بسبب الرسوم التي لا حول ولا قوة لنا بها ....
بما اننا دفعنا رسوم الضرائب لفتره طويله قبل ان نتحصل علي الجنسيه الامريكيه ... من حقنا ان نطالبكم ان تناقشوا مشكلتنا مع المسئولين في السودان ... ارسلنا عشرات الاي ميلات ... وكتبنا عشرات البوستات في الشبكه العالميه ... ولا حياة لمن تنادي ..
لقد قامت المملكه العربيه السعوديه بصرف نصف مستحقات العامل السوداني من قيمة الضمان الاجتماعي .... واحتفظت بالنصف الاخر لامر لا نعلمه ؟؟؟؟؟؟ هل اجرتتم اي اتصالات للاستفسار عن بقية حقوق العامل السوداني .. التي استقطعت من دخله والجزء المفروض ان يدفعه صاحب العمل حسب شروط التعاقد في المملكه ......
القومه ليكم تقديرا واحتراما .....
رد المهندس:
= سامر إبراهيم 1=
والله نحي الأخ سامر إبراهيم ونحي كل السودانيين في الولايات المتحدة الأمريكية ونتمنى لهم إقامة طيبة وعوداً حميداً ونحن نريد أن نقول إن الدستور السوداني يسمح بازدواج الجنسية وأنا أفتكر دي ميزة فيها تسهيل للمواطن بجانب إنك تحمل الجواز السوداني مع الجواز الأمريكي أو الأوروبي لكن يا أخ سامر أنت باختيارك حضرت للسودان بالجواز الأجنبي لذلك بتتعامل تعامل الأجنبي إذا حضرت بالجواز السوداني ما في حد بطالبك بتأشيرة دخول ولا بإقامة ولا بكل هذه الأشياء ولا بالرسوم الأخرى يعني وعلي الرغم من ذلك نحن نقدم لنا عدد من أخوانا المغتربين في أوروبا وأمريكا تناولوا الموضوع هذاا وناقشناه مع الأخوة في الجوازات ووزارة الداخلية وهنالك مقترح تكون هنالك بطاقة خاصة للأخوة السودانيين الذين يحملون جوازات غير سودانية علي الأقل هذه البطاقة الخاصة يقدموها في المطار ويعني تسقط عنهم مسألة الحصول علي تأشيرة مثل ما يفعل الأجنبي وإنشاء الله الموضوع دا في لجنة فنية في قسم التخطيط في الإدارة العامة للجوازات متابعة معاهم وإن شاء الله تصل فيها لنهائيات وتجي العطلة الصيفية الص
| |
|
|
|
|
|
|
|
|
 Re: ** مساهماتكم : لرفع دعـوى دستوريــة ضد قانون ضرائب المغتربين** (Re: الطيب شيقوق)
|
الأخوة الأعزاء الكرام
تحية طيبة وبعد
ما قصدت أن اثبط الهمم ولا أن أقلل من الجهد الذي يقوم به الأخوان من أجل كسب الدعوى المرفوعة ضد ديوان الضرائب وديوان الزكاة وجهاز العاملين بالخارج ففي ظل النظام الحالي لا يمكن بل من المستحيلات ولكن إذا أوجدنا نظاماً ديمقراطياً بإمكاننا أن نصل لنتيجة وإليكم جزء من لقاء تاج المهدي مدير الجهاز لعلمكم معظم العاملين في الجهاز من قرى التضامن والفجيجة مسقط السيد مدير الجهاز 90% والباقي هجين من المندهشين والتبع
--------------------------------------------------------------------------------
الأمين العام لجهاز تنظيم شؤون السودانيين العاملين بالخارج / المهندس تاج الدين المهدى
المهندس تاج الدين المهدى محمد
الأمين العام لجهاز تنظيم شؤون السودانيين العاملين بالخارج
منتديات النيلين ترحب بضيفها الكريم :المهندس تاج الدين المهدى محمد / الأمين العام لجهاز تنظيم شؤون السودانيين العاملين بالخارج .. والفرصة متاحة الآن لأعضاء المنتديات الكرام بتوجيه الأسئلة والمداخلات والإستفسارت عبر هذه المساحة فيما يتعلق بالمغتربين، وسيتم نشر الإجابات عقب توجيه الأسئلة ، إضافةً لبث المقابلة بالفيديو عبر تلفزيون النيلين ووضع الرابط بالمنتدى ..
ضوابط الحوار
- فترة إستقبال الأسئلة: من الثلاثاء 15/3/2005م .. إلى .. السبت 19/3/2005م
- الإلتزام بتوجيه عدد لا يزيد عن سؤالين فقط لكل عضو .
- عدم تكرار الأسئلة المطروحة .
- الإلتزام بضوابط المشاركة في منتديات النيلين.
بوادري 03-15-2005 05:39 PM
--------------------------------------------------------------------------------
بسم الله الرحمن الرحيم
مرحب بيك معنا في البيت الكبير ( النيلين ) كما يحلو لي ذلك
واتمني لك التوفيق في حياتك العامة
مجدد مرحب بيك
سؤالي
الا ترون بان هذه الضرائب ثقيلة علي المغتربيين
سؤالي
هل تتابعون السودانين في الخارج وتقومون بحلول مشاكلهم
ومرحب بيك في البيت الكبير النيلين
ولك ودي واحترامي
ابنك بوادري
رد المهندس
نشكره علي هذه الأسئلة أولاً وكما تفضلت هو يسأل هذا السؤال عن كثير من الأخوة السودانيين العاملين بالخارج وأنا اريد ان أقول معلومة لا بد من ذكرها في البداية ان مسألة الضرائب هذه بدأت في عهد نميري سنة 81 وكانت 10% من الراتب ثم توقفت في فترة وجاء مؤتمر المغتربين سنة 1998م وفي عهد الجزولي دفع الله وتنادوا كل الأخوة المغتربين في هذا المؤتمر وكانوا متحمسين لدعم السودان في الحقيقة وقالوا ترجع هذه الضرائب لكن كمساهمة وطنية لدعم كل السودان في مشاريع التنمية والبناء في السودان وبعد كده بدأ الناس تفكر في كيفية أخذها بطريقة عملية لأنهم استرجعوا فترة نسبة 10% وكان في جوانب عملية في هذه النسبة لانو كان في إشكال لتحديد الرواتب نفسها ربطت بالوظيفة الفئات الوظيفية العامل والموظف والمهني وغيرهم من الوظائف المعروف للمساهمة الوطنية لكن… الحقيقة مع تغير الظروف الاغتراب يعني والأحوال التي يعيشها المغتربون في الخارج وتأثر معظم الدول المضيفة للمغتربين بحروب الخليج المتتالية وأصبحت المساهمة الوطنية تشكل هاجس بالنسبة للأخوة المغتربين خاصة الشرائح الضعيفة منهم ولكن في جهاز شئون السودانيين العاملين بالخارج إستشعرنا هذا الأمر وحقيقة تناقشت هذه المسألة معهم في مؤتمر المغتربين الثالث ومؤتمر المغتربين الرابع بناءاً علي توصياتهم قمنا بالتعاون والتنسيق مع أخوانا في ديوان الضرائب ووزراة المالية قمنا بكثير من التخفيضات يمكن خلال 94 وحتى الآن أجريت دورتين للتخطيط مافي داعي للتفاصيل ولكن أنا أقول كنسب العامل كنت مثلاً 50% الموظفين، 30% وما فوق الموظفين كانت 25% هذا بالإضافة لمعالجات أخري يعني خاصة الناس الكان عندهم متراكمات يعني أمكن الناس أسقطوا عنهم 1/3 وجددوا لهم بقية المبلغ بأقساط حسب مقدرتهم يعني ليس في ذلك فقط إنما تمت معالجات في بعض الحالات، حالات المرض المستعصي بإعفاء كامل يعني إذا كان لا سمح الله يعني فشل كلوي أو قلب أو سرطان حمانا الله وآياكم وحمي كل المغتربين من هذه الأمراض الصعبة سواء كان هو أو أقرباءهم بالإضافة الي إعفاء كامل للأرامل من النساء أستمر أسلوب العمل فترة في هذه التخفيضات وعدنا مرة أخري تاني عملنا تخفيضات خاصة لشريحة الموظفين ومعالجات خاصة في بعض الدول –الدول الأفريقية والأخوة العاملين في ليبيا والأخوة العاملين في دول الازدواج الضريبي ديل حصلت ليهم معالجات والآن بناءاً علي توصيات جاءت مؤخراً من سفارات والجاليات في الأسبوعين الماضيين عملنا دورات تخفيضات جديدة ويعني اصطحبنا فيها كل الظروف الذكرها أخونا قبل شويه وانشاءالله الآن أمام الجهات المختصة إنشاء الله يوافقوا عليها وتعلن للجمهور.
* المتابعة والله نحن باستمرار بنتابع أحوالهم ممكن تسألوا تقولوا بنتابعهم كيف حقيقة عندنا اكثر من وسيلة لهذه المتابعة… أولاً عندنا تقارير منتظمة بتجي من السفارات بخصوص الآليات وتقارير بتجي من الجاليات والتقارير التي تأتي كذلك من الجمعيات والروابط في جميعات مهنية كثيرة جداً ودي من توصيات مؤتمر المغتربين الرابع إن الناس يشجعوا قيام المؤتمرات المهنية وجمعيات الأطباء البياطرة، المهندسين الزراعيين المعلمين أساتذة الجامعات برضو بتجي منهم تقارير وملاحظات أيضاً في بعض المسئولين البمشو في مهام رسمية لبعض دول الاغتراب بيحرصوا وأنا بحمد في أخوانا المسؤولين خاصة علي مستوي الوزراء وحتى علي مستوي رئيس الجمهورية والنائب الأول ما من دولة فيها مغتربين إلا يطلبوا من السفارة لقاء مع المغتربين والجالية السودانية ويستمعوا ليهم ومجرد وصولهم بينقلوا لينا ملاحظاتهم وإذا كان عندهم توصية بالمعالجات بيدونا هذه التوصيات بالإضافة لجولاتنا نحن جهاز المغتربين بنعمل جولات سنوية يعني ميدانية لإخواننا المغتربين نسمع ليهم نعرف أحوالهم لمن نرجع طوالي بنعمل المعالجات مع الجهات المختصة ولا تنس جهاز المغتربين يكون محتشد
بالنهار ويعج بإخواننا المغتربين أيضاً دي فرصة نحن نلتقيهم يعني وأنا لو لاحظت يعني عامل إعلان هنا أي مغترب عنده حاجة يريد تقديمها مقترح أو مشكلة عايز يطرحها من الساعة الثانية الي الساعة الرابعة ظهراً نحن نرحب به في كل يوم يعني بالإضافة للإدارات المختصة يعني إدارة العلاقات العامة من واجبها ان تتقصى قضاياهم وتتابعها، أيضاً عندهم صناديق للشكاوي والمقترحات والآراء ودي حسب أنظمة الجودة التي يعمل بها الجهاز وتفرغ يومياً وتمشي للإدارة المختصة –إدارة الجودة- وتحلل هذه المعلومات ثم ترفع بها إلينا وبالتالي نحن بنوجه الإدارة المهنية لتقوم بالإجراءات المطلوبة وتتواصل إذا أحبت مزيداً من المعلومات عن طريق الفاكس عن طريق Email عندنا إيميلات كل الوسائل يعني لمتابعة قضايا السودانيين العاملين في الخارج.
شاااادي 03-15-2005 06:07 PM
--------------------------------------------------------------------------------
السلام عليكم ورحمة الله
في الحقيقة عندي سؤال بسيط عايز اعرف الزول لو كان مغترب فترة وبعدين رجع البلد نهائي ومتبقي عليهو ضرائب وماجاء دفعا ليكم حسب ظروفو الجاء بيها انا سمعت انو في الحالة دي لو جاتك فرصة سفر تاني الا تمشي تسدد المتبقي عليك والا مابتسافر تاني وبعدين انتو عارفين ظروف الناس والواحد لما يكون علي سفر بكون محتاج لاي فلس معاه وبعدين بتخلو الناس تمشي في الغلط لانو زي ماسمعت ممكن تمشي تغير الجواز والا تتلفوا عشان تزوغ من الضرائب المتبقية عليك ودي بقت منتشرة جداً عشان كده انا شايف يعني تغيروا النظرة دي شوية وتعفوا الناس البتجي نهائي وماتطالبوهم بي كده انا هسه جيت من سنة ومضيع لي 5 سنوات في الفاضي ورجعت السودان وهسع لقيت فرصة تاني احسن ورفضتها عشان الموضوع ده لانو مامعاي قروش للضرائب وعلي ضرائب 3 سنوات .
ولكم الشكر،،،
رد المهندس :
والله ما في حاجة ما عندها حل لكن كل حالة بتتعالج لوحدها يعني حسب ظرف المغترب العائد نفسه وأحواله وفي كثير من الحالات إتعالجت بالتنسيق العام مع أخوانا في ديوان الضرائب وأخونا الأستاذ عبد القادر محمد أحمد الأمين العام لديوان الضرائب متفهم جداً لمثل هذه الظروف وقل له ما تخاف وعود للسودان نهائياً وإنشاء الله ما تضطر ترجع تاني وتبحث عن اغتراب يعني يستقر ويطيب له المقام يعني في السودان بين الأهل.
ودسنار 03-15-2005 07:03 PM
--------------------------------------------------------------------------------
الي السيد امين شئون العاملين بالخارج المحترم
السلام عليكم ورحمة الله تعالي وبركاته
المضوع مساعدتي بارجاعي الي وظيفتي لو في امكانيه
كنت اعمل في السودان بالمؤسسة العامة للطرق والجسود
قسم ادراة رسوم المرور السريع عملت به منذ عام 1987 الي 1994
سافرت الي المملكة العربيه السعوديه من 7/5/1994 الي الان والحمد لله اعمل بصوره طيبه ومن مسدد كل التزاماتي تجاه الدوله من مساهمات وكل شيء طيلة الاحدي عشر سنه وبكل صراحه متزوج ونسبه لمسؤلياتي تجاه اسرتي كتعليم اخواني واعالة اسرتي
لان الوالد كبيرواقام ان بكل شيء اضافة لاسرتي الصغيرة والله الواحد كره الغربه والبعاد عن الاهل والاسره كل امل بمساعدتي بايجاد وظيفتي التي تركتها وهاجرت مع ايماني التام
بحبي لوطني بل منعني عنه مسؤلياتي الكبيرة وخوفي ان اضفف امام المال العام والحمد لله علما بانني لي خدمه بالطرق من عام 1987 الي 1994 مع العلم بترك عملي براتب جيد من اجل اسرتي بضحي مرتين زهاب واياب اكرر ارجومساعدتي في العوده لاوطاننا
الواحد عندما يتقدم برسالة الي جهة ما
من المفترض ان ياتيه رد شافيء من الجهة المسؤله عن الموضوع
طبعا انا تقدمت بطلب الي مدير جهاز المغتربيين للمساعده في موضوعي
وبالامس كنت متابع لما يدور من حوار في قناة النيل الازرق الرائدة ومشكورين علي جهدهم ومتابعتهم
عندي سؤال عن الخدمه الالزاميه وبما اننا من مواليد 19963 والي الان كل سنه
ندفع رسوم تاجيل مع العلم ندفع ضرائب وزكاة وخدمات ونرسل مصاريف لاهلنا وزوجاتنا واخوانا مصاريف الدراسه في الجامعات يغني نحن من الهوي للهوي وجه مقارنه بين تادية الخدمه الاالزاميه والاغتراب والله كان لينا احسن الاالزاميه من التزامات الاغتراب ومشاكله
متل حوار الطرشان بين اهلنا والجهاز والمجتمع نقول ياابو مروه السيد رئيس الجهاز بالله عليك الله ولو بتعز المغتربين وسهران وتعبان من اجلهم الاتصال بوزير الطرق بخصوص امري
بما انني كنت سكرتير نقابي سابق وطبعا انا من خلال منتدي النيل سوف اسجل لك صوت شكر وعرفان بالجميل لمجهودات جهاز المغتربيين ولك من العين سلام متل مايقول العشاق ومتل يقول اهلنا السعوديين ابقاكم ماتكون خريطيين ولك سلامي
المعزب ود سنار
خالد غبد الرحيم طه
المملكه العربيه السعوديه ت 00966509002267
الرياض
بل هيلكوبتر العربيه
[email protected]
رد المهندس:
هو ده طلب ظريف يعني وبرضو أعلق علي هذا النوع من الطلبات بأن أخوانا المغتربين معظمهم ونحن كنا منهم يعني قاعدين فترة الاغتراب مهما طالت فترة السنوات بتاعتهم وكأنو قاعدين نحذفهم من الحياة والآن هو بتكلم عن إنه مغترب من سنة 1978م ويعني يفكر يعود للوظيفة مرة ثانية يعني وأذكره بأنه في سن معاشه وكلام من هذا النوع بالإضافة لانو في أجيال جديدة عادةً الفرصة بتكون هي لهذه الأجيال يعني ولكن لا نقول خلاص أخونا ود سنار يعني جهز كرسي المعاشين.. وأقعد في ضل العصر يعني لا نقصد ذلك بل بنفتكر إنو الشجر الكبار فيه الصمغ زي ما بقول المثل السوداني يعني فترة طويلة خبرة طويلة واحتكاك مع جهات خارجية قد تكون صقلت هذه الخبرة وأكسبته مزيد من المعارف ومزيد من المعلومات والخبرات في مجال عمله أنا أتوقع أخونا ود سنار ممكن في القطاع الخاص يكون عنده موقع خاصة والسودان الآن بيشهد تنمية في كل المجالات ومشاريع يعني قائمة في كل ولايات السودان وأيضاً ربما بيوت الخبرة الآن أصبحت هم من هموم مجلس الوزراء وأصبحت موجودة وبدأت تتكون الآن… مجموعات يعني هندسية صناعية طبية تعمل بيوتات الخبرة وهذا ممكن ان يكون له موقع في هذه الأماكن ونحن من خلال الإدارة بتاعتنا إدارة الاستثمار أو إدارة الهجرة في جهاز المغتربين وهذه الإدارة جد معنية بالخبرات والكفاءات السودانية في الخارج وكيف يمكن توظيفها والاستفادة منها ويمكن أن تعاود وحدة من هذه الإدارات إنشاء الله.
الرسوم ما عليه بتاعته لكن في معالجات أمكن سوف تتم في القريب العاجل الآن في اتجاه تعديل قانون الخدمة الوطنية ويعدل في السنة أو العام البدء فيه الخضوع للخدمة الوطنية ويمكن يخرج كثير من الناس زي ود سنار ده يمكن يطلع منها الآن هي أظنها 59 مواليد 59 عليه خدمة وطنية الآن في إتجاه يعدل القانون الي 62 او 61 ما أذكر لكن في اتجاه قوي إذا خرج يكون أرتاح تماماً من الخدمة الوطنية.
الاهيف 03-15-2005 07:27 PM
--------------------------------------------------------------------------------
السلام عليكم ورحمة الله وبركاته
نشكر سعادة الأمين العام على هذه الأطلاله التي يستمع فيها لمشاكل
المغتربين وهي اكيد ما بتنتهي
فاوجهي سؤالي الي الأمين العام انا اتنقل بين المهن كل مره بغير مهنه حسب
نقل الكفاله يعني المهنه في الجواز فني اتصالات وغيرتها عامل عادددي ثم الأن
الي فني كمبيوترر على فكره لي خمسه سنوات لم اغادر المملكة فكيف يكون
التعامل مع الضريبه في هذه المهن المتعدده
والسؤال الذي يفرص نفسه هل من فتره السلام القادم وتحسن
الاوضاع في السودان هل يتم تخفيض الضرائب ام نحمل السلاح
السلاح في وجهه الدولة من اجل التخفيض والله المستعان
وختاما نشكر الاخ على هذه السانحه
رد المهندس:
1:هو الأخ أظنه في المملكة العربية السعودية… المملكة العربية السعودية فيها أكبر جالية سودانية ولكن الخريطة أو سوق العمل أتغير كثيراً وبالطبع فيما لهم السودانيين التغير خاصة في سياسة المملكة العربية السعودية في سعودة الوظائف يعني في كثير من الوظائف شغلها الوطنيون وبالتالي يكون ما في مجال لغير الوطنيين وده يدفع السودانيين للبحث عن وظيفة جديدة وتغير المهنة نحن منذ سنة تقريباً عملنا نظام الملحقين الضرائبيين… الآن في ملحق ضرائبي من ديوان الضرائب موجود في الرياض وفي ملحق الوطنية ومن ضمنها قضية الانتقال من مهنة لمهنة، أخونا لو قريب من الرياض يمشي يقابل الأخ الصادق في سفارتنا في الرياض ويعالج ليه موضوعه إنشاء الله وإذا كان اقرب لجده يمشي يقابل الأخ عبد المنعم ديوان الضرائب هناك برضو يمكن أن يعالج ليه الموضوع.
2 :
أولاً نحن بنهنئ جميع السودانيين يعني بالسلام وتوقيع الاتفاقية ونخص الأخوة المغتربين بالتهنئة لان واحد من أسباب الاغتراب كان الحرب.. الحرب دفعت عدد كبير من أبناء السودان للخروج للبحث عن وضع أفضل أو للوظيفة أو للظروف التي تمكنهم من تعليم أولادهم وتربيتهم وما الي ذلك كثير من الناس تظن تحديات السلام هي أخف من تحديات الحرب وكثير من الناس يظنون أن تكاليف السلام أقل من تكاليف الحرب ولكن في الواقع أنو تكاليف السلام هي أكبر وأيضاً تكاليف البناء بعد السلام هي أكبر لكن أيضاً نحن بنقول قبل توقيع اتفاقية السلام ومنذ الحمد لله بدأت العافية تدب في جسم الاقتصاد السوداني وبدأ يعني الاقتصاد السوداني يقف علي رجله بقوة وتحقق الحمد لله يعني يوم بعد يوم انتصارات جديدة وانفراج جديد بعد معاناة طويلة وده ملحمة شارك فيها كل السودانيين أخوانا المغتربين ساهمو فيها بقوة.
التوجيه الصادر من الأخ رئيس الجمهورية إنو كل ما حدث انفراج في الاقتصاد السوداني يحدث انفراج في تخفيف معاناة المواطن السوداني سواء كان في الداخل أو الخارج نحن شغالين بهذا التوجيه وإنشاء الله نسعي به لتخفيف حمل الأعباء علي ضوء الانفراجات التي تحدث في الاقتصاد السوداني حتى تصل بها الي القيمة الصفرية إنشاء الله وليس ذلك علي الله بعزيز وليس ذلك علي الله ببعيد بعد النهضة في الاقتصاد السوداني..
- رد على مداخلة من المذيع-بشكره علي اهتمامه بهذه القضية طبعاً أنحن في زمن العولمة والمعلومات والمعلوماتية ولا يمكن لدولة ناهضة في السودان أن تقفل مثل هذا الأمر وأن يطمئن علي أن هذا الموضوع يجد الاهتمام الكبير جداً من الأخوة المسئولين في قيادة الدولة التنفيذية والسياسية وعلي مستوي مجلس الوزراء في مركز قومي للمعلومات ويعمل يعني علي توطين المعلوماتية في السودان ويبدأ بالرأس يبدأ بمجلس الوزراء ومجلس الوزراء الآن الحمد لله كثير من المعاملات التي توجد به تتم إلكترونياً رافعين شعار الحكومة الإلكترونية يعني وطبقوه بقت واقع والمشروع ده يلزم باقي الوزارات والمؤسسات الحكومية كلها تنحي نفس المنحي يعني نرجع للمغترب يعني الجهات السبقته في مجال الحوسبة وخاصة فيما يخص الإجراءات والمعاملات مع المغتربين وأيضاً بدينا نفكر في مسألة يكون عندنا موقع يعني في الإنترنت لكن بعض المشاكل الحاصلة بالتلفونات المتقطعة دي وما زال الموقع بتاعنا قي سودانت في بعض الإشكاليات لكن نحن بدينا الآن وتعاقدنا مع شركة إنشاء الله بتعالج كل المشاكل المتعلقة بموقعنا… والآن هو شغال ونتوقع أن يعني كل المشاكل ديه تزلل نهائياً ونبقي علي اتصال مباشر مع أخوانا المغتربين وغير المغتربين من خلال هذه الوسيلة الفعالة والمهمة والحضارية ونحن الآن بنتابع بعض المواقع الأخري عشان برضو نشوف آراءهم ومقترحات المغتربين في أكثر من موقع سوداني زي موقعكم دا بتجي من خلاله الكثير من الأسئلة والمداخلات والمقترحات نحن بنرحب بالأخوان وساعين إن نربط مكتبة إليكترونية مع سفارتنا في الخارج لسهولة تبادل المعلومة بيننا وبينهم كذلك مع الجهات العندها علاقة بيننا هنا في الداخل رئاسة الجوازات وجوازات مطار الخرطوم ومكتبنا في دنقلا ومكتبنا في مدني ومكتبنا في بورتسودان دي كلها من خلال التعاقد الذي تم مؤخراً مع هذه الشركة أمكن يتم قريباً.
الباشا الكبير 03-15-2005 07:32 PM
--------------------------------------------------------------------------------
أهلا بأبو عمار
أولاً : نشكرك على إستجابتك الكريمه لاستضافتك فى منتدى النيلين برغم مشاغلك الكثيره
ثانياً : لاأخفى عليك أننا كثيراً ما نطرح أسئله فى هذا المنتدى ولا نجد من يقراءها ويرد عليها والاخوة فى إدارة المنتدى ربما يطلعونك على أكثر من موضوع طرح فى
منتدى النيلين
باقلام الأعضاء الذين جلهم من ( العاملين خارج الوطن ) ، ولا نجد من يرد عليها لدرجة أننا أيقنا أن الانترنت والمنتديات محجوبة عن المسئولين فى البلد وخاصة جهاز المغتربين .
أرجو من إدارة المنتدى الرجوع لهذه المشاركات لعل فيها ما يغفل على السائلين الجدد من طرحها . وقد حاولت جاهداً البحث عنها فوجدتها ، بالبحث فى كلمة ( المغتربين) إلا اننى غير متخصص فى فنيات الانترنت حتى أتمكن من عمل روابط لها فى مشاركتى هذه ، ولهذا أترك المهمة لغيرى .
وبمثل ما لدينا من مآخذ كثيره على الجهاز كما سترى من الاسئله العديده التى ستصلكم ، الا أننا نشيد بالاصلاحات الكثيره التى تحاولون تطبيقها من وقت لآخر .
السؤال الاول :
هل فى الإمكان أن يتم تنفيذ كافة الاجراءات الخاصة بالمغتربين فى شباك واحد ، بدلاً من الوقوف فى الصفوف العديده والشبابيك المتنوعه لانجاز مهام المغترب ، برغم علمنا أن الاجهزه التى لها مصلحه فى مدخولات المغتربين متعدده ومختلفه ، فلابد من تدريب موظفين أكفاء للقيام بهذه المهمه المتكامله ، والمسأله كلها أرقام وحسابات يمكن للكومبيوتر من معالجتها .
السؤال الثانى :
لاحظنا عدم الترابط أو إهمال الجهاز أو موظفى القنصليات فى ربط الاجراءات التى تتم فى السفارات بتلك التى تتم لديكم ، فكثيراً ما نفاجأ بأن التسديدات التى تتم فى أى منها تكون غير معلومه للآخر مما تحدث الكثير من القلق والتذمر لدى الإخوة العاملين بالخارج .
وفقكم الله لخدمة بلدكم وخدمة هؤلاء العاملين بالخارج
أخوكم
أبو أسامه
رد المهندس:
-الباشا الكبير (1)-
والله نحن قناعتنا إننا من أول وهلة جينا هذا المكان وما زالت القناعة مستمرة وهي مبنية علي أننا نسهل ونبسط علي المواطن يعني وكل ما وجدنا سبيل إجراءاتنا دي تتم في وقت وجيز بدون تعقيدات يكون هذا هو الأصل واجهتنا فيه معاناة شديدة متعددة ذات الصلة بجهاز المغتربين لكن الآن أصبح هنالك فهم عام عند الدولة وكثير من أجهزة الدولة أن هذا هو الحل الأمثل والأفضل والمفروض أن يكون الأمر عليه وخطونا فيه خطوات يعني حتي نحن عملية الجودة الشغالين بيها بدينا إيصال السداد وأيضاً لوحدها حتي يقوم المغترب بدفع ما عليه من التزام يقف أمام أربعة أو خمسة اشخاص الآن شخص واحد وإيصال واحد أنت تأخذ المبلغ المستحق لوجهات مختلفة وبعد ذلك أنت تقسم.. كل جهة تعطيها، هذا الآن طبق… أيضاً عندنا كان في خطوة بخدمات المغتربين كان أيضاً كان هنالك شباك منفصل لكن الآن ياخذ مع المحاسب أو بياخده ويحسبه ويقدمه للمحصل علي طول… الآن عندنا خطوتين وساعين إن ندمج مسألة التقديرات.. كمسألة فنية أخوانا في ديوان الزكاة بيعملوا تقديراتهم وأخوانا في ديوان الضرائب عندهم تقديرات نحن قلنا ليهم والله المسألة دي يعني ما فيها فنيات صعبة ولا فيها مسألة معجزة ممكن شخص واحد يعمله نسأل الله نقدر نعمله واحدة والخطوة البعد دا نخلي الشخص البيتحصل دا لانو الناس ماشين تدرج لإلغاء الأعباء الشخصية البيقيف أمامه المواطن يكون واحد ويتحصل القليل المطلوب يعمل الإجراء ويمشي للجهة المختصة في الجوازات وفي المطار أن شاء الله نحن عاوزين نكون في المطار يعني يمكن ما في حاجة إنو يكون في جواز في جهاز المغتربين.
-الباشا الكبير (2)
السؤال فيه شقين السؤال الأول نحن صحيح أن الإجراء البتخذ في السفارة في مسألة المساهمة الوطنية أو الزكاة وغيره ما بقبلوه يجب المعاملة من جديد وربما يكون في قرار جديد يعني يطلع بعبء إضافي علي المغترب الآن التوجيه والشيء المعمول به الآن أي أجراء أي معاملة وأي قرار يتخذ بشأن المغترب في السفارة هو مقبول لدي الموظفين عندنا بصفة عامة أحيانا يكون فقط أنا عملت في السفارة تأخرت شويه هنا يكون عايزين منه المعلومة عشان ينزلوها في الأرشيف في الحاسوب عشان لمن يحي مرة ثانية يكون موجود ودا الشق الأول السؤال الثاني تبادل المعلومات يعني المعلومة تكون إتعملت في السفارة ويجي يفتكر إنها تكون وصلت هنا يقوم يجي يلقاه ما وصلت فهذا إذا تم الربط الساعين له الآن إليكترونياً ما حيكون في مشكلة تاني ونحن جربنا مع السفارات والتجربة كانت ناجحة والمسألة الثانية بتجينا عن طريق التقارير الشهرية التي ذكرتها قبل شويه أن كل السفارات بتعمل لينا تقارير بالتزامات الأخوة المغتربين البتتحصل في السفارات وبتنزل عندنا طوالي أول بأول في الحاسوب أو عن طريق بطاقة المغترب دي كثير مغتربين بهملوها نحن قلنا بطاقة المغترب كمسألة مرحلية لأنها لو اكتملت العملية الإلكترونية بنستغني عنها مسألة مرحلية فيها صفحات لتجسيل التزامات المغترب حقوا يحرص علي ان يقدمه للجهة المسؤولة في السفارة عشان تنزل التزاماته دي أو إذا جات هنا بالنسبة لينا مقبولة فدي كلها عشان تحقق تبادل المعلومة بيننا… بنفس المستوي إذا جاء هنا برضه يقوم بتقديمه للجهة المختصة عشان لمن يمش للسفارة برضه مقبولة لدي السفارة هناك… أبو أسامه نحن نحييك.
ابو عزه 03-15-2005 07:56 PM
--------------------------------------------------------------------------------
بسم الله الرحمن الرحيم
اولا مرحبا بك في المنتدي
السؤال الاول ؟
شريحة كبيرة من المغتربين بمختلف الشرائح لها اكثر من 20 عام وأكثر وهم ملتزمون بحكم مواصلتهم للوطن للضرائب وغيرها من المسميات التي لاتخلوا من الغرابة ماذا فعل لهم الجهاز افتكر هذا السؤال يضم سؤال اكبر مازلنا نعاني من الاغتراب وندفع كل مدخراتنا كضرائب وذكاة وغيرها ورغم ذلك لانجد تسهيلات في أشياء بسيطة ولاندري هل جهاز المغتربين حكومة داخل حكومة ام هنالم نظم ولوائح تحكمه ولاادري ماذا اقول والعبرة في حلقي ارحمونا يرحمكم من في السماء واخيرا اقول انا لانسألك رد القضاء ولكن نسألك اللطف فيه وحسبنا الله ونعم الوكيل فيكم .
اسامة محمد
جدة - 0506675156
رد المهندس:
[color=#0000CC]
هو جهاز المغتربين ما حكومة داخل حكومة جهاز المغتربين هو مؤسسة حكومية والمعارف وضعيته هي محكومة بقانون تنظيم شؤون العاملين بالخارج والمعدل لسنة 93 وأنا نسيت أقول قانون تنظيم شئون العاملين بالخارج سنة 98الذي عدل عن قانون رعاية شؤون العاملين بالخارج سنة 93 علي ضوء توصيات مؤتمر المغتربين الثالث وهذا القانون لسنة 98 أجازه المجلس الوطني وجعل من جهاز المغتربين مؤسسة هيئة مستقلة تتبع لمجلس الوزراء الآن الوزير المشرف علي جهاز المغتربين هو وزير مجلس الوزارة الوقت الحالي ده هو اللواء الركن الهادي عبد الله ونحن بالمناسبة عندنا مشكلة في كلام الأخ أبو عزا دائماً أنا قاعد أقول نحن بين المطرقة والسندال لمن نمشي للجهات الحكومية في قضايا المغتربين ونتكلم عنها ونحاول نعالجها بقولوا لنا أنتو نقابة المغتربين لمن نمشي للمغتربين يقولوا والله أنتو سوط الدولة المسلط علي رقبة المغترب فمن هنا مشكلة ومن هنا مشكلة لكن نحن إنشاء الله نكون حلقة وصل بين الدولة والعاملين بالخارج ونكون الجهة الحكومية ونكون عين الدولة والعاملين بالخارج ونكون الجهة الحكومية ونكون عين الدولة للسودانيين العاملين بالخارج وأي سوداني عامل بالخارج باعتباره مواطن والحكومة والدولة مسئولة من أي مواطن في الداخل والخارج وتخليه يعني ما يعيش في أي نوع من الإرهاب من جهة من جهات الدولة لو كان جهاز المغتربين أو غيره وفي مسألة تعاملنا مع الناس في فترات طويلة في الاغتراب نحن قلنا والله طبعاً اغتراب المغتربين عموماً هو اغتراب عشوائي نادراً جداً ان يكون اغتراب مخطط وعارف إنه في فترة 10 سنوات أو 5 سنوات أو 15 سنة عارف انه عايز يعمل شنو بعد ما يرجع السودان.. أمكن نلقي ليهم العذر لان هذه مسألة جايا من طبيعة المجتمع السوداني والتزامه والإلتزامات العلي ظهره اجتماعية ما لا يستطيع ان يتخلي عنها والأسرة الممتدة وما الي ذلك يمكن تكون مساهمة في عدم التخطيط المنظم لمسألة اغتراب وهجرتنا لكن بنقول انه في ما تبقي من عمر وما تبقي من وقت الناس لو خططوا له يكون أفضل وأصلوا لا بد من العود للسودان و(العرجا لمراحا) زي ما بيقولوا أهلنا وما في مغترب سوداني مشي علي ان يستوطن في الخارج أبداً عنده رغبة في كده… الناس ديل عندنا ليهم معالجة عندنا مشروع ضخم سميناه مشروع الهجرة العائدة… أنا بفتكر في آخر جولة لينا السنة الفاتت الحديث كله في لقاءاتنا مع المغتربين في المملكة العربية السعودية بمناطقها المختلفة، في قطر وفي الأمارات وسلطنة عمان وحتي في أوروبا الكلام كله والحديث كيف نعود وعملتوا لينا شنو أو الدولة حتعمل لينا شنو أو بتسهل لينا طريق العودة كيف، جينها صممنا مشروع سميناه مشروع (الهجرة العائدة) هو يضمن 7 أو 8 محاور.
أنا أفتكر دي فرصه طيبة أن أقول انه حتاخد بعض الوقت ربما نحتاج لأخوانا برضوا يعينوننا فيها أيضاً… المحاور دي المحور الأول فيها انه نعمل إحصاء شامل كامل لكل السودانيين العاملين بالخارج إحصاء مش عدد فقط يعني حتى وظائفهم ومهنهم وأسرهم قدر شنو إحصاء دقيق نعمل إحصاء خاص للخبرات السودانية.
المحور الثاني في المشروع أن نعمل مسوحات خارجية لتلمس وتحديد رغبات السودانيين في العودة من خلال إستبيان أو غيره يعني مسوحات داخلية لتحديد الوظائف المتاحة علي مستوي القطاع العام وعلي مستوي القطاع الخاص المحور الذي يلبي ذلك هو ان نعمل جهة مختصة نسميها بيوت خبرة عندها إلمام بمسألة القوي العاملة وكيفية اختيارها لتلائم وظائف تعينها عشان تعمل تشكيل للراغبين في الوظائف الموجودة دي مع الجهات المختصة إذا كان في قطاع عام أو خاص والمحور البعده نحن أيضا مع الجهات المختصة في أجهزة الاستثمار علي المستوي الاتحادي والمستوي الولائي ان نعمل مشروعات استثمارية يعني قصيرة الآجل وطويلة الآجل ونعمل فيها زي دراسات جدوي عشان نتيجة لأخوانا الما راغبين يستغلوا وظائف عايزين استقلو استثمارهم الخاص في المجالات المختلفة الخدمية والصناعية والتجارية والزراعية نعمل مشروعات زي دي ونقدمه لأخوانا الراغبين في العمل الاستثماري يعني ونعينهم من خلال إدارة الاستثمار عندنا وعندنا لجنة عليا في إدارة المغتربين ممثلة فيها كل الجهات ذات العلاقة بالاستثمار عشان أيضاً يستفيدوا من الميزات التي يقدمها قانون الاستثمار وينطلقوا كلهم في مجال تخصصهم. المحور البعد هذا ان نحاول نستصدر قرار من مجلس الوزراء في مسألة إعفاءات جمركية جزئية أو كلية علي أمتعت الشخص العائد نهائي وسيارته لو كان لديه سيارة تساعده علي الاستقرار ورتبنا في مسألة الإعفاءات الجمركية دي في معدات المهنة إذا قلنا العائد طبيب معاه معدات، نجار معاه عدة نجارة، حداد معاه عدة حدادة وهكذا كل زول في مجال تخصصه.. وقلنا في مسألة معدات المهنة دي يكون الإعفاء بتاعه كامل غير الأمتعة الشخصية.. برضو عندنا محور ثاني هو ان يعني بتشجيع قيام الجمعيات المهنية ودورها في ان تعمل بعض المشاريع ليس عند العودة النهائية مشاريع عشان بعدين تساعدهم والمسألة دي بدأت الآن أخوانا جمعية البياطرة في السعودية عندهم شغل زي ده المهندسين الزراعيين حتى أرضهم استلموها أظن وعندهم أنا بحييهم يعني العاملين بالمملكة العربية السعودية عندهم مشروع بتاع قرية تسمي قرية الصابر هم دايرين يساعدوا لتصدير صادرات السودان من الفواكه والخضروات وكدا زي ما يحصل في كل العالم عشان تنافس مع تنظيم التجارة الدولية الماشه علينا وأخوانا المهندسين برضو عندهم جميعة المهندسين في المملكة العربية السعودية..المهندسين المدنيين والمعماريين برضوا عملوا جمعية وديل إذا كان بدوا قبل ما يرجعوا العودة النهائية يمكن يهيئوا لنفسهم مواقع الواحد لمن يرجع طوالي موقعه يكون جاهز يعني… أيضاً من المحاور الطرحناها في مسألة الهجرة العائدة ان نعمل صندوق عشان من خلاله المشروع الكبير بتاع الهجرة ده تنفيذه لان ما في مشروع بيتنفذ بدون مال أمكن ألينا علي أنفسنا ندعم هذا المشروع الدفعة الأولي بتكون من عندنا نحن إنشاء الله وأخيراً ان المشروع ده يكون فيه برنامج أعلامي قوي للتوعية به ونشره للمغتربين أنفسهم تقريباً دا باختصار مشروع الهجرة العائدة عشان العائد يستفيد محور مهم مساعدتهم أولا يلقوا مواقعهم الفي المدارس في المدارس التعليم العام إذا كان مرحلة أساس أو ثانوي والفي الجامعة كمان يلقي موقعه في الكلية اللهو فيها هناك حسب قوانين ولوائح التعليم العالي وي كلها تقريباً مشروعات الهجرة… أيضا الناس القعدو فترة طويلة والملتزمين بالسداد الناس عملوا ليهم حافز بتاع تخفيض كده ودا ضمن المعالجات العملناها في الضرائب ان 25% تخصم من القيمة النهائية وأيضاُ للمعالجة التي تمت مؤخراً إنشاء الله تجد القبول والموافقة هنا في مقترح معاملة الأخوة الذين بلغو سن 60 سنة أو قضوا 25 سنة في الاغتراب معاملة مثل رصفائهم في الداخل هنا البلغ هذه الفترة من هذه السن أو 25 سنة خدمة يعفي من الضريبة هذه واحدة من المعالجات التي قدمناها.
ناجي خليل 03-15-2005 08:10 PM
--------------------------------------------------------------------------------
السيد/ أمين عام جهاز شئون السودانيين نشكرك علي تفضلك معنا اسئلتي هي :
بعد اتفاق السلام القادم انشاء الله هل رسوم المغتربين البدفعوها هي هي ام ان هناك تغيير .
نتمني ان يعاد النظر في هذا ، شكرا مرة اخري
** سؤال مكرر تم الرد عليه **
satti2005 03-15-2005 08:40 PM
--------------------------------------------------------------------------------
السلام عليكم ورحمة الله ، لا أريد أن أسأل عن الضرائب فقد سأل عنها الكثير . ولكني أريد أن أسأل عن شرعية الزكاة التي تؤخذ من المغتربين : فقد يكون راتب الفرد قليل وتجب عليه الزكاة والعكس يمكن أن يكون الراتب عالي جداً ولكن عليه من الإلتزامات ما يجعله مستحقاً للزكاة وليس العكس كما إن للزكاة شروط . وأيضاً ما رأيكم في مدة تجديد الجواز مقارنة بالجنسيات الأخرى؟؟؟؟
رد المهندس:
بالنسبة لسؤال الزكاة طبعاً الزكاة دي عندها مجلس بتاع فتوة يعني ما ممكن يصادق شئ إلا أن تمر عبر هذا المجلس والمجلس مكون من عدد مقدر من الأخوة العلماء هم الذين أجازوا زكاة المرتبات في السودان وهي معمول بها تقاس علي المال المرتبات وأظنهم في هذا الجانب مستندين علي مذهب الأمام أبو حنيف وزكاة المغتربين هي زكاة مرتبات ومعمول بها في السودان في الداخل في مرتبات في الداخل الآن أيضا تخضع للزكاة ما في إشكال تحديد النصاب ولكن خرج المنشور من ديوان الزكاة وجلس مع الأخوة المغتربين ووقفت علي أحوالهم وظروفهم وكان من قبل عندهم إقرار بملء المغترب بنفسه يحدد فيه راتبه ويحدد فيه الحاجات الأساسية من أكل وشرب وملبس وتعليم أولاده وعلاج وترحيل وما الي ذلك وإذا تبقي شئ يضرب في 12 من الراتب الشهري وإذا بلغ النصاب وهو محدد بما يعادل 85 جرام ذهب عيار 18 علي ما أظن ويأخذ منه اثنين ونصف في المائة الآن أضاف حاجة جديدة في الفترة الأخيرة هو أي راتب اقل من الفين ريال لا زكاة عليه يعني أي مغترب راتبه أقل من ألفين ريال وما دون ذلك ما عليه زكاة… والحاجات الأساسية قدرت من الناحية العملية يعني بـ70% في المملكة العربية السعودية مقدرة بـ70% ونحن لو كان ما عدا ذلك المملكة العربية السعودية نحن طالبنا ديوان الزكاة أن كل الحاجات الأساسية تكون نسبة واحدة 70% و30% هي تخضع للزكاة وبذلك في كثير من الأخوة المغتربين خرجوا من دائرة الزكاة… وفي معالجات بعض المغتربين يقولوا مافي متأخرات في الزكاة يعني أنا مرت علي السنة دي وما قدرت تكون ما علي لكن الفتوة قالت عليه يعني ده دين ودين الله أحق أن يقضي ولكن أيضاً يتحمل معالجات كل حاجة بياخدوها براها وفد الزكاة الكان خرج قبل كده عمل معالجات كثيرة في هذا الجانب وعموماً نحن في فقهنا في السودان في مسألة الزكاة بنختلف عن كثير من الدول يقولوا ان يطلع زكاتي وقاعد أديها أهلي وكده وكده كيف أجي أطلعه ثاني… الزكاة عندنا هنا في السودان حصل أو النظام الشغالين به يعني أن يأخذ الحاكم او الوالي أو ولي الأمر هو بعد كده يوزعه حسب مصارفها وفي المصارف الثمينة دي نحن بنجيب الزكاة المن الخارج… ودي معلومة للمغتربين أمكن يكونوا ما عارفينها الزكاة المتحصلة في السفارات في الخارج تترك منها 30% وعاملين بها لجنة مسميتها لجنة الزكاة عشان تعالج بها الحالات الاجتماعية التي تمر بعدد كبير من المغتربين وذلك حسب مصارف الزكاة التنمية المعلومة…
وهذا شغال في عدد من دول العالم.
abba 03-15-2005 08:49 PM
--------------------------------------------------------------------------------
الأخوة الكرام
القائمين على أمر منتديات النيلين
شكرا على لفتتكم الكريمة بإستضافتكم للأخ/ الأمين العام لجهاز شؤون المغتربين بالخارج.
لا يخفى عليكم الدور الذي يلعبه المغترب تجاه وطنه السودان, وعليه كان من المفترض تذليل كل الصعاب التي تقف في طريقه والتي تمثل حجر عثرة في تحقيق دوره المنوط به تجاه وطنه أولا وأهله.
مشكلة تقدير الضرائب المستحقة على المغترب مثلا وبرغم الأسس غير المنطقية المتبعة في تقدير الضرائب, إلا انها في نهاية الأمر تحل مؤقتا بتأجيل جزء منها إلى ميعاد آجل.
سؤالي هنا يتعلق بفترة صلاحية الجواز السوداني (المحددة بسنتين) أرى ان هذه الفترة المحددة فترة ضيقة جدا وتمر على المغترب دون أن يحس بها ودون أن يستخدم الجواز في سفر وغيره, وبمقارنة فترة صلاحية الجواز السوداني بغيرة من جوازات الدول الأخرى نجدها فترة بسيطة جدا, فمثلا الجواز المصري تنتهي مدته بعد 7 سنوات والجواز الهندي والبنغالي بعد 10 سنوات أو أكثر وكذلك الجواز اللبناني والسوري.
حتى أن هذه المسألة أصبحت ملاحظة من مسئولي الهجرة هنا (السعودية) ويسألوننا مباشرة عن السبب في ان الجواز السوداني فترته محدده بسنتين فقط.
فلماذا لا نكون مثل غيرنا من أهل الأغتراب من الجنسيات الأخرى (أرى ان تكون مدى صلاحية جوازنا اقلاها 5 سنين) ولكم أن تتشاورا مع ولاة الأمر في وزارة الداخلية.
ولكم الشكر
رد المهندس:
هو طبعاً النقطة هذه أثيرت في كثير من المنتديات ومؤتمرات المغتربين والآن لو متابعني في مشروع جواز جديد جواز سوداني جديد يعالج الفترة في مسألة تجديده ما بين المقترح يكون خمس سنوات وغالباً ما يري النور خلال هذا العام وكان فيه مشاكل تمويل كده أولاً الجواز الجديد فيه عدد من الميزات هو مقروء آليا وما فيه مهنة وفي نية ثانيا كل فرد من أفراد الأسرة يكون عنده جواز مستقل حتى ولو كان طفل غالباً الجواز الجديد يري النور خلال هذا العام.
البرغوثي 03-15-2005 08:52 PM
--------------------------------------------------------------------------------
السلام عليكم ورحمة الله وبركاته
بداية أرحب بالأخ الباشمهندس / تاج الدين المهدي
الامين العام لجهاز المغتربين
ونشكره على قبوله دعوة ادارة منتديات النيلين لهذا الحوار الهام كما نشكر ادارة المنتدى ممثلة في شخص الاخ المشرف العام على هذه الحوارات والاستضافات.
ولاهمية هذا الحوار نرجو ان يسهب الاخ الامين العام لجهاز المغتربين في الاجابات بل ويقدم لها ما استطاع لان امرها هام جدا.
سؤالي واحد لا ثاني له:
بعد ان تم استخراج البترول وتمزيق فاتورته وبعد ان استطاع الاقتصاد السوداني ان ينهض من كبواته حسب التقارير وتوقيع اتفاق وقف اطلاق النار الدائم في الجنوب وطي صفحته واتباعه باتفاقية السلام يرنو ابناء السودان العاملين بالخارج الى ان تصدر قرارات ايجابية تخصهم فيما يتعلق بجميع شئونهم (دون تحديد).
فهل سيكون هنالك قرارات (شجاعة) و(نوعية) ينتظرها الشارع المغترب ويطمئن من خلالها على مستقبله ومستقبل ابنائه يبشرنا بها الباشمهندس / تاج الدين المهدي؟
ارجو ذلك.
وشكرا.
رد المهندس:
طبعاً أظن جاوبنا علي جزء من هذا السؤال إجابة سابقة ولكن مرة أخري نقول أن هنالك مشروع سمي مشروع السلام وأيضاً فيه عدد من المحاور وهذا المشروع تداولناه فيما بيننا وأجزناه علي مستوي الجهاز ورفعناه الي مجلس إدارة الجهاز بالمناسبة الجهاز حسب القانون عنده مجلس إدارة، مجلس الإدارة يتكون من كل الجهات التي لديها علاقة بمسألة الهجرة والاغتراب ويرأسه الوزير المختص اللواء الركن الهادي وزير وزارة مجلس الوزراء وعرضنا هذا البرنامج مشروع السلام لمجلس الإدارة وأجازه وفيه عدد من المحاور تقريباً 13 محور، المحور الأول بتكلم فيه عن تعريف الاتفاقية وبنودها وشرحها للأخوة المغتربين من خلال الوسائل والوسائط المختلفة وتمليكهم أيضاً كل الوثائق المتعلقة بهذا وحسهم علي الإحتفال بمناسبة السلام باعتباره مكسب كبير تحقق، الاتفاقية حلم كان يراود السودانيين لفترة طويلة وأنه أيضا صناعة سودانية يجب أن يعتز الناس بها ويحتفلوا بها وأمكن ده يدينا بدينا فيه في كثير من الجاليات والسفارات عملت هذه الاحتفالات وأيضاً من خلال الوفود البتمشي يعني تمد كثير من التنوير باتفاقية السلام…. المحور الثاني إشاعة ثقافة السلام للأخوة العاملين بالخارج وتأجيج الجفل لان مسألة السلام تحقيق الوحدة الوطنية ما تم وما بجي إلا بإعادة الثقة بينا شماليين وجنوبيين قبائل شمال أو جنوب مختلفة الناس تتحاوز مسألة القبلية الضيقة يعني يربط النسيج الاجتماعي بين كل قبائل السودان المختلفة… المحور الثالث أنه نحن من خلال المغتربين كأدوات دبلوماسية أيضاً يبشروا بمشروع السلام السوداني وتعريف الأخوة سواء في الدول المضيفة أو الجاليات الأخرى المعاهم في دول الاغتراب أو من خلال مساهمتهم في الأجهزة الإعلامية إذا أتيحت لهم الفرصة إذا كانت صحف أو اذاعة أو إذا كان قنوات فضائية تلفزيونية مداخلات عن المسألة دي مطالبين بذلك لانهم هم رسل السودان لانهم الحقيقة ممكن يعبروا تماماً ويشرحوا هذه المسألة ويكونوا إضافة قوية للدبلوماسية الموجودة وأيضا من المحاور لمشروع السلام هو أن نحاول نستقطب رجال الأعمال أو الخيرين حتى للعمل في السودان لان بعد السلام ليس هنالك مشكلة الناس كانوا يتخوفون من عدم الأمن… السودان الآن الأمن توفر فيه ومشاريع التنمية موجودة استقطاب رجال إعمال من الدول المضيفة أو الدول الأخرى للاستثمار خاصة في مشاريع البنية التحتية وأيضاً استقطاب ودعوة المغتربين انفهسم لو كان في ناس منهم مغتربين وأنا أوكد أن هنالك رجال أعمال سودانيين مغتربين برضو يكون في دعوة ليهم أن يجو يستثمروا في السودان في مجال البنية التحتية أو غيرها وأيضا دعوة الخيرين والمحسنين من المغتربين وغيرهم في مسألة الخدمات خدمات تعليمية وصحية يعني مساجد وخلاوي وغيرها في قراهم ومدنهم أو في مدن السودان المختلفة وفي الجنوب أيضاً علي وجه الخصوص المناطق المتأثرة بالحرب سواء كانت في الشمال أو الجنوب وهذا أيضا محمود من محاور مشروع السلام ومحور أخر من محاور مشروع السلام هو مسألة العودة لان يفتكروا في ناس كثيرين سودانيين طلعوا بسبب الحرب بقول أنا والله لو في ناس كثيرين سودانيين طلعوا بسبب الحرب بقول أنا والله لو الحرب دي وقفت أنا برجع الدوره دي لو الحرب وقفت أنا برجع ولذلك لا بد من تهيئة الفرصة للعودة ونحن نكرر في هذا المحور بالذات مرة أخري تقرر تمكين مشروع الهجرة العائدة وخاصة بالمحاور المتعلقة بالإعفاءات الجمركية وتشجيع العودة… والأمتعة الشخصية في العربات ومعدات المهنة وما الي ذلك يعني دي برضها واحدة من الأشياء المطروحة..
المسألة الثانية هي عملية محور تأنى هي توظيف أو إعطاء الأولوية للكفاءات والخبرات السودانية في تنفيذ مشروعات السلام كلها مشاريع التنمية الآن في مشروعات تنفذ كبيرة جداً جداً يعني طرق كباري يعني في مجال الزراعة في مجال الصناعة حتى في مجال القوة البشرية وتدريبها سوي في الشمال أو في الجنوب للنهوض بأعباء السلام وقلنا نري الأولوية للخبراء والكفاءات السودانية يعني بدل ما نديها الي أجانب وكده وأبناء السودانيين المؤهلين هم أكفاء يعني وكثيرين ويمكن الاستفادة منهم وإعطائهم الأولوية وقلنا عندنا عمل حصر وإحصاء وموسوعة للخبرات والكفاءات السودانية نحاول ننشطه ونكمله وتتواصل معاهم علي ضوء مقررات وتوصيات ملتقى الخبرات والكفاءات السودانية العاملة بالخارج لا نقصد السنة الفاتت وعلي ضوء ذلك مقررات وتوصيات ملتقى السودانيين الخبراء العاملين بالمنظمات الدولية والإقليمية والعاملين في مؤسسات التمويل الدولية ديل كلهم الناس بدوهم في مرحلة السلام. أيضاً لانه ليس هناك سلام في السودان بيتحقق بدون ما يتحقق في دارفور وخاصة أبناء دارفور في الداخل يساهموا مساهمة فعالة بان السلام يعود الي إقناع أهلهم بان الناس يطرحوا السلام ويحكموا صوت الحق ويجلسوا للتفاوض والحوار يعني تقريباً دا مشروع السلام وأيضاً يكون في عمل إعلامي كبير يصاحب هذا المشروع وان يكون واحد من محاورنا في مؤتمر المغتربين الخامس الذي سيعقد إن شاء الله في أغسطس من هذا العام فأنا عايز أقول وأرجع لسؤال أخونا انو دا مشروع السلام وإن شاء الله يكون وجد في طرحنا ليه فيه عناية يعني فيه مشاريع خاصة بهم إذا كان العودة من ضمن محاور المشروع تخفيف الأعباء عن السودانيين العاملين بالخارج لمراجع كل الالتزامات المختصة.
Ashraf Hassan 03-15-2005 09:22 PM
--------------------------------------------------------------------------------
قبل فترة تشرفت بحضور ملتقى الكفاءات ووعدونا بأن يتم ارسال التوصيات والتواصل معنا ولم يحث شيء للأسف الشديد
في العام نفسه ورغم أني مغترب من 10 سنوات وأسدد جميع التزاماتي فاجأني مندوب التجنيد أن اسمي مطابق لاسم أحد طلبة الشهادة وطلب مني الذهاب للقيادة لأقسم انني أنا ودفعت خمسين ألف جنيه رسوم حليفة (كل اجراءات التجنيد عموما سخيفة وما لها أي معنى)
ألا تعتقد أن البعض لديهم مزاج في عكننة المغتربين مثال الذهاب للفطور وترك الشباك بدون توفير بديل أو اعتذار - الاصرار على عدم اعادة الباقي من الرسوم أو الطناش بطريقة غير كريمة- التعذر بعدم وجود صرف أو فكة
ماهي المعايير التي على أساسها تم تأجير الكافتيريا ومحل التصوير الذي لا يشرف منظرهما أحدا ولماذا لا تكون مناقصة عامةو أو حتى يسمح لمحلات مشهورة بفتح أفرع لها حول المقر
الأراضي والمشاريع الاسكانية التي تطرح للمغتربين اسعارها تعجيزية ولا يستطيع السواد الأعظم منا مجرد التفكير فيها وكنا نتوسم من الجهاز أن يكون الأقدر على تلمس امكاناتنا
قل بربك ما الذي يعود على المغترب مثلي من وراء تسديد رسوم الخدمات أوليست الخدمات هي تسهيل جباية الضريبة فقط؟ألا يمكن أن اسدد الضريبة لدى أي بنك سوداني؟
اقتراح أخير بعمل صندوق اسمه صندوق الكرامة السودانية للعودة الطوعية لأولئك الذين انقطعت بهم السبل من الأسر السودانية المقيمة بالمملكة والذين لايستطيعون العودة ولا يقوون على البقاء خاصة بعد أن تواترت الأخبار عن لجوء قلة قليلة جدا منهم الى وسائل غير كريمة وأقترح أن يوفر لهم الجهاز بالاشتراك مع الحكومة السودانية والسعودية تذاكر مجانية وشحنا مجانيا لأمتعتهم وقطعة أرض ومنشأة أو مبلغ تكفي لاقامة مصدر دخل
اقتراح مكلف ولكن اسم السودان وسمعته وسمعة أهله أغلى بكثير من كل شيء
رد المهندس:
والله نحن عندنا أهم توجيه خاصة للموظفين الذين بتعاملون مع جمهور المغتربين باستمرار التعاون الكريم وتسهيل أمره واختيار الجانب السهل في الأمر دائماً هو تغيير القوانين كلها في صالح المواطن وأيضاً توجيهنا لهم أن المسائل الأساسية يمشوا بها بالتناوب إذا كان فطور وله صلاة وما الي ذلك لكن أحياناً بنجد الموظف الوحيد يعبر عن نفسه الناس بختلفوا يعني يختلف موظف عن موظف يتعامل تعامل أحياناً غير لائق ودا يكون حال نفسه وما في توجيه يعاملوا الناس هذه المعاملة أو يكون عدد المترددين عليه من المغتربين خف أو قل يقوم في فترة صلاة يطلعوا كلهم وفجاءة تحضر موجه من المراجعين مرة ثانية، نحن لكي ننظم المسألة هذه في اليومين ديل بالذات قلنا ليهم يا أخوانا إنتو أي مجموعة من الجمهور حضرت معه تنقسم الي قسمين أ،ب.. (أ) في الشباك وإذا كانت المسألة ضرورية فطور أو صلاة يأخذ فرصة وحصته و(أِ) يؤدي واجبه مع الجمهور و(ب) يمشي يؤدي واجباته الإنسانية التي لا يستطيع ان يتنازل عنها أي زول … كذلك موضوع الخدمة الوطنية أنا ما عارف جاء متين لكن الحمد لله طرأ عليها تحسين كبير في بداية هذا العام كان عندنا لقاء ناجح جداً مع قائد الخدمة الوطنية وطرحنا عليه كل مشاكلنا وتصور بمعالجتها تقريباً ووافق علي كل الخطوات التي ذكرناها له والآن في مسائل إجرائية في المكتب هنا أعادوا فيها النظر وفي خطوة أخيرة إذا إتعملت إنشاء الله المسألة بتكون في منتهى اليسر والسهولة والتبسيط.. أما مسألة القسم دي أنحن انتهينا منها تمام قلنا مسألة القسم دي تقيف من كل الجهاز إذا كان في الخدمة الوطنية إذا كان في المساهمة الوطنية ما في داعي لأداء القسم وأن نتعامل بالمستندات وهذه دعوة لأخوانا المغتربين العندهم موضوع أو أداء عاوزين يثبتوه يجيب معه مستند من السفارة أو الجالية أو من الجمعية ويوثق من السفارة أو معتمد من السفارة هو مقبول لدينا… إذا كان الوظيفة التي يعمل فيها إذا كان الراتب الذي يتقاضاه وما الي ذلك دي كلها مقبولة لدينا ونستغني تماماً عن أداء القسم أو إحضار إقرار مشفوع باليمين من المحكمة لأنها فيها تعقيد وتطويل لإجراءات المغترب.. التوصيات مفروض تكون وصلة لانه نحن بمجرد ما الملتقي انتهاء وصاغوا التوصيات طبعت أرسلت بعناوين الأخوة الذين حضروا وفي عدد كبير أرسلناها له عن طريق البريد الإلكتروني الخاص به يعني معظم المساحات رسلنا لها بالبريد الإلكتروني لكن نحن بنراجع الأخ أشرف ونرسله له مرة ثانية إذا ما كان تم إرسالها له.صحيح بالنسبة في الملتقي الأخير للعاملين في المنظمات الدولية والإقليمية أمكن ما إترسلت عندنا فيها شوية مسائل فنية بتعمل فيها لكن أيضاً حتترسل ليهم إن شاء الله
أنا ما عارف هو شاف الكافيتريا متين لكن الكافيتريا الحالية هذه… نحن بنعمله عطاءات عامة وفي تنافس حر والذي بقدم العطاء الأفضل هو الذي يرسي عليه العطاء، في رمضان الماضي رسي العطاء علي شركة جديدة واشترطنا علي الذين يرسا عليهم العطاء تغيير الشكل كله بحيث يكون الشكل مواكباً للكافيتريات التي يرتادها المغتربين في الخارج والحمد لله الكافيتريا عندنا من رمضان يعني نحن احتفالنا الذي نقوم به في عيد الفطر عندنا أول يوم عندنا زي ساعتين كدا أو ساعة ونصف معايدة احتفالنا عملناه في الكافيتريا دي وممكن تشوفوها انتو وتصوروها يعني ما عندنا مانع.. بالنسبة للاستديو بتاع التصوير صحيح هو تعبان والآن دخلنا في عطاء برضو وأمكن بكرة سبحان الله بكره حتفتتح مظاريف العطاءات وأيضاً اشترطنا أن يتغير شكلاً ومضموناً وإنشاء الله في إجازة الصيف يكون في حالة جديدة ويشرفنا.
.
abughassan 03-16-2005 10:27 AM
--------------------------------------------------------------------------------
تحيه للاستاذ / تاج الدين المهدى
هل لديكم اى نيه او مقترح بإعطاء المغتربين الملتزمين بتسديد كل التزاماتهم اى حوافز تشجيعيه " ماديه " وليست معنويه واقصد هناك مغتربين سدد وا كل التزاماتهم لفترات 20 سنه او اكثر ،، اليس من حق اولئك منحهم قطعة ارض مجاناً أو بسعر رمزى أو اعفاء لادخال عربيه مجاناً ،، أو اعفاء لادخال أثاث منزل مجاناً ؟؟ والله يحفظكم
رد المهندس:
والله في السابق نحن حقيقة ما كان عندنا علاقة بهذا الموضوع وكان أخوانا في الأراضي يطلعوا لوحدهم وحتى نحن ما كان عندنا علم بالأسعار التي عرضوها علي المغتربين الآن في تنسيق تام مع أخوانا في أراضي ولاية الخرطوم لان معظم الناس من أخوانا المغتربين عايزين أراضى في الخرطوم.. برضو في تنسيق مع الأراضي في ولايات ثانية تمت في ولاية الجزيرة وولاية نهر النيل وولاية شمال كردفان وساعين نكمل باقي الولايات لان أبناء السودان منتشرين في كل العالم بالخارج وربما يكون عندهم الرغبة في أن يشتروا أراضى في القضارف مثلاً أو في نيالا وعندنا اتجاه نواصل تنسيقنا مع كل الولايات ويكون في حصة للأراضي السكنية وإذا كان خطة إسكانية يكون أحسن للمغتربين إذا كان مافي خطة إسكانية يكون في أراضي المغتربين عندنا في الجهاز هنا… عندنا مكتب متكامل فيه مسؤول بدرجة رفيعة يعني فيه عدد من المساعدين وعدد من الفنيين وعلاقاتهم يعني ممتازة وممتدة مع الأخوة في التسجيلات مع الأخوة في لجنة التخطيط العمراني وفي المساحة ممكن كل الإجراءات تتم عندنا في الجهاز الآن أيضاً علاقتنا وتنسيقنا زي ما قلت مع الأخوة في الأراضي وأي وفد بتاع أراضى طالع نحن بنقيف علي القطع ونتأكد أنها موجودة علي الطبيعة وفي الواقع أن أسعار السوق الحالية ليس فيها زيادات نحن في الحقيقة في المشاريع الاستثمارية دي عندنا تواصل مع أخوانا في الأراضي في أن يكون عندنا مشاريع استثمارية تبدأ بالخرطوم ويمكن أن تكرر في غير الخرطوم في بحري أو أمدرمان وأيضاً أن تكرر في غير ولاية الخرطوم الشيء المقترح الآن زي ثلاثة مناطق في ولاية الخرطوم في موقع في شمال بحري وفي موقع جنوباً متاخماً لولاية الجزيرة وفي موقع آخر وأظنه في الكلاكلة شرق المستشفي التركي نشوف الناس يعني تستقر علي أي من المواقع الثلاثة وفي تواصل مع بعض الشركات في بناء أنماط مختلفة من المساكن تلائم الذوق السوداني أو متطلبات الأسر السودانية وتكون في مستويات مختلفة يعني مستوي أول، وسط، عالي، عشان تلائم وتلبي دخول المغتربين المختلفة وإن شاء الله التمليك في الخطة يكون بالتقسيط… نأمل في أن المشروع يري النور في نهاية هذا العام.
الحقيقة سياسة التحرير كان معمول بها الي العام 1992م، سياسة التحرير الاقتصادي حيث وقفت تماماً مسألة الإعفاءات الجمركية وكان رأي الناس خاصة الاقتصاديين أن المسألة دي يعني لمن كانت تطبق شوهت الاقتصاد السوداني باعتبار أن الناس المعنيين التي عملت من أجلهم ما مستفيدين منها وإنما إست فادت منها بعض الشرائح الطفيلية والسماسرة وما إلي ذلك لكن ده لا يمنع أن الناس يشوفوا صيغة من الصيغ الممكنة لمكأفاة الملتزمين لفترات طويلة وذي ما ذكرت انه الآن تم إسقاط 25% من العام الأخير من المساهمة الوطنية ولكن يمكن التفصيل من ضمن المشروعات التي قدمناها في مشروع الهجرة العائدة…
she3aria 03-16-2005 12:17 PM
--------------------------------------------------------------------------------
مرحب...
فى الميزانية القادمة للدولة الم تطرحوا وظائف للهجرة العكسية خاصة وان بعض الدول اصبحت الرواتب غير مجزية
2/ كل دول العالم يتم تجديد الجواز من 6/10سنوات...لماذا تصرون على ان يكون مفعول الجواز سنتين ولما لا يعاد النظر فى اسقاط الضريبة على المغتربين فى الخليج وفى السعودية خاصة
رد المهندس:
أنا قبيل ذكرت في مشروع الهجرة العائدة أن الوظائف في القطاع العام أو الخاص والتي تتناسب ومؤهلاتها مع الوظائف ممكن ياخدوه وفي عدد من الموظفين الآن عادوا وبيشغلوا وظائف في الدولة الآن..الآن عندنا المهندس المقيم في سد مروي من أحد المغتربين كان في المملكة العربية السعودية والآن مهندس مقيم في سد مروي وهنالك أمثلة كثيرة يعني ذي دي وأنا ذكرت أيضاً ان هنالك تشجيع لمؤسسات وبيوت الخبرة خاصة للناس العندهم خبرات كبيرة وعندهم كفاءات عالية في مسألة الاستشارات ومن الخبرات يعني
ود الصول 03-16-2005 12:31 PM
--------------------------------------------------------------------------------
السيد المدير العام لجهاز المغتربين
السلام عليكم
نحيكم وسوالي هو
1/ بعد ان التمسنا تحسين الاقتصاد في السودان هل تغلص الضريبه علي المغترب ام تظل كما هي .
2/ نجد من بعض الموظفين عدم التعامل السليم مع المغترب الذي هو اصلاً سوداني مما ينعكس سلباً علي الموظف المسئول وهو في واجه مهمه من واجهات السودان
-- سؤال مكرر تم الرد عليه --
saygood 03-16-2005 12:37 PM
--------------------------------------------------------------------------------
الامين العام لجهاز تنظيم
[size=4] الاخ الامين العام السلام عليكم . سؤالى ليس متعلقا بموقف الان ولكنه بموقف يوم الحشر .فانت فى موقع المسئولية امام الله قبل البشر .والموضوع يتعلق بالزكاة المفروضة فانا من تجربتى الشخصية واشهد الله على ذلك تمنعنى واجبات اساسية ومسئوليا ت كثيرة ان اوفر ريالا واحدا فى اخر كل شهر والحمد لله على ذلك فكيف يستقيم شرعا ان ادفع زكاة وطبعا قولى هذا انت والموظف الذى اقف امامه للجباية للاسف لايصدقه ويتعامل باستخفاف مع كل عذر ابديه له. هذا الحال ليس حالى وحدى ولكنه حال كثيرين غيرى.لماذا تتعاملون معنا بهذه الطريقة الفظة البشعة والله نحن ابناء لهذا البلد ولانزكى انفسنا فيما قدمناه وهذا واجب ولكن ان فتح الله على احد بمنصب فليضع نفسه فى مكان الشخص المراجع. امر اخر لماذا نحن الوحيدون فى هذه الغبراء الذين يجدد حوازهم كل سنتين حتى الصومال التى لاتملك مكونات الدولة بصورتها الدقيقة لاتغعل ذلك.رجاء ياسيد الامين العام ان توجهوا موظفيكم حين التعامل معنا ان يعيروا كرامتنا اهتماما ولو من باب المجاملة فوالله العظيم من اصعب المواقف ان تتذكر ان لك جوازا غير مجدد وانك ستراجع القنصليات او الجهاز انه يوم عصيب .الحمد لله على هذا البلاء ووالله انى الوم نفسى التى تحدثنى بما لااحب عن سودانيتى والتمسك بها وكله بسبب عدم الاهتمام والاحترام الذى نكابده من سياساتكم ولا ننتظر عدلا الا من بارى الكون ومبدعه.يقينى انك ستقوم بالاجابة ويقينى انها لاتقدم ولاتؤخر للاسف ولكن الا هل بلغت اللهم فاشهد. [/size]
رد المهندس:
عنده سؤال قالوا أن إجابتنا لا تقدم ولا تأخر ونحن عايزين نقول ليه والله لو كان إجابتنا لا تقدم ولا تأخر ما كان جينا وقعدنا مع أخوانا ديل والحقيقة أنا ذي ما ذكرت في بداية كلامي، أنا لا أريد أن أكون في موقع المجاوب علي أسئلة وبس وأنا قلت عايز استفيد مما طرح من الأسئلة واستفسارات وآراء لمعالجة كثير من الأمور التي يسكب منها المغترب ونأكد له نحن مستمرين في توجيهاتنا لأخوانا الموظفين أن يتعاملوا معاهم معاملة حسنة وكريمة تليق بالمواطن السوداني وتحفظ كرامته إن شاء الله، يعني في كل زياراتنا نجد في تحسن وفي تقدم وفي تطور في عمل الجهاز وكمان مع الأخوة والأخوات المتعاملين مع الجهاز إن شاء الله قل خير تجد خيراً.
abutsabeeh 03-16-2005 01:35 PM
--------------------------------------------------------------------------------
الامين العام لجهاز تنظيم شؤون اامغترين
السلام عليكم ورحمة الله وبركاته
قال الله تعالى (إنا عرضنا الامانة على السّموات والارض والجبال فأبين أن يحملنها وأشفقن منها وحملها الانسان إنه كان ظلوما جهولا ) صدق الله العظيم أولا أتمنى من الله ان يوفقك على حمل الامانة بحقها ويعيننا علي كلمة الحق في الغضب والرضا .
الموضوع لماذا يرتبط سفر الناس لاهلم بدفع الضرائب حتى لو كان السفر اضطرارا للوفاة مثلا أو مشاكل اجتماعية أو اسرية تحتم على الشخص العودة المؤقتة للوطن , فالملاحظ مهما تسرد من اعذار لا يسمح لك بتجديد جواز بالقنصلية ولا تأشيرة بالمغتربين إذا كان سيدنا عمر بن الخطاب خائف من الله أذا تعثرت بقلة بالشام لما لم يسو لها الطريق وهو بالمدينة فهل انتم غير خائيفين من الله إذا لم يتمكن المغترب من أن يحضر إحتضار والدته أو والده وطبعا السبب مذكور آنفا وحتى اللجنة البتحضر للقنصلية انا بقترح ان تتخلوا عنها لان تذاكر سفرهم وحوافزهم احسن تتوفر وتثقوا بكوادركم المتواجدة بالقنصليات وذلك بمنحهم صلاحيات أكبر .
رد المهندس:
والله زي ما أجبنا قبل ذلك في لقاءنا مع قناة النيل الأزرق قبل اسبوعين قلنا المسألة ما مربوطة عشان المواطن نعرقل ليه سفره يعني أو نرابط ليه عند السفر عشان نأخذ منه المساهمة الوطنية ولكن لانهم عادة أخوانا المغتربين يكون في عملهم مشغولين ولا يمكن يعني يتخارجوا من عملهم إلا عند الإجازة وما بجي السفارة إلا عاوز يجدد جوازه أو يضيف مولود أو يعمل تعديل في الجواز والناس من ناحية عملية بذكروه وبقولوا ليه والله أنت عليك مساهمة لكن التوجيه العام لأخوانا في السفارات يعني والقنصليات كذلك الملحقين الضرائبيين الوديناهم في أربع مهاجر المملكة العربية السعودية وجدة والرياض وفي أبو ظبي وفي قطر والعاملين عندنا هنا في الداخل مع الجمهور أبداً ما يكون المساهمة الوطنية أو الالتزام علي المغترب تحول بينه وبين عودته للسودان حتى في إجازته العادية ناهيك عن الظروف الطارئة، الظروف الطارئة دي اصلوا المعالجات التي تتم في السفارة بالنسبة لينا مقبولة كل السفراء والقناصلة قاعدين يراعوا الظروف الخاصة دي والحالات الطارئة وبعد ما يجئ عندنا هنا برضو بنعالج الحالات الطارئة والظروف الغير عادية لدرجة أننا بنأجل كامل المبلغ كامل الدين العليه وفي كثير من الأحيان إذا كان الحالة تستدعى إعفاء الناس الوصلوا لجهة الاختصاص بنعفيها تماماً، أبداً إن شاء الله نحن ما عايزين اطلاقاً مسألة المساهمة الوطنية أو الالتزامات المالية ما يكون سبب يقول أنا ما قادر اجي ازور أهلي أو اجي أشوف أولادي أبداً.
مريخابى بلاحدود 03-16-2005 04:04 PM
--------------------------------------------------------------------------------
الاخ الامين العام السلام عليكم
السؤال الاول
اين موارد البترول من دعم المغتربين المغلوبين على امرهم
السؤال الثانى
لماذا لايقوم الجهاز بعمل مختطاط سكنيةخاصة بالمغتربين باسعار معقولة؟ ام الهم الاكبر للجهاز جمع الضرائب والمغتربين يشربوا من البحر؟
الشكر للاخوة فى المنتدى لاتاحة الفرصة
رد المهندس:
تم الرد علي هذا السؤال (تهنئة من جهازالعاملين بالخارج علي فوز المريخ… من الأمين العام للجهاز)
sume 03-16-2005 06:07 PM
--------------------------------------------------------------------------------
أهلا بأبو عمرو .............
مرحب بيك معنا في البيت الكبير ( النيلين )
وفقكم الله لخدمة بلدكم وخدمة هؤلاء العاملين بالخارج
مع تحياتي ود الحاج
رد المهندس:
شكرا ليك ود الحاج ..
ولدى 03-16-2005 07:59 PM
--------------------------------------------------------------------------------
الباش مهندس تاج الدين المهدى
تحيه واحترام :
اولا هذه فرصه نادره تكرمك وقبولك باستضافة منتدى ال نيلين لكم
انتهز هذه الفرصه |بسؤالبن
! لماذا اصراركم على دفع ذكاة المغتربين علما بان هذا الاصرار ما انزل الله به من سلطان
2 ما هو الجديد الذى توعدون به جهازكم خارج وداخل السودان
بارك الله خطاكم وجزاكم
المغترب ولدى
رد المهندس:
في الحقيقة سنتكلم في مؤتمر المغتربين الخامس المفروض يكون في أغسطس إن شاء الله وأخطرنا أخوانا المغتربين كلهم من خلال السفارات والجاليات بأننا سوف نقيمه في هذا الوقت اذا كان لديهم أي آراء ومقترحات يوافوننا بها. حقيقة نتصور أن السبب الأساسي في المؤتمر العودة النهائية بالإضافة الي السلام ودور المغتربين فيه ونتوقع أن يكون واحد من المحاور الأساسية فيه، وهذه مسائل بتشكل هواجس لا بد منها ودائماً تكون هنالك مسألة الأبناء وقبولهم في الجامعات السودانية ونحن قبل شهر تقريباً بالضبط يوم 2 مارس 2005م عملنا ورشة عمل لأسس ومعايير القبول في الجامعات السودانية وشارك فيها عدد من أخواننا المغتربين من المملكة العربية السعودية في أقاليمهم المختلفة ومن الأماران ومن قطر ومن اليمن ومن بريطانيا أيضاًَ ساهمت معانا ومشاركة من التعليم العالي بصورة قوية وكانت كلها حضور الأخ الوزير والأمين العام والأخوة مدراء الإدارات ومدير مكتب القبول وكل الإصطاف العامل في مكتب القبول وعدد من مدراء الجامعات ومدراء الكليات وكان هنالك أوراق ثلاثة أو أربعة قدمت وكان هنالك ورقة طرحت بديل من المملكة العربية السعودية وكان نقاش مفيد جداً وعلمي وموضوعي ومطول والناس وصلوا من خلاله لبعض المقترحات واهمها وامكن يتم العمل بها هذا العام إنشاء الله. أن الناس أولاً آمنوا علي نظام القبول بالكوتة استخدموا النظام النسبي أو نظام إحصائي ودا اقتراح أخوانا ديل أضافوا له بعض التحليلات يعني قبلوا أي طالب غير الشهادة السودانية يحرز 100% برغبته كذلك الأوائل برغباتهم وعمل الموازنة التي تضمن القبول العادي بين المقدمين للجامعات السودانية من الخارج والداخل فنأمل أن تساهم في معالجة قبول أولادنا من الخارج الذين يحرزون شهادات غير سودانية في الجامعات السودانية إن شاء الله.
aburashid 03-16-2005 09:52 PM
--------------------------------------------------------------------------------
د. تاج الدين المهدي
السلام عليكم ورحمة الله وبركاته وبعد
كنت في السودان قبل شهر وفي جهاز المغتربين طلب منى تغيير بطاقة المغتربين واستخراج احرى جديده لا ادري لماذا ؟ علما بانها لا زالت سارية المفعول ومدتها عشره سنوات تنتهي في 2007 - وقد حاولت ان اجد شخص مسئول يقنعني بسبب تغييرها الا انه طلب منى التغيير اولا ثم تكملة الاجراءات - ألا تتفق معي بأن هذا نوع من الاستغفال والاستكراد بالمغتربين ولوي ذراع وقلع ريال منه باي شكل وباي اسلوب
ثانيا ماهي خطط الجهاز للعوده الطوعيه للمغتربين او الهجره المعكسه والتى بدأت الان بعد تباشير السلام وبسبب تدني الاحوال المعيشيه للمغتربين - ارجو ان لا يكون اهتمامكم فقط باصحاب التخصصات النادره والمؤهلات العاليه فقط وهل هناك اي حوافز او تسهيلات مثل اعفاء جمركي على السياره او العفش الشخصي
رد المهندس:
طبعا البطاقة مدتها 10 سنوات ولكن تجدد كل سنتين مع الجواز يعني وذي ما ذكرنا البطاقة هي وثيقه إحصائية وأيضاً لحفظ المعلومات… وغالباً نحن ساعين لإلغائها تماماً أولاً من ناحية علمية نفتكر أن التطور ومواكبة ما يجري في العالم نحن ماشين في موضوع الاسمارت كارد ودا معمول به في كل الدول ويعطي أيضا الكرت نمر لكل مغترب يتعامل به في كل الإدارات عندنا هنا غالباً نحن ماشين في هذا الاتجاه، من جانب آخر إذا مشروعنا الربط الإلكتروني تم صوف نستغني عنها كوثيقة للمعلومات لان المعلومات يكون شكلها إليكترونياً وأنا أبشر الأخوة المغتربين أن مسألة البطاقة دي شكلها الي الزوال إن شاء الله بمجرد ما تكتمل الإجراءات الفنية.
ودالبدوي 03-16-2005 11:29 PM
--------------------------------------------------------------------------------
نشكر الضيف الكريم علي تلبيه الدعوة ونقدر له شجاعته في المواجهه الصريحه مع اعضاء النيلين
ولي سؤال بسيط ارجو ان اجد الاجابه عليه وهو:
أولا:- حسب علمنا بأن قنصلية السودان في جدة هي ملك حر لحكومة السودان بمعني ان المبني هو ملك للحكومة ولاتدفع فيه ريال واحد وحسب علمي فإن هذه القنصلية هي أكثر قنصلية في العالم من حيث الدخل ولكن الناظر لها من الخارج والداخل إليها يصاب بالإحباط من حيث قباحة منظرها الخارجي وسوء التأثيث الداخلي فهلا تم تخصيص إيراد يوم واحد من الضرائب والزكاة لتعمير هذا المبني المتهالك مع العلم بإنه معلم بارز في مدينة جدة. (اللهم إلا ان كانت الحكومة تريد تذكير المغتربين بأحوال السودان بإهمالها لهذا المبني)
ثانيا:- لماذا تفرض رسوم عالية علي كل ورقة تريد تصديقها من القنصلية حتي ولو كانت شهادة وفاة او مرض او توكيل ألا يحق لنا بعد كل الذي ندفعه ان نوثق اوراقنا برسوم رمزية أو مجانا.... هي مجرد خدمة......
والله المستعان....
رد المهندس:
= ود البدوي(1)=
رغم ان هذا لا يقع في دائرة اختصاصي مباشرة لكننا نقوم بتحويله لناس وزارة الخارجية وحسب علمي ناس وزارة الخارجية عندهم الآن خطة ليعدوا المبني هذا الموقع بصورة تشرف السودان وأيضاً يكون استثمار أمثل لان موقع القنصلية قيم جداً في السعودية ويمكن فعلا يغير جداً من الصورة الموجودة حالياً وأنا داير أشيد بالاخوة المغتربين وأشيد بالأخ ود البدوي وأقدمه. وزارة الخارجية بمبناها الضخم الذي يشرف السودان ساهموا فيه المغتربين مساهمة فعالة ولذلك ليست بكثير عليهم أن يساهموا في القنصلية في جدة…
= ود البدوي (2)=
الرسوم القنصلية لا يد فيها للقنصلية وهي تدعمها أو وزارة المالية هنا بالتعاون مع وزارة الخارجية هنا والحقيقة نحن عملنا فيها مراجعات كثيرة كانت أكثر من كدا وتم تخفيضها والآن جانا عدد من الطلبات أن تتم مراجعتها وإ نشاء الله سوف تقام جلسة مع أخوانا في الخارجية والمالية ان تكون علي الأقل مسألة في طاقة أخوانا المغترين يعني…
ISSAM 03-17-2005 01:29 AM
--------------------------------------------------------------------------------
مرحبا بالامين العام لجهاز تنظيم العاملين باالخارج \ المهندس تاج الدين
اود ان اطرح سؤال واحد
باالنسبة للمغترب فى بعض الحالات يتحول العامل فى العام الواحد الى ثلاثة اماكن عمل ويوجد بينهما فترات ليس يكون ملتحق باى عمل ---- كيف يحتسب لة الضرائب ام يعفى من تلك العام ام يقسم باالكتاب
رد المهندس:
هو أصلاً الإنسان الما شغال ليست عليه ضريبة خاصة هو موجود في السعودية وزي ما ذكرت في أخوانا الملحقين ديل في جدة والرياض إذا مشي ليهم وأتفاهم معاهم العمل المنقطع دا عندهم ليهو حساب خاص ما زي العمل الكامل المبلغ المستقطع بالتأكيد ما بكون بنسبة العمل الكامل.
001 03-17-2005 02:13 AM
--------------------------------------------------------------------------------
ترحب منتديات النيلين بضيفها الكريم :المهندس تاج الدين المهدى محمد / الأمين العام لجهاز تنظيم شؤون السودانيين العاملين بالخارج ..
كثير من الاخوه تكلموا عن الضرائب وأفاضوا مشكورين ولكني أسئل عن ماهو أهم من الضرائب فهي أمر أرضي مهما صلتم أو جلتم فيه فقد يكون الحق فيه ليكم أو عليكم
ولكن أمر الله من الذي أعطاكم الحق في الخوض فيه ؟
وأقصد الزكاة التي هي من أمر الله ورسوله
أولاً ممن تؤخذ الزكاة ؟ ومن اي مال ؟ وكيف تؤخذ من ناس هم احق الناس بها !!
ثانياً كيف تؤخذ من مال لم يحل عليه يوم وآحد في جيب صاحبه !!وغالب الظن ان يكون غد استدانه لكي يسدد لكم هذه الاتاوة ان صح التعبير .
ثالثاً كثير من الاحيان يتم تأجيل الزكاة وللعجب لا يتم تأجيل الضرائب من الذي أعطاكم الحق في تأجيل فرض الله ان كانت اصلاً هي زكاة ؟؟
كان ذلك سؤالي الاول عن الزكاة .
اما سؤالي الثاني فهو عن الطريقة التهكمية التي كنتم تردون بها علي الاسئلة في غناة النيل الازرق وخصوصاً ردكم علي الجمهور واعتراضكم علي العينة العشوائية التي قدمت ليكم وقلتم انها غير عادله وأنها غير حقيقية !! كيف غير حقيقية هل تو أن يأتوا لكم بأناس يطبلون ويمدحون أماذا تقصد
ونصيحتي أن تتقوا الله فيما ولاكم أمره لانكم مسئولون غداً عنه !!!
رد المهندس:
=001=
والله نحن جاوبنا علي السؤال دا وورينا الجانب الشرعي في زكاة المرتب ولا يشترط حولان الحول كما هو معروف يعني المال المستفاد والمال المستفاد يذكي حين قبضه والشئ الثاني ورينا رؤية التأجيل ومن الذي قال ان الزكاة لا تتأجل، الناس بأجلوا ليهم منها لحدي 50% أكثر من 50% بتؤجل سواء أن كان في السفارات او عندنا هنا في الداخل.
=001 (2)=
هو الاعتراض علي القيمة، أخونا عبد القادر محمد أحمد أمين ديوان الضرائب وقال العينة العشوائية أنت بتأخذه عشان تمثل قطاع يعني لكن ما يتركز علي نوع معين، هذا قصده لكن أيضاً جاوبت علي كل الأسئلة التي طرحت بعدين ما كان في تهكم كنا بكل جو وبكل صدق نجاوب علي الأسئلة والدليل علي ذلك حضرنا حلقتين يعني ناس النيل الأزرق جابونا حلقة أولي وحلقة ثانية وحلقة ثالثة كانت مع الموظفين بالجهاز ثلاث حلقات متوالية والآن نبدي ترحيبنا بآي جهة تريد ان تعمل معانا لقاء يعني مع الأخوة المغتربين والاستماع إليهم والإجابة علي أسئلتهم ومقترحاتهم.
Samir Ibrahim 03-17-2005 02:48 AM
--------------------------------------------------------------------------------
الشكر الجزيل لمنتديات النيلين التي اتاحت لنا الفرصه ان نلتقي بكم ... كما نقف لكم تقديرا واحتراما لاهتمامكم بهموم المواطن السوداني في شتي بقاع الارض ...
نحن السودانيين الذين تجنسوا بالجنسيه الامريكيه واصبحنا مذدوجي الجنسيه نعاني من الرسوم الباهظه ... علي سبيل المثال رسوم التأشيره لدخول السودان مائه وخمسين دولار للجواز الواحد ... الاسره التي تتكون من اربعه افراد تحتاج الي ستمائة دولار رسوم تأشيره .... ثم رسوم تسجيل ... ثم رسوم اقامة ... ثم رسوم اقامة .... يعني العربي الفصيح اصبحنا لا نستطيع ان نزور اهلنا ... بسبب الرسوم التي لا حول ولا قوة لنا بها ....
بما اننا دفعنا رسوم الضرائب لفتره طويله قبل ان نتحصل علي الجنسيه الامريكيه ... من حقنا ان نطالبكم ان تناقشوا مشكلتنا مع المسئولين في السودان ... ارسلنا عشرات الاي ميلات ... وكتبنا عشرات البوستات في الشبكه العالميه ... ولا حياة لمن تنادي ..
لقد قامت المملكه العربيه السعوديه بصرف نصف مستحقات العامل السوداني من قيمة الضمان الاجتماعي .... واحتفظت بالنصف الاخر لامر لا نعلمه ؟؟؟؟؟؟ هل اجرتتم اي اتصالات للاستفسار عن بقية حقوق العامل السوداني .. التي استقطعت من دخله والجزء المفروض ان يدفعه صاحب العمل حسب شروط التعاقد في المملكه ......
القومه ليكم تقديرا واحتراما .....
رد المهندس:
= سامر إبراهيم 1=
والله نحي الأخ سامر إبراهيم ونحي كل السودانيين في الولايات المتحدة الأمريكية ونتمنى لهم إقامة طيبة وعوداً حميداً ونحن نريد أن نقول إن الدستور السوداني يسمح بازدواج الجنسية وأنا أفتكر دي ميزة فيها تسهيل للمواطن بجانب إنك تحمل الجواز السوداني مع الجواز الأمريكي أو الأوروبي لكن يا أخ سامر أنت باختيارك حضرت للسودان بالجواز الأجنبي لذلك بتتعامل تعامل الأجنبي إذا حضرت بالجواز السوداني ما في حد بطالبك بتأشيرة دخول ولا بإقامة ولا بكل هذه الأشياء ولا بالرسوم الأخرى يعني وعلي الرغم من ذلك نحن نقدم لنا عدد من أخوانا المغتربين في أوروبا وأمريكا تناولوا الموضوع هذاا وناقشناه مع الأخوة في الجوازات ووزارة الداخلية وهنالك مقترح تكون هنالك بطاقة خاصة للأخوة السودانيين الذين يحملون جوازات غير سودانية علي الأقل هذه البطاقة الخاصة يقدموها في المطار ويعني تسقط عنهم مسألة الحصول علي تأشيرة مثل ما يفعل الأجنبي وإنشاء الله الموضوع دا في لجنة فنية في قسم التخطيط في الإدارة العامة للجوازات متابعة معاهم وإن شاء الله تصل فيها لنهائيات وتجي العطلة الصيفية الصيف القادمة تكون في يدهم هذه البطاقة..
=2=
والله علي ما اذكر الموضوع دا سمعت به قبل أن أعين في جهاز المغتربين سمعته من بعض أقاربنا يعني أن أعطوهم مال الضمان الاجتماعي دا سلموهم ليه، وبعضهم يعني، وكل الاخوة الذين مكثوا نهائياً الموجودين في المملكة العربية السعودية استلموا نيابة عنهم لكن ما عندي في الحقيقة تفسير ولكن ممكن تسأل أخوانا في السفارة السودانية في الرياض ونعده بان تجاوب له في البريد الإلكتروني الخاص به إن شاء الله.
ود الفريق 03-17-2005 03:06 AM
--------------------------------------------------------------------------------
المهندس تاج الدين المهدي محمد
السلام عليكم ورحمة الله وبركاته
شكراً مجدداً لتفضلك بزيارتنا والاستماع لأخوانك
وأبنائك من أعضاء المنتدى المنور بزيارتك هذه
وبالقائمين عليه.
سؤالي الأول:-
من هو المغترب في نظرك؟
هل هو بقرة حلوب؟
أم يملك عصاً سحرية تحول التراب ذهباً؟
رفقاً بهذا الكادح المغلوب على أمره سيدي العزيز
أغلب المغتربين السودانيين وفي السعودية على وجه الخصوص
يلاقون من المعاناة ما لا يحتمل
وأكاد أجزم أن أغلبهم و بعد مرور عام
من إغترابه لا يملك خمسمائة ريال في جيبه.
ولعل اللجنة التي أوفدتموها قد أخبرتكم بالذين وفدوا إليها من كل فج عميق
لتخفف عنهم هذه الضرائب التي يدفعونها بدلا من أن تدفع لهم.
سؤالي الثاني
هل ضيافتك هذه لحل مشاكلنا نحن المغتربين أم تحصيل حاصل ليس إلا؟
ولك سيدي خالص الشكر الإحترام والتقدير
رد المهندس:
نبدأ بالسؤال الأخير نحن طبعاً قاعدين في الموقع دا أساسا لحل قضايا المغتربين ومتابعة مشاكلهم ومعالجتها وذي ما ذكر تنفيذ حلقة الوصل بينهم وبين الدولة وبينهم وبين الوطن وأظن إننا نشتغل هذا الشغل وفق استراتيجية معروفة لدينا وهو جزء من الاستراتيجية الربع قرنية للدولة وعندنا خطط محلية وعندنا خطط وفي مسميات وعندنا خطط سنوية لبرامج شهرية وأسبوعية ويومية ودي كلها شغالة علي قدم وساق ومش تحصيل حاصل يعني… السؤال الأول الحقيقة المغترب ليس ببقرة حلوب وليست لديه عصاة موسى ولم يقل احذ بذلك زي ما ذكرنا في إجابتنا السابقة هو مواطن يعني زي المواطن في الداخل له ما للمواطن في الداخل وعليه ما عليه والمواطن في الداخل أيضا يساهم بدفع ضريبة غير ضريبة وجوده في السودان وضريبة تقلده له طائفة مختلفة كان عامل علي كان عقيدة بيسهم في بناء وتنمية البلد وبالإضافة الي ضريبة الدخل أنت عارف ضريبة الدخل قد تصل للمواطن الي 15% نحن المساهمة الوطنية التي تؤخذ من المغترب الآن مهما علت ومهما أضعها علي الوظائف الكبرى بتتجاوز 5% والمسألة الضرائبية هذه ليست بدعة في السودان وإنما هي موجودة في كل دول العالم وتساهم في كثير من الخدمات التي تقدم إذا كان تعليمية أو صحية أو أمنية تساهم مساهمة يعني وأمكن أخوانا عبد القادر محمد أحمد الأمين العام للضرائب وضح أن التقرير بتاعهم بصفة عامة 263 مليار دينار المقدمة من المغتربين 6مليارات والقاعد يتحقق منها ويخصم تقريباً 60% يعني الـ 6مليار ممكن تقيس النسبة دي تساوي شنو يعني وبعد دا في معالجات ذكرتها في بداية الحديث (اللقاء) وتخفيضات وما زلنا الي الآن نتابع ونخفض وقلت سوف نراجع ونخفض الي أن تصل صفر إنشاء الله وفي حالة الظروف غير العادية كلها ظروف المرض وظروف الحالات الاضطرارية دي كلها بتتراجع والوفود التي أرسلناها والمناديب أيضاً بيراعوا هذه المسائل وبقسطوا وبعفوا وعندهم الصلاحيات دي كلها عشان المواطن يكون مربوط بأرضه وبلده ويساهم فيها وضريبة الأوطان طبعاً معروفة:
و للأوطان في دم كل حر
يد سلفت ودين مستحق
ونحن مطالبون كلنا كسودانيين نشارك في بناء الوطن وفي الوطن الذي ربا والذي علم والذي شبعنا بهذه القيم وهذه الأخلاق اخلاق المواطن السوداني شخصية وسط شخصية مقبولة يعني في أي مكان في أي دولة من دول الاغتراب هذا شئ بسيط نرده الي هذا الوطن الغالي الحبيب حتى ينهض ويقوم ونرجع كلنا إن شاء الله نعيش فيه…
سوداني بس 03-17-2005 09:11 AM
--------------------------------------------------------------------------------
السيد الأمين العام
السلام عليكم ورحمة الله
الحقيقة عندما لا يجد المرء انجازات لمسؤول معين فان ذلك يرجع في الغالب لعدم وجود الرجل المناسب في المكان المناسب.
اولا كيف تم اختياركم لهذا المنصب ؟
وهل تظن ان هنالك انجازات او مكاسب تحققت للمغترب السوداني في عهدكم او بالاحرى في عهد الانقاذ الذي لم ينقذ شيئا ؟
ماذا كان رد فعلكم تجاه القوانين المتعسفة الأخيرة فيما يختص باجراءات الافراج المؤقت والتي لم يطبق اسوأ منها في تاريخ الاغتراب ؟
أين تصرف الرسوم التي يدفعها القادم بسيارة افراج مؤقت للجهاز ؟
هل قمت انت شخصيا باستخدام الآلة الحاسبة لمعرفة المبالغ التي تدفع من قبل المغترب بفئاته المختلفة خلال عام واحد ؟
لماذا يتم تعديل قوانين قبول ابناء المغتربين في الجامعات بقوانين غير مدروسة واسوأ من التي كانت تتطبق ؟
لماذا لا تستفيدون من خبرة اجهزة مشابهة لجهازكم في دول اخرى خاصة سوريا والاردن ومصر ؟
ما الذي قمتم به من أجل تفعيل دور السفارات من اجل رفع معاناة المغترب بدلا من الاساءة اليه ؟
لماذا لا تقومون بزيارات مفاجئة لمجمع المغتربين اوقات الازدحام لتقفوا على المعاناة وسوء معاملة الموظفين لهذا المغترب ؟
لماذا كل هذه الصفوف والطوابير ولماذا لا يتم عمل كل الاجراءات من خلال شباك واحد ؟
سؤال عام وبه الختام : لماذا لا يقوم المسؤول السوداني بتقديم استقالته من منصبه عندما يشعر بانه غير قادر على تحقيق الاهداف و قبل ذلك كله هل لديكم اهداف ؟؟؟؟؟؟؟؟
رد المهندس:
= سوداني وبس=
أنا كنت شغال طبعاً وكنت مغترب زي ما قلته وكان في نداء من رئيس الجمهورية الناس يعودوا ويساهموا في بناء الوطن وكنت زي ما قلته في المملكة البريطانية في ما وراء البحار وقدمت استقالتي ورجعت وما كنت عارف حا أشتغل وين واشتغلت في عدد من الوظائف آخرها كان في قطاع خاص يعني وفي يوم اتصلوا بي من مجلس الوزراء في مكتب في الشركة الشغال فيها وقالوا لي عايزينك تجي ومشيت وكان الوزير عوض الجاز وقالوا انه يريدون ان يعينوني وأنا أري أينما طلب مني عمل في السودان سوف أقوم به وحضرت واشتغلت وبدأت لكن اريد ان أقول للأخ أن الشيء الذي أهلني أنني كنت مغترب زي ما ذكرت منذ 78 الي 91 وتقلدت أيضاً عدد من المواقع في الجالية السودانية حتى وصلت أميناً عاماً للجالية السودانية في اليمن لفترة طويلة وكنت شاركت في عدد من مؤتمرات المغتربين أثرنا عدد من القضايا التي تهم المغتربين ولذلك كنت أعرف وقريب من كل الملفات ولكن أريد أن أقول إن الواحد ما سعيد بالموقع ولا بالمنصب ولا باللقب يعني ولست حريصاً عليه والليلة دي لو كان قالوا لي أمشي منه بمشي وأكون مبسوط لان كثير من المشاكل والهموم حتنزل مني يعني أما قضية الرزق الواحد ما رابط رزقه بوظيفة يعني.
= سوداني بس2=
لم يوقف شئ كيف يا أخي هو طبعاً دا كلام، افتكر إنجازات الإنقاذ لا يطعن فيها ولا يتجاوزه إلا مكابر وهي عدت بالسودان من مرحلة الاستقلال الوهمية الي الاستقلال الحقيقي يعني إن السودان يعتمد علي موارده 100% والسودان تم حصاره ومقاطعته وتجاوز كل فترات الحصار والمقاطعة وقوة اعتماده علي نفسه وعلي الله أولاً ثم علي نفسه ثانياً والآن الحمد لله إذا تكلمت في الجانب الاقتصادي أن تتحدث وتسرد عدد كبير ليس آخره سد مروي وليس أوله مشروع النفط السوداني ظلت سنوات طويلة ما في حكومة قدرت تطلعه معتمدين علي كفاءات وشباب سودانيين الحمد لله الآن بقي واقع مصانع السكر الكثيرة الموجودة حالياً شغالة بكفاءة عالمية وبجودة أيضاً تضاهي كل دول العالم والاتصالات ثورة التعليم العالي التطور الكبير الذي حدث في الخدمات الصحية في ولاية الخرطوم وخارج ولاية الخرطوم الطرق المعبدة دي كلها إنجازات الإنقاذ لا يستطيع أحد أن يتجاوزها ومن التالي من القطاعات المغتربين وربطهم بالدولة الاهتمام بزيارتهم وتفتقدم، أنا قلت ليس هنالك مسئول حتى رئيس الجمهورية يمشي دولة يقول نادوا لي المغتربين مثل جنوب أفريقيا يكون العدد قليل يقول نادوهم يتكلم معاهم ويهتم بهم وينورهم وأداهم اعتبرهم كمواطنين يستمع ليهم لمقترحاتهم المؤتمرات التي عملت دي كلها وفاءاً ليهم وللاستفادة منهم مؤتمر الكفاءات مؤتمر المنظمات الدولية والاقليمية واللقاءات المفتوحة الصريحة العمله معاهم الرئيس دا غير الإصلاحات و المغتربين حصل ليهم في العراق أول دولة من خليج العرب هو السودان وبعدين المشاكل الحصلت ليهم في ليبيا من الذي قام بمعالجتها؟ عالجتها الدول عالجتها الإنقاذ، قبول أبنائها في الجامعات بعد ما كان الذي بقرأ في الجامعات الأوروبية وغيرها وآسيا وباكستان ثورة التعليم العالي فتحت ليهم باب وكلهم قبلوهم في الجامعات السودانية وكل في كليته أنا أفتكر في أشياء كثيرة تمت مشكلة الأراضي عالجنا كثير من المشاكل أراضي العائدين والأراضي التي تخص إخواننا في ليبيا والأماران، والمهم في أشياء كثيرة تم إنجازها التطور الذي حدث في تبسيط الإجراءات والخدمات المقدمة الحمد لله أنا أفتكر دي إنجازات تمت ولا يمكن تعدد في هذه العجالة.
= سوداني بس(3)=
طبعاً الزول دا معلوماته قديمة الإفراج المؤقت أتلغى ليه كم سنة والناس الآن شغالين بنظام عالمي نظام الترب تك بعد ما وقع السودان علي نظام اتفاقية المرور الجمركي الدولية وأصبح الآن يسعي لعضوية النادي الدولي للسيارات والآن نظام الترب تك السوداني وغير السوداني لإدخال السيارة بصفة مؤقتة لفترة مؤقتة تمتد من شهر الي ستة شهور ونظام الإفراج المؤقت يسمح لك أيضاً بأنك تحمل بعض الاسبيرات والأشياء المتعلقة بالسيارة نفسها ويمنح ويتيح الفرصة أيضاً للسوداني يخرج بسيارته للدولة الموقعة لاتفاقية الترب تك يعني السوداني في الداخل يستفيد والسوداني وغير السوداني في الخارج يستفيد إذا كان مستثمراً او كان سائحاً أو غيره يعني نظام الترب تك دا نظام أشمل وأعم يستفيد منه المغترب وغير المغترب وبالتالي الرسوم التي كانت تؤخذ بالإفراج الموقت ألقيت تمأمأ ما في الآن يعني ما في رسوم إفراج مؤقت بتتأخذ من السيارة الداخلة نظام الترب ترك عمل رسوم دفتر الترب تك التي تصدر في البلد المتحرك منها السيارة من خلال الشركات العاملة في هذا المجال مجال نظام الترب تك.
== سوداني وبس (4)=
السؤال دا ردينا عليه قبل قليل وبالتالي زمان كان عندهم التحويل الإلزامي دا ودجدناه واحد، يعني التخفيف الإتعمل ولم اذكره كان في تحويل إلزامي أتلغى ليه كم سنة الآن ممكن يجئ شايل قروشه في جيبه يحول في البنك في الصرافة علي كيفه…
= سوداني بس (5)=
رد علي هذا السؤال
= سوداني بس (6)=
عندنا علاقات جيدة جداً، اليوم أنا وصلتني مجلات أخوانا في المغرب وعندنا علاقة مع وزارة المغتربين في المغرب وعندنا علاقة مع وزارة المغتربين في سوريا وعلاقة مع أخوانا المصريين في وزارة العمل القائمة علي أمر المغتربين وأيضاً قدمنا تجربة بتاعت أخوانا في الهند والفلبين دي كلها تجارب قدمناها في هذه الدول.
- سوداني بس 7)=
يمكن لو كان تابع برنامج الوطن في حدقات العيون يوم الخميس كنا في جولات من هذه الجولات فجأة لقينا أخوانا أبو عبيدة أبو عرب حايمين في الصالات وعكسوا من خلال هذه الجولة في برنامج الوطن في حدقات العيون يوم الخميس أول أمس.
= سوداني بس ( =
رد علي هذا السؤال سابقاً
= سوداني بس (9)=
كيف ما في أهداف ويومنا الذي نشعر فيه بأننا ما قادرين سوف نقدم استقالتنا والله.
طه الحمرآني 03-17-2005 10:55 AM
--------------------------------------------------------------------------------
ضيف النيلين السابق مدير جهاز شؤون العاملين بالخارج
ضيف النيلين مدير جهاز شؤون العاملين بالخارج نرحب بكم في دارنا ولكم علينا حق الضيافة !!
الحقيقة لفت انتباهي أحد الاخوة بقوله ( أن هنالك أعمدة ومواضيع كثيرة تحدثت عن مشاكل المغترب وهمومه ومعاناتة ويرجو الرجوع اليها لعل فيها أكثر مما يذكر الآن وببحثي في هذا الباب وجدت هذا الموضوع وهو تقريباً يتحدث بلسان السواد الاعظم من المتغربين سواء كان ذلك بارادتهم أم بغيرها وللامانة نقلتة لكم كما هو ---- فأرجو أولاً الاطلاع علية والتأمل فيه مليا ومن ثم الاجابة بكل صراحة ووضوح تخشي فيهما رب الناس قبل الناس .
جهاز شئون السودانيين العاملين بالخارج
ماهي مبررات وجوده وماهي هذه الشئون التي يقدمها لي في غربتي هذه ؟؟
يقضى احدهم حياته كلها خارج السودان ثم ياتي هذا الجهاز ليطبق عليه نظريات العقد الاجتماعي ..
اذكر اهم اسباب سقوط التركية السابقة؟؟
واحد الضرائب الباهظة ..
اتنين البحث عن الذهب والعبيد في جبال بني شنقول ..
فما بال هؤلاء لا يسقطون ؟؟
نحن لازلنا ندفع ضريبة من دمنا ودمنا مسفوح هناك..
وزكاة لمالنا والمال لا حول يمر عليه ولا قوة ..
ورسوم لخدمات مجهولة المعنى ...
ودمغة جريح والناس هناك اموات ..
ودعم المجهود الحربي ولا مجهود حربي ...والكائنات هناك قد تسالمت ..ورسوم تاشيرة ..وشريان الشمال ..
ودفاتر جباية زرقاء اللون .. يجددونها كل عامين ...ونص صفحاتها تغور في اختام التجديد ..
يسجلون فيها نفقتك عليهم ، ثم لا يقرون بما سجلت ايديهم ..
ينكرون بياناتها .. ويطالبون بالايصال ...
الايصال او حد الظهر ...
ثم هناك اشتراكات الجمعية ومجاملات الاحياء والاموات وغاز البيت والموية ..
مصاريف معيشة ضنكى..ولااهله ما تبقى من فتات يدفع عنهم الغبن والاحساس بالفارق الذي ينمو طفيليا من حولهم ..
يتذكر خطابات اخيه اليه ..رسائل الشكوى من سوء الحال وشدة المرض وانه الان استنفد الكثير من خيارات الحياة ..ما تبقى له إلا القليل ..لو لم تدركني في هذا القليل ستفقد اخاك )....جزء من رسالة ... دراما كاملة..اخاك، اخيك ، اخوك من لا اخً له كساعٍ إلى الهيجاءِ ... الخ ماذا يقصد بالهيجاء ...هل ولد الشاعر بهذا الزمان في ذلك السودان ؟؟
العجز امام رسالة ُكتبت بحروف كبيرة على سطور متفرقة ..ليس هناك ما يكفي من النسيان كى ننسى ..
ليس هناك ما يكفي من البكاء لنبكي على سوء الحال وسوء المنقلب ..
يواجه الادمي هنا كل هذا مجبورا قانطا كاظما غيظه شاكيا لله فقره وعسر حالته ..
يعود بعد عشرين عاما من دفع الضرائب والاتاوات بلا شي..
وساخطا كما سخط عشرين عاما يرفع منفلة الركشة بعصبية
والجهاز بتاع المغتربين هو الجهاز والموظفين فيه بسيارات مدفوعة الاقساط يعبثون بكمبيوترات جنوب الخرطوم وجباهم ندية من اثر مكيفات الاسبلت.. وكافتريات وعساكر و مجازر تصوير ومقاولات من الباطن وموظفة خضراء اللون ادمنت عدم ارجاع باقي الريالات عشان تنسى باقي قروشك في خضم تلك الحرابة وتنوم بالباقي تمشي تدخله في ذاد بيتها حراما طازجا ..
كل هذا والاسر السودانية هنا تلوكها الالسن ...
والرجال قد غلبهم القهر ..
من قال اننا خارج البلاد وهذه الجبايات تشهد اننا لازلنا في اعمق اعماق البلاد ؟؟
من قال اننا داخل البلاد وهذه الجوازات تشهد اننا خارجها ؟؟
من قال اننا اشرف الامم ؟؟
نحن لسنا من هنا ولسنا من هناك !!
على أي شئون يعملون في تلك المباني؟؟
كيف ارضى بان ادفع لوزارة المالية واخي ليس لديه ما يوقف به الآم المعدة ومشاكل القولون ..
كيف يرضى بان يدفع للمحاربين وآل بيته مكشوفي الحال..
لماذا ادفع للفقراء بالبلاد ونحن الفقراء في تلك البلاد؟؟
لماذا يدفعون لنا بالمصاحف أعلى طاولاتهم لكي ُنقسم على فقرنا؟؟
نقسم لهم بالله العظيم على اننا فقراء مدقعون .. وما نحنُ بمعرضين عن ذكر الله ولكنا نعيش في ضنك من العيش ..
نقسم على أن خروجنا كان محض خطا وان بقائنا محض خطا وان عودتنا استمرارٌ في محض ذلك الخطأ .. نقسم لهم أن الاخطاء تمكنت منا ..نقسم لهم بقسمات صارمة والزبد من افواهنا ينداح : أنه من الخطأ أن يتبع هذا جهازهم هذا لمجالس الوزراء وان هذا الجهاز أولى به أن يكون تابعاً للباب العالى في اسطنبول ..
نقسم لهم بمصاحف الدنيا على الخطأ الكبير الذي يعتري فلسفة تعريفهم لنا كمغتربين ...
نقسم لهم أن الخطأ داءٌ استشرى وان الخطيئة عالقة في بيوت تأكل الحرائر فيها من اثدائهن...
نقيم الدنيا من فرط ما اقسمنا للعالمين هناك ..
وهم ينظرون اليك بدمٍ بارد وكأن بينك وبينهم ثأر بائت ..
الي هنا أنتهي كلام الاخ ( عزال في البطيخ جزاه الله عنا كل خير ) والسلام خير ختام .
-- سؤال مكرر تم الرد عليه --
الطريق 03-17-2005 12:39 PM
--------------------------------------------------------------------------------
ماهي مزايا الخروج النهائي؟
الاخ تاج الدين تحية واحترام
لايخفي عليكم ما وصل الية حال الاغتراب بالمملكة من عدم جدوي لشريحة كبيرة من المغتربين واصبحنا نفكر جديا بالعودة الي الوطن بأي صورة كانت ، سؤالي ماهي المزايا التي يقدمها الجهاز في حال الخروج النهائي.
ثانيا : انا مغترب لمدة خمسة سنوات وادفع ضرائبي بانتظام وارغب في العودة للسودان نهائيا ولكن دون انهاء اقامتي في السعودية حتي اجرب لفترة ستة اشهر ومعي سيارة خاصة فهل بالامكان اعطائي اعفاء ضريبي للسيارة او اعفاء جزئي.وانتم تعلمون حاجة المغترب للسيارة في حال العودة للخرطوم .
وشكرا
-- سؤال مكرر تم الرد عليه --
زمار الازمنه 03-17-2005 02:26 PM
--------------------------------------------------------------------------------
سيدى المدير العام
السلام عليكم ورحمه الله........... واهلا والف سهلا وضيف عزيز وغالى ، ونشكر اداره النيلين علىهذه الفرص التى تؤكد حرصهم على الوطن والمواطن اينما كان .
سيدى لمجرد مشاركتكم هى نجاح فى حد ذاتها ، بغض النظر عن اى كلام لايعجبك او رد منك لا يعجبنا ، ففى النهايه هناك صوت وصل و هناك مسئول سمع ، ولا شك لنا بانك فى النهايه مسلم تخاف الآخره قبل نقدنا ، فحين رجوعك لمكتبك ، لك تفكيرك الآخر .
سؤالى الاول :-
لم يا اخى جهازكم العامر بوجودكم لا يدافع عن مكتسبات المغترب حينما تصدر قرارات عشوائيه بالغاءها من قبل اجهزه الدوله ؟ مثال لذلك الاعفاء الجمركى للملتزم بسداد الضريبه ، واعفاء جمارك سياره واحده للعائد نهائى اذا كان من مسددى كامل التزاماتهم .
السؤال الثانى :-
نعم اخى تبعيه اجهزه الدوله لكم داخل الجهاز اداريا فقط ولكن تشريعيا ومهنيا لاجهزه اخرى - مثل الضرائب تابعه ديوان الضرائب والماليه - والجوازات الشرطه ووزاره الداخليه - الخدمه الالزاميه تابعه لاداره الخدمه الالزاميه وبالتالى الجيش والامن وهكذا .. .. السؤال ما دوركم فى تمثيل المغترب فى مايصدر من هذه الجهات من قوانين تضر بمصلحه المغترب كمواطن ؟
وختاما سا محنى يا اخى اذا تجاوزت حدى فى جانب يسئ لكم ، مع شكرى مجددا لكم ..... ولا يفوتنى ان اذكر بالخير الاستاذ سعد يحيى وكيل ديوان الضرائب السابق الذى احدث توازن حقيقى بين التزامات المغترب ومقابل الخدمات الممنوحه له .
-- سؤال مكرر تم الرد عليه --
ونحي الأخ سعد يحي مستشار وزير المالية ..
ود الحوش1 03-17-2005 02:55 PM
--------------------------------------------------------------------------------
بسـم الله الرحمن الرحيم
سـعادة الامين العام لجهاز العاملين بالخارج
السلام عليكم ورحمة الله الله وبركاته وبعد
اولا نشكركم على اتاحة هذه الفرصة لنطرح عليكم همومنا واملنا ان تجد منكم الاهتمام الكثير فكثيرا يما طرحت هذه الهموم على الامناء السابقين ولكن الحال لا ود ولا جاب عسى ان يكون وقتكم هو وقت جنى ثمار الصبر الطويل الذي تحمله المغتربين السودانيين في بلاد الشتات
لا داعي لتذكيركم بانه لا شيء يعدل الوطن مهما كانت الحياة التي يعيشها المغترب سوى كانت رغيدة ام عنيدة فحب العودة للوطن يعيشه كل مغترب وان طالت غربته ولــــــــــــــــــــكن،،،،،،،،،،،،،،،،،،،، تم عمل حواجز نفسية كبيرة بين المغترب ووطنه فاصبح يخاف من العودة وكيف سيدبر حياته . كل مغتربي الدنيا حقوقهم محفوظة سوي من ناحية السكن والعمل او في المقام الاول المواطنة كنت قد كتبت موضوع قبل يومين وضمنته بعض الاسئلة ولكني لم اراه والان اعيد هذه الاسئلة
1- لماذا كل هذا الاجحاف بحق ابناء المغترب في حقوقه التعليمية لماذا يعامل كأنه اجنبي مع ان هنالك بعض الاجانب ينعم بمزايا لاينعم بها ابن المغترب.
2-لماذا هذا التعامل العسكري مع المغترب في كل مكاتبكم واراهن اذا كان هنالك مغترب يعرف الي اي وزارة ينتمي جهازكم.
4-في احد المرات جمعت مادفعته من ضرائب للدوله وقارنته مع احد التجار الذي يعادل دخله 3 اضعاف دخلي فوجدت اني اكثر منه بما يقارب 10% فهل هذا عدل
5-لماذا في مطار الخرطوم يقف العاملين بصورة المتفرج على كل القادمين وبدون تقديم ااي مساعدة اذا حدث لا بد من البقشيش هل ياترى يحدث هذا من الزوار الاجانب
6- لا يوجد تشجيع للمشاريع الصغيرة للمغترب وانما اغلبها مربوط بالعودة والمغترب عند العودة يعود بخفي حنين وهو كان يمكن ان يؤسس مشروع وهو في فترة عمله بالخارج وذلك بمراحل كما انه يمكن ان يقترض سوي من جهة عمله او من البنوك لانه يستطيع التسديد
7-اما الضرائب وما اداراك ما الضرائب فسوف يتحدث عنها الكثيرون وكذلك هذه الزكاة التي لم نجد لها سند في الكتب واذا وجد لماذا تبع هذا السند دون غيره من السند التي تدعم حق المغترب.
8 سؤال اخير وهو نفس السؤال الذي طرحة احد الاخوة هل حضوركم للمنتدى لحل المشاكل ام للدردشة فقط .
رد المهندس:
= ود الحوش1=
طبعا نحن عندنا مشاكل تعليم أبناء المغتربين يمكن ثلاثة أجزاء الجزء الأول التعليم العام فيه مشكلة أن أولادنا نمو وترعرعوا ودخلوا مدارس غير سودانية البيئة الموجودة فيها غير سودانية الثقافة موجودة فيها غير سودانية وبالتالي يحتاجوا لجرعات تربطهم بالبيئة السودانية وبالوطن وقيمه وتقاليده وعاداته ودي حاولنا نوصلة ليهم من خلال أخوانا في السفارات والجاليات والروابط وبعض الاخوة المتطوعين الذين نمدهم بالمادة تاريخ مادة سياحة تعريف السودان الفلكلور السوداني وغيره من الأشياء بعض المسابقات تخليهم مربوطين يعني بالسودان خاصة الفي أوروبا يعني عندنا علاقة كويسة وممتازة جداً مع بعض إخواننا يعني المدرسة السودانية في لندن المدرسة السودانية في ليدز والمدرسة في إيرلندا وغيره يعني في المواقع التي توجد بها جاليات سودانية وبدينا معاهم بهذه المواد وإرسالها لهم ونحن نشكرهم علي اجتهادهم ودي مدرسة تقريباً بتفتح أبوابها في العطلة اسبوعياً السبت والأحد ويحضر فيها الأباء والأمهات وهذه فرصة أيضاً للتعارف وللتشاور بعضهم يستقل الفرصة من الأباء يعلموا رياضة أولادهم من يكونوا يعرفوا وطنهم وبلدهم ويعرفوا دينهم وعقيدتهم وثقافتهم وهم يتربوا يعني ونحن أتخذنا قرار إنشاء بيئة سودانية كل ما كان ذلك ممكن وأقصد بذلك أن الدول المضيفة تسمح، الآن استطعنا ننشأ مدرسة ثانوية أيضاً في اليمن صنعاء وفي مدرسة سودانية في ليبيا بنغازي وطرابلس وخارج بنغازي واليوم أنا كنت بتكلم مع مدير المدارس وطمئني جداً علي سير امتحانات الشهادة السودانية في ليبيا وفي مدرسة سودانية في باكستان وفي مدرسة سودانية في تشاد وفي كل الدول المضيفة لاقامة مدرسة والتي لا تسمح ممكن نودي ليهم مراكز امتحانات الآن عندنا مركز امتحانات أساس ثانوي في جدة أساس ثانوي في الرياض ونحن بنتكفل بأخوانا المعلمين والمراقبين والامتحانات وبعد كدا متابعة النتيجة وتوصيله ليهم وإعلانها وفي هذا الجانب لا بد من الإشادة والشكر كل الشكر لأخوانا في وزارة التربية والتعليم ولاية الخرطوم أيضا لان الامتحانات لمن تحضر بنحضرها ولاية الخرطوم يعني بنشيل امتحانات ولاية الخرطوم نوديها الخاصة بمرحلة الأساس ولمن تجي بنجيبة لناس ولاية الخرطوم يصححوها ولهم الشكر والتقدير أيضا.
الشق الثالث هو التعليم العالي وأنا جاوبت فيه، هو أتاح لابنائنا حملة الشهادات السودانية وغير السودانية انهم ينافسوا للدخول للجامعات السودانية انهم ينافسوا الموضوع البعد كده موضوع الرسوم والرسوم طلع قرار من السيد رئيس الجمهورية أن أبناء المغتربين يعاملوا معاملة رصفائهم في الرسوم الجامعية كإخوانهم في الداخل والمسألة دي تمت بدراسة يعني أنحن جينا شفنا مثلاً العامل في السودان إذا قبل ولده في كلية الطب جامعة الخرطوم بياخدوا منه كم نشوفه كم ونعمل نسبة لراتب والده السنوي… النسبة دي نسقطة علي العامل في الخارج أيضاً… جينا لقينا مرتبات العامل في الخارج اسقطت السنة دي طلع ابن العامل المغترب في كلية الطب يدفع كده مشينا مثلاً الكليات الأخرى صيدلية زراعية نشوف مثلاً الطبيب ولده إذا قبل في الكلية بدفع كم وجدناها كنسبة من راتبه السنوي أسقطناها لمخصصات وراتب الأطباء في الخارج وجدنا المسألة رسوم في الخارج وبعد كدا قالوا انتوا قاعدين تأخذوها مننا بالعملة الصعبة ليس شرطاً الآن الداير يحوله بالسوداني يدفعه الداير يدفعه بالريال او الدولار برضو يقبلوها منه تسهيلا ليه المسألة الثالثة هي مسألة السكن والداخليات عندنا تعاون أيضاً مع الصندوق القومي لرعاية الطلاب لقبولهم في سكن متميز أو مميز معمول ممكن ينافس ويلقوا الفرص وأيضاً اتفقنا مع جامعة الخرطوم أننا عملنا داخلية خاصة للبنات مهيأة من مجاميعه أفضل السكن الآن الموجود للطالبات الجامعيات وخيراً في مسألة الخدمة الوطنية لابناء المغتربين ودي نحن بنرتبه كل سنة ترتيب تام مع أخوانا في الخدمة الوطنية ونشرف علي الطلاب ديل من الكشف الطبي الي تخرجهم من المعسكرات وبنشرف علي أخوانا في المنسقية علي البرامج التي تقدم مواد تربوية وثقافية ورياضية والمسابقات والحمد لله أبناء المغتربين في السنوات الماضية كانوا ممتازين واستفادوا جداً من المعسكرات وما حصل فيها أي مشاكل والآباء الآن اقتنعوا وكان عندهم زمان هاجس وخوف أن أولادنا ديل بياخدوهم من المعسكرات يودوهم العمليات الآن هم بجوا يدفعوا بأولادهم لانهم قالوا استفادوا منها وأنا هنا لا بد أن اذكر ملاحظة العام الماضي والذي قبله في الكشف الطبي أمكن عدد كبير يعني من أبناء المغتربين غير لائق صنف في الفئة (ج) والسبب لأمراض معينة ونحن قلنا للمغتربين يجعلونها في بالهم منها الربو واما مشاكل النظر الربو الناس قالوا للتفكير والمكيفات الكثيرة وأمكن الموكيت وأشياء ذي دي وأيضاً النظر دا ما عارف يعني التلفزيون والإنترنت والأشياء الزي دي ودي كلها يختوها في بالهم ان يراعوا الأولاد والبنات تقريباً دي مشاكل التعليم..
* (مداخلة من السيد المقدم)والله في الجانب دا كان إتعملت زيارة لوفد سابق في العام الماضي الأخ الرئيس ومعه وزير رئاسة مجلس الوزراء والمختصين وإتعملت معالجات جذرية لكثير من المعالجات والظواهر الغير حميدة بتاعت المطار وأمكن إن شاء الله والشخص الجاي السودان في زيارته القادمة ما لا يجد هذه الأشياء.
السنجك الجديد 03-17-2005 05:21 PM
--------------------------------------------------------------------------------
[بسم الله الرحمن الرحيم
سعادة الامين العام ود المهدي تحية طيبة وبعد.
من البديهيات في عالم الضرائب في جميع انحاء العالم أن يجد دافع الضرائب شيء من الخدمات من تعليم وصحة و و الخ فلو قبلنا جدلا أن المواطن داخل السودان يتمتع بهذه الخدمات 0 (هذه طبعا من الأمنيات ).
السؤال:[إلى متى سيظل المغترب يدفع بلا مقابل ؟؟؟؟
رد المهندس:
الخدمات هي ما بتقدم للوطن الخدمات كلها الطرق والكباري والصحة والتعليم لأهلك لأولادك لأسرتك أنت نفسك لمن تجي راجع عندك قطعة ارض في مكان جيت لقيته الموية وصلت الكهرباء وصلت دي كلها خدمات.
dbdoob 03-17-2005 05:31 PM
--------------------------------------------------------------------------------
السيد مدير شئوون المغتربين
بعد التحية لك
والتحية للمشرف العام على اللقاء
سؤالى : لماذا لا يتم الاتفاق على مبلغ معين يتم دفعه لكل الفئات مبلغ ثابت مثلا 100دولار عند قدومك لقضاء فترة الاجازة . فى اعتقادى كل مغترب يستطيع ان يدفع مثل هذا المبلغ واتركونا من مسالة هذا مهنته طبيب وهذا مهنته راعى الجميع يتساوون امام الله الا يتساوون امامكم ؟
حقيقة كل مشاكل المغتربين تدور حول هذه النقطة بالذات فكم من المغتربين يأس من العودة بسبب الخوف من المبالغ المتراكمة عليه وكيفية حل اشاكلها فى اعتقادى العدد الكلى للمهاجرين خارج السودان يقدر بحوالى 6-8 مليون مهاجر فأذا التزم هولاء بذلك المبلغ تخيل كم ستجنى الدولة ؟
السؤال الثانى :
متى يتم فك الارتباط بتجديد الجواز شرطا لدفع الضرائب وكيف يستم التنسيق مع السفارات لانك يمكن ان تدفع فى السفارة ثم تعود السودان لتفأجا بالمطالبة مرة أخرى بالدفع.التوقيع : دبدووب
رد المهندس:
والله العدد غير صحيح مبالغ فيه أنحن كل العدد ما بتجاوز المليون بس والضرائب ذكرنا معالجتها ليهم والتي تمت والتي سوف تتم والمتراكامت التي تكلمنا عنها بيتم معالجته أخونا يرجع لمتراكماته في السعودية ويقابل الملحقين الذكرناهم يعني كان في الرياض أو جدة إن شاء الله يقدموا ليه المعالجات المطلوبة.
سنادابي 03-18-2005 04:46 PM
--------------------------------------------------------------------------------
شكرا لمنتدي النيلين علي هذه السانحه والشكر للباشمهندس تاج الدين علي هذه الاطلاله واتنمي ان تجد كل الاسئلة اجابه شافيه .
السؤال الاول :
بما انك كنت مغترب وجربت الغربه ولكن ماشاءالله انت كنت مهندس وليس عامل تتقاضي راتب الف ريال او موظف حوالي الفين ريال وعليك مسؤولية اسرتك ووالدينك واخوانك وصاحبك المحتاج وجارك كما هو حال السودانيين وعايز توفر للاجازه وتدفع الايجار وبتاكل منها هل يمكن لهؤلاء ان يدفعوا الضريبة ناهيك عن الزكاة واجباري (تحتها الف خط)لدرجة انك لو ماقدرت تدفها ينهو ليك غربتك لانك ماعندك (بالجد ماعند) كدا اسحبها ياسعادة المهندس ولا يخفي عليك بان الخليج بقي طارد لانهم نفسهم عندهم بطاله.
السؤال الثاني:
حصل في التسعينات اعفاءات لاصحاب الخروج النهائي مثل السيارة الخاصة به واثاثه المستعمل وبما ان الخروج النهائي كثر في الايام الاخيره و عائد الغربه اصبح متدني ومسؤولية المغترب تعاظمت والعيال كبرت ودخلت الجامعات هل اوليتم لهذا الامر اهتمام مع ان المغترب مؤدي كل التزاماته من ضرائب وزكاة
لكم التحية والتجلة ووفقكم لذات الغرض ،،،،،
رد المهندس:
= السنادابي1=
إنشاء الله الضريبة العامة اتخفضت بنسبة 5% والاقتراح الذي قمنا بتقديمه الآن في تخفيض إضافي إنشاء الله…
= السندابي 2=
كان هذا الي عام 1992 أتلغت مع التحرير الاقتصادي ما مع المغتربين بس اتلغت علي المغتربين والدبلوماسيين والمعارين والمنتدبين وحتي علي المنظمات في الداخل هذه المسألة -الحوافز الجمركية-..
خالد بركيه 03-18-2005 07:49 PM
--------------------------------------------------------------------------------
الأمين العام لجهاز تنظيم شؤون السودانيين العاملين بالخارج
السلام عليكم ورحمة الله وبركاته
س1 في آخر لقاء لك في برنامج الو مرحبا بقناة النيل الازرق قلت بان ليس هنالك ضرئب
علي المغتربين بل هي مساهمه الغتربين هم من طلبوا بدفع هذه المساهمه مساعده منهم لوضع السودان الان نحنا نطالب بايقاف هذه المساهمه لعدة اسباب وقف الحرب
السودان اصبح منتج للبترول فما ريك نحنا الذين طالبنا بدفع المساهمه ونحنا نطلب بايقفها
س2 لماذا لا يقوم الجهاز بحل مشاكل السودانيين الموجودين بالسجون السعوديه اليس هم سودانيين وقفوا مع الحكومه اثناء محنتها الماديه ، والحرب ، ودعم الاقتصاد قبل دخولهم السجن اليس لهم اطفال محتاجين لهم نعم هم ارتكبو خطا، نسكت ولا نشوف ايش الحل
وزيره العمل الفلبينيه حضرة السعوديه وحلت جميع مشاكل العمال الفلبينيين بالسجون
هذه حرمه وهم غير مسلميين فما بالك نحنا مسلمين اين الاسلام منكم ومن هؤلاء المساكبن امهاتهم لا ينامون في انتظارهم ويدعون الله ليل ونهار لفك شجنهم
انت بحكم منصبك ممكن تحل قضايا هؤلاء مع الحكومه السعوديه بالكلام الجميل معهم
صدقني زياره منك للحكومه السعوديه وقبل ما ترجع السودان يصدر آمر ملكي سامي بحل
مشاكلهم وتسفيرهم علي نفقة الحكومه السعوديه بس كيف انت تتكرم وتتنازل وتجلس مع الامير عبدالله ولي العهد وتطلب منه مكرمه ملكيه لحل مشاكل السجونيين السودانيين
في قضايا ماليه
ولن ينسي لك الشعب السوداني هذا الموقف ابد
خالد بركيه
رد المهندس:
=خالد بركية 2=
طبعا في السفارة نزورهم باستمرار ووجودهم في السجن يرتبط بأحكام جنائية أو كده فلا بد يقضي فترة العقوبة بعدين ممكن إذا حوكم المسألة ممكن تعالج مسألة قضاء المدة في السودان بناءاً علي اتفاقية تبادل المجرمين بيننا والسعودية دي شغل خاص بوزارة الداخلية يعني.
=خالد بركية 3=
هو طبعاً السفارات والقنصليات ما بتقف لان هذا واحد من واجباتها وتقوم به خير قيام وأخوانا في الرياض قاموا بمعالجة بعض المشاكل وقاموا بترحيل المحكومين وتوصيلهم للسودان وأنا اليوم كنت بتكلم مع القنصل في جدة وعشان من هذه القضايا بعدما تم تسفيره لسه عنده متعلقات باقية هناك وطالبنا بأنهم يشوفوها وطالبنا الجهات المختصة يساعدوه في جماركها وكدا والمعالجات بتم يعني الحقيقة نحن بندعوا أخوانا في السفارات في جدة والرياض أن يحصروا مثل هذه الحالات وإذا في تعاون مع الأخ خالد والأخوة في الجاليات يجي حصر بإعداد هؤلاء وطبيعة أحكامهم شنو والناس إن شاء الله علي مستوي الدولة سوف تتحرك في هذا الموضوع.. كان منا الأسبوع الماضي وزير الداخلية سمو الأمير نايف أتكلم كلام طيب في حق السودانيين ووصفهم بالأمانة ووصفهم بالشهامة والمروءة والكرم وقال نحن بنعتمد عليهم ونقدرهم وأفتكر دا مدخل لان الناس مثل هذه المشاكل لمعالجتها يعني…
ابوالغالى 03-18-2005 08:11 PM
--------------------------------------------------------------------------------
لكم التحية
التحية للاخوة القائمين على امر المنتدى والترحيب والتقدير للمهندس/ تاج الدين المهدى محمد.
1/ سيدى العزيز أما أن إن يكركم المغترب داخل وطنه وفى مبناه طريقة التعامل مع المغترب اثناء تسديد الضريبة من قبل الموظفين اداء اليمين الذهاب لقسم التخيف ,العنجهية والترفع فى التعامل ورسوم الخدمات والقنوات اليس هناك حل لذلك.
2/ ماذا فعل الديوان لحل مشاكل العديد من المغتربين ولم ينحصر الامر فى الرياض او جدة لماذا لا تستخدم اموال المغتربين لحل مشاكلهم بدلا من زيادة العربات او العاملين او رواتبهم وهناك العديد من القضايا التى تم طرحها للقنصليات فى الخارج لحلها ولم يتم شى ما دور الجهاز فى ذلك الاف السودانيين قابعين فى سجون بعض الدول واغلبهم مظلمون لم لايتم بحث قضاياهم وحلها.
3/ العديد من الأسر السودانية تعثر بها الحال فى الغربة وليس هناك من يعولها وسلك البعض دروب الانحراف , وهناك حادثه مشهورة عن ذلك لم لايتم حصر هذا الأسر واجبارها على العودة وعدم ترك الباب مفتوح لخروج العديد منهن دون محرم من الوطن
ولكم وللقائميين على امر المنتدى تحياتى ,,,,
-- أسئلة مكررة تم الرد عليها مسبقاً --
البحراوي 03-19-2005 12:35 AM
--------------------------------------------------------------------------------
ضيفنا العزيز مرحب بيك وحبابك وسط اخوانا القابضون علي الجمر!!
سؤالي واحد بس ماذا قدمتم للمغترب وأنتم من تتحدثون بأسمه وتتناسون مايعانيه؟
مجرد سؤال ! أنا شاهد عيان لجريمة قتل لاحد أبناء هذا الوطن وبعد القاء القبض علي
قاتله شوهد خارج القضبان بعد ايام تقل من الأسبوع ولم تكن لدينا غير سفارتنا المؤقره
لنجدتنا التي لم تحرك ساكنا ونحنا في عامنا الثاني للحادث وقد قيد ضد مجهول!! برضو
تقولو لينا جهاز المغتربين؟!ماذا تعرفون عنا وعن همومنا ونحن لم نملك غير شكوانا لله
وحسبي الله ونعم الوكيل من هكذا راعي وكفي!
رد المهندس:
=البحراوي 2=
والله عندنا حق المواطن السوداني وكرامته فوق كل شئ لن نشوهها ولن نتهاون في أي قضية زي دي لو وصلتنا… ربما يكون السفارة التي تتحدث عنها وصلتها لجهات ثانية وأكيد الجهات الثانية تكون عملت ولكن انحن ما وصلتنا… لكن كل القضايا التي وصلتنا نحن مهما كلفنا ذلك ونحن عندنا يعني مستشار قانوني كل هذه القضايا ببحثها ويدينا فيها الرأي القانوني وكيفية تناوله ومعالجتها مع الجهات المعنية في هذا الأمر حتىاذا اقتضاء أن نجيب ليها محامي من عندنا او نعين لها محامي في دولة الاغتراب لن نتهاون أبدا في كرامة السودانيين وفي الأخوة بحقوقهم.
elsmoual 03-19-2005 11:11 AM
--------------------------------------------------------------------------------
بسم الله الرحمن الرحيم
الاخ الكريم الامين العام لجهاز المغتربين
السلام عليكم ورحمة الله
بعيدا عن الشكوى من اى نوع ... الا توافقنى بان الوقت هو الوقت المناسب لاعداد البرامج وتكثيف الخطط للعودة الطوعية للكفاءات السودانية العديدة والمنتشرة فى بقاع الارض المختلفة ... اما ان الاوان ان نعد العدة لانطلاقة امة وهبها الله الكثير من الموارد الطبيعية والبشرية ... انها امانة فى اعناقنا جميعا ان نوقظ القدرات المهولة المبعثرة فى اركان الدنيا الاربعة ... واذا لم تكن العودة طوعية وعن قناعة انعدمت الفايدة ولا داعى لها ... هل تكون هذه هى اخر واعظم مهام الجهاز ؟ وهل تكون الهجرة عكسية فى مقبل الايام حتى تنعدم الحوجة لجهاز لرعاية قلة ( فى يوم ما ) يمكن تناول شانها باقل من جهد جهاز باكمله ؟
اسال الله التوفيق لحامل كل رسالة من شانها تطور ونماء هذه الامة
لك التحية
-- سؤال مكرر تم الرد عليه --
الجزيرة الخضراء 03-19-2005 07:24 PM
--------------------------------------------------------------------------------
الأخ المهندس/ تاج الدين المهندي
الأمين العام لجهاز تنظيم شؤون السودانيين العاملين بالخارج
السلام عليكم ورحمة الله وبركاته ،
في البدء نشكر إدارة موقع النيليل لاتاحتها لنا هذا المنبر الحر ونشكر الأخ المهندس ودالمهدي على مشاركته وتكرمه بالاجابة على اسئلتنا ونسأل الله سبحانه وتعالى له التوفيق ، اطلعت على معظم الاسئلة الواردة والموجهة للسيد الأمين العام حيث أن أغلبها حول ضرائب المغتربين وامتيازات الخروج النهائي ، وواضح بأن الكل يرغب في العودة والتي إن لم تكن طوعية فسوف تكون إجبارية خاصة للعاملين في منطقة الخليج ، وبما أن الأمر كذلك وكما يعلم الأخ الأمين العام المغترب سابقا بأن هناك خبرات سودانية كثيرة في مختلف المجالات خارج سوداننا الحبيب اضطرتها الظروف الاقتصادية أو السياسية لمغادرة وطنها وأهلها عجز تماما جهاز المغتربين الموقر منذ انشائه في استقطاب هذه الخبرات وتشجيع عودتها لوطنها للمشاركة في البناء والتعمير حيث أن هذا الجهاز لم يقدم شيء للمغترب السوداني تشجعه للعودة النهائية سوى أنه مركز لتحصيل الضرائب والرسوم بمسمياتها المختلفة ، سؤالي هو :
1- متى يقوم جهاز المغتربين بدوره الأهم والكبير المتمثل في تشجيع وإعادة كل الخبرات السودانية العاملة بالخارج وإعادة الأسر والأطفال ذوي الظروف الخاصة للوطن ؟
2- هل يحق للمغترب الذي تعدت فترة اغترابه عشرة سنوات وهو ملتزم بسداد كل الضرائب والرسوم بأن يعطى إعفاء جمركي جزئيء أو كلي لسيارته الخاصة وأن يمنح قطعة أرض سكنية ويسمح له باستيراد مواد بناء وأن يدفع رسوم دراسة أبنائه بالجنيه بدلا من الدولار تمهيدا لعودته النهائية؟
في انتظار ردكم - وربنا يوفقكم
رد المهندس:
الخبرات والكفاءات نحن لمن عملنا العام الماضي مؤتمر الخبرات والكفاءات من خلال مشاركة عدد كبير منهم عادوا وعملوا في مجالات مختلفة ومؤسسات حكومية وغير حكومية وفي بعضهم يعني موجود هنا الناس بستفيدوا منه من خلال تقديم الاستشارات في فترات متقطعة تقديم بعض الدورات التدريبية وغيرها يعني بعض المحاضرات عندنا مشروع كبير حقيقة… نحن قاعدين نسميه مشروع حق الوطن وتطور الآن نقل التقانة والمعرفة دا مشروع كبير للاستفادة من الخبرات السودانية الموجودة في الخارج كلا في مجال تخصصه وسوء عاد عودة نهائية او مؤقتة او بقوا في مواقعهم هم ناس عندهم الآلية الممكن تحدث هذه الاستفادة وتنظيم هؤلاء الأخوة ممكن السودان يستفيد منهم ومن علمهم وخبراتهم.
alshaigi 03-19-2005 07:55 PM
--------------------------------------------------------------------------------
مرحب بالسيد الامين العام
التحية والتجله والتقدير لإدارة المنتدي الرائعة على هذه الفرصة الحلوة وآمل من الاخ المشرف العام إستضافة أمين عام ديوان الضرائب الاستاذ عبد القادر لاننا عندنا ليهو كمية كبيرة من الاسئلة .
كما نرحب بالسيد الامين العام لجهازنا ( النا ضمير راجع لينا نحن المغتربين ) وأسئلتي هي :
1/ لو راجعت كل الاسئلة في هذا اللقاء سوف تجد أن 99.99% منها يخص الضرائب أو المساهمة الوطنية كما يحلو لكم تلوينها ، أين تذهب هذه الضرائب ؟؟ ماهي أوجه الصرف لها ؟؟ ما هو العائد الراجع منها للمغترب دافع الضريبة ؟؟ هل هي العككنة والوقوف في الصفوف من الصباح حتي المساء ؟؟ أين تذهب فلوسنا ؟؟ هل على مخصصاتكم ومخصصات طاقمكم ؟؟ أم على الورود التي تزين بها مبني الجهاز ؟؟ أم على هذا الجيش الجرار من السيارات الانيقة والرواتب العالية التي يصرفوها موظفي الجهاز ؟؟ متي سنري عائد هذه الضرائب على دافعها ؟؟ متي ؟؟؟؟؟؟؟؟؟؟؟؟
وكيف ؟؟؟؟؟؟؟؟ ، أبسط حاجة ترجعوا إلغاء جمارك الخروج النهائي للسيارة عفش البيت وترجع أراضي المغتربين ( مش بالصورة العليها الان ) ونبقي نشوف فائدة قروشنا الدفعناها من دم قلبنا ليكم وإنتو سادين دي بي طينة ودي بي عجينة
2/ ما عاوز أكرر الاسئلة لكن المساهمة النحن قلنا بندفعا ( حسب كلامك في النيل الازرق ) قررنا إننا نتوقف عن دفعها , ماذا أنتم فاعلين ؟؟ هل سوف تنفذوا هذا الكلام أم أن ( الدخول في الشباك هين ... لكن التآمل في الخروج ) . ومتي سوف تعالجون مشاكل المغتربين الذين ذهب جل دخلهم في الضريبة والزكاة والخدمات ؟؟؟ أما آن لهذه الضرائب ان تتوقف ؟؟؟ أما آن لهذه المعاملة القاسية التي يتلقاها المغترب من موظفي الجهاز أن تتوقف رغم أن هذا المغترب هو الذي يدفع رواتبهم وبعد ذلك يعاملوك ذي الزفت ويتنفخوا عليك تقول هم الدافعين راتبك .
نتمني أننا نشوف حاجة واقعية وبلاش ورشه العمل ديك قالت واللجنة الفلانية سوت واللجنة العلانية رفعت تقريرا للجهات العليا وبلاش الضحك على الذقون .
مع شكري وتقديري لك ولإدارة المنتدي وللجميع
رد المهندس:
متوسطة عادية في كثير من المؤسسات الآن والهيئات رواتب عالية…
= والله هي ماشة في التدريج نحن ناقشنا الموضوع دا وكان قدامنا مقترح في العام الماضي والناس بتتناقش في الميزانية بأن تلغي نهائياً لان نحن عارفين هي نسبة لا تساوي شئ مقابل الضرائب الكلية بتاعت الدولة يعني لكن في مجلس الإدارة رأوا الإلغاء يكون بالتدريج لان هي علي الأقل بتشكل نوع من الربط الوطن والولاء للوطن لكن ساعين في نفس الوقت نري ظروف الناس لذلك الاقتراح القدمناه…
= أنا عايز أكرر مرة ثانية التوجيه القاطع والواضح لكل العاملين خاصة البتعاملوا في الشبابيك مع الجمهور أن يتعاملوا مع الناس معاملة كريمة معاملة حسنة وتقدير ويكون فيها احترام يكون فيها تيسير وتبسيط كثير للإجراءات وقلنا لهم المواطن أن لم يجد منك أي شئ فليجد منكم الكلمة الطيبة ويجد منك الوجه الطلق.. دا باستمرار ولكن أحياناً ودي الناس شاهدوها المغترب هو يكون السبب في إثارة الموظف وعمل مشكلة وفي النهاية تبقى مواجهة بينه وبين الموظف.
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
الاخ الحلاوى
ما قلت انت هو ما يريده المنتفعون بضرائبناوزكواتنا ورسومنا. نحن نعى ان هنالك فساد وافساد فى كل مفاصل الدولة والرشوة اصبحت "بقشيشا. ولا نريد ان نتمدد فى كل مساحة الفساد بل نريد التركيز على ما حاق بنا من ظلم ...يقينى ان التوفيق حليفنا مادمنا مظلومين...عليك برفع الاكف فى هذا الشهر المبارك بنصرة المظلومين ...والله لايرد دعوة المظلوم.
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: على بدرى حاج)
|
الأخ عبد الرحمن الحلاوي
| Quote: لنا في الأخوة المصريين المثل والقدوة إذ استطاعوا أن يرفعوا دعوى ضد الحكومة المصرية بعد قانونية الضريبة على المغترب واستردوا المبالغ التي أخذتها الحكومة وبأثر رجعي !!! |
هل يمكنك إلقاء مزيد من الضوء وإيراد التفاصيل حول هذا الموضوع. لعله كما قلت يكون نموذجاً نستفيد منه في دعوانا هذه.
وكل عام والجميع بخير.
العوض الطيب
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: Alshafea Ibrahim)
|
الاخ الشفيع
تحياتي واشواقي
البيعجب فيك اصلك ما رخيت من تبتك الاول لا رمضان ولا غيره ما اقعدك عن دعوى الطعن الدستورى .
الناس في رمضان مرخمة شوية . خلينا نفطر وننجم شوية ونقبل على طعننا الدستورى . وما تنسي نحن في اللجنة القانونية وفي البورد عامة نعمل بمؤسسية . الان امر اللجنة القانونية عند استاذنا يحيي وقطع مشوار طويل بحكيهو ليك بهناك براك .
تحياتي لجميع أعضاء اللجان
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
هذا المسمى تاج الدين يتحدث وكانه يخاطب اناس اخرين وليس المغتربين الذين يكابدون المعاناة يوميا فى القنصليات وجهاز ضرائب المغتربين....عجبى!!
"والله زي ما أجبنا قبل ذلك في لقاءنا مع قناة النيل الأزرق قبل اسبوعين قلنا المسألة ما مربوطة عشان المواطن نعرقل ليه سفره يعني أو نرابط ليه عند السفر عشان نأخذ منه المساهمة الوطنية ولكن لانهم عادة أخوانا المغتربين يكون في عملهم مشغولين ولا يمكن يعني يتخارجوا من عملهم إلا عند الإجازة وما بجي السفارة إلا عاوز يجدد جوازه أو يضيف مولود أو يعمل تعديل في الجواز والناس من ناحية عملية بذكروه وبقولوا ليه والله أنت عليك مساهمة لكن التوجيه العام لأخوانا في السفارات يعني والقنصليات كذلك الملحقين الضرائبيين الوديناهم في أربع مهاجر المملكة العربية السعودية وجدة والرياض وفي أبو ظبي وفي قطر والعاملين عندنا هنا في الداخل مع الجمهور أبداً ما يكون المساهمة الوطنية أو الالتزام علي المغترب تحول بينه وبين عودته للسودان حتى في إجازته العادية ناهيك عن الظروف الطارئة، الظروف الطارئة دي اصلوا المعالجات التي تتم في السفارة بالنسبة لينا مقبولة كل السفراء والقناصلة قاعدين يراعوا الظروف الخاصة دي والحالات الطارئة وبعد ما يجئ عندنا هنا برضو بنعالج الحالات الطارئة والظروف الغير عادية لدرجة أننا بنأجل كامل المبلغ كامل الدين العليه وفي كثير من الأحيان إذا كان الحالة تستدعى إعفاء الناس الوصلوا لجهة الاختصاص بنعفيها تماماً، أبداً إن شاء الله نحن ما عايزين اطلاقاً مسألة المساهمة الوطنية أو الالتزامات المالية ما يكون سبب يقول أنا ما قادر اجي ازور أهلي أو اجي أشوف أولادي أبداً."
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
أخي علي بدري
الكلام ببلاش ، ثم ثانيا جماعة المؤتمر الوطني غير مسوليين عن أفعالهم ناهيك عن اقوالهم
وتاج الدين كاذب وغير صادق في أي كلمة يقولها ، ولدينا ما يثبت كذبه الوفا مؤلفة من الاخوة المغتربين يستدينون الضرائب والزكاة لسدادها والعودة للغربة أليس هذا صحيحا؟ أين التساهل والتسامح والتأجيل والإعفاء الذي يحدثنا عنه تاج الدين ؟؟
مع خالص شكري
الشفيع
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: Alshafea Ibrahim)
|
الأخت مهيرة
الأخ الطيب شيقوق
الاخوة المتداخلون
إذا لم نعطى قضية حرمان طلبة الشهادة العربية المتفوقين فرصة فى هذه القضية ، فلا فائدة تذكر لنا نحن آباء الطلبة المظلومين .... القضية لو إقتصرت على إلغاء الضرائب والزكاة فقط ، فهى كسب فقط للمغتربين الذين لم بواجهواهذا النوع من الظلم البغيض الذى أجبر أبنائنا المتفوقين لدفع آلاف الدولارات لمجرد الإلتحاق بجامعة فى الوطن ...السودان ... وسوف يرون هذا الظلم مستقبلا إن لم نجتثه الآن ... ويقولون ...قتلت بوم قتل الثور الأبيض ..
شكرا
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: kh_abboud)
|
الاخت مهيرة
الزملاء الكرام
استاذى خلف الله kh_abboud
تحياتي
نتفق معك في رأيك إن كانت هكذا فهى عرجاء ولكن ارجو ان تطمئنوا على حقيقة جوهرية جدا وهى اننا قد عملنا مجموعة لجان وبعض من تلك اللجان نيط بها مهمة البحث عن جميع جوانب الظلم التى يمكن استصحابها في الدعوى الدستورية .
نحن في اللجنة القانونية حرصنا على ان يكون الطعن الدستوري متكامل لا يترك اى ناصية من نواصي مظالم المغتربين .
شكرا لك استاذى ونامل ان يكون لنا لقاء في ايام العيد للتفاكر حول المرحلة القادمة واطلاعكم على ما تم انجازه حتى هذه المرحلة .
وكل عام وانتم بخير
| |
|
|
|
|
|
|
|
|
 Re: ** مساهماتكم : لرفع دعـوى دستوريــة ضد قانون ضرائب المغتربين** (Re: الطيب شيقوق)
|
الأخ الكريم kH_ Aboud
الاساتذة الأجلاء
أعضاء اللجان المختلفة
القراء والمتابعون الاعزاء
الموقعون على عريضة التصدى لقضايا المغتربين
كل عام وانتم بخير
ونتمنى أن نسمع ما يسركم بعد عطلة العيد ان شاء الله
وكما أكد الأستاذ شيقوق كل القضايا التى تهم المغتربين بما فيها قضية تعليم ابنائهم الجامعى ستطرح فى الدعوى الدستورية
الاخ خلف اللة عبود : نرجو ان تعرض دراستك التى وعدت بها- اذا لم تخنى الذاكرة- حول الشهادة العربية وقضية مستوى ابناء المغتربين والذى يشهد بتفوق معظمهم فى الجامعات السودانية ونيلهم أعلى الدرجات متفوقين حتى على طلبة الداخل فى الدراسة الجامعية.
تحياتى
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
أخي علي بدري
مشكور للمساهمة والمقارنة أعلاه
كل الشعوب لها حد أدني من القيود والتشريعات تشكل ثوابت لا يمكن العدول عنها مهما اختلفت الحكومات - حق التنقل والهجرة والكسب الحلال والتعليم وحيازة وثائق السفر والميلاد وغيرها تمثل عند دول الشعوب التي أوردتها على سبيل المثال لا الحصر ثواتب مكتسبة ، رغم أن بعض أو كل الدول التي ذكرتها لا تدعي كذبا على الله وشعوبها تمسكها بالشريعة الإسلامية وقيمها كمصدر للتشريع مثل ما يدعي حكامنا الحاليون - والشرع الحنيف من ممارساتهم وأفعالهم وأقوالهم براء - هل وجدوا في الشريعة الإسلامية سندا صحيحا يمنحهم حق التسلط على عباد الله ومشاركتهم فيما يكسبون ؟؟ بل ويثقلون كاهل المواطن سنويا بمثل هذه الأتاوات والجبايات ؟؟ نتحداهم ونتحدى علمائهم في الشريعة الإسلامية أن يزودونا بمثل هذه النصوص في الشريعة التي تجيز ما يتم تطبيقه وفرضه على المغتربين
لكم التحية والتقدير
ومستمرين في دعوانا بالحق الظاهر الثابت في ذمتهم
الشفيع
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: Alshafea Ibrahim)
|
الأخت مهيرة
سلامى وكل عام وأنت بخير
سأورد الدراسة ولم أنسها ، فقط إتصالى مع زملائى الخبراء التربويون فيه بعض التعسر وسوف يزول قريبا جداِ
الاخ على بدرى
سلامى وكل عام وأنت بخير
أرجو أن تضيفف أن المغتربين التونسيين يتمتعون بعفو كامل لجمارك السيارات والأثاث المنزلى لمن قضى ، فقط سنتين فى الغربة ، بالإضافة لعدم وجود ضرائب أة أيى إلتزامات أخرى
شكرا
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
الاخوة الشفيع وعبود
ليس تونس فقط انما كل دول الدنيا دوننا فى الجبايات...حتى دول الغرب وامريكا التى تعتبر الضرائب فريضة وعمودا للوطنية من تهرب منها تجرد من الوطنية...لا تعامل مغتربيها مثل ما تعاملنا دولتنا التى تدعى المثالية والمثالية منها براءة. وهذه الدول حتى وان فرضت ضرائب مهما كانت باهظة تقدم خدمات مقابلها...وبها من الشفافية والمحاسبة ما يجعل دافع الضريبة مطمئنا وراضيا عن ما يقدم...اما نحن فلا ندرى كم من المال يتم جبايته وكيف واين تصرف...ودولتنا تعتقد انه ليس من حقنا ان نسال بل نصمت ونقدم الطاعة والولاء والمبايعة للمرتشين والمهرجين باسم الدين
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: على بدرى حاج)
|
الأخوة و الأخوات
أشكر الاخ علي جدوله الواضح و الذي يبين ما تفعله تلكم الحكومات بمواطنيها. و مرة أخري إن ما تفرضه حكومتنا من ضريبة أو مساهمة وطنية ( سمها ما شئت) لا أساس لها في الفقه الضريبي و ما هي إلا ضريبة أو رسوم مواطنة. و اني لأتعجب من بعض الذين إلتقيتهم و لا يستنكرون هذه المفروضات و كأنها أصبحت من المسلمات، و أقول أننا سنسبر بقوة غمار الدعاوي القضائية لإسترداد حقوقنا مهما كانت نتيجة دعوانا.
و ستوافيكم اللجنة القانونية بنتاج بحثها قريبا بإذن المولي عز و جل.
وإن سمحت لي د. مهيرة أود أن أسجل شكري لكل من يشارك برأيه في هذا الأمر و لو علي سبيل الرفع.
و ختاما تحياتي للجميع و
كل عام و أنتم بخير
أبو لينة.
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
الأخـت الدكتـورة مهـيـرة
الأخـوة أعضـاء اللجنـة القانونيـة,
بحسـاب بسيـط, مع احد الاخوة المغتربين وجدنا أن رسوم قبول الاولاد الدراسيـة تعتبر أكبر ازدواج ضريبي حول العالم, وأمـر لا يمكن تبريره على الاطلاق وفق أي نظام كان,
لا بد من الاخ في الاعتبار تصعيد المطالبات بالغاء الرسوم الدراسية ومساواتها بالرسوم التي يدفعها الطلاب السودانيين داخل السودان.
يدفع أبناء المغتربين الرسوم الدراسية دون اعتبار لمهنة الوالد ودخله وحتى دون اعتبار لشريحـة الضريبة التي يدفعها سنويا
هـل يعقل أن يدفع ابن مغترب يعمل سائقاً براتب متدني جدا رسوم دراسية تفوق أضعاف ما يترتب على السائق من ضرائب,
مسألة تحتاج لاعادة نظــر
خالص تحياتي
أحمـد الشايقي
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
الاخ الشايقى والاخوة الكرام
كل عام وانتم جميعا بخير وامنباتنا ان يعود علينا وقد زال الظلم وردت الحقوق.
اخى الشايقى بمناسبة الرسوم الدراسية، لى صديق (اسمه عبد الرحمن سعيد) يعمل بمؤسسة بيت الرياض بالرياض حكى لى ان ابنته ارادت الالتحاق بجامعة الازهرى والرسوم للطالب السودانى المقيم 500 الف جنيه....وبالرغم من ان ابنتها امتحنت شهادة سودانية طلب منها رسوم 2 مليون جنيه لان والدها مغترب!!!. لم يعد لدى الجباة اهمية لما يتقاضاه المغترب ..عليه ان ينصاع ويدفع ما يطلب منه وبس.
ايضا يجب الملاحظة ان المغترب عليه زكاة راتب حتى ولو كان يتقاضى 200 ريال فى الشهر ...فى حين ان الشخص المقيم فى السودان تم تحديد النصاب له بمبلغ2.577.000 جنيه فى الشهر اى ما يعادل 4000 ريال...واذا كا راتبه الشهرى اقل من 2.577.000 لايدفع زكاة!!! قائمة المظالم تطول ولا بد لنا من "نفس طويل"
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: على بدرى حاج)
|
الاخت . مهيرة الاستاذ / الشفيع كل سنه وانتم طيبين وجميع اعضاء البورد
واعضاء المنطقه الشرقيه
ونأسف للانقطاعنا فى الفترة السابقه وكذلك نحاول استغلال شهر رمضان ( للاعتكاف)
لانو ناس الجبهه ديل كادو يخرجونا من المله بكثرة ما يفعلونه باسم الدين ، والدين
منهم براء ،،،،،،
على العموم كنا من قبل تحدثنا عن اهميه موضوع الجاليه ، ودورها الكبير بمساندة ودعم
هذة القضيه ، للاسف تعددت الاراء السالبه ، لكن المغتربين بالرياض تبنو موضوع الجاليه
او اعادة الجاليه الى الوجود لسبب بسيط الجميع يلاحظ انه كثر المتحدثين باسم
المغترب وجميعهم من ازيال النظام وابواقه بالخارج والمنتفعين من الجبايه التى ندفعها
من عرقنا بسفاراتهم،،،،،
وشخصى الضعيف يناشد كل من يطلع على هذا البوست بالمساهمه بانشاء جاليه تحمل همومه
وتساهم بحل مشكلات المغترب ، والى الامام ولا نامت اعين الجبناء
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: Yahia Abd El Kareem)
|
الاخوة والاخوات الكرام
السلام عليكم
ما زلنا فى انتظار يشكيل المحكمة الدستورية الجديدة لتقديم دعوى الطعن الدستورى ضد قانون ضرائب المغتربين وغيره من القضايا التى تهم المغتربين السودانيين.
ذكر الأخ welyab
Quote: اما عن دور تفعيل الطرح في الروابط فهو امر مقبول ونحن نعمل على ذلك في روابطنا ( حلفا سكوت المحس ) وهم شريحة كبيرة لايستهان بهم وقد ضمنا ذلك في مذكرة (حسم) ولنا ان نعمل سويا في تحقيق ما نصبو اليه متحدين . ولو الامر احتاج تواقيع او مسانده مالية فجموع (حسم ) مستعدة لذلك !!
محمد سليمان احمد
الامين العام لمجموعة حسم النوبية |
ونتقدم بالشكر لرابطة (حلفا سكوت المحس) لتضمينها هذه القضية لمهامها، ونهيب ببقية الروابط السودانية الوطنية بالمهاجر والمغتربات ان تتبنى معنا هذه الدعوة القضائية فهى ايضا قضية كل مغترب سودانى استمرأت الدولة الاعتداء على حقوقه الدستورية وأكل قريشاته ظلما وعدوانا.وقد نحتاج فى القريب العاجل باذن الله لجمع مساهمات مالية بسيطة من المغتربين (حوالى 10 ريال سعودى او ما يعادله)لتسديد رسوم القضية واتعاب مكاتب المحاماة التى تترافع عنافى الخرطوم،وسنوافيكم باسمائها فى حينه ان شاء الله.
وكما ذكر الاخ كمال مبارك فان الجاليات التى قامت بأوامر حكومة الخرطوم ممثلة فى سفاراتها بالخارج لا تمثل جموع المغتربين الوطنيين،وعلى الروابط الاقليمية مساندة قضايا المغتربين الى حين قيام جاليات تمثل المغتربين حقيقة وتعمل من أجل مصالحهم ولا تعمل فقط من اجل مصالح حكومة الانقاذ ومشاريعهاالتى تهم فئة قليلة من المنتفعين والمتسلقين.
تحياتى
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
نتمنى ان يتم تصفير ضرائب المغتربين ...وعندئذ نقول " كفى الله المؤمنين شر القتال".
انا اتابع الاخبار السودانية عبر جريد الصحافة وتركيزى على الاخبار المتعلقة بامور المغتربين...حتى الان لم اقرأ ما يفيد بتصفير الضرائب...ولكن عبارة تصفير الضرائب وردت على لسان "رئيس الحكومة" فى اخر مؤتمر "للمغتربين"...وكانت هذه اول مرة تظهر فيها هذه العبارة...ولا ادرى ان كان "التصفير" يختلف عن "الالغاء" ولماذا استخدم الريس تصفير ولم يقل الغاء!
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
البشير يعفي قضاة المحكمة الدستورية
الخرطوم - “الخليج”:
أصدر الرئيس السوداني عمر حسن احمد البشير قراراً بإعفاء رئيس وأعضاء المحكمة الدستورية من مناصبهم.
وشمل الإعفاء كلاً من جلال علي لطفي رئيس المحكمة وبقية القضاة الخمسة حسن البيلي، محمد محمود ابو قصيصة، عبدالله احمد عبدالله، جون النقي كاسيا، وعلي يوسف الولي.
ويعنى هذا ان المحكمة الجديدة سوف يتم تكوينها قريبا!!!
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: nile1)
|
الاخ الفاضل الزاكى
نعم أعتقد أنه وجب عقد اجتماع للجنة الشرقية لمعرفة المستجدات فى القضية والتحضير
ليوم سودانى لمخاطبة اكبرعدد من المغتربين بالمنطقة الشرقية لتنويرهم عن القضية
واتخاذ الخطوات اللازمة لانجاحها.
متوقع تشكيل المحكمة الدستورية قريبا زى ما ذكر الاخ على بدرى،وان شاء الله نسمع قريب
أخبار سارة من الاستاذ يحيى عبد الكريم واللجنة القانونية
تحياتى
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: مهيرة)
|
كتب الأخ على
Quote:
نتمنى ان يتم تصفير ضرائب المغتربين ...وعندئذ نقول " كفى الله المؤمنين شر القتال".
انا اتابع الاخبار السودانية عبر جريد الصحافة وتركيزى على الاخبار المتعلقة بامور المغتربين...حتى الان لم اقرأ ما يفيد بتصفير الضرائب...ولكن عبارة تصفير الضرائب وردت على لسان "رئيس الحكومة" فى اخر مؤتمر "للمغتربين"...وكانت هذه اول مرة تظهر فيها هذه العبارة...ولا ادرى ان كان "التصفير" يختلف عن "الالغاء" ولماذا استخدم الريس تصفير ولم يقل الغاء!
|
الأخ على
لعل التصفير الذى يقصدة السيد الرئيس هو تناقص تلك الجبايات شئيا فشئيا حتى تصبح صفرا وهذا لا يعنينا فى شىء اننا نسعى وراء الالغاء الفورى واستعادة ما دفعناه سابقا كذلك ولذا ما علينا يوصلها صفر او جنيه واحد لابد للقضية ان تسير وكما قال الاحباب اعلاه فان كلام الرئيس غالبا للاستهلاك فقط ولا ينفذ منه شىء ..
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: WadAker)
|
التحاياوالشكر لكل من تضامن مع هذه القضية
والشكر موصول للجان القئمة بمهام المتابعة القانونية والتحضيرية لنجاح القضية التى
تؤرق مضاجع غالبية المغتربين المقهورين على دفع الجبايات والضرائب غير
القانونية،ويظهر أن القائمين على جهاز المغتربين استمرأوا اكل اموال الناس
بالباطل،فهاهم يدعمون مشروع جامعة المغتربين بلا سند قانونى او تفويض من عامة
المغتربين،وانما ممالأة لفئة من المنتفعين والمستغفلين القائمين على أمر هذه
الجامعة،وما هى الا مشروع استثمارى آخر يتبناه جهاز المغتربين وقد انشأ قبله مشاريع
استثمارية مثل :ليموزين المهاجر وغيره من الشركات التى تم تمويلها من اموال
المغتربين التى تقتطع منهم فى شكل ضرائب وجبايات بتسميات مختلفة،ولا يعلمالمغتربون
أصحاب رأس المال الحقيقيين شيئا عن تلك المشاريع التى تقسم ارباحها على فئة خاصة من
المنتفعين داخل وخارج الجهاز المشبوه.
Quote: أشكر ود قاسم و إسماعيل علي ما قالوه و أكثر عن ما يجول في خاطرناحول أمر الجامعة. و إني لأستغرب من أن يكون ديدن الحوار علي نحو ما ذكره أحد الأشخاص في حق الأخوين ود قاسم و إسماعيل. نحن لسنا بصدد التحدث عن ولاءات للحكومة أو لغيرها و لكننا نتحدث عن مدي ضرورة إنشاء الجامعة بهذا الشكل و دورها في حل مشاكل التعليم.
و في تقديري الشخصي أن هذا الأمر يشوبه الكثير من الأخطاء من الناحيتين الإجتماعية و القانونية، و من هنا أقترح أن تكون هناك إجراءات عمليه لدراسة الموضوع و من ثم التقرير في ما يتوجب إتخاذه من إجراء.
لذا فإنني أقترح علي الأخ ود قاسم أن يمدنا بالقرار الجمهوري الذي بموجبه أسست الجامعة و قرارات تشكيل اللجنة بالإضافة لقرارات الإجتماع الأخير بالسفارة لتقييمها من قبل الأكاديمين و القانونيين و من ثم إتخاذ الإجراءات القانونية و التي يمكن أن تصل إلي مرحلة الطعن في دستورية قانون الجامعة أمام المحكمة الدستورية و المطالبة بإلغاءه. مع العلم بأن المحكمة الدستورية الحالية قد تم حلها و سيتم الإعلان عن التشكيل الجديد خلال الفترة القادمة.
كما آمل من الجميع متابعة أي إجتماع للجامعة المزعومة حتي يقيم الوضع أولا بأول.
مع تحياتي،،
أبو لينة. |
ونرجو من اللجنة القانونية ادراج جامعة المغتربين وغيرها من المشاريع الاستثمارية
الأخرى ضمن القضايا التى نود الطعن فى عدم دستوريتها ومخالفتها للقوانين
السودانية،والمطالبة برد حقوق المغتربين اصحاب رأس المال المغيبون عن تلك المشاريع.
تحياتى
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: على بدرى حاج)
|
Quote: وها هو الجهاز وازرعته فى الخارج يعملون على ابتكار وسائل الابتزاز عبر مشاريع تبدو فى ظاهرها "براقة" وهى ليست كذلك...مثل جامعة المغتربين التى اراد القائمون بها من بروفسرات المعاش الذين انتهت صلاحيتهم فى المملكة وغيرها من الدول ان يتخذوها وسيلة ترف مادى لهم عند عودتهم....ليس الا
|
وما شجعهم على ذلك الا استسلام المغتربين للأمر الواقع،والاكتفاء بالبكا والنواح ولعن
الحكومة، وماضاع حق وراه مطالب.
تحياتى
| |
|
|
|
|
|
|
|
|
|
Re: ** مساهماتكم : لرفع دعـوى دستوريــة ضد قانون ضرائب المغتربين** (Re: محمد أبوجودة)
|
Quote: فَلنجعل من " قضية رفع المغتربين للدعوى الدستورية ضد الحكومة ، علامةٌ بارزة في تضامن المواطنين لِـنَيْل حقوقهم الضائعة ، وتدشيناً لتباشير فجرٍ جديد ، يتعايش فيه الناس بسلام ، تجمعهم وتُساوي بينهم رابطة " المواطنة " ويحكمهم نظام ديموقراطي حقيقيِّ ، في ظل سيادة القانون .. ولا نامت أعيُنْ الظَّلَـمَـة !..[/QUOT
والتحية لك أخى محمد ابو جودة
الاخوان فى لجنة المنطقة الشرقية:
الاستاذ الزاكى
الاستاذالشفيع
أنا جاهزة للاجتماع فى اى وقت ترونه
تحياتى
| |
|
|
|
|
|
|
|
| |
ghariba
Yahia Abd El Kareem
أحمد الشايقي
Khalid Eltayeb
عبدالرحمن الحلاوي
الطيب شيقوق
nile1
kh_abboud
مهيرة
احمد العربي
ahmed haneen
الجندرية
قرشـــو
بدرالدين شنا
عبد المطلب خضر عبد المطلب
محمد أبوجودة
فيس بوك
تويتر
انستقرام
يوتيوب
بنتيريست