|
|
 العرس كلو مراسيل.. ياخ انا عريس ولا خدام ما عارف؟.. يا عصام ..اوعك تعرس
|
بارعة عندها انفلونزا .. انا ماشي اجيب ليها بندول من الصيدلية
كانت قاعدة و ملفلفة بي بطانية .. الجليد نازل شديد برة البيت
قدامها طربيزة فيها عصير و موية و ريموت كونترول و شاي ( كل الحاجات
دي عملتها ليها انا )
: انت ماشي
:ايوة عاوزة حاجة تاني
:لا لا سلامتك .. بس ناولني كباية الموية دي ما قادرة امد يدي
ملحوظة1
بارعة زي عمتي صفية جنها مراسيل
ملحوظة2
كباية الموية كانت في متناول ايدها
اديتها كباية الموية و قلت ليها
: اها انا ماشي الكباية دي البرجعها الطربيزة شنو
مشيت الصيدلية و جيت راجع ..
و اول ما دخلت ناولتني الكباية و قالت لي من قبيل راجياك
ما قادرة ارجع الكباية
|
|
 
|
|
|
|
|
|
|
|
Re: العرس كلو مراسيل.. ياخ انا عريس ولا خدام ما عارف؟.. يا عصام ..اوعك تع (Re: khider)
|
اخونا سابقآ (قبل الانهيار العظيم)
تحيات و احترام
قيل فى بعض الحكم ان الصقر لو وقع (او عرس) كتر البتابت عيب..و تتبعها مباشرة التور كان وقع بتكتر سكاكينو...وانت عارف ان السكاكين الراجياك كتيييييره
لانك فقرى و لئيم وغناى كمان... سكينى انا عند الحداد مما جيت راجع منكم قلت ليهو سنها قدر ما تقدر متوقعين لينا تور كبير..واتعهد لك (ما لم تقلع عن البتبته الاون لاين دى) ان احشد ليك مزيد من السكاكين والسلايق والفرارير
الحاجه التانيه اى نعم الواحد ما عندو حاجه بيعمل فيها لكن ما ممكن حياتنا واقفه قصاد خدر..خدر داير يخطب, خدر ماشي يخطب ,خدر قاعد يخطب, خدر خطب ومشي, خدر خطب ومشى ورجع البيت...خدر داير يعقد,خدر عقدوا ليهو,خدر داير يعمل حفله خدر بخطط للحفله ,خدر داير يجيب امو و ابوه,خدر ما لامى فى امو الطاشه فى الحله و معذباهو,خدر لما فى امو وعمل ليهم التاشيره خدر امو وابوهو وصلوا,خدر بتلبط فى الناس داير يلحس قروشم,رجاء و زمراوى يفضحوا خدر و يطلعوا القروش النايم بيها...وقس على ذلك..وهسه انت رسلوك الاجزخانه وختيت الكبايه منزل ليك بوست قدر الدنيا لما تصل مرحلة الوجع جا و عاوزه امى وبتوحم على منقه من سيبريا تعمل شنو؟؟؟ ااى ما متنا لكن شقينا الترب
ثم يا اخى انا قلت ليك حدى معاك نظافة الصاله بعد الحفله(قال ضيف قال) ونفذت التزاماتى كلها,وما بعد ذلك مالى دخل بيهو تاكل نارك....اوعك تجيب سيرتى تانى تفتش الناس الزيك بعد ده ناس منعمشوف وعزيز وخالد الحاج... ممكن يدوك نصائح حول النزله (الحقيقيه والمفتعله)والكبايه والتربيزه و غيرو. انا خلينى مع ميسره.....
يا لذيذ..ده كلو كلام حساده و غبينه نتاج البوره المزمنه دى,سلامة بارعه اللطيفه,وشك كعب عليها بدايتا نزله اخره ....
سلام و بديك سلك
عاين اختنا دى كمان
Quote: love and marrige
go together like a horse and carriage |
may I do some changes,which at the end doesn't affect the meaning
Love and marriage
like suicide and courage
please nobody takes it personal
(عدل بواسطة esam gabralla on 02-26-2004, 04:47 PM)
| |
|
|
|
|
|
|
|
|
|
Re: العرس كلو مراسيل.. ياخ انا عريس ولا خدام ما عارف؟.. يا عصام ..اوعك تع (Re: khider)
|
كر ووب علينا قبل عليها خلاص
طارق علي قول صاحبك لسة ما شالت ولاختت ولا غيرت البمبس
دا ما زاتو الطفشنا منكم وتقولي حاسي بالحزن لاني قررت المقاطعة!
دور نزلة نزلتة النت الولادة حتي تعمل ليك موفع خاص بازمتك اكيد
وتقعد زي اخوي سجيمان تهضرب وتضبح في الكدسة
اسمهان اختي وصيتي ليك غايتو تضبحي ليهو كل الكلاب الفي هولاند
باقي الولد مدلع بالحيل وعافية منك مسكتي الكباية لحدي ما جا يرجعة ومن دا كتير الولد كان ما خدم مرتو شن بسوبو كمان غير نوم الكيعان
والراجل اللميض مابجي غير بي صر الليد
| |
|
|
|
|
|
|
|
|
|
Re: العرس كلو مراسيل.. ياخ انا عريس ولا خدام ما عارف؟.. يا عصام ..اوعك تع (Re: Alia awadelkareem)
|
خضر
أول حاجة حمد الله على سلامة المدام
تاني هام
حكاية المراسيل دي حاصلة بس عندك ولا ده شيء عام بعد الزواج ( اخوك مفكر يعرس في الشهور الجاية )
لأنو لو الحالة عامة _ انا جني جن المراسيل _ الواحد يفكر يبطل
وده كلو كوم والحوامة في الأسواق حاجة تانية خالص
انا غايتو خطيبتي فهمتها من هسع انو مشي اسواق معاها ((مافي))
_ بعدين واحد فيكم كان شافني معاها في سوق جاي ولا جاي ما يفضحني الله يستر عليكم _ لأنو يبدو أنو دي كلها فصاحة خشم ساكت .
غايتو يا خضر أنا حأعيش الفترة دي ايام الحرية الاخيرة
وبعدها ادب شديد
| |
|
|
|
|
|
|
|
|
|
Re: العرس كلو مراسيل.. ياخ انا عريس ولا خدام ما عارف؟.. يا عصام ..اوعك تع (Re: khider)
|
والله بختك يا خدر لقيت زول يرسلك ، زمان ما كنت لاقي حد يسأل فيك ،،
هو في أحلى من مراسيل المدام ،،
تعرفوا قالوا كان في سواق سوداني قي منطقة القصيم بالسعودية وهي منطقة مطوعين ، وكان جاره مطوع ، والراجل السواق ممكن يجي لبيته الساعة تلاتة صباحا ، وما ينوم نص ساعة إلا المطوع يخبط الباب ، ويصحيه لصلاة الصبح ،، قام السوداني فكر يسوي شنو للمطوع ،، تاني يوم جاء من السفر الساعة تلاتة ونص صباحا ، قام خبط باب المطوع ، فلما خرج إليه المطوع وسأله ، مالموضوع ،، قال السوداني : لا بس حبيت أذكرك عشان تصحيني لصلاة الصبح ،، وكررها السودان مرتين أو ثلاثة ،، فتركه المطوع ولم يعد يوقظه ..
شوف لك حل يا خدر ،،ورسلوا لي في الماسينجر ، أنا باقي كرعي خلاص حفوا من المراسيل ، خلال ربع قرن من الزواج المتواصل ...
| |
|
|
|
|
|
|
|
|
|
Re: العرس كلو مراسيل.. ياخ انا عريس ولا خدام ما عارف؟.. يا عصام ..اوعك تع (Re: khider)
|
اسه عليك اللـه ياخدر يا كيشة مالك كاشف اللعبة للعزابة مجان كده؟؟ انت في زول كان كلمك واللا حذرك؟ ـ ما شايف الجماعة كلما يدخلوا باب العرس بيقطموا بس وما بيدلوا بأي أقوال؟؟ ـ شنو شغال تحذير و نصائح ـ سيب العالم تخش وتترسل هي كمان ياخي عشان الجميع يبقوا في الهوا سوا ـ انت الظاهر لمن ناس عصام ديل كانوا شايلينك و ينططوا فيك ما ختيت بالك للبنات الكانوا بيغنوا ليك (مبروك عليك .... و دا اليوم الدايرينو ليك يا خدر !! ..) و هن يعاينن ليك بمكر و يعضن اصابعن عليك ـ  ـ
ياخوي ما تخاف انت غايتو في البداية حتفرفر كدة وبعد شوية بعدما البنج يشتغل ح تبقي جمل الشيل عـــــادي ــ لازم تتأقلم علي الحياة الجديدة ـ وربنا يسعدكم
| |
|
|
|
|
|
|
|
|
|
Re: العرس كلو مراسيل.. ياخ انا عريس ولا خدام ما عارف؟.. يا عصام ..اوعك تع (Re: khider)
|
انحنا نفرج ساااااااااكت
راويه الكلام ده بجيب كلام..ضربت ليك وما لقيتك ..
تراث..و كان مجندره جاهزه الحل شنو؟؟
امانى...يعنى البجندرو النسوان هم الازواج..من يجندر من؟؟ وهو اصلا فى بفعلن التانى؟؟؟ عثمان ده مشروع شكله جاهز..او مواصله لشكله قائمه..وهل الجندر رديف للعراك ..وهل المشكله فى الزوجه/البارتنر الجندريه ولا الزوج/البارتنر المجلى؟؟؟
يا ابا خدر ده البنعرفو ده..داير كورسات ولا يفتح معهد عديل ونجى انحنا ناخد منو دروس تقويه وحصص عصر!!!
وامسكى يا بارعه فى تماضر بس جندر ومعاها حرفنه لانو الدنيا زى ما قال صاحبنا فرده دايره شفتنة روح
| |
|
|
|
|
|
|
|
|
|
Re: العرس كلو مراسيل.. ياخ انا عريس ولا خدام ما عارف؟.. يا عصام ..اوعك تع (Re: jini)
|
حتي انت يا عصام جبر الله
يعني انتو كلكم مع بارعة ؟؟
اوكي حا ارجع لتحليل ما حدث
كي استميل جانب الرجال المغلوبيب علي امرهم
و انبههم لي ظلم النسوان البارعااااااات ديل
فاليكن هذا البوست هو الشرارة التي تطيح بعرش النساء
و القشة القاصمة لظهر بارعة و ان الثورة تولد في رحم الغيب
ولا بد لليل ان بنجلي ولا بد ان يتفشي الخبر و الحسين الحسن
انا الذي نظر الاعمي ...
انا الذي
انا الذي
اناااااااااااا
| |
|
|
|
|
|
|
|
|
|
Re: العرس كلو مراسيل.. ياخ انا عريس ولا خدام ما عارف؟.. يا عصام ..اوعك تع (Re: khider)
|
" يا الهي!
امنحني قوة الفولاذ و رقة الفراشة
جمود الحجر و مرونة الراقصة لاعرف مايدور في راس عصام.
امنحني عقل أينشتاين لأستوعب ما يجري على الساحة العصاميه..
امنحني أرجل العنكبوت لأتعلق بسقف الزمن ليمر عصام من هذه المرحله ـ الانا حاسدو عليهاـ ليستشرف الأفاق الانفلونزيه الرحبه... بعد داك لو عاوز يمارس ديكتاتوريه هو حر علي كيفه بقي
الاخ العريس
الحكمه تقول الحياة بدون مراسيل مسيخه
طبعا العزابه الحا سدين زي صاحبنا عصام بيردوا علي الحكمه دي ويقولوا ...مسيخ مسيخ بس نعيش بكرامتنا....
شقرور
| |
|
|
|
|
|
|
|
|
 عريس والا خدام؟ (Re: khider)
|
ياخدورى نحنا قبيييييييييييل شن قلنا؟
وكمان حضرتك من شدة مافرحان كنت عاوز مصطفى السنى يجى يغنى ليك.
أها اتكتحت ليك ملحة,وبدل ماتضبح لبارعة الكديسة ليلة الدخلة ضبحت ليك هى الكلب.
على فكرة ..دى المناظر والفيلم لى قدام.
| |
|
|
|
|
|
|
| |
khider
Tumadir
waleed500
NGABY AJOOZ
سجيمان
Raja
ود شندي
ABUHUSSEIN
smart_ana2001
ودقاسم
Munir
بارعة
تراث
Rawia
Outcast
jini
mekki
فيس بوك
تويتر
انستقرام
يوتيوب
بنتيريست