|
Re: حكايات بيوت العزاء (Re: يازولyazoalيازول)
|
يا زول ومين وراك النوان بى جوه بسون فى شنو ؟ انت اتكلمت عن النفاق الاجتماعى ، النسوان ديل ستات النفاق الاجتماعى،الواحدة تجى تخت ايدا(هيييى ) بكا الشماته لا دمعة لا مخاته،وتقعد الواحدة تشرب الشاى وتطلب كمان قهوة ،وفى واحدات بسون الحنهاسمها(حنه بيت البكا)وتمدد كرعيها شان الناس يشوفوها، والتياب احدث موضة ، والمكياج، يعنى مسخرة شديدة ، اها فى واحدة مغتربة راجلا قال ليها امى ماتت مشت يا يمة للحنانة، وما قصرت اتحننت وكت راجلا جا ولقاها محننه قال ليها يختى الماتت امك ما امى، ودا غير النسوان البجن الواحدة ايدا فى راس ست الوجعة والعين فوق تعاين الفرش كيف ؟ والكراسى كيف؟ والقاعد منو ؟ والماجا منو ؟ابوى رحمة الله عليه قال فى وصيتو انو ما داير يعملو ليهو عزاء وينتهى العزاء ببانتهاء مراسم الدفن ، كنت الوكت داك فى القاهرة فكتبت حاجة اسمها عمى الشيخ ، طبعا بالنسبة لى كانت حاجة غريبة انو ما يكون فى بيت البكا فى شاى بتعمل وفى (جكس) قاعد فى محل الشاى ، وفى شباب بجى يجكس ، وكتير ما كانت بيوت البكا محل للقاءات ما محسوبة تطلع منها زيجات ، وعلاقات جميلة تستمر رغم انه مكان للعزاء ، وقلت ليهو :يا عم الشيخ البكا صحيح مكلف لكين فى اهل ما بتلاقيهم الا فى مناسبات زى دى ، اطرف ماحدث لى شخصيا فى عزاء الوالدة السنه الفاتت عليها الرحمة جانى استاذ من اساتذتى فى الثانوى يشيل معاى الفاتحة فقال لى انتى ما عرفتينى؟ لت ليهو والله ما بكضب عليك ما عرفتك ، فقال لى كنت بدرسكم رياضيات ، قلت ليهو ما دا الغلط ذاتو لانى ما كنت بحضر الحصة بتاعة الرياضيات ، يا نايمة يا مطرودة
|
|
|
|
|
|
|
العنوان |
الكاتب |
Date |
حكايات بيوت العزاء | يازولyazoalيازول | 03-13-07, 11:55 AM |
Re: حكايات بيوت العزاء | Kamal Karrar | 03-13-07, 12:16 PM |
Re: حكايات بيوت العزاء | يازولyazoalيازول | 03-13-07, 12:21 PM |
Re: حكايات بيوت العزاء | Kamal Karrar | 03-13-07, 12:36 PM |
Re: حكايات بيوت العزاء | يازولyazoalيازول | 03-13-07, 02:29 PM |
Re: حكايات بيوت العزاء | محمد عادل | 03-13-07, 08:16 PM |
Re: حكايات بيوت العزاء | garjah | 03-13-07, 08:26 PM |
Re: حكايات بيوت العزاء | يازولyazoalيازول | 03-14-07, 11:12 AM |
Re: حكايات بيوت العزاء | سلمى الشيخ سلامة | 03-14-07, 04:41 PM |
Re: حكايات بيوت العزاء | يازولyazoalيازول | 03-17-07, 01:14 PM |
|
|
|