|
|
 أمريكى يضربنى بالشلوت أمام ستين سعودى
|
عملت فى فترة من فترات حياتى ، ولمدة أربعة سنوات متتالية ، أبان الثمانينات ، مترجما للأكاديمية الأمريكية للرياضة ، وهى شركة أمريكية مائة فى المائة ومتخصصة فى النشاط الرياضى ، وقد تعاقد معها الجيش السعودى لرفع لياقة منسوبيه من ضباط وضباط صف وجنود، والحقيقة فقد خبرت العمل مع الأمريكان ، ووجدتهم من خيرة الشعوب التى يمكن للمرء أن يعمل معها ، فهم أناس منصفين للغاية ، يقدرون الجهد الذى تعطيه من خلال عملك ، فيكافئونك بإعطائك حقوقك كاملة (وزيادة) ، وكذلك هم منصفون للغاية ولا يرضون التقصير أبدا من أحد فيجازى المقصر بشدة (وزيادة) على التقصير والاهمال ، يحترمون المواعيد للغاية ، ويقدرون الزمالة ويحترمون زملائهم واسرهم وعلاقاتهم الاجتماعية مع بعضهم البعض فى غاية الروعة والجمال
كانوا حوالى العشرون مدربا ، فى مختلف الأنشطة من كرة قدم ويد وسلة وشبكة وتنس ارضى وتنس طاولة وكاراتيه وتايكوندو والعاب مضمار ورفع اثقال والعاب قوى وسباحة الى آخر تلكم الأنشطة
كنا نسكن سويا فى معسكر واحد ، وكنت أنا السودانى الوحيد بينهم ، وكذلك كان معنا محاسب فلبينى ومدرب الكارتيه كورى الجنسية والبقية التى تشكل الغالبية العظمى من الطاقم كانوا من الأمريكان ،
وفى مرة من المرات تم تعيين مدير جديد للمشروع ، كان اسمه بوب قريقاس ، رجل رياضى بحق وحقيقة ، كان سنه حوالى الخمسة وخمسون عاما ، وكان قوى البنية والشكيمة ، وذو جسم ضخم يشبه (الباب) ولذلك عندما يعرف نفسه الى الأخوة السعوديين ، كان يشير الى (الباب) ويقول لهم ماذا تسمون هذا بالعربى ، فيقولون (باب) فيقول لهم أنا اسمى (باب)
ما أود أن أقصه عليكم هنا ، هو اليوم الأول التعريفى لهذا الرجل ، وقد جرت العادة أن أذهب مع المدير الجديد لمقابلة كبار المسئولين والضباط ، فيلقى هو كلمة بالانجليزية يعرف فيها عن نفسه وعن برامجه العملى ، وأنا أقوم بدورى بالترجمة الفورية بين كل جملة وأخرى ،
وليس بطريقة مترجم (الجزيرة) ، صاحب الصوت المبحوح ، بل كانت بطريقة (أولاد شيخ الدين) المتفرده
كان اليوم الأول للتعريف مع كبار الضباط بدءا من ملازم أول الى أعلى رتبة فى الجيش (قوات الدفاع الجوى) ، فاجتمع هذا النفر الطيب فى قاعة كبيرة داخل ثكنات الجيش ، وكان منظرا عجيبا ، وقفت أنا مع الخواجة أمام كل هذه النجوم المتلألئة على الكتوف ، والتى تحدث نوع من الانبهار العجيب ، وهو يتكلم وأنا أترجم فوريا
حتى أتت لحظة عجيبة ، أراد الخواجة أن يثبت لجمع الضباط هذا ، عن قوة شخصيته وحتى يضمن الطاعة والولاء التامين له ، فقال لهم عن سياسته التى سيتبعها معهم ، أما من يخرج عن هذا الخط فانه سوف يضربه بالشلوت ( وطاخ ) ركلنى شلوتا معتبرا أمام هذا الجمع الكبير
فجاء دورى للترجمة ،
وقد تقمصتنى فى تلكم اللحظة شخصيتى (السودانية) بالكامل ، فقلت لهم المستر باب يقول لكم اذا خرج احدكم من خط سياسته التى ينتهجها فانه سوف يضربه بالشلوت هكذا (وطاخ) أرد للخواجة شلوتا (سودانيا) معتبرا ،
انفجرت القاعة بعده بالضحك الشديد ، وعبارات (والله انك سودانى) وصلت مسمع آذانى ،
وصار من بعدها ود غير اعتيادى مع هذا الخواجة (الفقرى) الى حين مغادرته البلاد
|
|
 
|
|
|
|
|
|
|
 Re: أمريكى يضربنى بالشلوت أمام ستين سعودى (Re: abas)
|
يا زول يا زول يا زول
سلامات
يا خوي شلاليتك البتطير رحمان القلب دي ما تخليها.... براها العجاجة قايمة
أنا من بوست الحلم بتاعك داك ماسكة قلبي في يدي
حسي قلت الحلم إتحقق !!
شكرا ليك للطرفة، وعفيت منك في حرة القلب
إيمان
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: Adil Osman)
|
abas
تأكد يا عباس لن أخذلك فى (سودانيتى) ما حييت
ايمان أحمد:
| Quote: يا خوي شلاليتك البتطير رحمان القلب دي ما تخليها |
طيب يا ايمان نعمل شنو وكت جابت ليها شلاليت من الأمريكان كمان
أبراهيم الجريفاوى:
أبقوا معنا لنسمعكم كل ما يفرحكم
كبسيبة:
| Quote: غايتو إلع يكون قبل حداشر شهبندر |
لووول يا كبسيبة ، فعلا الحكاية دى قبل 11 شهبندر
عادل عثمان:
وانت كمان يا عادل:
you are a very good story-listner
شكرا لكم على المشاركة
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: يازولyazoalيازول)
|
يازول هوي اعمل حسابك
تشوت امريكي وكمان با........
حسب علمي الناس ديل ما بنسوا
والله يستر ليك من حكاية صدام يتذكروك بعد عشرين سنة
وينزلوا عندنا المارينز لانك ارهابي
ورغم انه كل السودان عندنا فلوجة ورمادي وبعقوبة وبلد
بس لو اخذوك معاهم فذنبك على جنبك
ملحوظة
اصيل وود بلد
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: luai)
|
عبدالله بابكر:
والله بصراحة حرقنى الشلوت
نزار حسين:
فعلا يا نزار ترجمتها سريع سريع وكنت واثق ان شلوتى له سيكون معتبر ، وبالجد جد هذا الشلوت جعل الخواجة يعطينى مكانا خاصا واحتراما من اليوم الأول ، وقد أدى ذلك (لتحسين) أوضاعى مع الأمريكان ، وهذا هو نفس السبب الخلى على عثمان يستقبل كولين باول وليس البشير ، يعنى (الندية) بالعربى كده
لؤى:
Quote: ملحوظة
اصيل وود بلد |
نفس الملحوظة يا لؤى تنطبق عليكم
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: يازولyazoalيازول)
|
| Quote: وكذلك هم منصفون للغاية ولا يرضون التقصير أبدا من أحد فيجازى المقصر بشدة (وزيادة) على التقصير والاهمال ، يحترمون المواعيد للغاية ، ويقدرون الزمالة ويحترمون زملائهم واسرهم وعلاقاتهم الاجتماعية مع بعضهم البعض فى غاية الروعة والجمال |
When you work with them here they're not like that. When they work overseas they look different. They don't have any social ties here. And at work there is competition like mad, we don't see friends we see competitors.
By the way he shouldn't kick you in the first place if this was here he should go to jail and get fired, it's just 'cose he feels superior to you he did kick you.
(عدل بواسطة Ahmed Elsharif on 07-04-2004, 03:33 PM)
(عدل بواسطة Ahmed Elsharif on 07-04-2004, 03:37 PM)
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: Ahmed Elsharif)
|
أحمد الشريف:
أشكر فضلك على المعلومة القيمة ، والله كنت أظنهم يعاملون الناس فى بلادهم بمثل ذلك الجمال الذى رايته هنا ، نعم حدثت لى بعض الاشتباكات معهم ، ولكن ذلك (الباب) كان دائما خير مؤازر لى ، ومن ضمن حاجاتهم البايخة الدفرة بتاعت الصدر بأصابع اليد ، ودى نحن بنردها ليهم (ام دلدوم) ، وبعدين هنا هم عارفين القوانين ما زى بلدهم عشان كده بيربطعوا ساكت ، هنا ياخوى قانون السن بالسن وحار حار
شكرا يا احمد على اضافتك الثرية
| |
|
|
|
|
|
|
|
|
 Re: أمريكى يضربنى بالشلوت أمام ستين سعودى (Re: Ahmed Elsharif)
|
Dear Ahmad Ealsharif
Man , no harm is meant by my following comments ,but questions and sake of knowing what is your problems with Americans. I have read some comments were made by you where i sensed that you have unlikable attitude toward Americans. The comments i have seen were placed in a post was written on racism as i recall and you have generalized that more Americans are racist. I'm only hoping that you do not have any bad experience with Americans as far as racism concern. I also hope to see you exposing the good image of good Americans. Thanks and please read and take my comment from its good side.
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: Muhib)
|
| Quote: Man , no harm is meant by my following comments ,but questions and sake of knowing what is your problems with Americans. I have read some comments were made by you where i sensed that you have unlikable attitude toward Americans. The comments i have seen were placed in a post was written on racism as i recall and you have generalized that more Americans are racist. I'm only hoping that you do not have any bad experience with Americans as far as racism concern. I also hope to see you exposing the good image of good Americans. Thanks and please read and take my comment from its good side |
Thanx ya Muhib for the comments. Actually I don't have an attitude towards Americans in general. I've alot of friends here. And I also think either of my replies to the 2 the posts mentioned does not reflect any hateful attitude towards them. Most of them are good people just like any other nation. I was talking about the specific incidences that were mentioned in those 2 posts. and believe me any American would have said what I said in my replies 'cose most of them don't like racism & discrimination.
The Americans to me are better than alot of other nations on this earth racism and diversity wise, no one can deny that.
However when it comes to social life and competition there are very bad sides there. Every one who lived here knows that.
I'm sorry if you felt that I've an attitude or issues towards'm something that I don't wanna bear in my heart towards any one. May be I was harsh in my words, but this is what I feel when I read about racism and discrimination.
Thanx again for caring and wish you good luck.
(عدل بواسطة Ahmed Elsharif on 07-05-2004, 06:25 PM)
(عدل بواسطة Ahmed Elsharif on 07-05-2004, 06:36 PM)
| |
|
|
|
|
|
|
|
|
 Re: أمريكى يضربنى بالشلوت أمام ستين سعودى (Re: Ahmed Elsharif)
|
Dear Ahmad
Thanks for explaining yourself and i'm glad that you have never been victimized of racism in America. It might have been a misunderstanding of my side toward your aim on the mentioned post regarding racism. well ,your comment makes it clear by now and no clouds in the sky.Thanks again
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: يازولyazoalيازول)
|
ههههههههههههههههههههههههههههههههههههههههههههههههههههههههههههههههههههههههههههه
أستغفرتك يا مالك روحي...
والله بالغته عديل كده .. ترجمته ليهو الشلوت بالله  ... والله عفيت منّك.. لكن موش عشان أمريكي.. عفيت منّك عشان انا ما بحب الحقارة...
طب سؤال كده.. بس بيني وبيك.. أخوان أخوان.. لو سعودي.. بتترجم ليهو الشلوت بلهجتنا برضه؟
بنت الحسين
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: يازولyazoalيازول)
|
يا زول لك التحيه ... شلوتك ذكرنى برنامج قديم فى الخليج ذى الكاميرا الخفيه . خاتين عربيه فاخره واقف جمبها واحد متعنطظ بدشداشه ويقول لواحد هندى تعال هنا ليه بسقت على السياره . ويتلفت الهندى ويقوم صوف جرى بدون ما يقيف . بعد شويه يجى واحد مصرى الراجل ينهرو ويحصل نفس الكلام . المصرى يطلع منديلو بكل ادب من جيب البدله ويمسح العربيه ويقول مافيش مشكله يا بيه معليش على راسى طيب .
بعد شويه يجى واحد سودانى زهجان جارى عمتو والرد يكون قلت شنو يا زول اى بزقته وببزق تانى وتف تف تف تف يرش ليك العربيه كلها ويقبل على الراجل . واظنى لو ما ريقو نشف كان اداهو شويه كمان .
واحد سودانى اشتغل فى شركه وطبعا صاحب الشركه عندو لبنانى كالعاده قديما يقوم بكل الاعمال وصاحب الشركه لو عاوز يشرب مويه اللبنانى لازم يقدم ليهو المويه . واللبنانى مشتخف بالسودانى ويبدا التحيه باهلا يا ابن النيييييييييييل وكأن مال النيل هذه ترمز للادغال . وفى يوم يذهب اللبنانى شاكياً للمدير لان السودانى رد عليه اهلا يا ابن الكلب . ورداً على غضب صاحب الشركه قال السودانى ما هو شابكنى ابن النيل ابن النيل . النيل نهر وهم عندهم نهر فى لبنان اسمو نهر الكلب .
لك التحيه ...
شوقى ..
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: shawgi badri)
|
أستاذى الكبير شوقى بدرى ، مرورك هنا ، كم أسعدنى بقدر سعادتى بحكاويك التى لا املها أبدا ، الله يديك العافية ، السودانيين ياهم السودانيين ما برضوا الحقارة ، وياريت لو تسمع الكابلى بالعود لما يدندن ويقول ليك
يا وليدات فى الكجر (بضم الكاف)
كعب التغى والحقر
السخيل ما بناضح بقر
والسحلية ما بتبلع دقر
فى الأغنية الشعبية المشهورة (حبس الدرب)
لكن مرات مرات ياعم شوقى الشغلة فيها (حماقة) ، ألا توافقنى؟؟؟؟
| |
|
|
|
|
|
|
|
|
|
Re: أمريكى يضربنى بالشلوت أمام ستين سعودى (Re: يازولyazoalيازول)
|
الخال يا زول ..
والله انا ما عارف قصتك مع الشلاليت دي شنو ..
الظاهر كل البشوفك .. " رجله " بتأكلو ..
حتي في الحلم ..
| Quote: وقد تعاقد معها الجيش السعودى لرفع لياقة منسوبيه من ضباط وضباط صف وجنود، |
وديل عليك الله .. كان شدو ليهم مريسة ما كان اخير من هدر المال العام .. !
| |
|
|
|
|
|
|
| |
يازولyazoalيازول
abas
إيمان أحمد
Ibrahim Algrefwi
Adil Osman
essam&amal
nazar hussien
luai
Ahmed Elsharif
Muhib
مريم بنت الحسين
shawgi badri
Wad Ballal
humida
Outcast
قلقو
فيس بوك
تويتر
انستقرام
يوتيوب
بنتيريست