علمت (الراكوبة) من مصدر موثوق، ان جهاز الامن و المخابرات قد اصدر توجيهات بخروج منسوبية من ثكناتهم، و طبقاً للمصدر فان هناك اشارة من الامن لجميع وحداته العسكريه بالبلاد برفع درجة الإستعداد إلى (100%) بكامل العتاد. الراكوبة سألت الأستاذ فتحي الضو عن مغزى هذا الخبر فرد قائلاً: "من الواضح جداً أن المجلس العسكري لا يملك قراره، وأن ثمة جهة داخلية أو خارجية او الاثنان معا تريد أن تتخذه مطية لتحقيق مآرب أخرى. وعليه فإن التحركات الأخيرة تؤكد بما لا يدع مجالا للشك أن تلك الجهات ازمعت فض الاعتصام بالقوة باعتباره يمثل حجر الزاوية والشرعية الثورية التي يستند عليها قوى اعلان الحرية والتغيير. من جهة أخرى تشير تداعيات الأمور إلى أن صراعاً خفيا يدور في كواليس القوات النظامية ممثلة في مثلث القوات المسلحة وقوات الدعم السريع وجهاز الأمن، وذلك بين السير في اتجاه فض الاعتصام او الوقوف ضده اي التخندق مع قوى اعلان الحرية والتغيير. يزيد من هذه الفرضية الخطوة الغريبة التي قامت بها الفرقة 49 مدرعات عطبرة، والتي جاءت من موقعها إلى العاصمة الخرطوم وتحديدا أماكن الاعتصام وعادت إلى مدارجها دون التوقف، فيما يشبه الخطوات الاستعراضية او انها تنم عن فعل لم يدرك الناس كنهه. وأيا كان تفسيرها فهي تؤكد بجلاء ما ذكرناه من أن المجلس العسكري لا يملك قراره في السيطرة الأحداث بصورة عامة والقوات النظامية بما فيها القوات المسلحة بصورة خاصة. اعتقد ان خلاصة الامور تشير إلى أن الأحداث وصلت إلى محك يصعب التنبؤ بمالاته وان كانت تؤكد أن البلاد مقبلة على سيناريو خطير سيضعها على صفيح ساخن ما لم يتم تداركه."
05-16-2019, 11:13 PM
Bashasha Bashasha
تاريخ التسجيل: 10-08-2003
مجموع المشاركات: 25803
الحزب الشيوعي للاسف لعب دور اساسي في الكارثة الجارية الان علي قدمن وساق!
دي حقيقة مجردة، بنقولا من باب اخلاء الذمة زي ما بنقول، نعم زمتي ما بغرقا تب، لو اغرق واقف!
زعيم الشيوعي حنبلي، متحجر، متعنت يفتقر الي الحكمة وبعد النظر في التعامل مع ظاهرة الصادق المهدي تحديدا!
الكل بالبديهة يعرف المطلوب عملو، والكل يعرف كارثة ومصيبة طريقة تفكير الصادق المهدي!
هذا، اقصد ظاهرة الصادق والتعامل معه يتطلب حكمة، طولة بال، ذكاء خارق، بعد نظر، مرونة!
لايمكن الاستغناء او عزل قواعد حزب الامة اطلاقا!
مابتكلم عن الان واللحظة. بتكلم اقلاه من 19 ديسمبر لما انطلقت الثورة!
زعيم الشيوعي ده، اللي لي هسي يسوي الهبوط الناعم شغل مزايدة، من منطلق خبوب مفاهيم النقاء الثوري، الوهابي النصوصي ده، انسان متحجر جدا، شاطح، ناطح في مواقفو، وهذا يعكس عدم ثقة بالنفس، ناتج عن ضعف موقفو حتي في اوساط الشيوعيين انفسم، ولهذا يلجا للشطحي لاثبات نقاؤو الثوري!
نعم كان من الممكن بالحكمة، بالصبر، بعد النظر، اللطف، التوصل الي قاسم مشترك وموقف مشترك مع الصادق، ولكن ما بالمناقرة، بالمزايدة، يا الخطيب!
كنتيجة الان زمام المبادرة في يد واحد زي حمرتي!
وقسما لو كان هناك اتفاق او واصلتو المواجهة مع النظام الحاكم ده، بترديد مفردة واحدة من ثلاث حروف اي "سلم"، وقسما لما استمر هذا النظام لاكثر من 48 ساعة، وكتها، لحظتا- مش الان!
زي ما قنا احزاب التجمع بقيادة الدقير اتخمو من قولة تيت او بدو الهرولة المرقت بيهم عبر الحدود في ابوظبي، يا للمغسة بحق!!
وكنتيجة اهو ده الحاصل قدامكم، علنا بكتلو في بناتنا او اولادنا، او بعد ده يعلقو هم، مش انتم، مايسمي مفاوضات، ليتولي التجمع فض الاعتصامات بي نفسو، بدل الجنجويد!!!
ماهذا؟
05-19-2019, 05:50 AM
Bashasha Bashasha
تاريخ التسجيل: 10-08-2003
مجموع المشاركات: 25803
* حمرتي تحديدا هو سيد الموقف، او هو الحرك الدواعش خصيصيا، لتمرير وتبرير قرارات بكرة!
ماهي؟
المجلس الجنجويدي لن يتنازل او يقبل بي اغلبية مدنية!!
لاحظو ده، هو الموضوع الاساسي اللي مفروض يتحسم من قولة تيت!
ولكن ويا للعجب التجمع او احزابو هم اللي حشرو تلك التفاصيل او خلو النقطة الاساسية في الصراع ده كلو المتمثلة في نسبة العساكر في مقابل المدنيين!
اي ثانية تعدي، زي ما قنا بتضيف يوم كامل في عمر هذا النظام، وهذا مقصود او مرصود!
اذن لانتوقع المجلس الجنجويدي ده يتنازل!!
ما بدا من تنازل شكلي، قنا كان بمثل زي ماقنا الخطة "ب"!
الخطة "أ" كانت فض الاعتصام بالقوة!!!
لوفشلت، وقد فشلت، فالخطة "ب" كان ذاك الاتفاق الشكلي لامتصاص ردود افعال الشارع!
بدل مجرد امتصاص رد فعل الشارع، بهجة التجمع الهستيرية بالاتفاق الشكلي ده، خلا المجلس الجنجويدي يندفع كمان اكثر، بايقاف مايسمي مفاوضات، وتفكيك المتاريس بواسطة التجمع وهذا عجيب!!!
فوق لي ده كلو حركو الدواعش تمهيدا، تمريرا، وتبرير لي قرارات بكرة!!!!
لو حصل تنازل من المجلس الجنجويدي بالقبول باغلبية مدنية، فاعلمو هذا مجرد تكتيك، مرحلي، مؤقت، قنا لو، حصل!!
بنقول كده، لانو ماحدث عمرو ما كان انحياز كما سوق، وانما نهب منظم، وسطو للثورة عن قصد ومع سبق الاصرار، بالذات حمرتي تحديدا، وباكثر من اي عضو اخر، عكس التصور الكان عام ولكن بدا يتبدل، اي تصور، ونكتة الانحياز!!!
موعدنا غدا!!
الان الساعة ماشة علي 7 صباح الاحد 19 مايو- بتوقيت السودان!!
05-20-2019, 05:44 AM
Bashasha Bashasha
تاريخ التسجيل: 10-08-2003
مجموع المشاركات: 25803
كما توقعنا، المجلس الجنجويدي بسوي شغل دقوني، ما تجروني!!
قال انحياز قال!!
ياخي لو فعلا ماتم كان انحياز او مش قنص، او تليب علي ظهر دحشة الثورة، لما كان ده الحال!
نعم زعيم الجنجويد يسوي يستر الله، او يفتح الله، كما سماسرة الخرفااان زماااان في عيد الضحية لبيع الخروف!!
لاحظ ماكان في ميزان وهذا كان مقصود، لما السمسار يرفع الخروف فوووق او ينزلو شغل تمثيل ساهي عشان يسووق الزبون باتجاه السعر الفي راسو!!
كنكشة في سلطة سطو عليها بليل تدعو للطراش بحق!!!
قوة عين غاية في الغرابة!
مافي ولامثقال ذرة واحدة من اسباب تخلي التجمع يجر واطي للدرجة دي!
الشارع جاهز، والعالم من حولنا او غصبا عنو الان جاهز يصطف خلف الشارع!
من الجهة الاخري المعسكر الاخر البحاول النظام يستخدمو كفزاعة لتركيع التجمع، تعري تماما او حالو انكشف، حيث لاوجود له اطلاقا في الشارع!
علي العكس خروج الدواعش خدم قضية الشارع خارج السودان من حيث لايدري الدواعش!
مرة اخري، هؤلاء قطع شطرنج بحركوهم الطامعين في الانفراد بالسلطة، شغل ابتذاذ بالمكشوف، ولكن علي العكس الكل الان يعرف كيف لاوزن لهم في الشارع، وهذا رائع، يبرد البطن!!
اذن علي التجمع ان يرفع، مش ينزل، سقف طلباتو!
مع انو لا حوجة اطلاقا لايا من هذا لانو الشارع جاهز لابعد حد، وهذا مذهل!!
حولا ولا قوة!!!
05-20-2019, 08:46 AM
adil amin adil amin
تاريخ التسجيل: 08-01-2002
مجموع المشاركات: 37079
وقوى الحرية والتغيير عايزة تعيد اختراع العجلة وما عندها اي برنامج واضح للتحول الديمقراطي عندها ناس 300+17 وطايرة ليهم في راسكم اكتوبر 1964 وافقهم ضيق جدا ويتخبطو واعلامهم في راديو دبنقا وفي سودان بكره مهزوز وممل المجلس العسكري يبدا اولا بالالتزمات الدولية التي راوغ البشير والاخوان المسلمين فيها من 2005 ولحدي ركب التونسية الالتزام بدستور نيفاشا وصبة الحركة الشعبية والاتفاقيات الموقعة نصا وروحا ومنبر الايقاد والاتحاد الافريقي فقط الدستور الموجود ده كاف لتفكيك النظام والقرارات الحاسمة مرجعية دستور 2005 وليس الاعلان الدستوري الفطير ده 1- تفعيل المحكمة الدستورية بي 9 قضاة محترمين للمحاسبة والفيش والتشبيه للجميع وليس ناس المؤتمر الوطني بس وتكوين لجنة دستورية اول حاجة للمساعدة في التحول الديمقراطي النظيف 2- الغاء وولايات واسقاط النظام الولائي نهائيا لعدم جدواه واستعادة الاقاليم الخمسة باسس جديدة انتخابات اقليمية حقيقية حاكم اقليم وبرلمان اقليم وده يحل مشكلة السودانيين في الاقاليم اول حاجة 3-الغاء الرقم الوطني والجوزات الالكترونية المضروبة والعودة الي الجنسية وقانون 1957 وكل الوثائق قبل 1989 لسودانيين الخارج في اي عملية انتخابية لان جل السودانيين في معسكرات النزوح والمهاجر لا يملكون هذه الوثائق المطلوقة لليسوى وما يسواش وضرب الهوية السودانية 4- الالتزام بكل الاتفاقيات الموقعة مع الحركات المسلحة كلها ودمجها في الجيش السوداني وفقا للترايبات الامنية والسياسية ودمج ايضا الدعم السريع وغيره من مشليات الانقاذ وفقا للدستور 5- الخروج من كل التحالفات الاقليمية المشوهة والمعروفة الغرض والمرض واستعادة الجنود من اليمن وفقا للدستور 6- اعادة جنوب السودان تدريجيا بالحرياات والاربعة والجنسية المزدوجة وفقا للدستور
05-20-2019, 02:36 PM
Bashasha Bashasha
تاريخ التسجيل: 10-08-2003
مجموع المشاركات: 25803
دفعت قوى إعلان الحرية والتغيير السودانية اليوم الاثنين بمقترح لتجاوز أزمة الخلافات حول هيكلة مجلس السيادة، باقتراح رئاسة دورية لمجلس السيادة بين المدنيين والعسكريين. وقال مصدر بالوفد التفاوضي لقوى الحرية والتغيير لوكالة الأنباء الألمانية "د ب أ" إن تمترس كل طرف بمواقفه بشأن المجلس السيادي هو ما قاد لفشل الطرفين في الوصول لاتفاق حتى فجر الْيَوْمَ، مشيرا لتمسك المجلس العسكري بالأغلبية في المجلس السيادي بجانب منصب الرئاسة، وتشبث قوى الحرية والتغيير بذات الخطوة. وذكر المصدر أن كلا من الطرفين قدم حججه لتعضيد موقفه، مشيرا إلى أن قوى الحرية والتغيير اقترحوا التناوب في رئاسة المجلس السيادي مع إشتراط أن تكون لهم الغلبة في عضويته. (د ب أ)
من الراكوبة.
طيب، لو حتسربو معلومات زي دي، مش كان اكرم واكثر اعتبار تعلنو الكلام ده في المنصة؟
قطعا العساكر رفضو وانتو كالمعتاد سمعتو كلامم!!
اذا حتتقاسمو الرئاسة، فعلي الثورة السلام!
لما الدورة تجي للعساكر رسميا وبقبول المجتمع الدولي المصطفي خلف التجمع، والاعتصام يتفكا، لو كررروها، حتسوو شنو، الزمن داااك؟
تاني اعتصام من اول او جديد؟
لو ما انجز حتي الان كان بالبساطة دي، هذا لما اخد 30 سنة او ملايين الضحايا!!
تاني من اول او جديد ملايين الضحايا عشان نعيد هذا العصيان؟
بتعملو في شئ عجيب!
الان واللحظة هي فرصة هذا الشعب الوحيدة، لانو الشارع جاهز يصبها للاخر! اذا ده حاصل ليه تدو العسكر يفضو الاعتصام بي اسمكم بناءا علي مثل هكذا لعبة قردية خطيرة!
الغريب جدا اقتراح التناوب يجي منكم مش منهم!!
هذا يموخل!
ده كلام وين؟
مرة عسكري او مرة مدني؟
ده كلام شنو، او ليه من اساسو اذا السودان معاكم، افريقيا معاكم، اوربا معاكم وامريكا معاكم؟
ليه؟
ده كلو والعساكر ماعندهم غير الجنجويد اطلاقا!
هذا مرعب!
05-20-2019, 02:56 PM
Bashasha Bashasha
تاريخ التسجيل: 10-08-2003
مجموع المشاركات: 25803
التصعيد حتي تكون مــــــدنية ام الاستسلام تحت لافتة ما اسميتوهو تناوب؟
تناوب معناها رخصة عديل كده للمجلس الجنجويدي ده، للانفراد بالسلطة كما حدث في مصر!!!!
هذا سيادي الي اختفاء السودان من الخرطة كدولة لاشك اذا انفرد الجنجويد بالسلطة! لايمكن البديل للنظام الهالك، باسم الثورة يكونو الجنجويد! هذا جنون!
اذن اقلا خطورة، اقلا تكلفة، واعلي مردود مواصلة الثورة ومنازلة العسكر، لانو الشارع مهيأ اوجاهز، او ده ما ممكن يتكرر اطلاقا لو فوتو الفرصة دي، بفض الاعتصام طوعا، باسم تناوب او تبادل السلطة مابينكم والعسكر!!!
انبراشكم الغير مبرر ياتجمع هو مصدر قوة العسكر الوحيد، اللي بستغل الdesperateness بتاعكم ده، او عدم الثقة بالنفس بتاعكم ده، بي صورة بشعة!
شئ عجيب جدا مثل هكذا انكسار او ذلة من التجمع!!!
05-20-2019, 04:32 PM
Bashasha Bashasha
تاريخ التسجيل: 10-08-2003
مجموع المشاركات: 25803
محمد وداعة لم يتم توافق داخل لجنة العلاقات الخارجية لقوى الحرية والتغيير لتباين وجهات النظر حول اطار التكليف ، فينشىء المهنيون لجنة للعلاقات الخارجية ويباشروا اعمال لجنة الحرية والتغيير. وقبل ذلك انفرد المهنيون مع بعض عضوية قوى الاجماع الوطني بتقديم وثيقة دستورية للمجلس العسكري غير متفق عليها، وكانت في نظر اهل القانون الدستوري مسخرة و مهزلة .. وجاء اعلان تعليق الحوار مع المجلس العسكري الانتقالي بقرار منفرد دون الرجوع للمرجعيات المعروفة وهي الجهات الموقعة علي اعلان الحرية والتغيير .. المهنيون توسعوا في مساحة الاعتصام بما سموه ( التصعيد الثوري ) دون الرجوع الي مكونات الحرية والتغيير وتراجعوا عنه ايضاً بقرار منفرد دون التشاور مع اي جهة .. وبالطبع لا احد يعلم لماذا تم التصعيد ولماذا تم التراجع عنه دون الافصاح عن المكاسب التي حققها لقوى الثورة او الاعتراف بأى خسائر وقعت عليها .. وهذه مجرد امثلة و ليست حصراً. في تقديري ان بعض تصرفات قوى الاجماع الوطني وتجمع المهنيين تؤكد وجود تباين في مواقف قوي الحرية والتغيير ويمكن التمييز بوضوح ان قوى الاجماع والمهنيين تجنح للارتجال ، والانفراد بقرارات مصيرية ستحدد مستقبل العملية السياسية و الاداء خلال الفترة الانتقالية .. بينما نداء السودان والجبهة الثورية ولاسباب معقولة حتي الآن آطالو حبال الصبر باجراء معالجات بعضها معلن وكثير منها غير معلن بهدف استمرار تماسك قوى الحرية والتغيير. آخر المطبات كانت ضرورة الاتفاق علي مجلس قيادي لقوى الحرية والتغيير تكون من مهامه الاشراف المباشر علي عملية التفاوض وتكوين هياكل السلطة الانتقالية بمستوياتها المختلفة ومراقبة وتقويم اداء السلطة الانتقالية باعتباره المرجعية ، لا سيما ما يتعلق بمهام الحكومة في الفترة الانتقالية ووضع الاولويات ، ورعاية عملية السلام بين الجبهة الثورية والحركة الشعبية (الحلو) وحركة تحرير السودان ( عبدالواحد) ، والاعداد للمؤتمر الدستوري بالاضافة الي ملف العلاقات الخارجية … واعتبار التنسيقية ادت دورها واعتمادها اداة تنفيذية للمجلس القيادي بعد توسيعها واضافة الخبرات النوعية واخراجها من دائرة المحاصصة الي رؤية وطنية وقومية هذه الخلافات تمثل استنزاف غير ضرورى لقوى الحرية والتغيير، خاصة في ظل تناسي القوي المضادة للثورة، ونشوء تكوينات ذات طابع مناوئ لقوى الحرية والتغيير وسط تسريبات عن ضغوط خارجية وداخلية علي قلة الأجندة المتبقية للمفاوضات بين قوى الحرية والتغيير والمجلس العسكري الا انها المرحلة الأصعب في التفاوض مع احتمالات ملموسة بتراجع بعض اعضاء المجلس عما تم الاتفاق عليه او التعنت فيما تبقي وهو الاتفاق علي تكوين المجلس السيادي الانتقالي. بعض مكونات قوى التغيير تتعامل وكأن ( ما فيش احسن من كدا ) وتنظر لمنجزاتها بعين الرضا ولا تستطيع حتي التفكير في مراجعة الاخطاء والهفوات وهذه بداية غير مبشرة وفقدان القدرة علي النقد الذاتي سيعود الي تراكم سلوكيات غير ديمقراطية .. ولا يمكن اعتبار ما تم امس الاول اتفاقاً لانه لا يمكن الاعتراض عليه ، ولن يقوم اتفاق يستند علي هذه الاعتبارات والعبارات الففضفاضة وفي ظل الظروف الراهنة ربما يرقي هذا الي مرتبة الابتزاز السياسي وتضييق الخناق علي الاخر وحرمانه من خياراته .. هذا الوضع لن سيتمر علي حاله وربما يعجل بخروج بعض مكونات الحرية والتغيير الي رحاب اوسع …
نواصل الجريدة
05-21-2019, 01:55 AM
Bashasha Bashasha
تاريخ التسجيل: 10-08-2003
مجموع المشاركات: 25803
كما توقعنا بالحرف! انا مقيم عبر المحيط في النصف الاخر من الكرة الأرضية وتوصلتا لهذه الاستنتاجات. معقوله التجمع ماعارف البحصل ده حيحصل؟ ولا عارف ده كلو ولكن دافن راسو في الطين؟ لو كده المستفيد منو؟ التجمع لازم يفهم حاجة واحده: استمرار هذا النظام سيادي الي اختفاء حاجه اسمها سودان من الخرطه نهائي! كنتيجة افريقيا كلها حتتخجا من المحيط الاطلسي والي المحيط الهندي! عارف كويس بقول في شنو لما الجنجويد ينفردو بالسلطه في السودان!
05-21-2019, 05:20 AM
Bashasha Bashasha
تاريخ التسجيل: 10-08-2003
مجموع المشاركات: 25803
اعلاه "تحليل تقني" بالطريقة المتبعة في البورصة الامريكية بواسطة محترفي التحليل التقني لبيع وشراء الاسهم في ال wall street، لتاريخ السودان، صاغه شخصي الضعيف، نشرناه في المنبر ده في 2010م.
طبقا للرسم البياني اعلاه، وطبقا لقواعد هذا التحليل اي technical analysis السودان خط سير التاريخ فيهو حيكون الي اعلي كخط عام، وهذه الثورة تثبت صحة طرحنا اعلاه من 2010م!
ولكن هذا التحليل يعتمد علي قاعدة 50+1 بمعني كقاعدة ده هو اللي حيحصل. ولكن، هناك فرصة 49% لو انفرد هؤلاء العسكر بالسلطة بالسطو علي ثورتنا، فرجاءا ثم رجاء يا سودانيين اعلمو، ده، ممكن يادي الي اختفاء السودان من الخرطة!
بمعني الانحدار الي مادون النقطة البرزت فيهو الثورة الام، في الرسم البياني اعلاه!
اكرر من حيث التحليل التقني هذا مستبعد كما شرحنا لانو الانحدار لما يصل نقطة محددة من الmoving average اي الخط الازرق البمثل متوسط حركة التاريخ، فالانحدار للاسفل، سيتوقف ليبدا مشوار التوجه الي اعلي كقاعدة وهذا واضح اعلاه!
التحليل التقني للرسم البياني بقول كده!
احنا تركيزنا من باب الاحتياط مفروض يكون علي فرصة ال49% اي الاستثناء، او مش ماهو قاعدي.
اي امكانية تدحرج السودان نحو هاوية جديدة، غاية في الخطورة اكرر بالمناسبة.
للاسف ما قاعدين نقيف كتير في النقطة دي للاسف!!
لازم كلنا، نكون فاهمين انو حمرتي تحديدا منطلقو الاساسي في كل مواقفو، هو حلم التربع علي عرش السلطة في السودان، مش عشان مضغوط من العرب او اغروهو العرب، وانما لانو ده في اعماق اعماقو كحلم!
من الادلة كلامو المضحك بلا مناسبة كيف هو ما طمعان في سلطة او عايز يكتفي بقيادة المليشيا الخاصة بيهو دي!
انا مقدر هناك افراد في المجلس ده عايزين يسلمو السلطة لو ممكن، ولكن هذا ليس من السهل، الجهر به اطلاقا!
بعض هؤلاء الان رهائن في حمرتي!
05-21-2019, 05:45 AM
Bashasha Bashasha
تاريخ التسجيل: 10-08-2003
مجموع المشاركات: 25803
مافي ولاسبب واحد يمكن حمرتي الانفراد بالسلطة لو التجمع وعا او رجع لي قواعدو وقف نكتة مايسمي تفاوض هذا، او واصل المسيرة من محل ما وقفت!!
الزمن مافي صالح الحراك، اطــــــــلاقا!
العسكر واعين للنقطة دي، ولهذا كل الشايفنو قدام عينكم هو مجرد كسب للوقت، والخطة دي للاسف ناجحة!
سبب اساسي في ده كلو هو الصادق المهدي تحديدا لاسباب كتيرة للغاية، والمصيبة كلها في الحتة دي!!
الاطراف الاخري كان مفروض من زمن بعيد تقعد او تضع خطة مرنة عملية للتعامل مع كارثة هذا الصادق، ولكن للاسف الشديد الشيوعي تحديدا، او زعيمو الديماغوغي المتحجر، لايفقه ايا من هذا اطلاقا، والكارثة التانية هنا!!
كان بالامكان توظيف ثقل الصادق، بي ذكاء شديد، او بعد نظر، من بدري، كما يفعل مصارعي الافيال بتوظيف ضخامة حجم الفيل او بط حركتو، ضدو بذكاء!!
اكرر الزمن مافي الصالح اطلاقا يا تجمع!
التضجر في الشارع سلفا بدا، وهذه مصيبة!!
شخصيا اري من الممكن كسب صراع البقاء او الفناء هذا، لو التجمع تحرك فورا، وقف مايسمي مفاوضات هذه، او رجع يحرك الشارع والمجتمع الدولي معا!
ولكن هذه الخطوة مفروض تكون من بكرة اي فورا حالا من دون اي انتظار!
اكرر او زي ماقتا من قولة تيت النظام بحاول المستحيل كسب الوكت بمثل هكذا الاعيب مايسمي مفاوضات، بالذات انو حاول يفض الاعتصام بالقوة، او فشل!!!
المدهش حد الاغماءة انو التجمع اكل الطعم لما ترك جانبا النقطة الاساسية المتصلة بي نسبة مشاركة العسكر، للخوض والغرق في تفاصيل فارغة لامعني لها اطلاقا!
لاحظ التجمع هو اللي بادر بحشر هذه التفاصيل، علي حساب النقطة الاساسية المتمثلة في نسبة تمثيل الجانبين في المجلس السيادي!!!
شئ يموخل!!!
05-21-2019, 06:19 AM
Bashasha Bashasha
تاريخ التسجيل: 10-08-2003
مجموع المشاركات: 25803
البعشوم يهدد حميدتي حمدتي أسمع مني هذا الكلام، لدي ملف كامل موثق بالأسماء الكاملة و الحسابات البنكية من قاعدة بيانات بنك فيصل الإسلامي، عن كل الأموال التي يتم تحويلها من السعودية والإمارات لك ولإخيك والتي تنزل أيضاً لضباط وجنود الدعم السريع المشاركين في اليمن كل 6 أشهر، ولدي أيضاً النسبة التي تقوم بإقتطاعها على الرأس الواحد لليافع والرأس الواحد للجندي الخبير، والحوافز التي تُمنح لكل من يشترك في إشتباك في اليمن التي تقوم بإقتطاع جزء كبير منها أيضاً، علاوة على الأموال التي تأتي كتعويضات لأسر القتلى من قوات الدعم السريع والتي تأخذ نصفها.
ما كان يمنعني من نشر هذه المعلومات بصورها ليس خوفاً منك بل خوفاً عليك، لأنك تعلم عندما تعلم قواتك انك تقوم بسرقتها ماذا سيحدث لك ! حمدتي ارقد عشان ما تموت البعشوم جاااايك أرقد وكابوكي يرقد معاك خخخ.
صفحة البعشوم بموقع فيسبوك
05-22-2019, 04:29 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم راس النظام اللي اتت بيهو الثورة، حرامي الحمير، بياكل عيش من مخابرات مستعبدينا الاعراب، ببيع القصر من اطفالنا، بيع اكرر، عديل كده!!
نعم "نائب رئيس المجلس العسكري" الجنجويدي العامل حريف، او مقددا، بياخد Commission اي عمولة عديل كده حتي من المبالغ المخصصة للاطفال افتراضا بواسطة ملك الوهابية، شغل قلع من همباتي!!
انتبهو جيدا لي كلام الاستحمار من فم هذا الاهبل، عن دولة القانون، الديمقراطية، او كيف هو ماعايز اي زول يسرق!!
يا سبحانك!
نعم بياخد قروش، هو او اخوهو، افراد اسرتو، او قبيلتو، بمئات الملايين من الدولارات من مخابرات دولة اجنبية علنا، جهارا نهارا، وهو علي راس نظام اتت به الثورة افتراضا قصاد اكفان اطفالنا، البصدرا لي دولة شرع الله!!
الميرغني والصادق متحالفين مع نظام علي راسو مخلوق زي ده؟
من الجانب الاخر، مناوي بقول ماعندو مشكلة مع حمرتي!
كذلك عرمان بقول نفس الكلام!
لاحظ ديل بقو يتكلمو كده بعد ما سفروهم ابوظبي!!
نعم باعينها، القضية!!
في المقابل تامل هذا المشهد :
هذا الطفل، امو عشان تربيهو بتبيع شاي عشان تعيش او تاكل عيش بي شرف!
نعم هذا الطفل كان يومي بمشي يعتصم او هو بطلب السماح من امو او يقول ليها يوما سامحيني، لانو ماسمع كلاما لما خافت عليهو!!
معقولة يا سودانيين؟
وقسما دموعي او غصبا عني، جرن!
هذا مؤلم!!
05-26-2019, 05:09 AM
Bashasha Bashasha
تاريخ التسجيل: 10-08-2003
مجموع المشاركات: 25803
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bashasha
adil amin
bakri abdalla
فيس بوك
تويتر
انستقرام
يوتيوب
بنتيريست