|
|
 اقامة معرضي الاول في الرسم بالضوء
|
احبابنا البورداب والزوار الكرام,
بعد التحيه,
فرحة تكسوني وانا اعلن عن قيام المعرض الاول من نوعه عالميا, وهو معرض شخصي الضعيف في"الرسم بالضوء".
وكنت اود ادراج صورة البوستر لولا ان جهازي يعاني من مشكلة في up laod,وحتى عندما قررت تغيير صورة بروفيلي;ارسلتها للريس الجميل بكري,فشكرا له.
تستطيعون رؤية البوستر اضافة لنماذج لكل مراحل المشروع;وكتابتي عن تقنيتي
في هذا اللنك,حيث اني نشرت كل مايخص هذه الدراسة العملية في منزلنا العامر الاخر,وهو منبر الحوار الديمقراطي بسودان فور اوول.
(تجربة الرسم بالضوء-فتغراف) محمد بهنس:
http://www.sudaneseonline.com/forum/viewforum.php?f=1&sid...4d72fbb9897b2d9df4a7
|
|
 
|
|
|
|
|
|
|
|
Re: اقامة معرضي الاول في الرسم بالضوء (Re: محمد بهنس)
|
بهنس
قد لا تغيب عنك تمنياتي لك بالتوفيق
Quote: تمهيد:
الرسم بالضوء هو عبارة عن فن يجمع التشكيل والتصوير معا,وذلك بفتح الكاميرا بما يدعونه ال(exposure),وهو مجموع الضوء المسموح به للسقوط في عدسة الكاميرا,علي حسب كثافة او تقطع او زاوية تموج ذلك الضوء.وهو كفن فتغرافي يدعونه ال(light painting)شاع مابعد سنوات الثورة التقنية للصورة;بمعنى التقاط اضواء المدن ليلا وحركة البشر والسيارات;وهو في احسن حالاته يتطلب اظلاما كاملا;اما ماينحو اليه شخصي فهو فتح سرعة مصراع الكاميرا(shutter speed),لمدة خمس ثوان:في هذه المدة امسك بمصدر ضوء متحرك(بطارية صغيرة او اثنين) في يدي; واحاول بحركات سريعة رسم خطوط تعبر عن طبيعة خطي على الورق; الصعوبة تكمن في الحركة ومطابقة الشكل في الهواء والظلمة كانك ترسم على شيئ صلد;في مدة ثوان وبحجم مثل متر ونصفxمتر في مثل محاولاتي لرسم الوجه(portrait)والكاميرا اثناء ذلك تسجل بحساسية اي حركة او سكون للضوء,لم اجد في بحثي اي منهج للرسم بالضوء في مثل ما توصلت اليه;فابتدعت تكنيكا واصبحت اتمرن وادون ملاحظاتي واضع منهجي الخاص لحركة الجسد;والتحكم في استمرار الخط او انقطاعه;والي الان ابحث واتمرن للوصول لنتائج ابعد;والسبب الذي جعلني ادون هذا التمهيد;هو اني اطلب من اساتذتنا وذوي الخبرة في هذا المجال افادتي;والبحث معي في مراجع او اي تراث اعمال واضح تاريخ الفنون في الرسم بالضوء;فعملي دون عين وتصحيح الاخرين هو فاقد لقيمة الابداع;قطعا;محبتي |
يا ريتك لو زودتنا من دللك أكتر, وبالسوداني
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: هشام آدم)
|
الاديب اللطيف هشام,
شكرا لمرورك واطرائك,وتقريبا الاعمال مضمنه في اللنك اعلاه وانا عندي مشكله في الlqad بس هنا في سودانيز اون لاين ما عارف ليه;لكن اوعدك بانك حتشوف صور الزوار والافتتاح في اللنك اعلاه وساعدونا بعدين في نقلها في هذا البوست والى ذلك التاريخ خليك معانا وتسلم
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: محمد بهنس)
|
تزيد شعاع ضو واحد يا بهنس للضو الفيك..حتجهر عقل الدنيا..
وتترتع خطوات المحفل لما يصدم ..سيرة الفن ويصحى الوعى النائم فى كرسى الابداع جنب باب المعرض..
مفتونة يا بهنس بفكرة انك بتعبى فى كاس للانسانيه معتق..وجديد..يشرب منه لحدت ما يعرف انك بهنس وانك طالع من صلب النيل ومن رحم الارض السودانية ..وعجاج وغبار وحكومات ساى..لكن فى اصلك فنان..من ضو..
يللا ..
انا حاجزة المقعد ده..
وبقود الصفقة..وبزغرد وبعوس الفرحة ..طرقات طرقات فى طبق الزحمة ..واغدى الناس ..افراح .ليكا وبيك يا بهنس...
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: Tumadir)
|
يالله عليك ياتماضر..
الضو اصلا هو سوداني...
عليك الله قمر 14 في ضلمة ميدان صغير وهناك تحت في ضو لمبة124 لي دكان ناصيه..
شعاع شمس تعبت خلاس من الشغل وخاشه على المغربيه..
النيل ابونا ذي ماقالت حبيبتنا رشا..والشفق مرتاح حزين..
ضل ضحوه مع صينية فطور كاربه وحنان بقول ليك : اكلي خسمتك بي فادع الروح..
ضو عينو قويه الساعه اطناشر عدو للعسكر في اداره داخليه..
شمس الساعه تلاته والحب راجع في زحمة الكباري والاخلاق ضايقه...
ضو انا جاني منكم في شكل هبه..غمتتو في يدي وحمدت الله واهب المواهب..
.. .. ..
.. .. ..
.. .. ..
شكرا ليك ياملكه
.. .. ..
.. .. ..
وخليك معانا..
محبتي
ملحوظه: ضو فانوس وكت العشا في البلد..ده الحنين الفطير لي جزور نحنا منها.
| |
|
|
|
|
|
|
|
|
 Re: اقامة معرضي الاول في الرسم بالضوء (Re: محمد بهنس)
|
بهنس
الفرح الجايبو علينا ورود
الفن النازل تاج الوطن الفيك .. وانت جداول تنضح عشق خرافى وما بنقدر على تهنئتك
زى زول داير يوصل حاجة لزول وما قادر يعمل شنو ؟
المهم جدا جدا ... انك ما شاء الله عليك
تانى برضو المهم جدا جدا ... انو انجاز بديع ورائع زى اناقتك يا مترع فن
بهنس ..
شكرا جزيلا يشبهك
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: alfatih)
|
عزيزي الفاتح..
كلماتك ضافية وتشجع محاولتي الدؤوبة لتقديم شيئ متواضع مع بقية المبدعين السودانيين للتعريف بشخصيتنا الحقيقيه, عوضا عن سيرة الحروب والاغتيالات التي تلاحق ظل التعريف عن السودان عالميا,هناك ايضا اصوات انسانيه ووجه اخر.
محبتي
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: محمد بهنس)
|
Quote: انت ياوديدي البوست ده انا سامع لي فيهو حاجه ذي استاد امدرمان,
وهديك سوميته ومزيكتا,الصوت ده جا من وين? |
الصفقه شلناها.. طيب شغل الباليه ده كيف معاك؟
مناسب إتخيلّ لي مع ال(Classical Guitar)
شكراً ياسوميته على بتهوفن والسونيته
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: محمد بهنس)
|
| Quote: عشان تدهش ليها زول تاني غيري |
قول واحد يا حاتم
لون..
ضوء..
حرف..
نغم..
بهنس فنان بـ
روح طالوش  داخل جسد مقاس 42
قبل ما تتطرشق ألحق شوف ليك رفيقة وفيض أطفال جميلين زيك كدا
عيننا باردة.
ــــــــــ
الرقعة العملها بكري دي مبوظة أي حاجة
بكري دا ما طالوش ولاّ شنو!؟
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: محمد بهنس)
|
عزيزنا بهنس ..
صدقني إنك تدهشني كل يوم أكثر ..
فأنا بجانب كوني معجب بإنتاجك ، تراني معجباً
بالدأب والصبر والجساره الذين يقفون خلفه ..
إنت إنسان فنان ومحب للفنون وغير هياب ..
كنت قد كتبت إليك من قبل في رسالة خاصة عن تجربتك
في الرسم بالضوء ، ولا أعرف لو أني وفيت أمرك حقه حينها ..
لكني أستطيع أن أكرر بهدوء ، أن النماذج التي رايناها
مدهشة وجميلة وتفتح الأفق لخيالات جديده ..
شكراً يا بهنس على أصرارك الذي يضيف إلينا الكثير .
...
طلال
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: محمد بهنس)
|
اكتشفتك لون اساسي
يمنح اللوحه
ازدواجيه القرايه
ويفتح الضوء المفرهد
مابين خطوط الريشه والخط الاضافي
الجاي من شبكيه الزول المشاهد
واكتشفنا الرسمك
ياسمره ياواضحه
كلمات وقفت فيها كثيرا بصوت البدع الخالد مصطفى وهانذا اراها
تتجسد في الواقع
عمل رائع بهنس والي الامام
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: مشتاق)
|
الرائع بهنس
الف مبروك...ونحن نطمئن بان مسيرة الجمال والابداع في بلادي دوما في الق جميل
يقودها الجميلون امثالكم من ابناء وبنات وطني الجميل.....عشتم
هشام هباني
سندة: يبلغكم التحايا الفنان عبد الواحد بشير معزيا اياكم في فقدكم الجلل وهو يطلب منكم ان ترسل اليه بريدك الالكتروني للاتصال بكم...
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: محمد بهنس)
|
يااااا أمان الشهقة ..
مدد .. مدد
لو دلقت حزمة ضوء أخرى ..
لو تفعل ..
لو فدياس وهجك فعلها و هبش ( بقة ) أخرى .. فسألتهب .
.. كثير الضوء يلهب النار .. يا مجذوب .
يا صاحبي الطاعم الحراق ..
كيف تغتصب جنونك فتستولده هذا المس ؟؟
ومن أوحى اليك بالضوء تفضح أصل عنصره ..
فينقاد اليك بتول و شهواني ؟؟
الجن الكلكي ..؟؟
أم تأتنس الى يقين لا نعرف ؟؟
يا بهنس ..
يا غياظ ..
يا صديقي ...
مبروووووووووووووووووووك
و .. خذ كفي .. كتفك توجعها أبدية الشتاء الأورالي .
خذها .. تدفيء .
و كثير الحب .
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: Emad Abdulla)
|
يا عمده..
ياشاعر الخوه الاصيل..
انا مامجزوب ولا ارقى لفحاوى المجازيب الغريقه..
.. .. .. ..
.. .. .. ..
.. .. .. ..
.. .. .. ..
انا زول محظوظ بس,لقيت لي حاجه كان ممكن يلقاها اي زول غيري.
اقول فقط:
انا مدين للضوء بما لا استطيع ايفاءه ولو عشت حياتي مليون مره,
فيا حسرتي.
.. .. ..
.. .. ..
.. .. ..
.. .. ..
ان تكون كريما فهذا يعني عطاء.
بعدين..
عليك الله في غياظ اكتر منك?
محبتي ثم محبتي
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: محمد محي الدين)
|
حبيبنا ود احبائنا محمد,
Brenda Fasie من اعظم مغنيات افريقيا على الاطلاق,كانت جوهرة جوهانس بيرج,
حياتها قصيرة ضاجه وموتها كان قصة ماساة فنانة عظيمة الموهبة.
في مايو2004 رحلت,كنت وقتها في اديس,حينما علمت ذلك الخبر المؤسف,اصبح كل الجمال في اديس والطبيعه الجبليه الخلابة,بلا معنى,وسافرت بقلبي الى جوهانس بيرج معزيا.
..
..
..عاطر شكري
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: محمد بهنس)
|
الاخ الاكرم الفنان / محمد بهنس
تمنياتي القلبية الصادقة لك بدوام التقدم والتوفيق
اعجبتني اللوحات لدرجة انني قد استلفت منك هذه الصورة للdisk top
وعن جد هذه الصورة جميلة الفكرة
تمنياتي لك بالتوفيق الدائم
واتفضل الصورة على جهازي:
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: ايوب عبدالرحيم)
|
الشفيف ايوب,
ياسيدي انا لي الشرف ان (اصاقرك)كل ما تفتح كمبيوترك
..
..
..
اعجبني التكرار الذي ملات به الشاشه,كذلك.
التكرار يرسخ حركة اي صوره في العين, ويخفف من حالة الضجر البصري عند اطالة النظر في فرييم واحد,في بعض الصور.
محبتي
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: محمد بهنس)
|
Quote: الشفيف ايوب,
ياسيدي انا لي الشرف ان (اصاقرك)كل ما تفتح كمبيوترك
..
..
..
اعجبني التكرار الذي ملات به الشاشه,كذلك.
التكرار يرسخ حركة اي صوره في العين, ويخفف من حالة الضجر البصري عند اطالة النظر في فرييم واحد,في بعض الصور.
محبتي |
ياسيدي الشرف لينا احنا
اما سبب تكرار الصورة فقد قمت بانزالها ونظرا لان الحجم الاصلي للصورة صغير فعندما وضعته على الخلفية ظهر بغير وضوح بسبب تكبير الحجم فاظطرت الى عمل تجانب له وكانت مفاجاة ان الصورة بدت اجمل وكما تفضلت اعلاه فان التكرار يرسخ ............... الخ حديثك الشيق
تسلم وتاكد انني ساتابع اعمالك ومعرضك الشيق
تسلم ........
| |
|
|
|
|
|
|
|
|
|
Re: اقامة معرضي الاول في الرسم بالضوء (Re: Halema2)
|
العزيزه حليمه..
تشكري ياستنا..لكن الحقيقه هي ان وجودي باروبا استفز خيالي
فلا زلت جاهدا لاضافة اسلوب تعبير لم اراه في اروبا .
.. .. ..
.. .. ..
حتما ذات يوم دور امستردام سوف ياتي ,وسوف اكون متقويا بوجودكم,اذا شاء المولى.
محبتي
| |
|
|
|
|
|
|
| |
Soumeta
محمد عبد المنعم عمر
ادريس خليفة علم الهدي
abcde
هشام آدم
.. غايتو انا قريت شرحك المطول وما فهمت منو أي حاجة ..لانو صراحة دي أول مرة في حياتي أشوف لي شغل زي ده ...الحاجة الوحيدة العارفها انو (
Tumadir
محمد سنى دفع الله
alfatih
Agab Alfaya
ابو جهينة
fadlabi
Hussein Mallasi
الفاتح وديدي
عشة بت فاطنة
Najat Al-Bashir
Dia eldin khalil
JAD
طلال عفيفي
مشتاق
هشام هباني
Hassan M Saeed
انعام عبد الحفيظ
Omayma Alfargony
Hani Arabi Mohamed
Muna Khugali
Emad Abdulla
fohamer
محمد محي الدين
ايوب عبدالرحيم
معتز تروتسكى
Halema2
فيس بوك
تويتر
انستقرام
يوتيوب
بنتيريست