|
قالوا هذه اجمل امراة في التاريخ أودري هيبورن يوجد صور
|
اختار قراء مجلة " نيو وومان ماغازين " أسطورة هوليوود الممثلة الراحلة أودري هيبورن كأجمل امرأة في التاريخ. وذكرت صحيفة "دايلي مايل" البريطانية أن أميرة موناكو الراحلة غريس كيلي حلّت في المرتبة الثانية على لائحة أجمل نساء العالم. وأضافت الصحيفة أن حوالي 5 آلاف قارئ شاركوا في الاستفتاء اختاروا صوفيا لورين ومارلين مونرو وسيندي كراوفورد في المراتب الخمس الأولى.
عليكم الله دي اسع اجمل امراة في التاريخ ؟
|
|
|
|
|
|
|
|
Re: قالوا هذه اجمل امراة في التاريخ أودري هيبورن يوجد صور (Re: اساسي)
|
الأخ الفاضل/ أساسى تحياتى و الأمنيات الطيبة بحياة زوجية هانئة.
Quote: وهنا تقول انا اجمل امراة في التاريخ حتي لو مثلت دور فتاة من(اهل العوض) الامريكان |
الواحد خايف يسألك إنت بتسطل يقولو تحرش لفظى، دى بالغت فيها عديل.. لو ممكن جيب صورتها مع هالى بيرى و لا بيانسى و لا أليشا كييز هم البشاركوا فى الإستفتاء ديل منهم؟ و فى التاريخ كمان!
المابتسهلوا معاها ناس الإعلام ما بتطلع سمحة أصلو..
مع الود...
| |
|
|
|
|
|
|
Re: قالوا هذه اجمل امراة في التاريخ أودري هيبورن يوجد صور (Re: faisal44)
|
الحبيب الغالي فيصل (اربعات) والله ليك وحشة وشوق شديد .. ياخي بصراحة الماسنجر دا بقيت القي فيهو كم وستين اون لاين يعني الا ابقي اخطبوط وفي رواية( حسين ملاسي) حتي اقدر اتكلم مع العالم دي كلها عشان كد اخوك اخد الموضوع من قاصره وبقيت ما بدخل الا للشديد القوي واصلنا بالاميل يا غالي ونواصلك بدون نفاصلك اها الاخبار شنو ما خطبت لسع ولا ما عندك شجاعة ادبية ؟
| |
|
|
|
|
|
|
Re: قالوا هذه اجمل امراة في التاريخ أودري هيبورن يوجد صور (Re: ahmed haneen)
|
أساسي العريس جعل الله أيامك كلها أفراح أنا أودري هيبورن ما بعرفها لكن أجمل من بت المنى بت مساعد ما شفت.. لا تقول لي إيشواريا راي أو كاترين زيتا جونز.. نحن جمالنا زي كورتنا وسياستنا.. ربنا يصلح الأعمال غايتو.. بنحاول نركز على الآخرة.. بتحكي لي واحدة ظريفة أنو عندهم واحدة معاهم في الجامعة أقبح من الغوريلا.. ومتعقدة جداً من شناتها، وكانت لا بتصوم لا بتصلي.. فواحدة قامت بتهدي فيها قالت ليها يا اختي إنت مالك لا بتصومي لا بتصلي فردت عليها بغيظ (والله الما عبرني ما أعبّرو)..
| |
|
|
|
|
|
|
Re: قالوا هذه اجمل امراة في التاريخ أودري هيبورن يوجد صور (Re: اساسي)
|
حماده حاشاي:
Quote: هيبورن دي بقت حبوبة.. هسع |
غايتو الزول لمن يكون اشتر ويعمل فيها عايز يشارك الناس وإنو زول مواكب امانة مااااااااا بيشترا .. وزمان قالوا إذا تفلسف الحمار رفس .. يا ربي الزولة دي تكون حبوبة في احمد شرفي ؟؟؟؟ ولا ياربي تكون في البكري؟؟؟ ولا إمكن في حمد النيل !!!! لأ والجميل في الموضوع جابت ليها هسع
يا زول خليك مع جريدة الشرق الأوسط دي ومالك ومال الدقوهو وشالوا قروشو ..
| |
|
|
|
|
|
|
Re: قالوا هذه اجمل امراة في التاريخ أودري هيبورن يوجد صور (Re: ناذر محمد الخليفة)
|
Quote: أشوريا راي دي أجمل بنية في التاريخ والتاريخ المجاور كمان !! |
ناذر أخوى شفت الشغل ده نضيف كيف !!!!!!!! إنت يا ناذر شكلك حسبتها على تاريخ السودان ،
وكده النستلف لى منك تخريمة !!! واحد من أهل العوض جماعتنا فى الرياض شاف صورة ملكة جمال لبنان فى المجلة ، قال للجماعة تعالو شوفو بالله سكينة بنت أمحمد ود جاه السيد فى الحلة ما فيها كتير من الملامح ده ؟؟؟؟؟
| |
|
|
|
|
|
|
Re: قالوا هذه اجمل امراة في التاريخ أودري هيبورن يوجد صور (Re: اساسي)
|
الغريبة كل مشاركي هذا البوست, لا يوجد أحد أستعان بأحد الجميلات السود الذين يعتبرون من أجمل جميلات العالم. فهناك هالي بيري وأليشا كي وغيرهم من الجميلات السود. يبدوا لي أنكنم تتابعون أجهزة الاعلام العربية فقط.
الدباب أساسي.
القصة فكت ولا شنوا؟
شيخك واقع فتاوي يحرم ويحلل فيها زي ما عاوز وأنت هنا بتعرض لينا في صور نساء غير محجبات ومتبرجات. الحاصل شنوا؟ ولا القصة كانت أكل عيش وسياسة فقط؟
دينق.
| |
|
|
|
|
|
|
|