|
|
 معتصم دفع الله وهديل البنفسج
|
ذكرى مساء جميل معطر بى ريحة الشوفه
وذكرى لقاء قصير، لكين عريض
وقولة خير يا قريبى
واشتهاوية اطول من ليل العاشقين، على قول أبى الطيب
وكيف البلد والناس والعقاب
وبمناسبة الجيه المبهجة
قلنا نصحى اللحظة ونتذكر
هدية ليك هنا
وليها هناك
بين إبتسامك والبنفسج
إندهش خاطر الكلام
بين البنفسج والسنا
قامت حدائق إبتسام
ومن بين عيونك والسنا
إشتقت الرؤية المعانى
وقف البنفسج وإنحنى
وإحتوى اللحظة الهيام
بين إبتسامك والمنى
وقف البنفسج وإنحنى
جاتك غناوى الدنيا كلها
تمشى تقدل فى إنسجام
حضن الوهج
حضرة عيونك ولونا
بين إبتسامك والبنفسج
إنتشى المعنى و توهج
وقلنا لى عيونك سلام
بين إبتسامك والمدى
هلت أناشيد من ندى
وبدت عصافير القصائد
تلقى فى عينيك وطن
سمَت مواسمك إشتِها
عطنت نعاس شمع الأماسى
معاها فى الليل والصدى
ومن طلتك
غار قوس قزح
فرت الغيمات خصل
شعر الخريف
أطياف شجن
وبين إبتسامك والمدى
إختصار كل الحكايات البدن
إنصهار رغبات تراب الحلة
فى حزن البيوت
ساعة على رهق الدروب يتمددن
بين إبتسامك والمدى
نمة مسادير القمر
شوق الشجر
أحلام مريحة بالهديل
مدفوق مع طعم المطر
وبين إبتسامك والمدى
حاجات بتغزل قصتك
شال من غيوم
ركت على كتفه الفصول
وكل المواسم إنبهار
مرسوم على صفحاته
موال من بنفسج بسمتك
ضحكات شمس
نشوانه فى عرس النهار
لمة سنابل جوه فى حلم الحقول
سحر إبتسامك والبنفسج
صحا في اللحظة الأمانى
إنتبه فينا الوجود
ضج بالدهشة وتأجج
وإبتهج
أشعل حضورك
إرتعاشات الثوانى
وأينعت فى دم غنانا
كل ألحان الورود
وتانى فى حضور إبتسامك
نبدأ نقرأ
فرة البسمة الودود
ينعدل حال القراية
نطفة الريد تستعد
تبدأ مشوار البداية
تمشى لى زهو البنفسج
وينفعل حبر الدواية
ويكتبك
قصة سماحة وطيبة
فى أول حكاية
|
|
 
|
|
|
|
|
|
|
 Re: معتصم دفع الله وهديل البنفسج (Re: أبوذر بابكر)
|
Quote: بين إبتسامك والمدى
نمة مسادير القمر
شوق الشجر
أحلام مريحة بالهديل
مدفوق مع طعم المطر
وبين إبتسامك والمدى
حاجات بتغزل قصتك
شال من غيوم
ركت على كتفه الفصول
وكل المواسم إنبهار
مرسوم على صفحاته
موال من بنفسج بسمتك
ضحكات شمس
نشوانه فى عرس النهار
لمة سنابل جوه فى حلم الحقول
|
المطر المتدفق شعرا حانيا وبهاء..
سلام
وسلام لمعتصم
وسلام لحضوركما الجميل
| |
|
|
|
|
|
|
|
|
|
Re: معتصم دفع الله وهديل البنفسج (Re: عبد الحميد البرنس)
|
الصديق الجميل عبدالحميد ..
أولاً ألف مبروك وبيت مال وعيال ..
عارف إنها متأخرة شديد ولكن عرفت أخيراً بخبر زواجك الميمون ..
التهاني والتبريكات يا صديقي ..
وكنت أعد نفسي لعمل بوست خاص لك بهذه المناسبة الجميلة ..
ها أنت والمطر وهشام وكل الجميلين هنا تطوقوني بجميل حرفكم ورقيق كلامكم ..
لكم مني الود أجزله ..
محبتي ..
| |
|
|
|
|
|
|
|
|
|
Re: معتصم دفع الله وهديل البنفسج (Re: ودقاسم)
|
العزيز ود قاسم
معنى الأصالة
وحقيقة الإنسان
معتصم يا ود قاسم يستحق ما هو أكثر من ذلك
أما هذه القصيدة، فهى من باب أن للمشتاق فرحتان
فرحة اللقاء وفرحة أخرى هو أدرى بها
ومعتصم يعرف مناسبة هذه القصيدة وفد غرق من قبل فى تفاصيلها
لذا وجدت أنها أنسب ما ما يقدم له
جنبا إلى جنب حلوى و "شربات" العودة
سلمت يا ود قاسم وطبت
| |
|
|
|
|
|
|
|
|
|
Re: معتصم دفع الله وهديل البنفسج (Re: أبوذر بابكر)
|
الله يا مطر ..
كل هذا وأنا لا أعلم ؟
شكراً لهشام شيخ الدين الذي لفت إنتباهي لهذا البوست الرائع ..
وشكراً لعبير كلماتك التي فاحت بصحرائي الجرداء ..
دعني أتفياء ظلال حرفك الندي ..
وأعود لكل المحبين الهنا ..
| |
|
|
|
|
|
|
|
|
|
Re: معتصم دفع الله وهديل البنفسج (Re: banadieha)
|
يا حسن
يا بناديها
يا البيك نور اقليمك
ياخى قاعد تلاحظ لى حاجات عجيبة والله
قلت لى درديق الشبيكى البنتو فى صدرو
بعدين إنت ما سمعت
أسمر لونو لادن جسمو
يزدرى بالورود "فر" بسمو
والله يا بناديها عاميتنا دى فيها اشياء ما عادية ابدا
غِنى بدون حدود، وفيها مخزون لا ينضب من السماحة والجمال
والعجب لو يوم اخدت ليك طوفه كده فى بطانة أب على
أو مقيلة فى سوق تمبول
حتسمع ما لا أذن سمعت
أحييك يا صديقى ومعليش على السرحان فى فيافى اللغة
وعبرك التحية والود لمعتصم
| |
|
|
|
|
|
|
|
|
|
Re: معتصم دفع الله وهديل البنفسج (Re: معتز تروتسكى)
|
معتز يا شقيقي ..
إنت دائماً بتختني في حتات ضيقة صعب الخروج منها ..
هسي أصبتني في مقتل وأنا المسكين واقف على بابك ..
أسوي ليكم شنو يا جماعة أشكيكم لي منو ؟
شكراً لكم لأنكم تدوزنون دواخلنا بالجمال وبكل ما هو بديع ..
خليك قاعد يا شقيقي لأن المكان يحلو بك ..
دم بخير ..
| |
|
|
|
|
|
|
| |
أبوذر بابكر
يازولyazoalيازول
Sidig Rahama Elnour
معتصم دفع الله
عبد الحميد البرنس
ودقاسم
معتز تروتسكى
banadieha
فيس بوك
تويتر
انستقرام
يوتيوب
بنتيريست