|
|
 Re: دكين/حمزاوي/وليد طه/حمد فتح الرحمن .. هل ؟ (Re: ابو جهينة)
|
هسع جيت من الجمعية ..اضاف لي بعض قدامى الاهل بعض المقتطفات هنا وهناك..
قالو في وصف العملاق انف الذكر :
انه كان يغطس هنا فيغيب في النيل قرابة الساعة ويظهر على بعد تلاتة كيلو في غطسة واحدة ..
طارده كبير مفتشي مركز دنقلا بنفسه واهتم لامره وامر بجلبه حيا ..
غير ان جدك واخوانه كان الموضوع عندهم قد مضى بعيدا وبقى شخصي ..
في نهاية الامراضطر قومندان المركز ان يضم الى قوته جدك واخوه في مركز البوليس..
عودة الى سرد فاطمة هيري:
بعد تلاتة ايام من ذهابه حضر اخو جدك(عبد الشافع) من بيوضة على ظهر بعير محمل بخمسة بنادق ابعشرة وشوال جبخانة..
واحدة من البنادق معلقة الان في البيت الكبير في كلتوس وواحدة منها وجدوها مع جدك حين توفى بالعطش في جنوب صحراء بيوضة ممسكا بحسكنيتة فدفنوها معه على عجل لاعانته في حروب العالم الاخر .
بندقيتين شالوهم ناس مركز ارقو لدعم المجهود الحربي والاخيرة رحلناها الى دراكم بالخرطوم في حمى التسلح المدني الاخير عقب احداث الاثنين الدامي في الخرطوم..
اها ياولدي :
عشيه عودته جلس العائد مع اخوته في شاطي النيل مطلقا زخاتٍ من الجبخانه في الهواء ..
جاهم عند الفجر وهم سكارى العسكري فضل المولى ..
قال ليهم المفتش عايز عبدالشافع وهيري محمود في التو والساعة..
رفض جدك الذهاب وقال الدايرني يجيني في بطن البحر ده ..وركب مركبه ونزل القماش واتجه صوب فِخاخه..
عبد الشافع واولاد عمو شالو البنادق ومشو لي مدير المركز لاقاهم في نص الحواشات مسلحين..
الخواجة حين وجد العزم والشر في عيونهم ورفضهم تسليم السلاح ..
اضطر في نهاية الامر ان يديهم ماهية ويسمي ليهم رتب ويديهم كاكي..
رجعو الحلة لابسين كاكي ..وشايلين تعاريف عليها رسم اميرة ويلز..
في نفس الليلة رجع اخو جدك التاني من الكاسنجر مليان ِحجبات وسبح لالوب وطار ..
قالولو اخوك كسر كتف الجني بي ساطور قام الجني غطس مجروح في الدوامة جنب بيت عبد الدايم..
رد قال ليهم عبد الدايم منو ياخوانا ؟؟مادايم إلا وجه الله ..
ادوهو بندقية من الخمسة الجابم عبد الشافع وقالوليهو عايزين الجني ده ميت او حي ....
عاين لي دبشق البندقية ورداها وقال : الله حي ..
ماحاق بكم من شي فهو من اعمالكم ..
انما يبتليكم الله بافعالكم وخطاياكم .. لا مغيث لكم اليوم ولا شفيع....
انما البلايا تتنزل على العباد بقدر اعمال العباد لامرد لقضاءٍ قضاه المولى عز وجل وانما اسالوه اللطف فيه ..
ورفع يديه الى السماء وقال:
اذكرو الله العظيم يذكركم واشكروه على جزيل نعماه يزدكم ..
جدك وقف على حيلو ونهرو قال ليهو : نعمة شنو آالمسخوط ؟؟ انتا مرقتا في شان تجيب ليك سبح وحجبات وطار وشايقية؟؟
اها السبح والحجبات ديل عرفناهم الشايقية دي لزومها شنو ؟؟
ماكفاية ملو الوزارات لامن تجيبهم لينا في سواقينا يورثو مع وليداتنا ؟؟
حرم آآعبد الشافع إن مارجعتها في يومها ده اسوي فيك السواهو الجني في بهايم ناس( مِسكة)..
ولما كان جدك عنيدا وموقفه واضح فقد تم ارسال الزوجة الشايقية مع البريد الى كسلا وكانت حامل ...
فوضعت هناك بنتها آمال والدة الحسن الذي حفظ القران في بواكيره واتخذ من توتيل خلوة له فدفن فيها وقبره ظاهر ُيزار ..
وهو جد الحسناباب في الختمية في كسلا..
اها جدك ظل في مركبه يلتقط اخبار الجني في نواحي البرقيق وارتقاشة ..متأسفا على حال اخيه الذي مافتي ينشى الخلاوي ويقيم حوليات وينشد في مدح الرسول عليه افضل الصلاة واتم التسليم ..
كنا قبل شقيق جدك نحمل الخرفان ونذبحها عند معبد (تبو) اب عشرين عمود في الطهورات..
فنهض فيهم عبد الشافع عقب عودته من الكاسنجر وقال انما ذلك من اعمال المجوس والفراعين ..
فاوقف تلك العادة وقال انما الصدقات للفقراء والمساكين ..ولاتذبح الصدقات في جبانات نوبية عليها رسوم قديمات ..انما ُتذبح في مواجهة القبلة وُيهل بها لله وحده..
علم جدك بهذا الامر وهو في اطراف جزيرة بدين .. غضب غضبا شديدا حين علم بما يُجدف به اخوه وابحر عائدا صوب القرية ..
وحين بلغ اخوه امسك بتلابيه وجره إليه في شدة قائلا: يازول انتا قصتك شنو؟؟
مشيت الكاسنجر ولا مشيت مكة اصلو؟؟
البحصل في البلد دي شنو ؟؟
واحد جايب لينا فيوز من الدمازين ولافي البحر عامل فيها خالقا ..
والتاني جاي من الكاسنجر شايل طار وعامل فيها ود البرعي ..
القاها منك انا ولا من الجني الفي البحر ده ؟؟
واضاف هادرا : حرم ما تهمد وتخت الكورة في الواضة اشرك بيك لي تمساح الدميرة الجاي ..
كتفو بي حبل المراكب المقتول وربطو في طرف الساقية بينما اخوه يتمتم منشدا:
شي لله يااهل الدايرة يا الفي الكون اسراركم سايرة..
ارخو السر في السحرة الغايرة خلو الدار تتصبح نايرة..
يارحمن ارحم بي جودك دلي الغيث ينزل في بلودك
شي لله يا عبد القادر محي الدين البحر السادر..
ياود زينب قوم لي مبادر وياود حاج قول جيتكم حاضر..
شي لله ياراجل البركل ياقايم بالليل ما بتكسل ..
ياعايم بالله توكل وقول لي الدود من بلدي اتفضل..
ياياسين ياود حميدة يااهل القبة الباقية فريدة..انتم ما اتباطيطو اكيدة ما بتغلبكم هذه الصيدة..
يارحمن ارحم بي جودك..
ياالزرق ابوات والحاج موسى يا الكمل المافيكم دوسة.. البلد الكانت محروسة حجر العوم والناس محبوسة..
يا اهل الركب الفات بي ليليو ومافيكم واحداً شاد حيلو.. احمد واحمد واحمد شيلو ود عدلان فوق راسواديلو ..
الي ان وصل
يا اب شارب واولادو الستة امانة عليكم ليش هالسكتة ..اسمع ياشيخ القول ليك انته ..جرت الحين في بلادكم نكتة ..
يارحمن ارحم بي جودك دلي الغيث ينزل في بلودك..
ياود جابر ليك بنادي وقوم باخوانك لي البولادي ..العجمي اب زقاً صيادي اخذو الشكرة.. العادي ..العادي..
ياولاد جابر بي عجميكم قوموا الخمسة واكربوا سريكم نادوا اب رابعة وخلو يجيكم وقتل الدود مو قاسي عليكم ..
جدك حين وصل اخوه الى اكربو سريكم .. داهمه حنين داهم..وجلس في طرف الساقية غارسا ساطورة في جذع شجرة دوم..
ونظر الى النيل وعيناه دامعتان ثم نهض واقفا وفك قيد اخيه ونظر الى عينيه قائلا:
ان ما بالنيل ليس شيطانا فيذهب بالدعوات والرجاءات ..انما هو غريب اراد بنا شرا مستطيرا ..
ولايذهب الشر المستطير إلا بهذا ..
ورفع ساطوره من جذع الدوم ولوح به في سماوات الجزيرة ورفع بيمناه ابعشرة المجلوب من قوافل الاربعين في اطراف الصحراء الكبرى ..
يتبع-
|
|
 
|
|
|
|
|
| العنوان |
الكاتب |
Date |
| دكين/حمزاوي/وليد طه/حمد فتح الرحمن .. هل ؟ | ابو جهينة | 03-29-06, 03:26 AM |
| Re: دكين/حمزاوي/وليد طه/حمد فتح الرحمن .. هل ؟ | walid taha | 03-29-06, 04:15 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 03-30-06, 00:55 AM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 03-30-06, 06:19 AM |
 Re: دكين/حمزاوي/وليد طه/حمد فتح الرحمن .. هل ؟ | Eng. Mohammed al sayed | 03-30-06, 08:53 AM |
| Re: دكين/حمزاوي/وليد طه/حمد فتح الرحمن .. هل ؟ | عمار عبدالله عبدالرحمن | 03-30-06, 09:27 AM |
 Re: دكين/حمزاوي/وليد طه/حمد فتح الرحمن .. هل ؟ | عبد الحميد البرنس | 03-30-06, 10:59 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 03-31-06, 05:41 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 03-30-06, 05:33 PM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 03-30-06, 03:57 PM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 03-30-06, 02:04 PM |
| Re: دكين/حمزاوي/وليد طه/حمد فتح الرحمن .. هل ؟ | Elkhawad | 03-30-06, 02:43 PM |
| Re: دكين/حمزاوي/وليد طه/حمد فتح الرحمن .. هل ؟ | نادية عثمان | 03-30-06, 05:17 PM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-02-06, 01:16 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-01-06, 05:36 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-12-06, 01:37 AM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 03-31-06, 11:48 AM |
| Re: دكين/حمزاوي/وليد طه/حمد فتح الرحمن .. هل ؟ | خالد عويس | 03-31-06, 12:59 PM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 03-31-06, 02:46 PM |
| Re: دكين/حمزاوي/وليد طه/حمد فتح الرحمن .. هل ؟ | Eng. Mohammed al sayed | 03-31-06, 03:05 PM |
| Re: دكين/حمزاوي/وليد طه/حمد فتح الرحمن .. هل ؟ | تيسير عووضة | 03-31-06, 03:58 PM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 03-31-06, 07:22 PM |
| Re: دكين/حمزاوي/وليد طه/حمد فتح الرحمن .. هل ؟ | mutwakil toum | 03-31-06, 07:54 PM |
| Re: دكين/حمزاوي/وليد طه/حمد فتح الرحمن .. هل ؟ | عمران حسن صالح | 04-02-06, 03:21 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-02-06, 05:36 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-06-06, 10:28 AM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 04-06-06, 00:24 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-06-06, 01:48 AM |
| Re: دكين/حمزاوي/وليد طه/حمد فتح الرحمن .. هل ؟ | walid taha | 04-06-06, 05:09 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-06-06, 04:17 PM |
| Re: دكين/حمزاوي/وليد طه/حمد فتح الرحمن .. هل ؟ | حمزاوي | 04-06-06, 03:12 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-07-06, 05:57 AM |
| Re: دكين/حمزاوي/وليد طه/حمد فتح الرحمن .. هل ؟ | عبد السلام أبوشنب | 04-06-06, 03:47 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-08-06, 01:22 AM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 04-06-06, 05:00 AM |
| Re: دكين/حمزاوي/وليد طه/حمد فتح الرحمن .. هل ؟ | تيسير عووضة | 04-06-06, 05:03 AM |
| Re: دكين/حمزاوي/وليد طه/حمد فتح الرحمن .. هل ؟ | hatim | 04-06-06, 05:58 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-08-06, 01:33 AM |
| Re: دكين/حمزاوي/وليد طه/حمد فتح الرحمن .. هل ؟ | hatim | 04-08-06, 02:03 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-08-06, 02:25 AM |
| Re: دكين/حمزاوي/وليد طه/حمد فتح الرحمن .. هل ؟ | Habib_bldo | 04-08-06, 05:01 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-08-06, 07:51 AM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 04-08-06, 03:20 PM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 04-08-06, 04:12 PM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 04-08-06, 04:04 PM |
| Re: دكين/حمزاوي/وليد طه/حمد فتح الرحمن .. هل ؟ | محمد عبدالرحمن | 04-08-06, 04:26 PM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-09-06, 06:10 AM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 04-09-06, 03:03 PM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-09-06, 03:22 PM |
| Re: دكين/حمزاوي/وليد طه/حمد فتح الرحمن .. هل ؟ | walid taha | 04-10-06, 04:55 AM |
| Re: دكين/حمزاوي/وليد طه/حمد فتح الرحمن .. هل ؟ | AMNA MUKHTAR | 04-10-06, 05:13 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-11-06, 08:45 AM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 04-14-06, 06:04 PM |
| Re: دكين/حمزاوي/وليد طه/حمد فتح الرحمن .. هل ؟ | الفاتح وديدي | 04-15-06, 01:58 AM |
| Re: دكين/حمزاوي/وليد طه/حمد فتح الرحمن .. هل ؟ | حمزاوي | 04-15-06, 04:57 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-15-06, 06:51 AM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 04-15-06, 06:42 AM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-15-06, 07:06 AM |
| Re: دكين/حمزاوي/وليد طه/حمد فتح الرحمن .. هل ؟ | DKEEN | 04-15-06, 03:52 PM |
| Re: دكين/حمزاوي/وليد طه/حمد فتح الرحمن .. هل ؟ | ابو جهينة | 04-16-06, 00:47 AM |
|
| |
فيس بوك
تويتر
انستقرام
يوتيوب
بنتيريست