الاخوة النظارة ليس مرجعي فيما كتبت في سابقات الايام مقتُُ ُ لفصيلةِ النساء..اوتهميش لدروهن في عموم الحياة..
انهن عزيزات لو تعلمون وقد تم تكريمهن سلفًا- وسحب البساط من القائلين بغير ذلك - من عند الكريم مانح المكارم.. وليس ثمة من له مثل ماعندي من عزيزاتٍ ُمكرماتٍٍ بافكارٍٍ ناصعةٍ لاشوائب فيها ولا نفاق.. والشاهد في ذلك احباء هنا ومنذ ايام الدراسة.. اقول قولي هذا لان بعضهم اختلط عليه حابل حديثي عن آمنة وتراجي بنابل قناعات قديمات ُمرتبطات باسمي.. سادتي ان بعضن النساء نشذن عن سبيل الرشد الى سبيلٍ يسئن به الى غيرهن من نساء الخدور .. اختلطت الدرب عليهن في دروب النضالِ وهن في نفاقٍٍ مقيم.. استوين على رايٍ عامٍ لايعلمن ان استوائهن عليه خطرُ داهم.. فحملن ما حملن من شعاراتٍ لاتقوى سواعدهن على حملها.. وحملن ما حملن من تراثِ نساءِ الحلة الى قضايا العمل العام.. فجئن بافكارٍ خواء ..واعتور الجهل غالب حديثهن ذي الفراغات .. وجئن بالبطن الغريقة وفش الغبينة والفشخرة وحب التصوير والمصورات وماالى ذلك متاع نساء الحلةالى ساحات منابرٍ عامة في مواضيع محسوبة على احوال البلاد.. يسلكن مسلكا به ينحدر الجميع الى هاوياتٍ لاتشبه جيل من عرفنا من نساءٍ النضالِ والسيرة الحسنة التي لا لبس فيها ولا اعتوار.. يسئن بجهلهن بصورة او باخرى الى سيداتٍ اعضاء وغير اعضاء نفاخر بهن الشمس .. لااعيب بقولي هذا على احدٍ جهله انما الجاهل في ذمتنا ..ولكني في اسىً دائم على انحدار مستوى الطرح في بوستات ُمفترض انها لقضايا الوطن.. والجاهل في سوق لحافات وشراشف ليس كالجاهلِ من منبرٍٍ عام ُيحسب على الجميع ..
معذرةً هذا البوست ليس للتعقيب وانماإهداءُ ُُُالى اخي عوض هارون والي محسن خالد وقرجة والي الذين يعلمون ماخفي من دلائل المكتوبِ جهرةً ولم يتسألوا لفرط ماعلمو.. ام سهى ووجن وشايننق وتيسير وزينب ونحوهن..
03-23-2006, 10:16 AM
هضيبي علي سعيد هضيبي علي سعيد
تاريخ التسجيل: 03-02-2006
مجموع المشاركات: 791
.. . دكين اللميع زرتنى فشوهت على بعض بوستاتى المقدسة وهانذا ارد اليك الزيارة .. .. . دعنى انقل بعض مما وضعته فى العراء هنا..
Quote: تبلدينا
من المؤكد ان النشأة كانت وسط حريم.. اراك فاتذكر بوافر الصبر نورة بت الامين.. كانت تجيد الغمز والمطاعنات..
ماعندي مشكلة اتقبل منك جميع ما لديك.. واعلم انك ما بتسويها كماالرجال وتختها لي في وشي .. معذور ..فالجية بي ضهر الدرب الوراني حركات نسوة تلوت الليل..
ومعليش انا ما كنتا عارف انو عيد المرة يوم 8 مارس.. وشايفك حافظو وعارف تاريخو.. اهو كل زول بختار طريقو..وبعرف اعيادو..
Quote: تبلدينا من المؤكد ان النشأة كانت وسط حريم..
وأنت الصادق .. 3 تستحى الشمس من شوفتن فى شروقها لقد كن 4 ( انتقلت احداهن لرحمه الله وهى السنة ثالثة الجامعية) ( بالله شيل ليها الفاتحة وربنا يتغمدها بواسع رحمته) عارف ديل كانن لمن يسمعن حركتى وانا داخل بجن بجارن - حباً وإحتراماً- الشايلة العصير والبتنفض السرير والبتدخل تجهز الغداء والله انا كن جيت مسافر يبكن وكن جيت من سفر يبكن وانا بكتب ليك الكلام دا بتذكرن عايز ابكي عاد شنو ما اتربيت فى وسطن (الحريم ديل) اتعلمت احترمن .. وأنصحن .. واسمع شكواهن.. بقرأ حتى جوابات المكسرين فيهم آها دى انت بتسميها شنوفى قاموسك البذئ !!؟ ( قاموس دوضحوية للبذاءة والاساءة النسوية) انا غايتو بسميعها صراحة وثقة .. وحاجات كتيرة .. والله لمن اتقدموا ليهم اولاد الحلال تصدق يا ديكو كنت بينى وبين نفسي ما عايز الزواج يتم لانى بالجد كنت حاسس حافقدن ودا الحصل !!؟ فاقد ونستن .. مشاغلاتن .. لمة غداهن .. نظافة غسيلن ومكوتن لهدومى ضجة البيت بوجودن .. لمعان الستاير فى غرفن..رشة الحوش فى مسائن وتتصور قمة الماساة كانت اننى لمن اتمكن من حضور زواج اثنين منهن كنت مثلك تحت امرة ( الكفيل ) وبطاقة آل سعود الخضراء. عارف يا دكين شاينغ .. اكتشفت انك عندك انفصال شخصية حب النجومية والأضـواء وحب الظهور و( حبيب روحى ابولمعة) اتلمع لكن ما علينا .. باقلا الكلام فى الخور
نورا خيت الغلابة تدى للجيعان لقيمة وتدى للعطشان جغيمة وتكسي فى الماشين عرايا وفوقها يتقطع هديمه ما عرفتن نورا انتن شـّن عرفتن هي .. دى (نورا) السودانية الأصيلة الانا بعرفها لكن نوره بت الأمين دى بتعرفها انتَ دورها كبيرا فى التأثير عليكـ لانها علمتك القوالة والسواطه..عبر كل الوسائل المتاحة فى ظل ثورة التكنلوجيا..
Quote: ماعندي مشكلة اتقبل منك جميع ما لديك.. واعلم انك ما بتسويها كماالرجال وتختها لي في وشي .. معذور ..فالجية بي ضهر الدرب الوراني حركات نسوة تلوت الليل..
عاد أختها كيف أكتر من كدا.. فى حب ياخوانا زى كدا.. عارف مشكلتك شنو!! انا الوحيد الختيتها وبختها ليك ظاهرة.. أنا الشــوكـ المشَربكـ فى الحَلِق أنا الصاقعة السـَبَق صوتا البرق أنا النايب الجعيص الما بتقيسو وبتلحق أنا الغيظ البياكل فى قليب المابي (كلامي) وبتحرق أرهابك ما لفق معاي .. ودا المجننك ومطلع زيتك. ناس ارهبتهم عديل وواحدين قالو ما بتنهبش جلدك مّر (لكن على منو) وناس صاروا مطبلاتية فى مهرجاناتك وزفاتك البذيئة وبعد دا يا ود أنيسة أنا اتقبلت الفاظ البذيئة ولا زلت وسافعل مياهو كلام وفى الاخر بشيلو الهواء .. لكن الرجال مواقف .. وانت موقفكـ بائن مهما حاولت التبرير وممارسة المداهنة فى الخفاء وشتمهن فى العراء.
Quote: ومعليش انا ما كنتا عارف انو عيد المرة يوم 8 مارس.. وشايفك حافظو وعارف تاريخو.. اهو كل زول بختار طريقو..وبعرف اعيادو
لانو عيد النسوان امى واخواتى وحبيباتى وقريباتى .. انت كمان ما تنساهو ..طيب عشان تتعلم تحترمن وكمان تحترم اخوك الكبير
___ دكين إستار الصعلكة ما كدا.. ربنا يشفيك من جنون العظمة
03-23-2006, 12:01 PM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
قضيتك يا دكين ليست مع النساء وفي ضمنهن تراجي وآمنة مختار
بل هي فردية مع من إختارت بمحض إرادتها أن تكون ظلاً للقـومندان تراجي مصطفى و سكرتيرتها والناطق الرسمي بإسمها و بودي قاردها
نصيحة لوجه الله يادكين : ما تسلم خصمك السلاح المشتهيهو، ما تنسى إنو تكتيك آمنة مختار الأساسي هو تأليب النساء عليك وعلى تمبس عشان كدا ماكانت صدفة أبداً إنزالها للبوست المعلوم في الثامن من مارس لا قـبله ولابعده
03-23-2006, 03:27 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
Quote: ما تسلم خصمك السلاح المشتهيهو، ما تنسى إنو تكتيك آمنة مختار الأساسي هو تأليب النساء عليك وعلى تمبس عشان كدا ماكانت صدفة أبداً إنزالها للبوست المعلوم في الثامن من مارس لا قـبله ولابعده
أصدار البوست ( اياه) كان
فى التاسع من مارس !
ترى هل هو (المسيخ ) الدجال !!
03-23-2006, 03:41 PM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
يادكين أرجو أن تطالع ما قليته لك في روية بلا إنفعال ولا تمنح الآنسة كابتل ليترز السلاح الذي تسعى لإمتلاكه وتسخيره وتوسيع الجبهة بكل الوسائل : مرة نساء المنبر ومرة شراقوة !
03-23-2006, 03:46 PM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
أبنت رأي في هذا الأمر بما يغني عن أية إضافة أكتفي بما قلته تاركاً آمنة مختار التي كذبت في تاريخ إنزالها لبوستها الموجود حالياً في قسم " منبر للأعضاء " و أنصرف
03-23-2006, 11:45 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
الأخ كوستاوي تحياتي ، سيكون أفيد للقراء لو تبرعت حقاً بجلب تاريخ البوست المعنون :" ما بين تمبس ودكين..... الفتونة على المرأة فى عيدها " حتى يحسم هذا السجال عديم الجدوى
03-24-2006, 01:21 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هضيبي علي سعيد
Osman M Salih
AMNA MUKHTAR
saadeldin abdelrahman
Kostawi
وجن
فيس بوك
تويتر
انستقرام
يوتيوب
بنتيريست