نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
احتفالات تجمع الكيانات أي المؤتمر الوطني بالرياض بمناسبة الاستقلال
|
أنطلقت البارحة 28 – 2- 2006 م احتفالات السفارة السودانية بالرياض باليوبيل الذهبي لاستقلال السودان . وقد كانت البداية في فندق هوارد جونسون بحي العليا .. الحضور : كان حضورا : 1 - كل طاقم السفارة ، وعددهم يفوق الثلاثين . 2- عضوية المؤتمر الوطني ، ورديفه تجمع الكيانات ورابطته الرياضية. 3- بعض عضوية جمعية المحبة والسلام لنساء جنوب السودان . 4- فرقة براعم أمل السودان ، مع قيادة الفرقة . 5- بعض المراقبين والفضوليين . حاولت حصر العدد في فترات مختلفة ، فوجدته قد وصل إلى 110 شخص في قمته ، وانحدر إلى 50 شخص بعد تقديم الورقة الثالثة .. بدأ الحفل في موعده المحدد .. من عضوية منبر سودانيزأون لاين : كان الأستاذ هاشم محمد سعيد ( همام ) يبدو كمشرف عام على الحفل يتجول بين الحضور ، يحييهم ، ثم ينصرف ليحادث أحدا من قيادات السفارة ، وكان المهندس صلاح غريبة ( غريبة ) يجلس على المنصة الجانبية والتي تدير زمن الحفل وتوزع الفرص على المتحدثين ، وكان بين الحين والآخر ينزل ليحيي بعضا من جماهيره ، جلس الدكتور كرار التهامي في المقاعد الأمامي وكان هادئا ورزينا ... شارك المهندس إيهاب نميري مغنيا ، وكذلك الأستاذ عمار السنوسي ، وجلست أنا ( ودقاسم ) في المقاعد الخلفية ، ثم جالست الأستاذ محمد عبد الجليل عند نهايات الحفل . ولم ألتق الأخ محمد الحسن عبد المطلب ( محمد الحسن )
|
|
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
في ورقة الاستقلال ، ركّز المتحدث عن أن الاستعمار الثنائي أورثنا عدد من الثنائيات ، عدّ منها ثنائية الحكم ، الثنائية الطائفية ، وثنائية الجنوب والشمال ... وتحدث مطولا عن الطائفية ، وقال أنها كانت تتنافس على بذل الود للإنجليز .. وأشاد بشجاعة السلطان علي دينار وقال أن دارفور هي آخر أقاليم السودان التي وقعت تحت الاستعمار ... ثم تحدث عن أن الاستقلال أتى ناقصا ، والدليل استمرارية هذه الثنائيات . وتحدث عن شهداء كرري مشيرا إلى أن أعدادهم كانت بالآلاف مقابل 48 قتيلا من الجيش الغازي ... وقال أننا قد ورثنا رجولة هؤلاء ، منطلقا من هذه النقطة إلى شهداء الإنقاذ ...
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
ود قاسم لا تبخسوا الناس اشئاؤهم قالوا العدد كان 111 بالله الناس ديل كان قسموا ليهم الخمسين الف دولار الجات من السودان ما كان اخير. يعنى ودقاسم 50000 ÷111 كان جاتك قريب 500دولار فى الايام الحارة دى وكان قربت تخلص ليك مصاريف فدوى..لكن البوامة نسوى شنو عاد..قلت لى غريبة كان يحى المعجبين ،كان عارف كان جيت عشان يوقع لى اوتغراف ..وانا متخيله بى ضحكته البلهاء ديك ويوزع فى البسمات يمين وشمال ويعاين لى جيوب الجماعة. هيييييييييييييييييييييييييييييع على راى سجيمان،،،،
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
كرر صاحب ورقة الاستقلال في نهاية حديثه عددا من التساؤلات حول جدوى الاستقلال مع وجود ما يناقضه ،،، استمرارية الثنائية ، القوات الدولية ، احتراب أبناء الوطن وكثير من هذا .. الغريب أنه لم يتحدث عن ثنايئة العسكر والجبهة ، وثناية المؤتمرين ، وثنائية الفساد والديكتاتورية ... ولم يتحدث عن الثنائية الجديدة الشرق والغرب وهي ثنائية موازية لثنائية الشمال والجنوب ... ولم يتحدث عن ثنائية الضريبة والزكاة ... ثم لم يتحدث عن ثنائية السفارة والمؤتمر الوطني بالرياض ...
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
ورقة المرأة : حيت مقدمة الورقة سعادة السفير وأركان السفارة وحيت حرم السفير ونساء أركان السفارة ورئيس المؤتمر الوطني ورئيس تجمع الكيانات ، والحضور ... وقلت : العارف عزّو مستريح ،،، فلا يوجد حزب أو كيان خارج ما ذُكر ... ثم تحدثت عن أن المرأة السودانية ما تخلفت يوما عن شقيقها الرجل ، وذكرت بالخير مهيرة بت عبود ، وقالت أن الشجعان في بلادنا يطلق عليهم اسم ( اخوان مهيرة ) ... وتحدثت باقتضاب عن التنظيمات النسويةوعلاقة هذه التنظيمات بالنضال من أجل الاستقلال ، ثم انتقلت إلى عهد رجاء حسن خليفة باعتبارها المجددة لنضال المرأة على أسس رسالية ..
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
ثم قدّم الدكتور الأصم ورقة عن الشعر ودوره في الاستقلال ، فتحدث عن خليل فرح وقصيدة : نحن ونحن الشرف الباذخ دابي الكر شباب النيل وقال أن الخليل أسمى المصريين نزلاء ، أي أنهم ضيوف واعتبرهم شهود لا مستعمرين : يا نزلانا امرقوا الذمة كيف ينطاق هوان الأمة ثم انتقل إلى الدور الذي لعبته مدينة أم درمان في تأجيج النضال ، وذكر حادثة الإرسالية والمظاهرات التي أعقبتها ، وقال أن قصيدة التني كانت بداية لإشهار اسم السودان الذي كان ممنوعا ترديده : في الفؤاد ترعاه العناية بين ضلوعي الوطن العزيز وقال أن القصيدة كانت تنم عن وعي عميق وبعد وطني وإلمام بحدود الوطن ووحدة شعبه ..ثم تحدث عن قصيدة عزة في هواك للخليل أيضا .. ونادى بوحدة السودان والسودانيين والحفاظ على الوطن متمثلا بالبيت : جدودنا زمان وصونا على الوطن علي ترابو الغالي الما لي تمن وحقيقة كانت هذه الورقة شيقة للغاية ولقت استحسانا من غالبية الحضور ...
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
والورقة الأخيرة كانت عن الموسيقى ، وقدمها شخص متخصص في الموسيقى العسكرية ، وهو أستاذ في معهد حرس الحدود ... وقد تحدث عن المارشات العسكرية ، وقد أطلق على بعضها اسم ( الجلالات ) وقال أنها أخذت هذا الاسم من ( لا إله إلا الله ) .. وتحدث عن الطمبور على أنه آلة لكل أهل السودان ، وأنه عامل توحيد ، وأنه أصل السلم الخماسي الذي اشتهر به الموسيقى السودانية ... أعيب على هذه الورقة أن مقدمها لم يقم بالإعدادات المناسبة لتقديم نماذجه ، فكان يترك مكانه ليقوم ببعض الإعدادات ويأخذ وقتا طويلا مما كان مبعثا للملل .. كانت غالبية المقاعد خاليةأثناء تقديم هذه الورقة ...
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
وكانت مشاركة براعم أمل السودان ، والفنان إيهاب نميري ، برفقة الموسيقار وليد آدم ... وبنفس الزي الذي دفع الملتقى السوداني تكلفته ، أدت الفرقة يا وطني يا بلد أحبابي ... ولاحظت أن الفرقة حاولت تأدية الأغنية وحركة البراعم بطريقة مشابهة لتلك التي قدمها بها براعم جمعية التراث في احتفالات الملتقى السوداني بالخرطوم عاصمة الثقافة العربية 2005 ... ووقف كل الذين كانوا يجلسون في المقاعد الأمامية منتشين ( يهزون ) ( ويبشرون ) ، وفي المقدمة سعادة السفير والملحق العسكري ومدير الجوازات وقيادات المؤتمر الوطني وتجمع الكيانات .. وكانت المقاعد الخلفية شبه خالية ... أعقب ذلك الفنان عمّار السنوسي ، وقد أدى بعض الأغالني الوطنية أيضا ، وقد شاركه الحضور بالتبشير والعرضة ، وكنت ضمن الذين حيوا الفنان عمار السنوسي ، ثم حييت ( مبشرا ) الجالسين في المقاعد الأمامية ...
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
ملاحظات عامة : قابلت هناك الأخ نجيب عبد الرحيم ، ودخلنا في حوار جانبي ، كان إيجابيا .. التقيت نسيبي وصديقي د. سيف الإسلام سعد عمر ، وجاره الأستاذ أحمد التجاني ... كما التقيت د. محمد نور رئيس تجمع الكيانات .. الأستاذ أحمد يوسف القنصل العام لم يكن في ( المود ) العادي .. رأيته من بعيد يسلم ويجامل بعض الحضور ... الملحق العسكري الطيب المصباح كان يقوم مقام أبو العريس ... والسفير أيضا ما قصّر .. صافحت همام وصلاح غريبة ، والتقيت زميلي محمد عكاشة .. لم ألحظ وجودا متميزا لجمعية الصحفيين ، ولا سودانيزأون لاين .. لم نجد كاسات لنشرب بها الشاي ، ويبدو أن همام قد قضى على كل شيء فهو دائما كان يحمل كأسا في يده رائحا أو غاديا ، وتفتقت عبقرية الأخ محمد عبد الجليل عن أنه يمكننا إفراغ كاسات الماء ثم استخدامها لشرب الشاي ، فتوفر لنا المخرج .. كان مقدم البرنامج في كل مرة وكأنه يقدم لي دعوة للتثاؤب ، وكان صلاح غريبة يكتب الأوراق بالزمن المتبقي للمتحدثين ثم يقوم بتسليمها ، يعني ( شيلوك وش القباحة ) يا صديقي ... اللوحة الجدارية بقيت خلف الجالسين ، ولم يتم تثبيتها في واجهة المسرح ، وقد تشير بوضوح إلى ان الاحتفال هو احتفال السفارة السودانية بالرياض بمناسبة اليوبيل الذهبي للاستقلال ..
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ahmed haneen)
|
Quote: وجلست أنا ( ودقاسم ) في المقاعد الخلفية |
وانشاء الله عديت صحون العشا .. عشان نقدر نحدد مقدار المال العام المهدر .. ولا كنت مطبق ساتر .. يا ربي .. !!
بالتأكيد فرصة نادرة أن اراك في الصفوف الخلفية .. انشاء الله تكون صورت لينا اللقطة دي .. رغم ( فهمي الضيق ) انه الصف الاول والصف الاخير .. الاتنين بثبتوا الحضور والمشاركة في ( احتفالات تجمع الكيانات أي المؤتمر الوطني بالرياض بمناسبة الاستقلال ) ولا يكون يا ربي .. الصف الاخير .. معارضة ..!ّ!!
ايهاب نميري .. يا عمك .. الليلة مهندس وبكرة كومر .. كان تزيد البيز شوية .. عشان الصف الاخير يجيك طاير وفاكي الزراير ..
استغفر الله ..
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
Quote: حاولت حصر العدد في فترات مختلفة ، فوجدته قد وصل إلى 110 شخص في قمته ، وانحدر إلى 50 شخص بعد تقديم الورقة الثالثة |
بما أن صالة الفندق كانت مستأجرة بنظام المحاسبة على أساس العدد يعني (per head)) و حتى يتحقق مدير الحفلات بالفندق من عدد الحضور و من ثم يحرر الفاتورة ، حضر للصالة بنفسه حوالي الساعة 10:40 مساء و قام بحصر عدد الكراسي الخالية في قسم الرجال فقط فكانت 22 كرسي من أصل 305 كرسي (250 كرسي + 30 كرسي أمامي لكبار الضيوف) ، يعني الحضور كان في تلك اللحظة 282 شخص. حسب علمي كان الاتفاق مع الفندق على 250 فقط رجال و نساء ، على أن يتحمل الفندق هامش 20% زيادة بدون تكلفة إضافية.
هذه المعلومة ذكرتها لود قاسم حينما اتصل بي ظهر اليوم الأربعاء،وتوقعت أن يوضحها و لكن.....! ها هو يضيف قائلا :
Quote: لكم الشكر على متابعتكم ، وما عرضناه هنا هو الحقيقة ... |
هذه هي الحقيقة يا ود قاسم؟؟؟
ود قاسم لم تحدد لنا ..حتى الآن من هو المراقب يوم غد الخميس عشان نساعده في التعداد!!!!!!!!!
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: hamam)
|
يا همام .. الراجل قال ليك عداهم .. والمؤمن صديق .. بعدين الزول دا ماشي ( للعد ) دا مخصوص .. نظام غواصة وكدا .. حتي ممكن يجي يزكر ليك كل واحد كان لابس ( لباس ) لونو شنو .. لانه شنو يا همام .. الزول دا عالم ببواطن الامور .. تفتيحة يعني وكدا .. والعدد القالوا دا .. بكون صاح .. ممكن يديك احصائية رسمية .. لانه وهب حياتو .. للهم الوطني .. فيجب عليه الا يترك حفلة او ندوة او ملتقى ( نسائي او علاقي ) الا ويناضل فيها .. ويعدو عدا ..
والراجل يهمشو .. شوف بعمل فيهو شنو .. هيع .. اخوك يا ريا .. ( وش بتاع زول ناطي لفوق )
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: مهدى الصادق السيد)
|
يا مهدي .. عشان ما نخش في مواضيع جانبية .. لمن يجي واحد يعمل فيها مفتح .. ويطلع ليك في راس بيتكم .. علي الاقل بتسأله انت طلعت بوين .. مش كدا .. ووينك انت لمن قال فينا ود قاسم ما لم يقله مالك في الخمر .. بتجوا ناطين .. بس لمن نفتح نحن خشمنا .. انتو الزول دا ازا بتخافوا منه .. انا عندي كبير الله .. واتخيل لي دا منبر مفتوح للنقاش .. ازا ما عاوزننا نرد عليهو .. اعملوا ليهو جريدة حيطة .. وعلقوها ليهو في اي كوشة .. !!!
انا حقي ما بخليهو .. ودا جزء من النضال الوطني بتاعي .. ولحدي هنا نقاشنا انتهى .. !!!
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: Ahmed Abdallah)
|
احمد عبد الله .. واخلي الرعية دي لمنو .. بعدين يا حبة انا جني وجن البرد .. وواشنطن دي في زمتك بتقدر ترعى فيها كدا .. شى ملتقى وشي معارضة وكركدي سفارة ( وشاي بدون كبابي ) .. ياخي بلدكم دي قمة التهميش .. هنا حاجاتنا محصورة .. تمشي تتفسح وتتونس بالليل .. تجي الصباح تناضل في البورد ..
علي الحرام ما فارقة معانا .. الا ضل شجرة وجريدة رياضية ..
بس شكرا علي الدعوة .. ممكن بكرة الصباح انزل بوست .. اسميهو .. تجمع مناضلي ( هش هش بس ) بواشنطن يدعوني لتفقد منشآته وحضور المؤتمر التأسيسي الاول ووضع حجر الاساس لروضة ماما علوية شمال واشنطن .. وعليكم الله كتروا من كبابي الشاي .. والبطاطين .. !!
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
ود قاسم
يا خال
ارجوك واصل عدم اكتراثك لخربشات الموهومين
حميدة
انت طايرة ليك شكلة في رأسك ولا شنو ؟؟
بعدين الجابك راجع شنو انت مش قلت مغادر العفن دا حسب تعبيرك
Quote: اغادر سودانيزاونلاين .. بكل عفنها وصخبها وكبوبها ورمادها ..
واتمنى الا اذكر .. لا بخير ولا شر .. |
الجابك راجع للكبوب والرماد شنو
يا ود يا مش كبوب ورماد
تخريمة
ضحكتني كلمة الأ اذكر بخير ،، قرقرقرقر
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ahmed haneen)
|
احمد حنين .. صديقي الديمغرافي ( وش بتاع زول مادي لسانه ) .. البورد دي يا عزيزي .. زي راكوبة مريوم ست العرقي .. مباح ليك فيهو تتحدث بأي لغة .. وتقول اي كلام .. في زمتك لو ما فاكة ساي الزيك دا كان لقى ليهو حتة يبصم فيها .. و أهو بنساعد في مسألة الحراك الاجتماعي .. وبنحاول نلعب معاكم .. شد و اركب .. عارف يا عزيزي مرات قاعد ازعل منك .. ( اعمل ليك قيمة يعني ) .. بعدين اقوم استغفر الله .. و أتف علي يميني .. واضحك .. ما برضو القومية السودانية .. بتحتم علينا نقبل اي زول بطبعه .. مسالة الروتس دي .. لو فهمناها بنقدر نطبق نظرية التعايش السلمي .. يعني والله لو دققت في الحتة دي انا .. زولك دا زاتو ما كان زعلت منه .. و زي ما قال اخوانا في شمال النيل ( سلو بلدنا كدا ) .. لو اكتشفنا بعضنا .. وفمهنا بعضنا .. وعرفنا ( سلو كل بلد ) .. أكيد أكيد .. بنلقى العزر .. او اضعف الايمان .. الزول من الاول بكون عارف .. !!!!!!
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
يا خال صباحاتك بطعم البن الحبشي
قلتا لي البحر بعدي الرمم
والجمل ماشي والكلب ينبح
لكن دي سياسه غلط
اذا كان الرمة اصلا متعفن قبل الموت وانت عملت ليها قيمة
واذا كان الكلب لا يترك طبعه اصلا
ان تحمل عليه يلهث وان تتركه يلهث
او كما قال
لو كل كلب عوي القمته حجرا لأصبح الصخر مثقالا بدينار
هذة السياسه ياخال لن اتبعها بعد اليوم
حتي لو احتكر كيزان المنبر كل الأحجار
ممكن نجيب احجار دولية مع القوات الجاية دي
وممكن نقطع ضنب الكلب لو ابا ينعدل
لكن
صمت بعد دا مافي ،، علي قلة ادب الهلافيت والكرور
| |
|
|
|
|
|
|
Re: احتفالات تجمع الكيانات أي المؤتمر الوطني بالرياض بمناسبة الاستقلال (Re: ودقاسم)
|
حميدة يا فردة جناحي التانية لما الناس تطير لي عالما (يا حليل علاء الدين ): إتخيل معاي كده إنو البوست ده ما كان إتفتح .. أها يقووووووووووم همام الله يديهو العافية يجي يفتح بوست ويكتب فيهو الحضور.. أها يقوووووووم كده صلاح غريبة يجي يفتح بسوت ويقول فيهو (وشرفنا ود قاسم).. أها يقووووووووووم كده يجينا محمد الحسن ويكتب(وإزدان الفندق بحضور ود قاسم).. أها اخونا ده كان موقعو من الإعراب حا يكون شنو من الناس المقاطعين المنتجات الدنماركية دي ..!!!!!! محمد ود عبد الباقي زول حريف يا عمك وعامل زي المصريين .. المصريين يا مان لمن الناس هنا قاطعت المنتجات الدنماركية والنيدو كان باير في بندا والعثيم يا مان اصحابك ما قصروا وقالوا بلا مقاطعة بلا بطيخ ومشوا إشتروا اللبن بي الكراتين وبي تراب القروش.. أها يا مان لمن ناس إسماعيل وراق يقاطعوا وناس احمد حنين يقاطعوا وناس صديق الموج يقاطعوا معناها الطريق للسفارة بقا فااااااااااضي وزي لبن النيدو .. اها أحسن حاجة يا مان تمشي تبشر للصفوف الأمامية دي برااااااااااااااااااك وتجي بكريتو تكتب من الدغش عشان ما الناس تشيل حالك .. والله يا مان إنت زول ما بتفهم بس !!!! مفروض تصفق لي محمد ود عبد الباقي لأنو زول زكي وبيعرف من وين تأكل الكتف !!!!! عمر الفاروق في حالة تصفيق داوي لذكاء محمد ود عبد الباقي..
| |
|
|
|
|
|
|
|