|
|
 اعتذار لكل ابناء الطريقة الختمية بالمنبر
|
اتصل بي احد الاخوة من السودان زعلان , سبب زعله ان الناس في السودان بقولو انا بسب شيخ الطريقة الختمية السيد محمد عثمان الميرغني.
اولا اوضح الاتي
انا لم اسب السيد محمد عثمان يوما واحد , كل ماقمت به انتقدت سلوك السيد محمد عثمان مع الاتحاديين ومطاردته لهم
ثانيا
السيد محمد عثمان عضو في الحزب الاتحادي يحق لاي عضو في الحزب ان يوجه نقده للسيد محمد عثمان قولا او كتابة
ثالثا
يجب ان نفرق بين السيد محمد عثمان الاتحادي والسيد محمد عثمان شيخ الطريقة الختمية , لايحق لاي انسان ان يتحدث عنه في ادارته للطريقة
رابعا
يكن معلوما للجميع انا مجهز كل اهلي لاستقبال السيد محمد عثمان عند عودته كل ناس غرب الجزيرة
ومن المطار يرجعو بلدهم
خامسا
من يومي هذا لن اتعرض للحزب الاتحادي المرجعيات
|
|
 
|
|
|
|
|
|
|
|
Re: اعتذار لكل ابناء الطريقة الختمية بالمنبر (Re: Muna Khugali)
|
| Quote: يكن معلوما للجميع انا مجهز كل اهلي لاستقبال السيد محمد عثمان عند عودته كل ناس غرب الجزيرة |
كلهم؟
والناس ديل بتجهزهم كيف؟
ديل بشر يا سيف مساعد ما صحن فول.
وبعدين الختمية والإتحاديين في مناطق الجزيرة والنيل الأبيض كان ماشين يقابلوا السيد محمد عثمان الميرغني في المطار بستنوك انت يا سيف مساعد عشان تجهزهم؟ طيب وكت انت بتقدر تجهز الناس ديل كلهم ما تجهز لينا اعتذار سجيان بالمرة وتريحنا أين اعتذر سجيمان يا سيف مساعد؟ ولا يدك لسه ما غسلتها من الحنة يا عريس
الصاوي
| |
|
|
|
|
|
|
|
|
|
Re: اعتذار لكل ابناء الطريقة الختمية بالمنبر (Re: elsawi)
|
السلام عليك أخي سيف.
أولا أهنيك على روح الاعتراف الجميلة هذه وإن شاء الله تتوفر وسط الشارع الاتحادي حتى يعتذر كل مخطئ لمن أخطأ في حقه, وفعلا الختمية يتأذون بكل شين يوجه إلى مرشدهم فلك الشكر على المبادرة.
قلت: | Quote: سبب زعله ان الناس في السودان بقولو انا بسب شيخ الطريقة الختمية السيد محمد عثمان الميرغني. |
* الحمد لله إنك سمعت لمن نقل لك قول ناس السودان. وأضيف بأن الناس أين ما كانوا يقولون ذلك.
* العبرة بما يفهم الناس مما تقول لا بما تعتقد أنت, فالكلام وسيلة تفهيم فإذا أدى إلى غير ما تنويه فأنت تتحمل خطأ العبارة وتبعاته. أقول هذا لأنك قلت: | Quote: انا لم اسب السيد محمد عثمان يوما واحد , كل ماقمت به انتقدت سلوك السيد محمد عثمان مع الاتحاديين ومطاردته لهم |
* قلت: Quote: ثانيا
السيد محمد عثمان عضو في الحزب الاتحادي يحق لاي عضو في الحزب ان يوجه نقده للسيد محمد عثمان قولا او كتابة
ثالثا
يجب ان نفرق بين السيد محمد عثمان الاتحادي والسيد محمد عثمان شيخ الطريقة الختمية , لايحق لاي انسان ان يتحدث عنه في ادارته للطريقة |
السيد محمد عثمان هو رئيس الحزب وشيخ الطريقة وهو غير معصوم وليس الخطأ مبدأ الانتقاد إنما الخطأ هو كيفية الانتقاد, وهذا هو الذي يثير حفيظة أتباع الطريقة, وسببه التشهير الذي ينتهجه خصوم السيد داخل الحزب وخارجه, وكيف للإنتقاد أن يكون سبابا لولا فقده لقيم النصح والإرشاد للصواب.
أحسب أن إعتذارك فيه ذوق لطيف حتى ترضى عنك أنفسٌ حنقت عليك, وأرى أنه يجدر بك هنا بأن تعتذر للسيد شخصيا حتى يزول ما يحتمل أن يكون قد علق بنفسه تجاهك إبراءاً للذمة أمام الله, فمن يخوض في ذكر أحد بما لا يرضى, خلاصه في أن يسترضي صاحب الحق أولاً.
** أقول أنت الآن أمام مهمة شاقة ولكنها بالمثابرة ممكنة فتخريب العلاقات سهل وإصلاحها صعب عليه نرجو التعالى على من يحاول الشماتة والسخرية ممن لا يرون فيما قلت سابقا سبا.
** ما ختمت به يوحي بالتقاضي أو التعامي وهذا غير صحيح إلا أن يستوى الانتقاد والسباب فلا يفترقان في شيء, الاتحادي يحتاج بنيه جميعا ويحتاج انتقادهم لما يرونه خاطئا حتى يُصحح ولكنه لا يحتاج ما يفهمه بعضهم سبابا.
لك التحية آخراً وأعتذر عن تطاولي للنصح ولست له أهلا.
| |
|
|
|
|
|
|
|
|
|
Re: اعتذار لكل ابناء الطريقة الختمية بالمنبر (Re: خرماج)
|
خرماج
سيف العريس
مرحبا بك فى وجهك الجديد القديم
لكن على ما يبدو ما براك
اكيد شفت ليك رؤية
ياتو رؤيه
ووجهي اتحادي لم يغير غط
واجهت كل انسان بصادق القول بوجه واحد لم اداهن او اظهر خلاف ما ابطن , ولا ابحث عن ارضية لكي اقف عليها
وما زلت عند موقفي من كل من تلاعب باسم الحزب
| |
|
|
|
|
|
|
|
|
|
Re: اعتذار لكل ابناء الطريقة الختمية بالمنبر (Re: saif massad ali)
|
سيف الدرب الإتحادى الخاتى العوج حفيد عوج الدرب
أبو الأمورة روضة حفيدة هتلر الآتى من نواحى ألمانيا والنمسا
إليك ، من بعد الود الصافى ، المشهد التالى بينك وبين بعض منهم :
أنت :أود الإعتذار للختمية عن إنتقادالسيدمحمد عثمان ..
ختمى خريج المعهد العلمى : فيم الإعتذار وأنت لا زلت سادراً فى "غيك" القديم يا مأفون ؟؟
أنت :انا لم اسب السيد محمد عثمان يوما واحد , كل ماقمت به انتقدت سلوك السيد محمد عثمان مع الاتحاديين ومطاردته لهم.
ختمى تاجر من البسابير : تنتقد سلوك السيد ؟؟؟ وهى الشتيمة كيفنها.
أنت :السيد محمد عثمان عضو في الحزب الاتحادي يحق لاي عضو في الحزب ان يوجه نقده للسيد محمد عثمان قولا او كتابة
ختمى أبو لياقة مزررة : عضو ؟؟؟ عضو ؟؟؟ عضو فى عينك يا قليل الأدب!!!
انتهى الفصل الأول
لكن ده كلو هين يا "عريس" ...... عملت شنو فى اعتذار سيجيمان ؟؟
دى زرزرة أخير منها زرة "الخيات" يوم الوقفة !! من بوست لى بوست ... حاجة "تحنن" !!
| |
|
|
|
|
|
|
|
|
|
Re: اعتذار لكل ابناء الطريقة الختمية بالمنبر (Re: saif massad ali)
|
و الله يا سيف مساعد أخوانا الإتحاديين ديل ناس صادقين و أمينين، و انت زول كضاااااااب ما بتشبهم و بي كضبك ده بتسئ ليهم .... و يا أخوانا عشان تعرفوا انه الراجل ده كضاب و أنا ما بهتوا ساكت ادخلوا هنا أين اعتذر سجيمان يا سيف مساعد؟
المشكلة انك ما بتسئ فقط لي حزبك بالكذب بل أيضاً بتسئ لي ناس الجزيرة و لي أهلك بي كلامك ده| Quote: يكن معلوما للجميع انا مجهز كل اهلي لاستقبال السيد محمد عثمان عند عودته كل ناس غرب الجزيرة ومن المطار يرجعو بلدهم |
ديل ناس يا سيف مساعد نااااااااس ما صحن فول ولا شنطة سفر عشان تجهزهم، و كلامك فيه تحقير لي ناس غرب الجزيرة لأنك بتصورهم كأنهم قطيع ضأن بتحركهم أنت بالريموت كنترول من المانيا للمطار و بالعكس مباشرة بعد مقابلة السيد محمد عثمان.
تعرف كلامك ده أوحى لي بي بوست جديد ايه رأيك نسميه
ناس الجزيرة بشر ما شنطة سفر
ولا أقولك أحسن نسميه
الفهم المتعالي في تجهيز الأهالي (سيف مساعد نموذجاً)
برضو محتمل يكون العنوان
ابو حنة و ضريرة يجهز ناس الجزيرة
ترقبوا البوست قريباً اذا سمح الوقت، و إذا لم يسمح سأوكل المهمة لكوستاوي فهو أكثر عكلتة مني.
لسه منتظرك بي هناك و شايف الأخوان ما مقصرين في الرفع.
الصاوي
| |
|
|
|
|
|
|
| |
saif massad ali
Ahmed Abdallah
Muna Khugali
elsawi
محمد ميرغني عبد الحميد
Kostawi
محمد امين مبروك
فيس بوك
تويتر
انستقرام
يوتيوب
بنتيريست