|
Re: TO WHOM IT MAY CONCERN .... (Re: سلمى الشيخ سلامة)
|
سلمى الشيخ سلامة ازيك ياغالية كل سنة وانت بخير وعافية وحب وتفاؤل وينك ووين اراضيك ... مشتاق ليك ولي حكي كثير من زمن آخر مرة اتشاوفنا سلمى كلامك واقعي وموجع في نفس الآن ... امكن عشان انتي مشيتي وشفتي بي عينك .... عارفه مرات بحس انو انحنا البره التاريخ امكن حجم الجمال والزمن السمح كان اكبر من حجم انو نواكب حركة التغيير ، مرات بحس انو من شدة الكان ما جميل احنا المكنكشين فيهو بي يدينا وسنونا عشان ما نصحى لي واقع انو الراهن جاف زي صقيع بلاد الله البعيدة دي ... عارفه بقيت مرات المس اطرافي عشان اتاكد انو انا ما اتخشبته وجفت الحاجات جواي زي الشدر هنا الغريبة انو شدر البلد عنده موسم بفرهد فيهو !! سلمى الموجع اكثر ما انو الشباب هناك بقو بفكروا او عايشين كيف ، المشكلة بقت في الحبنيناهم وحلمنا انو (الدنيا مازالت ندية) كل شاة بقت معلقه من عصبته ، حتى لما تفتح دكان الدفو جواك وتحاول تتواصل معاهم بتلقى بعضهم بنفر وكانك فتحته دفتر ذنوبهم ... عارفه يا سلمى كانت الحاجات حلوه الشعر الغنى القصة البنات معنى الدنيا في لمة الناس وبهجة ضحكهم رغم الظروف الكانت صعبة ، حتى الحب كان ليهو طعم مختلف طعم انتماء بعيد عن قسوة الواقع ، من غير حسابات ، قمة السعادة كانت في لمة حبيب وحبية في حفلة لي عقد الجلاد او عركي ، المتحف وعتباته ، وقاعة الصداقة ، البوش في الجامعه والقعاد في ضل الشجر (لا كلينا لا ملينا)، عارفه البعض مرات بعاين ليك بي عين الدهشة لما تحكي عن زمان وكانو الواحد عاش قرن !!! الصراع من اجل البقاء بقى سنة الحياة ... عارفه اخر مرة كتبته يا سلمى ايامك وايام الاتحادي الدولية ... والسبب بسيط انو زمان كان ممكن نقعد نتكلم واكتب معاك ... وكان في البتقدر تكتبو لكن الشتات كان ضريبته غالية .. حتى اللغة يا سلمى بدل ما تشتاق للبلد والشوارع بقى ابسط الايمان انك تلاقى زول تنظر معاهو ويفهم انته بتقول في شنو ... لمى كلامي ما احباط ولا قرفة لكن محاولة متواضعة لتلم صورة قاتمة ومرهقه ابقي عافية وكان الله مد في العمر بنتلاقى ... محبتي
|
|
|
|
|
|
|
العنوان |
الكاتب |
Date |
TO WHOM IT MAY CONCERN .... | Aymen Tabir | 02-13-06, 06:45 PM |
Re: TO WHOM IT MAY CONCERN .... | Aymen Tabir | 02-13-06, 08:36 PM |
Re: TO WHOM IT MAY CONCERN .... | Aymen Tabir | 02-13-06, 08:53 PM |
Re: TO WHOM IT MAY CONCERN .... | bayan | 02-13-06, 09:03 PM |
Re: TO WHOM IT MAY CONCERN .... | Aymen Tabir | 02-13-06, 09:27 PM |
Re: TO WHOM IT MAY CONCERN .... | Tragie Mustafa | 02-13-06, 09:29 PM |
Re: TO WHOM IT MAY CONCERN .... | Aymen Tabir | 02-13-06, 09:37 PM |
Re: TO WHOM IT MAY CONCERN .... | Muna Khugali | 02-14-06, 00:15 AM |
Re: TO WHOM IT MAY CONCERN .... | Aymen Tabir | 02-14-06, 09:16 PM |
Re: TO WHOM IT MAY CONCERN .... | Soumeta | 02-14-06, 03:15 PM |
Re: TO WHOM IT MAY CONCERN .... | Aymen Tabir | 02-14-06, 09:10 PM |
Re: TO WHOM IT MAY CONCERN .... | سلمى الشيخ سلامة | 02-15-06, 09:45 AM |
Re: TO WHOM IT MAY CONCERN .... | Aymen Tabir | 02-15-06, 06:36 PM |
Re: TO WHOM IT MAY CONCERN .... | Aymen Tabir | 02-15-06, 06:46 PM |
Re: TO WHOM IT MAY CONCERN .... | saif massad ali | 02-15-06, 08:55 PM |
Re: TO WHOM IT MAY CONCERN .... | Aymen Tabir | 02-16-06, 09:56 AM |
|
|
|