|
|
|
 Re: بورداب الرياض في ليلة جسّدتْ أبلغ المعاني (Re: شدو)
|
اخي شدو
لك التحية وكم سعدنا بلقياكم
Quote: واشكر كل الذين قالوا توقعنا ان نرى شدو وهو محمل بكل انواع الاسلحة اقلها السلاح الابيض ... لكن خابت امالنا .
|
انا قد كنت مهم ولكن شدو علي الواقع يختلف اختلافا بينارجل بشوش ممتليء بالبشر والحفاوة والطيبة
| Quote: لكن هكذا نحن الشعب السودانى نسخة واحدة اذا كنت فى عبرى او كتم او كرمة او فى اقصى قرى الجزيرة فى فطيس سابقا والصفا حاليا ، اذا كنت فى همشكوريب ولا ملكال فكلنا شئ واحد لا يفرقنا الا الظلم وبعض الاوهام . |
اخي قد اوجزت في كلمات
لك ودي
| |
 
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: ابو جهينة)
|
ليلة جميلة سعدنا فيها بلقاء إخوة أعزاء لنا من بورداب الرياض وفخورين جداً بمن تعرفنا عليهم من الأعضاء الجدد وبرغم المناوشات التي تحدث هنا وهناك من البورداب داخل البورد إلا أن الليلة عكست الحميمية بين البورداب مهما اختلفت اتجاهاتهم وأفكارهم حيث عانق الموج غريبة وردد الطالب باسمك الأخضر يا أكتوبر الأرض تغني ( وحنين شاهد ) على أنغام صاغتها أنامل ساطور الجميل وتباهى محمد الحسن بكثرتهم ( أعضاء المؤتمر الوطني فرع بورداب الرياض ) مشيراً إلى ود الباوقة وهتف الجميع مكبراً ومهللاً لا للسلطة ولا للجاه أثناء كلمة الرئيس ود الباوقة وعانق ود قاسم الذي جاء متأخراً الجميع وفي مقدمتهم الشفيف تمبس ورقص الجميع طرباً للفنان عمار السنوسي والأستاذ عز الدين آدم والشاب الوجيه الذي يستحق باسورداً من ذهب ليعتلي منبر سودانيز اون لاين الفنان إيهاب نميري والفنان ياسر الذي لم نحظى بالاستماع إليه لظروف فنية ... برغم جمال الليلة وحاضريها إلا أنني افتقدت كثيراً صديقي الجميل معتصم ولكن في الليلة التي يفتقد فيها معتصم يظهر دكين هذا النوبي المتمرد الفالت اللسان الرقاص ظهرت لنا أصالته في تلك الليلة . بورداب الرياض متعكم الله بالصحة والعافية وأدام الالفة والأخوة.
عزيزنا وحبيبنا ساطور
رافقتك السلامة و وفقك الله أينما حللت ... كنتا عايز أغني ليك ( كرو لى نقو لى تارا ويدو سو لى ) لكن مراعاةً للحضور قلتا أغنيها ليك لما تجي الشرقية حسب وعدك ... تحياتي.
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: عمران حسن صالح)
|
Quote: للترويج وسط الحسان
حملة بوردابية لدكين ( ورحلة البحث عن بت الحلال) |
لوووووووووووووووووووووووول وتاني لووووووووووووووووووووووووووووووووول!
يا اب ولد سمح ،
دكين ده لو عملتوا ليهو حملة ترويجية من هنا للسنة الجاية
ووزعتو معاه عربية مرسيدس وتذاكر مجانية للسودان،
وغفران ما تقدم وما تأخر
ما هقيت انه يخارج !
لوووووووووووووووووووووول
وعلشان الحلوين
تاني
لووووووووووووووووووووول
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: عزاز شامي)
|
Quote: وعلشان الحلوين
تاني
لووووووووووووووووووووول |
نحنا الحلوين بنشكرك..
عُزاز بالله عليك الحنية دي كلها والشعر المسبسب والعيون الغزلاني ..والنونات الحفر واللون القرمزي خاتف اللونين والقميص الكرستيان ديور والسجار الكوبي الماظهر في الصورة وباقي طشمة ساطور ..
هسع ده في ذمتك موش كتير على جنس البنات ؟؟
انا والله المفروض اكون غزال وتبع المحميات الطبيعية والحياة الفطرية ..
كيف ارضي اكونّي لي زولة واحدة ..
كيف تحتكرني انثى دون بقية اناث خلق الله؟؟
انا الافتراض البديهي بتاعي اني اكون على الشيوع ..بس الدنيا مظالم..
| |
|
|
|
|
|
|
|
|
 Re: بورداب الرياض في ليلة جسّدتْ أبلغ المعاني (Re: ابو جهينة)
|
عمران سلامات
ما زال الهتاف مستمرا
برضو التصوير فاشل
التصوير فاشل
تعرف ياعمران هنا مع بورداب الرياض في اي مناسبة نلقا
الكمرات بالكوم ،، شي فيديو ،، وشي دجيتل ،، وشيتا ما بعرفو
لكن المصيبة ما بنشوف ولا صورة ولا شريط ولا سي دي
بعدين يا عمران انت فقط صورت حنين ودكين وين باقي العصابة
وبمناسبة الصورة المرفقة اعلاه ،، والله اديتني فكرة خطييرة
تصدق بالصلعة الواحد بكون اكثر وجاهة
من بكرة اقود اديها ليك قرعة ( تبش تبش عجور،، الصلعة تولع نور)
لكن حلاقة الشنب دي ما بقدر عليها ،، يعني الواحد يكون اكرد
تب ،، ادروج ،، علي اليمين الأ ناس بربر يعلنوا فيني الجهاد
لكن اديني فرصة افكر في الموضوع
تصريجة
الريس ود الباوقة في كلمته قال سهوا( الأخوات الماجدات)
فعلق صديق الموج ( البعثي السابق نسي نفسو)
يا عمران واصل الأبداع ،، ولك الود
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: ابو جهينة)
|
تمبس الرشيق
والله دخلتنى نفق مظلم بشكل ، اخوك والعتبى على النظر شاف ليك فى مقطع الفديو
اولادوا الصغار وقال عامل ليهم مفاجأ0
فتحنا الفديو ما لقينا اى حاجه وهاك يااحراج وقعدت اعدد الاسباب لكن ديل ناس
القرن الواحد وعشرين كدى حلها لانهم منتظرين رد0
عندى ملاحظات بخليها للاحتفال القادم باذن الله0
تحياتـــــــــــــى
ســــــيد مســــى
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: ابو جهينة)
|
ناس اتلمت على محبات كبيرة كتيرة..
اجمل شي تلاقي ناس ما بينك وبينم سوى ايام سمحة ورقيص وطرب ومعزات لوجه الله..
ناس تلاقيهم تبتسم ليهم موش لانو نحنا ظريفين وبنجامل..لكن لانو ما بينك وبينو شي مابخليك تبتسم ليهو ..
مشكورين ناس ود محمد الشيخ وشتات وتمبس والعصابة التي سعت فانجزت..
ومشكورين ناس عمران وود الزين ..وكل الذين وثقو وابتسمو وتونسو وهججو ورقصو تلك الليلة في وداع العزيز ساطور..
ومبروك الكامري يا ود الباوقة..
ياخي انتا مدنك بطاقة خضراء ولا بلاتينية ؟؟
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: ابو جهينة)
|
سلامي الشديد ليكم
محطه صغيره مع فنان
اول حاجه اشكر كل البورداب الذين سمحوا لي باني اكون احد اعضاء هذا الملتقى الجميل ، صراحه كانت الحفله جميله جدا وكان الحضور اجمل ، والتنظيم كان على مستوى جميل جدا من هذه النقطه .
انا بشكر الاخ العزيز ( ود الشيخ ) والاخ العزيز ( تمبس ) وكلم نوجه لي دعوه باني اشارك افراح منتدى سودانيز اون لاين علما باني لمن اكن احد من اعضاء المنتدى
واشكر ايضا الاستاذ / ود قاسم والاستاذ الفاضل ( Badri ) على الكلامات الجميله الكتباعني
اشكر منتدى سودانيز اون لاين او اتاح لي لافرصه بالتعرف على الفنان الاستاذ ( احمد ساطور )
شكر ليك ليكم
ايهاب نميري
معليش الرد جاكم متاخر يادوب استلمته الباسورد
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: ابو جهينة)
|
عُزاز
نصيحة لله
شيلي الصورة دي من سكات واعمليها سكرين سيرفر ..
عمران بدر ليكم بي ليلة القدر ..
غيرك هسع حامد الله وشاكرو على الصورة.. وقاعدين يتذوقوها مع لحن الخميس بتاع تنقو ..
صورتي دي حرام ما يكون وراها موسيقى تصويرية مع انها لحن قائم بذاته..
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: ابو جهينة)
|
فنان مبدع
غنى واشجى
اطربنا ومتعنا
اعاد الحنين للقدماء العظماء
لم يترك لى ما اقوله الا مبدع مبدع
هذا الشبل من ذاك الاســــــــــــــد
حيوه معى بقدر ما احيا العظماء فى بلادى
هو الهادى الخلوق المرهف المكاشفى خضر بشير
متعه الله بقدر ما امتعنا فى تلك الليله
تحياتــــــــــــــــــــــــى لــــــــــــه
ســــــــــيد
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: سيد محمد احمد سيدنا)
|
الأخ العزيز جاد
تحياتي و تقديري
حقيقة سعدت كثيرا بملاقاتك ليلتها. و لم يخب ظني فأنت جاد قلما و شخصية .. و بروحك الطيبة و حبك للناس. نتمنى لقاءات أخرى.
الأخ الحبوب عمر الفاروق : لبس البدلة ليلتها كانت صدفة ( و رُبَّ بدلة خير من ميعاد ) ..
أخي الصدوق حريقة : تحية و محبة ..
شوفتك كانت عيد .. و للأسف لم أتمكن من الجلوس معك و لكن لنا لقاء بإذن الله
الأخ العزيز شدو : سلام كبير جدا
كنت أود أن نجلس و نناقش مواضيع كثيرة و متشعبة و خصوصاً أنت صاحب قلم متميز. الجايات أكتر من الرايحات
تحية كبيرة لكل من شارك هنا بالحرف و الصورة و الصوت.
التحية لبورداب الرياض و ضيوفهم.
و إلى مزيد من اللقاءات
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: ابو جهينة)
|
Quote: همسة لتتقبلها اللجنة المنظمة
بان دعوة الضيوف كانت تضم اسماء معينة
نحن نجلها ونحترمها بحق وحقيقة
ولكن منتدى بورداب الرياض للجميع ( اقصد الضيوف )
فحصر الضيوف دوما في امساء معينة و ذات صبغة معينة
وبالذات في مجتمع الرياض ....
له بعض الرؤى
ونتمنى في المرات القادمة ان تضم قائمة الضيوف اسماء اخرى
وهويات اخرى |
غريبة كان بودنا لو ان الدعوة شملت جميع الكيانات ولكن لانك الوحيد الذى لم يدفع المساهمة
خفنا ان يقصر العشاء ونحرج مغ ضيوفك الاكارم.عليه المرات القادمة ادفع زى بقية الورداب وادعو
مع المدعوين ضيوفا اخر،،،،
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: ترهاقا)
|
الاخوه الاعزاء بورداب الرياض....كان الامل يحدوني في لقاكم ومشاركتكم هذا اليوم السعيد...ولكن ابت الظروف الا ان تحرمني متعة المشاركه فكنت انا الخاسر الاكبر...ولكن اكيد لنا لقاء ذات يوم ان شاء الله...
أشكرك اخي تمبس علي الترحيب وايراد رقم التلفون وعذرا ان حالت ظروفي دون حضور تلك اللحظات ولكن عزاءنا في غيرها...
لكم كل الود والمحبه
اخوكم د. ياسر
| |
|
|
|
|
|
|
|
|
|
Re: بورداب الرياض في ليلة جسّدتْ أبلغ المعاني (Re: yasir Abdelgadir)
|
Quote: والله ما قايلك من بورداب الرياض ، بس ورينى إنت ويين يا جيتك يا جيتنى نخت
لينا كاسين قهوة ونتفاكر
ودمت أخى الكريم |
حقيقة يا اخى ساطور (ترهاقا) احساسى يقول لى هناك الكثير الذى يجمعنا ونامل ان نلقاك قريبا بقهوة او بدون قهوة ، وسوف اجتهد لالقاك انشاء الله .
| |
|
|
|
|
|
|
| |
Badri
ahmed haneen
عمران حسن صالح
ايهاب نميري
Al-Shaygi
سيد محمد احمد سيدنا
ابو جهينة
صديق الموج
ترهاقا
فيس بوك
تويتر
انستقرام
يوتيوب
بنتيريست