الى متى ؟ ولماذا !!!!!

Quote: اظكر... مرة في امدرمان... شفت واحدة سكرانة لط...وعريانة ملط.... متشنقلة علي قفاها..وراقدة في نص الشارع.... في السوق....وتغني..وكل ما يجي ضكر..ماري بي عندها ... تأشر علي" بكان ختري"وتقول لو"وين يا اكينا؟..اتفدلي"..يعني وين يا اخينا اتفضل... فارشاهو في سهلة الله وتعزم عليهو....حمكة ربنا اي زول يكون سكران يكون كريم جدا.... لكن نضر كرم الانتاية دي لا شفتا لا ريت؟....كان معاي صاحبي اسمو عثمان.... حنا عليها وملص عِمتو ومشى قال يغتيها ويسترا.... تعالي يا مرة الجن... اتشعلقي فيهو واقبضيهو... من حتة كعبة خلاص" برضو بكان ختري"...ويا الله يا امين حتين فكيناهو منها...الله يطراك بالخير يا عثمان... عرس قبال خمسطاشر سنة ولي حسي ما عندو جنا.... الناس متهمين المرا السكارنة ديك.... علا انا والله.. ودا نصمن بي يسعلني منو الله...ما ببهتا ساكت وكضب فوقها.... لما فكيناهو منها اصلو ما شفت شي في يدها...ولا حتى شفت لي كديسة بالغلت ساكت خاتفة شي وجارية....علا ناس الدنيا حليلكم منهم....حلفو قالو سمع اضانهم عثمان يوم الدخلة.... يبكي ويتنهف ويجعر ويغني... في الوحيد خلاني وحيد ... والعروس تقول لو.. الفراقو حار وشديد..... ممثلة وفنانة امريكانية.. اسمها..جينيفر لوبيز.... سمعت من زول انها أمنت علي قاعدتها الصلبة.. بي اتنين مليون دولار...شفتو المحن دي؟ اها ندخل في "صلب " الموضوع....انا سمعت بلاعب كورة يأمن علي كرعيهو...ملاكم يأمن علي ايديهو ووشيهو وراسو... فنان يأمن علي حلقومو... علا فنانة تأمن علي قاعدتها الصلبة .. دا يطرشني....دا تغا وفلهمة فايتة الحد...وبعدين من الله خلقني ما سمعت بزول قاعدتو الصلبة اتعطلت..ولاّ جاها التهاب....وجينفر دي زاتا ما عندها شي تأمن عليهو...يخربا...فناناتنا ليهن الله... الواحدة عندها قاعدة صلبة قدر الليلة وباكر.....لا اتفلهمت ولا تغت ولا قالت تأمن عليها... حايمات بهن في السوق العربي.... ومتوكلات علي الله...واصلو البي يتوكل علي الله ما بتجيهو عوجة....مع انو مفروض هن اليأمنن عليهن.... مهريات بي حقن المراريا....وبي مسامير كراسي الحافلات....لا شكن لا بكن.... ود اختي.. بيقرا في سنة رابعة اساس.. يوم من الصباح في حصة الدين المدرس سعالو.... قال ليهو من هي اول شهيدة في الاسلام....؟؟؟..... رد عليهو ود اختي وهو يشهّق...وقال ليهو...." سمية خشاب"........سمية خشاب ممثلة مصرية ديمة ناطا في المسلسلات....

القاهرة (المركز السودانى للثقافة والاعلام) يعرفونه بمركز الثقافات .. مكان ما بمدينة نصر - القاهرة .. بالمركز مكتبه لاباس بها كنا نطالعها من حين الى اخر .. وهذا للاسباب كثيرة منها فقرنا اى عدم قدرتنا فى شرا الصحف اليومية والمجلات .. كانت مجلة ادب ونقد .. و رؤى .. ومجلات اخرى تفرحنا كثيرا وتشعرنا بالفخر عندما نطالع عليها اسم احد الشباب السودانيين كعبد الحميد البرنس .. وكان هذا يزيد من اعجابنا بالبرنس وكتاباته المميذة ومواقفه ايضا ... وعندما نتقابل فى اماكن تجمعات السودانيين (ندوات .. دور احزاب .. منتديات .. الخ) كان البرنس شاب فى غاية الجمال والحيوية والتهذيب .. كثيرا ما تشعر بكم الفائده وانت تتجازب معه اطراف الحديث كغيره من الشباب التقدميين الجميلين اللذين تقابلت معهم امثال (عصام العجمى _ مصطفى كبير _ عصمت عبد المنعم _ اسامه صديق يوسف .واخرين كثر)
المؤسف يا برنس ان تدعم مثل ما يكتبه (سجيمان) بل وتروج له .. ما هذا البهتان يا برنس ..
قرات كثيرا عن تبريرات البرنس .. وكيف ينظر لكتابات سجيمان .. ولكن للاسف لم ارى انها مقنعة تماما .. بل مخجلة و حضر الى كتاب منصور خالد (النخبة السودانية وادمان الفشل) ..
وهنا لا اصفك المثقف السودانى بل كنت انت المثقف التقدمى والذى ببساطه يرفض ويحارب كل ما هو قبيح ومضر ..
فهل هذا موقف كل المثقفين التقدميين من مثل ما يكتبه سجيمان ..




الريح كودى

Quote: (و....كان ود الطهـــور..دينـــكاوياً الجمل... حيوان....فعلا ضخم.... وجهامة....ولما يكورك.... مزعج ويخوف الما يخاف.... اخوانا الجنوبين الله يصلحهم ويصلحنا... قاعدين يخايفو منو.... خوف شديد.... يعني لو رسمت لي واحد فيهم جمل.. في ورقة ووريتو ليهو..... تلقاهو... قام صوف..... حلفو قالو في جنوبي... في زنك اللحمة حق بحري.... واقف جنب الجزار... الجزار قالو عندنا لحم جمل.... الجنوبي..دا.... وقّف اضنيهو.... وبقى رقيق....وجري.... ما حاشهو علا في الحاج يوسف....ولي حسي مكتّف في ام ضبان ..والفكي يعزم لو...ويقرا لو..... بند سري من بنود.. اتفاقية اديس ابابا... انو ما يجيبو سيرة الجمل بالغلط ساكت.... لا في قراية......ولا في ونسة.... ولا في بيرة...حتى القروش الاكان مرسوم فيها الجمل ديك غيروها........... .صاحبي ماجوك.... زول صاحبي جد جد والله.... دينكاوي... وعلي العليهو شاعر.....لكن بعدين اسلم...... منو وليهو...دخل الاسلام... من قصايدو.... قصيدتو في تريزا....مرتو....وحات الله قاعد يريدا جنس ريده عينة...قال فيها تريزا يا هلوة يا كرئين تواااااااال زي كرئين زراف ما بي يسبه الأواليق داك اسان انينا منو بي.... كاف الترجمة تريزا يا حلوة... يا كرعين طواال زي كرعين زراف ما بي يشبه العواليق داك عشان نحن منو بي .....نخاف ....و العواليق المقصود في هذه القصيدة العصماء.... هو الجمل.... شفتو الكجنة دي؟....حتى اسمو ما داير يجيبو..... ماجوك لما اسلم شحدناهو...عشان يطهّر... باللوال عصلج علينا...ومن نجيب لو سيرة الطهارة..... يمسك عراقيهو من قدام ويقوم جاري........ شوية شوية رضا...... كلمنا عمنا حسن طهّار الحلة.....وقلنا لو دايرين نطهر ماجوك دا... الزول بقى مسلم...عمنا حسن .... بارك الله فيهو قبل يطهر الزول القدرو دا.... وجيبنا ماجوك وفي نص حوشنا فرشنا لو العنقريب....ومسكوهو وهجروهو اربعة رجال.... عمنا حسن عاين لو اشهّد.....وقال لنا حسي زولكم دا يطهروهو بالطول...ولاّ بالعرض؟.....انا قلت لو شوف يا عم حسن ماجوك دا ولدك......والبي يريحك سويهو...اهاااا قام طهرو بالطول.....وهو شغال يطهر.... عاين لي وقال لي يا سجيمان عليك الله جيب لي قـُفة فاضية..... سعلتو لي شنو يا عم حسن؟..... قال لي عشان اخت فيها الجِلد...... عم حسن منعمنو شفت... اتاريهو عندو رأي في الجلد.....انتهت الطهارة..... قوم يا مجوك.... اهرج فوقنا وكيف الطهّاريشيل الجلد....وقال الجلد انا كنت دايرو لي تريزا عشان تضبب بيهو عكازا....قلت لو يا مجوك احمد ربك عمنا حسن الطهّار دا.... نوع طهارتك دي وحات الله قاعد يشيل فيها الجلد والراس....دحين وقت اتفنجر وخلا لك الراس ماقصر معاك والله.... عم حسن الطهار.... شيل الجلد داك....وامشي سوق الجلود في امدرمان عشان تبيعو.......ويلمو فيهو ناس حرس الصيد....ويمسكو عمنا حسن...ويصادرو الجلد..... الغبيانين قايلنو جلد اصلة......... تريزا جات...من البلد...ما عارفين الحدسا منو بالطهارة؟.....وهي غناية....وحلفت تِف علا تسوي حفلة لي ماجوك..... وقالت عندها ليهو غنية جرتق........ يا بنينا هيييييييييي.......... بن وبنا بين يا بنية......بنينا هيييييييي عاجبني الولد.......... عاجبني الولد الراقد في العنقريب طويل وممدد عاجبني الولد اب جِلدن تخين ومااااااااهو مقدد يا بنينة هيييييييييييييي عاجبني الولد....... عاجبني الولد البي ينهر نسيبو ويهرش حماتو ان شاء الله يدُ قني شديييييييد واموت......زاتو يا بنينة هيييييييييييييييييييييييييي عاجبني الولد.... عاجبني الولد الفي الحارة والطهارة يشد الحيل عاجبني الولد اب جلدن اصلة مو جلد صارقيل يا بنينة هييييييييييييييييييييي بعد يومين..... اشوف عم حسن الطهار ومعاهو ماجوك وتريزا.... بيشاورو فيهو عشان يطهر تريزا برضو..... لكن ماجوك...شايفو ينهر في عم حسن وقالو اوئئئئك... تشيلي جلد.............. )

Quote: هل تعلم ياعزيزي الريح أن صحيفة بمستوي صحيفة الصحافة (الغراء) في وقت مضي أصبحت تبشر في صفحاتها الاولي قبل ايام بأن ترقبو (ونسة الجمعة مع سيجيمان) وتقدمه لشعب السودان كوناسة أتمني أن تتعامل مع الحالة وفق هذا المصطلح . صحيفة الصحافة ياصديقي الان تقدم لقرائها سجيمان وملايين (السجمانيين ) في طبعة انيقة وفي وقت كان فيه المواطن السودان أحوج لقراءة تحليل صحفي جيد أو قصة محترمة تقدم سيجيمان وغيره لان الصحافة السودانية أصبحت مهمومة بالتوزيع وناس سجيمان ديل يعجبوك في التوزيع والانتشار . هذا هو حال السودان وهذه هي قيم الصحافة التي تؤسس لها الخرطوم عاصمة الثقافة العربية . دعهم ينتشرون فأقلامهم كفيلة بهم وشعبنا يفرز جيداً .