محكمة ال SPLA تقتل زوجتين متّهمتين بالزنا بدفنهما حيّتين و تفرج عن الزانيين!!!!

Quote: دعونا فى هذا البوست نسبر غور موضوعة حقوق الانسان فى جنوب الوطن. و نتحدث عن اهمية تغيير العقل الحاكم هناك (mindset) من الشرعية الثورية الى القانون والدستور واحترام حقوق الانسان والانتماء الى مدنية حديثة ومتحضرة، ومواكبة للتطورات القانونية والعدلية فى الاقليم وفى العالم. وهذا الكلام بعينه ينطبق على الحكومة فى الشمال التى تمتلئ دفاترها وتنوء بجرائم وانتهاكات ما انزل الله بها من سلطان. لا يجب ان يكون كلامنا عن حقوق الانسان فى جنوب الوطن كفارة لجرائمنا فى شمال الوطن وفى شرقه وفى غربه وفى وسطه. الامر ليس "tit for tat" كما يقولون. الامر ليس شماتة كما حاول البعض هنا ان يقول.. الامر هو الموقف المبدئى من قضايا العدل واحترام حقوق الانسان فى الجنوب او فى بلاد الواق واق.

سلام

واحد: أخونا عادل سلامات - المسألة يا سيدى ما موضوع Tit for tat يعنى انتو عملتو كدة
و ناس الشمال ما عملوا كدة و ناس الجنوب ديل برضو ما عملوا كدة و تبقى القصة شمار فى
مرقة - انا بأكد الموقف المبدئى من اِحترام حقوق الاِنسان اى كان فى واق الواق و لا السماء
الأحمر لكن المشكلة فى الناس الفى المنبر دة القاعدين يطبلوا لى حركة السجم و الرماد دى
على اِنها المخلص الأساسى و المنقذ و الحصان الذى ليس فيه اِلا كل الحرية و حقوق الاِنسان و
العدالة و الديمقراطية - فى بوستات كتيرة اِتفتحت و انا كنت من بعض الناس الذين أدانوا
مواقف الحركة فى مجال حقوق الاِنسان و بالتحديد كنت قبل يومين خاتى صورة أحد الأطفال من
الذين جندتهم الحركة (قد اِستبدلتها الأن بصورة اِبنى الصغير) فى حربها ضد الشمال تعبير عن
موقفى ضد اِستغلال الأطفال فى الحروب - الزول الوحيد الأدان هذا الأسلوب بتاع الحركة كانت
نور تاور - كدى انت ذاتك تعال علشان تدين تجنيد الشفع ديل فى جيوش الحركة ورينا رأيك فى
الصور دى شنو





اها دى عينة بس و ما خفى كان أعظم

كتبت الأخت نور تاور العديد من البوستات و فى هذا البوست أيضا عن مواقف الحركة و النوبة
فى الجبال و كتب الأخ أمير بابكر عن الحركة فى بوسته الشهير رسالة الى قائد الحركة او ما شابه
ذلك - مافى زول جاء قال يا امير الحاصل شنو و غير أن حاول بعض المتنطعين التشكيك فى مصداقية
نور حول ما كتبته عن الحركة و النوبة ما فى زول فتح خشمو - حسى فى البوست دة
فى زول من ناس الحركة جاء أدان ممارسات الحركة الواردة فى البوست دة و لا حتى واحدة من
بتاعات حقوق المرأة - انت كنت وين لمن نور كتبت و أمير بابكر كتب و انا كتبت فى بوست جعفر
بشير و دى كلها بوستات عن الحركة و الديمقراطية و حقوق الاِنسان - كان أحسن تراجع البوسات
دى بدل ما تجىء تتهم الناس بال Tit for tat او عدم المبدأية فى الموضوع

الموضوع ما شماتة - الموضوع بى بساطة خيانة من هؤلاء النفر لى حقوق الاِنسان و لا المراة بأى
صورة شأت ان تراها - علشان كدة المرة الجاية البهائم ديل ما يجوا ناطين لينا هنا يعملوا
لينا فيه أبو عرام - الناس ديل حولو الدفاع عن حقوق الاِنسان الى موقف سياسى و ليس موقف
مبدأى علشان كدة ما عندهم مصداقية تانى يوروا وشهم - يعنى بالعربى كدة مدام
انت معاى مافى مشكلة مدام انت عدو الله قال بى قولك - المنبر هاج و قعد فى
الجنوبيين الكتلوهم فى القاهرة لكن زول فتح الله عليهو بى كلمتين علشان النسوان الدفنوهم
حييات ديل مافى

سجل الاِنقاذ فى حقوق الاِنسان ما داير ليهو درس عصر لكن على أقل تقدير عمر البشير ما قال
انا جاى أجيب حرية و لا حقوق اِنسان و لا غيرو - المشكلة فى الناس القاعدين يوهموا الشعب دة
على انهم المخلص و ال حا يجيبوا العدالة و الحرية و المساوة و هم ذاتهم سجلهم فى ما يدعون
اِليه لا يقل عن سجل الاِنقاذ


تانيا : يا نور سلامات و الشوق مطر - طبعا حا تجيك الأخبار - المهم مشغول شديد و ما لاقى
طريقة أتصل لكن ليك على قبال نهاية الأسبوع اِلا أضرب ليك

و بالمناسبة أخونا جاد دة ما زول حركة - الزول دة حسب فهى لى ما كتب الزول دة قاصد
هل اِتهاماتك دى حقيقة و ما قاصد انو كلامك كلام فارغ ساكت و لا دليل عليهو - الرجاء اِعادة
القرأة مرة أخرى


و شكرا يا شباب النوم وجب

(عدل بواسطة zoul"ibn"zoul on 01-25-2006, 10:50 PM)
(عدل بواسطة zoul"ibn"zoul on 01-26-2006, 08:32 PM)
(عدل بواسطة zoul"ibn"zoul on 01-27-2006, 09:05 PM)