|
اقول قولى هذا ..ثم أمضى الى حين !!!!
|
بداءا من رب هذا المنزل العامر بالحب والصفاء والنقاء السودانى الاصيل ..رغم الحدة والتلاسن والتخاشن والمعارك الازلية !! الشقيق بكرى أبو بكر
ومرورا بكل اعمدة هذا المكان دون فرز .. فردا فردا ..خوفا من النسيان !!
اقسم برب هذا الكون ورافع السموات بلا عمد ..وخالق البشر والاحياء اجمعين ..اقسم بالذى اوجدنى بينكم هاهنا دون سابق ترتيب منى ..!!
اقولها لكم صراحة .. أنا لااكن سوى الحب والحب والحب والاحترام لكل من جمعنى بهم هذا المكان حتى اولائك الذين (يكجنوننى ) ربما !!
أحب الاربعة الاف عضو وعضوة فى هذا البيت الحميم جدا ..
واكن كل الاعزاز والتقدير لزوار هذا البيت السودانى الطيب من مختلف الجنسيات ..
حضرت الى هنا اليوم وتركت ورائى ابنتى ايمان وقد (نهرتها) يابت امشى اقرى احسن ليك !!!
فنظرت لى شذرا .. ويعنى يامامى انتى ماعندك امتحانات وقاعدة فى سودانيز اون لاين ليه بقى ؟!!!
انتى الولدتينى ولا انا الولدتك يابت ماتناقشينى امشى اقرى قلت ليك ؟!!!
نعم هذا هو السبب الوحيد والله ..الامتحانات ..انا وابنتى فى حالة امتحانات وهذا كل مافى الامر !!
اشكر جزيلا كل من هاتفونى للاطمئنان وكل من ناشدونى بالعودة ظنا منهم اننى قد ذهبت غاضبة لاسمح الله !!
شكرا سيف مساعد لذلك البوست الحميم وشكرا لكل من دخله مناديا شخصى الضعيف ومناشدا بالعودة الى المنبر الذى ماتركته ولاتركت احبابى فيه الا للشديد القوى ..الامتحانات البايخة !!
لكم جميعا اجمل وارق التهانى بكل المناسبات الطيبة التى قد مضت او التى سوف تاتى ..!!
واشكر حبيبتى الغالية فى منتدى عكس الريح ريمان ..نونة الحبيبة التى قد كلفت نفسها دولارات امريكية عديدة جدا للاتصال والاطمئنان على ثم حثى على قطع المزاكرة والدخول الى المنبر لكتابة هذا البوست لكى اقول لكم جميعا هانذا مازلت حية ارزق واريد من قلوبكم النقية الدعاء الصادق لى ولابنتى بالتوفيق والنجاح وليوفق الله الجميع الى مايصبون اليه
امممممممممممممممممممممممممين
|
|
|
|
|
|
|
|
Re: اقول قولى هذا ..ثم أمضى الى حين !!!! (Re: نادية عثمان)
|
رجع البلد بعد السنين المره ياداب العيون سهرن هجد
في عيونو فاض شوق من حبو للناس .. للوطن ما غيرت ريدتو السنين ولا بدل احساسو الزمن شفنا المشاعر الحلوه في اعماقنا بالآمال مشت حليلو ما رجع البلد وعيونا ما سهرن هجد.
(...)
-----
بالتوفيق يا النادية وعقبال نرجع كلنا البلد.
| |
|
|
|
|
|
|
Re: اقول قولى هذا ..ثم أمضى الى حين !!!! (Re: القلب النابض)
|
الحبيبة ست الكل
دائما لما اشوفك بتجي اغنية ست اللهيج السكري في ذهني اصلي عاملة لأي زول في المنبر دا اغنية..
حتوحشينا حتى نستغيث...
وسننتظرك على اغنية انا واقفة مشورورة محطة سبعة تشهد( تتغير المحطات على حسب السكن)
وحيكون مكانك شاغر..
بالله الا يطير الامتحانات دي منذ متي يمتحن الانسان اخيه الانسان عوجة بس بالتوفيق لك ولايمان
ونودعك باغنية خالدي وهى اغنيتي المفضلة
حتى لو يالسمحة غبتي بدعو رب الكون يرعاك..
| |
|
|
|
|
|
|
Re: اقول قولى هذا ..ثم أمضى الى حين !!!! (Re: bayan)
|
بيان الحبيبة
الله لو تعرفى قدر ايه انا قلبى سعيد جدا بوجودك معنا هنا فى هذا الفضاء (اللغم) !!!!
ياست القليب الطيب
ياغالية يازينة حياتى ياعسللى ياام الزهرات
تسلمى يارب وان شاء الله اشوفك بخير دائما
وماتنسينى من الدعوات انا وبتى بالله
| |
|
|
|
|
|
|
Re: اقول قولى هذا ..ثم أمضى الى حين !!!! (Re: نادية عثمان)
|
Quote: دائما لما اشوفك بتجي اغنية ست اللهيج السكري في ذهني اصلي عاملة لأي زول في المنبر دا اغنية..
حتوحشينا حتى نستغيث...
وسننتظرك على اغنية انا واقفة مشورورة محطة سبعة تشهد( تتغير المحطات على حسب السكن) |
بيان الخترة
حوليها لي محطة الزمالك
يا تري اغنيتي شنو !! بعد اذن بت خالتي طبعا في التهريج في بوستها
| |
|
|
|
|
|
|
Re: اقول قولى هذا ..ثم أمضى الى حين !!!! (Re: Adil Osman)
|
عادل عثمان (ود ابوى)
جبتها من وين الصورة دى يازول ياخترى ؟!!
هههههههههه
والله تصدق اشتقت أكتب تصريح واقول
اكد الفريق عبد الرحمن سعيد نائب رئيس التجمع الوطنى الديمقراطى !!!!
من يوم سعادة الفريق مابقى وزير تقانة وانا فى شئ رايح لى ماعارفة هو شنو اقايتو !!!
بكون تصريح من سعادتو موش؟!!
| |
|
|
|
|
|
|
Re: اقول قولى هذا ..ثم أمضى الى حين !!!! (Re: نادية عثمان)
|
الأستاذ/ نادية .. كأني بك تقولين مع سيدنا عيسى عليه السلام (أحسنوا إلى من يسيء إليكم باركوا لاعنيكم).. ومن أراد لهذا العالم أن يكون عالم أجمل فاليعمل في إتجاه خلق هذا الجمال .. أما من يصرون على زرع الشوك فإنهم (لن يجنوا من الشوك العنب).. المنى لك بالتوفيق والعود الحميد.
| |
|
|
|
|
|
|
Re: اقول قولى هذا ..ثم أمضى الى حين !!!! (Re: Tumadir)
|
تماضر بت شيخنا
ان شاء الله انتى لاتفوتى لاتموتى يابت الناس الطيبين ياغالية
عارفة ؟
والله العظيم انتى نوع كده من البشر عامل زى البلسم لو مر باعمق جرح نازف حايطيبو بامر الله !!!
وماتخافى ياسكر منبرنا حقوق الملكية محفوظة (للمكجنيين ) فى الارض جميعهم !!
اسمعى واصلى الدعوات مرة تقولى لنادية بت عزيزة ومرة لايمان بت نادية
سمح؟!!
| |
|
|
|
|
|
|
Re: اقول قولى هذا ..ثم أمضى الى حين !!!! (Re: Mohamed Abdelgaleel)
|
الاكرم محمد عبد الجليل
Quote: كأني بك تقولين مع سيدنا عيسى عليه السلام (أحسنوا إلى من يسيء إليكم باركوا لاعنيكم).. ومن أراد لهذا العالم أن يكون عالم أجمل فاليعمل في إتجاه خلق هذا الجمال |
الله على نبل اخلاقك ايها الرجل ..
شكرا جميلا على حسن ظنك بى
وهيا نمد ايادينا بيضاء باتجاه قلوب بعضنا البعض ونزرع الجمال بساتينا ونرويها بالصفاء والنقاء من دواخلنا ابدا
كن كما انت دوما ايها المحمد الجليل
| |
|
|
|
|
|
|
Re: اقول قولى هذا ..ثم أمضى الى حين !!!! (Re: tmbis)
|
تمبس الغالى جدا
تسلم يازول ياحنون وربنا مايحرمنيش من رقة روحك دى يارب
ايوة عليك الله خت لى طوبة فى حتتى لحدى مااجى سمح
اسمع صورى العندك ممكن تجيبها تختها هنا كلها بدل الطوب عشان اعمل للجماعة ديل وجع وش وماينسونى كلو كلو ..وكمان اغنية على زوقك كده سمح؟
| |
|
|
|
|
|
|
Re: اقول قولى هذا ..ثم أمضى الى حين !!!! (Re: نادية عثمان)
|
ناديه تحياتى انا عارفك انت وبنتك ربنا يخليها عندكم امتحانات المهم يا ناديه انك محبوبه كل هذا الحب من الناس ولما تغيبى بسالوا عليك والمحظوظ وربنا بحبه بحبوه الناس شوفتى غلاةتك كيف عند الناس ربنا يجعلنا جميعا من المحبوبين وبالتوفيق يا حلوه انت والاموره
| |
|
|
|
|
|
|
Re: اقول قولى هذا ..ثم أمضى الى حين !!!! (Re: عبد الغفار عبد الله المهدى)
|
الزول الرائع عبدالغفار عبد الله المهدى
تسلم ياغالى وماتقطع اتصالاتك بالله
Quote: المهم يا ناديه انك محبوبه كل هذا الحب من الناس ولما تغيبى بسالوا عليك والمحظوظ وربنا بحبه بحبوه الناس شوفتى غلاةتك كيف عند الناس ربنا يجعلنا جميعا من المحبوبين وبالتوفيق يا حلوه انت والاموره |
ياسلام على الكلام الزى العسل وفعلا اروع شئ فى الدنيا انك تكون محبوب
وربنا يحبب فينا خلقو يااااااااااااااااااااااارب
| |
|
|
|
|
|
|
Re: اقول قولى هذا ..ثم أمضى الى حين !!!! (Re: ثابت محمد)
|
ثابت محمد النبيل
تسلم من كل شر يارب
الحب الحقيقى بين القلوب العمرانة مابحتاج لاستفتاء ياشقيق
Quote: أقول ليك حاجة ؟؟ إنتي وبنتك ناجحين هنا وفي الإمتحانات خلاص كده إرتحتي ؟؟ |
الله عليك يارائع
ده الكلام ..اها استمر فى الدعاء عايزة تقدير عالى سمح
| |
|
|
|
|
|
|
Re: اقول قولى هذا ..ثم أمضى الى حين !!!! (Re: bob)
|
بوب الغالى
تسلم يازول ياراقى
Quote: قربتى تقولى واستغفر اله لى ولكــم قوموا الى صلاتكم ارحمكم اللــه |
ضحكتنى والله !!
اقايتو لو كنت قلتها كان ممكن يجى زول يقول لى ..استغفرى لروحك منو القال ليك انو نحنا عندنا ذنوب !!!
استغفر الله لى وكل زول يستغفر ويقوم الى صلاته ويساوى الصفوف براحتو !!
| |
|
|
|
|
|
|
Re: اقول قولى هذا ..ثم أمضى الى حين !!!! (Re: munswor almophtah)
|
الغالى الرائع منصور المفتاح
Quote: لولا الإمتحان بتجينا ما بتغيبى والممتاز فجر بتخمى لينا تجيبى الناس بالكلام عابوك ما بتعيبى يا ورد القرفل للنحل بطيبى |
بس حب العباد فى الدنيا باقى نصيبى
من تبيت صغيرة وهسة بعد مشيبى
الزول لو كرهنى بشوفو برضو حبيبى
الدنيا ام قدود زادت شقاى ونحيبى !!
| |
|
|
|
|
|
|
Re: اقول قولى هذا ..ثم أمضى الى حين !!!! (Re: نادية عثمان)
|
ندووووووووية
اشتقنا ليك والله ياعسسسسسسسسسسسسسسل واشتقنا لإطلالتك الحلوة بيناتنا
وربنا يوفقك انتى وبنيتك وتنجحو كدة نجاح باهر بس ماتنسينا فى الحفلة بتاعت النجاح عشان انا محضرة لإيمان هدية كبيييييييييييييييييييرة سمح؟؟!!
| |
|
|
|
|
|
|
Re: اقول قولى هذا ..ثم أمضى الى حين !!!! (Re: ود المايقوما)
|
ود المايقوما .. شقيق حلتنا سلام اخوى العزيز
Quote: ياريت لوغاب ال 4000 |
يعنى انت قصدك نشتت كلنا ونخلى المنبر خلا على بكرى ولاشنو ؟!!
تصدق اتخيلت لو قام بكرة من النوم بكرى ابو بكر ولقى المنبر فااااااااااااااااااااااااااااضى حايسوى شنو ؟!!!
| |
|
|
|
|
|
|
Re: اقول قولى هذا ..ثم أمضى الى حين !!!! (Re: khaleel)
|
خليل العزيز
Quote: يا بت امشي اقري احسن ليك
عشان بعدين ما تملحقي وتربتي
وتجيك نفسيات |
ياخى تف من بقك ياراجل ..والله قلبى انقبض يارب انجح قول امين ياخليل عليك الله
كم مرة كده ياخليل بالله ؟!!
مرة واحدة بس موش ؟!!
بتوحشونا والله وبعمل بريك بالطلة عليكم يااحلى ناس فى الدنيا يااولاد وبنات بلدى الغالى ..
| |
|
|
|
|
|
|
Re: اقول قولى هذا ..ثم أمضى الى حين !!!! (Re: شمس الدين محمد العوض)
|
الاكرم شمس الدين محمد العوض
Quote: هل غادر الشعراء من متردم ****** أم هل عرفت الدار بعد توهم يادار ليلة بالجواء تكلمي *******وعمي صباحا دار ليلة وسلمي |
ياسلام على هذه الروعة ..ولن يغادر الشعراء مادام انك هنا تأتى اليهم بهذا البوح الحميم
ولله درك ياعاشق الشعر العربى الجميل ..
| |
|
|
|
|
|
|
Re: اقول قولى هذا ..ثم أمضى الى حين !!!! (Re: Mohamed Adam)
|
دائماً بجي متأخر ....
الناس شالت الفاتحة ورفعت الصيوان وأنا يا داااااب جاي بجرجر في رجولي ، عارف إحساس البيكون مقصر عامل كيف ؟ يا هو الزي حالتي دي ...
نادية عثمان
بالجد مفتقدك كتير ، والمنبر صاني صنونيّة غريبة طبعاً
أتمنى لك التوفيق والنجاح وللأمورة بنتك وما تنسي تسلمي لي على الخالة فكتوريا عليك أمان الله
هشام آدم
| |
|
|
|
|
|
|
Re: اقول قولى هذا ..ثم أمضى الى حين !!!! (Re: هشام آدم)
|
الشاعر المرهف هشام آدم
التحايا الباسقات لشخصك النبيل
شكرا كثيفا ياهشام على دعواتك الطيبات لى ولابنتى بالنجاح
ولم تات متاخرا ابدا فوجودك وكلامك الطيب له وقع البلسم فى النفس الجريحة دوما اخى العزيز
كن بالف خير ابدا
وطمّنا عليك بالله
| |
|
|
|
|
|
|
Re: اقول قولى هذا ..ثم أمضى الى حين !!!! (Re: Dr.Saeed Zakarya Saeed)
|
النبيل د. سيد زكريا سيد
شكرا لمرورك الحميم ايها الرجل النقى
Quote: اقول قولي هذا ثم امضي الي حين عسي ان لا يطول هذا الحين وتعودين ايتها البنت الغياظة لكي ودي |
كلماتك الطيبات هذه لن تجعلنى اغيب ابدا ابدا ولك وللولد الغياظ التحايا
بالمناسبة لاتتركوا ذلك الولد الغياظ يهبط الى القاع وسوف اعود اليه قريبا جدا ..سمح؟
| |
|
|
|
|
|
|
Re: اقول قولى هذا ..ثم أمضى الى حين !!!! (Re: Mohamed Adam)
|
الاكرم محمد ادم
Quote: شُـعلّة سودانيّزأونلاين.. لِمن تترُكيّه؟. أرجوا أن لا يطول غِيّابِك لأنو مُحتاج لنّوركْ أويِ. |
شكرا لكل هذه الاريحية والروح الطيبة
واتمنى ان اكون عند حسن الظن بى دوما
شكرا كثيفا ولاتنسانى وابنتى من الدعوات الطيبات
وكن بالف خير
| |
|
|
|
|
|
|
Re: اقول قولى هذا ..ثم أمضى الى حين !!!! (Re: طارق أحمد أبوبكر)
|
الاكرم ..النبيل طارق احمد ابو بكر
Quote: المتفرده نادية عثمان ذلك الوجه المشرق للسودان .. قلوبنا معك وتمنياتي لك ولكل من تحبي بالنجاح والتوفيق والسداد .. |
لا ولن اكون مشرقة الا بكل ه>ا الحب وه>ه الطيبة من قلوبكم العامرة بكل الخير دوما
سعدت بمرورك ايما سعادة
ودعواتك الطيبات اتمنى ان تكون من حظى ونصيبى وابنتى الغالية ايمان
| |
|
|
|
|
|
|
|